بھارت میں مسافر اور مال برادر ٹرینوں میں خوفناک تصادم، 50 ہلاک
ریاست اوڈیسہ کے بالاسور ضلع میں مسافر ٹرین کے پٹڑی سے اترنے اور مال ٹرین سے ٹکرا جانے سے 50 افراد زندگی کی بازی ہار گئے۔
بھارتی ریاست اوڈیسہ کے بالاسور ضلع میں مسافر ٹرین کے پٹڑی سے اترنے اور مال ٹرین سے ٹکرا جانے سے 50 افراد زندگی کی بازی ہار گئے جبکہ 350 ہسپتال میں داخل ہوئے۔
وزیر اعظم نریندرا مودی نے ٹویٹ میں کہا کہ جائے وقوعہ پر امدادی کارروائیاں جاری ہیں اور متاثرہ افراد کو ہر ممکن مدد دی جا رہی ہے۔
مغربی بنگال کے چیف سیکرٹری ایچ کے دویدی نے نامہ نگاروں کو بتایا کہ یہ تصادم ایک سنگین حادثہ ہے۔
ساؤتھ ایسٹرن ریلوے کے عہدیداروں نے، جنہوں نے اپنا نام ظاہر نہیں کرنا چاہا، نے ہلاکتوں کی تعداد ظاہر کیے بغیر کہا کہ انہیں بھاری جانی نقصان کا خدشہ ہے۔
کولکتہ سے چنئی جانے والی کورومنڈیل ایکسپریس پٹری سے اتری اور مخالف ٹریک پر گر گئی، بہت سے لوگ اب بھی پھنسے ہوئے ہیں۔
ارچنا جوشی نے رائٹرز کو بتایا کہ میں ابھی تفصیلات اور ہلاکتوں کے اعداد و شمار پر تبصرہ نہیں کر سکتا۔ میں دہلی میں تھی اور جائے حادثہ کی طرف تیزی سے جا رہی تھی۔بڑی تعداد میں زخمیوں کو ہسپتالوں میں منتقل کیا جا رہا ہے۔ کھڑگپور اور دیگر قریبی اسٹیشنوں سے ریلوے کی امدادی ٹیمیں پہلے ہی مقام پر پہنچ چکی ہیں۔
