لیبین کوسٹ گارڈ کی کارروائی ‘غیر قانونی اٹلی جانیوالوں کو حراست میں لے لیا‘دو پاکستانی جاں بحق

لیبیا سے اٹلی کشتی کے ذریعے غیر قانونی طریقے سے جانے والی کشتی پر لیبیین کوسٹ گارڈ کی کاروائی،تمام افراد حراست میں لے لئے ۔دو پاکستانی نوجوان انجن روم میں جا چھپے دم گھٹنے سے جاں بحق ہو گئے ایک کا تعلق کلرسیداں دوسرے کا گجرات سے ہے۔دونوں جوان اپنے بہتر مستقبل کی خواہش کیلئے لیبیا پہنچے وہاں سے دیگر ساتھیوں کے ہمراہ کشتی میں اٹلی جا رہے تھے کہ سمندر میں لیبیین کوسٹ گارڈ نے کاروائی کرکے کشتی میں سوار تمام افراد کو حراست میں لے کر واپس لیبیا منتقل کردیا اس دوران دو نوجوان انجن روم میں جا چھپے جہاں وہ دم گھٹنے سے جاں بحق ہو گئے۔ نعشوں کی پاکستان منتقلی کے لیئے کوششیں جاری ہیں۔