وزٹ ویزے پر آنیوالے حج نہیں کرسکتے، وزارت حج کا اعلان
وزارت حج و عمرہ نے اعلان کیا کہ وزٹ ویزے پر سعودی عرب آنے والے کسی شخص کو حج کرنے کی اجازت نہیں۔
عرب میڈیا کے مطابق سعودی عرب کی وزارت حج و عمرہ نے واضح کیا ہے کہ حج کیلئے اجازت نامہ حاصل کرنا ضروری ہے جبکہ وزٹ ویزے کے حامل شخص کو اجازت نامہ جاری نہیں ہوتا۔
حکام کا مزید کہنا ہے کہ بغیر اجازت نامے کے حج کرنے یا مکہ مکرمہ میں داخل ہونے کی کوشش جرم ہے جس پر جرمانہ ہوگا۔
وزارت نے کہا ہے کہ وزٹ ویزے کی مدت 90 دن ہے جس میں حج شامل نہیں ہے، وزٹ ویزے پر آنے والے شخص کو چاہئے کہ وہ قانون کا احترام کرتے ہوئے اپنی مدت کے اندر واپس چلا جائے گا۔
.jpg)
