چوہدری شجاعت ق لیگ کے صدر برقرار، پارٹی کے آئین میں ترمیم کالعدم قرار
الیکشن کمیشن نے مسلم لیگ ق پارٹی صدارت کیس کا فیصلہ سنا دیا۔چوہدری شجاعت ہی ق لیگ کے صدررہیں گے،الیکشن کمیشن نےمسلم لیگ ق کے آئین میں ترمیم کالعدم قراردیدی۔
الیکشن کمیشن نے مسلم لیگ ق کےآئین میں ترمیم کی چوہدری وجاہت کی درخواست خارج کر دی ۔فیصلےمیں قراردیا گیا ہےکہ الیکشن کمیشن کے حکم امتناع کےدوران مسلم لیگ ق کے آئین میں ترمیم خلاف قانون ہے۔
چوہدری پرویز الہیٰ اوران کے کچھ ساتھیوں نے تحریک انصاف سے مل جانے کےبعد چوہدری شجاعت حسین کو مسلم لیگ ق کی صدارت سے ہٹانے کیلئے الیکشن کمیشن سے رجوع کیا تھا تاہم کمیشن نے ان کی استدعا نامنظور کر دی ہے۔
