سندھ ضمنی بلدیاتی الیکشن میں پیپلزپارٹی کو برتری حاصل
کراچی کی 11 یوسیز سمیت سندھ کے 24 اضلاع میں ضمنی بلدیاتی الیکشن میں اب تک کے غیرحتمی اورغیرسرکاری نتائج کے مطابق 7 یونین کونسل میں پیپلزپارٹی اور 4 یوسیز پر جماعت اسلامی کوبرتری حاصل ہے۔
کراچی سمیت سندھ کے 24 اضلاع میں ضمنی بلدیاتی انتخابات کیلئے پولنگ کا وقت ختم ہونے کے بعد پولنگ اسٹیشنز پرووٹوں کی گنتی جاری ہے، جن پولنگ اسٹیشنز میں 5 بجے سے قبل لوگ موجود تھے، انہیں ووٹ ڈالنے کی اجازت دی گئی۔
غیرحتمی اورغیر سرکاری نتائج کے مطابق اورنگی ٹاؤن یوسی1سےپیپلزپارٹی نے میدان مارلیا،پیپلزپارٹی امیدوار محمد عامر 2935 ووٹ لے کر کامیاب جبکہ پی ٹی آئی کے شکیل احمد 2925ووٹ لے کر دوسرے نمبر پر رہے،جماعت اسلامی کے خالد زمان شیخ 2628ووٹ لے کر تیسرے اورٹی ایل پی کے امیدوارمحمدریاض 1836ووٹ کےچوتھےنمبرپررہے۔
یوسی2بہارکالونی لیاری کے غیر سرکاری غیر حتمی نتیجے کے مطابق پیپلزپارٹی امیدوار3ہزار247ووٹ کے ساتھ آگے جبکہ جماعت اسلامی کے امیدوار کو25سو14ووٹ ملے۔
شاہ فیصل یوسی3میںجماعت اسلامی 3412ووٹ کے ساتھ آگے جبکہ پیپلزپارٹی دوسرے،پی ٹی آئی امیدوارتیسرےنمبرپر ہیں۔
لانڈھی یوسی8کے غیر سرکاری غیر حتمی نتیجےکے مطابق جماعت اسلامی1695ووٹ لیکرچیئرمین کی نشست پرکامیاب ہوگئی جبکہ تحریک انصاف کے امیدوارعاصم خان826ووٹ کےساتھ دوسرے نمبرپر رہے۔
یوسی6نارتھ ناظم آبادکاغیر حتمی ، غیرسرکاری نتیجے کے مطابق جماعت اسلامی4ہزار 55ووٹ کے ساتھ آگے،پیپلزپارٹی امیدوار1167ووٹ کے ساتھ دوسرےنمبرپر جبکہ پی ٹی آئی امیدوار کو1000ووٹ ملے۔
کراچی کی یوسی2کورنگی میںپیپلزپارٹی2647ووٹ کیساتھ آگے جبکہ جماعت اسلامی کے امیدوار1801ووٹ کے ساتھ دوسرے نمبر پر رہے۔
یوسی2لیاری میں پیپلزپارٹی امیدوارکو2742ووٹ کے ساتھ واضح برتری حاصل ہے جبکہ جماعت اسلامی کےامیدوار1898ووٹ لیکردوسرے نمبرپر رہے۔
ضلع کیماڑی یوسی2بلدیہ ٹاؤن،پیپلزپارٹی امیدوار2970ووٹ لیکرآگے جبکہ پی ٹی آئی امیدوار 1095ووٹ لیکر دوسرے نمبر رہے۔
غیرحتمی و غیرسرکاری نتائج کے مطابق ضلع سکھرکی پیپلزپارٹی نے یوسی چیئرمین شپ جیت لی، پیپلزپارٹی کے امیدوار شفقت بھٹو 2975 ووٹ لے کرکامیاب جبکہ جے یوآئی کے امیدوار صدیق کلہوڑو 2322 ووٹ لے کر دوسرے نمبرپر رہے۔
خیرپور میں صوبھو دیرو کی یوسی میرک کے وارڈ 3 کےغیرحتمی نتائج کے مطابق جی ڈی اے امیدوارسعید احمد بھٹی 433 ووٹ لیکرکامیاب،پیپلزپارٹی کے امیدوار 351 ووٹ لیکر دوسرے نمبر پر رہے۔
خیرپورمیں ٹاؤن کمیٹی ببرلوء کے وارڈ نمبر 4 کے غیرحتمی اور غیر سرکاری نتائج کے مطابق پیپلزپارٹی کے سید محمد شاہ 859 ووٹ لے کر کامیاب جبکہ آزاد امیدوار پیر ذیشان حیدر 66 ووٹ کے کر دوسرے نمبر پر رہے۔
دریں اثنا اطلاعات کے مطابق روہڑی کے وارڈ گیارہ پر 40 فیصد ٹرن آؤٹ رہا، پولنگ بوتھ نمبر ٹو پر 1600 ووٹوں میں سے 700 ووٹ کاسٹ ہوئے، یو سی بائیجی میں 35 فیصد ٹرن آؤٹ رہا جہاں ساڑھے تین ہزار میں سے 1100 سے زائد ووٹ ڈالے گئے۔
