الیکشن تیاریاں،ق لیگ کا چاروں صوبوں میں پارٹی کو متحرک کرنے کا فیصلہ

پاکستان مسلم لیگ ق نے آئندہ انتخابات میں بھرپور حصہ لینے کے لیے پارٹی کو چاروں صوبوں میں دوبارہ متحرک کرنے کا فیصلہ کرلیا۔
آئندہ انتخابات کی تیاریوں سےمتعلق مسلم لیگ ق کا مشاورتی اجلاس ہوا، جس میں چوہدری سرور،طارق بشیر چیمہ، چوہدری سالک حسین مصطفیٰ ملک،انصر فاروق شریک ہوئے۔
اجلاس میں فیصلہ کیا گیا کہ مرکزی قیادت جلد بلوچستان اور سندھ کے تنظیمی دورے کرے گی۔ ملک میں سیاسی ہم آہنگی کیلئے چوہدری شجاعت حسین کے وژن کو آگے بڑھانے کا بھی فیصلہ کیا گیا۔
اجلاس کے دوران آئندہ انتخابات سے قبل مختلف سیاسی جماعتوں سے سیٹ ایڈجسٹمنٹ پر بھی غور کیا گیا جبکہ مختلف شخصیات،سیاسی جماعتوں سے رابطوں پر پیش رفت کا جائزہ لیا گیا۔