ایلون مسک کی کمپنی کو انسانی دماغ میں چپ لگانے کی اجازت مل گئی

ایلون مسک کی برین مشین انٹرفیس کمپنی نیورالنک کوانسانی دماغ میں کمپیوٹر چپس نصب کرنے کی اجازت مل گئی ۔
چینی خبر رساں ادارے کے مطابق ایلون مسک کی دماغی مشین انٹرفیس کمپنی نیورالنک نے اعلان کیا ہے کہ انہیں یو ایس فوڈ اینڈ ڈرگ ایڈمنسٹریشن (ایف ڈی اے) نے انسانی دماغ میں کمپیوٹر چپس نصب کرنے کے تجربے کی منظوری دے دی ہے 
کمپنی نے ٹویٹ کیا ہے کہ یہ ایف ڈی اے کے ساتھ قریبی تعاون میں نیورالنک ٹیم کے ناقابل یقین کام کا نتیجہ ہے اور ایک اہم انیشیٹو کا عکاس ہے جو ہماری اس نئی ٹیکنالوجی کو بہت سے لوگوں کی مدد کرنے کا موقع فراہم کرے گا۔
کمپنی کا دعویٰ ہے کہ انسانی کھوپڑی میں چپ لگانے سے اعضا کی فعالیت بحال، انسانی حرکت بہتر ، بینائی اور سماعت کے مسائل حل اور پارکنسنز جیسی بیماریوں میں مدد مل سکتی ہے۔