سٹاک مارکیٹ میں زبردست تیزی کی واپسی سے اربوں روپے کا فائدہ

پاکستان سٹاک مارکیٹ میں ایک مرتبہ پھر تیزی کی واپسی ہوئی ہے ، بڑھوتری کے باعث سرمایہ کاروں کو اربوں روپے کا فائدہ ہوا ہے۔
حصص مارکیٹ میں کاروبار کا آغاز زبردست انداز میں ہوا، صبح دس بجے کے قریب انڈیکس میں 250 پوائنٹس کی تیزی ریکارڈ کی گئی، تاہم اس دوران سرمایہ کاروں نے محتاط انداز اپنایا اور دیکھو اور انتظار کرو کی پالیسی پر عمل پیرا ہونا شروع ہو گئے جس کے باعث معمولی مندی نے ڈیرے ڈال لیے۔
صبح بارہ بجے تک انڈیکس میں ایک موقع پر تیزی محض 36.8 پوائنٹس تک پہنچ گئی تھی، دوپہر دو بجے تک بڑھوتری 73.9 پوائنٹس ریکارڈ کی گئی۔
تاہم کاروبار کے اختتامی لمحات میں کچھ مثبت خبروں آنے کے بعد حصص مارکیٹ میں سرمایہ کاروں نے دلچسپی لینا شروع کیں اور شیئرز کی دھڑا دھڑ خریداری کے باعث مندی میں جانے والی سٹاک مارکیٹ میں زبردست تیزی کی واپسی ہوئی۔