ترکیہ صدارتی انتخابات :طیب اردوان کی جیت کے امکانات بڑھ گئے
ترکیہ میں صدارتی انتخابات کےپہلے مرحلے میں تیسرے نمبر پر رہنے والے نیشنلسٹ پارٹی کے امیدوار سینان اوعان نے طیب اردوان کی حمایت کا اعلان کردیا۔جس کےبعد طیب اردوان کی جیت کے امکانات مزید بڑھ گئے۔
انقرہ میں نیوز کانفرنس کے دوران سینان اوعان نے کہاکہ وہ رجب طیب اردوان کو مکمل سپورٹ کریں گے ۔ سینان اوعان کو صدارتی الیکشن میں پانچ فیصد ووٹ پڑے تھے۔
رجب طیب اردوان کو انچاس اعشاریہ پانچ فیصد اور کمال قلچدار اولو کو چوالیس اعشاریہ آٹھ فیصد ووٹ ملے تھے ۔
خیال رہے کہ ترکیہ میں صدارتی انتخابات کارن آف مرحلہ اٹھائیس مئی کو ہوگا ۔
