حج آپریشنز:158 پروازوں سے40781 پاکستانی عازمین حج سعودیہ پہنچ چکے

حج آپریشنز کے دوران ایک سو اٹھاؤن پروازوں کے ذریعے چالیس ہزار سات سو اکیاسی پاکستانی عازمین حج سعودی عرب پہنچ چکے، جبکہ سرکاری حج اسکیم کے تحت مزید نو سو عازمین کو حج کا پروانہ بھی مل گیا ، ان کے ناموں کا باضابطہ اعلان دو روز میں ہوگا ۔
وزارت مذہبی امور نے اسپانسر شپ اسکیم سے بچ جانے والی نشستوں پر درخواستیں طلب کی گئی تھیں ، درخواستیں پہلے آیئے پہلے پایئے کی بنیاد پر تیس مئی کو طلب کی گئیں ۔ دوبارہ درخواست وصولی کا مرحلہ مکمل ہونے تک نشستوں سے زیادہ درخواستیں آئیں، جن میں سے نو سو امیدوار عازم حج قرار پائے ۔
ترجمان وزارت مذہبی امور کے مطابق سرکاری اسکیم کے تحت تیرہ ہزار پچانوے عازمین کو مدینہ میں آٹھ روزہ قیام کے بعد مکہ منورہ پہنچایا جا چکا ۔ ستائیس ہزار چھ سو چھیاسی پاکستانی عازمین حج مدینہ منورہ میں موجود ہیں ۔