تحمل کا مظاہرہ کیا جائے،عمران خان کی گرفتاری پر یورپی یونین کا ردعمل

پاکستان تحریک انصاف کے چیئرمین اور سابق وزیراعظم عمران خان کی القادر ٹرسٹ کیس میں نیب کے ہاتھوں گرفتاری پر یورپی یونین کا ردعمل بھی آگیا۔
ترجمان یورپی یونین نے کہا ہے کہ موجودہ مشکل اورکشیدہ صورتحال میں تحمل کا مظاہرہ کیا جائے،پاکستان کو درپیش مسائل کو خود پاکستانیوں نے حل کرنے ہیں، یورپی یونین ترجمان نے کہا کہ مخلصانہ بات چیت اورقانون کی حکمرانی سے مسائل کا حل ممکن ہے۔
خیال رہے کہ عمران خان کی گرفتاری کیخلاف تحریک انصاف کے کارکن سڑکوں پر نکل آئے،اور ملک بھر میںپرتشدد مظاہرے شروع کردیئے،کئی شہروں میں پی ٹی آئی کارکنوں نے سڑکیں بند کردیں، پنجاب کی نگراں حکومت نے امن و امان کے قیام کے لیے رینجرز کو طلب کر کے موبائل فون سروس بند کردی۔
خیال رہے کہ آج چیئرمین پی ٹی آئی عمران خان کو نیب کی ٹیم نے القادر ٹرسٹ کیس میں رینجرزکی معاونت سے گرفتار کرلیا۔رینجرزاہلکاروں نے عمران خان کو جوڈیشل کمپلیکس کے احاطے سے گرفتارکیاجس کے بعد اُنھیں نیب راولپنڈی کے دفترمنتقل کردیا گیا ہے۔
وفاقی وزیر داخلہ رانا ثنا اللہ نے کہا ہےکہ عمران خان اس وقت ملک دشمن قوتوں سے ملکرپاکستان کو نقصان پہنچنے پر تلا ہوا ہے،اگرکسی نے حالات خراب کرنے کی کوشش تو قانون پوری قوت سے حرکت میں آئے گا۔