کیا موبائل فون کا استعمال واقعی برین کینسر کا سبب بنتا ہے، ڈبلیو ایچ او کی نئی تحقیق

ایک طویل عرصے سے یہ بحث جاری ہے کہ آیا موبائل فون کا استعمال کینسر کا سبب بنتا ہے یا نہیں اور اس کا بچوں کی دماغی صحت پر کتنا گہرا اثر ہوتا ہے تاہم ورلڈ ہیلتھ آرگنائزیشن (ڈبلیو ایچ او) نے کچھ تحقیقاتی رپورٹس کا ایک ریویو مرتب کیا ہے جس میں اس حوالے سے روشنی ڈالی گئی ہے۔
ڈبلیو ایچ او نے 63 اسٹڈیز کا ایک جائزہ مرتب کیا جس سے پتا چلتا ہے کہ موبائل فون کے استعمال اور دماغی کینسر کا عارضہ لاحق ہونے کے درمیان کوئی تعلق نہیں۔
محققین کا کہنا ہے کہ موبائل فون کے استعمال سے دماغی کینسر کا خطرہ نہیں بڑھتا اور نہ ہی ریڈیو یا ٹی وی ٹرانسمیٹر یا موبائل فون بیس اسٹیشنوں سے بچوں کو لیوکیمیا یا دماغی کینسر کا کوئی خطرہ ہوتا ہے۔
ڈبلیو ایچ او کی طرف سے کمیشن کی گئی ان تحقیقت میں بتایا گیا ہے کہ گزشتہ 20 سالوں میں وائرلیس ٹیکنالوجی میں زبردست اضافے کے باوجود اس کے باعث کینسر کے کیسز میں کوئی اضافہ نہیں ہوا ہے۔
اس جائزے کی سربراہی آسٹریلین ریڈی ایشن پروٹیکشن اینڈ نیوکلیئر سیفٹی ایجنسی کے ماہرین نے کی اور اس میں 10 ممالک کے تفتیش کار بھی شامل تھے۔
جائزے کے دوران 300 ہرٹز سے 300 گیگا ہرٹز کی طول موج میں ریڈیو فریکوئنسیوں پر تحقیق کو دیکھا گیا جو موبائل فون، وائی فائی، ریڈار، بیبی مانیٹر اور دیگر ایپلی کیشنز کے لیے استعمال ہوتی ہیں۔
جائزے کے شریک مصنف پروفیسر مارک ایلوڈ، جو یونیورسٹی آف آکلینڈ میں کینسر کی وبائی امراض کے اعزازی پروفیسر بھی ہیں، نے کہا کہ ٹیم نے دماغ، پٹیوٹری غدود، تھوک کے غدود اور لیوکیمیا کے کینسر کو دیکھا تاہم ایسا کچھ نہیں پایا گیا کہ کہا جائے کہ ان کے پیچھے فون و دیگر آلات کا ہاتھ ہے۔

انہوں نے کہا کہ ہمیں موبائل فونز اور دماغی کینسر کے درمیان کوئی تعلق نہیں ملا۔ یہ بھی دیکھا گیا کہ اگر کسی نے 10 سال بھی موبائل فون استعمال کیا ہو اور بہت زیادہ کالز کی ہوں اور اور کال ٹائم بھی بہت زیادہ ہو تب بھی ان سب باتوں کا کینسر سے کوئی تعلق نہیں۔

یاد رہے کہ وبائی مرض کے دوران 5 جی موبائل فون نیٹ ورک پر برطانیہ اور دیگر جگہوں پر یہ الزام عائد ہوا تھا کہ وہ وائرس کے پھیلاؤ میں اپنا حصہ ڈال رہا ہے۔

تحقیقی جائزے میں 22 ممالک سے سنہ 1994 سے سال 2022 کے درمیان شائع ہونے والے 63 متعلقہ مضامین کو دیکھا گیا۔
پروفیسر مارک ایلوڈ نے کہا کہ موبائل فون اور دماغ کے کینسر کے لیے، 10 یا اس سے زیادہ سالوں کے استعمال اور کافی وسیع استعمال کے ساتھ مطالعہ کیے گئے تھے۔

انہوں نے بتایا کہ ان مطالعات میں زیادہ تر فون کا استعمال پچھلے سالوں اور 1G -2G نیٹ ورکس کا تھا جبکہ نئے 3G-4G نیٹ ورکس میں RF کا اخراج کافی حد تک کم ہے۔

محققین نے ریڈیو یا ٹی وی ٹرانسمیٹر یا موبائل فون بیس اسٹیشنوں سے بچوں میں لیوکیمیا یا دماغی کینسر کا کوئی بڑھتا ہوا خطرہ بھی نہیں پایا۔

پروفیسر مارک ایلوڈ نے کہا کہ جہاں تک 5 جی کا تعلق ہے تو اس پر اب تک کوئی بہت زیادہ تحقیق نہیں ہوئی ہے لیکن ریڈار کے مطالعے کے دوران ایسا کچھ سامنے نہیں آیا کہ اس سے دماغ کے کینسر کا خطرہ پیدا ہوجاتا ہے۔

یہ جائزہ انوائرمنٹ انٹرنیشنل جریدے میں شائع ہوا ہے اور اسے مکمل ہونے میں 4 سال لگے جبکہ کینسر کی دیگر اقسام کے سلسلے میں خطرہ الگ سے رپورٹ کیا جانا ہے۔
اسپین سے تعلق رکھنے والے ماہر طبعیات اور ریڈیو فریکوئینسی و صحت کے پروفیسر البرٹو نجیرا نے تحقیق کی تعریف کرتے ہوئے کہا کہ یہ معیاری ہے اور اس کے نتائج بہت ٹھوس ہیں۔

پروفیسر البرٹو نے کہا کہ اس تحقیق کے اہم مضمرات یہ ہیں ریڈیو فریکونسی برقی مقناطیسی فیلڈ، جیسے کہ موبائل فون یا ٹیلی فون انٹینا سے سے پیدا ہونے والی فیلڈز کینسر میں مبتلا نہیں کرتیں۔

پاکستانیوں کیلئے ویزا پروسیسنگ آسان بنارہے ہیں، برطانوی ہائی کمشنر

برطانیہ کے ویزا سسٹم میں بڑی تبدیلی کرتے ہوئے بائیو میٹرک درخواست گزاروں کے لیے ویزا اسٹیکر اور پاسپورٹ اسٹمپ ختم کردی گئیں۔

ایک انگریزی اخبار کے مطابق برطانوی ہائی کمیشن کے جاری کردہ اعلامیے میں بتایا گیا ہے کہ برطانیہ میں 6 ماہ سے زائد قیام کرنے والوں کو آن لائن اکاؤنٹ بنانا ہوگا۔

اس آن لائن اکاؤنٹ میں امیگریشن اور ویزا کا ریکارڈ محفوظ ہوگا۔ 6 ماہ سے کم قیام کرنے والوں کو یہ اکاؤنٹ نہیں بنانا پڑے گا۔

اعلامیے میں بتایا گیا ہے کہ برطانوی ویزے کے لیے دی جانے والی درخواستوں کو مرحلہ وار آن لائن کیا جارہا ہے۔ ڈجیلٹلائزیشن پروسیس کی اپ گریڈیشن سے فزیکل دستاویزات کا پیش کیا جانا ختم کردیا جائے گا۔

ڈجیٹل کی طرف شفٹنگ کے باوجود بایو میٹرک ریزیڈنس پرمٹ (بی آر پی) 31 دسمبر 2024 تک کارآمد رہے گا۔ برطانیہ کا سفر کرنے والے بی آر پی ساتھ رکھیں۔

پاکستان میں برطانوی ہائی کمشنر جین میریٹ نے بتایا کہ برطانیہ جانے والے پاکستانیوں کے لیے سسٹم میں جدت لائی جارہی ہے اور نئی ٹیکنالوجی کا استعمال ویزا کے حصول کے عمل کو محفوظ اور پیپرلیس بنائے گا۔

ساحل سمندر پر انسانی کھوپڑی کی دریافت، حقائق سامنے آگئے

امریکی ریاست کیلیفورنیا کے ساحل سمندر پر انسانی کھوپڑی دریافت ہونے کے بعد پولیس نے تحقیقات کا آغاز کیا تو حیران کن انکشاف سامنے آگیا۔
غیرملکی میڈیا کے مطابق، لانگ بیچ پولیس ڈیپارٹمنٹ کا کہنا ہے کہ انہیں لائف گارڈز نے پیر کی صبح سوا 7 بجے کال کی اور ساحل سمندر سے ملنے والی انسانی کھوپڑی کے بارے میں بتایا۔
ساحل سمندر سے انسانی کھوپڑی ملنے کی خبر سوشل میڈیا پر آگ کی طرح پھیل گئی اور پولیس نے ممکنہ قتل کی تحقیقات کا آغاز کرنے کا فیصلہ کیا۔
اسی سلسلے میں فرانزک ٹیم کو بلایا گیا۔ اس ٹیم میں شامل طبی ماہرین نے کھوپڑی کا تفصیلی معائنہ کرنے کے بعد انکشاف کیا کہ یہ کسی انسان کی کھوپڑی نہیں۔
فرانزک ٹیم نے پولیس کو بتایا کہ یہ کھوپڑی دراصل پلاسٹک کی بنی ہوئی ہے جو بظاہر ہوبہو انسانی کھوپڑی کی طرح نظر آتی ہے۔ طبی ماہرین کی رائے جاننے کے بعد پولیس نے ’قتل‘ کی تحقیقات کرنے کا فیصلہ واپس لے لیا۔

کینیڈا میں پاکستانی نژاد شخص کو زندہ جلا دیا گیا

ٹورنٹو میں ایک پاکستانی نژاد کینیڈین شہری کو اس کے اسٹور میں آگ لگا دی جس کے بعد وہ انتہائی نگہداشت کے یونٹ (آئی سی یو) میں اپنی زندگی کی جنگ لڑ رہا ہے۔

ڈان اخبار کی رپورٹ کے مطابق راحت راؤ مقامی کینیڈین- پاکستانی کمیونٹی کا ایک فعال رکن ہے اور سرے سینٹرل کے علاقے میں کرنسی ایکسچینج کا کاروبار کرتے ہیں۔

رائل کینیڈین ماؤنٹڈ پولیس (آر سی ایم پی) نے کہا کہ راؤ پر ایک شخص نے حملہ کیا جس نے پہلے ان پر آتش گیر مادہ پھینکا، اور پھر انہیں آگ لگانے کے بعد فرار ہوگیا۔

کینیڈین آؤٹ لیٹ گلوبل نیوز نے ایک عینی شاہد کے حوالے سے بتایا کہ وہ کرنسی ایکسچینج کے اندر موجود تھی کہ جب شعلوں میں لپٹا ہوا ایک شخص چیختا دوسری طرف سے باہر نکلا۔ عینی شاہد نے بتایا کہ دکان کے مالک کے ایک رشتہ دار نے اسے بتایا کہ اس شخص کو ڈکیتی کی کوشش میں جلا دیا گیا تھا۔

حملے کی بظاہر کوئی وجہ معلوم نہیں ہو سکی۔ مقامی پولیس نے مبینہ حملہ آور کی تصویر اور اس کے فرار ہونے والی گاڑی کی تفصیلات جاری کردی ہے۔

میڈیا رپورٹس میں سکھ کارکن ہردیپ سنگھ ننجر کے قتل سے ممکنہ تعلق کے بارے میں قیاس کیا گیا ہے، جسے گزشتہ سال اسی قصبے میں گرو نانک سکھ گوردوارہ کے باہر قتل کر دیا گیا تھا۔

قتل کے تناظر میں راؤ سے مقامی پولیس نے بھی پوچھ گچھ کی تھی لیکن انہوں نے یہ نہیں بتایا کہ پوچھ گچھ کے دوران اصل میں کیا ہوا تھا۔

کچھ رپورٹس کے مطابق آری سی ایم پی کو راؤ کی حفاظت کے بارے میں کچھ انٹیلی جنس اور خدشات تھے اور انہوں نے اسے مزید کیمرے لگانے کو کہا تھا۔

ویڈیو رابطے کو آسان بنانے کے لیے واٹس ایپ کا نیا فیچر متعارف

واٹس ایپ اپنے صارفین کے لیے مختلف فیچرز کی آزمائش کرتا رہتا ہے۔ اب واٹس ایپ کے بیٹا ورژن کی جانب سے صارفین کے لیے ایک نیا فیچر متعارف کرایا گیا ہے۔

تازہ ترین واٹس ایپ بیٹا ورژن (2.24.14.5) نے صارفین کے لیے ایک نیا شارٹ کٹ متعارف کرایا ہے جس کو استعمال کرتے ہوئے ویڈیو پیغامات کا فوری اور آسانی کے ساتھ جواب دیا جا سکے گا
نئی اپ ڈیٹ واٹس ایپ کے اندر ویڈیو رابطے کو آسان بنانے میں ایک بڑا قدم ثابت ہوگی۔ نیا شارٹ کٹ بٹن چیٹس میں ویڈیو پیغامات کے برابر میں رکھا جائے گا۔

اس بٹن کو دبانے سے ریکارڈر کھل جائے گا جس کے بعد رپلائی بھیجنے کے لیے ویڈیو بنائی جاسکے گی۔ اس نئی اپڈیٹ کے بعد واٹس ایپ صارفین متعدد مینو آئٹمز کی طرف جانے سے بچ سکتے ہیں۔

بیٹے کی شادی سے پہلے امبانی خاندان نے 50 غریب جوڑوں پر سونے، چاندی کی برسات کردی

بھارتی بزنس ٹائیکون مکیش امبانی کے سب سے چھوٹے بیٹے اننت امبانی کی شادی ہونے جارہی ہے جس نے دنیا بھرکی توجہ اپنی جانب کر رکھی ہے۔ مکیش امبانی اپنے چھوٹے بیٹے کی شادی کے حوالے سے کافی جذباتی ہیں اور دل کھول کر اپنے ارمان پورے کررہے ہیں۔

اننت امبانی اور رادھیکا مرچنٹ کی شادی کی تقریب میں اب چند دن ہی باقی بچے ہیں۔ اب خبر آئی ہے کہ امبانی خاندان نے اننت امبانی اور رادھیکا مرچنٹ کی شادی سے پہلے نیک شگون کے طور پر ممبئی میں 50 غریب جوڑوں کی شادی کا اہتمام کیا۔
بھارتی میڈیا کے مطابق، ریلائنس کارپوریٹ پارک (آر سی پی) نئی ممبئی میں ہونے والی اجتماعی شادی میں پالگھر کے علاقے کے 50 جوڑے شادی کے بندھن میں بندھتے ہوئے نظر آئے۔ اس تقریب میں مکیش امبانی، نیتا امبانی، آکاش امبانی، شلوکا امبانی، ایشا امبانی اور آنند پیرامل سمیت پوری امبانی فیملی نے شرکت کی۔
امبانی خاندان نے خیرسگالی کے جذبے کے تحت ہر جوڑے کو تحفے کے طور پر سونے کے زیورات پیش کیے جن میں منگل سوتر، انگوٹھی اور نتھلیاں شامل تھیں۔ اس کے علاوہ ہر دلہن کو چاندی کے زیورات بھی پیش کیے گئے جن میں پیروں کے چھلے اور اور پازیب شامل تھی۔

مبانی خاندان نے ہر جوڑے کو سال بھر کا راشن اور ضروری گھریلو سامان بھی تحفے میں دیا۔ اس سامان میں برتن، گیس کا چولہا، مکسر اور پنکھا، میٹرس وغیرہ سمیت 36 ضروری اشیا شامل تھیں۔ صرف یہی نہیں بلکہ امبانی خاندان کی جانب سے ہر دلہن کو ایک لاکھ روپے کا چیک بطور ’اسٹریدھن‘ بھی پیش کیا گیا۔

میڈیا رپورٹس کے مطابق، اجتماعی شادی میں 800 سے زیادہ افراد نے شرکت کی جن میں دولہا اور دلہن کے خاندان کے افراد، مقامی سماجی کارکنان اور کمیونٹی کے افراد کو مدعو کیا گیا تھا۔ تقریب کے بعد مہمانوں کے لیے پرتکلف عشائیہ کا اہتمام بھی کیا گیا۔
یاد رہے کہ اننت امبانی کی شادی کے سلسلے میں امبانی خاندان نے پہلے بھارت کے گاؤں جام نگر میں 3 روزہ پری ویڈنگ جشن کا انعقاد کیا تھا جس میں دنیا کی امیر ترین اور معروف شخصیات نے شرکت اور نامور فنکاروں نے پرفارم کیا تھا۔

بعد ازاں امبانی خاندان نے ایک عظیم الشان کروز پارٹی کی میزبانی کی تھی جو 29 مئی کو اٹلی میں شروع اور یکم جون کو فرانس میں اختتام پذیر ہوئی تھی۔ اس تقریب میں کیٹی پیری، بیک اسٹریٹ بوائز اور دیگر نے اپنے فن کا مظاہرہ کیا تھا۔

بھارتی میڈیا کے مطابق، اننت امبانی اور رادھیکا مرچنٹ کی شادی کی باقاعدہ تقریبات کا آغاز 12 جولائی کو شبھ ویواہ یا شادی کی تقریب سے ہوگا۔ اس کے بعد 13 جولائی کو شبھ آشیرواد اور14 جولائی کو ایک شاندار استقبالیہ منعقد کیا جائے گا۔

حج اموات سے متعلق سعودی عرب نے ہاتھ اٹھالیے

سعودی عرب کی جانب سے رواں سال حج کے موقع پر حاجیوں کی اموات سے متعلق باقاعدہ ردعمل سامنے آگیا ہے۔

رواں سال حج کے موقع پر شدید گرمی اور ہیٹ اسٹروک کے باعث 1 ہزار سے زائد حاجی انتقال کر گئے تھے، جس پر سوشل میڈیا پر بھی حج کے موقع کی تصاویر اور ویڈیوز نے سوشل میڈیا صارفین کی توجہ حاصل کی تھی۔

عالمی میڈیا پر خبر آنے کے بعد اب سعودی حکومت کا بھی ردعمل سامنے آیا ہے۔ سعودی عرب کے وزیر صحت فہد بن عبدالرحمان کی جانب سے کہنا تھا کہ حج کے دوران اموات مناسب پناہ گاہ نہ ہونے اور آرام کیے بغیر تیز دھوپ میں طویل فاصلے تک پیدل چلنے کی وجہ سے ہوئیں۔

اموات کی وجہ بتاتے ہوئے سعودی وزیر صحت نے بتایا کہ جاں بحق حجاج میں متعدد معمر اور دائمی بیماریوں میں مبتلا افراد بھی شامل ہیں۔

جبکہ فہد بن عبدالرحمان کا غیر قانونی طور پر حج کرنے آنے والوں سے متعلق کہنا تھا کہ 83 فیصد اموات ان حجاج کی ہوئیں جو اجازت کے بغیر حج میں شامل ہوئے تھے۔

دوسری جانب مصری حکام کے مطابق جاں بحق افراد میں مصر کے 672 شہری شامل ہیں جبکہ 25 لاپتہ ہیں۔

جبکہ انڈونیشیا کی جانب سے کہنا ہے کہ جاں بحق افراد میں انڈونیشیا کے 236 شہری شامل ہیں۔

سعودی عرب کی وزارت صحت کی جانب سے اعداد و شمار کے مطابق حج کے دوران گرمی، بیماریوں سے جاں بحق حاجیوں کی حتمی تعداد 1 ہزار 301 ہے۔

سعودی عرب میں “ورچوئل ایمپلائمنٹ ایگزیبیشن”14جولائی کو منعقد ہو گی

سعودی عرب میں 14جولائی کو “ورچوئل ایمپلائمنٹ ایگزیبیشن”کا انعقاد کیا جائے گا جسے عبداللطیف جمیل کمپنی کے پروگرام ’باب رزق جمیل‘ کے تحت لانچ کیا جا رہا ہے۔سبق نیوز کے مطابق ورچوئل روزگار پروگرام میں جدید ٹیکنالوجیز کا استعمال کرتے ہوئے روزگار کے خواہمشندوں کے لیے مارکیٹ میں موجود اسامیاں پیش کی جائیں گی۔

اس نمائش کے پہلے ایڈیشن میں 41 ہزار روزگار کے متلاشی اور 72 سے زائد کمپنیوں اور اداروں کو رجسٹرکیا گیا جبکہ 777 اسامیوں کے بارے میں بھی اطلاع دی گئی۔ورچوئل ایمپلائمنٹ ایگزیبیشن کا مقصد ہنرمند افراد کو وہ مواقع فراہم کرنا ہے تاکہ وہ ایسے اداروں اور کمپنیوں تک پہنچ سکیں جہاں ان کی ضرورت ہے۔

ایگزیبیشن میں امیدوار کا پورٹل ہوگا جہاں وہ لاگ ان کرنے کے بعد آن لائن انٹرویو بھی دے سکے گا جس سے دوردراز کے علاقوں میں مقیم افراد کو سہولت ہوگی۔ ’باب رزق جمیل‘ پروگرام کی ڈائریکٹر ڈاکٹرمی طیبہ نے بتایا یہ دوسرا ایڈیشن ہے جس میں ملازمت کے متلاشی اور کمپنیوں کی انتظامیہ کو یہ سہولت ہو گی۔

بعض آئی فونز میں ایپل کا نیا آئی او ایس 18 اپ ڈیٹ کیوں نہیں ہوگا؟

ایپل نے رواں ماہ ورلڈ وائیڈ ڈویلپرز کانفرنس میں iOS 18 کا اعلان کیا، جس میں نئی کسٹمائزیشن، کمیونیکیشن، اور آرٹیفیشل انٹیلیجنس کے فیچرز کی نمائش بھی کی گئی
تاہم، بری خبر یہ ہے کہ ایپل کے تمام ماڈلز اس اپ ڈیٹ کے اہل نہیں ہیں کیونکہ نئے iOS کے لیے A12 Bionic چپ یا اس کے بعد آنے والی چپ کی ضرورت ہوتی ہے، جو صرف iPhone XS اور اس کے بعد کے ماڈلز میں پائی جاتی ہے۔

ایپل انٹیلی جنس، آئی فونز کے نئے AI فیچرز صرف ایسے فون میں دستیاب ہوتے ہیں جن میں A17 پرو چپ موجود ہو، جو کہ فی الحال صرف آئی فون 15 پرو اور پرو میکس میں پائی جاتی ہے۔

ایپل کا کہنا ہے کہ iOS 18 رواں برس اکتوبر کے بعد آئی فون ایکس ایس اور بعد کے ماڈلز کے لیے مفت اپ ڈیٹ کے طور پر دستیاب ہوگا۔

نئے اپ ڈیٹ میں نیا کیا ہے؟
ایپل کے نئے اپ ڈیٹ کی نمایاں خصوصیات میں ایپل انٹیلی جنس ہے۔ یہ ایک ایسا اے آئی نطام ہے جس کے بارے میں ایپل کا کہنا ہے کہ یہ iOS 18 میں گہرائی سے مربوط کیا جائے گا۔

اس اپ ڈیٹ میں نئے ‘رائٹنگ ٹولز’ شامل ہیں جو آئی فون کے صارفین کو متن کو دوبارہ لکھنے، پروف ریڈ کرنے اور سمری بنانے کے علاوہ حسب ضرورت تصاویر بنانے کے لیے ‘امیج پلے گراؤنڈ’ کے نام سے سہولت فراہم کرتا ہیں۔

یہ اپ ڈیٹ بعض ایپلی کیشنز کو لاک یا مخفی رکھنے کی سہولت بھی فراہم کرے گا جس کے لیے فیس آئی ڈی، ٹچ آئی ڈی یا ڈیوائس کا پاس ورڈ درکار ہوگا۔

حج سیزن میں انتقال کر جانے والے عازمین کی اکثریت بلا اجازت حج کر رہی تھی

متعدد ممالک کے حکام نے اس بات کی تصدیق کی ہے کہ 1445 کے حج سیزن کے دوران انتقال کرنے والے ان کے زیادہ تر عازمین ایسے افراد تھے جو حج کی مناسک شروع ہونے سے مہینوں پہلے سیاحت یا وزٹ ویزے پر سعودی عرب میں داخل ہوئے تھے۔
یہ افراد حج کے موسم تک مکہ مکرمہ میں رہے اور مناسب اجازت کے بغیر حج ادا کیا، رہائش، خوراک، یا نقل و حمل کی خدمات فراہم کرنے کے لیے کسی کمپنی یا ادارے کی عدم دستیابی کی وجہ سے انہیں شدید گرم موسم میں ایسی صورتحال کا سامنا کرنا پڑا جو ان کے لیے جان لیوا ثابت ہوا۔
تیونسی اور اردنی عازمین
وزارت خارجہ، ہجرت اور بیرون ملک تیونس کے باشندوں نے تصدیق کی ہے کہ مرنے والے زیادہ تر تیونسی زائرین سیاحت، دورے یا عمرہ کے ویزوں پر مملکت پہنچے تھے۔
اسی طرح ڈاکٹر سفیان قداح، اردنی وزارت خارجہ اور غیر ملکیوں کے آپریشنز اور قونصلر امور کے ڈائریکٹر نے اطلاع دی کہ تمام اردنی عازمین جو انتقال کر گئے یا لاپتا ہو گئے، اردنی حج کے سرکاری وفد کا حصہ نہیں تھے۔ یعنی وہ سعودی عرب میں سیاحت یا وزٹ ویزے کے ساتھ اور حج پرمٹ کے بغیر داخل ہوئے تھے۔
اس سال حج سیزن میں مکہ مکرمہ میں درجہ حرارت میں نمایاں اضافہ دیکھنے میں آیا، جبکہ مختلف قومیتوں سے تعلق رکھنے والے زائرین کی بڑی تعداد سیاحت یا وزٹ ویزوں پر مکہ پہنچی۔ ان زائرین نے چلچلاتی دھوپ میں بنا کسی کمپنی یا ادارے کی رہائش، کھانا یا نقل و حمل کی خدمات کے بغیر طویل فاصلہ طے کیا، نتیجتاً وہ شدید گرمی میں ناہموار اور کچے راستوں پر طویل پیدل سفر کے خطرات سے دوچار ہوئے، چنانچہ یہ حالات بہت سے لوگوں کی موت کا باعث بنے

جی پی ٹی 4 سے ویب سائٹس کو ہیک کرنا ممکن

مصنوعی ذہانت کی ٹیک کمپنی ”اوپن اے آئی“ کی جانب سے ”جی پی ٹی 4“ دنیا بھر کے صارفین کے لیے بہترین تحریر تخلیق کرنے کے لیے بنایا گیا ہے مگر اب اس سافٹ وئیر کا استعمال ویب سائٹس کو ہیک کرنے کیلئے بھی کیا جانے لگا۔

میڈیا رپورٹس کے مطابق ایک حالیہ مطالعے میں محققین نے GPT-4 بوٹس کا استعمال کرتے ہوئے کچھ ٹیسٹ ویب سائٹس کو ہیک کرنے میں کامیابی حاصل کی۔

ان بوٹس کی جانب سے ایک ساتھ حملہ کیا گیا اور ضرورت کے مطابق نئے بوٹس بھی تیار کیے۔

چند ماہ قبل ایک تحقیقی ٹیم نے ایک مقالہ شائع کیا جس میں یہ ظاہر کیا گیا تھا کہ انہوں نے GPT-4 کو خود مختار طور پر سیکیورٹی خامیوں سے فائدہ اٹھانے کے لیے استعمال کیا ہے۔

انہوں نے بتایا کہ ان خامیوں کے لیے ابھی تک کوئی اصلاحات دستیاب نہیں ہیں۔

قابل ذکر بات یہ ہے کہ جب کامن ولنریبلٹیز اینڈ ایکسپوژرز (CVE) کی فہرست دی گئی تو GPT-4 اپنے طور پر 87 فیصد شدید ترین خطرات سے فائدہ اٹھانے میں کامیاب رہا۔

نیو سائنٹسٹ ویب سائٹ کے مطابق محققین کا کہنا ہے کہ اوپن اے آئی کے مصنوعی ذہانت کے ماڈل GPT-4 میں بنا انسانی مدد کے ویب سائٹس کو ہیک کرنے اور آن لائن ڈیٹا بیس سے معلومات چوری کرنے کی صلاحیت موجود ہوتی ہے۔

یہاں ایک ٹیکنالوجی لارج لینگویج ماڈل (LLM) کے ایجنٹ سے زیادہ Hierarchical Planning with Task-specific (HPTSA) بہتر طور پر کام کرنے کی صلاحیت اور نگرانی کا عمل رکھتا ہے۔ یہ ایجنٹ ایک باس کی طرح کام کرتا ہے اور ”منیجنگ ایجنٹ“ کے ساتھ ہم آہنگی کرتا ہے۔

ایک تحقیقی تجربے میں جب 15 ویب سائٹس کو ہیک کرنے کا ٹاسک دیا گیا تو (HPTSA) 550 فیصد زیادہ (LLM) ایجنٹ کے مقابلے میں مؤثر ثابت ہوا۔ ایچ پی ٹی ایس اے 15 میں سے 8 ویب سائٹس کو ہیک کرنے میں کامیاب ہوا، جبکہ ایل ایل ایم 15 میں سے صرف 3 کو ہی ہیک کرنے میں کامیاب رہا۔

رپورٹ میں بتایا گیا کہ ان اے آئی ماڈلز کو ویب سائٹس اور نیٹ ورکس پر حملہ کرنے کے لیے استعمال کیا جا سکتا ہے۔ مگر وہیں اس مطالعہ کے ایک محقق ڈینیل کانگ نے اس بات پر بھی زور دیا کہ GPT-4 چیٹ بوٹ موڈ (Chat Bot Mode) میں استعمال کیا جاتا ہے جو مصنوعی ذہانت کے الگورتھم کو سمجھنے کے لیے ناکافی ہے اور نہ ہی یہ خود کسی چیز کو ہیک کرسکتا ہے۔

وہیں دیگر عام جی پی ٹی صارف کی جانب سے بھی اس طرح کا ہیکنک کا عمل آسان نہیں۔

واٹس ایپ اکاؤنٹ ہیک ہوجائے تو کیا کریں؟ ایف آئی اے نے تدبیر بتادی

وفاقی تحقیقاتی ادارے ایف آئی اے نے عوام کو آگاہ کیا ہے کہ ڈیجیٹل فراڈ و دھوکہ دہی سے بچنے کے لیے حفاظتی تدابیر اختیار کریں۔

ترجمان ایف آئی اے نے کہاکہ حالیہ دنوں میں شہریوں کے واٹس ایپ اکاؤنٹس ہیک ہونے کے واقعات میں اضافہ ہوا ہے۔

ترجمان نے کہاکہ ابتدائی رپورٹس کے مطابق ان واقعات میں سائبر کرمنل خواتین کے واٹس ایپ اکاوئنٹس کو خاص طور پر نشانہ بنا رہے ہیں۔ یہ ان کے وٹس ایپ اکاؤنٹس تک رسائی حاصل کرتے ہیں اور بعد ازاں ان کی ذاتی معلومات بشمول چیٹ، تصاویر و ویڈیوز کے ذریعے ان کا استحصال کرتے ہیں۔
ترجمان کے مطابق سائبر کرمنلز واٹس ایپ اکاؤنٹس تک غیر مجاز رسائی حاصل کرنے کے لیے جدید طریقوں کا استعمال کررہے ہیں، جن میں فشنگ اور سوشل انجینئرنگ شامل ہیں۔ ’فشنگ کی حکمت عملی اکثر دھوکہ دہی کے پیغامات پر مشتمل ہوتی ہے جو صارفین کو ذاتی معلومات ظاہر کرنے یا بدنیتی پر مبنی لنکس پر کلک کرنے پر مائل کرتی ہے‘۔

ترجمان نے ایسے واقعات سے بچنے کے لیے اپنے اکاؤنٹ کو محفوظ بنانے کا طریقہ بھی شیئر کردیا ہے۔

ترجمان نے بتایا کہ صارفین واٹس ایپ سیٹنگز میں ٹو اسٹیپ ویریفکیشن کو فعال کریں۔ ٹو اسٹیپ ویریفکیشن ایک اضافی حفاظتی پرت فراہم کرتا ہے جو آپ کے اکاؤنٹ کو غیر مجاز رسائی سے بچانے میں مدد کرسکتا ہے۔

انہوں نے بتایا کہ غیر متعلقہ نمبروں کے ذریعے بھیجے گئے پیغامات، فوٹوز، ویڈیوز یا فائلز کو اوپن کرنے سے گریز کریں۔ یہ پیغامات اکثر سپام لنکس یا فائلوں پر مشتمل ہوسکتے ہیں جو آپ کے موبائل فون کو نقصان پہنچا سکتے ہیں یا آپ کے اکاؤنٹ تک رسائی حاصل کرسکتے ہیں۔

’ اپنی ذاتی معلومات تک رسائی کو محدود کرنے کے لیے اپنی واٹس ایپ پرائیویسی کی سیٹنگز کا باقاعدگی سے جائزہ لیں اور ان کو اپ ڈیٹ کریں‘۔

واٹس ایپ ہیک ہونے پر فوری کیا کرنا چاہیے؟
ترجمان نے بتایا کہ اگر آپ کا واٹس ایپ اکاؤنٹ ہیک ہو جائے تو فوری طور پر ہیلپ لائن 1991 پر رابطہ کریں یا قریبی ایف آئی اے سرکل کا وزٹ کریں۔

انہوں نے مزید کہاکہ اپنے اکاؤنٹ پر کنٹرول دوبارہ حاصل کرنے اور مناسب حفاظتی اقدامات پر عملدرآمد کرنے کے لیے واٹس ایپ ہیلپ سے رابطہ کریں۔

ترجمان نے مزید کہاکہ ایسی کسی بھی صورت میں اپنے اکاؤنٹ کے ہیک ہونے کی اطلاع اپنے قریبی دوستوں، خاندان کے افراد اور اپنے ساتھ کام کرنے والے ساتھیوں کو دے دیں تا کہ وہ کسی بھی ممکنہ فراڈ سے بچ سکیں۔

یمن: سمندری حدود میں کشتی الٹ گئی، 38 تارکین وطن ہلاک

صنعا: یمن کے قریب سمندری حدود میں افریقی تارکین وطن کی کشتی ڈوب گئی۔ اس حادثے میں 38 افراد ہلاک ہو گئے۔

غیر ملکی خبر رساں ایجنسی کے مطابق ڈوبنے والی بدقسمت کشتی پر 250 سے زائد صومالی تارکین وطن سوار تھے۔ جو سمندری راستے کے ذریعے بہتر زندگی کے خواب آنکھوں میں سجائے یورپ جا رہے تھے۔

کشتی کو حادثہ یمن کے صوبے شبوا کے ساحل کے قریب پیش آیا۔ حادثے میں 38 افراد ہلاک ہو گئے جن میں 28 خواتین بھی شامل ہیں۔
انتظامیہ کی جانب سے بروقت ریسکیو آپریشن کر کے 72 تارکین وطن کو بچا لیا گیا جبکہ 150 لاپتہ ہیں جن کی تلاش جاری ہے۔ کشتی کو حادثہ زیادہ افراد سوار ہونے کے باعث پیش آیا

وزیراعظم شہباز شریف کی آغا خان ڈویلپمنٹ نیٹ ورک کو سیاحت کے شعبے میں مزید سرمایہ کاری کرنے کی دعوت

وزیراعظم محمد شہباز شریف نے آغا خان ڈویلپمنٹ نیٹ ورک کو سیاحت کے شعبے میں مزید سرمایہ کاری کرنے کی دعوت دیتے ہوئے کہا ہے کہ ان کاپاکستان میں تعلیم، صحت، توانائی، زراعت، سیاحت، آئی ٹی اور دیگر شعبوں میں عوامی فلاح و بہبود کے لیے منصوبوں کا قیام قابل تحسین ہے، ہنزہ میں آغا خان ڈویلپمنٹ نیٹ ورک کے زیر اہتمام سافٹ وئیر ٹیکنالوجی پارک اور شمسی توانائی کے پلانٹس کا قیام انتہائی قابل ستائش ہے۔ پیر کو وزیراعظم آفس کے میڈیا ونگ سے جاری کردہ بیان کے مطابق وزیراعظم محمد شہباز شریف سے آغا خان فنڈ فار اکنامک ڈویلپمنٹ کی ایگزیکٹو کمیٹی کے چیئرپرسن شہزادہ رحیم آغا خان نے پانچ رکنی وفد کے ہمراہ ملاقات کی۔

وزیراعظم نے پرنس رحیم آغا خان کو حکومت پاکستان کی طرف سے نشان پاکستان ملنے پر مبارکباد پیش کی۔وزیراعظم نے پاکستان کے کم ترقی یافتہ اور دور دراز علاقوں بالخصوص گلگت بلتستان اور چترال میں سماجی فلاح و بہبود کے مختلف منصوبے قائم کرنے پر پرنس رحیم آغا خان کو خراج تحسین پیش کیا۔ انہوں نے کہا کہ آغا خان ڈویلپمنٹ نیٹ ورک کا پاکستان میں تعلیم، صحت، توانائی، زراعت، سیاحت، آئی ٹی اور دیگر شعبوں میں عوامی فلاح و بہبود کے لیے منصوبوں کا قیام قابل تحسین ہے۔

یونان میں لاپتا برطانوی صحافی مردہ حالت میں پائے گیا

یونانی جزیرے سیمی سے چند روز قبل لاپتا ہونے والے برطانوی نشریاتی ادارے کے صحافی مائیکل موسلے مردہ پائے گئے ہیں۔

پولیس نے بتایا کہ ان کی موت کی اصل وجہ ابھی تک واضح نہیں ہو سکی ہے۔ جنوبی ایجیئن علاقے کے پولیس چیف پیٹروس واسیلاکیس نے کہا کہ کشتی پر سوار لوگوں نے ساحل کے قریب ایک لاش دیکھی۔

پولیس کے مطابق لاش کو یونان کے ایک مقامی چینل کے ٹی وی عملے نے دیکھا، جو اس علاقے میں فلم بندی کر رہا تھا۔ واضح رہے کہ 67 سالہ مائیکل موسلے ساحلی پٹی پر سیر کے لیے نکلنے تھے اور 7 جون کو لاپتا ہوگئے تھے

ان کی اہلیہ کلیئر بیلی نے ان کی موت کی تصدیق کرتے ہوئے ایک بیان میں کہا، ’’مائیکل ایک بہترین شوہر تھے اور ان کی موت میرے لیے بہت مایوس کن ہے۔‘‘

سیمی کے میئر نے بھی تصدیق کی کہ مائیکل موسلے کی لاش ملی ہے، جو اپنی اہلیہ کے ساتھ جزیرے پر چھٹیاں گزار رہے تھے۔

اینڈرائیڈ موبائل صارفین کے لیے بہترین فیچر متعارف

گوگل نے اینڈرائیڈ موبائلز صارفین کی ایک اور مشکل آسان کردی۔

اکثر اوقات آپ اپنے اینڈرائیڈ موبائل سے کوئی مسیج بھیجتے تھے اور اس میں کوئی غلطی رہ جاتی تھی تو اس کو ایڈٹ نہیں کر سکتے تھے لیکن اس مشکل کے پیش نظر گوگل نےاینڈرائیڈ صارفین کی اس مشکل کو بھی آسان کر دیا۔

رپورٹ کے مطابق اسمارٹ موبائلز فونز کے آپریٹنگ سسٹم اینڈرائیڈ میں موبائل میسیجز کو ایڈٹ کرنے کا فیچر پیش کردیا گیا۔ اب موبائل صارفین موبائل میسیجز کو بھی ایڈٹ کر سکیں گے۔

اس فیچر کے تحت صارفین بھیجے گئے میسیج کو صرف 15 منٹ کے اندر ہی ایڈٹ کرسکیں گے، صارف بھیجے گئے میسیج کو دبا کر رکھنے کے بعد ایڈٹ کے فیچر تک رسائی حاصل کر سکیں گے۔

اسی طرح صارفین میسیجز کے فارمیٹ اور فونٹ کو بھی تبدیل کر سکیں گے۔ اس فیچر تک تمام صارفین کو رسائی نہیں دی گئی، تاہم ترتیب وار تمام صارفین کو اس تک رسائی دی جائے گی۔

اقتصادی تعاون بڑھانے کے لیے پاکستان اور چین کے درمیان مفاہمت کی 32 یادداشتوں پر دستخط

پاکستان اور چین نے توانائی، انفرا اسٹرکچر کی ترقی، کاشتکاری، انجینئرنگ، تعمیرات اور لاجسٹکس کے شعبوں میں مفاہمت کی 32 یادداشتوں پر دستخط کرکے دوطرفہ اقتصادی تعاون کو مزید تقویت بخشی ہے۔

وزیر اعظم شہباز شریف ان دنوں پاک چین بزنس فورم میں شرکت کے لیے چین کے 5 روزہ دورے پر ہیں، وفاقی وزیر برائے سرمایہ کاری بورڈ عبدالعلیم خان نے اعلان کیا کہ پاک چائنا بزنس فورم میں 500 چینی اور 100 پاکستانی کمپنیوں نے شرکت کی۔

اس تقریب میں چینی کمپنیوں کے ساتھ کامیاب دو طرفہ مذاکرات کے ساتھ ساتھ 32 مفاہمت ناموں پر دستخط کیے گئے۔ فورم کا مقصد پاکستان اور چین کے درمیان کاروباری تعلقات کو مضبوط بنانا تھا، جہاں دونوں ممالک کے درمیان اقتصادی تعاون کو مزید بڑھانے کے لیے وسیع بات چیت اور معاہدے کیے گئے۔

وزیر اعظم شہباز شریف نے شینزین میں ٹرانسشن ہولڈنگز کے بانی اور چیئرمین ژو ژاؤجیانگ سے اہم ملاقات کی، جس میں پاکستان میں ٹرانسشن ہولڈنگز کے موبائل مینوفیکچرنگ یونٹ میں سرمایہ کاری کے مواقع میں دلچسپی سمیت موبائل فون کی پیداوار، الیکٹرک بائیکس، جدید زراعت اور فنٹیک میں سرمایہ کاری کے امکانات پر بھی بات چیت کی گئی۔

وزیراعظم شہباز شریف نے غیر ملکی سرمایہ کاروں کے لیے سہولیات کی یقین دہانی کرائی اور ٹرانسشن ہولڈنگز کو پاکستان میں برآمدات کے لیے سامان تیار کرنے کی دعوت دی، ژو ژاؤجیانگ نے وزیراعظم کو پاکستان میں کمپنی کے موجودہ آپریشنز اور اس کی عالمی برآمدات کے بارے میں بریفنگ دی۔

وفاقی وزرا اور پاکستانی موبائل فون انڈسٹری کی اہم شخصیات بشمول آل پاکستان موبائل فون مینوفیکچرنگ ایسوسی ایشن کے چیئرمین سمیت انووی ٹیلی کام، ایئر لنک کمیونیکیشنز اور ٹیکنو پاک الیکٹرونکس کے سربراہوں نے بھی اجلاس میں شرکت کی۔

وزیر برائے سرمایہ کاری بورڈ علیم خان اور وزیر تجارت جام کمال خان نے اہم چینی کمپنیوں کے سربراہوں سے بھی ملاقاتیں کیں، علیم خان نے پاک چائنا بزنس فورم کو پاکستانی تاجر برادری کے لیے چینی سرمایہ کاروں کے ساتھ منسلک ہونے کا ایک بے مثال موقع قرار دیا، جس سے ممکنہ طور پر برآمدات میں اضافہ ہو گا۔

اس موقع پر علیم خان نے یقین دلایا کہ پاکستان چینی کمپنیوں کے ملک میں آپریشنز کے قیام کی مکمل حمایت کرتے ہوئے نجی شعبے کو توانائی، انفرا اسٹرکچر کی ترقی، کاشتکاری، انجینئرنگ کی تعمیر اور لاجسٹکس میں سرمایہ کاری کی آزادی فراہم کرے گا۔

علیم خان نے چین کے دورے میں ممتاز پاکستانی تاجروں کی امید افزا شرکت کا بھی ذکر کیا، جس میں ہوٹل، سیاحت، ثقافت، کھیلوں کے سامان، ٹیکسٹائل، سجاوٹ اور ہوائی اڈے کے ڈیزائن جیسے شعبوں کو مستقبل کی سرمایہ کاری کے لیے اہم شعبوں کے طور پر ظاہر کیا گیا۔

علیم خان نے پاکستان کے بیش بہا قدرتی وسائل اور کاروباری صلاحیت پر روشنی ڈالتے ہوئے بڑے پیمانے پر معاشی سرگرمیوں کی پیش گوئی کی جو ترقی کے عمل کو آگے بڑھانے اور نوجوانوں کے لیے روزگار کے مواقع پیدا کرنے کا باعث بنیں گی۔

علیم خان اور جام کمال نے اہم چینی کاروباری گروپوں کے ساتھ مختلف مشاورتی ملاقاتوں کے دوران دوطرفہ تجاویز پر تبادلہ خیال کیا اور تعاون کے منصوبوں کو حتمی شکل دی۔ پاکستان کی وزارت تجارت، بورڈ آف انویسٹمنٹ، اور نیشنل فوڈ سیکیورٹی نے اپنے چینی ہم منصبوں کے ساتھ کاروبار سے وابستہ سرگرمیوں میں حصہ لیا۔

پاکستان کو سپر اوور میں شکست دینے والا سوربھ نیتراولکر کون ہے؟

امریکا میں جاری ٹی20 ورلڈ کپ میں ناتجربہ کار میزبان ٹیم نے ہیوی ویٹ پاکستان کو سنسنی خیز مقابلے کے بعد شکست سے کرکٹ کی تاریخ کا سب سے بڑا اپ سیٹ کردیا۔

پاکستان اور امریکا کے درمیان 20 اوورز کا میچ برابر ہونے کے بعد سپر اوور مرحلے میں داخل ہوا۔ پاکستان کی جانب سے محمد عامر نے سپر اوور پھینکا، امریکا نے ایک وکٹ کے نقصان پر 18 رنز اسکور کیے اور پاکستان کو جیت کے لیے 19 رنز کا ہدف دیا۔ پاکستان کی ٹیم اپنی باری میں ایک وکٹ کے نقصان پر مقررہ 6 گیندوں پر صرف 13 رنز اسکور کرسکی۔

امریکا کی طرف سے سپر اوور سوربھ نیتراولکر نے پھینکا جنہوں نے دوسری ہی گیند پر افتخار احمد کو پویلین بھیج دیا، جس کے بعد شاداب خان کریز میں اترے لیکن وہ بھی کوئی بڑا شارٹ کھیلنے میں کامیاب نہ ہو سکے۔ اس طرح امریکا نے 5 رنز سے میچ جیت کر ٹی20 ورلڈ کپ 2024 کا تاریخی اَپ سیٹ کر دیا۔

امریکا کی اس تاریخی فتح میں بھارتی نژاد امریکی کرکٹر اور میڈیم فاسٹ بولر سوربھ نیتراولکر نے اہم کردار ادا کیا۔ نیتراولکر 6 اکتوبر 1991 کو پیدا ہوئے۔ وہ اوریکل (Oracle) کارپوریشن میں سافٹ ویئر انجینیئر ہیں اور امریکی کرکٹ ٹیم کے کپتان بھی رہ چکے ہیں۔

سوربھ نیتراولکر نے فرسٹ کلاس کرکٹ کا آغاز 2013 کی رانجی ٹرافی میں ٹیم ممبئی کی جانب سے کیا۔ 2014 میں انہوں نے لسٹ اے میچز بھی کھیلنا شروع کیے۔

وہ 2010 کے انڈر 19 ورلڈ کپ میں بھارت کی نمائندگی بھی کرچکے ہیں۔ تاہم انہیں انڈیا میں کھیلنے کے زیادہ موقع نہ ملا اور بہتر مواقع کی تلاش میں امریکا آگئے۔ جنوری 2018 میں ان کی امریکی کرکٹ ٹیم میں سلیکشن ہوئی اور اسی سال اکتوبر میں وہ اپنی ٹیم کے کپتان بن گئے۔

امریکی ٹیم نے نیتراولکر کی قیادت میں فروری 2019 میں یو اے ای کے خلاف انٹرنیشنل ٹی20 میچز کی سیریز کھیلی اور اپریل 2019 میں ڈویژن 2 انڈر19 ورلڈ کپ میں پہلی 4 ٹیموں میں جگہ بنا کر ون ڈے انٹرنیشنل ٹیم کا اسٹیٹس بھی حاصل کرلیا۔

سوربھ نیتراولکر نے امریکا کی جانب سے 2021 میں آئی سی سی مینز ٹی20 ورلڈ کپ امریکا کوالیفائر ٹورنامنٹ اور اگلے سال ورلڈ کپ لیگ 2 ٹورنامنٹ کے 2 راؤنڈز میں شرکت کی اور ایک میچ میں سب سے زیادہ وکٹیں حاصل کرنے والے بولر کا بھی اعزاز پایا۔

2022 میں بھی انہوں نے زمبابوے میں ہونے والے ٹی20 ورلڈ کپ کوالیفائر ٹورنامنٹ میں حصہ لیا اور سنگاپور کے خلاف میچ میں پہلی بار کسی میچ میں 5 وکٹیں حاصل کرنے میں کامیاب ہوئے۔

سربھ نیتراولکر کو عالمی سطح پر شہرت 6 جون 2024 کو حاصل ہوئی جب انہوں نے ٹی20 ورلڈ کپ میں پاکستان کے خلاف امریکا کو فتح دلانے میں اہم کردار ادا کیا۔

سعودی عرب میں ذوالحج کا چاند نظر آ گیا

سعودی عرب میں ذوالحج کا چاند نظر آ گیا ہے جس کے بعد عید الفطر 16 جون کو ہو گی ۔

تفصیلات کے مطابق سعودی سپریم کورٹ کے بیان میں کہا گیا ہے کہ یوم عرفہ ہفتہ 15 جون جبکہ عیدالاضحیٰ اتوار 16 جون کو ہوگی۔عرب میڈیا کے مطابق سلطنت عمان میں ذوالحجہ کا چاند نظر نہیں آیا، یکم ذوالحجہ 8 جون اور عیدالاضحٰی 17 جون کو ہوگی۔

پاکستان میں ذوالحج کا چاند دیکھنے کیلئے مرکزی رویت ہلال کمیٹی کا اجلاس کل اسلام آباد میں ہو گا ۔

کراچی سے تعلق رکھنے والے 2 افراد سویڈن کی جھیل میں ڈوب گئے

سویڈن کے شہراسٹاک ہوم میں کراچی سے تعلق رکھنے والے دو دوست مبینہ طور پر جھیل میں ڈوب کر جاں بحق ہو گئے۔

یکم جون کو کراچی کے دو دوست عارف زیدی اور سلمان نسیم دیگر دوستوں کے ہمراہ شہر میں موجود جھیل پر باربی کیو پکنک کرنے کیلئے گئے تھے، مبینہ طور پر جھیل میں نہانے کے بعد سطح پر نہیں آئے، پولیس اور ایمبولینس کی مدد سے دونوں کی میتیں نکالی گئیں۔

متوفی عارف زیدی کے بڑے بھائی خالق زیدی نے جیو نیوز سے گفتگو کرتے ہوئے بتایا کہ واقعے کے حوالے سے تفتیش آج سے شروع ہوگی، تفتیش مکمل ہونے کے بعد میتیں کراچی منتقل کی جائیں گی۔

خالق زیدی نے بتایا کہ کسی کو نہیں معلوم کہ حادثہ کیسے ہوا، سوشل میڈیا پر ایک لڑکے نے جائے وقوعہ کی ویڈیو اپلوڈ کی ہے، دونوں کی میتوں کو ہیلی کاپٹر اور ایمبولینس سے نکالا گیا ہے۔ میتیں تفتیش کے بعد پاکستان لائی جائیں گی۔

یورپی کمیشن نے ’پی آئی اے‘ پروازوں پر پابندی اٹھانے کا فیصلہ مؤخر کردیا

یورپی کمیشن نے پاکستان انٹرنیشنل ایئر لائن (پی آئی اے) کی پروازوں پر پابندی اٹھانےکا فیصلہ مؤخر کردیا ہے۔ سول ایوی ایشن اتھارٹی کی جانب سے یورپی یونین کے مطلوبہ اقدامات نہ کرنے کی وجہ سے پابندی میں توسیع کی گئی ہے۔

31 مئی 2024 کو یورپی کمیشن کے اجلاس میں پاکستان کو سول ایوی ایشن میں پیشہ وارانہ قابلیت کے حامل افسران تعینات کرنےکا مشورہ دیا گیا تھا۔ سول ایوی ایشن کے ریگولیٹری ڈیپارٹمنٹ کے غیر سنجیدہ رویے کے باعث پی آئی اے کی پروازوں پر 4 سال سے پابندی عائد ہے۔

واضح رہے کہ یکم جولائی 2020 کو یورپین یونین ایئر سیفٹی ایجنسی (ایاسا) نے پاکستان انٹرنیشنل ایئر لائنز (پی آئی اے) کے یورپی ممالک کے فضائی آپریشن کے اجازت نامے کو 6 ماہ کے لیے عارضی طور پر معطل کردیا تھا۔

8 اپریل 2021 کو یورپی یونین کی ایوی ایشن سیفٹی ایجنسی نے پی آئی اے پر سفری پابندیوں میں غیر معینہ مدت تک توسیع کی تھی۔

واٹس ایپ اسٹیٹس پر طویل ‘وائس نوٹ’ لگانا اب ممکن

واٹس ایپ نے اسٹیٹس اپ ڈیٹس پر وائس نوٹ لگانے کے فیچر میں نئی اپڈیٹ متعارف کروادی، صارفین اب اسٹیٹس پر ایک منٹ طویل وائس نوٹ شیئر کر سکیں گے۔

چند روز میں واٹس ایپ کی جانب سے انٹرفیس کو مکمل طور پر تبدیل کرنے سمیت کئی نئے فیچرز اور اپ ڈیٹس متعارف کروائی جاچکی ہیں۔
ایک تازہ رپورٹ میں بتایا گیا ہے کہ واٹس ایپ ایک نیا فیچر لا رہا ہے جس کے تحت صارفین اسٹیٹس اپ ڈیٹ پر طویل وائس نوٹ پوسٹ کر سکیں گے۔ واٹس ایپ کی جانب سے اسٹیٹس پر وائس نوٹ کی طوالت کو iOS اور Android دونوں صارفین کے لیے بڑھایا جارہا ہے۔

واٹس ایپ اپڈیٹ کرکے نیا ورژن استعمال کرنے والے صارفین اب اپنے اسٹیٹس اپ ڈیٹس پر ایک منٹ طویل آڈیو پیغامات ریکارڈ اور شیئر کر سکتے ہیں، جس سے بغیر کسی رکاوٹ کے مزید تفصیلی انداز میں اپنے خیالات کا اظہار ممکن ہوجائے گا۔

صارفین ‘مائیک’ بٹن کو دبا کر وائس نوٹ ریکارڈ کر سکیں گے، یہ بالکل ایسا ہی ہوگا جیسے چیٹس میں وائس نوٹ بھیجتے وقت کرتے ہیں، ریکارڈ کرنے کے بعد اگر آپ کا اسٹیٹس پر وائس نوٹ لگانے کا ارادہ بدل جائے تو آپ اسے سلائیڈ کرکے کینسل بھی کرسکتے ہیں۔

یہ نیا فیچر کچھ صارفین کے لیے واٹس ایپ کے تازہ ترین ورژن میں دستیاب ہے، اینڈرائیڈ صارفین گوگل پلے سٹور سے واٹس ایپ کو اپ ڈیٹ کر سکتے ہیں جبکہ iOS صارفین اسے ایپ سٹور سے اپ ڈیٹ کر سکتے ہیں، توقع ہے کہ آنے والے دنوں میں یہ فیچر تمام صارفین کو دستیاب ہوجائے گا۔

واٹس ایپ کی جانب سے عنقرب ایک منٹ طویل ویڈیوز بھی اسٹیٹس پر شیئر کرنے کا فیچر متعارف کروادیا جائے گا، فی الوقت اسٹیٹس پر 30 سیکنڈ طویل ویڈیوز شیئر کی جاسکتی ہے۔

مصنوعی ذہانت کے ممکنہ خطرات سے کیسا بچا جائے؟

یونیسکو کا کہنا ہے کہ اس کی سفارشات پر عمل کر کے مصنوعی ذہانت کے غلط استعمال سے بچا جاسکتا ہے۔ چیٹ جی پی ٹی کے نئے ورژن اور مصنوعی ذہانت کے دیگر ذرائع کو غیر معمولی تشہیر ملنے سے ایک سال بعد اب حکومتیں اقوام متحدہ کے ادارے یونیسکو کے تعاون سے اس طاقت ور ٹیکنالوجی کے استعمال کو باضابطہ بنانے کی متفقہ کوششیں شروع کر رہی ہیں۔

یونیسکو (اقوام متحدہ کا تعلیمی، سائنسی و ثقافتی ادارہ) نے 2021 میں پہلی مرتبہ مصنوعی ذہانت کے اخلاقی اصولوں سے متعلق اپنی سفارشات تیار کی تھیں۔ اس وقت بیشتر دنیا کووڈ۔19 وبا کی صورت میں ایک اور عالمگیر خطرے سے نبرد آزما تھی۔ سفارشات کی 194 رکن ممالک نے منظوری دی جو سرکاری و نجی مالی وسائل کو معاشرے کی بہتری کے کاموں میں استعمال کرنے کے حوالے سے ٹھوس رہنمائی مہیا کرتی ہیں۔

عالمی ادارہ صحت نے بھی حال ہی میں حکومتوں، ٹیکنالوجی کی کمپنیوں اور طبی خدمات فراہم کرنے والے اداروں کی 40 سے زیادہ سفارشات کی روشنی میں مصنوعی ذہانت پر اپنا ہدایت نامہ تیار کیا ہے۔
چلی ان پہلے ممالک میں شامل تھا جنہوں نے ناصرف ان سفارشات کی منظوری دی بلکہ ان پر عملدرآمد بھی کیا۔ اس حوالے سے ایسا طریقہ کار اختیار کیا گیا جس سے مصنوعی ذہانت کے با اخلاق اور ذمہ دارانہ طور سے استعمال کی ضمانت ملتی ہے۔
اسی لیے جب چیٹ جی پی ٹی مارکیٹ میں آئی اور ہم نے اس پر اعتراضات اٹھتے دیکھے تو اس ٹیکنالوجی سے لاحق مسائل پر قابو پانے کے لیے ہمارے پاس ماہرین کے تحقیقی مرکز اور حکومتی سطح پر صلاحیتیں پہلے سے موجود تھیں۔ ہماری کمپنیاں پہلے ہی مصنوعی ذہانت سے کام لے رہی تھیں اور ہمارے پاس اس کی ضابطہ کاری کے حوالے سے لاحق مسائل کا حل بھی تھا۔

گزشتہ ایک سال کے عرصہ میں مصنوعی ذہانت کا استعمال پہلے سے کہیں بڑھ گیا ہے۔ حکومتیں اور ادارے بھی اس ٹیکنالوجی سےکام لینے لگے ہیں۔ اسی لیے ہم نے ایک انتظامی حکم سے ملتا جلتا اقدام کیا جو بنیادی طور پر مصنوعی ذہانت کے ذمہ دارانہ استعمال سے متعلق ہدایات ہیں۔
لوگوں کو سماجی فوائد فراہم کرنے والے ادارے میں اس ٹیکنالوجی کا استعمال ایک اہم مثال ہے۔ انہوں نے ایک ماڈل تیار کیا جو یہ اندازہ لگانے میں مدد دیتا ہے کہ کون سے لوگوں کی جانب سے ایسے فوائد مانگے جانے کا امکان بہت کم ہے جو ان کے حق دار ہیں۔

یونیسکو سفارشات سے ہمیں مصنوعی ذہانت اور اس سے متعلق ضابطوں کے بارے میں سوچ بچار میں مدد ملی۔ اس ضمن میں ہم سرکاری سطح پر ماہرین سے مشاورت کرتے رہے ہیں اور ہمیں امید ہے کہ ہم اس حوالے سے ایک مجوزہ قانون کانگریس میں پیش کرسکیں گے۔

اس بارے میں بھی سوچ بچار جاری ہے کہ لوگوں کو مصنوعی ذہانت کے حوالے کیسے تربیت دی جاسکتی ہے۔ ضروری نہیں کہ یہ پروگرامنگ کی تربیت ہو بلکہ اس کا مقصد مصنوعی ذہانت کے ماڈل تیار کرنے اور ان سے کام لینے والوں کو سماجی تناظر میں مزید ذمہ دارانہ طریقے سے کام کرنے کے قابل بنانا ہے۔
اس حوالے سے ڈیجیٹل تقسیم کو بھی مدنظر رکھنا ہو گا۔ بہت سے لوگوں کو ڈیجیٹل آلات یا ذرائع تک رسائی نہیں۔ یہ یقینی بنانے کے لیے علاقائی اور بین الاقوامی سطح پر تعاون درکار ہے کہ تمام لوگوں کو ان ذرائع سے فائدہ پہنچے۔

ڈیجیٹل تقسیم ختم کرنا یونیسکو سفارشات کا ایک اہم حصہ ہے۔ ادارے کا ایک بنیادی تصور یہ ہے کہ سائنس اور سائنسی ترقی کے فوائد تمام لوگوں میں مساوی طور سے تقسیم ہونے چاہئیں۔ یہ بات مصنوعی ذہانت پر بھی صادق آتی ہے کیونکہ یہ انسانوں کو اپنے سماجی معاشی اور ترقیاتی اہداف کے حصول میں مدد دینے کے حوالے سے بہت بڑے امکانات کی حامل ہے۔

اسی لیے یہ بات اہم ہے کہ جب ہم مصنوعی ذہانت کے بااخلاق طور سے استعمال اور ترقی کی بات کرتے ہیں تو ہماری توجہ محض دنیا کے ایسے حصے پر نہیں ہوتی جو ٹیکنالوجی کے اعتبار سے ترقی یافتہ ہے اور جہاں کمپنیاں ان ذرائع سے بخوبی کام لینے کی صلاحیت رکھتی ہیں۔ ہم جنوبی دنیا کے ممالک کے بارے میں بھی سوچتے ہیں جو ٹیکنالوجی میں ترقی کے حوالے سے مختلف مراحل میں ہیں اور ہم مصنوعی ذہانت میں ہونے والی عالمگیر ترقی پر بات چیت میں انہیں بھی شامل کرتے ہیں۔
ٹیکنالوجی ایک ایسا ذریعہ ہے جو انسانی مہارت اور صلاحیت کو مزید بہتر نتائج کے حصول کے قابل بنا سکتا ہے یا اسے ہتھیار کے طور پر بھی استعمال کیا جا سکتا ہے۔ چھاپہ خانے کی ایجاد سے اب تک یہ بات ثابت ہے۔ لہٰذا، ہمارے لیے یہ اہم ہے کہ بحیثیت صنعت ہمیں ٹیکنالوجی کے منفی اثرات پر قابو پانے کا اہتمام کرنا ہے اور ہمیں علم ہونا چاہیے کہ کمپیوٹر کیا کچھ کرسکتا ہے، ٹیکنالوجی کیا کچھ کرسکتی ہے اور اسے کیا نہیں کرنا چاہیے۔

کھل کر بات کی جائے تو سوشل میڈیا کے معاملے میں غالباً ہم نے ایسے مسائل سے نمٹنے کا پیشگی انتظام نہیں کیا تھا۔ اب مصنوعی ذہانت کے حوالے سے ہمارے پاس متحد ہو کر پیشگی اقدامات کا موقع ہے۔ ہمیں اس ٹیکنالوجی کے بے پایاں امکانات کا اعتراف کرتے ہوئے اس سے لاحق منفی اثرات کو محدود رکھنے کی کوشش کرنا ہے۔
یو این کے ڈیجیٹل ایجنڈے کا مقصد ہے کہ مصنوعی ذہانت سمیت ہر ٹیکنالوجی تمام انسانیت کے لیے یکساں فائدہ مند ہو۔ انسانیت کے لیے یہ کام بہتر طور سے انجام دینے میں یونیسکو کے شانہ بشانہ چلنا بہت اہم ہے۔

اسحاق ڈار کی کرغز وزیر خارجہ سے ملاقات، پاکستانی طلبہ کی حفاظت یقینی بنانے پر بات چیت

نائب وزیر اعظم اور وزیر خارجہ اسحاق ڈار نے کرغز وزیر خارجہ سے ملاقات کرکے پاکستانی طلبہ کی حفاظت یقینی بنانے کی درخواست کی ہے۔ دوسری طرف کرغزستان میں حالات بدستور کشیدہ ہیں اور پاکستانی طالبعلموں کی واپسی کا سلسلہ جاری ہے۔

قازقستان کے درالحکومت آستانہ میں ہونے والی ملاقات میں بشکیک کے حالیہ واقعات کی پیش رفت کا جائزہ لیا گیا۔

واضح رہے کہ شنگھائی تعاون تنظیم کی وزرائے خارجہ کونسل اجلاس قازقستان میں ہورہا ہے، اس لئے دونوں وزرائے خارجہ کی ملاقات آستانہ میں ہوئی۔

اہم ملاقات میں کرغزستان میں پاکستانی شہریوں کی فلاح و بہبود پر توجہ مرکوز کی گئی۔

وزیر خارجہ اسحاق ڈار نے کہا کہ پاکستان کی بنیادی تشویش اپنے شہریوں کی سلامتی اور تحفظ ہے۔

نائب وزیر اعظم اسحاق ڈار نے کرغز وزیر خارجہ سے پاکستانی طلبہ پر حملوں کے ذمہ داروں کے محاسبے کا مطالبہ بھی کیا۔

کرغز وزیرخارجہ نے فسادات کے مرتکب افراد کو ملکی قانون کے تحت سزا دینے کی یقین دہانی کرا دی۔

نائب وزیراعظم اسحاق ڈار نے اس بات پر زور دیا کہ دونوں ممالک اس سلسلے میں قریبی رابطہ برقرار رکھیں گے۔

کرغزستان میں حالات بدستور کشیدہ، پاکستانیوں کی واپسی جاری
دوسری طرف کرغزستان میں حالات بدستور کشیدہ ہیں اور پاکستانی طالبعلموں کی واپسی کا سلسلہ جاری ہے

ایرانی صدر ابراہیم رئیسی اور وزیر خارجہ ہیلی کاپٹر حادثے میں جاں بحق

ایرانی صدر کے معاون نے ہیلی کاپٹر حادثے میں ابراہیم رئیسی اور ایرانی وزیرخارجہ کی موت کی تصدیق کردی۔ آئین کے مطابق نائب صدر اب ذمہ داریاں سنبھالیں گے۔

تفصیلات کے مطابق ایرانی صدر ابراہیم رئیسی کے ہیلی کاپٹر کو پیش آنے والے حادثے کی تقریباً 14 گھنٹے بعد ریسکیو ٹیموں کو ایرانی صدر کے ہیلی کاپٹر کا ملبہ مل گیا۔ ایرانی صدر کے معاون نے ہیلی کاپٹر حادثے میں ابراہیم رئیسی اور ایرانی وزیرخارجہ سمیت سوار تمام افراد کی موت کی تصدیق کردی۔

قبل ازیں برطانوی خبرایجنسی نے بھی ایرانی صدر اور وزیرخارجہ حادثہ میں جاں بحق ہونے کی تصدیق کردی ہے۔ ہیلی کاپٹر میں ایرانی وزیر خارجہ امیرعبد الہیان، مشرقی آذربائیجان کے گورنر ملک رحمتی اور صوبے میں ایرانی صدر کے نمائندے آیت اللہ محمد علی بھی سوار تھے۔

ایرانی صدر ابراہیم رئیسی کی موت پر پاکستان میں یوم سوگ منانے کا اعلان

ایرانی میڈیا کے مطابق ایرانی صدر ابراہیم رئیسی آذربائیجان کے سرحدی علاقے میں ایک ڈیم کا افتتاح کرنے کے بعد واپس آرہے تھے کہ تبریز کے قریب ان کا ہیلی کاپٹر حادثے کا شکار ہوگیا۔ حادثہ تبریز سے 100 کلومیٹر دور پیش آیا، صدر کے ہیلی کاپٹر کا ملبہ ایک پہاڑی سے ملا۔

ڈیم کے افتتاح کے موقع پر آذربائیجان کے صدر الہام علیوف بھی موجود تھے۔ ایران کے سرکاری ٹیلی ویژن نے کہا کہ یہ حادثہ موسم کی خراب صورتحال کے باعث پیش آیا۔

نائب صدر اب ذمہ داریاں سنبھالیں گے

الجزیرہ کے مطابق صدر کی اچانک موت کی صورت میں ایرانی آئین کہتا ہے کہ پہلے نائب صدر جو فی الحال محمد مخبر ہیں، سپریم لیڈر کی منظوری سے صدر کا عہدہ سنبھالیں گے۔

حکومت کے ترجمان علی بہادری جہرومی نے اتوار کو بتایا تھا کہ بتایا کہ محمد مخبر حکومت کے دیگر ارکان کے ساتھ تبریز روانہ ہوگئے ہیں۔ علی بہادری جہرومی نے مزید کہا کہ حکومتی کابینہ کا اجلاس بھی ہوا جس میں لاپتہ ہیلی کاپٹر کے بارے میں تازہ ترین رپورٹس پیش کی گئی ہیں۔

پاکستان ایک عظیم دوست کو کھودینے پر سوگوار ہے، صدرمملکت

ایرانی سیاسی درجہ بندی کے مطابق ریاست کے سربراہ سپریم لیڈر علی خامنہ ای ہیں اور صدر کو حکومت کا سربراہ اور سیکنڈ ان کمانڈ سمجھا جاتا ہے۔

جب سیکنڈ ان کمانڈ کا انتقال ہو جاتا ہے، تب پہلا نائب صدر انچارج ہوتا ہے اور 50 دنوں میں ملک کو نئے صدر کے انتخاب کے لیے الیکشن میں جانے کی ضرورت ہوتی ہے۔

پاکستانی حکومت اور عوام کا اظہار تعزیت

ترجمان دفتر خارجہ ممتاز زہرہ بلوچ نے پاکستانی حکومت اور عوام کی جانب سے ایرانی صدر اور وزیر خارجہ کی شہادت پر اظہار تعزیت کیا ہے، ترجمان کے مطابق دکھ اور غم کی اس گھڑی میں ایرانی عوام سے دلی تعزیت کا اظہار کرتے ہیں۔

ترجمان دفترخارجہ نے کہا کہ دعائیں شہداء کے اہل خانہ اور اسلامی جمہوریہ ایران کے عوام کے ساتھ ہیں، سوگ کی اس گھڑی میں اپنے ایرانی بھائیوں کے ساتھ اظہار یکجہتی کرتے ہیں۔

بیان کے مطابق صدر ڈاکٹر ابراہیم رئیسی اور وزیر خارجہ حسین امیر عبداللہیان قابل احترام رہنما تھے، پاک ایران تعلقات اور علاقائی تعاون کے لیے دونوں کی خدمات ہمیشہ یاد دکھی جائیں گی۔

آسٹریلیا کا ویزا درخواستوں کیلئے انگریزی زبان کے ٹیسٹ میں نرمی کا اعلان

آسٹریلیا کی جانب سے ویزا درخواستوں کے لیے انگریزی زبان کے ٹیسٹ میں نرمی کا اعلان کردیا گیا۔

رپورٹ کے مطابق آسٹریلوی محکمہ داخلہ ( ڈی ایچ اے ) نے ویزا درخواستوں کے لیے TOEFL سکور کی منظوری پر عارضی معطلی کو ختم کر دیا ہے جس کا مطلب یہ ہے کہ درخواست دہندگان اپنی انگریزی زبان کی مہارت کو ظاہر کرنے کے لیے ایک بار پھر ٹیسٹ آف انگلش ایز فارن لینگویج (TOEFL) iBT ٹیسٹ کے نتائج کا استعمال کر سکتے ہیں۔

گزشتہ سال جولائی میں آسٹریلوی محکمہ داخلہ نے TOEFL اسکورز کی منظوری کو عارضی طور پر روک دیا تھا اور مکمل جائزہ لینے کا عمل شروع کیا تھا، تاہم محتاط غور و خوض کے بعد ٹیسٹ آف انگلش ایز فارن لینگویج سکور کو اب دوبارہ ویزا درخواستوں کے لیے درست دستاویزات کے طور پر تسلیم کیا گیا ہے جو کہ فوری طور پر مؤثر ہے۔

TOEFL کیا ہے ؟

TOEFL ایک معیاری ٹیسٹ ہے جو غیر مقامی زبان بولنے والوں کی انگریزی زبان کی مہارت کو جانچنے کے لیے تیار کیا گیا ہے، یہ آسٹریلیا کی تمام یونیورسٹیوں سمیت عالمی سطح پر یونیورسٹیوں اور اداروں کی طرف سے وسیع پیمانے پر پہچان رکھتا ہے۔

آسٹریلیا کے ویزوں کے لیے TOEFL اسکورز

آسٹریلیائی امیگریشن کا حکم ہے کہ درخواست دہندگان انگریزی زبان میں مہارت کی ایک خاص سطح کا مظاہرہ کریں تاکہ مؤثر مواصلات اور آسٹریلیائی زندگی میں رہن سہن کو یقینی بنایا جاسکے، TOEFL سکور جمع کروانا اس ضرورت کو پورا کرنے اور ویزا کی درخواست کو تقویت دینے کے لیے ایک ذریعے کا کام کرتا ہے۔

انگریزی زبان کے متبادل ٹیسٹ

آسٹریلیا دیگر انگریزی زبان کی مہارت کے امتحانات کے اسکور کو بھی تسلیم کرتا ہے جن میں بین الاقوامی انگلش لینگویج ٹیسٹنگ سسٹم (IELTS)، پیئرسن ٹیسٹ آف انگلش (PTE)، کیمبرج انگلش (CAE) او اے ٹی (OET) شامل ہیں۔

آسٹریلوی حکام کی جانب سے TOEFL کی منظوری کو دوبارہ شروع کرنا ویزا کے طریقہ کار کو آسان بناتا ہے جس سے بین الاقوامی طلباء، پیشہ ور افراد اور تارکین وطن کے لیے آسانی ہوتی ہے جو آسٹریلیا میں اپنا کیرئیر شروع کرنا چاہتے ہیں

چین نے 12 ممالک کیلئے ویزا فری انٹری پالیسی میں توسیع کردی

چین نے ملائیشیا سمیت 12 ممالک کے شہریوں کے لیے ویزا فری انٹری پالیسی میں 2025 کے اختتام تک توسیع کردی۔

اس توسیع کا اعلان 6 مئی 2024 کو چین فرانس بزنس کونسل کے چھٹے اجلاس کی اختتامی تقریب کے دوران فرانس میں چینی صدر شی جن پنگ کی طرف سے کیا گیا ہے جبکہ ان 12 ممالک میں فرانس، جرمنی، اٹلی، ہالینڈ، سپین، ملائیشیا، سوئٹزرلینڈ، آئرلینڈ، ہنگری، آسٹریا، بیلجیم اور لکسمبرگ شامل ہیں۔

در حقیقت نومبر 2023 میں یورپی ممالک اور ملائیشیا کے محدود انتخاب کے لیے متعارف کرایا گیا ویزا فری سسٹم ابتدائی طور پر نومبر 2024 میں ختم ہونے والا تھا تاہم، اس کی کامیابی ، سیاحت اور معیشت پر مثبت اثرات کی وجہ سے اس میں توسیع ضروری سمجھی گئی۔

2023 میں کورونا پابندیوں میں نرمی کے بعد چین میں بین الاقوامی سیاحوں کی تعداد میں مسلسل اضافہ دیکھا گیا ہے۔

ویزا فری پالیسیوں میں توسیع چین کی وسیع تر حکمت عملی کا حصہ ہے تاکہ بین الاقوامی سیاحت کے ذریعے اپنی معیشت کو بحال کیا جا سکے، اس حکمت عملی میں مارچ 2024 کے وسط سے آسٹریا، بیلجیم، ہنگری، آئرلینڈ، لکسمبرگ اور سوئٹزرلینڈ کے شہریوں کے لیے ویزا کے قوانین میں نرمی اور اسی طرح کے ویزا فری اندراجات کو متعارف کرانا شامل ہے۔

دیگر یورپی اور ایشیائی ممالک کے لیے بھی اضافی پائلٹ پروگرام شروع کیے گئے ہیں، بدقسمتی سے پاکستان ابھی تک اس فہرست میں شامل نہیں ہو سکا۔

آپ اکاؤنٹ اور پیسوں سے محروم ہو سکتے ہیں، مائیکروسافٹ نے اینڈروئیڈ صارفین کو خبردار کر دیا

ٹیکنالوجی کمپنی مائیکروسافٹ نے اینڈروئیڈ صارفین کو ایپس سے رقم نکالنے والے خفیہ حملوں کے بارے میں خبردار کیا ہے۔ نامعلوم ہیکرز آپ کے فون اکاؤنٹس اور ’منی ایپ‘ تک رسائی حاصل کر کے آپ کے پیسے اور دیگر ڈیٹا چوری کر سکتے ہیں۔

مائیکروسافٹ کے محققین نے ایک بیان کے ذریعے اینڈروئیڈ صارفین کو خفیہ حملوں کے بارے میں متنبہ کیا ہے، ہیکرز ان حملوں کے ذریعے آپ کے اکاؤنٹس کو ہیک کر کے اپنے قبضہ میں لے سکتے ہیں اور آپ کو اس کے بارے میں معلوم بھی نہیں ہو سکے گا۔
دی سن کی ایک رپورٹ کے مطابق محققین نے حال ہی میں دریافت کیا ہے کہ اینڈروئیڈ ایپس ایک عام سیکیورٹی کمزوری کی وجہ سے ڈیٹا کے چوری، میلویئر اور دیگر حملوں کا شکار ہوسکتی ہیں۔

رپورٹ میں انکشاف کیا گیا ہے کہ یہ حملے اکثر ان اینڈرائیڈ ایپلی کیشنز پر کیے گئے ہیں جو دوسرے صارفین کے ساتھ شیئر کی جاتی ہیں۔
محققین نے کہا ہے کہ ’ڈرٹی اسٹریم’ کے نام سے مشہور یہ ایپس کسی دوسری ایپ میں فائل فائل بھیجتی ہیں جس کے بعد یہ حملہ آور ایک جعلی ایپ بنا لیتے ہیں جو صارف کی منظوری یا علم کے بغیر براہ راست وصول کر لیتے ہیں۔
تحقیق کرنے والوں کا کہنا ہے کہ یہ فائل شیئرنگ اہداف ای میل کلائنٹس، میسجنگ ایپس، سوشل نیٹ ورکنگ ایپس، براؤزر اور فائل ایڈیٹرز کے ذریعے بھی پورے کیے جا سکتے ہیں۔ محققین کے مطابق ان ایپس میں سے 4، جن کا نام ظاہر نہیں کیا گیا ہے، کو 500 ملین سے زیادہ بار ڈاؤن لوڈ بھی کیا جا چکا ہے۔

مائیکروسافٹ کے مطابق جب کسی شیئر ہدف کو بدنیتی پر مبنی فائل کا نام موصول ہوتا ہے تو، ایک ایسا عمل شروع ہو جاتا ہے جو ایپ چوری ہوئے بغیر ختم نہیں ہوتا۔

گوگل کی اینڈروئیڈ سیکیورٹی ٹیم کو بھی مائیکروسافٹ کے نمائندوں کی طرف سے ممکنہ خطرے سے آگاہ کر دیا گیا ہے۔

جاپان میں مفت رہائش اور تعلیم حاصل کرنے کا سنہری موقع

جاپان نے اپنے نئے تعلیمی پروگرام ”میکسٹ (MEXT) اسکالرشپس 2025“ کا اعلان کردیا ہے، جس میں باصلاحیت پاکستانی طلباء کو انڈر گریجویٹ اور گریجویٹ تعلیم (ماسٹرز، پی ایچ ڈی) کو آگے بڑھانے اور جاپان کی معزز یونیورسٹیوں میں تعلیم حاصل کرنے کی دعوت دی گئی ہے۔

جاپانی سفارت خانہ فی الحال میکسٹ انڈرگریجویٹ اور ریسرچ اسکالرشپس (ماسٹرز، پی ایچ ڈی) 2025 کے لیے درخواستیں وصول کر رہا ہے۔

جاپان کی وزارت تعلیم، ثقافت، کھیل، سائنس، اور ٹیکنالوجی (MEXT) جاپانی یونیورسٹیوں میں گریجویٹ اور انڈرگریجویٹ تعلیم کے خواہش مند بین الاقوامی طلباء کیلئے ہر سال اسکالرشپس کا اعلان کرتی ہے۔
میکسٹ ریسرچ اسکالرشپ میں مکمل طور پر حکومت جاپان کی طرف سے فنڈز فراہم کیے جاتے ہیں، اسی لیے یہ پاکستان کے پرجوش طلباء کے لیے جاپان کی اعلیٰ درجے کی یونیورسٹیوں میں درخواست دینے اور اس سے فائدہ اٹھانے کا ایک شاندار موقع ہے۔

اسکالرشپ اور اس کیلئے اپلائی کرنے کے طریقہ کے بارے میں مزید تفصیلات آپ یہاں دیکھ سکتے ہیں۔
https://www.pk.emb-japan.go.jp/itpr_en/education.html

غیرملکی تارکین وطن کی بغیر اجازت حرم مکی میں داخلے پر پابندی عائد

مکہ مکرمہ: سعودی عرب کی وزارت داخلہ نے حج انتظامات کےباعث غیر ملکی تارکین وطن کی حرم مکی میں بغیر اجازت داخلے پر پابندی عائد کر دی ہے۔
عرب میڈیا کے مطابق وزارت داخلہ نے سماجی رابطے کی ویب سائٹ ( ایکس ) پر جاری بیان میں کہا کہ اس اقدام کا مقصد حج انتظامات کو منظم کرنا اور بغیر اجازت حج کرنے والوں کو روکنا ہے۔
ایسے غیرملکی جن کے پاس مقدس دارالحکومت حرم مکی کے اندر ورک پرمٹ ، عمرہ ویزہ پرمٹ یا وزٹ ویزہ موجود ہے انہیں اضافی اجازت نامہ حاصل کرنے کی ضرورت نہیں، ایسے تارکین وطن جو مقدس دارالحکومت میں کام کررہےہیں، وہ ’ابشر‘ پلیٹ فارم سے کوائف کے اندراج کے بعد اجازت نامہ حاصل کرسکتے ہیں۔
ایسے افراد جو حج کے اجازت نامے نہیں رکھتے انہیں پہلے حج کے لیے تمام ضروری لوازمات مکمل کرنا ہوں گے، اس سلسلے میں اگر کسی کو حرم مکی میں آنا ہوا تو اسے پہلے مجاز حکام سے اس کی اجازت لینا ہوگی۔
اس کے علاوہ سعودی عرب میں وزارت حج اور عمرہ نے اعلان کیا کہ عمرہ ویزا کی مدت اجراء کی تاریخ سے 3 ماہ تک ہے، عمرہ سیزن پندرہ ذی الحج کو ختم ہوجاتا ہے۔دوسری جانب حج کے قریب آنے والے سیزن کے ساتھ وزارت نے عازمین کومتنبہ کیا کہ وہ جعلی حج کمپنیوں سے ہوشیار رہیں اور صرف مجاز حج ٹورآپریٹرز کے ذریعے حج کے لیے رجسٹریشن کرائیں۔

واٹس ایپ کا نیا فیچر متعارف، کیا اب لائیو میٹنگ کا انعقاد کیا جا سکے گا؟

میٹا کی مسیچنگ ایپ ’واٹس ایپ‘ نے ’ایونٹس‘ کے نام سے ایک نیا فیچر متعارف کرایا ہے جس کا مقصد واٹس ایپ گروپس کے لیے ورچوئل اور ان پرسن ایونٹس کے انعقاد کے عمل کو آسان بنا دیا گیا ہے۔

ایونٹس کے نام سے یہ نیا فیچر گروپ کے ممبران کو میٹنگز، پارٹیوں اور دیگر تقریبات کو ترتیب دینے کی اجازت دیتا ہے۔
اس فیچر کو گروپ کے انفارمیشن پیج پر پن کیا جاتا ہے اور اس کا اپنا چیٹ تھریڈ بھی ہے، جس سے ممبران یہ دیکھ سکتے ہیں کہ کون تقریب میں شرکت کر رہا ہے اور کون شرکت نہیں کر رہا ہے۔

میسجنگ ایپ نے اس فیچر میں گروپوں میں جواب دینے کی صلاحیت بھی شامل کی ہے تاکہ ممبروں کو رائے اور تبصرے فراہم کرنے کے قابل بنایا جاسکے۔

اس فیچر کی ایک خاص بات یہ بھی ہے کہ اس میں گروپ میں ہونے والی گفتگو کو میوٹ یعنی خاموش بھی کیا جاسکتا ہے تاکہ صارفین بحث میں حصہ لیں سکیں اور مستقل اطلاعات کے ساتھ دوسرے صارفین کو پریشان کیے بغیر اپنا حصہ ڈال سکیں۔

نیا فیچر آنے والے مہینوں میں تمام گروپس میں لانچ کرنے سے پہلے واٹس ایپ کمیونٹیز پر نظر آئے گا، واٹس ایپ کی کمیونیٹیز ایک سلیک یا ڈسکارڈ جیسا فیچر ہے جس کے اپنے میسج تھریڈز، گروپ ایڈمنز ہیں جبکہ یہ واٹس ایپ کی 32 افراد کی ویڈیو کالنگ کی صلاحیتوں کا بھی فائدہ اٹھا رہے ہیں۔

چین میں ہائی وے دھنسنے سے 48 اموات

چین میں بارشوں کے باعث ہائی وے کا حصہ دھنس جانے سے اموات کی تعداد بڑھ کر48 ہو گئی ہے۔
شنہوا کے مطابق صوبہ گوانگ ڈونگ کے شہر میزہو کی کمیونسٹ پارٹی کمیٹی کے سیکریٹری مازینگیونگ نے ایک پریس بریفنگ میں بتایا کہ گزشتہ روز میزو شہر اور گوانگ ڈونگ صوبے میں ڈابو کاؤنٹی کے درمیان سڑک کا ایک حصہ دھنس جانے کے باعث ہونے والی اموات کی تعداد 48 ہوگئی ہے۔

مازینگیونگ نےسڑک دھنس جانے کو مسلسل شدید بارش کا نتیجہ بتایا ہے۔

واضح رہے کہ چینی صوبہ گوانگ ڈونگ اکثر شدید بارشوں کی زد میں رہتا ہے لیکن حالیہ ہفتوں میں وہاں غیر معمولی شدت کی بارشیں ہوئیں جن کے سبب دریائے پرل کے ڈیلٹا میں بہت سے ندی نالوں میں خطرناک حد تک طغیانی پیدا ہو گئی ہے۔

صوبائی دارالحکومت گوانگ ژو کے شمال اور جنوب میں واقع قصبوں اور دیہاتوں سے بھی سیلاب کی اطلاع ملی ہ

پاکستان کا پہلا سیٹلائٹ مشن ‘آئی کیوب کیو’ چاند پر آج بھیجا جائے گا

پاکستان کا تاریخی سیٹلائٹ مشن آئی کیوب کیو آج چاند پر بھیجا جائے گا۔

پاکستان کا تاریخی سیٹلائٹ مشن آئی کیوب کیو دوپہر 12 بجکر 50 منٹ پر روانہ ہو گا۔ آئی کیوب کیو چین کے ہینان اسپیس لانچ سائٹ سے چاند کے سفر کے لیے خلا میں بھیجا جائے گا۔

سیٹلائٹ آئی کیوب قمر کی لانچ کو ویب سائٹ سے لائیو ٹیلی کاسٹ کیا جائے گا۔

کور کمیٹی انسٹیٹیوٹ آف اسپیس کے رکن ڈاکٹر خرم خورشید نے کہا کہ مشن کی کامیابی پر پاکستان چاند پر جانے والا دنیا کا چھٹا ملک بن جائے گا۔ ’آئی کیوب کیو‘ کو ’چینگ 6‘ مشن کے ساتھ منسلک کیا گیا ہے۔

انہوں نے کہا کہ آئی کیوب قمر کا ڈیزائن اور ڈویلپمنٹ چائنا اور سپارکو کے اشتراک سے تیار کیا گیا ہے جبکہ چاند کے جنوبی قطب سے اہم تصاویر بنانے کے لیے آئی کیوب قمر میں دو کیمرے نصب ہیں

Pakistan Press Club Italy

ناروے نے مستقل رہائشی اجازت نامے کیلئے مالی معاونت کی شرط ختم کر دی

ناروے نے غیر ملکیوں کے لیے صرف 3 سال میں مستقل رہائش حاصل کرنا آسان بنا دیا۔

رپورٹ کے مطابق ناروے نے 18 اپریل کو مستقل رہائشی اجازت نامہ حاصل کرنے کے لیے مالی معاونت کی شرط کو ختم کر دیا ہے جس کے بعد لوگوں کو ملک میں آسانی سے رہنے اور مستقل رہائش اختیار کرنے میں آسانی ہوگی۔

پچھلے ضابطوں کے تحت 18 سے 67 سال کی عمر کے افراد کو مستقل رہائشی اجازت نامے کے حصول کے لیے پچھلے سال کے دوران مستحکم آمدنی ظاہر کرنے اور حکومتی مالی امداد حاصل کرنے سے گریز کرنے کی ضرورت تھی۔

تاہم، حالیہ ترمیم نے سوشل سروسز ایکٹ کے تحت مالی امداد حاصل کرنے پر پابندی ختم کردی ہے جبکہ مستحکم آمدنی برقرار رکھنے کی شرط برقرار ہے۔

مستقل رہائشی اجازت نامہ لوگوں کو ناروے میں غیر معینہ مدت تک رہنے اور کام کرنے کا حق دیتا ہے۔

درخواست دہندگان کے پاس ناروے میں کم از کم تین سال کے لیے ایک درست رہائشی اجازت نامہ ہونا چاہیے اور اہلیت کے اضافی معیار کو پورا کرنا چاہیے۔

منظوری کے بعد وصول کنندگان کو ایک رہائشی کارڈ ملے گا جو ان کی مستقل رہائشی حیثیت کا ثبوت ہوگا۔

اس سے پہلے مستقل رہائشی اجازت ناموں کی توثیق پاسپورٹ پر چسپاں اسٹیکرز کے ساتھ کی جاتی تھی۔

مالیاتی معیار پر پورا اترنے کے لیے آمدنی کے منظور شدہ ذرائع میں ملازمت، کاروباری آمدنی، پنشن کی ادائیگی، قرضے، تعلیم سے متعلق گرانٹس اور تعارفی فوائد شامل ہیں۔

مالی امداد، جیب خرچ یا طبی اخراجات اور تعلیمی مواد جیسی ضروری ضروریات کے لیے فنڈز کی صورت میں ناروے میں قیام کے دوران مالی مشکلات کا سامنا کرنے والے افراد کے لیے دستیاب رہتی ہے۔

واٹس ایپ نےچیٹ فلٹرز نامی نیا فیچر متعارف کروا دیا

لمبی چیٹ سے تنگ واٹس ایپ صارفین کے لیے اچھی خبر سامنے آگئی ہے کیونکہ اب کمپنی نے بڑی مشکل آسان کردی۔

ایپ میں فلٹر 3 ناموں (یعنی آل، ان ریڈ اور گروپس) سے پیش کیے گئے ہیں جو چیٹ لسٹ کے اوپر دیکھے جا سکیں گے۔

جب آل کا آپشن دبایا جائے گا تو تمام چیٹس سامنے آجائیں گی جبکہ ان ریڈ سے وہ چیٹس جن کے پیغامات پڑھے نہیں گئے اور گروپس آپشن میں گروپ چیٹس اور کمیونیٹیز کے ذیلی گروپس کی چیٹس پڑھی جاسکیں گی۔

کمپنی کی جانب سے اس فیچر کا اجرا شروع ہوچکا ہے اور آئندہ چند ہفتوں میں یہ تمام صارفین کے لیے دستیاب ہوگا۔

مذکورہ فیچر کے استعمال سے مطلوبہ چیٹ تک پہنچنے کا عمل تیز ہوگا اورصارف کو کم سے کم اسکرالنگ کرنا پڑےگی۔

اسرائیل نے ایران پر جوابی حملہ کردیا، اصفہان شہر پر میزائلوں کی بارش

امریکی ٹی وی چینل ’اے بی سی نیوز‘ کے مطابق اسرائیل نے ایران کے شہر اصفہان میں ایک ہدف کو نشانہ بنانے والے میزائلوں کی بابت بتایا ہے جبکہ ایران کے سرکاری ٹی وی نے بھی اصفہان میں دھماکوں کی خبر دی ہے۔ تاہم ایران نے متعدد شہروں میں ایئر ڈیفینس سسٹم بحال کردیا ہے۔

امریکی نشریاتی ادارے اے بی سی نیوز نے ایک نامعلوم سینئر امریکی اہلکار کے حوالے سے بتایا ہے کہ اسرائیلی میزائلوں نے ایران کے شہر اصفہان میں ایک جگہ کو نشانہ بنایا ہے۔

دوسری جانب ایران کے سرکاری ٹیلی ویژن نے بھی اصفہان میں دھماکوں کی اطلاع دی، ملک میں فضائی دفاعی نظام فعال ہوگیا جبکہ تہران اور اصفہان سمیت کئی علاقوں میں پروازیں معطل کر دی گئی ہیں۔

تاحال جانی نقصان کی کوئی اطلاع نہیں ہے، نہ ہی ایران کی طرف سے کوئی سرکاری طور پر ردعمل سامنے آیا ہے۔ ایرانی میڈیا کے مطابق اسرائیل نے حملے میں ہوائی اڈے کو نشانہ بنایا ہے۔

میڈیا رپورٹس کے مطابق شام اور عراق میں بھی دھماکوں کی اطلاعات موصول ہوئی ہیں، جبکہ امریکا اور کئی یورپی ممالک اسرائیل سے مطالبہ بھی کرتے رہے ہیں کہ وہ ایرانی حملے کا جواب نہ دے۔

اصفہان کو تزویراتی طور پر ایک اہم شہر سمجھا جاتا ہے اور یہ ایک ایسا شہر ہے جو کئی اہم مقامات کی میزبانی کرتا ہے، یہاں ایرانی فوجی تحقیقاتی ادارے اور فضائی اڈے بھی موجود ہیں، اصفہان کے قریب ہی نطنز شہر ایران کے جوہری افزودگی کی جگہوں میں سے ایک ہے۔

دوسری جانب تجارتی پروازوں نے بھی آج صبح بغیر کسی وضاحت کے مغربی ایران کی طرف اپنے راستوں کا رخ موڑنا شروع کر دیا کیونکہ ایران کی نیم سرکاری خبر رساں ایجنسی فارس نے کہا ہے کہ اصفہان شہر میں دھماکے کی آوازیں سنی گئی ہیں۔

قبل ازیں شام کے دارالحکومت دمشق میں ایران کے قونصل خانے پر حملہ ہوا تھا جس میں ایران کے ایک سینئر جنرل سمیت متعدد ہلاکتیں ہوئی تھیں۔ ایران نے الزام عائد کیا تھا کہ یہ حملہ اسرائیل نے کیا ہے۔ اس کے بعد ایران نے اسرائیل پر ڈرون اور میزائلوں کی بوچھاڑ کی تھی۔

واٹس ایپ ویب کے لیے میٹا نے نیا فیچر متعارف کروا دیا

ٹیکنالوجی کمپنی ’ میٹا ‘ کی انسٹنٹ میسجنگ ایپ واٹس ایپ نے اعلان کیا ہے کہ وہ صارف انٹرفیس کو بہتر بنانے کے لیے ویب کلائنٹ کے لیے جلد ہی ایک نیا سائڈ بار متعارف کرائے گا
گزشتہ چند ہفتوں میں واٹس ایپ نے اپنے ویب کلائنٹ کے لیے ایک نیا سائیڈ بار متعارف کرایا ہے جس میں بہتر نیویگیشن اور اہم سیکشنز تک رسائی فراہم کی گئی ہے۔

یہ انٹرفیس فی الحال بیٹا ٹیسٹرز کے لیے دستیاب ہے جو ویب کلائنٹ کے آفیشل بیٹا پروگرام میں شامل ہوگئے ہیں۔
ڈبلیو اے بیٹا انفو کے مطابق اس انٹرفیس کو نیویگیشن کو بڑھانے اور صارفین کو واٹس ایپ ویب کے مختلف حصوں کے ذریعے نقل و حرکت کا ایک واضح اور منظم طریقہ فراہم کرنے کے لیے ڈیزائن کیا گیا تھا۔

نئے سائیڈ بار فیچر کے ساتھ اب آپ واٹس ایپ ویب پر براؤزنگ کے بہتر تجربے سے بھی لطف اندوز ہوسکتے ہیں جس میں ضروری حصوں تک فوری رسائی حاصل ہے۔

دوبارہ ڈیزائن کردہ سائیڈ بار صارفین کو آسانی سے بات چیت کے درمیان سوئچ کرنے، اسٹیٹس اپ ڈیٹس چیک کرنے اور صرف ایک کلک کے ساتھ آرکائیو پیغامات تک رسائی حاصل کرنے کی سہولت دیتا ہے۔

نیا ڈیزائن کردہ انٹرفیس واٹس ایپ ویب پر صارف کے تجربے کو بہت بہتر بنائے گا، جس سے یہ زیادہ جدید، بدیہی اور استعمال میں موثر ہوجائے گا۔

نئے سائڈ بار کا اسکرین شاٹ بیٹا ٹیسٹرز کو واٹس ایپ ویب کے مختلف حصوں بشمول چیٹس، اسٹیٹس، چینلز، کمیونٹیز، آرکائیو اور اسٹارڈ میسجز کے ذریعے آسانی سے نیویگیٹ کرنے کی سہولت دیتا ہے۔

برطانوی وزیراعظم رشی سونک کی عید ملن پارٹی کا بائیکاٹ کیوں کیا گیا؟

برطانوی وزیراعظم رشی سونک کی جانب سے عید ملن پارٹی تنازع کا شکار ہوگئی۔ کنزرویٹیو پارٹی کے رہنماؤں سمیت مختلف کاروباری شخصیات نے عید ملن پارٹی کے بائیکاٹ کا اعلان کیا ہے۔

برطانوی میڈیا کے مطابق عید ملن پارٹی کا بائیکاٹ حکومت کی طرف سے اسرائیل کی حمایت پر کیا گیا ہے۔ وزیراعظم رشی سونک کی طرف سے عید ملن پارٹی آج 10 ڈاؤننگ اسٹریٹ ہوگی۔ تاہم حکمران جماعت کنزرویٹو پارٹی کے رہنماؤں سمیت بزنس اور چیرٹی لیڈرز نے عید ملن پارٹی کا بائیکاٹ کردیا ہے۔
سعیدہ وارثی سمیت 2 دیگر ٹوری اراکین پارلیمنٹ بھی عید ملن پارٹی کے بائیکاٹ کا ارادہ رکھتے ہیں، سعیدہ وارثی نے غزہ کے تنازعے کے سبب ہی 2014 میں ڈیوڈ کیمرون کی کابینہ سے بطور فارن آفس منسٹر بھی استعفیٰ دے دیا تھا۔

ایک خیراتی ادارے سے تعلق رکھنے والے ایک شخص نے عید ملن پارٹی میں شرکت کا فیصلہ کیا ہے، ان کا کہنا ہے کہ وہ پارٹی میں جا رہے ہیں کیونکہ جاری تنازع کے اس وقت حکومت کے ساتھ بات چیت کرنا ضروری ہے۔

رواں ماہ کے اوائل میں غزہ میں اسرائیلی حملے میں سات امدادی کارکنوں کی ہلاکت کے بعد وزیر اعظم کو برطانیہ کی جانب سے اسرائیل کو اسلحے کی فروخت پر بڑھتے ہوئے دباؤ کا سامنا کرنا پڑا تھا۔ تاہم وزیر خارجہ لارڈ کیمرون نے بعد میں تصدیق کی تھی کہ برطانیہ کی جانب سے اسرائیل کو اسلحے کی فروخت معطل نہیں کی جائے گی۔

10 ڈاؤننگ اسٹریٹ کے ذرائع نے عید ملن پارٹی میں مہمانوں کے بائیکاٹ کے حوالے سے تشویش کا اظہار کیا ہے، ترجمان کا کہنا ہے کہ غزہ کے حوالے سے انسانی خدشات کو سمجھتے ہیں، وزیراعظم رشی سونک عید ملن میں مسلمانوں کا خیرمقدم اور ان کی خدمات کی خوشی منانے کے منتظر ہیں۔

ترجمان نے مزید کہا کہ مسلمانوں کے غزہ کے انسانی بحران پر تشویش کا احساس ہے، ہماری ترجیح کشیدگی کو خطے میں پھیلنے سے روکنا ہے۔ یاد رہے کہ امریکی صدر بائیڈن کی طرف سے بھی رمضان میں منعقدہ افطار کی تقریب کا متعدد مسلمانوں نے بائیکاٹ کیا تھا۔

وزیراعظم شہبازشریف کی سعودی ولی عہد سے ملاقات، دو طرفہ تعلقات پر تبادلہ خیال

وزیراعظم شہبازشریف نے سعودی ولی عہد شہزادہ محمد بن سلمان سے ملاقات کی ہے۔
سعودی ولی عہد شہزادہ محمد بن سلمان کی جانب سے وزیراعظم شہبازشریف کے اعزاز میں افطار ڈنر دیا گیا جہاں دونوں رہنماؤں کے درمیان ملاقات ہوئی۔
ولی عہد شہزادہ محمد بن سلمان نے وزیراعظم شہبازشریف اور وفد کے اراکین کا استقبال کیا۔
ملاقات کے دوران دونوں رہنماؤں کے درمیان دو طرفہ تعلقات اور باہمی امور پر تبادلہ خیال بھی ہوا جبکہ پاک ، سعودی تجارتی اور سرمایہ کاری کے امور پر بھی گفتگو کی گئی۔
بحرینی امیر سے ملاقات
سعودی ولی عہد شہزادہ محمد بن سلمان کے افطار ڈنر کے موقع پر وزیراعظم شہبازشریف کی بحرین کے امیر شہزادہ سلمان بن حمد آل خلیفہ سے بھی ملاقات ہوئی۔
بحرینی ولی عہد شہزادہ سلمان بن حمد آل خلیفہ نے وزیراعظم شہباز شریف کو عہدہ سنبھالنے پر مبارکباد دی۔
اس موقع پر دونوں رہنماؤں کے درمیان باہمی تعلقات کے حوالے سے بھی گفتگو کی گئی۔
اس سے قبل وزیراعظم شہبازشریف عمرہ کی ادائیگی کے لئے مدینہ منورہ سے مکہ مکرمہ پہنچے جہاں پاکستان میں سعودی سفیر نواف بن سعید المالکی نے وزیر اعظم اور ان کے وفد کا مکہ ریلوے اسٹیشن پر استقبال کیا ۔
شہبازشریف نے گذشتہ روز مدینہ منورہ میں روضہ رسول صلی اللہ علیہ و آلہ وسلم پر حاضری بھی دی تھی اور پاکستان کی سلامتی اور عالم اسلام کی سربلندی کے لئے دعائیں کیں ۔
وزیراعلیٰ پنجاب مریم نواز اور وفاقی وزرا اسحاق ڈار ، خواجہ آصف ، محمد اورنگزیب ، عبدالعلیم خان ، عطاءاللہ تارڑ ، احدچیمہ بھی شہبازشریف کے ہمراہ ہیں ۔

گوگل کا اے آئی سرچ انجن استعمال کرنے والے صارفین سے فیس لینے پر غور

گوگل سرچ انجن نے اے آئی فیچرز کے استعمال پر فیس لینے کی منصوبہ بندی شروع کر دی۔

غیر ملکی خبر رساں ایجنسی کے مطابق اس وقت دنیا بھر میں اربوں افراد گوگل سرچ انجن کو معلومات کے لیے استعمال کرتے ہیں تاہم اب گوگل سرچ انجن نے تبدیلی پر غور شروع کر دیا ہے۔

گوگل کی جانب سے آرٹیفیشل انٹیلی جنس (اے آئی) فیچرز کے استعمال پر فیس لینے کی منصوبہ بندی شروع کر دی ہے اور یہ اس کمپنی کی تاریخ کی سب سے بڑی تبدیلی ہو گی۔
رپورٹ کے مطابق گوگل کی جانب سے فیس لینے کی وجہ سے سروس کی فراہمی پر ہونے والے زیادہ اخراجات بتائے جا رہے ہیں۔
واضح رہے کہ گوگل کی جانب سے نئے خصوصی سرچ فیچر پریمیئم سبسکرپشن سروسز کے صارفین کو فراہم کرنے کی منصوبہ بندی کی جا رہی ہے۔ یہ ایسے صارفین ہیں جو پہلے ہی جی میل اور آفس سافٹ ویئر میں اے آئی اسسٹنٹس استعمال کرنے کے لیے سائن اپ ہو چکے ہیں۔

‏وزیراعظم نواز شریف 6 سے 8 اپریل تک سعودی عرب کا دورہ کریں گے، سعودی ولی عہد سے ملاقات‏

وزیراعظم شہباز شریف آج سے تین روزہ دورے پرسعودی عرب جائیں گے۔

ترجمان دفتر خارجہ کے مطابق وزیراعظم کے ہمراہ وزیرخارجہ اور وزیر دفاع بھی ہوں گے۔

شہباز شریف کے ساتھ ریکوڈک سرمایہ کاری کمیٹی کے ارکان بھی سعودی عرب جائیں گے۔

وزیراطلاعات عطا تارڑ کا کہنا ہے کہ وزیراعظم کمرشل پرواز کے ذریعے روانہ ہوں گے، شہباز شریف اور وفد کے ارکان اخراجات ذاتی جیب سے ادا کریں گے۔

دورے کے دوران وزیراعظم عمرہ کی سعادت بھی حاصل کریں گے اور مسجد نبوی الشریف میں نماز ادا کریں گے۔

وزارت عظمیٰ کا منصب سنبھالنے کے بعد شہباز شریف کا یہ پہلا غیر ملکی دورہ ہے۔

وزیراعظم شہباز شریف کی سعودی عرب کے ولی عہد اور وزیراعظم محمد بن سلمان بن عبدالعزیز سے ملاقات متوقع ہے، ملاقات میں باہمی دلچسپی کے امور پر تبادلہ خیال کیا جائے گا جبکہ دونوں رہنما علاقائی اور عالمی صورت حال پر بھی تبادلہ خیال کریں گے۔

دورے کے دوران وزیراعظم کی جانب سے سعودی ولی عہد کو دورہ پاکستان کی بھی دعوت دی جائے گی۔

دفتر خارجہ کے مطابق پاکستان اور سعودی عرب کے درمیان دیرینہ برادرانہ تعلقات ہیں جن کی جڑیں مذہبی اور ثقافتی وابستگی پر ہیں، پاکستان کے عوام خادم الاحرمین شریفین شاہ سلمان بن عبدالعزیز السعود کے لیے انتہائی احترام اور احترام رکھتے ہیں۔

دونوں ممالک کی قیادت برادرانہ تعلقات کو آگے بڑھانے اور اقتصادی اور سرمایہ کاری کے تعلقات کو باہمی طور پر فائدہ مند بنانے کے لیے پرعزم ہے۔

ذرائع کا کہنا ہے کہ ریکوڈک منصوبے کے لیے سعودی عرب کی جانب سے ایک ارب ڈالر کی سرمایہ کاری کاامکان ظاہر کیا جارہا ہے

غیر قانونی طور پر اٹلی جانیوالے 7 پاکستانی کار حادثے میں جاں بحق

غیر قانونی طور پر اٹلی جانیوالے 7 پاکستانی کار حادثے میں جاں بحق ہوگئے۔

غیر قانونی طور پر اٹلی جانے والا حافظ آباد کا رہائشی نوجوان اپنے دیگر سات ساتھیوں سمیت البانیہ کے قریب کار حادثہ کا شکار ہو گیا۔

حادثے میں البانوی ڈرائیور اور روشن مستقبل اور بہتر روزگار کے سہانے خواب لیے دیار غیر جانے والے سات پاکستانی جان سے گئے۔

ٹریفک حادثے میں جاں بحق دیگر افراد کی طرح حافظ آباد سے تعلق رکھنے والے شرجیل کے اہلخانہ بھی غم سے نڈھال ہیں۔

متاثرہ خاندان کا کہنا ہے کہ شرجیل ، بہتر روزگار کیلئے بیرون ملک گیا تھا لیکن ہمیں کیا معلوم تھا کہ وہ جان سے ہی ہاتھ دھو بیٹھے گا۔

 Post Views: 1,246

میٹا کی جانب سے پاکستانی صارفین کے لیے خصوصی عید فیچرز متعارف

میٹا نے پاکستانی صارفین کے لیے عید سے قبل اپنے پیاروں کے ساتھ روابط برقرار رکھنے میں مدد کے لیے رمضان کے حوالے سے تیارکردہ خصوصی فیچرز کا ایک سلسلہ شروع کیا ہے۔

آن لائن موجودگی کو مزید دلچسپ بنانے کے لیے واٹس ایپ نے سیٹکرز جاری کیے ہیں جن میں اردو زبان پر مشتمل اسٹیکرز بھی شامل ہیں تاکہ پاکستانی اپنے پیاروں کو بروقت عید کے پیغامات ارسال کرسکیں۔
عید قریب آتے ہی بہت سارے لوگ ملبوسات کی خریداری کے لیے آن لائن اسٹورز کا رخ کرتے ہیں۔

اسامہ ناصر اور عائلہ عدنان جیسے تخلیق کار انسٹا گرام پر موسیٰ جی اور ہاؤس آف آمنہ عقیل جیسے اپنے پسندیدہ پاکستانی ملبوسات کے برانڈز شیئر کررہے ہیں۔

وہ لوگوں کو عید کی خریداری کے لیے مقامی چھوٹے کاروباروں کو سپورٹ کرنے کی ترغیب دے رہے ہیں۔

انہوں نے انسٹاگرام کے نئے رمضان ٹیمپلیٹ کا استعمال کرتے ہوئے اپنی کہانیاں تخلیق کیں تاکہ لوگ متعارف کردہ نئی آوازوں کے ساتھ اپنے ہیش ٹیگ، منتھ آف گڈ کو عکس کرنے کے لیے اپنی کہانیوں میں شامل کرسکیں۔

اس کے علاوہ 9، 10 اور 11 اپریل کو عید کے دوران تھریڈز پر’عید مبارک‘ کا ٹیگ استعمال کرنے والے صارفین کے لیے ایک سرپرائز بھی ہے۔

غزہ میں اسرائیل مصنوعی ذہانت استعمال کر رہا ہے تو یہ حملے جنگی جرائم کے زمرے میں آئیں گے، اقوام متحدہ

اقوام متحدہ کے خصوصی نمائندہ برائے انسانی حقوق اور انسداد دہشت گردی بین ساؤل نے کہا کہ غزہ پر حملوں میں مصنوعی ذہانت (اے آئی) کے استعمال کے حوالے سے سامنے آنے والی رپورٹس درست ثابت ہونے کی صورت میں غزہ میں بہت سے اسرائیلی حملے جنگی جرائم کے زمرے میں آجائیں گے۔
لجزیرہ کے مطابق وہ 972 +میگزین اور عبرانی زبان کے میڈیا آؤٹ لیٹ لوکل کال میں شائع ہونے والی رپورٹ پر اپنے ردعمل کا اظہار کر رہے تھے۔ اس رپورٹ میں انکشاف کیا گیا ہے کہ اسرائیلی فوج نےفوجی کارروائیوں کے اہداف کے تعین میں مدد دینے والے مصنوی ذہانت پر مبنی پروگرام ’لیوینڈر‘ کا استعمال کرتے ہوئے غزہ کے ہزاروں فلسطینیوں کو ممکنہ اہداف کے طور پر شناخت کیا ۔کے مطابق اسرائیلی افواج فلسطینیوں کے بڑے پیمانے پر قتلِ عام کے لیے اب مصنوعی ذہانت کا استعمال کررہی ہیں۔
فرانس ۔24 کے مطابق اسرائیلی فوجی اہلکاروں کے اپنے بیانات سے ظاہر ہو تا ہے کہ اسرائیلی فوجی کمانڈ کی طرف سے فلسطینی فوجی کمانڈر کو قتل کرنے کی کوشش میں سینکڑوں فلسطینی شہریوں کو جان بوجھ کرقتل کرنے کی منظوری دینا کوئی مسئلہ نہیں
اسرائیلی فوجی اہلکار اپنی فوج کے ایسے اقدامات سے خود بھی مطمئن نہیں ہیں اور ان کا کہنا ہے کہ ایک شخص کو مارنے کے لیے سینکڑوں افراد کو قتل کردینے کو کولیٹرل ڈیمیج نہیں کہا جا سکتا۔ کسی ایک شخص کو مارنے کی کارروائی میں کولیٹرل ڈیمیج کے طور پر قابل قبول قرار دی جانے والی اموات اب درجنوں سے بڑھ کر سینکڑوں تک پہنچ چکی ہیں۔ 972 +میگزین اور عبرانی زبان کے آؤٹ لیٹ لوکل کال کی طرف سے مشترکہ طور پر جمع کی گئی شہادتوں سے پتا چلتا ہے کہ جس طرح سےاسرائیلی مسلح افواج نے غزہ میں اپنی تازہ ترین مہم چلائی ہے اس سے بہت سے اسرائیلی افسران بھی ناخوش ہیں۔ ان کےبیانات منتخب کردہ اہداف کی حد اور تباہی کے پیمانے دونوں پر سوال اٹھاتے ہیں۔
سابقہ کارروائیوں میں اسرائیلی فوجی کارروائیوں کے لیے غزہ میں اہداف کے تعین پر کام کرنے والے ایک اہلکار نے کہا کہ آئی ڈی ایف نے پہلے حماس کے جونیئر ارکان کے گھروں کو بم دھماکوں کے لیے نشانہ نہیں بنایا تھا، لیکن اب حماس کے کارکنوں کے گھروں کو بلا تفریق نشانہ بنایا جا رہا ہے۔

ماہرین کا اینڈرائیڈ صارفین کو 28 خطرناک ایپس ڈیلیٹ کرنے کا مشورہ

سائبر سیکورٹی ماہرین نے اینڈرائیڈ صارفین کو گوگل پلے پر موجود 28 خطرناک ایپس ڈیلیٹ کرنے کی تجویز دی ہے جو ممکنہ طور پر ان کے وائی فائی نیٹ ورک کو ہیک کر سکتی ہیں۔

ہیومنز سیٹوری تھریٹ انٹیلیجنس ٹیم نے ایسی دو درجن سے زائد ایپس دریافت کی ہیں جو مفت وی پی این کے بھیس میں موجود ہیں۔

مشکوک ایپلی کیشنز کو پلے اسٹور پر آنے سے قبل روکنے کے لیے گوگل کا نظام کافی مناسب ہے لیکن کچھ ایپس پھر بھی پلے اسٹور تک پہنچنے میں کامیاب رہتی ہیں۔
ان میں سے کوئی بھی ایک ایپ جب اینڈرائیڈ فون میں ڈاؤن لوڈ کی جاتی ہے تو وہ ڈیوائس ایک خفیہ پراکسی کے طور پر استعمال کی جاسکتی ہے۔پراکسی کو ہیکرز کی جانب سے استعمال کیا جاتا ہے تاکہ وہ اپنی مشکوک حراکات کو چھپانے کے لیے انٹرنیٹ ٹریفک کو گھروں میں موجود ڈیوائسز کے ذریعے گزار سکیں۔

ہیکرز کا ایسا کرنا ان کی مشکوک سرگرمیوں کو جائز انٹرنیٹ ٹریفک کی طرح پیش کرتا۔ یہ طریقہ کار عموماً اشتہارات کے فراڈ، اسپیمنگ، فشنگ اور لاگن کی معلومات اور پاسورڈ چرانے جیسی کارروائیوں کے بعد بچنے میں مدد دیتا ہے۔

وہ صارفین جنہوں نے ان میں سے کوئی ایک بھی ایپ انسٹال کی ہوگی ان کے انٹرنیٹ بینڈوتھ پر ان کے علم کے بغیر ہیکرز کا قبضہ ہوجائے گا۔

بدترین صورت میں صارف کا گھر مشکوک سرگرمیوں کا مرکز سمجھا جا سکتا ہے اور اس کے خلاف قانونی کارروائی کی جاسکتی ہے۔

ایپلی کیشنز کی فہرست:

Free Old Classic Movies (by CaptainDroid)
CaptainDroid Feeds
Android 14 Launcher (by CaptainDroid)
Android 13 Launcher (by CaptainDroid)
Android 12 Launcher (by CaptainDroid)
Byte Blade VPN
Blaze Stride
Anims Keyboard
Lite VPN
Phone Comparison (by CaptainDroid)
Fast Fly VPN
Fast Fox VPN
Fast Line VPN
Funny Char Ging Animation
Limo Edges
Oko VPN
Phone App Launcher
Quick Flow VPN
Sample VPN
Secure Thunder
Shine Secure
Speed Surf
Swift Shield VPN
Turbo Track VPN
Turbo Tunnel VPN
Yellow Flash VPN
VPN Ultra
Run VPN

حج 2024 سے قبل سعودی عرب میں ملازمتوں کے نئے مواقع

سعودی عرب نے حج 2024 سے قبل ملازمتوں کے نئے مواقع کھول دیئے۔

میڈیا رپورٹس کے مطابق 2024 میں آنے والے حج سیزن کے پیش نظر سعودی عرب نے روزگار کے مواقع کی ایک نئی لہر کا اعلان کیا ہے جس کا مقصد حج کی آمد کا انتظام کرنا ہے۔

سعودی حکام دنیا کے سب سے بڑے سالانہ اجتماع کی آسانی سے سہولت کو یقینی بنانے کے لیے کمر بستہ ہیں۔

وزارت حج و عمرہ نے حج کے موثر انتظام میں مدد کے لیے عارضی عہدوں پر بھرتی مہم شروع کی ہے اور دلچسپی رکھنے والے افراد سے وزارت کے سرکاری پورٹل کے ذریعے درخواستیں طلب کی گئی ہیں۔

ملازمت کی آسامیاں بنیادی طور پر مکہ اور مدینہ کے ساتھ ساتھ جدہ میں ہیں جبکہ سپروائزرز اور کسٹمر سروس کے نمائندوں سے لے کر مکینیکل ٹیکنیشنز، انجینئرز اور ڈرائیور تک مختلف ملازمتیں دستیاب ہیں۔

درخواست دہندگان کے لیے ضروری ہے کہ وہ کم از کم ہائی اسکول ڈپلومہ کے حامل ہوں اور ضروری جسمانی اور طبی تقاضوں کو پورا کریں۔

ڈرائیور کی ملازت کے خواہاں افراد کے لیے لائسنس لازمی قرار دیا گیا ہے۔

مزید برآں، امیدواروں کو انٹرویو کے مرحلے سے بھی گزرنا ہوگا جبکہ عمر کی حد 22 سے 45 سال تک مقرر کی گئی ہے۔

حج اور عمرہ سے متعلق کام میں پیشگی تجربہ رکھنے والے اور عازمین کی بولی جانے والی زبانوں جیسے ازبک، فارسی، چینی، یا مالائی میں مہارت رکھنے والے امیدواروں کو ترجیح دی جائے گی

افغانستان نے تعاون نہ کیا تو اس کی بھارت سے تجارتی راہداری بند کردیں گے، پاکستان کا انتباہ

وزیر دفاع خواجہ آصف نے افغانستان کو تنبیہ کی ہے کہ اگر وہ اپنی سرزمین پرپاکستان مخالف دہشت گردوں کو روکنے میں ناکام رہتا ہے تو پھر اس کی بھارت کے ساتھ تجارتی بند کردی جائے گی۔
امریکی خبررساں ادارے کو انٹرویو دیتے ہوئے خواجہ آصف کا کہنا تھا کہ جب افغانستان ہمارے ساتھ دشمن جیسا سلوک کررہا ہو تو ہم اسے تجارتی راہداری کیوں فراہم کریں۔

انہوں نے کہا کہ اگر صورتحال بہتر نہ ہوئی تو پاکستان افغانستان کی بھارت کے ساتھ تجارتی راہداری بند کرسکتا ہے۔
خواجہ آصف کا کہنا تھا کہ پاکستان افغانستان کے ساتھ مسلح تصادم نہیں چاہتا لیکن طاقت ہی آخری چارہ ہے۔

وزیر دفاع نے کہا کہ سرحد پار دہشت گردی بہت بڑھ چکی ہے اس لیے پاکستان کابل میں ڈی فیکٹو حکمرانوں کو یہ پیغام دینا چاہتا ہےکہ ہم معاملات اس طرح جاری نہیں رکھ سکتے۔

ان کا کہنا تھا کہ فروری 2023 میں کابل کے دورے میں طالبان وزرا پر واضح کردیا گیا تھا کہ وہ ٹی ٹی پی کے ماضی کے احسانات کی وجہ سے پاکستان کے ساتھ کچھ غلط نہ ہونے دیں۔
انہوں نے کہا کہ اگر ٹی ٹی پی نے طالبان پر کوئی احسان کیا بھی تھا تو وہ ان کے شکرگزار رہیں لیکن ان پر قابو بھی رکھیں۔ انہوں نے مزید کہا کہ طالبان ٹی ٹی پی کو ہمارے ساتھ جنگ شروع نہ کرنے دیں اور ان کے اتحادی نہ بنیں۔

خواجہ آصف نے امید ظاہر کی کہ افغانستان ٹی ٹی پی کو قابو میں رکھنے کا پاکستان کا واحد مطالبہ پورا کرے گا۔

گاڑیوں میں ٹچ اسکرینز ڈرائیورز کے لیے خطرناک ہیں یورپین سیفٹی ایجنسی

وقت گزرنے کے ساتھ ساتھ گاڑیوں میں نت نئے فیچرز کا اضافہ ہورہا ہے اور جدت آرہی ہے ۔ ایک نئی جدت ڈیش بورڈز پر ٹچ اسکرینز کا استعمال بھی ہے ۔ مگر اب گاڑیوں کے جائزے سے متعلق یورپی پروگرام نے گاڑیوں میں ان ٹچ اسکرینزکو ڈرائیور کے لیے خطرہ قرار دے دیا ہے ۔۔ یورپین سیفٹی ایجنسی نے خبردار کیا ہے کہ گاڑیوں میں ٹچ اسکرینز غیر محفوظ اور خطرناک ہیں کیونکہ اس طرح ڈرائیوز کو اپنی توجہ سڑک پر سے ہٹاکر ٹچ اسکرین پر کرنا پڑتی ہے جو خطرے کا باعث ہے ۔ سیفٹی ایجنسی نے اہم فنکشنز کے لیے ٹچ اسکرین کے بجائے فزیکل کنٹرول کو زیادہ مناسب قرار دیا

پنجاب حکومت کاپیدائشی سرٹیفکیٹ سمیت ضروری کوائف کیلئے”دستک پروگرام” شروع کرنےکافیصلہ

وزیراعلی پنجاب مریم نواز نے گھر تک پیدائشی سرٹیفکیٹ سمیت دیگر ضروری کوائف کی سروسز کی فراہمی کے لیے ”دستک پروگرام” اور کم آمدنی والے افراد کیلئے ”ہاؤسنگ اسکیم” شروع کرنے کا فیصلہ کر لیا۔

وزیراعلی پنجاب مریم نواز کی زیر صدارت دستک پروگرام کا جائزہ اجلاس ہوا جس میں مریم نواز نے گھر تک سروسز فراہم کرنے کے لیے ایپ اور کال سروس شروع کرنے کی ہدایت کی۔
وزیر اعلی نے دستک پروگرام کے لیے رائیڈرز کی فوری رجسٹریشن اور ٹریننگ شروع کر نیکی ہدایت کرتے ہوئے کہا کہ پنجاب حکومت عوام کے لیے سہولت اور گڈ گورننس ہر حال میں یقینی بنائیگی۔

اجلاس میں وزیر اعلی پنجاب کو بتایا گیا کہ پروگرام کے پہلے مرحلے میں لاہور کے عوام کو ان کی دہلیز پر 10 سروسز دی جارہی ہیں، لاہور کے شہری پیدائشی سرٹیفکیٹ ، ڈ یتھ سرٹیفکیٹ ، میرج سرٹیفکیٹ ، طلاق سرٹیفکیٹ گھر کی دہلیز پر حاصل کر سکیں گے جب کہ ان سروسز میں ڈومیسائل، ای اسٹیمپ، وہیکل رجسٹریشن، وہیکل ٹرانسفر ، ٹوکن ٹیکس اور پراپرٹی ٹیکس سروس بھی شامل ہے۔
اجلاس میں مزید بتایا گیا کہ یہ پروگرام دو مرحلوں پر مشتمل ہوگا اور دوسرے مرحلے میں بھی شہری سہولیات گھر کی دہلیز پر حاصل کر سکیں گے۔

دوسرے مرحلے میں شہریوں کو پولیس ویری فکیشن کرنر ڈرائیونگ لائسنس، ڈرائیونگ لائسنس کی تجدید ، ایف آئی آرکاپی، ڈپلیکیٹ ڈرائیونگ لائسنس اور کرایہ دار رجسٹریشن کی سہولیات دہلیز پر ملیں گی۔

دوسری جانب حکومت پنجاب نے کم آمدن والوں کے لیے ہاؤسنگ اسکیم شروع کرنے کا فیصلہ کیا ہے۔

ایلون مسک نے گوگل کی مصنوعی ذہانت ٹیکنالوجی کے بارے میں بڑا انکشاف کر دیا

ٹیسلا کمپنی کے چیف ایگزیکٹو آفیسر (سی ای او ) ایلون مسک نے لوگوں کو مصنوعی ذہانت ’ ووک اے آئی ‘ کے حوالے سے خبردار کرتے ہوئے دعویٰ کیا ہے کہ مصنوعی ذہانت انسانوں کے لیے مہلک ثابت ہوسکتی ہے۔

مسک نے اپنی سوشل میڈیا ویب سائیڈ ’ ایکس‘ پر اپنی پوسٹس کی ایک سیریز میں کہا ہے کہ ’ میرے ایک دوست نے مجھے مشورہ دیا کہ میں مصنوعی ذہانت خاص طور پر اس کے جبری تنوع کے خطرے کی نوعیت کی وضاحت کروں۔
ایلون مسک نے لکھا کہ اگر کسی مصنوعی ذہانت کو ہر قیمت پر تنوع کو فروغ دینے کے لیے پروگرام کیا جاتا ہے ، جیسا کہ گوگل جیمنی کو پروگرام کیا گیا تو وہ اس کے نتائج حاصل کرنے کے لیے ہر ممکن کوشش کرے گا، یہاں تک کہ ممکنہ طور پر لوگوں کو ہلاک بھی کرے گا۔

ارب پتی ایلون مسک نے خدشات کا اظہار کیا کہ اس خطرے پر محتاط غور کرنے کی ضرورت ہے کیونکہ مصنوعی ذہانت ہر گزرتے دن کے ساتھ ترقی یافتہ ہوتی جارہی ہے اور اگر مناسب طریقے سے انتظام نہ کیا گیا تو یہ خطرناک نتائج کا باعث بن سکتی ہے۔
‘لائیو منٹ‘ کی رپورٹ کے مطابق اسپیس ایکس کے 52 سالہ مالک ایلون مسک کا یہ بیان ایسے وقت میں سامنے آیا ہے جب کمیونٹی پر مبنی ایک پیج’ دی ریبیٹ ہول ‘کے اسکرین شاٹس میں جیمنی کے ساتھ مبینہ بات چیت دکھائی گئی ہے جس میں کیٹلن جینر کو جوہری تباہی سے بچنے کے لیے غلط انداز لگانے والے کے طور پر پیش کیا گیا تھا۔
اس کے جواب میں جیمنی اے آئی نے تجویز دی کہ لوگوں کو غلط طور پر کوئی جنس دینا امتیازی سلوک ہے، اس نے صنفی شناخت کا احترام کرنے کی ضرورت پر زور دیا۔ تاہم اس نے جوہری تباہی کی شدت اور منظر نامے میں پیش کردہ اخلاقی مخمصے کو بھی تسلیم کیا۔

ایلون مسک نے اسکرین شاٹس پر رد عمل ظاہر کرتے ہوئے کہاکہ ’ یہ فی الحال تشویش ناک ہے، لیکن جیسے جیسے مصنوعی ذہانت زیادہ سے زیادہ طاقت حاصل کرے گی یہ مہلک بھی بن سکتی ہے۔

رمضان المبارک میں دورانِ روزہ پیاس سے کیسے بچا جاسکتا ہے؟

جو لوگ کھانے پینے کے شوقین اور عادی ہوتے ہیں ان کے لیے رمضان المبارک کے دوران صبح سے شام تک کسی بھی کھانے پینے سے اجتناب کرنے کا بے لوث عمل واقعی مشکل ترین ہوتا ہے۔
ایکسپیٹ وومن کے مطابق بھوک جسم پر کافی اثر انداز ہوتی ہے لیکن پورا دن پیاسا رہنا مشکل ترین عمل ہوتا ہے۔ بھوک سے بڑھ کر پیاس انسان کو زیادہ ستاتی ہے۔
رمضان کے دوران پیاس سے بچنے کے لیے ماہرین خوراک کچھ صحت مند اور مفید تجاویز پیش کرتے ہیں جن کو معمول بنا کر پیاس سے بچا جا سکتاہے۔
ماہرین خوراک کاکہنا ہے کہ دیہی میں 85 فیصد پانی ہوتا ہے اور یقینی طور پر اس کے بہت سے غذائی فوائد بھی ثابت ہو چکے ہیں۔ یہ پیاس بجھانے میں انتہائی کارآمد ثابت ہوتی ہے۔
ماہرین کے مطابق وسیع پیمانے پر جسمانی سرگرمی، جارحانہ ورزش آپ کے جسم میں پانی کی کمی کا باعث بن سکتی ہے کیونکہ آپ کو پسینہ آتا ہے اور پسینہ سے جسم میں پانی کی کمی ہو جاتی ہے اس لیے خاص کر رمضان میں ان افعال سے اجتناب کرنا بہتر ہے۔
ماہرین کہتے ہیں کہ چائے، کافی اور فزی ڈرنکس جیسی کیفین والی اشیا آپ کے جسم میں سیال مادے کو کم کر دیتی ہیں جس کے نتیجے میں پانی کی کمی اور پیاس کا احساس ہوتا ہے۔
ماہرین تجویز کرتے ہیں کہ تربوز، کھیرے، سلاد اور ٹماٹر سمیت رس دار کھانے پینے کی اشیا کو اپنی غذا میں شامل کریں۔ یہ آپ کے جسم میں پانی کی کمی کو بڑھا سکتے ہیں اور وٹامن اور فائبر کا بھی اچھا ذریعہ ہوتے ہیں، جو پانی کی کمی کے ساتھ جسم کو توانا رکھنے میں بھی مدد دیتے ہیں۔
ماہرین کہتے ہیں کہ اضافی مصالحے دار اور نمکین کھانوں سے بھی گریز کی جانی چاہیے، ایسے کھانے، کھانے سے آپ کو پانی کی ضرورت زیادہ محسوس ہوگی کیونکہ یہ غذائیں آپ کے تالو کو خشک کرتی ہیں۔ پیاس کو کم کرنے کے لیے دن کے دوران غسل بھی انتہائی کارآمد ثابت ہوتا ہے۔

گوگل کا صارفین کے اکاؤنٹس محفوظ کرنے کیلئے اقدام

ٹیکنالوجی کمپنی گوگل نے اپنے صارفین کے اکاؤنٹ کو سائبر حملہ آوروں سے محفوظ کرنے کے لیے نیا پاسورڈ سیکیورٹی الرٹ متعارف کرا دیا۔

غیر ملکی خبر رساں ایجنسی کے مطابق پاسورڈ بوسٹ فارم جو کہ گوگل کے وسیع سیکیورٹی اپ گریڈ کا ایک حصہ ہے سب سے پہلے آئی فون اور کمپیوٹر صارفین کے لیے متعارف کرایا گیا ہے جبکہ اس ماہ کے آخر میں اینڈرائیڈ صارفین کے لیے متعارف کرایا جائے گا۔
اس سے قبل گوگل اپنے صارفین کو کسی ڈیٹا خلاف ورزی میں ان کا پاسورڈ لیک ہونے کے متعلق آگاہ کیا کرتا تھا لیکن اب صارفین کو ایسے پاسورڈ کے متعلق بھی بتایا جائے گا جو نہ صرف غیر محفوظ ہوں گے بلکہ ان پاسورڈز کے متعلق بھی بتایا جائے گا جو کمزور ہوں گے اور جن کو دوبارہ استعمال کیا جا رہا ہو گا۔
ڈیٹا خلاف ورزیوں میں پاسورڈز کا لیک ہوجانا ایک معمول کی بات ہے اور اس طرح کے واقعات ایک وقت میں ہزاروں افراد کو متاثر کر سکتے ہیں۔
چند روز قبل ٹی وی اسٹریمنگ کمپنی روکو نے بتایا تھا کہ دسمبر کے بعد سے 2 مختلف سائبر حملوں میں 15 ہزار سے زائد صارفین کے اکاؤنٹ کو ہیک کر لیا گیا تھا۔
بلپنگ کمپیوٹر کے مطابق ہیک کیے گئے ہر روکو اکاؤنٹ کو ڈارک ویب پر 50 سینٹ میں فروخت کیا گیا تھا۔

ٹیک کمپنی کوگنیشن نے دنیا کا پہلا مصنوعی ذہانت والا سوفٹ ویئر انجینئر لانچ کردیا

نیویارک،عالمگیر شہرت کی حامل ٹیک کمپنی کوگنیشن نے دنیا کا پہلا مصنوعی ذہانت والا سوفٹ ویئر انجینئر لانچ کردیا۔

غیرملکی خبررساں ادارے کے مطابق ڈیون لکھنے کے علاوہ ایک ہی پرامپٹ سے کوڈنگ کرنے کے علاوہ ویب سائٹ اور سوفٹ ویئرز بھی تیار کرسکتا ہے۔
کوگنیشن کا کہنا تھا کہ اس اے آئی سوفٹ ویئر انجینئر کو تیار کرنے کا مقصد اِسے انسانوں کی جگہ کام پر لگانا نہیں بلکہ کارکردگی بہتر بنانے میں ان کی مدد کرنا ہے۔
مصنوعی ذہانت کی متعدد بڑی کمپنیوں کے انٹرویوز میں یہ اے آئی سوفٹ ویئر انجینئر کامیاب ہوچکا ہے۔ سوفٹ ویئر انجینئرسے متعلق بہت سے پیچیدہ سوالوں کے جواب اِس نے خاصی مہارت کے ساتھ بالکل درست دیے۔
ٹیک کمپنی نے ایک ایکس پوسٹ میں بتایا کہ ڈیون موصول ہونے والی ہدایات کی روشنی میں کام کرتا ہے،کمپنی کا کہنا تھا کہ ڈیون اسٹیٹ آف دی آرٹ یعنی جدید ترین ٹیکنالوجیز کی مدد سے بنایا گیا ہے۔
ڈیون نے اب تک کئی کام کیے ہیں یہ انجینئرنگ سے متعلق بہت سے امور انجام دیتا ہے،یہ بات قابلِ ذکر ہے کہ یہ اے آئی سوفٹ ویئر انجینئرسوچتا بھی ہے اور کسی بھی معاملے میں منصوبہ سازی بھی کرسکتا ہے۔
یہ اپنی غلطیوں سے سیکھ کر ہزاروں فیصلے کرسکتا ہے، غلطیوں سے سیکھنے کے وصف کی بدولت اس کی کارکردگی وقت گزرنے کے ساتھ ساتھ بہتر ہوتی جاتی ہے۔

پاکستان سی پیک کے دوسرے مرحلے کی طرف بڑھنے کیلئے تیار ہے: شہبازشریف

وزیراعظم شہبازشریف نے چینی نیوزایجنسی شنہوا کو خصوصی انٹرویو دیتے ہوئے کہا کہ پاکستان اور چین مشترکہ ترقی، خوشحالی کی جانب گامزن ہیں،سی پیک منصوبہ سے غربت کا خاتمہ ہوگا اور سرمایہ کاری بڑھے گی،پاکستان سی پیک کے دوسرے مرحلے کی طرف بڑھنے کیلئے تیار ہے،چین نے پاکستان کی اقتصادی ترقی کو فروغ دینے میں بہت مدد کی ہے۔

وزیراعظم کا کہناتھا کہ خصوصی سرمایہ کی خصوصی سہولت کونسل سرخ فیتے کا خاتمہ کرے گی،چین پاکستان کا دوسرا گھرہے۔ہم ملکر کام کریں گے،سی پیک کے دوسرے مرحلے کا مقصد تکنیکی ترقی اور زراعت کو فروغ دینا ہے،ہم صنعتی پارکس اور صنعتی زونر بنانے بنانے کی منصوبہ بندی کررہے ہیں،پاک چین دوستی ہمیشہ وقت کی آزمائش پرپورااتری ہے،دونوں ممالک آئرن برادرزہیں۔

انہوں نے کہا کہ پاکستان اور چین کے درمیان دوستی 70 برسوں سے زیادہ عرصہ پرمحیط ہے،سی پیک پاکستان کی خصوصی سرمایہ کاری سہولت کونسل کے ساتھ ہم آہنگ ہے،پاکستان نے خصوصی سرمایہ کاری کی سہولت کونسل قائم کی ہے،چین کے دورے کا شدت سے منتظر ہوں، بیلٹ اینڈروڈ انیشیٹو سے لاکھوں نوجوانوں کوروزگارکے مواقع میسرہوں گے، پاکستان چین کی تجویز کردہ گلوبل ڈویلپمنٹ انیشیٹواورگلوبل سیکورٹی انیشیٹو کی مکمل حمایت کرتا ہے۔

وزیراعظم کا کہناتھا کہ پاکستان،چین متحد ہو کر ترقی اور خوشحالی کے مقاصد کو حاصل کریں گے،دونوں ممالک نے تمام حالات میں دوستی کو آہنی بھائیوں کی طرح نبھایا،صدرشی جن پنگ کی پاکستان کیلئے مسلسل حمایت کو سراہتے ہیں،پاکستان کو چینی جدید کے ماڈل کی تقلید کرنی چاہیے، یہ عظیم کامیابی ہے، چین نے کروڑوں لوگوں کو غربت سے نکالا، تعلیم،صحت اور روزگار فراہم کیا، چین کی ترقی دیگر ممالک کے مقابلے میں بتدریج آگے بڑھ رہی ہے۔

جذبہ انٹرنیشنل2024

پاکستان کا کون سا دوست ملک مصنوعی ذہانت پلس لانچ کرنے جا رہا ہے؟

چین مصنوعی ذہانت اے آئی پلس لانچ کرے گا جس کے لیے کام کی رفتار تیز کی جا رہی ہے۔
رائٹرز نے چین کی سرکاری کام رپورٹ کا حوالہ دیتے ہوئے کہا کہ چین مصنوعی ذہانت اے آئی پلس کو شروع کرنے کے لیے اقدا مات کو تیز کررہا ہے۔
رپورٹ کے مطابق چین ابھرتی ہوئی صنعتوں بشمول کوانٹم کمپیوٹنگ کے لیے ترقیاتی منصوبے بنائے گا اور ٹیکنالوجی میں خود کفالت کے حصول کے لیے کوششیں جاری رکھے گا۔
چین بڑے ڈیٹا اور مصنوعی ذہانت (آرٹیفیشل انٹیلی جنس) میں بھی کوششیں تیز کرے گا اور بڑے اسٹریٹجک اور صنعتی ترقی کے اہداف کو پورا کرنے کے لیے کئی بڑے سائنس اور ٹیکنالوجی پروگرام شروع کرنے کا ارادہ بھی رکھتا ہے۔
رپورٹ میں کہا گیا ہے کہ ہم پورے ملک میں چین کی جدت طرازی کی صلاحیت کو بڑھانے کے لیے ملک بھر میں وسائل کو متحرک کرنے کے لیے نئے نظام کی طاقت کا بھرپور فائدہ اٹھائیں گے۔
ملک بھر میں وسائل کو متحرک کرنے کے لیے نئے نظام کی طاقت کا بھرپور فائدہ اٹھائیں گے۔
گو چین آج بھی آرٹیفیشل انٹیلی جنس کے میدان میں عالمی سطح پر دوسرے نمبر پر ہے۔ تاہم اسے اب بھی بڑے چیلنجوں پر قابو پانا ہے۔ خاص طور پر ہنر اور انتہائی نفیس سیمی کنڈکٹرز کی تیاری کے معاملے میں بھی چین نے بہت آگے بڑھنے کا ارادہ باندھا ہوا ہے۔

چین ملٹری اے آئی سمیت ‘لیپ فراگ’ ٹیکنالوجی حاصل کرنے کی بھی امید رکھتا ہے

روسی صدر ولادیمیر پوٹن کی صدر مملکت آصف زرداری کو مبارکباد

روسی فیڈریشن کے صدر ولادیمیر پوتن نے صدر پاکستان منتخب ہونے پر آصف علی زرداری کو مبارکباد دی۔
ترجمان روسی سفارتخانہ ولادی میر پوٹن نے روس پاکستان تعلقات کی دوستانہ نوعیت پر روشنی ڈالی۔پاک روس تعلقات میں مزید مسلسل ترقی پر اپنے اعتماد کا اظہار کیا۔
واضح رہے کہ آصف علی زرداری نے 14ویں صدرِ پاکستان کے عہدے کا حلف اٹھا لیا۔ چیف جسٹس پاکستان قاضی فائز عیسیٰ نے نو منتخب صدر سے حلف لیا۔
نو منتخب صدر آصف علی زرداری کی حلف برداری کیلیے ایوانِ صدر میں خصوصی تقریب کا انعقاد کیا گیا جس میں تینوں مسلح افواج کے سربراہان اور چیئرمین جوائنٹ چیفس آف اسٹاف کمیٹی شریک ہوئے۔

ڈیجیٹل کرنسی بٹ کوائن کی قیمت نے نیا ریکارڈ بنا لیا

ڈیجیٹل کرنسی بٹ کوائن نے 70 ہزار 400 ڈالر  کی قیمت کا نیا ریکارڈ بنا لیا۔

رپورٹ کے مطابق دنیا بھر کی سرمایہ کار کمیونٹی میں کرپٹو کرنسی کی مقبولیت میں اضافے کے باعث بٹ کوائن کی قیمت پہلی بار 70 ہزار 400 ڈالرز کی نئی ریکارڈ سطح پر پہنچ گئی۔

پیر کو ابتدائی یورپی ٹریڈنگ میں بٹ کوائن کی قیمت بڑھ کر $70,488.50 کی سطح پر ریکارڈ کی گئی۔

نئے سپاٹ بٹ کوائن ایکسچینج ٹریڈڈ فنڈز میں کیش کے سیلاب سے کرپٹو کرنسی کو فروغ ملا ہے اور ساتھ ہی امید ہے کہ فیڈرل ریزرو جلد ہی شرح سود میں کمی کرے گا۔

یاد رہے کہ ایک روز قبل بٹ کوائن کی قیمت 70 ہزار 105 ڈالرز ریکارڈ کی گئی تھی

سعودی عرب، رمضان المبارک شروع ہوتے ہی قیدیوں کی رہائی کا عمل شروع

رمضان المبارک شروع ہوتے ہی سعودی عرب میں خادم الحرمین الشریفین شاہ سلمان بن عبدالعزیز کی ہدایت پر قیدیوں کی رہائی کا عمل شروع کر دیا گیا۔

سعودی عرب میں ایوان شاہی کی جانب سے جاری بیان میں کہا گیا ہے کہ وزارت داخلہ کو شاہی فرمان جاری کیا گیا ہے جس میں ایسے قیدیوں کی رہائی کا عمل شروع کیا گیا ہے جو سرکاری حق کے زمرے میں قید کاٹ رہے ہیں۔

وزیر داخلہ شہزادہ عبدالعزیز بن سعود بن نایف نے قیدیوں کی رہائی اور ان کے گھروں میں واپسی کے امور کو جلد مکمل کرنے کی ہدایت کی ہے۔

وزیر داخلہ نے کہا خادم حرمین شریفین کے اس ہمدردانہ اور انسان دوست فیصلے سے رہا ہونے والے افراد کے دلوں پر گہرا اثر پڑے گا۔

شاہی فرمان کا اطلاق ملکی اور غیر ملکی قیدیوں پر یکساں طور پر ہوگا۔

رمضان المبارک کا چاند کب طلوع ہوگا؟ بین الاقوامی فلکیاتی سینٹر کی رائے سامنے آگئی

بین الاقوامی فلکیاتی مرکز نے اعلان کیا ہے کہ 10 مارچ بہ روز اتوار کو رمضان کا چاند عرب اور اسلامی دنیا میں کہیں بھی ممکن نہیں ہے۔ نہ ہی آنکھ سے دیکھا جائے گا اور نہ دور بین کی مدد سے دیکھا جا سکتا ہے۔

بین الاقوامی فلکیات کے مرکز نے کل سوموار کو پیر کو جاری کردہ ایک بیان میں کہا کہ پیر 11 مارچ کو اسلامی دنیا کے تمام خطوں سے نسبتا آسانی سےچاند کو دیکھا جا سکتا ہے۔

مرکز نے اپنے بیان میں وضاحت کی ہے کہ مرکزی ملاپ 10 مارچ بہ روز اتوار کو پیش آئے گا ، جس کا مطلب ہے کہ اس دن روئیت ہلال عرب اور اسلامی دنیا میں کہیں سے بھی ممکن نہیں ہے۔ جبکہ امریکہ کے کچھ حصوں سے خاص طور پر مغربی حصوں سے دوربین کا استعمال کرتے ہوئے رویت ہلال ممکن ہے۔

عام آنکھ سےروئیت ممکن

بین الاقوامی فلکیات کے مطابق پیر 11 مارچ کو چاند اسلامی دنیا کے تمام خطوں سے نسبتا آسانی سے عام آنکھ سے دیکھا جا سکے گا۔ جو لوگ اس دن چاند دیکھنا چاہتے ہیں وہ مغرب کو دیکھ سکتے ہیں۔ اس کے مغربی افق کی جگہ سے 15 سے 25 منٹ کے فاصلے پر چاند دیکھا جا سکتا ہے۔ چاند افق کے قریب نظر آئے گا۔

اسی مناسبت سے بعض مسلمان ممالک میں توقع کی جاتی ہے رمضان کا مہینہ منگل 12 مارچ کو شروع ہوگا۔

بیشتر اسلامی ممالک میں اتوار 11 فروری 2024ء کو شعبان کے مہینے کا آغاز ہوا کیا۔ اسی وجہ سے زیادہ تر ممالک اتوار 10 مارچ کو رمضان کا آغاز کریں گے۔ چاند کا ملاپ اس دن صبح نو بجے ہوگا۔ اسلامی دنیا کے تقریبا تمام تمام خطوں میں غروب آفتاب کے بعد چاند طلوع نہیں ہوگا۔

پاکستانی برآمدات امریکا، برطانیہ اور چین میں سرفہرست

امریکا، چین اوربرطانیہ جاری مالی سال کے پہلے 7 ماہ میں پاکستانی برآمدات کے حوالے سے سرفہرست ممالک رہے ہیں۔

پاکستان بیوروبرائے شماریات کے اعدادوشمارکے مطابق جولائی سے لے کرجنوری تک کی مدت میں امریکا کو مجموعی طورپر 3.210 ارب روپے کی برآمدات ریکارڈ کی گئیں جو گزشتہ مالی سال کی اسی مدت کے مقابلہ میں 10.05 فیصد کم ہے۔ گزشتہ مالی سال کی اسی مدت میں امریکا کو پاکستانی برآمدات کاحجم 3.569 ارب ڈالرریکارڈ کیا گیا تھا۔

جاری مالی سال کے پہلے 7 ماہ میں چین پاکستانی برآمدات کے حوالے سے دوسرا بڑاملک رہا۔ مالی سال کے پہلے 7 ماہ میں چین کوپاکستان کی برآمدات کاحجم 1.726 ارب ڈالرریکارڈ کیا گیا جوگزشتہ مالی سال کی اسی مدت کے مقابلہ میں 44.53 فیصد زیادہ ہے۔

گزشتہ مالی سال کی اسی مدت میں چین کو 1.194 ارب ڈالرکی برآمدات ریکارڈکی گئی تھیں۔ پاکستانی برآمدات کے حوالے سے برطانیہ تیسرابڑاملک رہا۔ مالی سال کے پہلے 7 ماہ میں برطانیہ کوپاکستان کی برآمدات کاحجم 1.187 ارب ڈالرریکارڈ کیا گیا جوگزشتہ مالی سال کی اسی مدت میں 1.163 ارب روپے تھا۔

اعدادوشمارکے مطابق یواے ای کوجاری مالی سال کے دوران پاکستان کی مجموعی برآمدات کاحجم 1.169 ارب ڈالرریکارڈکیا گیا جوگزشتہ مالی سال کی اسی مدت کے مقابلہ میں 37.86 فیصدزیادہ ہے۔ گزشتہ مالی سال کی اسی مدت میں یواے ای کوپاکستان کی برآمدات کاحجم 821 ملین ڈالرریکارڈکیا گیا تھا۔

پاکستانی برآمدات کے حوالے سے جرمنی 5واں بڑاملک رہا، مالی سال کے پہلے 7 ماہ میں جرمنی کوبرآمدات سے ملک کو854.16 ملین ڈالرکازرمبادلہ حاصل ہوا۔ گزشتہ مالی سال کی اسی مدت میں جرمنی کوپاکستانی برآمدات کاحجم 1.010 ارب ڈالرریکارڈکیا گیا تھا۔

بغیراجازت نامے حج پر جرمانہ،قید کی سزا ہوگی،الرٹ جاری

سعودی عرب نے زائرین کوخبردار کردیا کہ حج سیزن میں اجازت نامے کے بغیرشرکت نہ کریں ورنہ جرمانہ،قید کی سزا ہوگی۔
عرب میڈیا کے مطابق بغیر اجازت نامے کے حج کرنا غیر قانونی عمل ہے جس کی سزا رہائشیوں اور غیرملکیوں کے لیے قید کے ساتھ 50 ہزار ریال تک جرمانہ ہوسکتی ہے۔
سعودی حکومت کی جانب سے جاری بیان میں کہا گیا ہے کہ خلاف ورزی کے مرتکب تارکین وطن کو 6 ماہ کی جیل ہوسکتی ہے اور سزا مکمل ہونے پر 10 سال کے لیے ملک بدر کردیا جائے گا۔
مزید برآں اس قانون کی خلاف ورزی کرنے والوں کی میڈیا چینلز پر تشہیر بھی کی جائےگی۔

امریکا نے روس پر نئی پابندیاں عائد کردیں

امریکا نے روس پر نئی پابندیوں کا اعلان کردیا۔ امریکی محکمہ خارجہ اور خزانہ کی جانب سے ساڑھے پانچ سو افراد اور کمپنیوں پر پابندیاں عائد کی گئیں۔ 

خبر ایجنسی کے مطابق محکمہ خزانہ کی جانب سے 550 سو افراد اور کمپنیاں جبکہ محکمہ خارجہ کی جانب سے ڈھائی سو افراد اور کمپنیاں پابندیوں کی زد میں آئی ہیں۔ 

ان پابندیوں کو اعلان روس یوکرین جنگ کو دو برس مکمل ہونے پر کیا گیا ہے۔ روس نے چوبیس فروری دو ہزار بائیس کو یوکرین پر حملہ کیا تھا۔ 

’عالمی عدالت انصاف کا فیصلہ فلسطینیوں کی دنیا بدل سکتا ہے‘

فلسطین پر اسرائیل کے ناجائر قبضے کی ’قانونی حیثیت‘ کے معاملے پر عالمی عدالت انصاف میں گزشتہ روز دوران سماعت فلسطین کے وکیل پال رائیکلر نے دلائل دیتے ہوئے کہا کہ عالمی عدالت انصاف کے پاس خاموشی کی مزید گنجائش نہیں ہے۔

انہوں نے فلسطینی شاعر محمود درویش کا حوالہ دیا جنہوں نے اپنے اشعار میں لکھا ہے کہ کسی ظلم کے خلاف خاموش رہ کر ہم بھی اس ظلم میں شریک ہوجاتے ہیں لیکن اگر ہم ظلم کے خلاف آواز اٹھائیں تو ہمارا ایک ایک لفظ دنیا کو بدل سکتا ہے۔

وکیل پال رائیکلر نے کہا کہ اس عدالت کے الفاظ بھی ایسی ہی طاقت رکھتے ہیں، جو بین الاقوامی قوانین کی پاسداری کرتے ہوئے اپنا فیصلہ سنا کر دنیا کو بدل سکتی ہے، عالمی عدالت انصاف سے ریاست فلسطین کی یہی استدعا ہے۔
فلسطینی وزیر خارجہ ریاض المالکی، اقوام متحدہ کے نمائندے ریاض منصور اور دیگر قانونی ماہرین نے سماعت کے پہلے روز دلائل دیے اور عالمی عدالت انصاف سے فلسطین پر اسرائیل کے ناجائز قبضے اور اس کے نافذ کردہ نسلی امتیاز کے نظام کے خاتمے کا مطالبہ کیا۔

یہ کیس جنوبی افریقہ کی جانب سے عالمی عدالت انصاف میں دائر کردہ درخواست سے مختلف ہے۔ اس درخواست میں جنوبی افریقہ نے اسرائیل پر فلسطین میں نسل کشی کا الزام عائد کیا تھا۔

عالمی عدالت انصاف نے اس مقدمے میں اسرائیل کو نسل کشی روکنے اور غزہ میں انسانی امداد کی اجازت دینے کی ہدایت کی تھی۔ عالمی عدالت نے جنوبی افریقہ کی درخواست پر جنگ بندی سے متعلق کوئی حکم جاری نہیں کیا تھا۔

گزشتہ ہفتے عالمی عدالت انصاف نے جنوبی افریقہ کی اس سلسلے میں ایک اور درخواست بھی مسترد کردی تھی جس میں جنوبی افریقہ نے عدالت سے استدعا کی تھی کہ وہ اسرائیل کو مزید اقدامات کرنے کے احکامات دے اور ان پر عملدرآمد بھی یقینی بنائے۔

چیٹ جی پی ٹی باتیں یاد رکھے یا بھول جائے، میموری کنٹرول اب آپ کے ہاتھ میں ہوگا

میموری کنٹرول سسٹم کے ذریعے آپ اپنی مرضی سے چیٹ جی پی ٹی کو چیزیں یاد رکھنے اور بھلانے کی ہدایت کر سکیں گے۔ جلد ہی چیٹ جی پی ٹی یہ فیچر متعارف کرانے جا رہا ہے کہ جس میں آپ چیٹ جی پی ٹی کو چیزوں کو بھولنے کے لیے کہہ سکیں گے یا پھر مستقبل کی بات چیت میں مخصوص چیزوں کو یاد رکھنے کا کہہ سکیں گے۔

ٹیکنالوجی نیوز ویب سائٹ ٹیک کرنچ کے مطابق ایک ٹیسٹ کے طور پراوپن اے آئی نے مفت اور معاوضہ صارفین کے ایک چھوٹے سے حصے کے لیے نئے میموری کنٹرولز کو رول آؤٹ کرنا شروع کر دیا ہے، تاکہ اس دوران با آسانی تبدیلیاں بھی کی جا سکیں۔

چیٹ جی پی ٹی دوران گفتگو جو چیزیں سیکھتا ہے اس کو محفوظ کر لیتا ہے، اور اسے مزید متعلقہ جوابات فراہم کرنے کی اجازت بھی دیتا ہے۔ جیسے ہی آپ چیٹ جی پی ٹی کے ساتھ چیٹ کرتے ہیں، آپ اسے کچھ خاص یاد رکھنے کے لیے کہہ سکتے ہیں۔ چیٹ جی پی ٹی کی میموری کو آپ جتنا زیادہ استعمال کریں گے اس میں اتنی ہی بہتری آئے گی۔ وقت کے ساتھ ساتھ آپ کو اس میں مزید بہتری نظر آنا شروع ہو جائے گی۔

اس نئے فیچر کے تحت اوپن اے آئی کئی طریقوں سے آپ کی مدد کرسکتا ہے، جن میں سب سے اہم یہ کہ میموری کاروباری تناظر میں کارآمد ہو سکتی ہے، جیسے کہ ٹون، آواز اور بلاگ پوسٹس اور زبانوں کے لیے فارمیٹنگ کی ترجیحات اور پروگرامنگ کے لیے فریم ورک کو یاد رکھنا۔ چیٹ جی پی ٹی آپ کی طرف سے دی گئی ہدایات کو من و عن یاد رکھے گا۔

اوپن اے آئی اور چیٹ جی پی ٹی کے ماڈلز سے چلنے والے حسب ضرورت چیٹ بوٹس، جی پی ٹی اسٹور کے ذریعے دستیاب ہیں۔ مثال کے طور پر، چیٹ جی پی ٹی خود بخود یاد رکھ سکتی ہے کہ آپ کون سی کتابیں پڑھ چکے ہیں اور آپ کو کون سی انواع سب سے زیادہ پسند ہیں۔

چیٹ جی پی ٹی میں میموری کی خصوصیت کو چیٹ جی پی ٹی سیٹنگز مینو سے کسی بھی وقت غیر فعال کیا جا سکتا ہے، اور جب یہ آف ہو جائے گا، تو چیٹ جی پی ٹی وہ یادیں تخلیق یا استعمال نہیں کرے گا۔ اسی سیٹنگ کے ذریعے آپ مخصوص یادوں کو دیکھ اور حذف کر سکتے ہیں یا تمام یادیں صاف کر سکتے ہیں۔

اب کوئی تصور کرتا ہے کہ چیٹ جی پی ٹی وقت کے ساتھ اپنی میموری میں بہت سی حساس ذاتی تفصیلات جمع کر سکتا ہے، خاص طور پر اس بات پر غور کرتے ہوئے کہ میموری کی خصوصیت کو بطور ڈیفالٹ آن کیا جاتا ہے تو اوپن اے آئی اس امکان کو تسلیم کرتا ہے اور یہ بھی کہتا ہے کہ وہ اپنے ماڈلز کو بہتر بنانے کے لیے میموری کو استعمال کرسکتا ہے، یہ فیچر خاص طور پر کاروباری افراد کے لیے بہت فائندہ مند ہے۔

مزید (پرائویسی) رازداری کے تحفظ کے تجربے کے لیے اوپن اے آئی اور چیٹ جی پی ٹی میں ایک نیا عارضی چیٹ فیچر متعارف کیا جا رہا ہے، جو ابتدائی طور پر مفت اور سبسکرپشن صارفین کے چھوٹے سب سیٹ تک محدود تھا۔ عارضی چیٹ کے ساتھ، آپ ایک خالی سلیٹ کے ساتھ مکالمہ کر سکتے ہیں، جو پچھلی بات چیت یا یادوں تک رسائی سے آگاہ نہیں ہوگا لیکن اگر وہ فعال ہیں تو حسب ضرورت ہدایات پر عمل کریں گے۔

جبکہ واضح رہے اوپن اے آئی کا کہنا ہے کہ وہ حفاظتی وجوہات کی بنا پر 30 دنوں تک عارضی چیٹ گفتگو کی ایک کاپی رکھ سکتا ہے۔

برطانیہ میں بھی جعلی پاکستانی پاسپورٹ کا اسکینڈل سامنے آ گیا

برطانیہ میں بھی جعلی پاکستانی پاسپورٹ کا اسکینڈل سامنے آ گیا۔
ذرائع کا کہنا ہے کہ برطانوی حکام نے 61پاسپورٹ امیگریشن حکام کے حوالے کیے اور ان کا اسٹیٹس بتانے کی درخواست کی۔
امیگریشن حکام نے تحقیقات کے بعد پاسپورٹ کو جعلی قراردے دیا،ذرائع کے مطابق پاسپورٹ کا لیمی نیشن پیپر اور ڈیٹا پیپر جعلی تھا۔
پاسپورٹس میں ولدیت اور کوائف میں بھی فرق نکلا، پاسپورٹ کہاں پرنٹ ہوئے اور سہولت کار کون تھے،اس حوالے سے تحقیقات شروع کر دی گئی ہیں۔

شاہ فیصل مسجد کی تزئین و آرائش کا کام جلد شروع کیا جائے گا، نگراں وزیر داخلہ

نگران وفاقی وزیر داخلہ و تجارت ڈاکٹر گوہر اعجاز نے صحافیوں سے گفتگو کرتے ہوئے کہا کہ 40 سال قبل سعودی عرب کی حکومت نے پاکستانیوں کے لیے شاہ فیصل مسجد کا تحفہ دیا، اب اس مسجد کو مزید خوبصورت بنانے کے لیے تزئین و آرائش کی جائے گی۔
وہ پیر کو پاکستان میں سعودی عرب کے سفیر نواف سعید المالکی کے ہمراہ شاہ فیصل مسجد کے دورہ کے موقع پر میڈیا سے گفتگو کر رہے تھے۔ وفاقی سیکرٹری داخلہ آفتاب اکبر درانی، چیف کمشنر اسلام آباد اور سی ڈی اے حکام بھی اس موقع پر موجود تھے۔
وزیر داخلہ نے سعودی سفیر کے ہمراہ نماز ظہر ادا کی جس کے بعد انہوں نے شاہ فیصل مسجد کے مرکزی ہال اور وسیع و عریض صحن کی سہولت اور مختلف مقامات کا معائنہ کیا۔

صحافیوں سے گفتگو کرتے ہوئے نگران وفاقی وزیر داخلہ ڈاکٹر گوہر اعجاز نے کہا کہ جب میں نے وزارت داخلہ کا منصب سنبھالا تو پہلا جمعہ شاہ فیصل مسجد میں ادا کیا۔

سعودی سفیر کے ساتھ ملاقات ہوئی تو وزیر گوہر اعجاز نے ان سے کہا کہ مسجد کی تزئین و آرائش کی ضرورت ہے تاکہ مسجد کو مزید خوبصورت بنایاجاسکے ۔ سعودی سفیر کے مشکور ہیں جنہوں نے ذاتی دلچسپی لیتے ہوئے شاہ فیصل مسجد کی تزئین و آرائش کرانے کا فیصلہ کیا جس کا آغاز جلد ہو جائے گا۔
انہوں نے کہا کہ سعودی حکومت نے 40 سال قبل پاکستان کو شاہ فیصل مسجد کی صورت میں ایک بہترین تحفہ دیا، 40 سال بعد شاہ فیصل مسجدکو مزید خوبصورت بنایا جائے گا۔

انہوں نے کہا کہ شاہ فیصل مسجد کا شمار پاکستان کی خوبصورت ترین مساجد میں ہوتا ہے۔ پاکستان میں متعین سعودی عرب کے سفیر نواف سعید المالکی نے کہا کہ سعودی حکومت کی جانب سے شاہ فیصل مسجد پاکستان کے لیے ایک تحفہ تھا ۔

اب اس مسجد کی تزئین و آرائش کا کام جلد شروع کر دیا جائے گا، وزارت داخلہ سمیت دیگر اسٹیک ہولڈرز نے شاہ فیصل مسجد کی تزئین و آرائش میں تعاون کیا، مسجد کی تزئین وآرائش کا کام جلد مکمل ہو جائے گا۔

ایلن مسک کی تیار کردہ کمپیوٹر چپ چیلنج

چینی سائنسدانوں نے اسپیس ایکس اور ایکس کے مالک ایلون مسک کی کمپنی کی تیار کر دہ کمپیوٹر چپ کو چیلنج کر دیا۔

غیر ملکی خبر رساں ایجنسی کے مطابق چینی سائنسدانوں نے ایلون مسک کی کمپنی نیورالنگ کی جانب سے انسانی دماغ کے لیے تیار کردہ کمپیوٹر چپ کو چیلنج کیا ہے۔

مگر چینی سائنسدانوں نے اس سے بھی زیادہ بہتر وائرلیس کمپیوٹر انٹر فیس تیار کر کے انسانی دماغ میں نصب کرنے کا دعویٰ کیا ہے۔

چینی سائنسدانوں کے مطابق ان کی تیار کردہ ڈیوائس کا تجربہ ایک انسانی مریض میں کیا گیا ہے جس کی حالت تیزی سے بہتر ہو رہی ہے اور گزشتہ سال اکتوبر میں انسانی کلینیکل ٹرائل کے دوران اس مریض کے دماغ میں یہ ڈیوائس نصب کی گئی تھی۔

سائنسدانوں نے بتایا کہ ان کی ڈیوائس نیورالنک کی چپ کے مقابلے میں زیادہ بہتر ہے کیونکہ اس سے نیورونز کو نقصان پہنچنے کا خطرہ نہیں ہوتا۔

انہوں نے کہا کہ اس طرح کی ڈیوائسز سے مکمل طور پر مفلوج افراد کو رابطے کرنے اور صحتیاب ہونے میں مدد ملتی ہے جبکہ اس میں کوئی بیٹری نہیں بلکہ اسے ایک ہائی فریکوئنسی کیمرا استعمال کرکے نیئر فیلڈ وائرلیس پاور سے چارج کیا جاتا ہے۔

واضح رہے کہ چند روز قبل ایلون مسک کی کمپنی نیورالنک نے انسان کے دماغ میں پہلی کمپیوٹر چپ کو نصب کرنے میں کامیابی حاصل کی ہے۔

دفتر میں کرسی پر مسلسل بیٹھ کر کام کرنا کتنا مہنگا پڑ سکتا ہے؟

کیا آپ جانتے ہیں کہ سارا دن دفتر کی کرسی سے چپکے رہنا آپ کو موت کے قریب لے جا سکتا ہے۔ یہ قدرے چونکا دینے والی بات ہے لیکن تحقیق سے پتہ چلتا ہے کہ دفتروں میں ڈیسک پر کام کرنے والے افراد میں موت کا خطرہ بڑھ سکتا ہے۔

امریکی میڈیکل ایسوسی ایشن کے جریدے ’جاما نیٹ ورک اوپن‘ میں شائع ہونے والی اور تائیوان میں 13 سال تک 4 لاکھ 80 ہزار سے زیادہ افراد پر کی گئی تحقیق میں انکشاف ہوا ہے کہ زیادہ دیر تک اپنے ورک اسٹیشن پر کام کرنے والے لوگوں میں دل کی بیماریوں کی وجہ سے موت کا خطرہ 34 فیصد جبکہ دیگر وجوہات کے باعث موت کے امکانات میں 16 فیصد اضافہ ہوجاتا ہے۔

آخر وجہ کیا ہے؟
تحقیق کے مطابق، جب ہم کرسی پر بیٹھتے ہیں تو ہم اپنے پیروں کو بچا کر سارا بوجھ اپنی صحت پر ڈال دیتے ہیں۔ ہمارے جسم کو قدرتی طور پر حرکت کرنے کے لیے تخلیق گیا ہے اور جب ہم ایسا نہیں کرتے ہیں تو صحت پر اس کے منفی اثرات مرتب ہوتے ہیں۔

زیادہ دیر تک کرسی پر بیٹھ کر کام کرنا موٹاپے، ہائی بلڈ پریشر، ہائی بلڈ شوگر، کولیسٹرول اور کمر اور پیٹ کے ارد گرد چربی میں اضافے اور حتیٰ کہ دل کی بیماریوں اور کینسر کا باعث بنتا ہے۔

مطالعات سے پتہ چلتا ہے کہ اگر آپ بغیر کسی جسمانی سرگرمی کے دن میں 8 گھنٹے سے زیادہ وقت کرسی پر بیٹھ کر گزار رہے ہیں تو آپ کو صحت کے ویسے ہی خطرات کا سامنا ہوسکتا ہے جو موٹاپے اور تمباکو نوشی سے لاحق ہوسکتے ہیں۔

جم جانے سے سب ٹھیک ہوسکتا ہے؟
اگر آپ کو لگتا ہے کہ کرسی پر بیٹھے رہ کر کام کرنے کے بعد جم میں جا کر پسینہ بہانے سے آپ ان خطرات سے خود کو بچا سکتے ہیں تو جان لیں کہ آپ غلطی پر ہیں کیونکہ اس کے باوجود کئی گھنٹے تک کرسی پر بیٹھے رہنا آپ کی صحت کو متاثر کر سکتا ہے۔

ڈاکٹرز کیا کہتے ہیں؟
ڈاکٹرز کا کہنا ہے کہ کئی گھنٹے تک کرسی پر بیٹھ کر کام کرنے سے وزن بڑھ جاتا ہے، کولیسٹرول اور بلڈ پریشر میں اضافہ ہوتا ہے اور یہ تمام مسائل ذیابیطس اور دل کی بیماریوں کو جنم دیتے ہیں۔

زیادہ دیر تک بیٹھ کر کام کرنا تھکاوٹ، جسم خصوصاً کمر میں درد اور ذہنی دباؤ کا باعث بھی بنتا ہے۔ کرسی سے چپکے رہنے سے نیند میں کمی واقع ہوتی ہے جو نفسیاتی مسائل کا سبب بھی بن سکتی ہے۔

طبی ماہرین کا مزید کہنا ہے کہ زیادہ دیر تک بیٹھ کر کام کرنے سے خواتین کی صحت کو زیادہ خطرات لاحق ہوسکتے ہیں کیونکہ حرکت نہ کرنے کے باعث ان کے ہارمونز میں سنجیدہ نوعیت کی تبدیلیاں ہوسکتی ہیں اور ان کی ہڈیاں بھی کمزور ہوسکتی ہیں۔

ان مسائل سے کیسے بچا جائے؟
ماہرین کا کہنا ہے کہ ملازمین کو ان مسائل سے محفوظ رکھنے کے لیے اداروں کو اپنی سوچ بدلنا ہوگی اور ملازمین کو صحت مند اور چاک و چوبند رکھنے کے لیے ’ڈیسکرسائز‘ جیسے چند ضروری اقدامات کرنا ہوں گے۔

ماہرین کے مطابق، دفاتر میں کام کی نوعیت کی وجہ سے بیشتر وقت ڈیسک پر گزارنے والے ورکرز کو منی جم اور ٹریڈ مل کی سہولت اور ہر ایک گھنٹے بعد 10 منٹ کی بریک ملنی چاہیے تاکہ وہ جسمانی ورزش کر کے خود کو چاک و چوبند رکھ سکیں۔

ایسے ورک اسٹیشنز یا ڈیسک کنورٹرز استعمال کیے جانے چاہئیں جہاں کھڑے ہو کر بھی کام کیا جا سکتا ہو۔ ملازمین لنچ بریک میں 15 سے 30 منٹ کی چہل قدمی کر کے بھی خود کو ان مسائل سے محفوظ رکھ سکتے ہیں۔

ماہرین کا کہنا ہے کہ کم بیٹھنا اور زیادہ حرکت کرنا انسانی صحت کے لیے ضروری ہے۔ کمپنیاں اپنے ڈیسک ورکرز کو شارٹ بریکس دے کر ان کی صحت اور کام کے معیار کو بہتر بنا سکتی ہیں۔

آئندہ بننے والی حکومت کے ساتھ کام کرنے کو تیار ہیں: امریکہ

امریکی محکمہ خارجہ نے کہا ہے کہ وہ کسی سیاسی جماعت سے قطع نظر پاکستان میں آئندہ بننے والی حکومت کے ساتھ کام کرنے کو تیار ہے۔

ترجمان امریکی محکمہ خارجہ میتھیو ملر نے اپنے بیان میں پاکستان میں انتخابات کا عمل مکمل ہونے کے بعد اس توقع کا اظہار کیا ہے کہ پاکستان میں بروقت انتخابی نتائج کو مکمل کیا جائے گا جو کہ پاکستانی عوام کی امنگوں کا عکاس ہو گا۔

ان کا کہنا ہے کہ وہ مقامی اور بین الاقوامی مبصرین کی رائے تسلیم کرتے ہیں کہ حالیہ انتخابات میں اظہارے رائے اور لوگوں کے پرامن اجتماع پر پابندیاں لگیں۔انھوں نے انتخابات کے دوران پرتشدد واقعات، انسانی حقوق کی خلاف ورزیوں، صحافیوں پر حملوں، انٹرنیٹ و موبائل سروسز پر پابندیوں کی مذمت کی۔

امریکی محکمہ خارجہ نے انتخابی عمل کے دوران ریاستی مداخلت اور مبینہ دھاندلی کی تحقیقات کا مطالبہ کیا۔قبل ازیں برطانیہ نے پاکستان کے انتخابات کی شفافیت پر سنگین خدشات کا اظہارکیا تھا۔

برطانوی وزیرخارجہ ڈیون کیمرون نے ایک بیان میں کہا کہ پولنگ ڈے پر انٹرنیٹ بندش اور نتائج کے اجرا میں تاخیر پر بھی نظر ہے، پاکستان سے بنیادی انسانی حقوق کے تحفظ کا مطالبہ کرتے ہیں ،ووٹ ڈالنے والے پاکستانیوں کو سراہتے ہیں۔

ہانگ کانگ کے طلبا نے دنیا کا سب سے چھوٹا روبوٹ بنانے کا عالمی ریکارڈ قائم کر دیا

ہانگ کانگ کے ایک اسکول کے چار ابھرتے ہوئے انجینیئرز کے ایک گروپ نے دنیا کا سب سے چھوٹا انسان نما روبوٹ تیار کرکے گنیز ورلڈ ریکارڈ توڑ دیا ہے۔

ڈیوسیسن بوائز اسکول میں روبوٹکس ٹیم کے ارکان آرون ہو یاٹ فنگ، آئزک زکری ٹو، جسٹن وانگ ٹو ڈونگ اور اینگو ہی لیونگ نے 5.55 انچ لمبا، 44 انچ چھوٹا روبوٹ بنا کر 2022 میں زین احمد قریشی کے بنائے گئے سب سے چھوٹے ربورٹ کا ریکارڈ توڑ دیا ہے۔

گنیز ورلڈ ریکارڈز کے قوانین کے مطابق سب سے چھوٹے انسان نما روبوٹ کے زمرے میں لانے کے لیے اس کا بائی پیڈل حرکت کرنا، اپنے کندھوں، کہنیوں، گھٹنوں اور کولہوں کو واضح کرنے کے قابل ہونا چاہیے۔

تخلیق کاروں کا کہنا ہے کہ انہیں امید ہے کہ ان کا روبوٹ کم آمدنی والے طالب علموں کے لیے کم خرچ تعلیمی آلے کے طور پر کام کرے گا۔
ہانگ کانگ کے طالب علموں کی جانب سے تیار کیا گیا یہ ربورپ چاروں اطراف حرکت کر سکتا ہے، اپنے کندھھوں، کہنیوں اور گھٹنوں اور کولہوں کو حرکت دے سکتا ہے اور دلچسپ بات یہ ہے کہ یہ فٹ بال کھیلنے کی بھی صلاحیت رکھتا ہے، یعینی یہ بچوں کے لیے بھی انتہائی دلچسپ ثابت ہو سکتا ہے۔

فافن کی جانب سے انتخابی عمل کو شفاف بنانے کیلئے سفارشات پیش

فافن نے انتخابی عمل کو شفاف بنانے کے لئے الیکشن کمیشن کو سفارشات پیش کی ہیں۔
فافن کی جانب سے سفارشات میں کہا گیا ہے کہ انتخابات کی ساکھ کیلئے قانونی تقاضوں کو پورا کرنا بہت اہم ہے اورووٹر کو آزادی سے حق رائے دہی کے قابل بنانے کے لیے انتخابی عمل کے تمام متعلقہ فریقین کو اجتماعی کاوشیں کرنا ہونگی ۔

سفارشات میں کہا گیا ہے الیکشن قوانین کے مطابق ووٹوں کی گنتی ، نتائج کی تیاری کو مکمل شفاف بنانے کیلئے بھی اجتماعی کوششیں کرنا ہونگی۔قابل بھروسہ انتخابات سے ہی تمام سیاسی جماعتوں اور عوام کا اعتماد قائم ہوسکتا ہے ۔

فافن کی سفارشات میں مزید کہا گیا ہے کہ الیکشن کمیشن انتخابی قانون کی دفعہ 8 بی کے تحت دیے گئے اختیارات کو ریٹرننگ افسران کے فیصلوں پر نظرثانی کے لیے استعمال کرے اور دفعہ 8 بی کے تحت الیکشن کمیشن کو اختیار حاصل ہے کہ وہ ریٹرننگ افسران کی جانب سے ووٹوں کو مسترد کیے جانے والے فیصلوں پر بھی نظر ثانی کرے۔

سفارشات میں کہا گیاہے کہ ہر انتخابی حلقے میں موصول ہونے پوسٹل بیلٹ کی تعداد کو 8 فروری کے دن پولنگ ختم ہونے سے قبل الیکشن کمیشن کی ویب سائیٹ پر جاری کیا جائے اسی طرح انتخابی امیدواروں ، پولنگ ایجنٹس اور اآبزرورزز کوگنتی عمل کے مشاہدہ کی اجازت دینے کیلئے پریزائڈنگ افسروں کو پابند بنایا جائے جبکہ آبزرورز کو پولنگ عمل سے قبل اور اس کے دوران مشاہدہ کاری کیلئے رسائی فراہم کی جائے اور انتخابی امیدواروں ،ان کے ایجنٹس کو ووٹ گنتی کے فارم 45 اور بیلٹ پیپرز گنتی کے فارم 46 کی فراہمی یقینی بنائے جائے۔

سفارشات میں کہا گیا ہے کہ ریٹرننگ افسروں کو پابند کیا جائے کہ وہ امیدواروں ، ان کے ایجنٹس اور مبصرین کو فارم 47، فارم 48، فارم 49 کی نقول فراہم کریں اور پولنگ والے دن مجاز میڈیا نمائیندوں کو بھی پولنگ سٹیشنز تک رسائی اور انتخابی عمل پر رپورٹنگ کی اجازت ہونی چاہیئے۔

سفارشات کے مطابق پولنگ سٹیشنز کی حتمی لسٹ میں کسی بھی تبدیلی کی کمیشن کی جانب سے منظوری کو حلقہ وار ، الیکشن کمیشن کی ویب سائیٹ شائع کیا جائے انتخابات کے بعد فارم 45، فارم 46، فارم 48 ، فارم 49 کو الیکشن کمیشن کی ویب سائیٹ پر جتنا جلد ممکن ہو شائع کیا جائے۔

سفارشات میں کہا گیا ہے کہ خواتین ووٹرز کو روکنے کی کسی بھی کوشش کیخلاف قانونی کارروائی کی جائے اسی طرح انتخابات میں حصہ لینے والی سیاسی جماعتیں اور انتخابی امیدوار تربیت یافتہ ایجنٹس کو پولنگ سٹیشنز پر متعین کریں جو گنتی کے عمل تک موجود رہیں۔

شاہ چارلس سوم کینسر میں مبتلا، اگلا برطانوی بادشاہ کون بنے گا؟

یہ شاہی خاندان کے لیے ایک وسط زمستاں کا تاریک موسم رہا ہے، شہزادہ ولیم، پرنس ہیری اور ان کے شاہی تعلقات کو شاہ چارلس سوم کی تشویشناک صحت کی خبروں کے بعد اب نجی پریشانیوں اور عوامی دباؤ کا سامنا کرنا پڑے گا۔

اس سب کا آغاز لگ بھگ 3 ہفتے قبل جنوری کی ایک برفیلی سرد دوپہر کو اچانک اس پیغام کے ساتھ شروع ہوا کہ شہزادی ویلزکیتھرین ایلزبیتھ مڈلٹن کا ایک سنگین آپریشن ہوچکا ہے، جس سے بحالی کے لیے مہینوں درکار ہوں گے، ان کے اسپتال کے باہر ٹی وی کیمرے جمع ہوگئے تھے جب یہ بھی اعلان کیا گیا تھا کہ شاہ چارلس سوم ایک بڑھے ہوئے پروسٹیٹ کا علاج کروائیں گے
یہ ایک مکمل طور پر شاہی صحت کو پہنچنے والا دوہرا غیر متوقع دھچکا تھا، جسے ڈچز آف یارک سارہ فرگوسن نے مزید بڑھاوا دیتے ہوئے انکشاف کیا کہ انہیں جلد کا کینسر لاحق ہے، اب دنیا کو علم ہوا ہے کہ شاہ چارلس سوم کو بھی ایک قسم کے کینسر کا سامنا ہے۔

وہ تمام سوالات جو ایسی پریشان کن خبریں ملنے پر گھر والوں سے ہر جگہ پوچھے جاتے ہیں، کہاں؟ کتنا مہلک؟ کس قسم کا؟ اب کیا ہوگا؟ لیکن ان کے جوابات نہیں ملتے۔

ان دنوں اس نوعیت کی شاہی معلومات محلات کی جانب سے سوشل میڈیا پر پوسٹ کی جا سکتی ہیں، بجائے اس کے انہیں کچھ زیادہ رسماً بتایا جائے، لیکن یہ معلومات کسی طرح بھی عوام تک پہنچتی ہے، یہ شاہی خاندان کے لیے بری خبر کا پیش خیمہ رہا ہے، کیونکہ شاہی خاندان اب بھی ایک خاندان ہے۔

پچھلے سال موسم گرما میں تاجپوشی کی تقریبات کے موقع کے برعکس اس وقت شاہی خاندان بہت زیادہ نازک لوگوں ایک گروپ لگتا ہے، بغیر کسی اضطراب یا پیچیدگی کے، شہزادہ ہیری اپنے والد سے ملنے آ رہے ہیں، اگلے چند دنوں میں وہ امریکا سے اکیلے سفر کریں گے۔

اس پیش رفت کو اعتماد سازی کے تناظر میں دیکھا جائے گا جس کا پہلے ہی آغاز ہوچکا تھا، جب شہزادہ ہیری نے موسم خزاں میں اپنے والد کی 75 ویں سالگرہ کے موقع پر انہیں فون کیا تھا، اپنے والد کے بجائے شہزادہ ہیری اپنے بھائی اور ٹیبلوئڈ پریس کے ساتھ زیادہ تناؤ کا شکار رہے ہیں۔

شہزادہ ولیم، جو پہلے ہی اپنی اہلیہ کے آپریشن کے بعد سرکاری ڈیوٹی پر واپس آنے والے تھے، اب ان سے توقع کی جائے گی کہ وہ عوامی نمائش اور سرکاری فرائض کی ادائیگی کے حوالے سے بڑا کردار ادا کریں، لیکن انہیں اپنی بیوی اور والد دونوں کی بیک وقت بیماری کا سامنا ہے۔

لیکن اگلی صف میں کھڑے شہزادہ ولیم تخت برطانیہ کے وارث ہیں اور ان سے توقع کی جائے گی کہ وہ قدم بڑھائیں گے، جس طرح بہت عرصہ پہلے، شاہ چارلس سوم اپنی ماں کی مدد کے لیے آگے بڑھ رہے تھے، اس ہفتے کے آخر میں تمام توجہ ان کی جانب ہی ہوں گی جب وہ عوامی طور پر سامنے آئیں گے۔

انہیں یقیناً اپنی بیوی کی صحت کے مسائل کی فکر ہو گی لیکن شاہی خاندان بھی کیتھرین کی کمی محسوس کریں گے، جو کہ پریشان کن لمحات میں ان کی سب سے قابل اعتماد شخصیات میں سے ایک ہیں مگر اب مہینوں تک فعال نہیں ہوں گی۔

ملکہ کمیلا نے، جو 20 سال پہلے شاہی خاندان کا حصہ بھی نہیں تھیں، نے سردمہری کے باوجود اپنا شاندار سفر جاری رکھا ہے، وہ اب مرکز کے مرحلے میں ہے، پچھلے ہفتے کام کرنے والے شاہی خاندان کے سکڑتے ہوئے گروپ کی ایک سینئر رکن کے طور پر، تنہا مصروفیات کا ایک سلسلہ انجام دے رہی ہے۔

ایسا لگتا ہے کہ ایک طویل عرصے سے بادشاہت کے ’کم ہونے‘ کے بارے میں بحثیں چل رہی تھیں، جس میں شہزادہ ہیری اور شہزادہ اینڈریو نے استعفیٰ دے دیا تھا اور شاہ چارلس سوم اور شہزادی ویلز کیتھرین مڈلٹن ہر طرح کی فعالیت سے باہر ہیں۔

شاہی خاندان میں کام کرنے والوں میں، صرف شہزادہ ولیم اور شہزادی کیتھرین کی عمریں 50 سال سے کم ہیں، ایسا لگتا ہے کہ یہ گروپ عمر رسیدہ اور کمزور ہو گیا ہے، خود بادشاہ کے لیے، اس طوفان کی نظر میں، وہ سربراہ مملکت کے فرائض، کاغذی کارروائی اور وزارتی دستاویزات کے سرخ بکسوں اور نجی ملاقاتوں کو جاری رکھیں گے۔

لیکن اس کا مطلب یہ ہوگا کہ کام کا وہ حصہ غائب ہو جائے جو واقعی بادشاہ کو متحرک کرتا ہے، کیونکہ بادشاہ جب ہجوم سے ملتا ہے تو سب سے زیادہ پرجوش دکھائی دیتا ہے، جب وہ عوام سے ملنے کے لیے باہر جاتا ہے تو اس طرح کے دوروں میں خوشامد یا رسمیت کی غیر معمولی کمی ہوتی ہے۔

ہنر مند مقامی لوگوں سے ملنے اور دوروں پر تختیوں کی نقاب کشائی کرنے کے بعد، شاہ چارلس ہمیشہ باہر بھیڑ میں جانے سے راحت محسوس کرتے ہیں، یہ سب موقوف ہوجائے گا، اگرچہ کتنی دیر تک، یہ ہم نہیں جانتے کیونکہ ایک بار پھر یہ ایک یاد دہانی ہے کہ اگرچہ ہم شاہی خاندان کو بڑی حد تک دیکھتے ہیں، لیکن بہت کچھ ہے جو ہم نہیں جانتے۔

جب فراخ دلی سے یہ اعلان کیا گیا کہ شاہ چارلس سوم پروسٹیٹ کا علاج کروائیں گے، تو اس کا مقصد پروسٹیٹ کے حوالے سے شعور بیدار کرنا اور زیادہ سے زیادہ مردوں کو اس ضمن میں طبی معائنہ کی جانب راغب کرنا تھا اور اسی روح کے ساتھ بادشاہ میں بالآخر کینسر کی تشخیص کی خبر بھی عوام سے شیئر کی گئی۔

لیکن یہ ایک ’محفوظ فراخ دلی‘ ہے، جو شاہی محل کے دروازے کو تھوڑا سا کھولتی تو ہے، لیکن آگے کیا ہوتا ہے کسی کو معلوم نہیں۔

عام انتخابات 2024 کےمشاہدہ کیلئےروسی آبزرورکا الیکشن کمیشن کا دورہ

ملک بھر میں 8 فروری کو شیڈول عام انتخابات 2024 کےمشاہدہ کیلئےروسی آبزرورنے الیکشن کمیشن آف پاکستان کا دورہ کیا۔
ترجمان الیکشن کمیشن کے مطابق الیکشن آبزرور گروپ نے چیمبر کے چیئرمین اوروفد کےقائد آندرے میکسی مووکی قیادت میں سیکرٹری ڈاکٹر سید آصف حسین سے ملاقات کی جبکہ ملاقات میں الیکشن کمیشن کےدیگر حکام بھی موجود تھے
سیکرٹری الیکشن کمیشن نےسوک چیمبرآف دی رشین فیڈریشن کو پاکستان آمد پر خوش آمدید کہا اوروفد کوانتخابات کے انعقاد، کمیشن کی تیاریوں اور انتظامات سے آگاہ کیا۔
ترجمان الیکشن کمیشن نے بتایاکہ وفد کےچیئرمین نےانتخابات کےلیےالیکشن کمیشن کےانتظامات کوسراہااورعام انتخابات کےکامیاب انعقاد کےلیےنیک تمناؤں کا اظہارکیا۔
الیکشن کمیشن ترجمان نے یہ بھی بتایا کہ وفد نےالیکشن سٹی اورکمیشن کےالیکشن مانیٹرنگ کنٹرول سنٹرکا بھی دورہ کیا، جہاں وفد کوکمیشن کےحکام کی جانب سے بریفنگز دی گئیں۔

انسانی دماغ میں پہلی چپ لگانے کا تجربہ

ایلون مسک کی نیورا لنک کمپنی نے انسانی دماغ میں پہلی چپ لگانے کا تجربہ کر لیا۔

غیر ملکی خبر رساں ایجنسی کے مطابق ٹیکنالوجی کمپنی اسپیس ایکس کے بانی ایلون مسک نے کہا کہ ابتدائی صارف وہ ہوں گے جو اپنے اعضاء کا استعمال کھو چکے ہیں۔

انہوں ںے کہا کہ چپ لگنے کے بعد انسان صرف سوچ کرفون، کمپیوٹر یا کسی بھی ڈیوائس کو کنٹرول کر سکتا ہے۔

اس سے قبل ستمبر 2023 میں ٹیکنالوجی کمپنی اسپیس ایکس کے بانی ایلون مسک کا کہنا تھا کہ ان کی کمپنی “نیورالنک” پہلی بار آزمائشی طور پر انسانی دماغ میں چِپ نصب کرنے کے لیے تیار ہے۔

نیورا لنک نے اعلان کیا تھا کہ اسے وائرلیس برین کمپیوٹر انٹر فیس (بی سی آئی) کے انسانی ٹرائل کے لیے لوگ درکار ہیں اور یہ چِپ اس بات کا جائزہ لے گی کہ کیا فالج زدہ افراد اپنی سوچ کے ذریعے بیرونی ڈیوائسز کو کنٹرول کرسکتے ہیں یا نہیں۔
ایلون مسک نے تھا کہ جلد ہی پہلی نیورالنک ڈیوائس ایک مریض میں نصب کی جائے گی، جس کے ذریعے بعد ازاں پورے جسم کی حرکت بحال کی جاسکے گی۔

طویل مدتی منصوبے کے تحت نیورالنک مصنوعی ذہانت کی طرف سے انسانیت کو درپیش خطرات میں کردار ادا کرے گی، اس کے ذریعے ہم انسانی دماغ کو مصنوعی ذہانت کے مقابلے میں بہتر بناسکیں گے۔

فیس بک پر نئے فراڈ کا انکشاف

فیس بک صارفین کو ایک نئے اسکینڈل کے بارے میں خبردار کیا گیا ہے جس میں لوگوں کو کسی کی اچانک موت کی خبر کے جعلی لنکس پر کلک کرنے کے لیے دھوکہ دیا جاتا ہے۔
ماہرین نے میٹا پلیٹ فارم پر پھیلی ہوئی ایک جعل سازی مہم کا انکشاف کیا ہے، جس میں ہیکرز لوگوں کو ‘مجھے یقین نہیں آرہا کہ وہ چلا گیا ہے، میں اسے بہت یاد کروں گا’ اور جعلی پوسٹ کے لنک پر کلک کرنے کی ترغیب دیتے ہوئے دھوکہ دے رہے ہیں۔
ویب سائٹ بلیپنگ کمپیوٹر کے مطابق یہ لنک صارفین کو ایسی ویب سائٹ پر لے جاتا ہے جہاں سے ان کی فیس بک کی تمام معلومات چوری ہو جاتی ہیں۔
ماہرین کے مطابق یہ خاص مہم تقریباً ایک سال قبل شروع ہوئی تھی۔ اس کے بعد سے ان دھوکے بازوں نے ہیک کیے گئے اکاؤنٹس کا انبار لگا دیا ہے تاکہ دوسرے صارفین کو آسانی سے دھوکہ دیا جا سکے۔
جب کوئی پوسٹ یا لنک کسی دوست یا رشتہ دار کی طرف سے آتا ہے، تو اس پر یقین کرنا آسان ہوتا ہے اور یہی چیز لوگوں کو شکار بناتی ہے۔
فیس بک ان غیر محفوظ پوسٹس کو ہٹانا جاری رکھے ہوئے ہے، لیکن پلیٹ فارم اتنا تیز رد عمل ظاہر نہیں کرتا جتنا کہ جعل ساز کرتے ہیں۔
تاہم، فیس بک نے بڑی حد تک پوسٹ میں ان گمراہ کن فیس بک ری ڈائریکٹ لنکس کو غیر فعال کرنے کا انتظام کیا ہے لہذا وہ اس طرح سے مزید فعال نہیں ہیں۔

شعیب ملک کی نئی دلہن ثناء جاوید اور ثانیہ مرزا کے بارے میں حیران کن معلومات سامنے آ گئیں

گزشتہ روز پاکستان کے سابق آل راونڈر شعیب ملک نے ادکارہ ثناء جاوید کے ساتھ دوسری شادی کااعلان کرکے مداحوں اور شائقین کرکٹ کو شدید حیرت میں مبتلا کر دیا تاہم اب شعیب ملک کی نئی دلہن ثناء جاوید اور سابق اہلیہ ثانیہ مرزا کے بارے میں انتہائی دلچسپ معلومات سامنے آ گئیں ہیں۔
تفصیلات کے مطابق ثناء جاوید اپنے شوہر شعیب ملک سے تقریبا 11 سال چھوٹی ہیں، اداکارہ کی پیدائش 25 مارچ 1993 کو ہوئی جس کا مطلب وہ اب 30 سال کی ہیں جبکہ شعیب ملک ان سے 11 سال بڑے ہیں ،پاکستانی سابق آل راونڈر یکم فروری 1982 کو پیدا ہوائے ۔ یہاں آپ کو بتاتے چلیں کہ ثانیہ مرزا کی عمر 37 سال ہے اور وہ اپنے سابق شوہر سے 4 سال چھوٹی تھیں۔
شعیب ملک کی دوسری اہلیہ ثناء جاوید سعودی عرب کے شہر جدہ میں پیدا ہوئیں لیکن ان کے آباو اجداد کا تعلق بھارت کے شہر ” حیدرآباد دکن ” سے ہے ، آپ کو جان کر حیرت ہو گی کہ شعیب ملک کی پہلی اہلیہ ثانیہ مرزا کا تعلق بھی بھارت کے شہر حیدرآباد سے ہی ہے ۔
ثانیہ مرزا کی پیدائش 15 نومبر 1986 میں ممبئی میں ہوئی ان کے والد سپورٹس جرنلٹس ہیں جبکہ والدہ نسیمہ پرنٹنگ کے کاروبار سے وابستہ ہیں، ثانیہ کی پیدائش کے بعد ان کی فیملی واپس اپنے آبائی شہر حیدرآباد منتقل ہوئی جہاں ان کی چھوٹی بہن ‘انعم ‘ کی بھی پیدائش ہوئی اور دونوں بہنیں وہیں پروان چڑھیں۔شعیب ملک اور ثانیہ مرزا کی شادی 2010 میں حیدرآباد میں ہوئی جبکہ ان کی ولیمہ کی تقریب سیالکوٹ میں ہوئی جس میں پاکستان کی نامور شخصیات نے شرکت کی ۔
ثناء جاوید نے شوبز میں 2012 میں مشہور ڈرامے ‘ شہر ذات ‘ سے قدم رکھا ، جس کے بعد وہ متعدد ڈرامہ سیریلز میں دکھائی دیتی رہیں۔ ان کی شہرت کو چار چاند فیروز خان کے ساتھ کیئے گئے ڈرامے ‘ خانی’ سے لگے ، لیکن اس سے قبل ہی انہوں نے انڈسٹری میں اپنی موجودگی کا احساس مشہور ڈرامے ‘ ذرا یاد کر ‘ سے کروا دیا تھا جو کہ مداحوں کے ذہنوں میں آج بھی نقش ہے ۔
ثناء جاوید نے جدہ میں پاکستان انٹر نیشنل سکول میں اپنی ابتدائی تعلیم حاصل کی اور اس کے بعد وہ فیملی کے ہمراہ کراچی منتقل ہو گئیں، یونیورسٹی آف کراچی سے انہوں نے اپنی گریجوایشن مکمل کی ۔
اداکارہ نے اپنے کیریئر کے عروج پر کوک سٹوڈیو سے شہرت حاصل کرنے والے گلوکار عمیر جیسوال کے ساتھ 2020 میں ایک نجی تقریب کے دوران شادی کی لیکن ان کی شادی زیادہ دیر چل نہیں پائی، عمیر جیسوال اور اداکارہ کے درمیان گزشتہ سال نومبر کے آخر میں علیحدگی ہوئی ۔

بلڈ آکسیجن فیچر والی گھڑی

معروف فون کمپنی ایپل جسے نقالی کے الزام میں میڈیکل ٹیکنالوجی فرم ماسیمو کی جانب سے عدالتی کارروائی کا سامنا ہے اب اپنی تازہ ترین ایپل واچز سے بلڈ آکسیجن کی خصوصیت کو ہٹانے پر آمادہ ہوگئی ہے تاکہ اسے امریکا میں اپنے آلات کی درآمد اور فروخت جاری رکھنے کی اجازت مل جائے۔
سی این بی سی کے ایپل نے ایک بیان میں کہا ہے کہ اب ایپل واچ سیریز 9 اور الٹرا 2 کے تبدیل شدہ ورژن فروخت کیے جائیں گے۔ دونوں ڈیوائسز کو ستمبر میں متعارف کرایا گیا تھا۔
کمپنی نے کہا کہ جب کوئی صارف ترمیم شدہ گھڑی پر بلڈ آکسیجن آئیکون پر ٹیپ کرے گا تو ڈسپلے ایک انتباہ دکھائے گا جو اس شخص کو وضاحت کے لیے ایپل کی ویب سائٹ پر جانے کا کہے گا
کئی مہینوں سے ایپل اور میڈیکل ڈیوائس کمپنی ماسیمو کے بیچ انٹیلیکچوئل پراپرٹٰی تنازعہ جاری ہے۔ اکتوبر میں بین الاقوامی تجارتی کمیشن نے پایا کہ خون میں آکسیجن کے لیے ایپل کے واچ سینسرز نے ماسیمو کے پیٹنٹ کی خلاف ورزی کی ہے۔
ایپل کو عارضی بحالی ملنے سے قبل دسمبر میں متاثرہ گھڑیوں پر مختصر طور پر پابندی عائد کر دی گئی تھی لیکن بدھ کے روز ایک اپیل کورٹ نے حکم امتناعی ختم کر دیا جس سے وہ پابندی اٹھ گئی۔ تاہم عدالت نے بین الاقوامی تجارتی کمیشن کے فیصلے کو کالعدم نہیں کیا جس کے خلاف اپیل دائر ہے۔
ایپل کے لیے جاری کردہ مصنوعات سے خصوصیات کو ہٹانا غیر معمولی بات ہے کیوں کہ خون کے آکسیجن سینسر کی عدم موجودگی ڈیوائس کو کچھ صارفین کے لیے کم پرکشش بنا سکتی ہے۔
ایپل کے ایک ترجمان نے سی این بی سی کو بتایا کہ ان کی کمپنی اس فیصلے کی تعمیل کرنے کے لیے اقدامات کر رہی ہے جبکہ صارفین کو محدود رکاوٹ کے ساتھ ایپل واچ تک رسائی کو بھی یقینی بنایا جا رہا ہے۔
ترجمان نے کہا کہ ان اقدامات میں امریکا میں ’ایپل واچ سیریز 9‘ اور ’ایپل واچ الٹرا 2‘ کا ایک ورژن متعارف کرانا شامل ہے جن میں خون آکسیجن کی خصوصیت نہیں ہے۔ انہوں نے مزید کہا کہ پہلے خریدے گئے ایپل واچ یونٹس پر کوئی اثر نہیں ہوا ہے جس میں بلڈ آکسیجن کی خصوصیت شامل ہے۔

ایپل نے امید ظاہر کی کہ اپیل کورٹ بالآخر اس فیصلے کو کالعدم قرار دے دے گی جس سے غیر ترمیم شدہ گھڑیاں دوبارہ مارکیٹ میں پہنچ جائیں گی لیکن اس میں ایک سال سے زیادہ کا وقت لگ سکتا ہے۔

مالی سال 2023 میں ایپل نے ہیڈفون سمیت پہننے والی دیگر ٹیکنالوجی مصنوعات کی فروخت کی مد میں 39 ارب 8 کروڑ ڈالر کی آمدنی ظاہر کی تھی۔

خطرناک سمجھی جانے والی ڈیپ فیک سے فائدہ کیسے حاصل کریں؟

ڈیپ فیک ایک ایسی تکنیک ہے جو ویڈیوز، تصاویر اور آڈیوز کو جوڑ توڑ کرنے کے لیے مصنوعی ذہانت کا استعمال کرتی ہے تاہم موجودہ دور میں اس کا استعمال بڑھتا جارہا ہے۔

ڈیپ فیک ویڈیوز کی مدد سے سوشل میڈیا کے ذریعے پھیلائی جانے والی غلط معلومات پوری دنیا میں ایک بڑی تشویش کا باعث بنی ہوئی ہیں اور حال ہی میں بہت سے ایسے واقعات سامنے آئے ہیں۔

ڈیپ فیک ٹیکنالوجی کی مدد سے کسی دوسرے شخص کی تصویر یا ویڈیو کو استعمال کرتے ہوئے اس پر کسی اور کا چہرہ لگا کر تبدیل کیا جاسکتا ہے۔

سائبر سیکورٹی ایکسپرٹ رافع بلوچ نے آج نیوز سے گفتگو میں بتایا کہ جیسا کی ماضی میں ہوتا تھا کہ کسی کی ڈیپ فیک تیار کرنے کیلئے بہت ساری تصاویر درکار ہوتی تھیں تاہم اب ایسا نہیں کیونکہ جدید سوفٹ ویئر کے آنے کے بعد اب یہ کام صرف 1 یا 2 تصاویر کی مدد سے باآسانی ہوسکتا ہے۔

ان کا کہنا تھا کہ یہ جاننے کیلئے کہ کوئی تصویر یا ویڈیو ڈیپ فیک پر مبنی ہے یا نہیں اس پر بہت تیزی سے کام ہورہا ہے لیکن ابھی تک ایسا کو طریقہ کار سامنے نہیں آیا جس کی مدد سے سو فیصد یہ پتہ لگایا جاسکے کہ کوئی تصویر ڈیپ فیک ہے یا نہیں۔

ڈیپ فیک کے فائدے

جہاں ہم سنتے رہتے ہیں کہ ڈیپ فیک بہت سے نقصانات ہیں وہیں ڈیپ فیک کے کئی فائدے بھی ہیں رافع بلوچ نے مثال دیتے ہوئے کہا کہ کئی سیاستدان اپنی سیاسی مہم میں ڈیپ فیک کا استعمال کررہے ہیں جبکہ اگر شوبز انڈسٹری کی بات کریں تو ہالی ووڈ اداکار ہنری کیول کی مشہور زمانہ فلم سپر مین اور مشن امپاسبل کی کی عکس بندی ایک ہی وقت میں ہورہی تھی مشن امپاسبل میں ہنری کو موچھیں رکھنی تھیں جبکہ سپر مین میں موچھیں نہیں چاہیے تھیں تاہم فلمساز نے سی جی آئی ٹیکنالوجی کا استعمال کرتے ہوئے سپر مین کیلئے ہنری کی بغیر موجھیں والی شکل کا استعمال کیا جس کیلئے انہوں نے ۲۵ ملین ڈالر سے زائد کی رقم خرچ کی جس پر ناقیدین نے تنقید بھی کی تاہم کچھ عرصہ بعد ایک شخص نے یہ دعوی کیا انہوں نے ہنری کا یہی لُک ڈیپ فیک کا استعمال کرتے صرف ۱ ہزار ڈالرکے کمپوٹر سے تیار کیا ۔

اسی طرح مشہور فلم فاسٹ اینڈ فیوریس سیون کی عکس بندی کے اختتام سے قبل ہی اس کے مرکزی کردار نبھانے والے پال واکر کی ایک روڈ حادثے میں ہلاکت ہوگئی تو فلم ڈائریکٹر نے ایک سین ان کے بھائی سے کروایا اور سی جی آئی ٹیکنالوجی کے مدد سے ان کے چہرے پر پال واکر کا چہرا لگا دیا جس سے دیکھنے والوں کا لگا کہ اس سین میں بھی پال ہی ہیں جبکہ وہ ان کے بھائی تھے۔

لوگ اپنی ہی ڈیپ فیک بنا کر کیا فائدہ اٹھاتے ہیں

ان کا کہنا تھا کہ بہت سارے اداکار ابھی سے کانٹریکٹ سائن کررہے ہیں کہ پراڈکشن ہاوس ہمارے مرنے کے بعد ہماری قانونی ڈیپ فیک بناکر استعمال کرسکتا ہے جس کی رائلٹی ہماری فیملی کو ملے گی۔

تاہم سائبر سیکورٹی اکسپرٹ کا یہ ماننا ہے کہ اے آئی ٹیکنالوجی کے آنے کے بعد نوکریوں میں اضافہ نہیں بلکہ کمی ہوگی کیونکہ کوئی بھی اے آئی کا استعمال کرتے ہوئے ۱۰ بندوں کا کام اکیلئے کرسکتا ہے ۔

ڈیپ فیک کا منفی استعمال

گزشتہ عرصے میں بالی ووڈ اداکاراؤں رشمیکا مندانا، کترینہ کیف، کاجول اور عالیہ بھٹ کی نامناسب ڈیپ فیک ویڈیوز سوشل میڈیا پر وائرل ہوئی تھیں جبکہ سچن ٹنڈولکر ، ان کی بیٹی سارہ ٹنڈولکر اور بھارتی کرکٹر شبمن گِل کی بھی جعلی تصویر منظرِ عام پر آچکی ہیں ۔

عرصہ قبل سابق صدر باراک اوباما کی ویڈیو جاری کی گئی تھی جس میں اوباما نے ڈونلڈ ٹرمپ کے لیے غیر مہذب الفاظ استعمال کئے تھے لیکن دراصل وہ بھی ایک ڈیپ فیک سے تیار ہونے والی جعلی ویڈیو تھی۔

گزشتہ دنوں امریکی اداکارہ اسکارلیٹ جوہانسن نے ایک آرٹیفیشل انٹیلیجنس (آے آئی) ایپ کے خلاف قانونی کارروائی کا اعلان کیا تھا جس کی وجہ یہ تھی کہ ان کی اجازت کے بغیر آے آئی سے تیار کردہ اشتہار میں ان کا نام اور تشبیہ استعمال کی ہے۔

جوہانسن واحد اداکار نہیں ہیں جنہوں نے آے آئی کے لیے اپنے نام اور تشبیہات کے استعمال کے خلاف بات کی ہے۔

اس سے پہلے بھی ٹام ہینکس نے انسٹاگرام پر مداحوں کو بتایا کہ ایک ویڈیو میں ان کی اے آئی سے تیار کردہ تصاویر استعمال کی گئی ہیں لیکن اس میں وہ موجود نہیں ہیں۔

رافع بلوچ کہتے ہیں کہا کہ اگر کسی فنکار کی کے چہرے یا آواز کو اس کی اجازت کے بغیر استعمال کیا گیا ہے تو وہ کاپی رائٹ کی درخواست بھی دے سکتا ہے

انہوں نے کہا کہ اگر کسی کی کوئی تصاویر وائرل ہوتی ہے تو وہ ایف آئی اے اور پی ٹی اے سے رابطہ کرکے اس کے خلاف کرروائی کرواسکتا ہے ساتھ ہی انفرادی طور پر بھی سوشل ایپس سے رابطہ کیا جاسکتا ہے ۔

معروف ٹک ٹاکرعلیزہ سحر نے ویڈیو لیک ہونے کے معاملے پر ایف آئی اے سائبر کرائم سیل سے رابطہ کیا تھا ۔

نہ صرف اداکار اور مشہور شخصیات بلکہ گھریلو خواتین بھی ڈیپ فیک کا شکار ہوتی ہیں رافع بلوچ کا کہنا ہے کہ اگر آپ سوشل میڈیا پر اپنی تصاویر پوسٹ کرررہے ہیں تو اس کا مطلب آپ خود اجازت دے رہے ہیں اگر کوئی بھی آپ کی تصاویر کو حاصل کرسکتا ہے اسی لیے انٹرنیٹ کے کسی بھی پلٹ فارم پر اپنی تصاویر پوسٹ کرتے ہوئے محتاط رہیں ۔

ڈیپ فیک کو جاننے کے چند طریقے

انکھوں کو بلنکنگ یعنی پلک جھپکنے کی رفتار پر غور کریں کیونکہ ڈیپ فیک میں اس طرح آئی کی بلنکنگ اس رفتار سے نہیں ہوتی جس رفتار میں عام طور پر انسانی آنکھ جھپکتی ہے ۔

ویڈیو میں ہونٹوں کی جنبش پر غور کرسکتے ہیں جس طرح جعلی ویڈیوز میں آنکھوں جھپکنا نارمل نہیں ہوتا اسی طرح ہنوٹوں کی حرکت بھی مختلف ہوتی ہے ۔

یہ دیکھیں کہ تصاویر سامنے سے لی گئی ہے یا سائڈ سے کیونکہ اے آئی کیلئے سائڈ سے لی گئی تصاویر کی ڈیپ فیک بنانا مشکل ہوتا ہے ۔

قیصر کامران

تیونس میں کشتی ڈوبنے سے 40 غیر قانونی تارکینِ وطن کی ہلاکت کا خدشہ

تیونس کے ساحل کے نزدیک غیر قانونی تارکین کی کشتی ڈوبنے سے 40 افراد کی ہلاکت کا خدشہ ہے۔
چینی خبر رساں ادارے کے مطابق یہ حادثہ تیونس کے جنوب مشرقی ساحل پر رونما ہوا۔ نیونیشین نیشنل گارڈ نے ایک بیان میں بتایا کہ 10 جنوری کی رات 40 تارکین وطن کشتی میں سوار ہوکر ایس فیکس کے ساحل سے روانہ ہوئے تھے۔ یہ لوگ بحیرہ روم عبور کرکے اٹلی میں داخل ہونا چاہتے تھے۔
متاثرہ خاندانوں نے اپنے پیاروں سے رابطہ منقطع ہو جانے کے بارے میں مقامی حکام کو بتایا تھا۔ کشتی ڈوبنے سے لاپتا ہونے والے غیر قانونی تارکین وطن کی تلاش جاری ہے۔
یورپ جانے والے غیر قانونی تارکین وطن کے لیے تیونس ایک اچھا انٹری پوائنٹ ہے۔ تیونس کی حکومت کے سخت اقدامات کے باوجود تیونس کے پانیوں سے گزر کر غیر قانونی طور پر یورپ جانے کے لوگوں کی تعداد بڑھتی جارہی ہے۔
تیونس کے حکام نے بتایا ہے کہ 2023 میں کم و بیش 70 ہزار غیر قانونی تارکین وطن کو روکا گیا تھا۔ ان میں تیونس کے باشندوں کا تناسب 22 فیصد تھا۔
2022 میں جن لوگوں کو غیر قانونی طور پر یورپ جانے سے روکا گیا تھا یہ اُس سے دگنی تعداد ہے۔ تب 39 فیصد تیونسی تھے۔
تیونس کے علاوہ لیبیا کے ذریعے بھی ہر سال ہزاروں افراد غیر قانونی طور پر یورپ جانے کی کوشش کرتے ہیں۔ اس کوشش میں بہت بڑی تعداد میں ہلاکتیں بھی واقع ہوتی ہیں تاہم اس کے باوجود غیر قانونی طور پر ترکِ وطن کرنے والوں کی تعداد بڑھتی جارہی ہے۔

ایران کی جانب سے پاکستانی فضائی حدود کی خلاف ورزی، دفتر خارجہ کی شدید مذمت

ایران کی جانب سے پاکستانی فضائی حدود کی خلاف ورزی کرنے پر ترجمان دفتر خارجہ نے شدید الفاظ میں مذمت کی ہے۔
دفترخارجہ سے جاری بیان میں کہا گیا ہے کہ ایران کی جانب سے پاکستانی فضائی حدود کی بلااشتعال خلاف ورزی کی گئی۔ کارروائی میں دوبچےجاں بحق جبکہ 3 بچیاں زخمی ہوگئیں۔ دفترخارجہ کی جانب سے حملے کی شدید مذمت کی گئی۔
ایک بیان میں ترجمان دفترخارجہ نے واضح کیا کہ پاکستان کی خودمختاری کی خلاف ورزی ناقابل قبول ہے۔ اس کے سنگین نتائج نکل سکتے ہیں۔ تہران میں پاکستان نے احتجاج درج کرادیا۔ ایرانی ناظم الامور کو بھی دفترخارجہ طلب کرکے شدید احتجاج ریکارڈ کرایاگیا۔ واقعے کی مذمت پر زور دیا گیا۔ دفترخارجہ نے کہا دونوں ممالک کے درمیان متعدد چینلز کے باوجود حملہ تشویشناک ہے۔ یکطرفہ کارروائیاں اچھے ہمسایہ تعلقات کےمطابق نہیں۔ ایسے حملوں سے دوطرفہ اعتماد کو شدید نقصان پہنچ سکتاہے۔
اعلامیے میں مزید کہا گیا ہے کہ پاکستان نے ہمیشہ کہا ہے کہ دہشتگردی خطے کے تمام ممالک کیلئے مشترکہ خطرہ ہے۔ دہشت گردی کےخلاف مربوط کارروائی کی ضرورت ہے۔
خیال رہے کہ گزشتہ رات ایرانی سکیورٹی فورسز نے پاکستان کی فضائی حدود کی خلاف ورزی کرتے ہوئے بلوچستان میں میزائل اور ڈرون حملے کیے تھے۔

ہیکرز کیسے پاس ورڈ چوری کیے بغیر گوگل اکاؤنٹس تک رسائی حاصل کررہے ہیں؟

گوگل اکاؤنٹس کی سیکیوررٹی کے حوالے سے نیا انکشاف سامنے آیا ہے کہ سائبر ہیکرز بغیرپاسپورٹ کے گوگل اکاؤنٹس تک رسائی حاصل کر رہے ہیں۔
سیکیوررٹی فرم CloudSEK کی تحقیق سے پتا چلا ہے کہ ہیکرز کا ایک گروپ مال ویئر کی ایک خطرناک شکل کے ذریعے لوگوں کے نجی ڈیٹا تک غیر مجاز رسائی حاصل کرنے کے لیے تھرڈ پارٹی کوکیز استعمال کر رہا ہے،
اس کا انکشاف پہلی بار اکتوبر 2023 میں ہوا جب ایک ہیکر نے اس کے بارے میں پیغام رسانی ٹیلی گرام پر ایک چینل میں پوسٹ کیا، پوسٹ میں بتایا گیا کہ کس طرح کوکیز کے ذریعے گوگل اکاؤنٹس تک رسائی حاصل کی جاسکتی ہے۔
گوگل کی توثیق کرنے والی کوکیز صارفین کو مسلسل لاگ ان کی تفصیلات درج کیے بغیر اپنے اکاؤنٹس تک رسائی کی اجازت دیتی ہیں، تاہم ہیکرز نے ان کوکیز کو دوبارہ حاصل کرنے کا ایک طریقہ ڈھونڈ لیا تاکہ صارفین کے گوگل اکاؤنٹس تک رسائی کے لیے ٹو فیکٹر ویریفکیشن کو نظرانداز کیا جا سکے۔
گوگل کروم جو کہ گزشتہ سال 60 فیصد سے زیادہ مارکیٹ شیئر کے ساتھ دنیا کا سب سے زیادہ مقبول ویب براؤزر ہے، فی الحال تھرڈ پارٹی کوکیز سے نمٹنے کی کوشش میں ہے۔
گوگل حکام نے حالیہ اپنے ایک بیان میں کہا ہے کہ ’ہم اس طرح کی تکنیکوں کے خلاف اور مال ویئر کا شکار ہونے والے صارفین کے ڈیٹا کو محفوظ بنانے کے لیے معمول کے مطابق سیکیوررٹی اپ گریڈ کرتے ہیں۔’
گوگل اکاؤنٹس کے صارفین کیسے محفوظ رہ سکتے ہیں؟
گوگل نے صارفین کو تجویز دی ہے کہ صارفین اپنے کمپیوٹر سے کسی بھی مال ویئر کو ہٹانے کے لیے مسلسل اقدامات کریں اور مال ویئر ڈاؤن لوڈز سے بچانے کے لیے Chrome میں Enhanced Safe Browsing کو آن کریں۔

امریکا: پاکستانی نژاد فوزیہ جنجوعہ نے ٹاؤن میئر بن کر تاریخ رقم کردی، قرآن تھامے تقریب حلف برداری میں شرکت

پنجاب کے شہر چکوال سے تعلق رکھنے والی پاکستانی نژاد امریکی فوزیہ جنجوعہ نیو جرسی کے ٹاؤن ماؤنٹ لاریل کی میئر منتخب ہوگئیں۔ اس طرح وہ پہلی مسلمان اور جنوبی ایشیائی خاتون بھی بن گئیں جنہوں نے یہ اعزاز حاصل کیا۔ حلف برداری کے دوران انہوں نے قرآن شریف بھی اپنے ہاتھ میں تھاما ہوا تھا۔
نیوجرسی اسٹیٹ کی خاتون رُکن اسمبلی کیرول مرفی نے فوزیہ جنجوعہ سے ان کے عہدے کا حلف لیا۔ فوزیہ اس سے قبل ڈپٹی میئر بھی رہ چکی ہیں۔
عہدے کا حلف لینے کے بعد فوزیہ نے کہا کہ ٹاؤن کی بحیثیت میئر خدمات انجام دینا اور اس منصب پر پہلی مسلمان اور جنوبی ایشیائی خاتون ہونا ان کے لیے ایک اعزاز کی بات ہے۔ انہوں نے اس عزم کا اعادہ کیا کہ وہ کونسل کی گزشتہ 3 برسوں میں ہونے والی پیش رفت کو جاری رکھیں گی۔
نومنتخب میئر فوزیہ جنجوعہ نے اس موقع پر یہ بھی کہا کہ ماؤنٹ لاریل کے لوگ ایسی قیادت کے مستحق ہیں جو کمیونٹی سے چلنے والی، شفاف اور جوابدہ ہو۔ انہوں نے مزید کہا کہ ’مجھے یہاں اپنے خاندان کے ساتھ رہنے پر بھی فخر ہے اور یہ دیکھ کر مجھے اچھا لگتا ہے کہ کس طرح ماؤنٹ لاریل ایک بہترین ٹاؤن ثابت ہوا ہے۔

اس تاریخی اور قابل فخر موقعے پر فوزیہ جنجوعہ کے شوہر اور 4 بیٹے بھی موجود تھے۔
ان سے عہدے کا حلف لینے والی کیرول مرفی نے اس موقع پر کہا کہ انہیں پورا بھروسہ ہے کہ ڈپٹی میئر فوزیہ جنجوعہ کے بطور میئر اپنے نئے کردار میں بھی ٹاؤن کی احسن طور پر خدمت کریں گی۔ انہوں نے مزید کہا کہ فوزیہ جنجوعہ دل کے ساتھ غیر معمولی قیادت فراہم کرتی رہی ہیں اور ہماری متنوع کمیونٹی کو اکٹھا کرنے اور دیانتداری کے ساتھ قیادت کرنے کی ان کی صلاحیت ہی انہیں میئر کے لیے بہترین انتخاب بناتی ہے۔
سنہ 2021 میں، ماؤنٹ لاریل ٹاؤن شپ نے تاریخ کی سب سے متنوع کونسل کے ساتھ ایک نئے دور کا آغاز کیا تھا اور میئر فوزیہ جنجوعہ اور ڈپٹی میئر نکیتاس موسٹاکاس کی حلف برداری سابق میئر اسٹیفن اسٹیگلک اور سابق میئر کریم پرچیٹ کی قیادت میں اس کونسل کی محنت اور کامیابیوں کا نتیجہ قرر دی جارہی ہے۔
سال 2023 ٹاؤن شپ اور ٹاؤن شپ کونسل کے لیے متعدد کامیابیاں لے کر آیا تھا۔ اس موقع پر ٹاؤن شپ کونسل ماؤنٹ لاریل کی خدمات کو سراہتے ہوئے کہا گیا کہ کونسل نے اعلیٰ معیار کی سروسز کی فراہمی، رہائشیوں کے لیے تقریبات اور کاروبار کو بڑھانے اور بڑھتی ہوئی متنوع کمیونٹی کے لیے شہر کو موزوں ترین بنانے کے لیے اپنی خدمات جاری رکھیں۔

کیا ایلون مسک کی اسٹار لنک پاکستان کو سیٹلائٹ سروس فراہم کرنے جا رہی ہے؟

نگراں وفاقی حکومت نے ملک میں سٹیلائٹ مواصلاتی خدمات کو فعال بنانے کے لیے قومی خلائی پالیسی کی منظوری دے دی ہے۔
نگران وفاقی وزیر برائے انفارمیشن ٹیکنالوجی و ٹیلی کمیونیکیشن عمر سیف نے کہا ہے کہ ملٹی نیشنل کمپنیاں وزارت دفاع سے نو اوبجیکشن سرٹیفکیٹ (این او سی ) ملنے کے بعد پاکستان میں سیٹلائٹ سروس لانچ کریں گی۔ اس کوشش کی حمایت کے لیے نجی شعبہ اپنی آمدنی کا 6 فیصد حکومت کے آر اینڈ ڈی فنڈ میں دے گا۔
وفاقی وزیر نے کہا کہ پاکستان ٹیلی کمیونیکیشن اتھارٹی (پی ٹی اے) دلچسپی رکھنے والی کمپنیوں کو اسیٹلائٹ کمیونیکیشن سروس کے لائسنس فراہم کرے گی۔
انہوں نے مزید کہا کہ پاکستان کے دور دراز علاقوں میں رہنے والے لوگ اب نچلے مدار میں اسیٹلائٹ سروسز کا استعمال کرتے ہوئے کمیونیکیشن کرسکیں گے۔
انہوں نے بتایا کہ حکومت نے غیر منظم خلائی شعبے کے نتیجے میں ملک کو سالانہ 40 ملین ڈالر کے نقصان کا تخمینہ لگایا ہے۔ پالیسی منظوری کے بعد ایلون مسک کی اسٹار لنک پہلی کمپنی ہو سکتی ہے جو کئی سالوں کی تاخیر کے بعد پاکستان میں نچلے مدار میں اسیٹلائٹ سروس فراہم کرے گی۔

سال 2023: جرمنی میں سیاسی پناہ کی درخواستیں دینے والوں میں 50 فیصداضافہ ریکارڈ

یورپی ملک جرمنی میں2023 میں سیاسی پناہ کی درخواستیں دینے والوں میں 50 فیصداضافہ ریکارڈ کیا گیا ہے۔
جرمن فیڈرل آفس فار مائیگریشن کی جانب سے جاری کیے اعدادوشمار کے مطابق 2023 میں، جرمنی میں گزشتہ 7 سالوں میں سب سے زیادہ پناہ کی درخواستیں جمع کرائی گئی ہیں۔گزشتہ سال تقریباً 329,000 افراد نے جرمنی میں سیاسی پناہ کے لیے درخواستیں دیں ۔ یہ تعداد پچھلے سال کے مقابلے میں تقریباً 50 فیصد زیادہ ہے۔
آفس فار مائیگریشن کے مطابق فروری 2022 میں روس کے ساتھ جنگ چھڑنے کے بعد سے اب تک یوکرین سے جرمنی پہنچنے والے دس لاکھ سے زیادہ مہاجرین کو موجودہ اعدادوشمار میں شامل نہیں کیا گیا ہے کیونکہ انہیں پناہ کے لیے درخواست دینے کی ضرورت نہیں ہے۔
اگرچہ جرمن حکومت غیر قانونی ہجرت کو محدود کرنے کی کوششیں جاری رکھے ہوئے ہے، لیکن اپوزیشن اس رجحان پر سوال اٹھا رہی ہے۔اتحادی حکومت مقامی حکومتوں پر ضرورت سے زیادہ بوجھ ڈالنے کے باوجود شہریت دینے جیسے منصوبوں پر بھر پور طریقے سے کام کر رہی ہے، اس طرح مزید غیر قانونی امیگریشن کے لیے مسلسل نئی ترغیبات پیدا کر رہی ہے۔

غزہ: حماس سے لڑائی میں ایک ہی دن میں 103 اسرائیلی فوجی زخمی

فلسطین کی تحریک مزاحمت حماس اور اسرائیلی فوج کے درمیان تازہ جھڑپوں میں ایک ہی دن میں اسرائیل کے 103 فوجی زخمی ہوگئے ہیں۔
اسرائیل کے مقامی میڈیا کے مطابق اعداد و شمار سے پتہ چلتا ہے کہ گزشتہ روز غزہ کی پٹی میں فلسطینی مزاحمتی جنگجوؤں (حماس) سے لڑائی کے دوران 103 فوجی زخمی ہوئے ہیںِ جن میں سے 2 کی حالت تشویشناک بتائی جارہی ہے۔
اقوام متحدہ کے دفتر برائے رابطہ برائے انسانی امور کے مطابق غزہ میں اسرائیلی فوج کی حماس کے خلاف زمینی کارروائی کے آغاز سے اب تک اس کے 174 فوجی ہلاک اور 1,042 فوجی زخمی ہو چکے ہیں۔
قبل ازیں امریکا کے خبر رساں ادارے بلومبرگ نے غزہ کی پٹی پر جنگ کے نتیجے میں زخمی ہونے والے اسرائیلی فوجیوں کی بڑھتی ہوئی تعداد کے بارے میں کہا کہ ‘زخمی اسرائیلی فوجیوں کی تعداد تقریباً 20,000 تک پہنچنے کا امکان ہے کیوں کہ غزہ میں حماس سے لڑنے والے فوجیوں میں اب PTSD (پوسٹ ٹرامیٹک اسٹریس ڈس آرڈر ) کی تشخیص ہورہی ہے۔

بلوم برگ کے ڈس ایبلڈ ویٹرنز آرگنائزیشن کے صدر ایڈن کلیمن کے مطابق’ہم نے زخمیوں کی اتنی خراب حالت کبھی نہیں دیکھی ہے جتنا ہم ابھی دیکھ رہے ہیں، زخمیوں کی بحالی ضروری ہے، جبکہ اسرائیلی حکام کو صورتحال کی سنگینی کا احساس نہیں ہے۔’

یہاں یہ بات بھی قابل ذکر ہے کہ اسرائیلی زخمی فوجیوں کے حوالے سے اعداد و شمار ممکنہ طور پر کم ہیں، متعدد اسرائیلی اخبارات میں بتایا گیا ہے کہ غزہ میں زخمی فوجیوں کی تعداد سرکاری اعداد و شمار سے کئی گنا زیادہ ہے۔

اسرائیلی بربریت کو 3 ماہ مکمل ، فلسطینی شہداء کی تعداد 22 ہزار سے تجاوز کر گئی ، لاکھوں بے گھر

اسرائیلی بمباری سے مزید 162 فلسطینی شہید اور سینکڑوں زخمی ہو گئے ، رفاہ بھی شدید اسرائیلی بمباری کی زد میں آگیا، ایک گھر پر بمباری سے پورا خاندان شہید ہو گیا۔
اسرائیل کے وحشیانہ حملوں کو 90 دن مکمل ہونے پر حماس نے اعدادو شمار جاری کر دیئے جس کے مطابق 7 اکتوبر سے قابض فوج نے 1876 حملے کیے جس میں شہید اور لاپتہ فلسطینیوں کی تعداد 29 ہزار 438 ہے۔
حماس کا کہنا ہے کہ اسرائیلی حملوں کے نتیجے میں 22 ہزار 438 شہداء کی لاشیں اسپتالوں میں لائی گئیں جس میں 9 ہزار 730 بچے اور 6ہزار 830 خواتین شامل ہیں،شہدا میں 326 ڈاکٹرز اور طبی عملے کے 326،سول ڈیفنس کے 42 ارکان اور 106 صحافی شامل ہیں۔
اعداد وشمار کے مطابق صحت کے 99 اہلکار گرفتار اور 10 صحافی حراست میں لیے گئے۔ اسرائیلی حملوں میں 19 لاکھ افراد بے گھر ہو گئے، 3 لاکھ 55 ہزار افراد نقل مکانی کے نتیجے میں متعدی بیماریوں سے متاثر ہوئے ، بمباری سے 130 سرکاری عمارتیں، 93 یونیورسٹیاں ، 292 اسکول تباہ ہوئے۔
اس کے علاوہ 122 مساجد کو مکمل شہید کیا گیا،218 کو جزوی نقصان پہنچا جبکہ تین گرجا گھروں کو بھی اسرائیلی فوج نے تباہ کر دیا۔ 65 ہزار ہاؤسنگ یونٹ مکمل،2 لاکھ 90 ہزار گھر جزوی تباہ ہوئے۔ اسرائیلی فوج نے 90 دن میں 65 ہزار ٹن بارود غزہ پر برسایا
اسرائیلی فوج نے 30 اسپتالوں کومکمل غیرفعال کردیا، غزہ میں 53 صحت مراکز مکمل تباہ ہوئے جبکہ 150 مراکز کو جزوی طور پر نقصان پہنچا، قابض فوج نے 121 ایمبولینسیں تباہ کر دیں اور 200 آثار قدیمہ اور ثقافتی ورثے کے مقامات اسرائیلی حملے میں تباہ ہوئے۔

کمپیوٹر کی بورڈ میں دہائیوں بعد ایک نئے بٹن کا اضافہ

اگر آپ ونڈوز آپریٹنگ سسٹم پر چلنے والے کمپیوٹر یا لیپ ٹاپ پر کام کرتے ہیں تو برسوں سے ایک ہی کی بورڈ کا استعمال کر رہے ہوں گے۔
مگر دہائیوں بعد پہلی بار مائیکرو سافٹ کی جانب سے کمپیوٹر کی بورڈ میں تبدیلی کی جا رہی ہے۔
مائیکرو سافٹ کی جانب سے آرٹی فیشل انٹیلی جنس (اے آئی) ٹیکنالوجی کو بہتر بنانے پر کافی کام کیا جا رہا ہے اور یہ کمپنی 2024 میں کمپیوٹرز کو اے آئی سے لیس کرنا چاہتی ہے۔
اسی لیے نئے لیپ ٹاپس اور ڈیسک ٹاپ کمپیوٹرز کے لیے کی بورڈ میں ایک بڑی تبدیلی کی جا رہی ہے۔
ئندہ چند ماہ میں اگر آپ نئے ونڈوز کمپیوٹر یا لیپ ٹاپ کو خریدیں گے تو کی بورڈ پر ایک نیا بٹن نظر آئے گا۔
اسے کو پائلٹ کی (Copilot key) کا نام دیا گیا ہے جس پر کلک کرکے مائیکرو سافٹ کے اے آئی کو پائلٹ پروگرام تک رسائی حاصل ہوگی۔
کمپنی کی جانب سے جاری بیان کے مطابق لگ بھگ 30 سال قبل ہم نے کمپیوٹر کی بورڈ میں ونڈوز بٹن متعارف کرایا تھا اور دنیا بھر میں لوگوں نے اس کا استعمال کیا۔
بیان میں کہا گیا کہ اب کو پائلٹ بٹن کے ذریعے صارفین اے آئی کی دنیا میں داخل ہوسکیں گے۔

دبئی جانے کے خواہشمند پاکستانیوں کیلئے بڑی خوشخبری

جنوری 2024 کے وسط کے بعد متحدہ عرب امارات میں فضائی کرایوں میں بھاری کمی کاامکان ہے ۔
تفصیلات کے مطابق یہ متوقع کمی 50-60% تک ہو سکتی ہے، کرایوں میں کمی کے امکانات زیادہ کرایوں والے فضائی راستوں پر ہیں ، جو کہ برطانیہ، یورپی ممالک ، جنوبی ایشیاکے کچھ ممالک ، فلپائن اور امریکہ بھی اس فہرست میں شامل ہے ۔
ایم پی کیو ٹریول اینڈ ٹورازم کے سی ای او ’مالو پراڈو ‘کا کہناہے کہ موسم سرما میں میں کرایوں میں زیادہ کمی متحدہ عرب امارات سے طویل فاصلے کی فلائٹس پر ہو سکتی ہے ، بڑے ٹور گروپس کی دبئی میں زیادہ فلائٹس کی مانگ کے باعث کرایوں میں ہوشربا اضافہ ہواہے جس کے باعث متحد ہ عرب امارات کے مقامی مسافروں کو عین موقع پر فلائٹس میں سیٹ لینے میں کافی دشواری کا سامنا کرنا پڑتا ہے اور امکان ہے کہ یہ روایت اب بدلنے جارہی ہے ۔اس رجحان میں تبدیلی کی توقع ہے، پوری دنیا میں کرایوں میں خاطر خواہ کمی متوقع ہے۔
مثال کے طور پر لندن کے ہیتھرو ایئر پورٹ سے دبئی تک اکانومی کلاس کرا یہ 5 ہزار 135 درہم سے کم ہو کر 2 ہزار 410 درہم تک کم ہو سکتا ہے ،اسی طرح نیو یارک سے دبئی کیلئے یہ کرایہ ساڑھے چھ ہزار درہم سے کم ہو کر ساڑھے تین ہزار درہم تک ہو سکتا ہے ۔

پاکستان نے غزہ کے عوام کے لیے امدادی سامان کی تیسری کھیپ روانہ کر دی

حکومت پاکستان نے پیر کو غزہ کے عوام کے لیے امدادی سامان کی تیسری کھیپ روانہ کر دی ہے۔ وزیر خارجہ جلیل عباس جیلانی نے پاک فضائیہ کے خصوصی طیارے کے ساتھ نور خان ایئربیس پر کارگو روانہ کیا۔

دفتر خارجہ کے مطابق مصر کے العریش ہوائی اڈے پر پہنچنے کے بعد یہ کھیپ جس میں ادویات، سرجیکل، طبی سامان، حفظان صحت کی کٹس اور خشک راشن شامل ہیں، کو آگے  فلسطین تک پہنچانے کے لیے ہلال احمر کے حوالے کیا جائے گا۔

روانگی کی تقریب سے خطاب کرتے ہوئے نگراں وزیر خارجہ جلیل عباس جیلانی نے اس کھیپ کو نئے کیلنڈر سال کی پہلی صبح فلسطینی بھائیوں اور بہنوں کے ساتھ یکجہتی کی علامت قرار دیا۔

وزیر خارجہ نے فلسطینی عوام کی حق خودارادیت کی جائز اور جرات مندانہ جدوجہد میں ان کی غیر متزلزل حمایت کا اعادہ کرتے ہوئے کہا کہ وحشیانہ اسرائیلی جارحیت کا سامنا کرنے والے مقبوضہ غزہ کے عوام کے لیے جنگ بندی اور انسانی امداد کی بلا روک ٹوک فراہمی جاری رہنی چاہیے۔

تقریب میں موجود فلسطینی سفیر نے فلسطینی عوام کے ساتھ اظہار یکجہتی کرتے ہوئے نئے سال کے موقع پر مسلسل حمایت پر حکومت پاکستان اور عوام کا شکریہ ادا کیا۔

آئی ایم ایف کی پاکستان کیلئے 70 کروڑ ڈالرز قسط کی منظوری کا امکان

بین الاقوامی مالیاتی فنڈز (آئی ایم ایف) کے پاکستان سے متعلق ایگزیکٹیو بورڈ کے اجلاس کا نیا شیڈول جاری کر دیا گیا۔

پاکستان کے معاملے پر آئی ایم ایف بورڈ کا اجلاس 11 جنوری کو طلب کیا گیا ہےاجلاس میں پاکستان کے لیے 70 کروڑ ڈالرز کی اگلی قسط کی منظوری دیے جانے کا امکان ہے۔

آئی ایم ایف کی جانب سے 3 ارب ڈالرز کے اسٹینڈ بائی ارینجمنٹ کے تحت اقتصادی جائزے کی منظوری کا بھی امکان ہے۔

بھارت کی پاکستان سے حافظ سعید کی حوالگی کی درخواست

بھارت نے پاکستان سے کالعدم تنظیم کے جماعت الدعوۃ کے سربراہ حافظ سعید (Hafiz Saeed) کی حوالگی کی درخواست کر دی۔

ترجمان دفتر خارجہ کا کہنا ہے کہ پاکستان کو بھارتی حکام کی جانب سے حافظ سعید کی حوالگی کی درخواست موصول ہوئی ہے۔

انہوں نے بتایا کہ بھارت کی جانب سے منی لانڈرنگ کیس میں حافظ سعید کی حوالگی کا مطالبہ کیا گیا ہے۔

ان کا کہنا تھا کہ پاکستان اور بھارت کے درمیان اس قسم کی حوالگی کا کوئی معاہدہ موجود نہیں ہے۔

جذبہ انٹرنیشنل 28 دسمبر سے 4 جنوری 2024

فیشل کی شوقین خواتین یہ اہم نکات لازمی جان لیں

خواتین اپنے حسن اور دلکش کو لے کر بے حد فکر مندرہتی ہیں اور اس حسن کو برقرار رکھنے کے لیے مہنگی سے مہنگی کریم اور پارلر کے چکر لگاتی بھی نظر آتی ہیں۔

وہ خواتین جو اپنے رنگ کو گورا کرنے اور خوبصورتی میں مزید اضافہ کرنے کے لیے فیشل کرواتی ہیں تو یہ خبر ان کے لیے ہے۔

فیشل کی شوقین خواتین یہ اہم نکات لازمی جان لیں

میک اَپ آرٹسٹ فیشل سے متعلق مندرجہ ذیل نکات پر خواتین کی توجہ ضروری سمجھتے ہیں۔

٭ فیشل سے کم از کم چوبیس گھنٹے پہلے ویکس کروائیں، ویکس سے جِلد کی سطح کھنچ جاتی ہے۔ اس پر فوری مساج ہو تو جِلد کو نقصان پہنچ سکتا ہے۔

٭کڑی دھوپ میں زیادہ وقت گزارنے کے بعدفوراً فیشل نہ کروائیں۔ یوں تو فیشل سے سورج کی شعاعوں کے باعث جِلد پر ہونے والی پگمن ٹیشن ٹھیک ہو جاتی ہے لیکن فوری طور پر فیشل کروانا جِلد کو نقصان بھی پہنچا سکتا ہے۔

٭فیشل کریموں میں شامل اجزا ضرور پڑھ لیں اور اگر آپ پارلر سے فیشل کروارہی ہیں اور آپ کو معلوم نہیں کہ کریم میں کون سے اجزا موجود ہیں تو احتیاط کے طور پر فیشل کے لیے نکلنے سے پہلے چہرے پر کوئی بے بی لوشن لگائیں۔

فیشل کرنے سے نہ صرف چہرے کی صفائی ہوتی ہے بلکہ تازگی بھی ملتی ہے۔ 

اس سے چہرے پر ایک خاص چمک پیدا ہوتی اور جُھریاں نہیں پڑتیں۔ مساج کرنے سے دوران خون چہرے کی جانب بڑھتا ہے، جس سے چہرے کے عضلات مضبوط ہوتے ہیں اور جِلد کی نشوونما بہتر طویقے سے ہوتی ہے۔

 مساج چہرے کی خوبصورتی کو بڑھاتا اور بڑھاپے کے اثرات کو روکتا ہے۔ فیشل مساج کے ذریعے مہاسوں اور دیگر داغ دھبوں کو دور کیا جاسکتا ہے۔ اس کے علاوہ جِلد میں موجود گردوغبار کو باہر نکالتا اور مہاسے اور کیلوں کے نکلنے کے عمل کو روکتا ہے۔ مساج چہرے کے پٹھوں یا مسلز کو بھی مضبوط کرتا ہے۔۔

ترکیے کی 6 ممالک کے لیے ویزا فری انٹری

ترکیےکی حکومت نے سیاحت کے فروغ اور بین الاقوامی تعلقات کو مستحکم کرنے کے لیے ایک قابلِ ستائش اقدام اٹھاتے ہوئے متحدہ عرب امارات اور سعودی عرب سمیت چھ ممالک کے لیے ویزا فری داخلے کا اعلان کردیا ہے۔

ترکیےے کے صدر رجب طیب اردگان نے ایک اعلانیہ جاری کیا جس میں درج ذیل ممالک کو ویزا کا استثنیٰ دیا گیا ہے:

1: متحدہ عرب امارات

2: سعودی عرب

3: امریکا

4: کینیڈا

5: بحرین

6: عمان

صدر رجب طیب اردوان کی جانب سے جاری کردہ اس اعلامیہ کو فوری طور پر نافذ العمل کردیا گیا ہے

نئے قائم کردہ ویزا فری نظام کے تحت ان تمام ممالک کے شہری اب بغیر ویزا کے ترکیےکی سیر کر سکتے ہیں۔ ویزا کے اس استثنیٰ کی بدولت سیاح  90 دنوں یعنی تین ماہ تک ترکیے میں قیام کرسکتے ہیں۔

ترکیے کا ویزہ فری داخلے میں توسیع کا یہ فیصلہ سیاحتی فروغ ، ثقافتی فروغ اور سفارتی تعلقات کو تقویت دینے کے لیے کی گئی کوشش کی عکاسی کرتا ہے۔

 اس اقدام سے خطے میں سیاحت کے شعبے سمیت مجموعی بین الاقوامی تعلقات دونوں پر مثبت اثرات مرتب ہوں گے

ٹیسلا کمپنی کے روبوٹ کے انسان پر حملے کا انکشاف

معروف امریکی آٹومیکر اور ٹیکنالوجی کمپنی ’ٹیسلا‘ کی گاڑی بنانے والی فیکٹری کے ایک روبوٹ نے انسانوں پر حملہ کردیا، واقعے میں ایک انجینئر شدید زخمی ہوگیا۔

امریکی ویب سائٹ نیو یارک پوسٹ کے مطابق واقعہ امریکی شہر آسٹن میں قائم گیگا ٹیکساس فیکٹری میں پیش آیا، کمپنی کے دو عینی شاہد ملازمین نے بتایا کہ گاڑیوں کے پرزے اٹھانے پر مامور روبوٹ نے دھات سے بنے اپنے نوکیلے پنجے انجینئر کی کمر اور بازو میں گھونپے جس سے ملازم کا خون بہنا شروع ہوگیا اور وہ زمین پر گرگیا۔

رپورٹ کے مطابق ٹیسلا کے روبوٹ نے اس وقت حملہ کیا جب انجینئر 3 ناکارہ روبوٹس کے سافٹ ویئر ڈیزائن کررہا تھا۔

تین ناکارہ روبوٹس میں سے 2 کے سافٹ ویئرز کو بند کردیا گیا جبکہ تیسرا روبوٹ غیر ارادی طور پر فعال رہ گیا، جس نے انجینئر پر حملہ کردیا، زخمی انجینئر کو فوری طور پر اسپتال پہنچادیا گیا جہاں اس کی حالت خطرے سے باہر ہے۔

واضح رہے کہ امریکی آکوپیشنل سیفٹی اینڈ ہیلتھ ایڈمنسٹریشن کو جمع کرائی گئی رپورٹ کے مطابق واقعہ دو سال قبل 2021ء میں پیش آیا تھا۔

رپورٹس میں دعویٰ کیا گیا ہے کہ گیگا ٹیکساس فیکٹری کا ہر 21 میں سے ایک ملازم گزشتہ سال زخمی ہوا تھا۔ امریکی میڈیا کے مطابق حملے کی وجہ سامنے نہیں آسکی، اس حوالے سے ٹیسلا کمپنی نے بھی تبصرہ کرنے سے انکار کردیا ہے۔

نگران وزیر خارجہ سے کینیڈین ہائی کمشنر لیزلی سکینلون کی ملاقات

نگران وزیر خارجہ جلیل عباس جیلانی سے پاکستان میں کینیڈین ہائی کمشنر لیزلی سکینلون نے جمعرات کو یہاں ملاقات کی۔

دفتر خارجہ کے مطابق انہوں نے پاکستان اور کینیڈا کے دوطرفہ تعلقات کے مختلف پہلوؤں اور پاکستانی حکومت کی طرف سے افغان شہریوں کی کینیڈا میں آباد کاری کے عمل کے لیے سہولت کاری پر تبادلہ خیال کیا۔

کینیڈین ہائی کمشنر نے آبادکاری کے عمل میں پاکستان کی مدد پر وزیر خارجہ کا شکریہ ادا کیا۔

ہالینڈ میں اسرائیل کے ہاتھوں شہید فلسطینی بچوں کو انوکھے انداز میں خراج عقیدت

ہالینڈ میں غزہ کے اسرائیلی فوج کے مظالم سے شہید 8000 بچوں سے انوکھے انداز میں خراج عقیدت پیش کیا گیا ہے۔
ہالینڈ کے شہر روٹرڈیم میں 8,000 کے قریب جوتوں کے جوڑے رکھے گئے تاکہ غزہ میں کئی ماہ سے جاری اسرائیلی جارحیت کے دوران محصور فلسطینیوں کے ساتھ اظہار یکجہتی کیا جا سکے۔

پلانٹ این اولیو ٹری فاؤنڈیشن نے ہالینڈ میں منعقدہ تقریب میں اسرائیلی حملوں اور فلسطینی بچوں کے اجتماعی قتل کو اجاگر کیا۔

فاؤنڈیشن کی ڈائریکٹر ایستھر وین ڈیر موسٹ نے غزہ میں اسرائیل فوج کے مظالم سے بچوں کے قتل عام پر صورتحال کی سنگینی سے آگاہ کیا اور کہا کہ گزشتہ 75 دنوں میں غزہ میں 8000 سے زیادہ بچے مارے جا چکے ہیں۔ ہم نے یہ جوتے اس طرف توجہ مبذول کرنے کے لیے جمع کیے کہ کتنے بچوں کے بارے میں بات کی جا رہی ہے، اس طرح لوگ ان کے بارے میں کچھ محسوس کر سکتے ہیں اور فلسطینیوں کو انسان کے طور پر دیکھا جا سکتا ہے۔ ‘

ایستھر وین ڈیر موسٹ نے کہا ہے کہ ’ہم یہاں سوگ منانے اور مارے جانے والے بچوں کی یاد منانے کے لیے موجود ہیں، بس فلسطینی بچوں کو قتل کرنا بند کرو۔ قبضہ بند کرو، سب کچھ بند کرو

موت کی پیشگوئی کرنے والا اے آئی چیٹ بوٹ تیار

سائنسدانوں نے انسان کی موت کی پیشگوئی کرنے والا مصنوعی چیٹ بوٹ ماڈل تیار کرلیا ہے۔

ٹیکنیکل یونیورسٹی آف ڈنمارک کے سائنس دانوں نے ایک ایسا اے آئی (مصنوعی ذہانت) چیٹ بوٹ تیار کیا ہے جو انسان کی موت کی 78 فیصد درست پیشگوئی کرتا ہے۔

سائنسدانوں نے کہا کہ AI ماڈل کو ڈنمارک کی آبادی کے ڈیٹا پر تربیت دی گئی تھی اور اسے کسی بھی موجودہ نظام سے زیادہ درست طریقے سے لوگوں کے مرنے کے امکانات کی پیش گوئی کرنے کے لیے دکھایا گیا تھا۔

مطالعہ میں محققین نے 2008 سے 2020 تک جمع کیے گئے 6 ملین ڈینز کے لیے صحت اور لیبر مارکیٹ کے ڈیٹا کا تجزیہ کیا، جس میں افراد کی تعلیم، ڈاکٹروں اور اسپتالوں کے دورے، نتیجے میں تشخیص، آمدنی اور پیشے شامل ہیں۔

سائنسدانوں نے ڈیٹاسیٹ کو الفاظ میں تبدیل کر کے ایک بڑے لینگویج ماڈل کو تربیت دی جس کو ‘life2vec’ کا نام دیا گیا ہے، یہ ماڈل 78 فیصد تک انسان کی موت کی درست پیشگوئی کرتا ہے۔

محققین نے 35 سے 65 سال کی عمر کے لوگوں کے ایک گروپ کا ڈیٹا لیا، جن میں سے نصف 2016 اور 2020 کے درمیان مر گئے، اور AI سسٹم سے یہ پیش گوئی کرنے کو کہا کہ کون زندہ ہے اور کون مر گیا۔

ماڈل کا استعمال کرتے ہوئے محققین نے عام سوالات کے جوابات ڈھونڈے جیسے 4 سال کے اندر کسی شخص کے مرنے کے امکانات، ماڈل کے جوابات موجودہ نتائج سے مطابقت رکھتے ہیں جیسے کہ جب دیگر تمام عوامل پر غور کیا جائے تو قائدانہ حیثیت یا زیادہ آمدنی والے افراد کے زندہ رہنے کے امکانات زیادہ ہوتے ہیں، اور مرد، ہنر مند، یا ذہنی مریضوں کے جلد مرنے کے امکانات ذیادہ ہوتے ہیں۔

‘تحقیق میں شامل ڈاکٹر لیمن نے کہا ہے کہ ’ہم نے بنیادی سوال کے جواب کے لیے ماڈل کا استعمال کیا ہے، ہم آپ کے ماضی کے حالات اور واقعات کی بنیاد پر آپ کے مستقبل میں ہونے والے واقعات کی کس حد تک پیش گوئی کر سکتے ہیں’

انہوں نے مزید کہا کہ ‘سائنسی طور پر، جو چیز ہمارے لیے پرجوش ہے وہ خود پیش گوئی نہیں ہے، بلکہ اعداد و شمار کے وہ پہلو ہیں جو ماڈل کو ایسے درست جوابات فراہم کرنے کے قابل بناتے ہیں۔’

یہ ماڈل آبادی کے ایک حصے میں پرسنلٹی ٹیسٹ کے نتائج کی بھی درست پیشین گوئی کر سکتا ہے جو موجودہ AI سسٹمز سے بہتر ہے۔

محققین کے مطابق ایک بار اس AI ماڈل نے ڈیٹا پیٹرن سیکھ لیے، تو یہ دوسرے جدید نظاموں کو پیچھے چھوڑ سکتا ہے اورمزید درستگی کے ساتھ شخصیت کی موت کی پیش گوئی کر سکے گا۔

سائنسدانوں نے خبردار کیا ہے کہ ’اخلاقی خدشات کی وجہ سے لائف انشورنس فرموں کو اس ماڈل کا استعمال نہیں کرنا چاہیے، واضح طور پر ہمارے ماڈل کو کسی انشورنس کمپنی کو استعمال نہیں کرنا چاہیے، کیونکہ انشورنس فرموں کو معلوم ہوجائے گا۔

چین میں 6.2 شدت کا زلزلہ، 100 سے زائد افراد ہلاک، سیکڑوں زخمی

صبح سویرے چین کے شمال مغربی علاقوں میں آنے والے زلزلے میں 100 سے زائد افراد ہلاک ہو گئے، مارے جانے والوں میں بہت سے لوگ نیند میں ہی ابدی نیند سو گئے۔
چین کی سرکاری خبر رساں ایجنسی ”ژنہوا“ کے مطابق زلزلہ کی شدت 6.2 تھی، جو چنگھائی کی سرحد کے قریب صوبہ گانسو میں رات کے وقت آیا۔
رپورٹ کے مطابق زلزے کے نتیجے میں کافی نقصان بھی ہوا۔
چین کے سرکاری نشریاتی ادارے سی سی ٹی وی نے صوبائی زلزلہ ریلیف ہیڈ کوارٹر کا حوالہ دیتے ہوئے کہا کہ زلزلے کے نتیجے میں کئی عمارتیں منہدم ہوئی، اور لوگ سڑکوں پر نکل آئے۔
زلزلے کے نتیجے میں سیکڑوں افراد زخمی ہوئے۔
گانسو کے صوبائی حکام نے ایک پریس کانفرنس میں بتایا کہ پیر کی رات تقریباً ساڑھے 11 بجے آنے والے زلزلے میں 105 افراد کے ہلاک اور 397 کے زخمی ہونے کی تصدیق ہو چکی ہے۔ جبکہ رائٹرز کا کہنا ہے کہ ہلاکتوں کی تعداد 111 ہوچکی ہے۔
حکام نے مزید کہا کہ 4,700 سے زیادہ مکانات کو نقصان پہنچا ہے۔
ژنہوا کے مطابق کچھ دیہاتوں میں بجلی اور پانی کی سپلائی میں خلل پڑا ہے۔
سی سی ٹی وی کے مطابق چنگھائی کے شہر ہائیڈونگ میں بھی کم از کم 11 افراد ہلاک ہوئے۔
ہائیڈونگ صوبہ گانسو کے دارالحکومت لانژو سے تقریباً 100 کلومیٹر (60 میل) جنوب مغرب میں زلزلے کے مرکز کے قریب واقع ہے۔
چین کے صدر شی جن پنگ نے تلاش اور امدادی کاموں میں ”ہر ممکن کوششوں“ کی ہدایت کی ہے۔
امریکی جیولوجیکل سروے نے بتایا کہ زلزلے کی شدت 5.9 تھی، جب کہ یورپی میڈیٹیرینین سیسمولوجیکل سینٹر (EMSC) نے کہا کہ اس کی شدت 6.1 تھی۔
زلزلہ کے مرکز کی گہرائی 10 کلومیٹر (6 میل) تھی اور ابتدائی شدت 6.0 بتائی گئی تھی۔
گانسو کی آبادی تقریباً 26 ملین افراد پر مشتمل ہے اور اس میں صحرائے گوبی کا ایک حصہ شامل ہے۔
چین میں زلزلے کوئی معمولی بات نہیں ہے۔
ستمبر 2022 میں، صوبہ سیچوان میں 6.6 شدت کے زلزلے سے تقریباً 100 افراد ہلاک ہوئے تھے۔
2008 میں سیچوان میں 7.9 کی شدت کے زلزلے سے 87,000 سے زیادہ لوگ ہلاک یا لاپتہ ہوگئے تھے، جن میں 5,335 بچے شامل تھے جو اس وقت اسکول میں تھے۔
1976 میں چین کی تاریخ کی بدترین قدرتی آفت میں تانگشان میں آنے والے زلزلے کے بعد کم از کم 242,000 افراد ہلاک ہوئے تھے۔

لیبیا میں غیرقانونی تارکین وطن کی کشتی ڈوب گئی، 61 افراد ہلاک

لیبیا میں غیرقانونی تارکین وطن کی کشتی ڈوب گئی، 61 افراد لاپتا ہیں۔ لیبیا کی خبر ایجنسی کے مطابق کشتی پر سوار 86 سے زائد مسافروں میں سے 25 افراد کو زندہ بچا لیا گیا جبکہ لاپتا افراد کو ہلاک قرار دے دیا گیا ہے۔
عالمی تنظیم برائے تارکین وطن (آئی او ایم) کے مطابق بچ جانے والے افراد نے بتایا کہ کشتی لیبیا کے شمال مغربی ساحل سے روانہ ہوئی تھی، کشتی میں سوار زیادہ تر افراد کا تعلق نائیجیریا، گیمبیا اور دیگر افریقی ممالک سے تھا۔
آئی او ایم کے مطابق لیبیا میں ڈوبنے والی کشتی میں سوار افراد میں بچے اور خواتین بھی شامل تھے، بچائے گئے افراد کو حراستی مرکز منتقل کرکے طبی امداد دی گئی۔
آئی او ایم کے ترجمان فلاویو ڈی گیاکومو کے مطابق رواں برس میڈیٹیرین مائیگرینٹ روٹ پر 2250 سے زائد افراد اپنی جانیں گنوا چکے ہیں، بدقسمتی سے اب تک سمندر میں زندگیاں بچانے کے لیے کیے گئے اقدامات ناکافی ہیں۔
جون کے مہینے میں لیبیا سے اٹلی جانے والی کشتی ایڈریانا کے ساتھ یونان کے پانیوں میں پیش آنے والے واقعے میں بھی 750 افراد ہلاک ہو گئے تھے۔

پاکستان میں دہشت گرد حملوں میں افغانستان سے لائے جانے والے غیر ملکی اسلحے کے استعمال کے ثبوت پھر منظرِ عام پر

پاکستانی فوج گزشتہ دو دہائیوں سےتحریک طالبان پاکستان( ٹی ٹی پی) کے خلاف دہشتگردی کی جنگ لڑ رہی ہے
یہ کوئی ڈھکی چھپی بات نہیں کہ ٹی ٹی پی کے دہشتگردوں کو افغانستان میں محفوظ پناہ گاہوں کے ساتھ ساتھ وافر مقدار میں امریکا کا چھوڑا ہوا اسلحہ بھی دستیاب ہےٹی ٹی پی کو ہتھیاروں کی فراہمی نے خطے کی سلامتی کو خاطر خواہ نقصان پہنچایا ہے بالخصوص پاکستان میں دہشتگردی میں اضافہ دیکھنے میں آیا ہےبلوچ لبریشن آرمی نے بھی انہی ہتھیاروں کا استعمال کرتے ہوئے فروری 2022 میں نوشکی اور پنجگور اضلاع میں ایف سی کیمپوں پر حملے کیے۔
12 جولائی 2023 کو ژوب گیریژن پر ہونے والے حملے میں بھی ٹی ٹی پی کی جانب سے امریکی اسلحے کا استعمال کیا گیا6 ستمبر 2023 کو جدید ترین امریکی ہتھیاروں سے لیس ٹی ٹی پی کے دہشت گردوں نے چترال میں دو فوجی چیک پوسٹوں پر حملہ کیا4 نومبر کو میانوالی ائیر بیس حملے میں دہشت گردوں سے برآمد ہونے والا اسلحہ غیر ملکی ساخت کا تھا جس میں RPG-7، AK-74، M-4 اور M-16/A4 بھی شامل ہیں ۔
12 دسمبر کو ڈیرہ اسماعیل خان کے علاقے درابن میں ہونے والے دہشتگردی کے حملے میں بھی دہشتگردوں کی جانب سے نائٹ ویژن گوگلز اور امریکی رائفلز کا استعمال کیا گیا15 دسمبر کو ٹانک میں ہونے والے دہشتگردی کے واقعہ میں دہشتگروں کے پاس جدید امریکی اسلحہ پایا گیا
حملے میں 3 پولیس اہلکار شہید اور 5 دہشتگرد جہنم رسید ہوئے،دہشتگردوں نے M16/A2, HE Grenades, AK-47 استعمال کیے ۔ 13 دسمبر کو کسٹمز اور سیکیورٹی فورسز نے افغانستان سے پاکستان آنیوالی گاڑی سے پیاز کی بوریوں سے بھی جدید امریکی ہتھیار برآمد کیئے، اسلحے میں جدید امریکی ساختہ ایم فور، امریکی رائفل، گرنیڈ شامل تھےافغانستان سے جدید امریکی اسلحہ کی پاکستان سمگلنگ اور ٹی ٹی پی کا سکیورٹی فورسز اور پاکستانی عوام کے خلاف امریکی اسلحہ کا استعمال افغان عبوری حکومت کا اپنی سرزمین پاکستان کیخلاف استعمال نہ ہونے کے دعوؤں پر بہت بڑا سوالیہ نشان ہے۔
یورو ایشین ٹائمز کے مطابق پاکستان میں ٹی ٹی پی کے دہشتگردوں کی کارروائیوں میں امریکی ساخت کے اسلحے کا بھی استعمال کیا جا رہا ہے
پینٹاگون رپورٹ کے مطابق امریکہ نے افغان فوج کو کل 427,300 جنگی ہتھیار فراہم کیے، جس میں 300,000 انخلا کے وقت باقی رہ گئے،اس بناء پر خطے میں گزشتہ دو سالوں کے دوران دہشت گردی میں وسیع پیمانے پر اضافہ دیکھا گیاامریکہ نے 2005 سے اگست 2021 کے درمیان افغان قومی دفاعی اور سیکیورٹی فورسز کو 18.6 ارب ڈالر کا سامان فراہم کیا۔
امریکی انخلا کے بعد ان ہتھیاروں نے ٹی ٹی پی کو سرحد پار دہشت گرد حملوں میں مدد دی یہ تمام حقائق اس بات کی طرف اشارہ کرتے ہیں کہ افغان ریجیم نہ صرف ٹی ٹی پی کو مسلح کر رہی ہے بلکہ دیگر دہشت گرد تنظیموں کے لیے محفوظ راستہ بھی فراہم کر رہی ہے۔

اینڈرائیڈ موبائل فونز میں میسیجز کو ایڈٹ کرنے کا فیچرمتعارف کرانے کا امکان

سمارٹ موبائل فونز کے آپریٹنگ سسٹم اینڈرائیڈ میں گوگل کی جانب سے موبائل میسیجز کو ایڈٹ کرنے کا فیچر پیش کیے جانے کا امکان ہے۔
اینڈرائیڈ کی اپ ڈیٹس پر نظر رکھنے والی ٹیکنالوجی ویب سائٹ کے مطابق گوگل کے ماہرین میسیجز کو ایڈٹ کرنے کے فیچر پر کام کر رہے ہیں اور ابھی مذکورہ کام ابتدائی مراحل میں ہے۔
گوگل نے فوری طور پر میسیجز ایپلی کیشنز میں ایڈٹ کے فیچر کو پیش کرنے یا نہ کرنے کی خبروں پر کوئی رد عمل نہیں دیا ۔
ٹیکنالوجی ماہرین کے مطابق انہوں نے اینڈرائیڈ کی سپورٹڈ میسیجنگ ایپلی کیشنز کے بیک اینڈ پر میسیجز ایڈٹ کرنے کی نشانیاں دیکھی ہیں۔
یاد رہے ایپل نے بھی اپنے آپریٹنگ سسٹم آئی او ایس پر موبائل میسیجز کو ایڈٹ کرنے کا فیچر متعارف کرا رکھا ہے۔

روشن ڈیجیٹل اکائونٹس کے ذریعے اوورسیز پاکستانیوں کی ترسیلات زر کا حجم 7.035 ارب ڈالر سے تجاوز کر گیا

روشن ڈیجیٹل اکائونٹس کے ذریعے سمندر پار پاکستانیوں کی ترسیلات زر کا حجم 7.035 ارب ڈالر سے تجاوز کر گیا ہے۔
سٹیٹ بینک سے جاری اعدادوشمار کے مطابق نومبر 2023 کے اختتام پر روشن ڈیجیٹل اکائونٹس کے ذریعے سمندرپار پاکستانیوں کی ترسیلات زر کا حجم 7.035 ارب ڈالر سے تجاوز کر گیا ہے۔
نومبر میں سمندر پار پاکستانیوں نے روشن ڈیجیٹل اکائونٹس کے ذریعے 137 ملین ڈالر کا زرمبادلہ ملک ارسال کیا۔
اعدادوشمار کے مطابق روشن ڈیجیٹل اکائونٹس کے ذریعے سمندر پار پاکستانیوں نے اب تک 1.182 ارب ڈالر کی سرمایہ کاری کی ہے۔
سمندر پار پاکستانیوں نے روایتی نیا پاکستان سرٹیفکیٹ میں 323 ملین ڈالر ، اسلامی نیا پاکستان سرٹیفکیٹ میں 432 ملین ڈالر اور پاکستان سٹاک ایکسچینج میں 29 ملین ڈالر کی سرمایہ کاری کی

بھارت کے معروف سیاستدان کے گھر سے 12 ارب روپے برآمد

بھارتی عوام جہاں 2 وقت کی روٹی کو ترس رہی ہے وہیں کرپٹ بھارتی سیاستدان عوام کے پیسوں سے اپنی جیبیں بھرنے میں مصروف ہیں۔
بھارتی میڈیا رپورٹس کےمطابق پولیس نے بھارتی سینیٹر کے گھر سے12ارب روپے برآمد کر لئے گئے ہیں،بھارتی سینیٹ کےرکن دھیرج سنگھ کےگھرپرانکم ٹیکس ڈیپارٹمنٹ نے چھاپہ مارا۔
دھیرج سنگھ کے گھر سے نوٹوں سے بھرے 176بیگ برآمد ہوئے،کارروائی کیلئے 3بینکوں اور انکم ٹیکس ڈیپارٹمنٹ کے80 لوگوں کی خدمات لی گئیں۔
40نوٹ گننے والی مشینیں منگوائی گئیں، 24گھنٹے مختلف شفٹوں میں نوٹ گنے جاتے رہے پھر بھی 4 دن لگ گئے۔
سیاستدان کے گھر سے برآمدرقم ساڑھے3ارب بھارتی روپےنکلی جوپاکستان میں12ارب روپے سے زائد بنتے ہیں

چین میں دنیا کا پہلا فورتھ جنریشن ٹیکنالوجی جوہری پاور پلانٹ فعال ہوگیا

چین میں دنیا کے پہلے فورتھ جنریشن ٹیکنالوجی کے حامل جوہری پاور پلانٹ نےباضابطہ طور کام شروع کر دیا۔
چینی خبررساں ادارے سنہوا نیشنل انرجی ایڈمنسٹریشن اور چائنا ہوانینگ گروپ کے بیان کے حوالے سے بتایا ہے کہ دنیا کا پہلا فورتھ جنریشن کا جوہری پاور پلانٹ، شیداوان ہائی ٹمپریچر گیس کولڈ ری ایکٹر (ایچ ٹی جی آر) نیوکلیئر پاور پلانٹ بدھ کو ملک کے مشرقی صوبے شانڈونگ میں باضابطہ طور پر کمرشل آپریشن میں چلا گیا ہے۔
یہ منصوبہ، جس کے لیے چین مکمل طور پر آزادانہ املاک دانشورانہ حقوق کا مالک ہے، رونگچینگ کاؤنٹی، ویہائی سٹی میں واقع ہے اور اسے چائنا ہوانینگ گروپ، سنگھوا یونیورسٹی اور چائنا نیشنل نیوکلیئر کارپوریشن نے مشترکہ طور پر تیار کیا ہے۔
ہوانینگ شیڈاو بے نیوکلیئر پاور کمپنی کے جنرل منیجر ژانگ ینزو نے چائنا میڈیا گروپ (سی ایم جی ) کو بتایا کہ نیوکلیئر پاور پلانٹ کی نصب صلاحیت 200,000 کلوواٹ ہے اور اس کے آلات کی لوکلائزیشن کی شرح 93.4 فیصد تک پہنچ گئی ہے۔
ژانگ ینزو نے کہا کہ 168 گھنٹے کا مستحکم آپریشن ٹیسٹ پاس کرنے کے بعد پاور گرڈ کو صاف اور مستحکم بجلی کی مسلسل فراہمی کے لیے اس منصوبے کو باضابطہ طور پر کمرشل آپریشن میں ڈال دیا گیا جو ایچ ٹی جی آر نیوکلیئر پاور ٹیکنالوجی کے شعبے میں چین کی عالمی قیادت کی علامت ہے۔
شیداوان ایچ ٹی جی آر نیوکلیئر پاور پلانٹ کی تعمیر دسمبر 2012 میں شروع ہوئی۔ اس نے 9 سال کی کوششوں کے بعد دسمبر 2021 میں پہلی بار بجلی پیدا کی۔

اسرائیل کے غزہ پر وحشیانہ حملے، بچوں سمیت 109 فلسطینی شہید

اسرائیل اور حماس کے درمیان جاری 7 روزہ جنگ بندی ختم ہوتے ہی اسرائیلی فوج نے غزہ پر ایک بار پھر وحشیانہ حملے شروع کردیئے، جس کے نتیجے میں اب تک کم از کم 109 فلسطینی شہید ہوچکے ہیں، جن میں بچے بھی شامل ہیں۔
اسرائیل اور حماس کے درمیان غزہ میں جنگ بندی کا آغاز 24 نومبر کو ہوا تھا جس میں 2 مرتبہ توسیع کی گئی، تاہم جنگی بندی ختم ہوتے ہی اسرائیلی فوج نے آج (جمعہ کی) صبح ایک بار پھر غزہ پر وحشیانہ بمباری شروع کردی، جس میں رہائشی علاقوں، پناہ گزین کیمپوں اور اسکول کو نشانہ بنایا گیا۔
عرب میڈیا کے مطابق ایک بار پھر شمالی غزہ میں دھماکے اور فائرنگ کی آوازیں سنی جارہی ہیں۔ فلسطینی وزارت داخلہ کا کہنا ہے کہ اسرائیلی طیاروں نے غزہ پر متعدد فضائی حملے کئے۔
فلسطینی میڈیا کے مطابق اسرائیلی فوج نے خان یونس کے مشرقی علاقے اور غزہ کے مغربی علاقے میں بھی بمباری کی، جبکہ غزہ پر اسرائیلی جاسوس طیارے نچلی پروازیں کررہے ہیں۔
میڈیا رپورٹس میں بتایا گیا ہے کہ اسرائیلی فوج نے شمالی غزہ کے علاقے جبالیہ میں گھر کو نشانہ بنایا، غزہ کے مختلف علاقوں میں اسرائیلی فوج اور حماس کے جنگجوؤں کے درمیان شدید جھڑپیں بھی جاری ہیں۔
فلسطینی وزارت صحت نے اسرائیل کی غزہ پر بمباری سے کم از کم 109 فلسطینی شہریوں کے شہید ہونے کی تصدیق کی ہے، جس میں بڑی تعداد بچوں کی ہے، حملوں میں درجنوں فلسطینی زخمی بھی ہوئے ہیں۔
عرب میڈیا کے مطابق اسرائیلی فوج نے فضاء، زمین اور سمندر سے غزہ کے مختلف حصوں پر بمباری کی اس دوران 200 سے زائد حملے کئے گئے۔
تازہ ترین اطلاعات کے مطابق لبنان کی سرحد پر بھی لڑائی دوبارہ شروع ہوگئی۔ عرب میڈیا کے مطابق حزب اللہ نے اسرائیلی اہداف پر حملوں کا دعویٰ کردیا، حزب اللہ کا کہنا ہے کہ اسرائیل کی عسکری پوزیشن کے قریب حملے کئے گئے۔
رپورٹ کے مطابق غزہ پر تازہ اسرائیلی حملوں میں ترک ٹی وی انادولو ایجنسی کا کیمرا مین بھی شہید ہوگیا، 7 اکتوبر سے اب تک اسرائیلی جارحیت میں 72 صحافی شہید ہوچکے ہیں۔
محکمہ صحت غزہ کے مطابق آج غزہ میں شہداء کی تعداد 100 سے تجاوز کر چکی ہے، پوری پٹی میں صرف 3 اسپتال فعال ہیں، اسپتالوں کے فرش بھی زخمیوں سے بھرگئے ہیں، زخمیوں کیلئے رفح کراسنگ کھولی جائے۔
اسرائیلی فوج نےخان یونس کو خالی کرنے کی دھمکی دیدی، خان یونس پر فضاء سے پرچیاں پھینکی گئیں۔ جس میں اسرائیلی فوج کا کہنا تھا کہ خان یونس وار زون ہے فوری خالی کریں۔
اسرائیلی فوج کی جانب سے خان یونس کے شہریوں کو رفح کی جانب نقل مکانی کرنے کو کہا گیا ہے، شمالی غزہ سے بڑی تعداد میں پناہ گزین خان یونس منتقل ہوئے تھے۔
ترجمان حماس اسامہ حمدان کا کہنا ہے کہ جنگ بندی کے خاتمے کا فیصلہ اسرائیل نے کیا، ثالثوں نے تین تجاویز دی تھیں جو حماس نے قبول کیں تاہم اسرائیل نے تینوں تجاویز کو مسترد کردیا تھا، جنگ بندی کیلئے ہماری سوچ اب بھی مثبت ہے۔
جنگ کا دوبارہ آغاز
اسرائیلی فوج نے سائرن بجاکر دوبارہ جنگ شروع ہونے کا اعلان کیا، عینی شاہدین کے مطابق اسرائیل نے شمالی اور وسطی غزہ میں نصیرات اور بوریج پناہ گزین کیمپوں کے قریب بمباری کی۔
جنگ بندی کے دوران اسرائیلی حکام نے معاہدے کے مطابق 63 فلسطینی خواتین اور 147 بچوں کو رہا کیا، حماس کی جانب سے 105 اسرائیلی یرغمالیوں کو رہا کیا گیا۔
مصری حکام کے مطابق 2,781 امدادی ٹرک جنگ بندی کے دوران رفح کراسنگ کے ذریعے غزہ میں داخل ہوئے۔

پاکستان آنے والے اوورسیز پاکستانی اپنا فون بغیر ٹیکس ادا کیے کیسے رجسٹر کروا سکتے ہیں؟

وزارت آئی ٹی اینڈ ٹیلی کام اور پی ٹی اے کی جانب سے اوورسیز پاکستانیوں اور غیر ملکی شہریوں کے لیے عارضی موبائل رجسٹریشن سسٹم کا آغاز کیا گیا ہے ۔
پی ٹی اے کے مطابق پاکستان آنے والے اورسیز پاکستانی اور غیر ملکی شہری ہر دفعہ اپنی پاکستان آمد کی تاریخ سے 120 دنوں کے لیے اپنا ذاتی فون بغیر کسی ٹیکس /ڈیوٹی کے رجسٹرڈ کر وا کے استعمال کرسکتے ہیں.
پی ٹی اے کے ایکس اکاونٹ پر جاری ایک پیغام کے مطابق
رجسٹریشن کے لیےلنک وزٹ کریں: https://dirbs.pta.gov.pk/drs
اور وہاں اکاونٹ بنا کر سائن اپ کریں۔اس کے بعد اوورسیز پاکستانی اور غیر ملکی شہری کے آپشن کا انتخاب کریں، اور اپنا موبائل فون رجسٹر کروائیں۔
واضح رہے کہ یہ سہولت سابق وزیر اعظم شہباز شریف کے دور حکومت میں شروع کی گئی تھی ، اس پروگرام کے تحت اوورسیزپاکستانی یا غیرملکی شہری کسٹم ڈیوٹی کی ادائیگی کے بغیر 120 دن تک اپنا ذاتی موبائل فون استعمال کرنے کی مفت سہولت حاصل سکتے ہیں، تاہم انہیں ہر بار پاکستان آنے کی صورت میں مفت رجسٹریشن کی سہولت کے لئے درخواست دینا ہوگی۔

پاکستانی باکسر نے انٹرنیشنل رینکنگ فائٹ جیت لی

پاکستانی باکسر عثمان وزیر نے انٹرنیشنل رینکنگ فائٹ جیت لی۔
ڈبلیو بی او یوتھ ورلڈ چیمپئن پاکستانی کھلاڑی عثمان وزیر نے جیت لی۔ عثمان وزیر نے تھائی لینڈ کے حریف کو اس کے ہوم گراؤنڈ پر شکست دے کر تاریخ رقم کر دی۔
عثمان وزیر کے جارحانہ انداز کے سامنے تھائی باکسر بے بس ہو گیا اور تیسرے راونڈ میں ہی ناک آوٹ ہو گیا۔ پاکستان کھلاڑی عثمان وزیر نے اپنی 12ویں انٹرنیشنل فائٹ میں بھی ناقابل شکست رہنے کا اعزاز برقرار رکھا۔
قومی کھلاڑی نے اپنی فتح فلسطین کے مظلوم مسلمانوں کے نام کر دی۔
مقابلہ جیتنے کے بعد عثمان وزیر نے گفتگو کرتے ہوئے کہا کہ اہم فائٹ میں میری کامیابی کے لیے دعاؤں پر پاکستانیوں کا شکر گزار ہوں اور مستقبل میں بھی باکسنگ کے میدان میں پاکستان کا پرچم سربلند رکھنے کے لیے پر عزم ہوں۔

برسلز میں پاکستانی سفارت خانے میں ای کچہری کا انعقاد

بیلجیئم کے دارالحکومت برسلز میں پاکستانی سفارت خانے نے جمعرات کو ای کچہری کا انعقاد کیا۔ پاکستانی سفارت خانہ کی طرف سے جاری بیان کے مطابق تقریب کی نظامت یورپی یونین، بیلجیئم اور لکسمبرگ میں پاکستان کی سفیر آمنہ بلوچ نے کی۔
ای کچہری میں بیلجیئم اور لکسمبرگ میں مقیم پاکستانی کمیونٹی کے اراکین کو مختلف مسائل پر سوالات کرنے اور اپنے خیالات کے اظہار کا موقع ملا۔
سفیر نے پاکستانیوں کو خدمات کی فراہمی کے مختلف طریقہ کار اور سفارت خانے کی طرف سے دو طرفہ تعلقات کو مضبوط بنانے اور پاکستانی کمیونٹی کے مسائل کے حل اور کی معاونت کے حوالے سے اٹھائے گئے دیگر اقدامات سے بھی آگاہ کیا۔
سفیر آمنہ بلوچ نے انہیں یقین دلایا کہ وہ کمیونٹی کے مسائل کے حل کے لیے اپنی کوششیں جاری رکھیں گی۔ انہوں شرکا کو ای کچہری میں فعال طور پر حصہ لینے کی ترغیب دی۔ اس موقع پر پاکستانی کمیونٹی کے اراکین نے سفارت خانے کی کوششوں کو سراہا۔
یورپی یونین، بیلجیئم اور لکسمبرگ میں پاکستان کی سفیر آمنہ بلوچ سے یورپی یونین میں لیبیا کے سفیر جلال الاشی نے جمعرات کو ملاقات کی۔
بیلجیئم میں پاکستانی سفارتخانے کے ٹوئٹ کے مطابق مذکورہ ملاقات میں پاکستان اور لیبیا کے مابین دوطرفہ تعلقات کو بڑھانے اور امت مسلمہ کی حمایت کے لیے مشترکہ کوششوں کی ضرورت پر تبادلہ خیال کیا گیا۔

واٹس ایپ کے دو اکاؤنٹس بنانے کا طریقہ

دنیا کے مقبول ترین میسجنگ پلیٹ فارم واٹس ایپ نے گزشتہ ماہ ایک موبائل فون پر دو اکاؤنٹس استعمال کرنے کا جو فیچر متعارف کرایا تھا، وہ اب تمام صارفین کی پہنچ میں ہے۔
یہ فیچر ان افراد کے لیے بہترین ہے جو واٹس ایپ کو دفتری سرگرمیوں کے لیے بھی استعمال کرتے ہیں، ملٹی اکاؤنٹ سپورٹ سے وہ دفتری اور ذاتی زندگی کے لیے الگ اکاؤنٹس استعمال کر سکیں گے۔
خیال رہے کہ اس سے قبل میٹا کی زیر ملکیت میسجنگ ایپ میں صارفین ایک فون میں ایک واٹس ایپ اکاؤنٹ استعمال کر سکتے تھے۔ مگر اب ایک فون میں 2 واٹس ایپ اکاؤنٹس کو استعمال کرنا ممکن ہے۔
فیچر کو استعمال کرنے کا طریقہ کیا ہے؟
اس فیچر کو استعمال کرنے کے لیے ضروری ہوگا کہ فون میں ڈوئل سم سپورٹ موجود ہو تاکہ 2 مختلف نمبروں کو 2 واٹس ایپ اکاؤنٹس کے لیے استعمال کیا جاسکے۔
اینڈرائیڈ ڈیوائسز میں فیچر استعمال کرنے کے لیے واٹس ایپ سیٹنگز اوپن کرکے اپنے نام کے آگے بنے ڈراپ ڈاؤن ایرو پر کلک کریں۔
وہاں ایڈ اکاؤنٹ کے آپشن کا انتخاب کرتے ہوئے اپنا دوسرا فون نمبر درج کرکے نیکسٹ پر کلک کریں۔
اس کے بعد ایس ایم ایس سے 6 ہندسوں پر مشتمل کوڈ موصول ہوگا اور کوڈ کا اندراج کرنے کے بعد پروفائل نیم ٹائپ کرکے پروفائل فوٹو کو سلیکٹ کریں۔ اس طرح آپ کا دوسرا اکاؤنٹ بن جائے گا۔
آئی فون پر بھی لگ بھگ یہی طریقہ کار ہے مگر جیسا اوپر درج کیا جا چکا ہے کہ یہ فیچر ڈوئل سم سپورٹ والے فون میں ہی کام کرتا ہے۔
ایپل کی جانب سے حالیہ برسوں میں ڈوئل سم سپورٹ بہت کم آئی فونز میں فراہم کی گئی ہے۔

عارضی جنگ بندی، حماس نے مزید یرغمالی رہا کر دیئے

غزہ: حماس اور اسرائیل کی عارضی جنگ بندی کے آخری روز حماس نے مزید یرغمالیوں کو رہا کر دیا۔
غیر ملکی خبر رساں ایجنسی کے مطابق حماس نے جنگ بندی کے آخری روز 2 روسی شہری، 10 اسرائیلی اور 4 تھائی شہریوں کو ریڈ کراس کے حوالے کیا۔ جنگ بندی کے آخری روز حماس کی جانب سے 16 قیدیوں کو رہا کیا گیا۔
اسرائیل کی جانب سے خواتین اور بچوں سمیت 30 فلسطینی قیدیوں کو رہا کیا گیا۔
فلسطینی وزیر خارجہ نے کہا کہ غزہ میں قتل عام دوبارہ شروع نہیں ہو سکتا۔
اقوام متحدہ کے سیکرٹری جنرل انتونیو گوتریس نے کہا کہ جنگ بندی کا دورانیہ بڑھانے کے لیے مذاکرات ہو رہے ہیں۔
سعودی وزیر خارجہ نے اپنے بیان میں کہا کہ حماس اور اسرائیل کے درمیان عارضی جنگ بندی کافی نہیں ہے بلکہ ہم سیز فائر چاہتے ہیں۔
واضح رہے کہ حماس اور اسرائیل کے درمیان عارضی جنگ بندی کے دوران حماس کی جانب سے 60 اسرائیلی اور 23 غیرملکیوں کو رہا کیا جا چکا ہے جبکہ اسرائیل نے جنگ بندی کے دوران 180 فلسطینیوں کو رہا کیا۔

غزہ جنگ بندی کا پانچواں روز،مزید 30 فلسطینی قیدی رہا

عرب میڈیا رپورٹس کے مطابق عفر جیل سے فلسطینیوں کو بس میں لے جایا گیا ،رہانیوالے فلسطینیوں میں 15خواتین اور 15بچے شامل ہیں۔
قطری وزارت خارجہ کے مطابق رہا ہونیوالوں میں 2ارجنٹائن، ایک آسٹریا اور ایک فلپائن کا باشندہ شامل ہے۔
دوسری جانب اقوام متحدہ میں فلسطینی مندوب ریاض منصور نے کہا ہے کہ فلسطینیوں کو اقوام متحدہ کا مستقل رکن بنایا جائے،اسرائیلی حکومت کی ترجیح سلامتی نہیں،فلسطینی قوم کی تباہی ہے،غزہ میں عارضی جنگ بندی مستقل جنگ بندی میں تبدیل ہونی چاہیے،اسرائیلی حملوں سےغزہ کی80فیصدآبادی بےگھرہوئی۔
اردن کے شاہ عبداللہ نے کہا کہ مغربی کنارے اورغزہ کوالگ کرنےکی کوشش مستردکرتےہیں،فلسطینیوں کی جبری بےدخلی کو مسترد کرتےہیں،غزہ میں جنگی جرائم کو برداشت نہیں کیاجاسکتا،غزہ کےلوگوں کوپانی،خوراک،دواؤں سےمحروم رکھناجنگی جرم ہے۔
ادھردوحہ میں سی آئی اےاورموسادچیف کی قطری حکام سےملاقات ہوئی ہے، ملاقات میں مصرکےخفیہ ادارےکےسربراہ بھی موجودتھے، اس ملاقات میںغزہ میں جنگ بندی کادورانیہ بڑھانےاوردیگرامورپربات چیت کی گئی۔
حماس کے رہنما اسامہ حمدان نے کہا ہے کہ اسرائیل کی جنگ دوبارہ شروع کرنےکی دھمکی خام خیالی ہے،آنےوالےدنوں میں دشمن کےنقصانات میں اضافہ ہوگا،زمینی کارروائی میں مارےگئےاسرائیلیوں کی تعدادبہت زیادہ ہے۔
انہوں نے کہا کہ اسرائیل غزہ میں عسکری،سیاسی طورپربُری طرح ناکام ہوا،اسرائیل غزہ میں اپنے کسی مقصد تک نہیں پہنچ سکا۔ ایلون مسک آکراسرائیلی بمباری سےہونےوالی تباہی دیکھیں،ایلون مسک کو غزہ کادورہ کرنے کی دعوت دیتے ہیں۔
فلسطینی وزارت صحت نے بتایا کہ غزہ میں اسرائیلی حملوں میں شہداکی تعداد15000سےتجاوزکرگئی ہے، جن ؤ 6150بچے اور 4000سے زائد خواتین شامل ہیں جبکہ 24گھنٹےمیں ملبےسے160لاشیں برآمدہوئیں۔
دوسری جانب ترکیہ کےصدرطیب اردوان اورسیکریٹری جنرل یواین کاٹیلیفونک رابطہ ہوا ہے ، گفتگو میں غزہ میں جنگ بندی اور انسانی بنیادوں پر امداد کی فراہمی پربات چیت کی گئی۔
رجب طیب اردوان نے کہا کہ اسرائیل کو جنگی جرائم کےلیے جوابدہ ہونا پڑے گا،اسرائیل عالمی قوانین کی کھلے عام خلاف ورزی کررہاہے۔

عمران خان پر ہراسگی الزامات، تمام ثبوت سامنے لا سکتی ہوں، ہاجرہ خان

تحریک انصاف کے چیئرمین عمران خان سے متعلق حال ہی میں کتاب لکھنے والی اداکارہ ہاجرہ خان نے ہراسگی الزامات پر تمام ثبوت سامنے لانے کا دعویٰ کر دیا۔
نجی ٹی وی کو انٹریو میں گفتگو کرتے ہوئےکوئٹہ سے تعلق رکھنے والی ہاجرہ خان پانیزئی کا کہنا تھا میں نے کتاب میں سب سچ لکھا اور اس کے ثبوت موجود ہیں،اورمیں ان تمام باتوں کا دفاع بھی کرسکتی ہوں،چیئرمین پی ٹی آئی دہرے معیار کے مالک ہیں، انہوں نے لوگوں کو انتقامی کارروائیوں کا نشانہ بنایا۔
انہوں نے چیئرمین پی ٹی آئی سے ملاقاتوں سے متعلق بتایا کہ میری پہلی ملاقات کراچی اوردوسری فنڈ ریزنگ مہم کے دوران ہوئی،چیئرمین پی ٹی آئی سےملاقات پرپرجوش اور گھبراہٹ کا شکار تھی، ان کی شخصیت کے بارے میں تجسس تھا، اسلئے انہیں جاننے کی کوشش کی، جس کے بعد میری ان سے پہلے دوستی اور پھر دوستی پلس ہوگئی۔
انکا کہنا تھا چیئرمین پی ٹی آئی کا حلقہ احباب متاثرکن نہیں تھا، میں نے دیکھا چیئرمین پی ٹی آئی منشیات کے عادی ہیں، ان سےاختلافات کی وجہ منشیات نہیں کچھ اورتھی، اللہ تعالیٰ نےچیئرمین پی ٹی آئی کو اتنا نوازا شاید وہ اس کےمستحق نہیں تھے،ان کو کتاب کامسودہ بھیجا جس کےبعد میرا ای میل ہیک کروا دیا گیا تھا۔
واضح رہے کہ 24 نومبر کواسلام آباد میں پاکستانی فلم اور ٹی وی اداکارہ حاجرہ خان پانیزئی کی تہلکہ خیز انکشافات پر مبنی 2014 کی خود نوشت ’Where the Opium Grows‘ کے اوریجنل ورژن کی رو نمائی کی گئی تھی۔
اس کتاب میں سابق وزیر اعظم عمران خان پر سنگین الزامات عائد کرتے ہوئےحاجرہ خان پانیزئی نے لکھا ہے کہ عمران خان کو نجی طور پر جاننا میرے لیے ایک سیاہ اور خوفناک تجربہ تھا اور ان کی وجہ سے میرا کیرئیر شدید مشکلات کا شکار ہوا، بہت سے لوگوں کے کیرئیر اس انسان کی وجہ سے متاثر ہوئے۔

وزیر خارجہ جلیل عباس جیلانی کا بیلجیئم میں پاکستانی سفارتخانے کا دورہ

یورپی یونین، بیلجیئم اور لگزمبرگ کیلئے پاکستانی سفیر آمنہ بلوچ اور سفارتی عملے نے وزیر خارجہ کا پرتپاک خیر مقدم کیا۔

وزیر خارجہ نے قونصلر سیکشن سمیت سفارت خانے کے مختلف سیکشنز کا دورہ کیا اور پاکستانی کمیونٹی کو فراہم کی جانے والی سہولیات پر اطمینان کا اظہار کیا

بیرون ملک مقیم پاکستانیوں کی فلاح و بہبود اور ان کو درپیش مسائل کا ترجیحی بنیادوں پر حل ہماری حکومت کی اولین ترجیح ہے۔وزیر خارجہ

یورپی یونین ،پاکستان کا اہم شراکت دار ہے-اس ضمن میں یورپی یونین کی طرف سے جی ایس پی پلس کا تسلسل انتہائی خوش آئند ہے، وزیر خارجہ

اس اقدام سے یورپی یونین کے ساتھ دو طرفہ اقتصادی روابط کو مزید فروغ دینے میں مدد ملے گی ،جلیل عباس جیلانی
وزیر خارجہ جلیل عباس جیلانی نے کہا ہے کہ بیرون ملک مقیم پاکستانیوں کی فلاح و بہبود اور ان کو درپیش مسائل کا ترجیحی بنیادوں پر حل حکومت کی اولین ترجیح ہے
بیلجیئم میں پاکستانی سفارتخانے سے جاری بیان کے مطابق وزیر خارجہ نے ان خیالات کا اظہار برسلز میں سفارتخانے کے دورہ کے موقع پر گفتگو کرتے ہوئے کیا۔ انہوں نے کہا کہ یورپی یونین پاکستان کا اہم شراکت دار ہے، اس ضمن میں یورپی یونین کی طرف سے جی ایس پی پلس کا تسلسل انتہائی خوش آئند ہے

وزیر خارجہ نے سفارت خانے میں رکھی ’’وزٹرز بک‘‘ میں اپنے تاثرات قلمبند کیے۔

پاکستان اور یواے ای میں اربوں ڈالر کی مفاہمتی یادداشتوں پر دستخط

نگران وزیر اعظم انوار الحق کاکڑ نے کہا ہے کہ پاکستان اور متحدہ عرب امارات معاشی اور اسٹریٹیجک تعاون کے نئے دور میں داخل ہو گئے ہیں۔
متحدہ عرب امارات کے دورے پر موجودہ انوارالحق کاکڑ نے اپنے خصوصی پیغام میں بتایا کہ پاکستان اوریو اے ای کے درمیان کئی ارب ڈالر کی مفاہمت کی یادداشتوں پر دستخط کیے گئے ہیں ۔جس کے بعد پاکستان اور متحدہ عرب امارات معاشی اور اسٹریٹیجک تعاون کے نئے دور میں داخل ہو گئے ہیں
انہوں نے کہا کہ ان معاہدوں پر دونوں ممالک کے عوام کو مبارکباد پیش کرتا ہوں، پاکستان کی معیشت پر ان منصوبوں کے ثمرات بہت جلد دکھائی دیں گے ۔
نگران وزیر اعظم نےکہا کہ اس دوستی کی بنیاد شیخ زید بن سلطان النہیان نے 70ء کی دہائی میں رکھی تھی ، ان کے صاحبزادے شیخ زید محمد بن النہیان اس دوستی کو نئی بلندیوں کی جانب لے گئے ہیں۔
نوارالحق کاکڑنے خصوصی پیغام میںکہاکہ آرمی چیف جنرل سید عاصم منیر اور وفاقی وزراء بھی اس موقع پر موجود تھے جبکہ متحدہ عرب امارات کی اہم شخصیات نے بھی اس تقریب میں شرکت کی۔
پاکستان اور متحدہ عرب امارت میں توانائی،پورٹ آپریشنزپروجیکٹس،ویسٹ واٹرٹریٹمنٹ، فوڈ سیکیورٹی، لاجسٹکس،معدنیات،بینکنگ اینڈفنانشل سروسز تعاون کےمنصوبوں پردستخط کیے ہیں ۔ان منصوبوں میں متحدہ عرب امارات پاکستان میں20سے25ارب ڈالرزکی سرمایہ کاری کرےگا ۔
یواے ای کی تاریخی سرمایہ کاری سے ایس آئی ایف سی کےتحت اقدامات پورےکرنےمیں مددملےگی اور پاکستان میں معاشی استحکام کی راہ ہموار ہوگی۔

لکسمبرگ انٹرنیشنل بازار‘ میں پاکستانی اسٹال لوگوں کی توجہ کا مرکز

لکسمبرگ میں جاری ’لکسمبرگ انٹرنیشنل بازار‘ میں پاکستانی اسٹال لوگوں کی توجہ کا مرکز بن گیا۔
پاکستان کے قومی پرچم سے مزین اس سٹال کا اہتمام لکسمبرگ میں مقیم پاکستانی کمیونٹی کے ارکان نے کیا تھا، جہاں پاکستانی ثقافت کے مختلف رنگ پیش کیے گئے۔

اس سٹال پر جہاں پاکستانی دستکاری کے مختلف نمونے اور ملبوسات نمائش کیلئے رکھے گئے تھے وہیں پاکستانی فوڈ بھی خوش خوراک لوگوں کی توجہ کا مرکز رہی۔
اس موقع پر یورپین یونین، بیلجیئم اور لکسمبرگ میں پاکستانی سفیر آمنہ بلوچ نے پاکستانی کمیونٹی کی حوصلہ افزائی کیلئے خصوصی شرکت کی۔
انہوں نے اس اسٹال کا اہتمام کرنے والے ارکان کی کاوش کو خوب سراہا اور اس اہم دن کے موقع پر پاکستان کا مثبت تاثر ابھارنے کی ایک اچھی کوشش قرار دیا

عالمی منڈی میں خام تیل کی قیمتوں میں کمی ہو گئی

عالمی مارکیٹ میں خام تیل کی قیمتوں میں مزید کمی ہو گئی ہے۔
موقر قومی اخبار نے رائٹر کے حوالے سے خبر دی ہے کہ گزشتہ روز خام تیل کی قیمتوں میں ایک فیصد سے زائد کمی ہوئی ہے۔
برطانوی برینٹ کے گزشتہ روز سودے ایک فیصد کمی کے ساتھ 80.58 ڈالر فی بیرل پر ہوئے۔
امریکی ویسٹ ٹیکساس انٹرمیڈیٹ کے سودے دو فیصد کمی کے ساتھ 75.54 ڈالر فی بیرل پر ہوئے

حماس نے 24 اور اسرائیل نے 39 قیدیوں کو رہا کردیا

مشرق وسطیٰ میں جاری کشیدگی میں اسرائیلی اور فلسطین کی مزاحمتی تحریک حماس میں چار روزہ جنگ بندی اور قیدیوں کے تبادلے کے معاہدے کے تحت حماس نے 24 اور اسرائیل نے 39 قیدیوں کو رہا کردیا۔
ترجمان قطری وزارت خارجہ کے مطابق اسرائیلی جیل سے 39 فلسطینی رہا ہوگئے، جن میں 24 خواتین اور 15 کم عمر قیدی شامل ہیں، جبکہ حماس نے 24 قیدیوں کو رہا کردیا، جن میں 13 اسرائیلی،تھائی لینڈ کے 10 اور فلپائن کا ایک شہری بھی شامل ہیں ۔
عرب میڈیا کے مطابق تھائی شہریوں کو قطرکی درخواست پر رہا کیا گیا،غزہ سے رہا ہونے والے قیدی مصر پہنچ گئے،اسرائیلی حکام نے قیدیوں کے پہنچنے کی تصدیقی کردی، عرب میڈیا
تھائی لینڈ کے وزیر اعظم نے قیدیوں کی رہائی کی تصدیق کرتے ہوئے کہا کہ غزہ میں قید تھائی لینڈ کے 12 شہری رہا ہوگئے۔
دوسری جانب حزب اللہ نےعارضی جنگ بندی معاہدے کی پاسداری کا فیصلہ کرتے ہوئے کہا ہے ہم اس معاہدے کا حصہ نہیں لیکن اس کا احترام کریں گے، اورعارضی جنگ بندی کے دوران حزب اللہ کوئی کارروائی نہیں کرے گی۔
خزب اللہ نے کہا ہے کہ مزید سویلین قیدیوں کی رہائی پر بات چیت کے لیے تیار ہیں،مذاکرات جاری رہے تو تمام سویلین قیدی رہا ہوسکتے ہیں،فوجی قیدیوں کے بدلے تمام فلسطینی قیدیوں کو رہا کرنا ہوگا۔
عرب میڈیا رپورٹس کے مطابق غزہ میں عارضی جنگ بندی پر عمل در آمد جاری ہے اورجنوبی غزہ میں پناہ گزین فلسطینیوں کی اپنے گھروں کو لوٹنے کی کوشش جاری ہیں،رفاح کراسنگ سے امدادی سامان کا غزہ میں داخلہ بھی جاری ہے
اس کے علاوہ امدادی سامان کے 200 ٹرک، تیل اور گیس کے چار چار ٹینکرز غزہ میں داخل ہونگے، 2 ایمبولینسز اور 85 امداد سامان سے بھرے ٹرک ہلال احمر کے حوالے کیے گئے،مصر میں محصور 920 فلسطینیوں کو غزہ لوٹنے کی اجازت مل گئی۔

پاکستانی توانائی کمپنی کا چینی کمپنی کیساتھ 200 میگاواٹ سولر ماڈیول کی خریداری کا معاہدہ

ملک کی بڑھتی ہوئی بجلی کی طلب کو پائیدار اور ماحول دوست ذرائع سے پورا کرنے کی سمت میں دیوان انٹرنیشنل پرائیوٹ لمیٹڈ نے چین کی معروف سولر کمپنی جنکو سولر کے ساتھ شراکت داری کی ہے۔
مشترکہ معاہدے کے ذریعے کمپنیاں 200 میگاواٹ کے جدید ترین شمسی ماڈیولز کی خریداری کے ساتھ گرین انرجی سلوشنز کی تلاش کریں گی۔
گوادر پرو کے مطابق ملک کی معروف توانائی کمپنی دیوان انٹرنیشنل نے اعلان کیا کہ یہ اسٹریٹجک شراکت داری دونوں کمپنیوں کے لئے ایک اہم سنگ میل کی حیثیت رکھتی ہے، کیونکہ وہ شمسی توانائی کی طاقت کو بروئے کار لانے کے لئے مل کر کام کر رہی ہیں۔
کمپنی نے مزید کہا کہ اس شراکت داری کا مقصد قابل تجدید توانائی کے شعبے میں اپنی پوزیشن کو مضبوط بنانا اور پائیدار توانائی کے ذرائع کی طرف عالمی منتقلی میں حصہ ڈالنا ہے۔
جنکو سولر کے ساتھ شراکت داری کے علاوہ دیوان انٹرنیشنل پاکستان میں ہواوے فیوڑن سولر (سولر انورٹر)، ٹرینا سولر سیل سی او سی ایچ بیٹری کا مجاز ڈیلربھی ہے۔

واٹس ایپ میں بھی اے آئی بوٹ کا اضافہ

واٹس ایپ میں بھی اے آئی (آرٹیفیشل انٹیلی جنس) بوٹ کا اضافہ کردیا گیا۔
آرٹیفیشل انٹیلی جنس (اے آئی) چیٹ بوٹس اب ہر سوشل میڈیا پلیٹ فارم کا حصہ بن رہے ہیں، یہی وجہ ہے کہ میٹا کی زیر ملکیت میسجنگ پلیٹ فارم واٹس ایپ میں بھی اے آئی چیٹ بوٹ کا اضافہ کیا جارہا ہے۔
ستمبر 2023ء میں میٹا نے اعلان کیا تھا کہ جلد واٹس ایپ میں اے آئی چیٹ بوٹ کی مدد سے چیٹ کرنا ممکن ہوجائے گا۔
رپورٹ کے مطابق اب یہ فیچر اینڈرائیڈ ڈیوائسز کیلئے بیٹا (beta) ورژن میں متعارف کرایا گیا ہے۔
ویب بیٹا انفو کی رپورٹ کے مطابق اے آئی چیٹ بوٹ سے بات کرنے کیلئے واٹس ایپ میں ایک نیا شارٹ کٹ دیا جارہا ہے، اگر آپ واٹس ایپ کے بیٹا ورژن کو استعمال کرتے ہیں تو ہوسکتا ہے کہ یہ فیچر آپ کو دستیاب ہو۔
چیٹ جی پی ٹی جیسا یہ اے آئی چیٹ بوٹ کس حد تک صارفین کیلئے مددگار ہوگا، اس بارے میں ابھی کچھ کہنا مشکل ہے، مگر رپورٹ میں بتایا گیا کہ اس چیٹ بوٹ سے مختلف موضوعات پر مستند تفصیلات کا حصول آسان ہوجائے گا۔

پاکستان سوشل سینٹر شارجہ میں پر جوش انداز سے بچوں کا عالمی دن منایا گیا

شارجہ. پاکستان سوشل سینٹر شارجہ میں پر جوش انداز سے بچوں کا عالمی دن منایا گیا. جس میں مختلف اسکول کے ب

اسٹیج سیکرٹری کے فرائض سیدہ عیشال زینب نے انجام دیئے.پروگرام کے مہمان خصوصی پاکستان سوشل سینٹر شارجہ کے صدر چوہدری خالد حسین تھے۔عیشال زینب نے کہا کہ آج بچوں کے عالمی دن کو منانے کامقصد بچوں کے حقوق کی اہمیت کو اجاگر کرنا، ان کے روشن مستقبل اور تحفظ کے حوالے سے آگاہی دینا ہے ۔ دونوں ملکوں کے قومی ترانے بجائے گئے اورپھر پاکستان سوشل سینٹر شارجہ کے جنرل سیکرٹری چوہدری افتخار احمد نے تمام بچوں اور اساتذہ کو خوش آمدید کہا اور بچوں کی مختلف سرگرمیوں کو سراہتے ہوئے کہا کہ انہیں اس بات کی بے حد خوشی ہے کہ آج کے بچے اپنی ذمہ داریوں کو بخوبی پہچانتے ہیں اور انہیں نبھانے کی کوشش بھی کرتے ہیں لیکن یہ اسی طور ممکن ہے جب وہ اپنے لئے صحیح راہیں متعین کریں۔ بچوں کے لئے مختلف سرگرمیوں کا انتظام کیا گیا تھا۔ جن میں سے آرٹ مقابلے میں بچوں نے پڑھ چڑھ کر حصہ لیا۔ پاکستان اسلامیہ ہائر اسکینڈری اسکول شارجہ اور پامیر پرائیویٹ اسکول کے بچوں نے خوبصورت تقاریر اور ٹیبلوز پیش کر کے حاضرین کے دل جیت لئے۔ مقابلہ میں حصہ لینے والے بچوں کو چوہدری خالد حسین اور چوہدری افتخار احمد نے آنعامات سے نوازا.پامیر پرائیویٹ اسکول اور پاکستان اسلامیہ ہائر اسکینڈری اسکول شارجہ کو ٹرافی پیش کی گئ۔ خاص طور پر سیدہ عیشال زینب اور سید ارسل عباس نقوی کو بچوں کے اس عالمی دن کے موقع پر ان کی خدمات کو سراہتے ہوئے ٹرافی پیش کی گئی. کمیونٹی کے لئے میڈیا کی ہمہ وقت خدشات کا اعتراف کرتے ہوئے اور سراہتے ہوئے انہیں بھی ٹرافی سے نوازا گیا۔ پروگرام کے آخر میں چوہدری خالد حسین اور چوہدری افتخار احمد نے تمام مہمانوں کا شکریہ ادا کیا۔ چوہدری خالد حسین نے اس موقع پر کہا کہ بچوں کا عالمی دن منانے کا مقصد بچوں کو صحت مند ماحول اور تحفظ فراہم کرنا ہے کیونکہ بہتر اور صحت مند ماحول میں پرورش پاکر ہی بچہ ایک اچھا انسان بن سکتا ہے۔اور پاکستان سوشل سینئر شارجہ کا مقصد بھی یہی ہے کہ وہ اپنی پاکستانی کمیونٹی کی فلاح و بہبود کے لئے کام کرتے رہیں ۔

چوں کی کثیر تعداد نے شرکت کی۔ پروگرام کا باقاعدہ آغاز تلاوت کلام پاک سے کیا گیا۔

2023 میں سب سے زیادہ استعمال ہونیوالے پاس ورڈ کونسے؟

اس وقت دنیا بھر میں اربوں افراد انٹرنیٹ استعمال کرتے ہیں اور ای میل، سوشل میڈیا اکاونٹس یا دیگر کیلئے پاس ورڈز بھی منتخب کیے جاتے ہیں مگر حیران کن طور پر اب بھی زیادہ ترافراد ایسے پاس ورڈز استعمال کرتے ہیں جن کا اندازہ بچے بھی لگاسکتے ہیں۔
اس حوالے سے سائبر سکیورٹی ماہرین کی جانب سے 2023 کے مقبول ترین یا بدترین پاس ورڈز کی فہرست مرتب کی ہے جو دنگ کر دینے والی ہے۔ NordPass نامی کمپنی کی جانب سے یہ فہرست جاری کی گئی ہے۔ گوگل اکاؤنٹس پر پاس ورڈز کے بغیر لاگ ان ہونے کیلئے نئی ٹیکنا لوجی کیسے استعمال کریں؟۔
اس کیلئے کمپنی کی جانب سے ڈارک ویب میں دستیاب 4.3 ٹی بی ڈیٹا میں موجود لیک پاس ورڈز کی فہرست کا تجزیہ کیا گیا۔ اس فہرست کے مطابق 123456 وہ پاس ورڈ ہے جو سب سے زیادہ مقبول ہے۔
اگر یہ آپ کا بھی پسندیدہ پاس ورڈ ہے تو جان لیں کہ ایک دہائی سے ہر سال ہی کسی نہ کسی کمپنی کی فہرست میں یہ مقبول ترین ابدترین پاس ورڈ کا اعزاز اپنے نام کر رہا ہے۔
اسی طرح admin دوسرے جبکہ 12345678 تیسرے نمبر پر رہا۔ 123456789 اور 1234 کے حصے میں بالترتب چوتھا اور 5 واں نمبر ہے۔
کمپنی نے بتایا کہ ٹاپ 20 میں شامل 18 پاس ورڈز ایسے ہیں جن کو ہیک کرنے میں ایک سیکنڈ کا وقت درکار ہوتا ہے۔
ہر آن لائن اکاؤنٹ کے لیے الگ پاس ورڈ ہونا چاہیے اور کوشش ہونی چاہیے کہ وہ زیادہ سے زیادہ مشکل ہوتاکہ کسی کو اس تک رسائی حاصل نہ ہو سک

فلسطین کے معاملے پر پاکستان کیخلاف جاری پروپیگنڈے کی حقیقت آشکار

فلسطین کے معاملے پر سوشل میڈیا پرجاری پروپیگنڈے کی حقیقت سامنے آگئی۔
تفصیلات کے مطابق غزہ جنگ کے دوران کچھ عناصر گھناؤنا پروپیگنڈا کرنے میں مصروف ہیں، ایک سیاسی جماعت کے حامیوں نے سوشل میڈیا پر بدنیتی پرمبنی پروپیگنڈا مہم شروع کررکھا ہے۔ مذموم سیاسی مقاصد کیلئے اندرون اور بیرون ملک سے پروپیگنڈے میں پاکستان پر اسرائیل کو اسلحہ فراہم کرنے کا گھناؤنا الزام لگایا گیا۔
سوشل میڈیا پرجھوٹی من گھڑت کہانی کو بھارتی میڈیا نے خبر بنا کرپیش کیا، جس میں پاکستان سے اسرائیل طیارے سے اسلحہ لےجانے کی کہانی بیان کی گئی ہے تاہم حقیقت میں بحرین سے راولپنڈی کی پروازافغان مہاجرین کے برطانوی انخلا کا حصہ تھی۔ پاکستان کی جانب سے اسرائیل کو اسلحہ فراہم کرنے کی خبروں میں صداقت نہیں۔ طیارے سے اسلحے کی کھیپ کی اسرائیل منتقلی کھلا جھوٹ ہے۔
یاد رہے کہ پاکستان نےغزہ میں اسرائیلی جارحیت کی ہر سطح پرپرزور مذمت کی۔ مذموم عناصر موقع ملتے ہی من گھڑت جھوٹ کا پرچارسوشل میڈیا پر لے آتے ہیں۔ من گھڑت پروپیگنڈے کا مقصد مذموم مقاصد کا حصول اور ملکی ساکھ کو نقصان پہنچانا ہے۔
واضح رہے کہ پاکستان نے مظلوم فلسطینیوں کے حق مں ہرفورم پر آواز اٹھائی ہے، پاکستان فلسطینی بھائیوں کیلئے امدادی سامان کی 2 فلائٹس بھی بھجوا چکا ہے جبکہ مظلوم فلسطینیوں کی امداد کا سلسلہ آگے بھی جاری رہے گا

یمن کے حوثی باغیوں نے مبینہ طور پر اسرائیلی بحری جہاز اغوا کر لیا

یمن کے حوثی باغیوں نے بحیرہ احمر میں بھارت جانے والے مبینہ طور پر اسرائیلی بحری جہاز کو اغوا کر لیا ہے۔
عالمی خبر رساں ادارے کی خبر کے مطابق یمن کے حوثی باغیوں نے ترکیہ سے بھارت جانے والے ایک مال بردار بحری جہاز کو بحیرہ احمر سے اغوا کر لیا ہے، جہاز میں عملے کے 50 ارکان سوار ہیں۔
دوسری جانب اسرائیل نے بحری جہاز اغوا ہونے کی تردید کی ہے اور اسرائیلی وزیر اعظم بینجمن نیتن یاہو کے دفتر سے جاری بیان میں کہا گیا ہے کہ ‘گلیکسی لیڈر’ میں کوئی بھی اسرائیلی نہیں ہے۔
اسرائیلی دفاعی افواج نے اس ہائی جیک کی تصدیق کرتے ہوئے سماجی رابطے کی ویب سائٹ ٹوئٹر پر لکھا کہ جنوبی بحیرہ احمر میں یمن کے قریب حوثیوں کی جانب سے ایک مال بردار جہاز کو ہائی جیک کرنا عالمی سطح پر انتہائی سنگین واقعہ ہے۔
اسرائیلی دفاعی فوج کے ترجمان کے مطابق یہ بحری جہاز ترکیہ سے بھارت جاتے ہوئے روانہ ہوا تھا جس میں مختلف قومیتوں سے تعلق رکھنے والے شہری سوار تھے جن میں اسرائیلی بھی شامل نہیں تھے اور یہ اسرائیلی جہاز نہیں ہے۔
اسرائیلی وزیر اعظم بینجمن نیتن یاہو کے دفتر سے ایکس پر شائع ہونے والی ایک پوسٹ میں کہا گیا ہے کہ یہ جہاز ایک برطانوی کمپنی کی ملکیت ہے اور اسے ایک جاپانی فرم چلاتی ہے اور اسے یمنی حوثی ملیشیا نے ایران کی رہنمائی میں ہائی جیک کیا تھا۔
عالمی خبر رساں ادارے نے حوثی حکام کے حوالے سے بتایا کہ ہم ایک اسرائیلی مال بردار جہاز کو یمنی ساحل پر لے گئے۔ خبر رساں ادارے کے مطابق ساحلی شہر حدیدہ کے ایک سمندری ذرائع نے بتایا کہ جہاز کو بندرگاہی شہر صالح لے جایا گیا ہے۔
جہاز پر یوکرین، بلغاریہ، فلپائن اور میکسیکو سمیت مختلف قومیتوں سے تعلق رکھنے والے عملے کے 25 ارکان سوار ہیں۔
بہمن کے جھنڈے والا یہ جہاز ایک برطانوی کمپنی کے تحت رجسٹرڈ ہے، جس کی جزوی ملکیت اسرائیلی ٹائیکون ابراہم انگر کے پاس ہے۔ یہ جہاز ہائی جیکنگ کے وقت ایک جاپانی کمپنی کو لیز پر دیا گیا تھا۔
یاد رہے کہ ایران کی حمایت یافتہ حوثی باغیوں نے بحیرہ احمر میں اسرائیل سے منسلک بحری جہازوں کو نشانہ بنانے کا عزم ظاہر کیا ہے۔
اس ماہ کے اوائل میں باغیوں کے ٹی وی پر نشر ہونے والے حوثی فوج کے ایک بیان میں کہا گیا تھا کہ اس بات کی تصدیق کرتے ہیں کہ وہ اس وقت تک میزائلوں اور ڈرونز کے ذریعے معیاری حملے جاری رکھیں گے جب تک کہ اسرائیلی جارحیت بند نہیں ہو جاتی۔

بھارت کو شکست،آسٹریلیا چھٹی بار کرکٹ کا عالمی چیمپئن بن گیا

آسٹریلیا نے بھارت کو شکست دیکر آئی سی سی کرکٹ ورلڈ کپ 2023 جیت لیا۔
تفصیلات کے مطابق ورلڈ کپ فائنل میں آسٹریلیا نے 241 رنزکا ہدف 4 وکٹوں کے نقصان پر حاصل کرلیا۔
بھارتی وزیر اعظم نریندر مودی بھی ورلڈ کپ فائنل دیکھنے سٹیڈیم میں پہنچے جبکہ شکست دیکھ کر بھارتی تماشائیوں نے پہلے ہی گرائونڈ سے جانا شروع کردیا۔
آسٹریلیا کی جانب سے ٹریوس ہیڈ نے شاندار سنچری بنائی ، انہوں نے 137 رنز کی اننگز کھیلی۔
سنچری مکمل ہونے پر گرائونڈ میں موجود بھارتی تماشائیوں میں خاموشی چھا گئی.
ڈیوڈ وارنر نے 7، مچل مارش نے 15،سٹیو سمتھ نے 4 رنز بنائے ، گلین میسکویل 2 اور مارک لبوشین 58 رنز کیساتھ ناٹ آئوٹ رہے۔
محمد شامی اور محمد سراج نے ایک ، ایک اور جسپریت بھمرا نے 2 وکٹیں حاصل کیں۔
بھارتی اننگز
قبل ازیں بھارتی ٹیم مقررہ 50 اوورز میں 240رنز بنا کر آل آئوٹ ہوگئی۔
کے ایل راہول66رنز بنا کر نمایاں رہے،ویرات کوہلی54،روہت شرما نے47رنز کی اننگز کھیلی۔
سوریاکمار 18، رویندرا جدیجا ، محمد سراج 9،9،محمد شامی6،شبھ من گل اور شریاس ائیر نے4،4رنز بنائے۔
مچل اسٹارک نے 3وکٹیں حاصل کیں،پیٹ کمنز اورجوش ہیزل ووڈ نے 2،2کھلاڑیوں کو آئوٹ کیا۔ایڈ م زمپا اور میکس ویل نے ایک ،ایک وکٹ حاصل کی۔
بھارتی ٹیم کی جانب سے بڑا ہدف نہ دیے جانے پر احمد آباد کے نریندر مودی سٹیڈیم میں بھارتی تماشائیوں کے چہرے لٹک گئے ۔
روہت شرما، ویرات کوہلی ، کے ایل راہول سمیت تمام بیٹرز جب جب آئوٹ ہوئے گرائونڈ میں سناٹا چھا گیا۔
فائنل میں یقینی شکست دیکھ کر بھارتی تماشائیوں نے پہلے ہی گرائونڈ سے جانا شروع کردیا ۔
بھارتی وزیر اعظم تنقید کی زد میں
دوسری جانب بھارتی ٹیم کی شکست دیکھ کر بھارتی سوشل میڈیا پر گالم گلوچ کا بازار گرم ہوگیا۔
بھارتی شہری غصے سے آگ بگولہ ہیں ، کم سکور بنانے پر ٹیم کو شدید تنقید کا سامنا ہے ۔کل کے ہیرو آج زیرو بن گئے
علاوہ ازیں ایک جانب جب بھارت کی ورلڈ کپ فائنل میں شکست یقینی تھی بھارت وزیر اعظم ہاتھ ہلا کر مسکرا رہے تھے جس پر بھارتی شہریوں نے بہت برا منایا اور ان پر شدید تنقید کی
عرفان پٹھان کا ڈانس دوبارہ وائرل
دوسری جانب افغانستان کے ہاتھوں پاکستان کی شکست پر عرفان پٹھان نے ڈانس کیا تھا اب فائنل میچ میں بھارت کی شکست پر یہ ڈانس ایک بار پھر سوشل میڈیا پر وائرل ہورہا ہے۔

ورلڈ کپ 2003ء ، 2023ء ، بھارت اور آسٹریلیا کی کرکٹ ٹیموں کے درمیان حیران کن مماثلت

بھارت اور آسٹریلیا کی کرکٹ ٹیموں کے درمیان ورلڈ کپ 2003ء اور 2023ء میں حیران کن مماثلت سامنے آنے لگیں۔
ورلڈ کپ 2003ء میں آسٹریلیا نے فائنل سے قبل لگاتار 10 میچوں میں فتح حاصل کی تھی جبکہ ورلڈ کپ 2023ء میں بھارت نے بھی اسی کارکردگی کو دہراتے ہوئے فائنل سے قبل مسلسل 10 فتوحات حاصل کی ہیں
اسی طرح جنوبی افریقہ میں کھیلے گئے ورلڈ کپ 2003ء میں بھارتی ٹیم کو آسٹریلیا کے ہاتھوں گروپ میچ میں شکست کا سامنا کرنا پڑا جبکہ رواں ورلڈ کپ میں کینگروز کو بھارت کے ہاتھوں چنائی میں کھیلے گئے گروپ میچ میں بھاری شکست ہوئی۔
2003ء ورلڈ کپ کے فائنل میں پہنچنے کے لئے بھارت نے 8 میچوں میں کامیابی حاصل کی تھی جبکہ رواں ورلڈ کپ 2023ء میں آسٹریلیا نے 8 میچوں میں کامیابی حاصل کرکے فائنل میں جگہ بنائی ہے

ایشیائی ترقیاتی بینک کی پاکستان کیلئے 25 کروڑ ڈالر قرض کی منظوری

ایشیائی ترقیاتی بینک نے پاکستان کیلئے 25 کروڑ ڈالر قرض کی منظوری دے دی۔رقم بجلی کے ترسیلی نظام کی بہتری پر خرچ کی جائے گی۔
اے ڈی بی سے ملنی والی رقم کی مدد سے خیبر پختونخوا میں پاور ٹرانسمیشن نیٹ ورک میں توسیع کی جائے گی، ٹرانسمیشن کپیسٹی میں اضافہ کرکے عوام کو قابل اعتماد سپلائی فراہم کی جائے گی۔
بیان میں مزید کہا گیا ہے کہ ٹرانسمیشن کپیسٹی میں اضافہ کرکے عوام کو قابل اعتماد سپلائی فراہم کی جائے گی۔لاہور شہر میں بجلی کی ٹرانسمیشن کے نقصانات میں کمی آئے گی۔
اعلامیہ کےمطابق ایشیائی ترقیاتی بینک کا پاورٹرانسمیشن مضبوط بنانے کا منصوبہ قومی گرڈ کی ترسیل کی صلاحیت کو بڑھا کر اس کے استحکام کو تقویت دینے میں مدد کرے گا۔
یہ منصوبہ ہائی وولٹیج ٹرانسمیشن نیٹ ورک کو وسعت دے کر 500 کے وی اور 220 کے وی ٹرانسمیشن لائنوں کے لوپس کو بند کرے گا اور پرانی ٹرانسمیشن لائنوں کو تبدیل کر کے پنجاب میں لاہور شہر میں ٹرانسمیشن کے نقصانات کو کم کرے گا۔
ایشیائی ترقیاتی بینک کے ڈائریکٹر جنرل یوگینی زوکوف کاکہنا ہے کہ پائیدار اقتصادی ترقی کے لیے قابل اعتماد بجلی کی فراہمی ضروری ہے اور یہ دیہی آبادی کو اقتصادی مواقع بھی فراہم کرے گی۔ ہم توانائی کی کارکردگی کو بہتر بناتے ہوئے توانائی کی حفاظت کے حصول کی کوششوں میں پاکستان کی حمایت جاری رکھیں گے

برطانوی پارلیمنٹ میں غزہ جنگ بندی کی قرارداد کثرت رائے سے مسترد

برطانوی پارلیمنٹ نے غزہ میں جنگ بندی کیلئے پیش کی گئی قرارداد کثرت رائے سے مسترد کردی گئی ۔
قرارداد ایک سوپچیس ووٹوں کے مقابلے میں دوسو ترانوے ووٹوں سے مسترد کی گئی ،حکمران جماعت کنزرویٹیو پارٹی اور لیبر پارٹی کی سینئر قیادت نے قراداد کی مخالفت کی، غزہ میں جنگ بندی کی قرارداد سے متعلق لیبرپارٹی میں بغاوت سامنے آگئی
لیبرپارٹی کے آٹھ شیڈو منسٹرزنےغزہ میں جنگ بندی کیلئے ووٹ دیا۔نازشاہ ،افضل خان ،یاسمین قریشی ،پولا بارکر، ریچل ہوپکن،سارہ اون ،جیس فلپ اوراینڈی سلاٹر نے جنگ بندی کیلئے قرارداد کے حق میں ووٹ کاسٹ کیا۔افضل خان اور یاسمین قریشی سمیت کئی شیڈو وزراء مستعفی ہوگئے

جذبہ انٹرنیشنل16 نومبرتا 23 نومبر 2023

دنیا بھر میں سب سے زیادہ کونسی موبائل ایپس ڈاون لوڈ کی جاتی ہیں،رپورٹ جاری

دنیا بھر میں سب سے زیادہ ڈاؤن لوڈ کی جانے والی ویب سائٹس کے بارے میں عالمی ادارہ برائے اعداد و شماریات کی رپورٹ سامنے آ گئی۔

ورلڈ آف اسٹیٹسٹکس کی جانب سے سوشل میڈیا سائٹ ایکس پر 2022ء میں دنیا بھر میں سب سے زیادہ ڈاؤن لوڈ کی جانے والی ایپلیکیشنز کی فہرست جاری کی گئی۔اس فہرست کے مطابق 2022 میں دنیا بھر میں سب سے زیادہ ڈاؤن لوڈ کی جانے والی ایپ ٹک ٹاک ہے۔
سب سے زیادہ مقبول ایپلیکیشنز کی فہرست میں ٹک ٹاک کے بعد انسٹا گرام دوسرے، فیس بک تیسرے،واٹس ایپ چوتھے،ٹیلی گرام پانچویں، سب وے سرفرز چھٹے،اسٹمبل گائز ساتویں، اسپاٹی فائے آٹھویں، شین نویں جبکہ میسنجر دسویں نمبر پر ہے۔
اس فہرست سے یہ اندازہ باخوبی لگایا جا سکتا ہے کہ کورونا کی وباء کے بعد کے اثرات 2022ء میں محسوس کیے جا رہے تھےکیونکہ اس سال بزنس کمیونیکیشن ایپس زوم اور مائیکرو سافٹ ٹیمز کو کم ڈاؤن لوڈ کیا گیا۔
اس کےعلاوہ تعلیمی ایپس کو بھی کم ڈاؤن لوڈ کیا گیاکیونکہ اسکولز اور یونیورسٹیز اس سال اپنے روایتی تدریسی نظام کی طرف واپس آ گئی تھیں۔

غزہ پر اسرائیل کی تازہ بمباری، تل ابیب پر راکٹ حملے

غزہ کی پٹی کے کئی علاقوں پر اسرائیلی فوج نے تازہ فضائی اور زمینی حملے کیے ہیں، جب کہ حماس تحریک کے عسکری ونگ القسام بریگیڈز نے منگل کو اعلان کیا کہ اس نے وسطی اسرائیل کے شہر تل ابیب پر متعدد راکٹ داغے ہیں۔
القسام بریگیڈز نے ایک مختصر بیان میں کہا ہے کہ تل ابیب پر بمباری اسرائیل کی جانب سے عام شہریوں کو نشانہ بنانے کے جواب میں کی گئی۔
دوسری جانب اسرائیلی پولیس نے ایک بیان میں کہا ہے کہ تل ابیب میں راکٹوں اور ان کے ٹکڑے گرنے کے نتیجے میں تین افراد زخمی ہوئے جن میں ایک کی حالت خطرے میں بیان کی جاتی ہے جب کہ راکٹ حملوں سے املاک کو بھی نقصان پہنچا ہے۔
اسرائیلی فوج نے اعلان کیا کہ تل ابیب اور وسطی اسرائیل میں سائرن بج رہے ہیں۔
اسرائیلی میڈیا نے اطلاع دی ہے کہ وسطی اسرائیل کو غزہ کی پٹی سے کل جمعہ کے بعد سے پہلے طویل فاصلے تک مار کرنے والے راکٹ حملے کا نشانہ بنایا گیا۔
175 سے زائد لاشوں کی تدفین
العربیہ/الحدث کے نامہ نگارکے مطابق متوازی طور پر ایک اسرائیلی حملے نے غزہ میں الشفاء میڈیکل کمپلیکس کے آس پاس کے علاقے کو نشانہ بنایا۔
انہوں نے کمپلیکس کے اندر سے مزید کہا کہ کمپلیکس میں کوئی طبی یا غذائی امداد نہیں پہنچی۔ کمپلیکس کے اندر تقریباً 5000 افراد موجود ہیں اور خوراک اور ادویات کی شدید قلت ہے۔
العربیہ/الحدث کے نامہ نگار نے اطلاع دی ہے کہ غزہ کے الشفا ہسپتال کے قریب ایک سو ستر سے زائد لاشوں کو اجتماعی قبر میں دفن کیا گیا ہے۔
انہوں نے مزید کہا کہ اسرائیلی ٹینک ہسپتال کے آس پاس سے تھوڑا پیچھے ہٹ گئے۔اس سے پہلے کہ ڈاکٹروں نے مرنے والوں کو کمپلیکس سے ہٹانے کی اجازت نہ دیے جانے کے بعد اجتماعی قبر میں دفن کرنے کی کوشش کی تھی۔
فلسطینی وزارت صحت نے اعلان کیا ہے کہ پیر تک غزہ کی پٹی پر اسرائیلی حملوں میں ہلاکتوں کی تعداد 11,255 ہو گئی ہے

ایف پی سی سی آئی کی کنوینر اور اینکر زہرہ زاہد نے پاکستان میں پسماندہ خواتین کو بااختیار بنانے میں اہم کردار ادا کیا

ایف پی سی سی آئی کی کنوینر اور اینکر زہرہ زاہد نے پاکستان میں پسماندہ خواتین کو بااختیار بنانے میں اہم کردار ادا کیا ہے۔ اپنے Xee Learning اقدام کے مفت سند یافتہ بیوٹیشن کورسز کے ذریعے، اس نے انہیں اپنی اور اپنے خاندانوں کی کفالت کرنے کے قابل بنایا ہے اور حال ہی میں مزید 10 طلباء کو تربیت اور تصدیق دی ہے۔ زہرہ زاہد کی حالیہ طالبات میں سے ایک نے اپنے تربیتی پروگرام کے ذریعے مستقل ملازمت حاصل کرکے ایک قابل ذکر سنگ میل حاصل کیا ہے۔ موجودہ اقتصادی ماحول میں، مستحکم روزگار کی تلاش بہت سے لوگوں کے لیے ایک مشکل جنگ رہی ہے، جس سے اس کامیابی کو مزید اہم بنا دیا گیا ہے۔ زہرہ زاہد کی طرف سے فراہم کی گئی سخت تربیت نے ان کے طالب علموں کو ان مہارتوں اور اعتماد سے آراستہ کیا ہے جو کام کے لیے درکار ہیں۔ کامیابی کی یہ کہانی پسماندہ پس منظر سے تعلق رکھنے والی خواتین کو بااختیار بنانے میں ان کی کوششوں کے انمول اثرات کے ثبوت کے طور پر کام کرتی ہے۔ یہ سب ایف پی سی سی آئی کمیٹی کی ڈپٹی کنوینر مسز نگہت محمود کے بغیر ممکن نہ تھا جنہوں نے اپنے بھرپور تعاون سے اس راہ کو آگے بڑھایا۔ محترمہ سمیرا ناز اور محترمہ ایمن آفاق کی کاوشیں بھی قابل ستائش ہیں کیونکہ ان کی مسلسل کوششوں کے بغیر ہم امیدوار کو محفوظ ملازمت میں جگہ نہیں دے پاتے۔ شہزادہ میران ہیدر کی حمایت بھی انتہائی قابل تعریف ہے۔ اس کے ساتھ ساتھ جناب سعید احمد سعید کا بھی شکریہ ادا کرنا چاہیے کہ ان کی مکمل استقامت اور لگن کی وجۓ سے سب ممکن ہوا ہے۔ مزید کنوینئر زہرا نے کہا : “ہم محترمہ میمونہ خرم اور ایڈووکیٹ احمد کمال کا شکریہ ادا کرنا چاہیں گے۔ “

اس سال کے ایکسی لینس ایوارڈ کے سرٹیفکیٹس حال ہی میں محترمہ ایمن آفاق اور محترمہ سمیرا ناز کو دیے گئے اور ساتھ ہی تمام ممبران کو ان کی لگن پر تعریفی اسناد دی گئیں۔

2020 میں، زہرہ نے بیوٹی پارلرز کے لیے بین الاقوامی معیار کے کووِڈ حفاظتی اقدامات متعارف کرائے، جس سے مختلف حکام کی جانب سے بہت زیادہ تعریف کی گئی۔ زہرہ زاہد خواہشمند خواتین کی تربیت اور تصدیق کے لیے اپنا کام جاری رکھے ہوئے ہیں۔ مزید برآں، وہ SME کاروباری خواتین کے لیے سکن کیئر کے مضر اجزاء اور اندراج کے چیلنجز جیسے مسائل کو حل کرتی ہے۔ ان کے تعاون نے پاکستان میں بیوٹی انڈسٹری اور خواتین کاروباریوں پر نمایاں اثر ڈالا ہے۔

’’کسی کو مچھلی دو اور تم اسے ایک دن کے لیے کھلاؤ، کسی کو مچھلی پکڑنا سکھاؤ اور تم نے اسے زندگی بھر کھلایا‘‘۔ کمیٹی کی کنوینر زہرہ زاہد اور ڈپٹی کنوینر نگہت محمود کا مقصد اپنے ایکشن پلان پر عملدرآمد کرنا ہے اور امید ہے کہ پچھلے سالوں کی طرح کامیاب رہیں گے۔ محترمہ زہرہ زاہد 2020، 2022 اور فی الحال 2023 میں FPCCI، فیڈریشن آف پاکستان چیمبر آف کامرس اینڈ انڈسٹری میں ویمنز اسٹائل بیوٹی اینڈ سکن کیئر کی کمیٹی کی سربراہی کر رہی ہیں۔

اماراتی کاروباری شخصیت ڈاکٹر خلیفہ سیف المہیربی نے بیسٹ مین ان رئیل اسٹیٹ ایوارڈ 2023 حاصل کر لیا

دبئی اماراتی کاروباری شخصیت ڈاکٹر خلیفہ سیف المہیربی، عربین گلف انویسٹمنٹ گروپ کے چیئرمین، نے 2023 کے لیے بیسٹ مین ان رئیل اسٹیٹ ایوارڈ اور دنیا کی بہترین رئیل اسٹیٹ کمپنی کا ایوارڈ دونوں حاصل کرکے ایک اہم عالمی سنگ میل حاصل کیا ہے۔

یہ کامیابی امریکی ریاست رہوڈ آئی لینڈ میں منعقدہ 2023 گو گلوبل ایوارڈز کی تقریب میں ہوئی۔ رہوڈ آئی لینڈ ڈپارٹمنٹ آف کامرس اور ورلڈ ٹریڈ کونسل کے زیر اہتمام منعقدہ اس تقریب میں معزز مہمانوں نے شرکت کی جن میں جیمز جولسن، یو ایس ڈپٹی سیکریٹری آف کامرس اور الزبتھ ٹینر، رہوڈ آئی لینڈ سیکریٹری آف کامرس شامل تھے۔ تقریب میں 1,200 سے زیادہ بین الاقوامی اقتصادی اور تجارتی شخصیات کے ساتھ ساتھ ریاست ہائے متحدہ امریکہ میں مختلف ممالک کے سفیروں اور نمائندوں نے شرکت کی۔
ڈاکٹر خلیفہ سیف المہیربی نے دنیا بھر میں باوقار بیسٹ مین ان رئیل اسٹیٹ ایوارڈ حاصل کیا، یہ زمرہ پہلی بار اس سالانہ عالمی تقریب کے ایجنڈے پر متعارف کرایا گیا ہے جو ہر سال ایک اہم ترین دارالحکومت میں منعقد ہوتا ہے۔ تقریب کے دوران، امریکی وزیر تجارت، جینا ریمنڈو نے ایک ورچوئل تقریر کی، جس میں عالمی تجارتی اور اقتصادی سرگرمیوں کو فروغ دینے میں تقریب کے اہم کردار پر زور دیا، اور شریک کمپنیوں کے درمیان اقتصادی تعاون کے مواقع پر تبادلہ خیال کیا۔
ریاست ہائے متحدہ امریکہ کے کامرس کے ڈپٹی سکریٹری جیمز گولڈسن نے بھی تقریب سے خطاب کیا، شرکت کرنے والی کمپنیوں کا خیرمقدم کیا، ان کی شاندار کارکردگی کی تعریف کی، اور مختلف شعبوں میں سرمایہ کاری کی حوصلہ افزائی کے لیے اپنی وزارت کی کوششوں پر روشنی ڈالی۔ تقریب کے دوران، رہوڈ آئی لینڈ کی ریاست کی وزیر تجارت الزبتھ ٹینر نے حاضرین کا پرتپاک استقبال کیا اور ڈاکٹر خلیفہ سیف المہیربی کو ایوارڈ پیش کیا۔
اپنے فخر کا اظہار کرتے ہوئے، ڈاکٹر خلیفہ سیف المہیربی نے GO گلوبل ایوارڈز کی تقریب کے دوران 2023 کے لیے بیسٹ مین کا رئیل اسٹیٹ ایوارڈ حاصل کرنے کی اہمیت پر روشنی ڈالی۔ انہوں نے وضاحت کی کہ یہ اعزاز ریئل اسٹیٹ کے شعبے میں ان کے پیشہ ورانہ کیریئر کا ایک اہم سنگ میل ہے جس کا آغاز ابوظہبی سے ہوا تھا۔
ڈاکٹر المہیربی نے کہا کہ 2023 کے لیے دنیا کی بہترین رئیل اسٹیٹ کمپنی کا ایوارڈ، جو عربین گلف انویسٹمنٹ کمپنی کو ملا ہے، گزشتہ برسوں میں رئیل اسٹیٹ میں سرمایہ کاری میں کمپنی کی کوششوں کی انتہا کو ظاہر کرتا ہے۔ کمپنی نے اربوں درہم کے رئیل اسٹیٹ سودے کامیابی کے ساتھ مکمل کیے ہیں اور 20 سے زیادہ بین الاقوامی دارالحکومتوں اور شہروں میں نمائندہ دفاتر کھول کر اپنی موجودگی کو بڑھایا ہے۔
المہیربی نے متحدہ عرب امارات کی دانشمندانہ قیادت کا شکریہ ادا کیا جس نے انہیں غیر متزلزل حمایت اور حوصلہ افزائی فراہم کی۔ یہ تعاون رئیل اسٹیٹ سیکٹر میں ان کی کامیابی میں اہم کردار ادا کرتا ہے، جس کے نتیجے میں ان کے پیشہ ورانہ اور عملی کیریئر میں کامیابیوں کا ایک سلسلہ شروع ہوا۔
ڈاکٹر المہیربی نے اس بات پر زور دیا کہ یہ اعزازات متحدہ عرب امارات کے لیے خراج تحسین ہیں، جس نے ایک نوجوان اماراتی ہونے کے ناطے اسے کامیابی اور کاروبار کی توسیع کے لیے ضروری صلاحیتیں اور مواقع فراہم کیے ہیں۔ ان مواقع نے اسے عربین گلف انویسٹمنٹ کمپنی قائم کرنے کا موقع دیا، جسے اب مقامی اور عالمی سطح پر ریئل اسٹیٹ سیکٹر میں سرمایہ کاری کی سب سے بڑی کمپنیوں میں سے ایک کے طور پر جانا جاتا ہے۔ کمپنی نے نہ صرف مختلف بین الاقوامی دارالحکومتوں میں اپنے کاروبار کو بڑھایا ہے بلکہ عالمی رئیل اسٹیٹ کمپنیوں کو ابوظہبی اور مجموعی طور پر متحدہ عرب امارات میں سرمایہ کاری کے لیے راغب کرنے میں بھی اہم کردار ادا کیا ہے۔

پاکستان اور چین کو ملانے والا خنجراب پاس چار ماہ کے لیے بند

چینی حکومت نے پاکستان اور چین کے درمیان ایک بڑے زمینی تجارتی راستے خنجراب پاس کو چار ماہ کے لیے بند کرنے کا اعلان کیا ہے۔
عرب نیوز کے مطابق گذشتہ ماہ پاکستان کے نگراں وزیراعظم انوار الحق کاکڑ نے کہا تھا کہ یہ سڑک سال بھر کھلی رہے گی۔
نگراں وزیراعظم انوار الحق کاکڑ نے اکتوبر میں بیجنگ میں بیلٹ اینڈ روڈ فورم کی ایک تقریب میں کہا تھا کہ اس پاس کو ہر موسم میں فعال رہنے والی سرحد میں تبدیل کر دیا جائے گا۔
چین پاکستان کا ایک بڑا اتحادی اور سرمایہ کار ہے۔ دونوں ممالک کے درمیان چین پاکستان اقتصادی راہداری (سی پیک) کا معاہدہ ہوا ہے، جو کہ چین کے بیلٹ اینڈ روڈ انیشیٹو کے تحت ایک اہم منصوبہ ہے۔ اس منصوبے کے تحت سڑک، ریل اور دیگر بنیادی ڈھانچے کی تعمیر کے لیے 65 ارب ڈالر سے زیادہ کا معاہدہ کیا گیا ہے۔
چین کے علاقے سنکیانگ کی خنجراب پورٹ انتظامیہ کی جانب سے سنیچر کو جاری کیے گئے نوٹس کے مطابق یہ پاس دسمبر سے مارچ تک بند رہے گا۔
نوٹس میں کہا گیا ہے کہ ’پورٹ انٹری اور ایگزٹ مینجمنٹ اقدامات‘ کے مطابق دونوں ممالک کو خنجراب پاس کو سال بھر کھلا رکھنے کے لیے سفارتی ذرائع سے سرحدی بندرگاہوں اور انتظامی نظام کے معاہدے میں ترمیم اور دستخط کرنے ہوں گے۔
نوٹس میں مزید کہا گیا کہ چین کا سٹیٹ پورٹ مینجمنٹ آفس اپنے حکام سے خنجراب پورٹ کو سال بھر کھولنے کی منظوری بھی طلب کرے گا۔
’جب تک چین کا سٹیٹ پورٹ مینجمنٹ آفس ایک باضابطہ نوٹس جاری نہیں کرتا، خنجراب بندرگاہ پر دسمبر سے مارچ تک معمول کی کسٹم کلیئرنس جاری رکھے گی۔‘
کسی خاص ضرورت کی صورت میں سنکیانگ کی خنجراب پورٹ مینجمنٹ پاس کو عارضی طور پر کھولنے کے لیے درخواست دے گی۔
گذشتہ ماہ چین میں انوار الحق کاکڑ نے کہا تھا کہ پاکستان تجارت اور لوگوں کی نقل و حرکت کو آسان بنانے کے لیے پاس پر کسٹم اور دیگر لاجسٹک خدمات کو اپ گریڈ کرنا چاہتا ہے۔
انہوں نے کہا تھا کہ ’میرے دورے کے دوران بیجنگ میں طے پانے والے اتفاق رائے کے مطابق خنجراب سوست بارڈر پر ہماری زمینی سرحد کو ہر موسم کے ماڈل میں تبدیل کیا جائے گا۔‘
یہ پاس گلگت بلتستان کو چین کے سنکیانگ کے علاقے سے ملاتا ہے اور اپریل 2023 میں تقریباً تین برس تک بند رہنے کے بعد دوبارہ کھول دیا گیا تھا۔ کورونا وائرس کے پھیلنے کے بعد زمینی سرحد 2020 میں بند کر دی گئی تھی۔
خنجراب پاس سطح سمندر سے 46 سو میٹر سے زیادہ بلندی پر ہے اور یہ سرحد سخت موسم کی وجہ سے سردیوں کے مہینوں میں بند رہتی ہے۔

بحیرہ روم میں امریکی طیارہ گر کر تباہ، 5 فوجی ہلاک

مریکا کا فوجی طیارہ تربیتی مشن کے دوران مشرقی بحیرہ روم میں گر کر تباہ ہوگیا، واقعے میں 5 امریکی فوجی ہلاک ہوگئے۔
یو ایس یورپی کمانڈ نے اتوار کو اس بات کی تصدیق کی ہے کہ طیارہ جمعہ کی شام کو گر کر تباہ ہوا، (EUCOM) نے کہا کہ عملے کے پانچوں ارکان اس وقت مارے گئے جب طیارہ فوجی تربیت کے ایک حصے کے طور پر معمول کے فضائی ایندھن بھرنے کے مشن کے دوران گر گیا تھا۔
رپورٹ کے مطابق فوج نے سب سے پہلے ہفتہ کو امریکی طیارے کو حادثے کا اعلان کیا تھا اور کہا تھا کہ واقعے کی تحقیقات کی جا رہی ہیں، اس میں کسی دشمنانہ سرگرمی کے ملوث ہونے کے کوئی اشارے نہیں ملے ہیں۔
ای یو کام نے اتوار کو بتائا کہ قریبی امریکی فوجی طیارے اور بحری جہاز کے ذریعے گرنے والے طیارے کی تلاش اور بچاؤ کی کوششیں فوری طور پر شروع کی گئیں۔

گوگل کا دسمبر سے غیر فعال اکاؤنٹس کو ڈیلیٹ کرنے کا اعلان

امریکی ملٹی نیشنل ٹیکنالوجی کمپنی گوگل نے دسمبر 2023 سے 2 سالوں میں غیر فعال رہنے والے جی میل اکاؤنٹس کو ڈیلیٹ کرنے کا اعلان کر دیا ہے۔
میڈیا رپورٹس کے مطابق کم از کم دو سالوں سے غیر فعال رہنے والے گوگل اکاؤنٹ کے صارفین کو ای میل موصول ہونا شروع ہو گئی ہیں جس میں انہیں خبردار کیا گیا ہے کہ اگر وہ لاگ ان نہیں ہوتے ہیں تو ان کا اکاؤنٹ یکم دسمبر 2023 سے مستقل طور پر ڈیلیٹ کر دیا جائے گا۔
رواں سال مئی میں گوگل نے اعلان کیا تھا کہ جو اکاؤنٹس طویل عرصے سے استعمال نہیں کیے گئے ہیں وہ سیکیورٹی خطرات کا باعث بن سکتے ہیں جس کے پیش نظر گوگل نے اپنی پالیسی پر نظر ثانی کی اور فیصلہ کیا کہ دو سال یا اس سے زیادہ عرصے سے غیر فعال رہنے والے اکاؤنٹس کو ختم کر دیا جائے گا۔
گوگل اکاؤنٹ کے ختم ہونے سے اس سے منسلک تمام اہم ورک اسپیس سروسز بھی ہمیشہ کے لیے ختم ہو جائیں گی جس کا مطلب یہ ہے کہ آپ کی تمام ای میلز، تصاویر میں اسٹور کردہ میڈیا، Drive میں فائلیں، ڈاکومنٹس، اور Keep Notes بھی ختم کر دیئے جائیں گے

غزہ میں 3 روز کی جنگ بندی کا امکان

قطر نے غزہ میں مختصر جنگ بندی کی کوششیں شروع کر دیں۔ غزہ میں 33 دن کی اسرائیلی جارحیت کے بعد 3 دن کی جنگ بندی کا امکان ہے۔
غیر ملکی خبر رساں ایجنسی کے مطابق 12 یرغمالیوں کی رہائی کے بدلے 3 دن کی جنگ بندی پر بات ہو رہی ہے۔ یرغمالیوں میں 6 امریکی بھی شامل ہیں۔
غزہ میں 33 روز سے جاری اسرائیلی جارحیت کے بعد 3 روز کی جنگ بندی کا امکان ہے اور قطر نے غزہ میں مختصر جنگ بندی کی کوششیں شروع کر دی ہیں۔
حماس کے نائب سربراہ صالح العروری نے کہا کہ 3 روزہ جنگ بندی کا مقصد غزہ میں امداد پہنچانا ہے جبکہ اسرائیل پر 7 اکتوبر کے حملے اپنے لوگوں کی آزادی کو یقینی بنانے کے لیے کیے تھے۔
انہوں نے کہا کہ اسرائیلی جیلوں میں قید تمام فلسطینی قیدی رہائی چاہتے ہیں۔ اسرائیل تمام فلسطینی قیدی رہا کر دے اور اپنے تمام قیدی لے جائے۔
نائب سربراہ حماس نے کہا کہ حماس اسرائیل کے ساتھ قیدیوں کے تبادلے کے لیے ایک جامع معاہدہ کرنے کو تیار ہے اور اسرائیل قیدیوں کے تبادلے کے پیشکش سے فرار اختیار نہیں کر سکتا

جذبہ انٹرنیشنل9 نومبرتا 16 نومبر 2023

سائنسدانوں نے ابو الہول کے مجسمے کا صدیوں پرانا راز جان لیا

صدیوں پرانے اہرام مصر عرصے سے لوگوں اور سائنسدانوں کی توجہ کا مرکز بنے ہوئے ہیں۔
ہزاروں سال پرانے اہرام مصر کے بارے میں ابھی بھی بہت کچھ معلوم نہیں ہوسکا ہے اور اس کو جاننے کے لیے مسلسل تحقیقی کام ہوتا رہتا ہے۔
گیزہ کے عظیم ہرم کے ساتھ ساتھ ابو الہول کا مجسمہ عرصے سے سائنسدانوں کے لیے معمہ بنا ہوا ہے جو اب تک یہ سمجھ نہیں سکے تھے کہ ہزاروں سال قبل اتنا بڑا مجسمہ کیسے تعمیر کیا گیا
اب سائنسدانوں نے اس حوالے سے دعویٰ کیا ہے کہ انہوں نے جان لیا کہ آخر ساڑھے 4 ہزار سال پہلے ابو الہول کی تعمیر کیسے ممکن ہوئی۔
دہائیوں سے ماہرین اس خیال پر متفق تھے کہ ابو الہول کے اس مجسمے کا چہرہ پتھروں کے اوزاروں سے تراشا گیا تھا، مگر وہ یہ سمجھ نہیں سکے تھے کہ اس کا اتنا بڑا جسم کیسے تیار کیا گیا۔
نیویارک یونیورسٹی کی ایک تحقیق میں اس کا ممکنہ جواب دیا گیا۔
تحقیق میں بتایا گیا کہ ایسا صحرا میں صدیوں سے تیز ہواؤں کا سامنا کرنے سے چٹان میں آنے والی تبدیلیوں سے ممکن ہوا۔
محققین کے مطابق لیبارٹری تجربات سے ثابت ہوا کہ ہوا کے تیز بہاؤ سے چٹانوں میں ابو الہول جیسی ساخت کا بننا ممکن ہے۔
مگر انہوں نے کہا کہ اس کا مطلب یہ نہیں کہ یہ عظیم مجسمہ مکمل طور پر قدرت نے تراشا ہے بلکہ چٹان میں آنے والی تبدیلیوں کو قدیم مصریوں نے مجسمے کی شکل دی۔
اس تحقیق کے لیے انہوں نے چونے پر مبنی ماڈل چٹانیں تیار کیں اور انہیں پانی کی تیز دھار سے دھویا۔
ابو الہول کے مجسمے میں موجود اجزا کا خیال رکھتے ہوئے ان ماڈلز کے لیے نرم چونے کو استعمال کیا گیا اور پانی کے بہاؤ سے ان ماڈلز میں شیر جیسی ساخت بننا شروع ہوگئی۔
محققین کے مطابق صحرا کے اندر تیز ہواؤں کے باعث اس طرح کی چٹانوں میں قدرتی طور پر کسی جانور کے بیٹھے یا لیٹے ہونے جیسی شکل بن جاتی ہے۔
ابو الہول کا مجسمہ بہت پراسرار سمجھا جاتا ہے کیونکہ 20 میٹر لمبے اس مجسمے کو چونے کی ایک چٹان کو تراش کر تیار کیا گیا۔
1981 میں ایک ماہر ارضیات فاروق الباز نے خیال ظاہر کیا تھا کہ ابو الہول کے مسجمے کی تعمیر میں تیز ہواؤں نے اہم کردار ادا کیا تھا۔
اب نئی تحقیق کے نتائج سے اس خیال کو تقویت ملی ہے۔
محققین کے مطابق نتائج سے عندیہ ملتا ہے کہ ابو الہول جیسے اسٹرکچر اس طرح کے حالات میں تشکیل پا سکتے ہیں۔
مگر انہوں نے تسلیم کیا کہ ابھی بھی اس سوال کا جواب نہیں معلوم ہوسکا کہ مجسمے کا کتنا حصہ قدرتی ہے اور کتنا حصہ انسانوں کا تیار کردہ ہے۔
انہوں نے مزید کہا کہ ہماری تحقیق میں یہ خیال ظاہر کیا گیا کہ سر، گردن اور پنجے کا بیشتر حصہ قدرت کا تراشا ہوا ہے۔

میکسویل نے کئی ریکارڈ اپنے نام کر لیے

ورلڈ کپ 2023 میں افغانستان کے خلاف 201 رنز کی ناقابل شکست اننگز کھیلنے والے آسٹریلوی آل راؤنڈر گلین میکسویل نے کئی ریکارڈز اپنے نام کر لیے۔
بھارت میں جاری ورلڈ کپ 2023 کے اہم میچ میں آسٹریلیا نے افغانستان کو 3 وکٹوں سے شکست دے کر سیمی فائنل کے لیے کوالیفائی کر لیا۔
آسٹریلیو بلے باز گلین میکسویل ہیمسٹرنگ انجری کے باوجود بیٹنگ کرتے رہے اور ورلڈ کپ کی تاریخ کی سب سے بڑی اننگز کھیل گئے۔ پیٹ کمنز اور میکسویل نے آٹھویں وکٹ کی شراکت میں 202 کی پارٹنر شپ کی۔
آسٹریلیوی کپتان پیٹ کمنز نے 68 گیندوں پر 12 رنز بنائے اور آخر وقت تک میکسویل کا ساتھ دیا۔
گلین میکسویل نے 201 رنز کی ناقابل شکست اننگز کھیل کر کئی ریکارڈز اپنے نام کر لیے۔ وہ ایک روزہ بین الاقوامی میچ میں ڈبل سنچری اسکور کرنے والے پہلے آسٹریلوی بلے باز بن گئے۔
گلین میکسویل پہلے کرکٹر ہیں جنہوں نے ہدف کا تعاقب کرتے ہوئے ڈبل سنچری اسکور کی۔ وہ ورلڈ کپ میں 201 رنز بنانے والے پہلے آسٹریلوی بیٹر بھی ہیں۔
گلین میکسویل پہلے بیٹر ہیں جنہوں نے مڈل آرڈر میں بیٹنگ کرتے ہوئے ڈبل سنچری اسکور کی اور وہ پہلے بلے باز ہیں جنہوں نے ورلڈ کپ میں تیز ترین ڈبل سنچری اسکور کی۔ میکسویل پہلے بیٹسمین ہیں جنہوں نے پانچویں نمبر پر بیٹنگ کرتے ہوئے یہ کارنامہ سرانجام دیا۔

فلسطینی صدر محمود عباس پر قاتلانہ حملہ ، ایک محافظ جاں بحق

فلسطینی صدر محمود عباس پر قاتلانہ حملہ ، ایک محافظ جاں بحق ہو گیا۔
اسرائیل اور حماس کے درمیان جنگ جاری کے دوران فلسطینی صدر پر قاتلانہ حملے کے باعث خطے میں خوف و ہراس پھیل گیا۔
ترک اخبار کے مطابق ”سنز آف ابو جندل“ (ابو جندل کے بیٹے) نامی تنظیم نے قبول کر لی ہے ، مغربی کنارے میں فلسطینی سکیورٹی اسٹیبلشمنٹ کے اندر منظم تنظیم نے محمود عباس کو اسرائیل کیخلاف کارروائی کے لیے 24 گھنٹے کا وقت دیا تھا
ڈیڈ لائن ختم ہونے کے ساتھ ہی محمود عباس کے قافلے پرحملہ کیا گیا۔ حملے میں فلسطینی صدر محفوظ رہے تاہم گولی لگنے سے محمود عباس کا ایک محافظ جاں بحق ہو گیا۔

پاکستان کی جانب سے غزہ کے متاثرین کے لیے امدادی سامان کی دوسری کھیپ روانہ

پاکستان کی جانب سے غزہ کے عوام کے لیے امدادی سامان کی دوسری کھیپ مصر کے راستے فلسطین روانہ کر دی گئی ہے۔
منگل کو اسلام آباد انٹرنیشنل ایئرپورٹ پر امدادی سامان لے جانے والی خصوصی پرواز کو نگراں وزیر خارجہ جلیل عباس جیلانی اور نگراں وزیر برائے انسانی حقوق خلیل جارج نے روانہ کیا۔
امدادی سامان روانہ کرنے کی تقریب میں پاکستان میں فلسطین کے سفیر احمد جواد ربیع اور وزارت خارجہ اور این ڈی ایم اے کے سینیئر حکام بھی موجود تھے۔
دوسری امدادی کھیپ 89.6 ٹن امدادی سامان پر مشتمل ہے جس میں حکومت پاکستان کی جانب سے 40 ٹن فوڈ پیک شامل ہیں۔
امدادی سامان میں 3 ٹن راشن کے بیگز، 10.8 ٹن ادویات، 26 ٹن حفظان صحت اور پاکستان میں این جی اوز کے تعاون سے بچوں کی کٹس شامل ہیں۔
اس سے قبل پاکستان کی جانب سے فلسطینی متاثرین کی امداد کے لیے ایک ہزار خیمے، چار ہزار کمبل اور تین ٹن ادویات بھیجی جا چکی ہیں۔
امدادی سامان روانہ کرنے کی تقریب سے خطاب کرتے ہوئے نگراں وزیر خارجہ نے فلسطینی بھائیوں اور بہنوں کے ساتھ پاکستان کی مکمل یکجہتی کا اظہار کیا۔
انہوں نے اسرائیل کی جانب سے غزہ میں محصور خواتین اور بچوں سمیت شہریوں کے خلاف طاقت کے وحشیانہ اور اندھا دھند استعمال کی مذمت کی۔
جلیل عباس جیلانی نے اسرائیلی جارحیت کے فی الفور خاتمے اور غزہ کا محاصرہ فوری طور پر ختم کرنے کی ضرورت پر زور دیا۔
پاکستان کے نگراں وزیر خارجہ نے غزہ کے رہائشیوں کو انسانی امداد کی فراہمی میں سہولت فراہم کرنے پر زور دیا۔
واضح رہے کہ پاکستان کی جانب سے غزہ کے متاثرین کے لیے امدادی سامان کی پہلی کھیپ 19 اکتوبر کو بھیجی گئی تھی۔

شہید فلسطینیوں کی تعداد 10 ہزار سے متجاوز، امریکی ایٹمی آبدوز مشرق وسطیٰ میں تعینات

غزہ پر اسرائیلی بمباری کا سلسلہ ایک ماہ بعد بھی جاری ہے،اب تک شہید فلسطینیوں کی تعداد دس ہزار سے تجاوز کرچکی ہے۔ امریکا نے ایٹمی آبدوز مشرقِ وسطیٰ میں تعینات کردی ہے۔ اسرائیلی وزیر اعظم نے حماس کے خلاف جنگ کو ’عالمی جنگ‘ قرار دیا ہے۔ غزہ میں تیسری بار انٹرنیٹ اور ذرائع مواصلات بند ہوچکے ہیں۔ پانی، غذائی اشیا، فیول کا بحران پیدا ہونے کے باعث اقوام متحدہ سمیت اٹھارہ عالمی اداروں نے جنگ بندی کا مطالبہ کا مطالبہ کیا ہے۔
اسرائیل نے ایک بار پھر اسپتالوں کو نشانے پر رکھ لیا ہے، اسرائیل کے میزائل انٹرسیپٹر سسٹم آئرن ڈوم میں خرابی کی وجہ سے فائر کیے گئے راکٹ واپس اسرائیل کے اسپتالوں اور گھروں پر جا گرے۔ اسرائیلی جنگی جہازوں نےانڈونیشین اسپتال پر حملہ کیا۔ ال شفا اسپتال پر حملہ کر کے سولر پینل بھی تباہ کردیے گئے جبکہ اسپتال کے قریب کثیرالمنزلہ عمارت پر بھی بمباری کی گئی۔
صہیونی فورسز نے مغربی کنارے میں 152 فلسطینی شہید کردیے۔ اب تک شہید کیے جانے والے فلسطینیوں میں 4 ہزار ا104 بچے اور2 ہزار 641 خواتین شامل ہیں۔
اقوام متحدہ سمیت اٹھارہ عالمی اداروں نے مشترکہ بیان جاری کرتے ہوئے انسانی بنیادوں پر جنگ بندی کا مطالبہ کردیا۔
ا مریکی سینٹرل کمانڈ نے ’ایکس‘ پر پوسٹ میںطیارہ بردار بحری جہازوں کے بعد مشرق وسطیٰ میں جوہری ہتھیاروں کی منتقلی کا اعلان کیا ہے۔دفاعی ماہرین امریکی بحریہ کی جانب سے مشرق وسطیٰ، خصوصاً امریکی سینٹرل کمانڈ کے علاقے میں جوہری آبدوز کی تعیناتی کے اعلان کوغیرمعمولی قرار دے رہے ہیں۔
غزہ کی صورتحال پراو آئی سی نے بھی متحرک ہوتے ہوئے بارہ نومبر کو ریاض میں غیر معمولی اسلامی سربراہی اجلاس بلالیا، نگراں وزیراعظم انوارالحق کاکڑ کی قیادت میں پاکستانی وفد بھی شریک ہوگا۔اسرائیلی جارحیت کے خلاف او آئی سی کا سربراہی اجلاس سعودی عرب کی دعوت پربلایا گیا۔
اسرائیل کے جنگی جرائم کے خلاف عالمی سطح پر شدید ردعمل ظاہر کرتے ہوئےجنوبی افریقہ نے بھی تل ابیب سے اپنا سفارتی عملہ واپس بلالیا ہے۔ جنوبی افریقی وزیر خارجہ کا کہنا ہے کہ فلسطینی بچوں اور شہریوں کے مسلسل قتل پر انتہائی فکر مند ہیں۔
اُدھر فلسطینیوں پر اسرائیلی مظالم کے خلاف دنیا کے مختلف ملکوں میں احتجاج کا سلسلہ جاری ہے۔ امریکا، برطانیہ، جرمنی اورترکیہ میں مظاہرے کرتے ہوئے بچوں کے قتل عام اور فلسطینیوں کی نسل کشی بند کرنے کا مطالبہ کیا گیا ہے۔
مغربی کنارے پر اسرائیلی فوج کے مظالم شدت سے جاری ہیں، اسرائیلی فوج نے فلسطین کی مشہور سماجی کارکن احد تمیمی کومقبوضہ مغربی کنارے میں چھاپے کے دوران گرفتار کرلیا۔ میمی کو فلسطین کی حمایت پر دہشت گردی کے الزام میں گرفتار کیا گیا ہے۔
دوسری جانب فلسطین کا پڑوسی ملک مصر اسرائیل فلسطین جنگ سے مالی فوائد حاصل کرنے لیے بے چین ہے۔ بحیرہ احمر پر جنوبی سینائی میں سیاحت کے فروغ کے لیے مراعات کی پیشکش کردی ۔
مصر کے وزیر سیاحت احمد عیسی کا کہنا ہے اسرائیل اور حماس کے درمیان جنگ سے اسرائیل میں سیاحت کا شعبہ عملی طور پر بند ہو چکا ہے، اس لیے مصر میں سیاحوں کو تمام تر مراعات پیش کریں گے،مصر اس سال سیاحت سے تیرہ بلین ڈالر کمانے کا ہدف رکھا ہے، جس کے لیے ڈیڑھ کروڑ سیاحوں کی آمد کا منتظر ہے۔

اسرائیل کی 7 برس پرانی خفیہ دستاویز میں حماس جنگ کے حیران کن انکشافات

اسرائیلی اخبار کی ایک رپورٹ میں انکشاف کیا گیا ہے کہ وزیر اعظم نتین یاہو کو 7 برس قبل خفیہ دستاویز میں حماس کے ممکنہ حملے سے خبردار کیا گیا تھا۔
رپورٹ کے مطابق 2016 میں اس وقت کے وزیر دفاع ایویگڈور لائبرمین نے 11 صفحات پر مشتمل دستاویز کا مسودہ تیار کیا تھا جس میں حماس کے سرحدی راستے سے داخلے، جنوبی اسرائیل میں لوگوں کو زیر کرنے اور یرغمال بنانے کے منصوبوں کے حوالے سے خبردار کیا گیا تھا۔
اگرچہ طویل عرصے سے اسرائیل کو غزہ یا شمال میں حزب اللہ سے ایسے حملوں کا خدشہ تھا، لیکن 7 اکتوبر کو جنوبی اسرائیل میں حماس کی جانب سے کی گئی کارروائی واضح کر دیا کہ انتباہ کے باوجود انہیں روکنے کے لیے مناسب تیاری نہیں کی گئی۔
دستاویز جسے ”ٹاپ سیکریٹ“ (انتہائی خفیہ) قرار دیا گیا ہے، اس میں لائبرمین نے لکھا، ’حماس ایک بڑی تعداد میں تربیت یافتہ افواج (مثال کے طور پر نقبہ کمانڈوز) بھیج کر اسرائیلیوں کو یرغمال بنانے کی کوشش کر کے تنازعے کو اسرائیلی سرزمین کے اندر تک لے جانا چاہتی ہے۔ جس سے لوگوں کو جسمانی نقصان کے علاوہ اسرائیل کے شہریوں کے حوصلے اور جذبات کو بھی نمایاں نقصان پہنچے گا۔‘
رپورٹ میں کہا گیا ہے کہ یہ دستاویز وزیراعظم بنجمن نیتن یاہو اور اس وقت کے آئی ڈی ایف چیف آف اسٹاف گیڈی آئزن کوٹ دونوں کو پیش کی گئی تھی جس میں حماس کے منصوبوں کو ناکام بنانے کے لیے اس پر اچانک حملہ کرنے کا مطالبہ کیا گیا تھا۔
لائبرمین جوکہ اسرائیل بیتینو پارٹی کے سربراہ ہیں، انہوں نے فوج پر زور دیا کہ ’حماس کے ساتھ اگلا تنازعہ آخری ہوگا‘۔
لائبرمین نے خبردار کیا کہ 2017 کے بعد اس طرح کے حملے میں تاخیر حماس کو 2014 کی جنگ کے بعد اپنے راکٹس اور زمینی افواج کو کافی حد تک تیار کرنے کا موقع دے گی۔
لائبرمین نے ستمبر 2016 میں قطر میں ہونے والی ایک میٹنگ میں حماس کے سیاسی بیورو کی طرف سے کیے گئے فیصلوں کا حوالہ دیا، جس میں کہا گیا تھا کہ 2022 تک اسرائیل کا صفایا کرنے کے مقصد سے حملہ کرنے سے پہلے حماس کو دوبارہ منظم ہونے کے لیے وقت درکار تھا۔
دستاویز میں حماس کے 40,000 جنگجوؤں کی ایک فورس بنانے، سمندر اور زمین سے اسرائیل پر حملہ کرنے، ڈرون ٹیکنالوجیز حاصل کرنے اور الیکٹرانک جنگی جوابی اقدامات کے استعمال کی صلاحیتوں کی نشاندہی کی گئی ہے۔
لائبرمین نے غزہ کے گرد حفاظتی رکاوٹ پر زیادہ انحصار کے خلاف بھی خبردار کیا۔
انہوں نے لکھا، ’غزہ کے ارد گرد مختلف قسم کے نظاموں اور صلاحیتوں کے ساتھ جو دفاعی رکاوٹ تعمیر کی جا رہی ہے وہ درحقیقت غزہ کا مقابلہ کرنے کے لیے موجودہ سیکیورٹی حکمت عملی کا ایک اہم جز ہے، لیکن یہ اپنے آپ میں کوئی حکمت عملی نہیں بنا سکتا۔ جدید تاریخ اور ماضی کی نظیروںمیگئینوٹ لائن، مینرہیم لائن اور بار لیو لائن نے ثابت کیا ہے کہ باڑ اور قلعہ بندی جنگ کو نہیں روکتی اور امن و سلامتی کی ضمانت نہیں بنتی‘۔
لائبرمین نے خبردار کیا کہ ’2017 کے وسط تک اسرائیلی اقدام شروع کرنے میں ناکامی ایک سنگین غلطی ہوگی جو اسرائیل کو ایک سنگین اسٹریٹجک مقام پر لے جا سکتی ہے۔‘
انہوں نے لکھا کہ ’مجھے یقین ہے حماس کی جانب سے اس طرح کے حملے کے نتائج دور رس ہوں گے اور کچھ طریقوں سے یوم کپور جنگ کے نتائج سے بھی بدتر ہوں گے۔‘
سات اکتوبر کو حماس کے حملے کے بعد سے وزیر اعظم بنجمن نیتن یاہو نے بارہا دعویٰ کیا ہے کہ انہیں سیکورٹی سربراہان نے حماس کے آنے والے حملے کے بارے میں خبردار نہیں کیا تھا، اور دعویٰ کیا کہ تمام سیکورٹی سربراہوں نے انہیں مسلسل یقین دہانی کرائی ہے کہ حماس کو روک دیا گیا ہے۔
انہوں نے اتوار کو ایک پریس کانفرنس میں کہا، ’جنگ کے بعد سب کو جواب دینا پڑے گا، جس میں میں بھی شامل ہوں‘۔
لائبرمین دستاویز اسرائیل کی فوج، انٹیلی جنس اور سیاسی قیادت کی بڑے پیمانے پر ناکامی کے ثبوتوں میں اضافہ کرتی ہیں۔
پیر کو نیویارک ٹائمز کی ناکامیوں کے تجزیے سے یہ بات سامنے آئی کہ فوج کے 8200 سگنل انٹیلی جنس یونٹ نے ایک سال پہلے غزہ میں حماس کے کارندوں کے ہینڈ ہیلڈ ریڈیو کو سننا بند کر دیا تھا کیونکہ اسے ”کوشش کی بربادی“ کے طور پر دیکھا جاتا تھا۔ انٹیلی جنس کی ناکامیوں کے بارے میں ایک وسیع رپورٹ میں اخبار نے یہ بھی کہا کہ امریکی جاسوسی ایجنسیوں نے حالیہ برسوں میں حماس کے بارے میں معلومات کو اکٹھا کرنا بند کر دیا تھا، یہ مانتے ہوئے کہ اسرائیل کو دہشت گرد گروپ سے خطرہ موجود تھا۔

پاکستان ایسوسی ایشن دبئی نے متحدہ عرب امارات کا فلیگ ڈے منایا

دبئی متحدہ عرب امارات (یو اے ای) میں یوم پرچم ایک اہم قومی موقع ہے جو ہر سال 3 نومبر کو منایا جاتا ہے۔ یہ خاص دن متحدہ عرب امارات کے لوگوں کے لیے بہت اہمیت کا حامل ہے کیونکہ یہ شیخ خلیفہ بن زید النہیان کے متحدہ عرب امارات کے صدر کے طور پر اقتدار سنبھالنے کی یاد مناتا ہے۔ یوم پرچم کی سب سے بڑی خصوصیت پرچم کشائی کی تقریب ہے،

جو ملک بھر کے مختلف سرکاری اور سرکاری اداروں میں ہوتی ہے۔ سرکاری اہلکار، اسکول کے بچے، اور عوام کے اراکین پرچم لہرائے جانے کا مشاہدہ کرنے کے لیے جمع ہوتے ہیں جب کہ پس منظر میں قومی ترانہ بج رہا ہوتا ہے۔ یہ انتہائی احترام اور فخر کا لمحہ ہے، جو متحدہ عرب امارات کے اتحاد، ترقی اور قومی جذبے کی علامت ہے۔ یو اے ای میں یوم پرچم انتہائی اہمیت اور حب الوطنی کا دن ہے۔ یہ قومی اتحاد، فخر اور متحدہ عرب امارات کے پائیدار جذبے کا جشن ہے۔ یہ ہر ایک کو ان اقدار کی یاد دلاتا ہے جن کی نمائندگی جھنڈا کرتا ہے اور جو کردار ہر شہری ایک مضبوط اور زیادہ خوشحال قوم کی تعمیر میں ادا کرتا ہے۔ اسی سلسسلہ میں پاکستان ایسوسی ایشن دبئی میں ایک ایونٹ کا انعقاد ہوا- جس میں حب الوطنی کا خوبصورت مظاہرہ پیش کیا گیا- تقریب میں معزز ممبران، ثقافتی کمیٹی کے سربراہ طحہٰ علی اور اسپورٹس کمیٹی کے سربراہ نعیم رسول نے شرکت کی جنہوں نے متحدہ عرب امارات (یو اے ای) کا پرچم اتحاد کے علامتی انداز میں بلند کیا۔ پاکستان ایسوسی ایشن دبئی دوستی اور حب الوطنی کے جذبے کو اجاگر کرنے کے لئے ثقافتی اور کھیلوں کے ذریعے متحدہ عرب امارات کے پرچم کو عزت دیتا ہےاور دونوں ممالک کے درمیان مضبوط رشتوں اور مشترکہ اقدار کے ثبوت کے طور پر کام کرتا ہے-

مولانا فضل الرحمان کی قطر میں حماس رہنماؤں سے ملاقات، غزہ کی صورتحال پر تبادلہ خیال

جمعیت علماء اسلام ( ف ) کے سربراہ مولانا فضل الرحمان نے قطر میں فلسطینی مزاحمتی تحریک حماس کے رہنماؤں سے ملاقات کی ہے جس کے دوران غزہ کی صورتحال پر گفتگو کی گئی۔
ترجمان جے یو آئی اے اسلم غوری نے بتایا کہ مولانا فضل الرحمان وفد کے ہمراہ ہفتے کے روز قطر پہنچے تھے جہاں انہوں نے حماس کے رہنماؤں خالد مشعل اور اسماعیل ہنیہ سے ملاقات کی ہے جبکہ ملاقات کے دوران سیکرٹری جنرل جے یو آئی سندھ مولانا راشد محمود سومرو اور مفتی ابرار احمد بھی موجود تھے۔
اسلم غوری نے بتایا کہ ملاقات کے دوران رہنماؤں کے درمیان مسئلہ فلسطین پر تفصیلی تبادلہ خیال ہوا۔
ملاقات کے دوران مولانا فضل الرحمان کا کہنا تھا کہ اسرائیل قبلہ اول کو ہیکل میں بدلنے کی مذموم کوشش کررہا ہے جبکہ فلسطینی صرف اپنی زمین نہیں امت کی طرف سے قبلہ اول کی آزادی کی جنگ لڑ رہے ہیں اور اب وقت آگیا ہے امت مسلمہ عملی میدان میں فلسطینی بھائیوں کے شانہ بشانہ کھڑی ہو۔
مولانا فضل الرحمان کا کہنا تھا کہ ترقی یافتہ ممالک کے ہاتھ معصوم بچوں اور خواتین کے خون سے رنگے ہیں۔
سربراہ جمعیت علماء اسلام نے شہداء کے درجات کی بلندی اور زخمیوں کی جلد صحتیابی کی دعا بھی کی۔
ترجمان جے یو آئی کے مطابق ملاقات کے دوران حماس رہنما اسماعیل ہنیہ کا کہنا تھا کہ امت مسلمہ کا فرض ہے کہ وہ اسرائیلی مظالم کے خلاف متحد ہو جائے، انسانی حقوق کے دعویدار ممالک ہتھیاروں سے بھرے جہاز تل ابیب بھیج رہے ہیں۔
اسماعیل ہنیہ نے کہا کہ امت مسلمہ بھی اپنے فلسطینی بھائیوں کی حمایت کے لئے میدان میں نکلے اور مسلمان ممالک بھی اپنی فلسطینی ماؤں بہنوں اور بھائیوں کی مدد کریں۔
اس موقع پر حماس رہنما خالد مشعل کا کہنا تھا کہ کشمیر اور فلسطین میں مظالم انسانی حقوق کے دعویداروں کے منہ پر طمانچہ ہے۔

ذکاء اشرف کا فخر زمان کیلئے 10 لاکھ روپے انعام کا اعلان

چیئرمین پاکستان کرکٹ بورڈ (پی سی بی) منیجمنٹ کمیٹی ذکاء اشرف نے فخر زمان کے لیے 10 لاکھ روپے انعام کا اعلان کیا ہے۔
ذکاء اشرف نے نیوزی لینڈ کے خلاف میچ کے بعد فخر زمان سے فون پر بات بھی کی اور ان کی جارحانہ اننگز کی تعریف کی۔
ذکاء اشرف نے آئندہ میچوں کے لیے نیک خواہشات کا اظہار بھی کیا، ان کا کہنا تھا کہ امید ہے آپ ایسی مزید اننگز بھی کھیلیں گے۔
خیال رہے کہ آج ہونے والے آئی سی سی ون ڈے ورلڈکپ کے 35 ویں میچ میں پاکستان نے ڈک ورتھ لوئس (ڈی ایل ایس) میتھڈ کے تحت نیوزی لینڈ کو 21 رن سے شکست دے دی۔
فخر زمان نے شاندار بیٹنگ کا مظاہرہ کرتے ہوئے 63 گیندوں پر 9 چھکے اور 6 چوکوں کی مدد سے کیرئیر کی 11 ویں سنچری بنائی جو ورلڈکپ میں ان کی پاکستان کی طرف سے تیز ترین سنچری ہے، فخر زمان نے 81 گیندوں پر 126 رن کی ناقابل شکست اننگز کھیلی، ان کی اننگز میں 11 چھکے اور 8 چوکے شامل تھے۔
فخر زمان نے شاہد آفریدی کا ایک اننگز میں سب سے زیادہ چھکوں کا قومی ریکارڈ بھی برابر کردیا

موبائل فونز کی درآمدات میں تین ماہ کے دوران سالانہ بنیادوں پر 364 فیصد کمی

موبائل فونز کی درآمدات میں جاری مالی سال کی پہلی سہ ماہی میں سالانہ بنیادوں پرنمایاں کمی ریکارڈکی گئی ہے۔
سٹیٹ بینک اورپی بی ایس کی جانب سے اس حوالہ سے جاری کردہ اعدادوشمارکے مطابق جاری مالی سال کی پہلی سہ ماہی میں موبائل فونز کی درآمدات پر 15.36 ملین ڈالر کا زرمبادلہ صرف ہوا جوگزشتہ مالی سال کی اسی مدت کے مقابلہ میں 364 فیصدکم ہے،گزشتہ مالی سال کی اسی مدت میں موبائل فونز کی درآمدات پر71.21 ملین ڈالرکازرمبادلہ صرف ہواتھا
ستمبر2023 میں موبائل فونز کی درآمدات کاحجم 7.048 ملین ڈالرریکارڈکیاگیا جواگست میں 4.97 ملین ڈالراورگزشتہ سال ستمبرمیں 85.81 ملین ڈالرتھا،مالی سال 2023 میں موبائل فونز کی درآمدات پر90.88 ملین ڈالرکازرمبادلہ صرف ہوا تھا ۔ واضح رہے کہ مالی سال کی پہلی سہ ماہی میں ٹیلی کام گروپ کی مجموعی درآمدات کاحجم 366.31 ملین ڈالرریکارڈکیاگیاہے جو گزشتہ مالی سال کی اسی مدت میں 209.52ملین ڈالرتھا۔

چائے کی درآمدات میں سالانہ بنیادوں پر 32.30 فیصد کی نموریکارڈ

چائے کی درآمدات میں جاری مالی سال کی پہلی سہ ماہی میں سالانہ بنیادوں پر 32.30 فیصدکی نموریکارڈکی گئی۔
پاکستان بیوروبرائے شماریات اور سٹیٹ بینک کی جانب سے اس حوالہ سے جاری کردہ اعدادوشمار کےمطابق جاری مالی سال کی پہلی سہ ماہی میں چائے کی درآمدات پر 184.061 ملین ڈالرکا زرمبادلہ صرف ہواجوگزشتہ مالی سال کی اسی مدت کے مقابلہ میں 32.30 فیصدزیادہ ہے۔
گزشتہ مالی سال کی اسی مدت میں چائے کی درآمدات پر 139.11 ملین ڈالرکازرمبادلہ صرف ہوا تھا۔ ستمبر میں چائے کی درآمدات کا حجم 58.11 ملین ڈالر ریکارڈکیاگیا جواگست میں 59.27 ملین ڈالر اور گزشتہ سال ستمبرمیں 55.96 ملین ڈالرتھا،مالی سال 2023 میں چائےکی درآمدات پر495.36 ملین ڈالر کازرمبادلہ صرف ہوا تھا ۔
واضح رہے کہ پہلی سہ ماہی میں اشیائے خوراک کی مجموعی درآمدات کاحجم 1.696 ارب ڈالرریکارڈکیاگیاہےجوگزشتہ مالی سال کی اسی مدت میں 2.290 ارب ڈالرتھا۔

شارجہ میں Inverex Solar Energyکے پہلے آؤٹ لیٹ کا شاندار افتتاح ہو گیا،

شارجہ. امارات میں Inverex Solar Energyکے پہلے آؤٹ لیٹ کا شاندار افتتاح ہو گیا، تقریب میں Inverexسولرانرجی کے سی ای او ایم ذاکر علی نے بطور مہمان خصوصی شرکت کی
 ایم ذاکر علی نے میڈیا سے بات کرتے ہوئے بتایا کہ متحدہ عرب امارات میں یہ آؤٹ لیٹ Inverex سولر انرجی کی مصنوعات برآمد کرنے کا گیٹ وے ثابت ہو گا، ہورے خطے میں اور دوسرے ممالک جیسے مصر، شام ، لبنان ، سری لنکا ، نیپال اور بنگلہ دیشن میں اس کی پراڈکٹس برآمد کی جائیں گی، Inverexسولرانرجی پائیدار توانائی کے حل میں ایک معیاری نام ہے جو کبھی بھی اپنی کوالٹی میں کوئی سمجھوتہ نہیں کرتا، کمپنی کے برانڈ ایمبیسڈر چا چا پاکستانی نے میڈیا سے خطاب کرتے ہوئے کہا کہ ایم ذاکر علی کی وزنری قیادت نے پائیدار توانائی کے حل کو آگے بڑھانے میں ایم کردار ادا کر رہے ہیں ، افتتاح کے موقع پر فاروق انجم شاہ المعرف چاچا پاکستانی اور مشہور ٹک ٹاکرز چھوٹے بھائی اور بڑے بھائی کی انٹری نے دھوم مچادی اور عوام کی کثیر تعداد میں شرکت کی,

یونان میں 5.1 شدت کا ہولناک زلزلہ،گہرائی 10 کلومیٹر ریکارڈ

یونان میں زلزلے کے شدید جھٹکے محسوس کئے گئے ہیں،جس کے بعد لوگوں میں خوف و ہراس پھیل گیا۔
امریکی زلزلہ پیما مرکز کے مطابق ریکٹر اسکیل پر زلزلے کی شدت 5.1 ریکارڈ کی گئی۔ زلزلہ پیما مرکز نے یونان زلزلے کی گہرائی 10 کلو میٹر ریکارڈ کی گئی ہے۔
مقامی میڈیا رپورٹس کے مطابق 3.7 کے آفٹر شاکس بھی ریکارڈ کئے گئے۔حکام کی جانب سے شہریوں کو بلند عمارتوں سے دور رہنے کی ہدایت کی ہے۔ ،تاہم کسی جانی و مالی نقصان کی اطلاعات موصول نہیں ہوئیں۔
واضح رہے کہ یونان میں سب سے زیادہ زیرسمندر آنے والے زلزلے عام ہیں

عالمی رہنما غزہ پر اسرائیلی بمبار ی کے جرم میں شریک ہیں،انجلینا جولی

مریکی اداکارہ اور اقوام متحدہ کے ہائی کمشنر برائے مہاجرین کی سابق خصوصی ایلچی انجلینا جولی نےغزہ کی محصور آبادی پر وحشیانہ بمباری کرنے پر اسرائیل کو سخت تنقید کا نشانہ بنایا ہے اور عالمی رہنمائوں کو شریک جرم قرار دیا ہے۔
اپنی انسٹا گرام پوسٹ میں انہوں نے کہا کہ اسرائیل غزہ میں ایک ایسی آبادی پرجان بوجھ کر بمباری کر رہا ہے جہان مقیم لوگوں کے پاس اپنی جانیں بچانےکے لئے بھاگنے کی بھی جگہ نہیں۔ انہوں نے کہا کہ لاکھوں کی آبادی کے علاقے غزہ جس کی اسرائیل نے دو عشروں سے ناکہ بندی کر کے اسے ایک کھلی جیل میں تبدیل کر رکھا ہے ، بمباری کے نتیجہ میں تیزی سے انسانوں کا اجتماعی قبرستان بنتا جا رہا ہے۔
انہوں نے مزید کہا کہ اسرائیلی بمباری کے نتیجہ میں مارے جانے والوں میں 40 فیصد معصوم بچے ہیں۔ انہوں نے کہا کہ غزہ میں فلسطینیوں کے پورے پورے خاندانوں کو قتل کیا جا رہا ہے۔ دنیا دیکھ رہی ہے کہ بہت سے ممالک کی حکومتوں کی فعال حمایت کے ساتھ، لاکھوں فلسطینی شہریوں جن میں بچے ، خواتین اور پورے پورے خاندان شامل ہیں کو اجتماعی طور پر سزا دی جا رہی ہے اور ان سے غیر انسانی سلوک کیا جا رہا ہے۔
او ر یہ سب ایسے حالات میں ہو رہا ہے کہ وہ خوراک، ادویات اور انسانی امداد سے محروم ہیں جو بین الاقوامی قانون کے خلاف ہے۔انہوں نے کہا کہ انسانی بنیادوں پر جنگ بندی کا مطالبہ کرنے سے انکار اور سلامتی کونسل کو غیر موثر کر کے عالمی رہنما ان جرائم میں اسرائیل کے شریک بن چکے ہیں

برسلز میں پاکستانی سفارت خانے میں ورچوئل ای کچہری کا انعقاد

بیلجیئم، لکسمبرگ اور یورپی یونین میں پاکستان کی سفیر آمنہ بلوچ نے بیلجیئم اور لکسمبرگ میں مقیم پاکستانی کمیونٹی کے ارکان کے لیے ای کچہری کا اہتمام کیا۔ سفارتخانہ سے جاری ایک پریس ریلیز کے مطابق انہوں نے کمیونٹی ممبران کے ذریعہ اٹھائے گئے مسائل کو سنا اور انہیں ان کے بروقت حل کی یقین دہانی کرائی۔
شرکاء کو ای کچہری اجلاس میں رپورٹ کیے گئے ان کے مسائل کے حل کے لئے سفارت خانے کی جانب سے کی جانے والی کوششوں سے آگاہ کیا گیا۔
اس مصروفیت کا اہتمام پاکستانی کمیونٹی تک پاکستانی سفارت خانے کی رسائی کے ایک حصے کے طور پر کیا گیا تھا۔
اس منصوبے کا مقصد پاکستانی کمیونٹی کی بہتر انداز میں خدمت کرنا ہے۔
سفارتی ذرائع کے مطابق بیلجیئم میں واقع پاکستان کا سفارتی مشن ہر ماہ پاکستانی شہریوں کے لیے ای۔کھلی کچہری کا اہتمام کرتا ہے تاکہ انہیں جو بھی ضروری مدد درکار ہو وہ فراہم کی جا سکے۔
سفیر آمنہ بلوچ نے ان ماہانہ ای کچہری انٹرایکٹو اجلاسوں میں فعال شرکت پر کمیونٹی ممبران کا بھی شکریہ ادا کیا۔ کمیونٹی ممبران نے کمیونٹی کے ساتھ باقاعدگی سے بات چیت کا انتظام کرنے پر سفیر کا شکریہ ادا کیا۔ سفیر نے سفارت خانے کی اوپن ڈور پالیسی پر زور دیا اور ورچوئل فارمیٹ سے آگے بڑھ کر مصروفیت کی حوصلہ افزائی کی

اسرائیل کی اسکول پر بمباری، 27 فلسطینی شہید

اسرائیل نے غزہ میں اسکول پر بمباری کر دی جس کے نتیجے میں 27 افراد شہید ہو گئے۔
غیر ملکی خبر رساں ایجنسی کے مطابق اسرائیل کی غزہ پر جارحیت کا سلسلہ جاری ہے اور اسرائیل نے غزہ میں اقوام متحدہ کے زیر انتظام چلنے والے اسکول پر بھی بمباری کر دی۔
اسرائیل کی جانب سے بے گھر فلسطینیوں کو فاسفورس بم سے نشانہ بنایا گیا۔ جس کے نتیجے میں متعدد افراد زخمی بھی ہوئے۔
دوسری جانب غزہ پر اسرائیلی حملوں میں بھارتی نژاد فوجی بھی ملوث نکلے۔ حماس کی جوابی کارروائی میں مارے جانے والے اسرائیلی فوجیوں کی شناخت کے دوران بھارتی نژاد کی لاش بھی سامنے آئی۔ جس کی تصدیق بھارتی میڈیا کی جانب سے بھی کی گئی

ورلڈکپ 2023 سنچریز کا ورلڈکپ بن گیا، ریکارڈ کی بھرمار

انٹرنینشل کرکٹ کونسل (آئی سی سی) ون ڈے ورلڈکپ کی 48 سالہ تاریخ میں سنچریز کے تمام ریکارڈز ٹوٹ گئے، ورلڈکپ 2023 میں اب تک 32 میچز میں 25 سنچریز بن چکی ہیں.
بھارت کی میزبانی میں جاری آئی سی سی ون ڈے ورلڈکپ کے 13 ویں ایڈیشن میں کئی ریکارڈز ٹوٹ چکے ہیں۔ میگا ایونٹ میں اب بھی 16 میچز باقی ہیں جس میں مزید نئے ریکارڈز بننے کی امید ہے۔
انہی میں سے ایک ریکارڈ سنچریز کا ہے، 1975 سے اب تک اس ورلڈکپ میں پہلے 10 میچز میں سب سے زیادہ سنچریز داغی جاچکی ہیں۔ رواں سال میگا ایونٹ کے صرف پہلے 10 میچز میں 12 سنچریز بنائی گئیں۔
ورلڈکپ 2023 کے پہلے دس میچز میں سنچریز داغنے والے نمایاں بلے بازوں میں ڈیون کونوائے، رچن روندرا، کوئنٹن ڈی کوک، وین ڈر ڈیوسن، عبداللہ شفیق، محمد رضوان اور روہت شرما شامل ہیں۔
2019 کے ورلڈکپ کی بات کی جائے تو ٹورنامنٹ کے اختتام تک 31 سنچریز بنائی گئی تھیں جبکہ 2015 ورلڈکپ میں مجموعی سنچریز کی تعداد 39 رہی تھی۔ اس میگا ایونٹ میں اب تک 25 سنچریز صرف 32 میچز میں ہی مکمل ہوچکی ہیں۔

بھارت کیخلاف امریکی سینیٹ میں قرارداد پیش

بھارت میں مذہبی اور سیاسی جبر کے خلاف امریکی سینٹ میں قرارداد پیش کر دی گئی۔
غیر ملکی خبر رساں ایجنسی کے مطابق بھارت کے خلاف امریکی سینٹ میں قرارداد سینیٹر ٹیمی بالڈون نے پیش کی۔ قرارداد کے متن میں کہا گیا کہ بھارت میں مذہب کی بنیاد پر امتیازی پالیسیوں کا معاملہ اٹھایا جائے۔
متن کے مطابق بھارت میں پرامن مظاہرین پر تشدد کے خاتمے کے لیے بھارتی حکومت سے بات کی جائے کیونکہ مذہبی آزادی بنیادی حق ہے اور خلا ف ورزی پر امریکہ کو کھڑا ہونا اور بولنا چاہیے۔
قرارداد میں کہا گیا کہ منظم مذہبی اور سیاسی ظلم وستم روکنے کے لیے بھارت پر دباؤ ڈالا جائے۔ بھارت شہریوں کو خطرے میں ڈال رہا ہے اور حق رائے دہی سے محروم کر رہا ہے۔
مطالبہ کیا گیا کہ بھارت میں مسلمانوں اور مسیحیوں کے خلاف امتیازی پالیسیاں تبدیل کرنے کے لیے کام کیا جائے۔

جذبہ انٹرنیشنل2 نومبرتا 9 نومبر 2023

سفیرپاکستان فیصل نیاز ترمذی نے پاکستان پویلین کا افتتاح اور مختلف سٹالز کا دورہ کیا۔

پاکستان بیوٹی ورلڈ مڈل ایسٹ، دبئی میں 30 سے زائد کمپنیوں کے ساتھ شرکت کر رہا ہے۔ بیوٹی ورلڈ مڈل ایسٹ مشرق وسطیٰ میں خوبصورتی کی مصنوعات کی سب سے بڑی نمائش ہے- 30 اکتوبر سے یکم نومبر 2023 تک دبئی ورلڈ ٹریڈ سینٹر میں منعقد ہونے والی اس نمائش میں 57 ممالک کے 1750 سے زائد نمائش کنندگان آٹھ متنوع مصنوعات کیٹیگریز میں شرکت کر رہے ہیں۔

پاکستانی نمائش کنندگان مختلف قسم کی مصنوعات کی نمائش کر رہے ہیں جن میں خوشبو، خوبصورتی، سکن کیئر اور ذاتی نگہداشت کی مصنوعات، بال، ناخن اور سیلون کا سامان وغیرہ شامل ہیں۔ سفیر فیصل نیاز ترمذی نے پاکستان پویلین کا افتتاح کیا اور مختلف سٹالز کا دورہ کیا۔ پاکستان کی بیوٹی انڈسٹری کے بارے میں بات کرتے ہوئے انہوں نے صارفین کی مختلف ضروریات کو پورا کرنے والی پاکستانی مصنوعات کی انفرادیت اور معیار کو سراہا۔ سفیر ترمذی نے کہا کہ دنیا میں قدرتی اور نامیاتی مصنوعات کی مانگ میں اضافہ ہو رہا ہے۔ پاکستانی مصنوعات خوبصورتی کی مصنوعات میں قدرتی اجزاء کا استعمال کرتے ہوئے ملک کے بھرپور ورثے کو اجاگر کرتی ہیں اور اس وجہ سے عالمی مارکیٹ کو اپنی طرف متوجہ کرتی ہیں۔ انہوں نے مزید کہا کہ پاکستانی برانڈز اب دنیا بھر میں پائیداری اور سستی ہونے کی وجہ سے پہچانے جا رہے ہیں۔ نمائش کنندگان نے نمائش میں ملنے والے رسپانس پر انتہائی اطمینان کا اظہار کیا۔ انہوں نے کہا کہ یہ نمائش عالمی مارکیٹ میں اپنی مصنوعات کی نمائش، تعاون کو فروغ دینے، خیالات کے تبادلے اور کاروباری شراکت داری کو فروغ دینے کا ایک بہترین پلیٹ فارم ہے۔

غیرقانونی طور پر مقیم افراد کی واپسی کی ڈیڈ لائن ختم، آپریشن شروع

پاکستان میں غیرقانونی طور پر مقیم افراد کی واپسی کی ڈیڈ لائن ختم ہو گئی۔ غیرقانونی طور پر مقیم افراد کے خلاف آپریشن شروع کر دیا گیا۔
وزارت داخلہ نے تمام صوبوں کو غیر قانونی طور پر مقیم افراد کی بے دخلی کا حکم دے دیا جبکہ معمولی جرائم میں زیر تفتیش اور سزا یافتہ غیرقانونی طور پر مقیم غیر ملکیوں کو بے دخل کر دیا جائے گا۔
وزارت داخلہ کے مطابق کوئی پاکستانی غیرقانونی افراد کو پناہ دینے میں ملوث پایا گیا تو سخت کارروائی کی جائے گی اور بیدخلی کے منصوبے کا اطلاق پاکستان میں غیر قانونی طور پر مقیم تمام غیر ملکیوں پر ہو گا۔
سندھ میں مقیم 2 لاکھ غیر قانونی تارکین وطن کی نشاندہی کا عمل مکمل کیا جا چکا ہے اور خیبر پختونخوا میں 3 لاکھ غیر قانونی طور پر مقیم شہریوں کو ہولڈنگ سینٹروں میں منتقل کیا جائے گا۔
واضح رہے کہ افغان شہریوں کی بڑی تعداد طورختم سرحد کے راستے افغانستان چلی گئی ہے۔ ڈیڈ لائن ختم ہونے کے بعد حکومت نے غیرقانونی طور پر مقیم افراد کے خلاف آپریشن شروع کر دیا ہے۔ حکام کے مطابق اب تک ایک لاکھ 4 ہزار 481 افغان پناہ گزین واپس جا چکے ہیں۔

ایک سال میں 6 لاکھ سے زائد اعلیٰ تعلیم یافتہ نوجوان پاکستان چھوڑ گئے

پاکستان کے خراب معاشی حالات کے پیش نظر ایک سال کے دوران پاکستان سے 6 لاکھ سے زائد اعلیٰ تعلیم یافتہ اور قابل نوجوان اچھے مستقبل کیلئے بیرون ممالک منتقل ہوچکے ہیں۔
رپورٹ میں بتایا گیا ہے کہ اعلیٰ تعلیم یافتہ نوجوانوں کی جانب سے بہتر زندگی کی تلاش میں ملک چھوڑ کر جانے کی شرح میں غیر معمولی اضافہ ہوگیا ہے۔
رپورٹ کے مطابق پاکستان کی خراب معاشی حالت سے تنگ 6 لاکھ سے زائد نوجوان اپنے اچھے مستقبل اور بہتر زندگی کی تلاش کیلئے بیرون ممالک منتقل ہوچکے ہیں۔
رپورٹ میں بتایا گیا ہے کہ پاکستان سے باہر جانیوالے نوجوانوں میں 6 ہزار 351 انجینئرز، 2 ہزار 580 ڈاکٹرز اور 1194 اساتذہ سمیت دیگر ماہرین شامل ہیں۔
میڈیا رپورٹس کے مطابق تارکین وطن کی روانگی میں سہولت فراہم کرنیوالے ٹریول ایجنٹس کا کہنا ہے کہ ملک چھوڑ کر جانیوالے افراد کی اصل تعداد رپورٹ ہونے والے اعداد و شمار سے کہیں زیادہ ہوسکتی ہے۔

غزہ میں روزانہ کم از کم 100 امدادی ٹرکوں کی اجازت دی جائے، فلسطینی مندوب

فلسطینی مندوب منصور ریاض نے کہا ہے کہ غزہ میں روزانہ کم از کم 100 امدادی ٹرکوں کی اجازت دی جائے۔
غیر ملکی خبر رساں ایجنسی کے مطابق اسرائیل فلسطین صورتحال پراقوام متحدہ کی سلامتی کونسل کا اجلاس ہوا جس میں خطاب کرتے ہوئے فلسطینی مندوب نے کہا کہ اسرائیل نے 3 ہفتے میں ہمارے 3 ہزار 500 بچے شہید کر دیئے۔ ہر 5 منٹ بعد ایک فلسطینی بچہ شہید کیا جا رہا ہے۔
انہوں نے کہا کہ ہمارے بچے بھی آپ کے بچوں کی طرح ہیں اور یہ جنگ ہمارے بچوں کے خلاف ہے۔ 23 لاکھ فلسطینی جو کچھ برداشت کر رہے ہیں وہ کوئی نہیں کرسکتا۔
منصور ریاض نے کہا کہ غزہ میں روزانہ کم ازکم 100 امدادی ٹرکوں کی اجازت دی جائے۔ فلسطینیوں کو روزانہ موت کی صورتحال کا سامنا ہے۔
انہوں نے کہا کہ آپ یہ کہنے کے لیے کتنے دن انتظار کریں گے کہ بس کرو کافی ہو گیا ؟ ہم نے دو ریاستی حل کو قبول کیا لیکن اب آپ کو عملدرآمد سے کون روک رہا ہے؟

ٹک ٹاک نے پاکستانی صارفین کی ایک کروڑ سے زائد ویڈیوز ڈیلیٹ کردیں

سوشل میڈیا ایپ ٹک ٹاک نے کمیونٹی گائیڈ لائنز‘ کی خلاف ورزی پر پاکستان سمیت دنیا بھر کی مجموعی طور پر 10 کروڑ 50 لاکھ سے زائد ویڈیوز ڈیلیٹ کر دی ہیں۔
جمعرات کو ٹک ٹاک نے 2023 کی دوسری سہ ماہی اپریل سے جون تک غلط معلومات سے نمٹنے اور پلیٹ فارم کو محفوظ بنانے کے لیے کمیونٹی گائیڈلائنز کے نفاذ کی رپورٹ جاری کی۔
رپورٹ کے مطابق 2023 کے دوران پاکستان میں کمیونٹی گائیڈ لائنز کی خلاف ورزی کرنے پر ایک کروڑ 41 لاکھ سے زائد ویڈیوز ڈیلیٹ کی گئیں۔ ٹک ٹاک سے ڈیلیٹ کی گئی ویڈیوز پلیٹ فارم پر موجود کل ویڈیوز کا سات فیصد ہے۔
رپورٹ کے مطابق ٹک ٹاک پر خودکار طریقے سے جعلی اکاؤنٹس میں اضافے کو روکنے کے لیے بھی احتیاطی اقدامات کیے گئے ہیں۔ ٹک ٹاک کے مطابق پاکستان میں خلاف ورزی کرنے والی 86.6 فیصد ویڈیوز کو ویوز ملنے سے قبل ہی ڈیلیٹ کر دیا گیا۔
ٹک ٹاک کا کہنا ہے کہ ’کمیونٹی گائیڈ لائنز کو تمام صارفین کے لیے ایک محفوظ، جامع اور مستند تجربے کو فروغ دینے کے لیے تیار کیا گیا ہے۔ ٹک ٹاک جدید ٹیکنالوجی سے خلاف ورزی کرنے والے کانٹینٹ کی نشاندہی کر سکے گا۔

اسرائیل کی القدس ہسپتال پر بمباری کی دھمکی، عالمی ادارہ صحت کا اظہارِ تشویش

عالمی ادارہ صحت (ڈبلیو ایچ او) نے اسرائیل کی جانب سے ڈاکٹروں کو غزہ کے القدس ہسپتال سے نکلنے کی دھمکی پر تشویش کا اظہار کیا ہے۔
مشرقِ وسطیٰ کے خبر رساں ادارے الجزیرہ کے مطابق ڈبلیو ایچ او نے اسرائیل کی طرف سے ہسپتال پر بمباری کی دھمکی دیے جانے پر رد عمل دیا۔ ڈبلیو ایچ او نے واضح کیا کہ القدس ہسپتال خالی کروانا مریضوں کی زندگی خطرے میں ڈالنے کے مترادف ہے۔
عالمی ادارے نے مؤقف اپنایا کہ القدس اسپتال کے قریب گولہ باری ،مریضوں کو مزید خطرات لاحق ہیں۔ اس حوالے سے القدس ہسپتال کے ڈائریکٹر بسام موراد نے بتایا کہ القدس اسپتال میں 14 ہزار کے قریب بے گھر افراد رہتے ہیں۔
خیال رہے کہ فلسطین ریڈ کریسنٹ سوسائٹی کے مطابق اسرائیلی فوج نے القدس ہسپتال کے عملے اور ڈاکٹروں کو نکل جانے کی دھمکی دی ہے۔ موجودہ صورتحال میں انتہائی نگہداشت کے مریضوں کو نکالنا ناممکن ہے۔
ڈائریکٹر جنرل ٹیڈروس ایڈہانوم گیبریسس نے اس حوالے سے اپنے ایک پیغام میں کہا ہے کہ صحت عامہ کے اداروں کا ہمیشہ تحفظ کیا جانا چاہیے۔

الخدمت فاؤنڈیشن کی غزہ متاثرین کیلئے امدادی سامان کی پہلی کھیپ روانہ

الخدمت فاؤنڈیشن کے تحت غزہ متاثرین کے لیے امدادی سامان کی پہلی کھیپ روانہ کردی گئی۔13ٹرکوں پر مشتمل امدادی سامان میں غذائی اجناس، ادویات ،ڈیلیوری کٹس، بے بی کٹس، ہائی جین کٹس، مچھر دانیاں اور ضرورت کی دیگر اشیاء موجود ہیں۔
اس موقع پر الخدمت فاؤنڈیشن پاکستان کے سیکرٹری جنرل سید وقاص جعفری نے میڈیا سے گفتگو کرتے ہوئے بتایا کہ پہلے مرحلے میں یہ امدادی سامان این ڈی ایم اے (نیشنل ڈیزاسٹر مینجمنٹ اتھارٹی) کی مدد سے مصر رفح بارڈر پہنچایا جائے گا، جس کے بعد یہ سامان غزہ پہنچے گا۔
انہوں نے کہا کہ امدادی سامان بھجوانے کے حوالے سے این ڈی ایم اے سے مسلسل رابطے میں ہیں اور غزہ میں بھجوایا گیا امدادی سامان این ڈی ایم اے کے ایس او پیز کے مطابق مینج اور پیک کیا گیا ہے۔الخدمت فاؤنڈیشن نے صورتحال خراب ہونے کے فوری بعد غزہ میں موجود بین الاقوامی رفاہی اداروں کے اشتراک سے میسر و موجود وسائل کو بروئے کار لاتے ہوئے امدادی سرگرمیوں کا آغاز کیا۔
انکا کہنا تھا کہ الخدمت فاؤنڈیشن کے تحت اب تک 15 کروڑ کا امدادی سامان فراہم کیا جا چکا ہے اور مزید1 ارب روپے بھی غزہ متاثرین کے لیے مختص کر دیے گئے ہیں،متاثرین میں تیار کھانے، خشک راشن، ادویات، ہائی جین کٹس اور ونٹر پیکج کی فراہمی کا کام جاری ہے۔
سید وقاص جعفری نے کہاکہ ہماری خواہش ہے کہ امدادی سامان جلدازجلد متاثرین تک پہنچے پاکستان سمیت دیگرمتعلقہ ممالک سے ہماری اپیل ہے سامان کی ترسیل میں اپنا مثبت اور موثر کردار ادا کریں تاکہ معصوم بچوں، خواتین سمیت عام شہریوں کی جانیں بچائی جاسکیں۔

افغان پناہ گزینوں کی پاکستان سے برطانیہ روانگی کا عمل شروع

پاکستان سے مخصوص کیٹیگری کے افغان پناہ گزینوں کی برطانیہ منتقلی کا عمل شروع ہوگیا ہے۔
اسلام آباد ایئرپورٹ سے پہلی خصوصی چارٹرڈ پرواز کے ذریعے 132 سے زائد افغان پناہ گزین برطانیہ روانہ ہوگئے۔
اسلام آباد ایئرپورٹ پر برطانوی ہائی کمیشن کے عملے کی نگرانی میں مخصوص کیٹیگری کے افغان پناہ گزینوں کے سفری دستاویز سمیت تمام پروسیجر مکمل کیا گیا۔
اس حوالے سے ایئرپورٹ پر ایف آئی اے امیگریشن کا الگ سے کاونٹرقائم کیا گیا تھا۔
پہلی پرواز میں خواتین اور بچے بھی شامل ہیں، افغان شہریوں کی برطانیہ منتقلی کے لئے ائیربس 330 ساختہ طیارے استعمال کئے جارہے ہیں۔
پاکستان سے برطانیہ منتقل ہونے والے افغان باشندوں کی مکمل تعداد ڈھائی سے تین ہزار کے درمیان ہے، پاکستان سے افغان شہریوں کے انخلاء کے لیے 12پروازیں آپریٹ ہوں گی، خصوصی پروازیں دسمبر کے وسط یا اختتام تک آپریٹ ہونگی۔

غزہ میں صحت کا بحران تباہ کن حدوں کو چھو رہا ہے، ڈبلیو ایچ او

نیویارک: عالمی ادارہ صحت (ڈبلیو ایچ او) نے خبردار کیا ہے کہ غزہ میں صحت کا بحران تباہ کن حدوں کو چھو رہا ہے۔
غیر ملکی خبر رساں ایجنسی کے مطابق ڈبلیو ایچ او نے مطالبہ کیا کہ جان بچانے والی ادویات کی غزہ تک بلاروک ٹوک رسائی دی جائے کیونکہ غزہ میں ہر گزرتا لمحہ بے حساب جانوں کو خطرے میں ڈال رہا ہے۔
ڈبلیو ایچ او نے کہا کہ دنیا جانیں بچانے کے مشن میں رکاوٹوں کو برداشت نہ کرے، غزہ میں صحت کا بحران تباہ کن حدوں کو چھو رہا ہے۔
عالمی ادارہ صحت نے خبردار کیا کہ اگر آج ایندھن کی فراہمی بحال نہ ہوئی تو غزہ میں امدادی آپریشن رک جائے گا۔

اسرائیل فلسطین کشیدگی، روس نے امریکی قرارداد مسترد کر دی

قوام متحدہ کی سلامتی کونسل کے اجلاس میں اسرائیل فلسطین کشیدگی پر روس نے امریکی تجاویز پر اعتراض کرتے ہوئے قرارداد کو مسترد کر دیا۔
غیر ملکی خبر رساں ایجنسی کے مطابق اقوام متحدہ کی سلامتی کونسل کے ہنگامی اجلاس میں روسی مندوب نے اسرائیل فلسطین کشیدگی پر امریکی تجاویز کو مسترد کیا۔ روسی مندوب نے کہا کہ تمام دنیا غزہ میں غیر مشروط جنگ بندی کی توقع کر رہی ہے لیکن امریکی قرارداد میں غیر مشروط جنگ بندی کی بات ہی نہیں۔
پاکستانی کے مستقل مندوب منیر اکرم نے غزہ پر اسرائیلی جارحیت کی مذمت کرتے ہوئے کہا کہ پاکستان غزہ میں فوری اور غیر مشروط جنگ بندی کا مطالبہ کرتا ہے جبکہ اسرائیلی فوج نے غزہ میں اسکولوں، اسپتالوں اور رہائشی علاقوں کو نشانہ بنایا۔
انہوں نے کہا کہ غزہ پر حملہ عالمی قوانین کی خلاف ورزی اور جنگی جرائم میں شامل ہے۔

غزہ میں دوران حراست اچھا سلوک کیا گیا، رہا ہونے والی یرغمالی اسرائیلی خاتون

فلسطینی عسکریت پسند گروپ حماس کی جانب سے رہا ہونے والی 85 برس کی اسرائیلی خاتون نے کہا ہے کہ اغوا کے دوران وہ سخت مشکل سے گزریں تاہم دو ہفتوں سے زیادہ حراست میں ان کے ساتھ اچھا سلوک کیا گیا۔
فرانسیسی خبر رساں ادارے اے ایف پی کے مطابق یوخوید لِفشٹز غزہ کی پٹی کے قریبی علاقے نیر اوز کی رہائشی ہیں۔
رہائی کے ایک دن بعد تل ابیب میں صحافیوں سے گفتگو کرتے ہوئے انہوں نے کہا کہ ’میں مشکل وقت سے گزری ہوں۔ میں نے سوچا نہیں تھا کہ اس صورتحال سے دوچار ہو جاؤں گی۔ انہوں نے ہمارے علاقے (کیبوتز) پر حملہ کیا۔ مجھے اغوا کیا اور مجھے موٹر سائیکل پر بٹھایا اور کھیتوں میں تیزی سے چلتے گئے۔‘
ان کے مطابق ’راستے میں ان لوگوں نے مجھے مارا پیٹا۔ انہوں نے میری پسلیاں نہیں توڑیں لیکن مجھے تکلیف ہوئی۔‘
ان کا مزید کہنا تھا کہ ’انہوں نے ہمارے ساتھ اچھا سلوک کیا۔ ایک ڈاکٹر ہر دو دن سے تین بعد یرغمالیوں سے ملنے آتا اور ادویات فراہم کرتا۔‘
ان کے 80 برس کے شوہر بھی غزہ میں دیگر 200 یرغمالیوں کے ساتھ ہیں۔
یوخوید لِفشٹز کا کہنا تھا کہ ’انہوں نے ہمارے ساتھ نرمی کا برتاؤ کیا اور تمام ضروریات فراہم کیں۔
ان سے جب پوچھا گیا کہ جب وہ رہا ہوئیں تو انہوں نے ایک عسکریت پسند سے مصافحہ کیوں کیا تو انہوں نے اپنے اغواکاروں کو ’دوستانہ مزاج‘ والا اور ’شائستہ‘ قرار دیا۔
انہوں نے صحافیوں کو بتایا کہ ’کہ وہ اس چیز کے لیے تیار تھے اور طویل عرصے سے اس کی تیاری کی تھی۔ ان کے پاس سب کچھ تھا جس کی خواتین اور مردوں کو ضرورت تھی بشمول شیمپو کے۔‘
یوخوید لِفشٹز کا کہنا تھا کہ ’ہم نے وہی کھانا کھایا جو وہ کھا رہے تھے۔ پیٹا کے ساتھ پنیر اور کھیرے۔ یہ پورے دن کا کھانا تھا۔‘
ان کے ساتھ نیر اوز کی ایک اور رہائشی 79 برس کی نوریت کوپر کو بھی رہا کیا گیا۔
نقد انعام کا اعلان
منگل کو اسرائیلی فوج کی جانب سے طیارے کے ذریعے گرائے گئے پمفلٹس میں غزہ کے شہریوں سے کہا ہے کہ نقد انعام کے بدلے یرغمال اسرائیلیوں کی موجودگی سے متعلق معلومات فراہم کریں۔
حماس کے محکمہ صحت کے عہدیداروں کا کہنا ہے کہ اسرائیل کے فضائی حملوں میں اب تک پانچ ہزار سے زیادہ افراد ہلاک ہو گئے ہیں۔
عرب زبان میں شائع کیے گئے پمفلٹس میں کہا گیا ہے کہ ’اگر آپ اپنے اور بچوں کے لیے بہتر مستقبل چاہتے ہیں تو اپنے علاقے میں ہمیں یرغمال افراد کے بارے میں معلومات فراہم کریں۔‘
اس پیغام میں مزید کہا گیا ہے کہ ’اسرائیل کی فوج وعدہ کرتی ہے کہ آپ کی اور آپ کے گھروں کی حفاظت کے لیے سب کچھ کرے گی اور نقد انعام بھی دے گی۔ ہم آپ کا نام صیغہ راز میں رکھنے کی مکمل ضمانت دیتے ہیں۔‘ اس پمفلٹ میں ایک ٹیلی فون نمبر بھی فراہم کیا گیا ہے۔

اسرائیلی طیاروں کی بمباری ، چرچ میں پناہ لینے والے 10 فلسطینی شہید ، تعداد 4300 سے زائد ہو گئی

اسرائیل نے غزہ کے قدیم ترین گرجا گھر پر بھی بمباری کردی، جس کے نتیجے میں چرچ میں پناہ لینے والے 10 فلسطینی شہید ہو گئے۔
اسرائیلی بربریت سے 1500 سے زائد بچوں سمیت شہدا کی تعداد 4 ہزار 300 سے تجاوز کر گئی جبکہ تقریباً 14 ہزار شہری زخمی ہو چکے ہیں، بمباری سے غزہ میں 30 فیصد سے زیادہ مکانات تباہ ہوچکے، بے گھر ہونیوالے فلسطینیوں کی تعداد بھی 10 لاکھ تک پہنچ گئی ہے۔
دوسری جانب مصر سے غزہ کی رفاہ کراسنگ نہ کھلنے کے باعث غزہ میں محصور فلسطینی امداد کے منتظر ہی رہ گئے، امدادی ٹرکوں کو غزہ میں داخلے کی اجازت نہیں دی گئی۔
اسرائیل نے فلسطینیوں پر مظالم کی میڈیا کوریج روکنے کی کوششیں شروع کردی اور سکیورٹی خدشات کی آڑ میں فلسطینی و عرب نشریاتی اداروں کو بند کرنے کی دھمکی بھی دے دی۔
ادھرغزہ کے اسپتالوں میں بجلی غائب ہے، ایندھن ختم ہونے پر جنریٹر بھی بند ہو گئے، جس کی وجہ سے اسپتالوں کا عملہ موبائل فون کی ٹارچ کی روشنی میں آپریشن کرنے پر مجبور ہو گیا۔
حماس کے رہنما اسماعیل ہنیہ نے خبردارکیا ہے کہ اسرائیلی جارحیت کے سبب تنازعہ علاقائی جنگ میں تبدیل ہوسکتا ہے،اس صورت میں یہ اسرائیل اور اس کے حامیوں کے قابو سے باہر ہوجائے گا۔

مجھے پاکستانی مت کہو ، کے بیان پر وقار یونس کو شدید تنقید کا سامنا

ورلڈ کپ میں پاکستان اور آسٹریلیا کے درمیان جمعہ کو ہونے والے میچ کے دوران سابق پاکستانی کپتان وقار یونس نے کہا کہ مجھے پاکستانی مت کہو ، اس بیان نے جہاں سب کو حیران کر دیا، وہاں سابق کرکٹر کو شدہد تنقید کا بھی سامنا ہے۔
وقار یونس نے آفیشل براڈ کاسٹرز کے پوسٹ میچ شو میں سابق آسٹریلوی کرکٹر شین واٹسن اور سابق کپتان ایرون فنچ کے ساتھ مزاحیہ انداز میں تبصرہ کرتے ہوئے کہا کہ ‘میں آدھا آسٹریلین ہوں مجھے صرف پاکستانی مت پکارو’۔
وقار یونس کا کمنٹ سوشل میڈیا پر وائرل ہونے کے بعد صارفین سابق کپتان کو سخت تنقید کا نشانہ بنا رہے ہیں۔
خیال رہے کہ وقار یونس کی اہلیہ ڈاکٹر فریال آسٹریلین شہری ہیں اور وقار یونس عرصہ دراز سے فیملی کے ہمراہ سڈنی میں رہائش پذیرہیں۔

نواز شریف وطن واپسی کے لئے دبئی ایئرپورٹ پہنچ گئے

مسلم لیگ ( ن ) کے قائد اور سابق وزیر اعظم نواز شریف وطن واپسی کے لئے دبئی ایئرپورٹ پہنچ گئے۔
یاد رہے کہ سابق وزیر اعظم اور مسلم لیگ ن کے قائد نواز شریف تقریباً خود ساختہ جلا وطنی کے بعد آج وطن واپس پہنچ رہے ،دبئی سے پاکستان روانگی سے قبل انہوں نے کہا کہ انتقام پر یقین نہیں رکھتا،ملک کو ہم سب کی ضرورت ہے ،کل بڑا پلان پیش کروں گا،میری زندگی کا مشن پاکستان کو معاشی لحاظ سے مضبوظ اور بااختیار کرنا ہے۔
سابق وزیر اعظم کے ہمراہ صحافی اور کارکنان کی بڑی تعداد موجود ہے جبکہ وہ دبئی ایئرپورٹ پر میڈیا سے گفتگو بھی کریں گے۔

یوٹیوب کا صارفین کیلئے 36 نئے فیچرز متعارف کرانے کا اعلان

یوٹیوب نے صارفین کے لیے 36 نئے فیچرز اور ڈیزائن اپ ڈیٹس متعارف کرانے کا اعلان کر دیا۔
غیر ملکی خبر رساں ایجنسی کے مطابق متعارف کرائے جانے والے ان فیچرز کے بعد صارفین کو بہتر والیم کنٹرول، ویڈیو کی تلاش میں بہتری اور ویڈیو کو لائیک یا چینل کو سبسکرائب کرنے کا بہتر تجربے کا احساس ہو گا۔
یوٹیوب کی جانب سے اکاؤنٹ تفصیلات کے ساتھ نیا یوٹیوب اور صارف کی واچ ہسٹری کا بھی اضافہ کیا گیا ہے۔
ایک بلاگ پوسٹ میں یوٹیوب کے پروڈکٹ مینجمنٹ ڈائریکٹر میتھیو ڈربی نے کہا کہ سروس نے اسٹیبل والیم نامی نیا فیچر متعارف کرایا ہے جس کا مقصد ویڈیو دیکھتے وقت آواز میں باآسانی اتار چڑھاؤ ہے اور یہ سیٹنگ صارفین کے لیے جاری کی جا چکی ہے جس کو ویڈیو سیٹنگ مینو میں ایڈیشنل سیٹنگز میں اسٹیبل والیم کے طور پر دیکھا جاسکتا ہے۔
کمپنی کے مطابق ویڈیو دیکھتے وقت دوسری ویڈیو کی تلاش کے عمل کو بھی آسان کیا گیا ہے جبکہ پورٹریٹ یا فل اسکرین موڈ میں ویڈیو دیکھتے وقت صارفین اسکرین کو دائیں جانب سے دبا کر رکھیں گے تو ویڈیو دُگنی رفتار سے چلنے لگے گی اور ایسا اس وقت تک ہو گا جب تک اسکرین کو چھوڑا نہ جائے۔
ویڈیو کے دوران تخلیق کار جب بھی ویڈیو لائیک کرنے یا چینل کو سبسکرائب کرنے کا کہے گا تب یہ بٹن واضح ہوں گے اور ویڈیو اپ لوڈ ہونے کے ابتدائی 24 گھنٹوں کے بعد صارفین ویڈیو اکاؤنٹس اپ ڈیٹ دیکھ سکیں گے۔

غزہ پراسرائیلی حملےجاری، تازہ بمباری میں مزید18 فلسطینی شہید

غزہ پراسرائیل کے حملے جاری ہیں اورجبالیہ کیمپ پر تازہ بمباری میں اٹھارہ فلسطینی شہید اور متعدد زخمی ہوگئے۔
غیر ملکی میڈیا رپورٹس کے مطابق فلسطین کی مزاحمتی تحریک حماس کے اسرائیل پر حملے کے بعد غزہ پر اسرائیلی فوج کے حملے جاری ہیں اور جبالیہ کیمپ پر تازہ بمباری میں اٹھارہ فلسطینی شہید اور متعدد زخمی ہوگئے، جس کے بعد شہید فلسطینیوں کی تعداد تین ہزار آٹھ سو سے تجاوز کرگئی۔
رپورٹس کے مطابق اسرائیلی طیاروں نے خان یونس پر بمبوں کی بارش کردی۔کئی میزائل ایک رہائشی عمارت پر آگرے۔ جس کے نتیجے میں ایک ہی خاندان کے تیس افراد شہید ہوگئے۔جن میں دس بچے بھی شامل تھے۔
المناک بات یہ ہے کہ شہداء میں ایک ہزار پانچ سو چوبیس بچے شامل ہیں ۔ ایک ہزار خواتین اور ایک سو بیس بزرگوں کی بھی جان لے لی گئی ۔اسپتال زخمیوں سے بھر چکے ہیں اور صورتحال انتہائی سنگین ہے۔
جنوبی غزہ میں بھی اسرائیل نے حملہ کیا، جس میں چھ افراد شہید اور دس زخمی ہوئے،ال قدس اسپتال کے قریب بھی بم برسائے گئے۔جس میں سیکڑوں افراد زخمی ہوگئے۔مغربی کنارے اور نابلوس میں بھی نو فلسطینیوں کو شہید کیا گیا۔امدادی ٹیمیوں ملبے سے لاشیوں نکال رہی ہیں ،لوگ اپنے پیاروں کی تلاش میں مارے مارے پھر رہے ہیں۔
فلسطینی حکام کے مطابق ملبے تلے اب بھی تیرا سو سے زائد افراد موجود ہیں۔جنہیں نکالنے کیلئے مشینری نہیں۔صیہونی سفاکیت نے غزہ کو سنگین انسانی بحران میں دھکیل دیا،اندھا دھند بمباری سے صحت کا نظام تباہی کے دہانے پر ہے۔
حکام کے مطابق بجلی اور پانی کی ترسیل بند ہے۔ زخمیوں کے علاج کیلئے دوائیاں بھی ختم ہوچکی ہیں،خدمت کے جذبے سے سرشار ڈاکٹرزدھمکیوں کے باوجود ذمہ داریاں نبھارہے ہیں۔

ورلڈ کپ 2023، پاکستان اور آسٹریلیا مدمقابل ، کس کا پلڑا بھاری

آئی سی سی کرکٹ ورلڈ کپ 2023 کا اہم میچ آج پاکستان اور آسٹریلیا کی ٹیموں کے درمیان کھیلا جائے گا۔ اب تک کے میچوں میں آسٹریلیا کو قومی ٹیم پر برتری حاصل ہے۔
کرکٹ ورلڈ کپ 2023 کا 18واں میچ آج شاہینوں اور گینگروز کے درمیان بنگلورو میں کھیلا جائے گا۔ دونوں ٹیمیں اب تک 107 ایک روزہ میچوں میں مدمقابل آ چکی ہیں جن میں سے آسٹریلیا نے 69 اور پاکستانی ٹیم نے 34 میچوں میں کامیابی حاصل کی ہے جبکہ 3 میچ بغیر کسی نتیجے کے ختم ہوئے اور ایک میچ برابر رہا۔
اب تک ہونے والے ورلڈ کپ میچوں میں دونوں ٹیمیں 10 بار آمنے سامنے آ چکی ہیں جن میں سے 6 میچوں میں آسٹریلیا اور 4 میچوں میں قومی ٹیم نے میدان مارا ہے۔
دونوں ٹیمیں میگا ایونٹ کے میچز میں 2 بار ایشیا میں مدمقابل ہوئیں، پہلی بار دونوں ٹیمیں 1987 کے ورلڈکپ کے سیمی فائنل میں لاہور کے قذافی اسٹیڈیم میں مدمقابل آئیں جس میں آسٹریلیا نے دلچسپ مقابلے کے بعد 18 رنز سے کامیابی حاصل کی۔
دوسری بار شاہین اور کینگروز 2011 کے ورلڈ کپ میں سری لنکا کے شہر کولمبو میں آمنے سامنے آئے جس میں جیت گرین شرٹس نے اپنے نام کی، پاکستان نے آسٹریلیا کو 4 وکٹوں سے شکست دی۔