نومئی واقعات میں ملوث افراد کےفوجی عدالتوں میں ٹرائل پرامریکا کا ردعمل

امریکا نے کہا ہے کہ نو مئی کے واقعات میں مبینہ طور پر ملوث شہریوں کا کیس فوجی عدالتوں میں چلانے کے رپورٹس سے آگاہ ہیں،پاکستانی حکام سب کیلئے جمہوری اقدار اور قانون کی حکمرانی کی عزت کریں ۔
ترجمان امریکی محکمہ خارجہ کی جانب سے جاری بیان میں کہا گیا ہے کہ تحریک انصاف کے چیئرمین عمران خان کی گرفتاری کے بعد ہونے والے نو مئی کے واقعات میں مبینہ طور پر ملوث شہریوں کا کیس فوجی عدالتوں میں چلانے کی رپورٹس سے آگاہ ہیں،پاکستانی حکام سے کہتے ہیں کہ آئین کے مطابق سب کیلئے جمہوری اقدار اور قانون کی حکمرانی کی عزت کریں ۔
بیان کے مطابق انسانی حقوق ، جمہوریت صحافیوں کی سکیورٹی پر پاکستانی حکام سے رابطے میں ہیں۔
ترجمان امریکی محکمہ خارجہ نے کہا کہ ہر ملک اپنی توانائی کی ضروریات میں خودمختار ہے وہ اسی کے مطابق فیصلہ کرتا ہے،روسی تیل مارکیٹ ریٹ سے نہائت سستے داموں فروخت کیا گیا۔
امریکی اور اتحادیوں نے جو حد مقرر کی اس سے روسی تیل کی قیمت گری،اس سے روس 100 بلین ڈالر کے اضافی ریونیو سے محروم رہا،امریکا نے روسی انرجی ایکسپورٹ پر پابندیاں نہیں لگائیں۔