کينيڈا کے جنگلات ميں آگ سے امريکا ميں شديد فضائی آلودگی کا انتباہ جاری

کينيڈا کے جنگلات ميں آگ سے امريکا ميں شديد فضائی آلودگی کا انتباہ جاری کردیا گیا۔
کینیڈا کے جنگلات میں لگی آگ سے فضائی آلودگی کے باعث 10کروڑسے زائدامريکی متاثر ہیں۔ کينيڈا ميں چار سو سے زيادہ مقامات پر جنگلات ميں آگ لگی ہوئی ہے۔
حکام کے مطابق ڈھائی سومقامات پر آگ قابوسے باہرہے، اب تک 65لاکھ ايکڑرقبہ جل چکا ہے۔ حکام کا کہنا ہے کہ اوٹاوا اور سب سے بڑے شہر ٹورنٹوميں ہوا کامعيار شديد متاثرہوا ہے۔
کينيڈا کے جنگلات ميں آگ کے دھوئيں سے نيويارک شہر کا آسمان تاريک ہوگيا۔ نيويارک ميں ہوا کا معيار کا ريکارڈ بدترين سطح پر پہنچ گيا۔
گورنر نيويارک نے فضائی آلودگی کوہنگامی بحران قراردیدیا۔ نيويارک کی فضا ميں آلودگی جمعرات کی صبح تک جاری رہنے کا امکان ہے۔