داخلی عازمین حج کو رواں سال تین ویکسینز لگوانا ہوں گی،سعودی محکمہ صحت

سعودی عرب کے محکمہ صحت نے کہا ہے کہ داخلی عازمین حج کو رواں سال تین ویکسینز لگوانا ہوں گی۔
سعودی خبررساں ادارے نے محکمہ صحت کے معاون ڈائریکٹر جنرل عبدالرحمٰن ابو داہش کے بیان کے حوالے سے بتایا کہ مملکت کے شہری اور مقیم غیر ملکی عازمین حج کو انفلوائنزا، گردن توڑ بخار اورکورونا وائرس کی ویکسینز لگوانا ہوں گی
انہوں نے کہا کہ اس مقصد کے حصول کے لئے ملک بھر کے چالیس فیصد ہیلتھ سینٹر ویکسین فراہم کرنے کے لیے مختص کیے گئے ہیں ۔
عبدالرحمٰن ابو داہش نےکہا کہ رواں سال سعودی شہریوں اورمقیم غیرملکیوں کو انفلوائنزا، گردن توڑ بخاراورکورونا وائرس کی ویکسینیزلگائی جارہی ہیں ، یہ پابندی امراض سے بچاؤ والے حفاظتی صحت مراکزکی جانب سے لگائی گئی ہے۔