زمان پارک کے باہر تجاوزات ہٹانے کیلئے آپریشن شروع کردیا گیا

زمان پارک کے باہر تجاوزات ہٹانے کیلئے آپریشن شروع کر دیاگیا۔ ضلعی انتظامیہ کی جانب سے بھاری مشینری کی مدد سے کینٹینر اور دیگر رکاوٹیں ہٹائی جا رہی ہیں ۔پنجاب حکومت کے مطابق زمان پارک سے تجاوزات ہٹانے کے بعد راستے بھی کھول دیئے جائیں گے ۔
چیئرمین پی ٹی آئی عمران خان کی رہائش گاہ زمان پارک کے باہر سے تجاوزات ہٹانے کیلئے اینٹی انکروچمنٹ سیل کی جانب سے بھاری مشینری کی مدد سے آپریشن شروع کردیا گیا ۔
کرین کی مدد سے زمان پارک کے سامنے لگائے گئے کیٹینرز اور دیگر رکاوٹیں ہٹائی جانے لگیں ۔پنجاب حکومت کے مطابق زمان پارک کے باہر سے تجاوزات ہٹانے کے بعد کینال روڈ اور دیگر زمان پارک کی طرف جانے والوں راستوں کو بھی کھول دیا جائے گا ۔
اس سے قبل نگران وزیراعلیٰ پنجاب محسن نقوی نے زمان پارک کے باہر پولیس کی ناکہ بندی ختم کرنے کے احکامات جاری کردیئے۔