یمن؛فنڈ کی تقسیم کے دوران بھگدڑ سے 90 افراد ہلاک
یمن کے دارالحکومت صنعاء میں چیریٹی فنڈ کی تقسیم کے دوران بھگدڑ سے 90 افراد ہلاک ہوگئے۔
غیر ملکی میڈیا رپورٹس کے مطابق یہ افسوس ناک واقعہ جمعرات کو پیش آیا، تاجروں کی جانب سے غریب لوگوں میں چیریٹی فنڈ کی تقسیم جاری تھی اس دوران شہریوں کے درمیان بھگدڑ مچ گئی جس کے نتجیے میں 90 افراد ہلاک اور 322 سے زائد زخمی ہوگئے۔
یمن کے وزرات داخلہ کے مطابق لاشوں اور زخمی افراد کو مقامی اسپتال منتقل کردیا گیا ہے جبکہ فنڈ تقسیم کرنے والوں کو بھی حراست میں لے لیا گیا ہے،واقعہ کی مزید تفتیش جاری ہے
