معروف میسیجنگ ایپلی کیشن واٹس ایپ نے مزید 3 نئے شاندار فیچرز کا تجربہ شروع کردیا۔ ٹیک ویب سائٹ گیجٹس 360 کے مطابق واٹس ایپ بِیٹا ریلیز چینل پر 3 نئے شاندار فیچرز لانے والا ہے، جس کیلئے تجربات کا آغاز کردیا گیا ہے۔ رپورٹ کے مطابق واٹس ایپ کا پہلا فیچر آئی او ایس (آئی فون) پر صارفین کی چیٹ کو لاک کرنے کا ہوگا، اس کے علاوہ بِیٹا ٹیسٹرز واٹس ایپ کا نیا فیچر ’وائس ٹرانسکرپشن فیچر‘ بھی استعمال کرسکتے ہیں، جس کے ذریعے صارفین وائس نوٹ (آڈیو میسیج) کو الفاظ میں بھی تبدیل کرسکیں گے، یہ فیچر آئی او ایس پر ایپ کے نئے ورژن پر موجود ہوگا۔ رپورٹ میں بتایا گیا ہے کہ واٹس ایپ اینڈرائیڈ صارفین کیلئے ایک مزید فیچر لانچ کرنے والا ہے جس سے صارفین اپنا واٹس ایپ سٹیٹس اپنے فیس بک فرینڈز کو دکھا سکتے ہیں۔ ان تمام نئے فیچرز میں وائس ٹرانسکرپشن واحد فیچر ہے جسے چلانے کیلئے آئی او ایس 16 کی اپڈیٹ کی ضرورت ہوگی۔ واٹس ایپ کے مطابق چیٹ لاک کا آپشن ایک مرتبہ لگا دینے کے بعد اسے کھولنے کیلئے آئی فون پر فیس آئی ڈی یا ٹَچ آئی ڈی سے تصدیق کرنی ہوگی۔ صارفین چیٹ انفارمیشن سیکشن کو استعمال کرسکتے ہیں یا پھر ایک نئے آپشن ’لاکڈ چیٹس‘ پر جاکر اُن چیٹس کو کھول سکتے ہیں۔ ایک مرتبہ چیٹ لاک ہو جانے کے بعد میسیج بھیجنے والے صارف اور اسے موصول کرنیوالے صارف کے نام ٹریکر چھپا دے گا جبکہ تصاویر اور ویڈیوز خود بخود گیلری میں محفوظ نہیں ہوں گی۔ دوسری جانب نئے فیچر کے ذریعے واٹس ایپ کے اینڈرائیڈ صارفین اپنے فیس بک فرینڈز سے اپنا اسٹیٹس تیزی سے شیئر کرسکیں گے، اس سے قبل صارفین اپنا اسٹیٹس فیس بک پر شیئر کرسکتے تھے تاہم اس کیلئے انہیں ایپ کو چھوڑنا پڑتا تھا۔ معروف ایپ نے حال ہی میں آئی او ایس پر وائس ٹرانسکرپشن فیچر متعارف کروانا شروع کیا ہے، جس سے صارفین کو بغیر ہینڈ فری لگائے یا فون اسپیکر کے بغیر وائس نوٹ کو لکھے ہوئے الفاظ میں پڑھنے کی سہولت ملے گی۔ یہ فیچر ایسی صورتحال میں مفید ثابت ہوسکتا ہے جہاں کسی کیلئے وائس نوٹ سننا مشکل ہوگا۔ واٹس ایپ بِیٹا انفو کے مطابق وائس ٹرانسکرپشن فیچر آئی او ایس کی ڈیوائس پر لگایا جائے گا جبکہ اِسے واٹس ایپ کے سرورز پر نہیں لگایا جائے گا، جس کے تحت صارفین کے درمیان وائس پیغامات اینڈ ٹو اینڈ انکرپشن کے تحت محفوظ رہیں گے۔ میسیجنگ ایپ لینگویج پیک بھی متعارف کروائے گی جس کے ذریعے وائس نوٹس کو مختلف زبانوں میں ٹرانسکرپٹ کیا جاسکے گا۔ اِس فیچر کے ذریعے وائس نوٹ سے لکھا جانے والا پیغام سرچ بھی کیا جاسکے گا۔
Click here to see latest site notifications.
2 new 4Mn ago
1 new 1hr ago
3 new 2hr ago
2 new 3hr ago
1 new 4hr ago
2 new 8Hr ago
1 new 12hr ago
3 new 22hr ago
2 new 3Dy ago
1 new 4Dy ago
.PNG)