ملک بھر میں انٹرنیٹ سروس معطل ،سوشل میڈیا پلیٹ فارمز بھی بند

تحریک انصاف کے چیئرمین عمران خان کی گرفتاری کے بعدکشیدہ حالات کے پیش نظر پاکستان ٹیلی کمیونیکشن اتھارٹی نے انٹر نیٹ سروس معطل اورسوشل میڈیا پیلٹ فارمز کوبند کر دیا گیا ہے۔
ترجمان پی ٹی اے کی جانب سے بتایا گیا ہے کہ وزارت داخلہ کی ہدایت پرملک بھر میں انٹرنیٹ سروسزمعطل کردی ہیں۔
انہوں نے بتایا کہ پی ٹی اےنےوزارت داخلہ کی ہدایت پرانٹرنیٹ سروسزمعطل کیں،وزارت داخلہ نےموجودہ ملکی صورتحال کےپیش نظرہدایات دیں۔
دوسری جانب ملک بھر میں کئی شہروں میں یوٹیوب، فیس بک اور ٹوئٹرکی سروسز بند کردی گئی ہیں جس کے باعث صارفین کو مشکلات کا سامنا ہے۔
قبل ازیں تحریک انصاف کے چیئرمین عمران خان کی گرفتاری کے بعد ناخوشگوار صورتحال کے پیش نظر پنجاب اور بلوچستان میں رینجرز طلب کر کے دفعہ 144 نافذ کر دی گئی۔
سابق وزیراعظم عمران خان کی گرفتاری کیخلاف تحریک انصاف کے کارکنوں مختلف شہروں میں احتجاج کر رہے ہیں،تاہم کسی بھی ناخوشگوار صورتحال کے پیش نظر پنجاب حکومت نے صوبے بھر میں رینجرز طلب کر لی ہے۔