وفاقی ترقیاتی منصوبوں کیلئے چوتھی سہہ ماہی میں مزید 129 ارب روپے جاری

وزارت منصوبہ بندی نے وفاقی ترقیاتی منصوبوں کیلئے چوتھی سہہ ماہی میں مزید 129 ارب روپے جاری کردیئے۔جس کےبعد رواں سال جاری کردہ مجموعی ترقیاتی بجٹ 6 سو ارب روپے ہوگیا۔

وزارت منصوبہ بندی نے چوتھی سہ ماہی کے دوران منصوبوں کے لئے 129 ارب روپے جاری کیے۔ وزارت منصوبہ بندی کے مطابق مجموعی جاری کردہ ترقیاتی بجٹ 600 ارب روپے ہوگیا۔

گزشتہ سال کے مقابلے 50 ارب زیادہ،ہدف سے اب بھی 127 ارب کم فنڈزجاری ہوئے۔موجودہ سال وفاقی پی ایس ڈی پی کیلئے 727 ارب روپے مختص کئے گئے تھے۔

وزارت منصوبہ بندی کےمطابق معاشی بحران کےباوجود چوتھی سہ ماہی کی ریلیزیقینی بنائی،گذشتہ سال آخری سہ ماہی میں کوئی ترقیاتی فنڈ جاری نہیں کیا گیاتھا۔

وزارت منصوبہ بندی کی جانب سے فاٹا،آزاد کشمیر،گلگت بلستتان میں منصوبوں کے لئے 27 ارب،وزارت آبی وسائل کو 30 ارب ، وزارت مواصلات کو 22 ارب روپے،ہائرایجوکیشن کمیشن 7 ارب ،ہاؤسنگ اینڈ ورکس کو 4 ارب جاری کئے گئے۔

اس کےعلاوہ وزارت ریلوے 8 ارب،وزارت توانائی کو 5 ارب جاری ہوئے، گذشتہ سال کے 550 ارب روپے میں مقابلے میں 50 ارب روپے سے زائد جاری کیا۔میربھاشا ڈیم،مہمند ڈیم،کچھی کنال،نئی گج ڈیم اور کراچی بلک واٹر سپلائی منصوبہ شامل ہے۔

22 ارب روپے سے خضدار کچلاک روڈ اور پرانی بنوں روڈ دو رویہ کرنے کا منصوبہ شامل ہے۔320 مسافر بوگیوں اور مال بردار گاڑیوں کی خریداری کیلئے بھی رقم جاری کی گئی۔وزارت توانائی کے منصوبوں میں کراچی کوسٹل پاور پروجیکٹ،مکران اورجیوانی ٹی ایل شامل ہیں