موبائل فونز کی درآمدات میں 9 ماہ کے دوران71 فیصد کمی ریکارڈ

پاکستان میںموبائل فونز کی درآمدات میں جاری مالی سال کے پہلے 9 ماہ میں سالانہ بنیادوں پر71 فیصدکی کمی ریکارڈکی گئی ہے۔
پاکستان بیوروبرائے شماریات کے اعدادوشمارکے مطابق جولائی سے لیکرمارچ تک کی مدت میں موبائل فونزکی درآمدات کاحجم 463 ملین ڈالرریکارڈکیاگیا جوگزشتہ مالی سال کی اسی مدت کے مقابلہ میں 71 فیصدکم ہے۔
اعداد وشمارکے مطابقگزشتہ مالی سال کی اسی مدت میں موبائل فونزکی درآمدات کاحجم 1.596 ارب ڈالرریکارڈکیاگیاتھا، مارچ میں موبائل فونز کی درآمدات پر15 ملین ڈالرکازرمبادلہ صرف ہواجوگزشتہ سال مارچ کے مقابلہ میں 92 فیصد کم ہے، گزشتہ سال مارچ میں موبائل فونزکی درآمدات پر184 ملین ڈالرکازرمبادلہ صرف ہوا تھا۔
شماریات نے بتایا کہ فروری کے مقابلہ میں مارچ میں موبائل فونزکی درآمدات میں ماہانہ بنیادوں پر55 فیصدکی کمی ہوئی ہے، واضح رہے کہ جاری مالی سال کے پہلے 9 ماہ میں ٹیلی کام کی مجموعی درآمدات میں سالانہ بنیادوں پر65 فیصدکی نمایاں کمی ہوئی ہے۔