یو ایس ایڈ کا پاکستان کیلئے ایک کروڑ 64 لاکھ ڈالر امداد کا اعلان

یو ایس ایڈ نے پاکستان کیلئے ایک کروڑ 64 لاکھ ڈالر امداد کا اعلان کردیا۔رقم سیلاب سے متاثرہ خاندانوں کی امداد کیلئے خرچ کی جائے گی۔
یو ایس ایڈ کا کہنا ہے کہ رقم سے 2 کروڑ متاثرہ افراد کو بحالی میں مدد ملے گی،فوڈ سیکیورٹی، غذائی قلت اور بیماریوں کے پھیلاؤ پر قابو پایا جاسکے گا۔
یو ایس ایڈ کی جانب سے جاری علامیے میں کہا گیا کہ رقم سے بچوں اورخواتین کو زیادہ غذائیت والی خوراک کی فراہمی ممکن ہوگی، قدرتی آفات سے نمٹنے کیلئے انفراسٹرکچر کی تعمیر میں بھی مدد ملے گی، امداد کا اعلان یو ایس ایڈ کی ڈپٹی ایڈمنسٹریٹر نے دورہ سندھ کے دوران کیا۔