کراچی سے طوفان کا خطرہ ٹل گيا ، بائپر جوائے کا رخ تبدیل

کراچی کے سرسے طوفان ٹل گيا ہے اوربائپر جوائے نے رخ تبديل کر لياہے، طوفان آج کیٹی بندراوربھارتی شہرگجرات کی ساحلی پٹی سے ٹکرائے گا ۔ طوفان کٹی بندر سے دو سو چالیس کلوميٹر دورہے،سندھ کی ساحلی پٹی پرطوفان کے اثرات نمودار ہونا شروع ہوگئے ہیں ،جاتی،کھاروچھان اورشاہ بندرخطرے کی زد میں ہیں۔
طوفان کے اثرات
بائپر جوائے طوفان کے اثرات کے سبب بدین اورٹھٹھہ میں تیزہوائیں،ہائی ٹرانسمیشن لائن کےپول گرگئے، گولارچی کے زیرو پوائنٹ ، کیٹی بندراورگردونواح کے دیہات میں پانی داخل ہوگیا، کراچی میں ہاکس بے اورریڑھی گوٹھ پرلہریں بے قابو ہیں، جہاں پانی سڑک پرآگیا، اورماڑہ میں بھی طغيانی سے پانی شہرميں داخل ہوگیا ۔ لنگراندازچھوٹی کشتیوں کو طاقتور لہریں بہا لے گئیں ۔
طوفان کے پیش نظرکراچی میں سوملی ميٹر بارش کا امکان ظاہر کیا گیا ہےجبکہ ٹھٹھہ ، بدین ، سجاول ، تھرپارکراورمیرپورخاص میں تین سوملی ميٹر تک بارش کی پيشگوئی کی گئی ۔
این ڈی ایم اے کی اپڈیٹ
طوفان کراچی کےجنوب مغرب سے310کلومیٹر جبکہ کیٹی بندرکےجنوب مغرب میں240 کلومیٹر اور ٹھٹھہ کےجنوب مغرب میں300کلو میٹر کے فاصلے پر ہے،طوفان کےگرد150 سے160کلومیٹرکی ہوائیں اور180کلومیٹرفی گھنٹہ کی رفتارسےجھکڑ بھی چل رہےہیں۔
طوفان کے مرکز کے گرد30فٹ لہریں بلند ہورہی ہیں،طوفان ٹکرانےکی صورت میں100 سے120کلومیٹرفی گھنٹہ کی رفتارسےہواچلےگی ،متاثرہ ساحل پر8 سے12فٹ بلند لہریں اٹھےگی۔
متاثرہ علاقےاوراطراف میں گرج چمک کےساتھ طوفانی بارشیں متوقع ہیں،طوفانی ہواؤں اوربارشوں کاسلسلہ17جون تک جاری رہے گا،سندھ اوربلوچستان کی ساحلی پٹی پرشدید طغیانی اور6فٹ تک لہریں بلندہونگی۔
محکمہ موسمیات
محکمہ موسمیات کے مطابق بائپرجوائے اس وقت کیٹیگری 3 کا طوفان ہے، کل سے کمزور ہوکر کیٹیگری 2 میں تبدیل ہوجائے گا۔
محکمہ موسمیات کا کہنا ہے کہ بحیرہ عرب میں طوفان 6 گھنٹوں میں شمال ار شمال مغرب میں حرکت کرتا رہا، بیپر جوائے کراچی سے تقریباً 340 کلو میٹر، ٹھٹھہ سے 355 کلو میٹر اور کیٹی بندر سے 275 کلو میٹر کے فاصلے پر موجود ہے۔
میٹ آفس نے بتایا کہ طوفان کے مرکز اور اطراف میں ہوائیں 160 سے 180 کلو میٹر فی گھنٹہ کی رفتار سے چل رہی ہیں، طوفان کل کیٹی بندر اور بھارت میں گجرات کی ساحلی پٹی سے ٹکرانے کا امکان ہے۔