یوٹیوب نے صارفین کیلئے آمدنی کا حصول مزید آسان بنا دیا
دنیا کی معروف ترین ویڈیو شیئرنگ سائٹ یوٹیوب کی جانب سے اپنےصارفین کیلئے آمدنی کا حصول مزید آسان بنا نے کیلئےگوگل کی زیرملکیت ویڈیو سروس سے کمائی کے خواہشمند افراد کیلئے یوٹیوب پارٹنر پروگرام (وائے پی پی) میں شمولیت کا عمل زیادہ آسان کر دیاہے۔
خیال رہے کہ ابھی تک یوٹیوب کےاس کریٹیرپروگرام کا حصہ بننے کیلئے ایک ہزار سبسکرائبرز کا ہونا ضروری تھا،اسی طرح ایک سال کے دوران طویل ویڈیوز کے 4 ہزار گھنٹوں کے ویوز یا ایک کروڑ شارٹس (مختصر ویڈیوز) ویوزکی شرط پوری کرنا ہوتی تھی۔لیکن اب یوٹیوب شارٹس سے تمام پاکستانی پیسے کما سکتے ہیںمگراب کمپنی نے پارٹنر پروگرام میں شمولیت کی شرائط کو نرم کر دیا ہے۔
کمپنی کے مطابق وائے پی پی کا حصہ بننے کے خواہشمند افراد کو 500 سبسکرائبرز، گزشتہ 90 دن میں 3 پبلک ویڈیوز کی پوسٹنگ اور ایک سال میں طویل ویڈیو کے 3 ہزار گھنٹوں کے ویوز یا 30 لاکھ شارٹس ویوز جیسی شرائط پورا کرنا ہوں گی،شرائط پوری کرنی والے صارفین وائے پی پی پروگرام کا حصہ بننے کے لیے درخواست دے سکیں گے، جس کے بعد وہ آمدنی کے حصول کے مختلف ذرائع جیسے سپر تھینکس، سپر چیٹ، سپر اسٹیکرز اور چینل ممبر شپ تک رسائی حاصل کر سکیں گے۔
اسی طرح صارفین اپنی مصنوعات کو یوٹیوب شاپنگ میں پروموٹ بھی کر سکیں گے۔یوٹیوب کی جانب سے ابتدائی طور پر امریکا، برطانیہ، کینیڈا، تائیوان اور جنوبی کوریا کے صارفین کے لیے وائے پی پی کی شرائط کو نرم کیا گیا ہے۔مگر کمپنی کا کہنا ہے کہ بہت جلد دیگر ممالک کے افراد کو بھی اس پروگرام کا حصہ بنایا جائے گا۔
کمپنی کے مطابق نئے پروگرام کے حوالے سے مزید تفصیلات آئندہ ہفتے ایک کانفرنس کے دوران بتائی جائیں گی۔
