پاکستان کے اندرونی معاملات میں مداخلت نہیں کرتے،اس کے مسائل کا علم ہے،ترجمان امریکی وزارت خارجہ

ہم خوشحال اورمستحکم پاکستان دیکھنا چاہتے ہیں،خوشحال اور مستحکم پاکستان دیکھنا چاہتے ہیں جو پاک امریکا تعلقات کے لیے اہم ہے۔
ترجمان امریکی وزارت خارجہ ویدنت پٹیل نے پریس بریفنگ کے دوران کہا کہ اہم امور پر گفتگو کے لیے پاکستانی حکام سے براہ راست رابطے میں رہتے ہیں،ایسے امور جو امریکا، خطے کی سکیورٹی اور استحکام کے لیے ضروری ہیں۔
انہوں نے مزید کہا پاکستان امریکا کا اتحادی ملک ہے اور اس کے مسائل کا علم ہے،پاکستان کے اندرونی معاملات میں مداخلت نہیں کرتے۔
ترجمان امریکی وزارت خارجہ نے عافیہ صدیقی کے بارے میں سوال پر جواب دینے سے گریز کرتے ہوئے کہا کہ ہرسفارتی رابطے پر بیان نہیں دیا جاتا۔