سعودی شہزادے کے انتقال پر مملکت میں سوگ کا سماں

سعودی عرب کے شہزادے عبدالرحمٰن بن عبداللّٰہ بن عبدالرحمٰن آلِ سعود انتقال کرگئے .
عرب نیوز کے مطابق ایوانِ شاہی کی جانب سے متوفی کے لیے مغفرت اور بلندی درجات کی دعا کرتے ہوئے بتایا گیا ہے کہ مرحوم کی نماز جنازہ ریاض کی جامع امام ترکی بن عبد اللہ میں ادا کی گئی ہے اور تدفین ریاض میں ہوئی ہے۔
اس کے علاوہ ایوان شاہی نے اپنے بیان میں شہزادہ عبدالرحمٰن بن عبداللّٰہ بن عبدالرحمٰن آلِ سعود کے اہل خانہ سے اظہار تعزیت کرتے ہوئے لوحقین سے صبر کی تلقین کی ہے۔
حال ہی میں سعودی شہزادہ عبداللہ بن سعود بن عبدالعزیز بھی انتقال کرچکے ہیں، شہزادہ عبداللہ بن سعود بن عبدالعزیز کی نماز جنازہ بھی ریاض کی امام ترکی بن عبداللہ جامع مسجد میں بعد از نمازعصر ادا کی گئی۔
اس سے پہلے شہزادی الجوہرہ بنت ممدوح بن عبد الرحمن بن سعود بن عبد العزیز کا انتقال ہوا تھا، اپنے بیان میں ایوان شاہی نے متوفی شہزادی کے لیے مغفرت اور بلندی درجات کی دعا کی۔
گزشتہ برس برس 26 اگست کو سعودی عرب کی شہزادی عبیر بنت عبداللہ بن عبدالعزیز بن سعود بن جلوی آل سعود خالق حقیقی سے جا ملی تھیں، ایوان شاہی کی جانب سے جاری ہونے والے بیان کہا گیا کہ شہزادی عبیر بنت عبداللہ کا انتقال جمعرات کی شب ہوا،
شہزادی کی نماز جنازہ امام ترکی بن عبد اللہ جامع مسجد ریاض میں بعد ازنماز عصر ادا کی گئی جب کہ ایوان شاہی نے اپنے بیان میں شہزادی عبیر کے لیے رحمت و مغفرت اور جنت الفردوس میں جگہ عطا کرنے کے دعا کی۔
قبل ازیں سعودی عرب کے شہزادہ فیصل بن خالد بن فہد بن ناصر بن عبدالعزیز آل سعود انتقال کرگئے تھے، مرحوم کی نماز جنازہ عصر کی نماز کے بعد ریاض کی امام ترکی بن عبداللہ مسجد میں ادا کی گئی ،
ایوان شاہی کی جانب سے متوفی کے لیے بلندی درجات ’ مغفرت اور جنت میں اعلیٰ مقام کی دعا بھی کی گئی۔ اس سے پہلے سعودی شہزادہ سعود بن عبد الرحمان بن عبد العزیز دار فانی سے کوچ کرگئے تھے،
ایوان شاہی کی جانب سے ایک اعلامیہ جاری کیا گیا جس کے ذریعے شہزادہ سعود بن عبد الرحمن بن عبد العزیز کے انتقال کی اطلاع دی گئی، شہزادہ سعود بن عبد الرحمن بن عبد العزیز کی نماز جنازہ بھی عصر کی نماز کے بعد ریاض کی امام ترکی بن عبد اللہ مسجد میں ادا کی گئی۔