چین اور امریکا کے فوجی طیاروں کا ’غیر محفوظ‘ آمنا سامنا

جنوبی بحریہ چین کے نزدیک امریکی فضائیہ کا نگراں طیارہ اور چینی فوجی طیارہ ’غیرمحفوظ‘ طور پر آمنے سامنے آگئے۔

ترجمان امریکی فوج کے مطابق چین کے ایک لڑاکا جیٹ نے گذشتہ ہفتے امریکا کے ایک طیارے کو روکنے کے دوران میں ’غیر ضروری طور پر جارحانہ‘ کارروائی کی تھی۔

امریکا کی بحرہند، بحرالکاہل کمان نے ایک بیان میں کہا ہے کہ ’’عوامی جمہوریہ چین کے ایک جے 16 لڑاکا پائلٹ نے 26 مئی 2023 کو امریکی فضائیہ کے آر سی -135 طیارے کو روکنے کے دوران میں غیر ضروری طور پر جارحانہ حربے کا مظاہرہ کیا تھا‘‘۔

امریکی فوج کے مطابق چینی پائلٹ نے براہِ راست آر سی 135 کی ناک کے سامنے پرواز کی جس کی وجہ سے امریکی طیارے کو غیرمحفوظ انداز میں گزرنا پڑا۔ بیان میں کہا گیا ہے کہ آر سی 135 بین الاقوامی قوانین کے مطابق بین الاقوامی فضائی حدود میں بحیرہ جنوبی چین کے اوپر محفوظ اور معمول کی کارروائیاں کر رہا تھا۔