حکومت نےپٹرولیم قیمتوں پر عوام کو بڑا ریلیف دیدیا
وفاقی حکومت نے عوام کو بڑا ریلیف دیتے ہوئے پٹرولیم مصنوعات کی قیمتوں میں کمی کا اعلان کر دیا۔
وفاقی وزیرخزانہ نے ویڈیو پیغام میں بتایا کہ پیٹرول کی قیمت میں فی لیٹر12روپے کمی کی ہے ، جس کے بعد پٹرول کی نئی قیمت 282 روپے سے کم ہوکر 270 ہوگئی ہے۔
اسی طرح مٹی کےتیل کی فی لیٹرقیمت میں 12روپے اورہائی اسپیڈڈیزل کی قیمت میں 30روپےکمی کی گئی ہے۔
ہائی سپیڈ ڈیزل کی قیمت30 روپے کی کمی کے بعد 258 روپے ، مٹی کے تیل کی قیمت 12 روپے کمی کے بعد 164.7 روپے فی لٹر ہوگئی، اسی طرح لائٹ ڈیزل کی قیمت 12 روپے کی کمی کے بعد 152 روپے 68 پیسے ہوگئی ہے۔
پٹرولیم مصنوعات کی قیمتوں میں ردوبدل کا اطلاق آج رات بارہ بجے سے آئندہ پندرہ روز کیلئے کیا گیا ہے۔
آخری میں وزیر خزانہ اسحاق ڈار نےکہا کہ حکومت زیادہ سےزیادہ عوام کوریلیف دینےکی کوشش کرتی ہے، انہوں نے ٹرانسپورٹر حکام سے اپیل کی کہ حکومت نے عوام کو ریلیف دیدیا، آپ بھی کرایوں میں کمی کیلئے اقدامات کریں۔
