یوٹیوب پر سب سے زیادہ سبسکرائبرز والا چینل کس ملک کا ہے؟

یوٹیوب ایسا پلیٹ فارم ہے جس پر دنیا بھر میں روزانہ کروڑوں ویڈیوز اپ لوڈ کی جاتی ہیں، سائنس، ڈاکٹریٹ، ہیلتھ، کرکٹ ، فلمیں، ڈراموں کے ساتھ ساتھ طالبعلم بھی اپنے علم کے لیے ریسرچ کرتے ہیں۔
یوٹیوب ایک ایسا پلیٹ فارم ہے جو لوگوں کی کمائی کا ذریعہ بھی بن گیا ہے، گزشتہ دو سے تین سالوں کے دوران اس پلیٹ فارم پر نیوز ، مووی، ڈراموں سے کروڑوں لوگوں نے اپنے اکاؤنٹ بنا کر کروڑوں ڈالر کمائے ہیں۔
تاہم اب ہم آپ کو یہاں بتاتے ہیں کہ دنیا بھر میں یوٹیوب پر سب سے زیادہ سبسکرائبرز کس ملک سے ہیں۔ یوٹیوب پر سب سے زیادہ سبسکرائبرز ٹی سیریز کے 24 کروڑ 30 لاکھ ہیں جس کا تعلق بھارت سے ہے۔
دوسرے ، تیسرے اور چوتھے نمبر پر یوٹیوب چینل کا تعلق امریکا سے ہے، ان میں بالترتیب یوٹیوب موویز (16 کروڑ 80 لاکھ)، کوکومیلن ، نرسری رائمز(16 کروڑ)، مسٹر بیسٹ (15 کروڑ 90 لاکھ )شامل ہیں۔
پانچویں نمبر پر بھارتی یوٹیوب چینل سونی انٹرٹینمنٹ ٹیلی ویژن ہے جس کے سبسکرائبرز 15 کروڑ 70 لاکھ ہے، چھٹے او ر ساتویں نمبر پر امریکا سے تعلق رکھنے والے دو چینلز ہیں، ان میں میوزک (11 کروڑ 80 لاکھ)، کڈز ڈیانا شو (11 کروڑ 20 لاکھ) شامل ہیں۔