مقبوضہ کشمیر میں جی 20 اجلاس ، چین نے مخالفت کر دی

مقبوضہ کشمیر میں اگلے ہفتے ہونے والے جی 20 سیاحتی اجلاس کی مخالفت کرتے ہوئے چین نے کانفرنس میں شرکت نہ کرنے کا فیصلہ کر لیا۔
بھارت کے پاس رواں برس جی 20 ممالک کی سربراہی ہے اور وہ ملک بھر میں اجلاس منعقد کر رہا ہے۔
چینی وزارت خارجہ کے ترجمان وینگ وین بن نے کہا کہ چین متنازع علاقے میں کسی بھی قسم کے جی 20 اجلاس کی مخالفت کرتا ہے اور ایسے کسی بھی اجلاس میں شرکت نہیں کرے گا۔
واضح رہے کہ 2019ء میں بھارت نے کشمیر کی خصوصی آئینی حیثیت ختم کر دی تھی۔
مقبوضہ کشمیر کے شہر سرینگر میں 22 سے 24 مئی کو جی 20 رکن ممالک کے ورکنگ گروپ کی سیاحت سے متعلق میٹنگ ہوگی۔