حیدرآباد اورسکھر میں پیپلز پارٹی کے میئراورڈپٹی میئربلامقابلہ منتخب
حیدرآباد اورسکھرمیں پیپلزپارٹی کے میئراورڈپٹی میئربلامقابلہ منتخب ہوگئے۔ جیکب آباد، نوشہرو فیروزاورکشمور میں بھی چیئرمین اور وائس چیئرمین منتخب ہوئے۔
کاشف شورو بلامقابلہ حیدرآباد میونسپل کارپوریشن کے میئر اور صغیر قریشی ڈپٹی میئر منتخب ہوگئے۔ سکھر میں بھی پیپلز پارٹی کے ارسلان شیخ میئر اور ڈاکٹر ارشد مغل ڈپٹی میئر بلامقابلہ منتخب ہوگئے۔ سکھر کے تینوں ٹاؤنز پر بھی پیپلز پارٹی کے امیدوار منتخب ہوگئے۔
ٹاؤن نثار صدیقی میں طارق چوہان چیئرمین، ذوالفقار کھوسو وائس چیئرمین کامیاب ہوئے۔ ٹاؤن مکی شاہ میں محمد دین چیئرمین، مرتضیٰ گھانگھرو وائس چیئرمین منتخب ہوئے جب کہ ٹاؤن جئے شاہ میں آغا محسن چیئرمین اور فرحان شاہ وائس چیئرمین منتخب ہوگئے۔ الیکشن کمیشن نے نوٹی فکیشن جاری کردیا۔
جیکب آباد میں طاہر کھوسو چیئرمین، نعیم اختر اوڈھو وائس چیرمین منتخب ہوئے۔ نوشہرو فیروز میں دو میونسپل اور آٹھ ٹاون کمیٹیز پر بلامقابلہ چیئرمین اور وائس چیئرمین کامیاب ہوئے۔ کشمور میں بھی پیپلز پارٹی کے ضلع چیئرمین اور وائس چیئرمین بلامقابلہ کامیاب ہوگئے۔
