گوگل میپ میں صارفین کیلئے تین نئے اہم فیچرز کا اضافہ

گوگل میپ دنیا میں راستے تلاش کرنے کے لیے سب سے زیادہ مقبول سروس ہے۔ صارفین تک اس سروس کی افادیت کو مزید بڑھانے کے لیے کمپنی تین اہم فیچرز کا اضافہ کرنے والی ہے۔
گوگل کی جانب سے مستقبل میں متعارف کرائے جانے والے فیچرز میں پہلا فیچر گلینس ایبل ڈائریکشنز کا ہے۔ یہ فیچر اس سروس کے استعمال میں سبب سے بڑی تبدیلی قرار دی جارہی ہے۔
عام طورپر صارفین لائیو اپ ڈیٹ کےلیے میپ میں لوکیشن ڈال کر سفر شروع کرتے ہیں اور سفر کے ساتھ ساتھ میپ ان کو یہ بتاتا جاتا ہے کہ کس موڑ پر مُڑنا ہے یا کونسا راستہ اختیار کرنا ہے۔اس فیچر کے بعد یہ سب معلومات بطور پری ویو دیکھی جا سکیں گی۔اگر صارف کسی بتائے گئے رستے سے ہٹ کر چلنے لگے تو نقشے کی جانب سے دوسرا رستہ تجویز کردیا جائے گا۔ فیچر کے ساتھ فون کا لاک کھولے بغیر بھی اپ دیٹ دیکھی جاسکیں گی
گوگل ڈیسک ٹاپ کے لیے ’ری سینٹس‘ نام کا فیچر بھی متعارف کرائے گا۔ یہ فیچر میپ پر تلاش کی گئی جگہوں کو خود بخود ایک جگہ اکٹھا کر دے گا۔ اس کے اندر ٹولز کی مدد سے صارف اپنی منزلوں کے لیے مرضی کا راستہ بنا سکیں گے۔
متعارف کرایا جانے والا تیسرا اور آخری فیچر اِیمرسِیو ویو کا ہوگا۔ فیچر میں چار شہر (ایمسٹرڈیم، ڈبلِن فلورینس اور وینِس) اور 500 مشہورمقامات (سِڈنی ہاربر برج یا پراگ کا قلعہ) شامل کیے گئے ہیں۔