9مئی کےواقعات، مذمت نہیں، کارروائی ہونی چاہیے،صدر علوی

پاکستان تحریک انصاف کے چیئر مین اور سابق وزیراعظم کی گرفتاری کے بعد ملک بھر میں ہونے والے پر تشدد مظاہروں کے بعد صدر مملکت ڈاکٹر عارف علوی نے کہا ہے کہ واقعات پرصرف مذمت نہیں، کارروائی بھی ہونی چاہیے، لوگوں کو بہت تکلیف ہوئی ہے، عمران خان ایسے واقعات کی مذمت کریں۔
نجی ٹی وی سے خصوصی گفتگو کرتے ہوئے انہوں نے کہا کہ بینظیر کی شہادت کے بعد سابق صدر آصف زرداری نے پاکستان کھپے کا نعرہ لگا کر اچھا کام کیا، بے نظیر بھٹو کی شہادت پر بہت نقصان ہوا۔
اپنی بات کو جاری رکھتے ہوئے ڈاکٹر عارف علوی نے کہا کہ سیاستدانوں کو آرمی ایکٹ کے تحت عدالتیں لگانے پر غور کرنا ہو گا۔ سابق وزیر خارجہ شاہ محمودقریشی، سابق وفاقی وزیر دفاع پرویزخٹک بھی اس بات کے گواہ ہیں، عمران نے کہا تھا جنرل باجوہ سے کہیں آرمی چیف وہ ہو گا جس کا ادارہ کہے گا۔
صدر نے مزید کہا کہ مہنگائی نےغریب آدمی کی کمر توڑ دی ہے، موجودہ حکومت میں انسانی حقوق کی خلاف ورزیاں بڑھ گئیں، ان واقعات کی آزادانہ تحقیقات ہونی چاہیے۔
انہوں نے کہا کہ وزیراعظم شہباز شریف، آرمی چیف جنرل عاصم منیر سے خط کے ذریعے واقعات کی ممت کی اور خط میں غم اورافسوس کا اظہارکیا۔