بھارت ہائبرڈ ماڈل کے تحت ایشیاء کپ کھیلنے پر راضی ہوگیا

ايشياکپ سے متعلق بڑی خبر سامنے آئی ہے۔اے سی سی کے صدرجے شاہ کا نجم سیٹھی سے رابطہ ہواہے،بھارت نے پاکستان کا پیش کردہ ہائبرڑ ماڈل تسلیم کرلیا۔
بھارت ہائبرڈ ماڈل کے تحت ایشیاء کپ کھیلنے پر راضی ہوگیا۔ ذرائع پی سی بی کا کہنا ہے کہ پاکستان ایشیاء کپ کے 5 میچز کی میزبانی کریگا،پانچوں میچز لاہور میں کھیلے جائیں گے۔
پاکستان کرکٹ بورڈ بہت جلد میچز کا شیڈول جاری کرے گا۔ہائبرڈ ماڈل فارمولے کے تحت بھارت ایشیاء کپ کے میچز دبئی یا سری لنکا میں سے ایک وینیو پر کھیلے گا۔
پی سی بی کا کہنا ہے کہ ابھی صرف ایشیا کپ کے حوالے سے بات ہوئی ہے ورلڈ کپ کے حوالے اجلاس میں بات ہوگی۔