واٹس ایپ نے شاندار فیچر متعارف کرانے پر کام شروع کر د

انگریزی زبان میں ٹائپ کرتے ہوئے اکثراوقات غلط الفاظ یا اسپیلنگ کی غلطیاں ہوجاتی ہیں ،لیکن اب لگتا ہے کہ اس کا ازالہ ممکن ہے۔دنیا کی معروف سماجی رابطوں کی ویب سائٹ واٹس ایپ اب الفاظ کی غلطیوں یا پیغام کوحذف کرنے کی سہولت متعارف کرنےپرتیزی کام کررہی ہے، جس کو ایک طرح کے ایڈٹ بٹن کی مدد سے ممکن بنایا جا سکے گا۔
واٹس ایپ کی خبر دینے والی ایپ، ڈبلیواے بی ٹا انفو کے مطابق نئے بی ٹا ورژن میں ایڈٹ کا آپشن شامل کیا جارہا ہے جو پیغامات میں غلطیاں درست کرنے اور ایڈٹنگ کی سہولیات فراہم کرے گا۔
ڈبلیواے بی ٹا انفو کے مطابقپیغام کی ایڈیٹنگ کے لیے آپ کو کچھ دیر تک پیغام پر انگلی رکھنا ہوگی اور سلیکٹ ہونے کے بعد اوپر کی جانب عمودی لائنوں کو ٹچ کرنے پر ایڈٹ بٹن نمودار ہوجائے گا، اسے منتخب کرکے آپ پیغام کو ٹھیک کرسکتےہیں اور ان کی غلطیوں کو دور کرسکتے ہیں۔
خبر رساں ایپ کے مطابق یہ کام میسج بھیجنے کے 15 منٹ کے اندر اندر کرنا ہی ممکن ہوگا،لیکن اس کے بعد جو بھی پیغام ہوگا اس میں ایڈٹ شدہ کا اضافہ ہوگا۔ ڈبلیواے بی ٹا انفو کے مطابق ایڈیٹنگ کی سہولت کے ساتھ آپ کئی مرتبہ پیغام میں ردوبدل کرسکیں گے۔