خواتین میں جلد کے حوالے سے بڑھتے مسائل اور انکے سدباب کے حوالے سے سکن کیئر ، میک اپ اینڈ فیشن بیوٹی کے عنوان سے ورکشاپ کا انعقاد

خواتین میں سکن کے حوالے سے بڑھتے مسائل اور انکے سدباب کے حوالے سے سکن کیئر ، میک اپ اینڈ فیشن بیوٹی کے عنوان سے ایک ورکشاپ کا انعقاد کیا گیا۔ جس میں خواتین کو میک اپ کے دوران استعمال ہونے والی پروڈکس کے صحیح استعمال کے حوالے سے آگاہی فراہم کی گئ جس کو خواتین نے بے حد پسند کیا۔

سعودی عرب کے شہر الخُبر کے ایک مقامی ہوٹل میں معروف میک اپ آرٹسٹ اور فیڈریشن آف پاکستان چیمبر آف کامرس اینڈ انڈسٹری وویمنز سٹائل بیوٹی اینڈ سکن کیئر کی کنوینئر زہرا ذاہد نے ورکشاپ میں سکن کے حوالے سے خواتین کو پیش آنے والے مسائل اور انکے سدباب کے حوالے سے ماسٹر کلاس دی جس کو خواتین نے بہت سراہا۔

ورکشاپ سے آرٹسٹ زہرا ذائد نے خواتین کو میک اپ میں استعمال ہونے والی پروڈکس اور انکے صحیح استعمال کا طریقہ لائیو میک اپ کرتے ہوئے بتایا.
اس موقع پر زہرا ذائد نے کہا کہ۔سعودی عرب بہت بڑی مارکیٹ ہے اور میک اپ اور فیشن کے حوالے سے پاکستانی پروڈکس مارکیٹ میں اپنی اچھی جگہ بناسکتی ہیں اور ہمارا آج کی ورکشاپ کا ایک مقصد یہ بھی تھا پاکستانی پروڈکس کو متعارف کروایا جاسکے۔
ورکشاپ کی آرگنائیزر نازش انمول نے آرٹسٹ زہرا ذائد سمیت تمام خواتین کا شکریہ ادا کیا
میک اپ آرٹسٹ زہرا ذائد سمیت دیگر خواتین اور آرگنائزر نازش انمول کا میڈیا سے خصوصی گفتگو کرتے ہوئے کہنا تھا

شارجہ میں گھر میں آگ لگ گئی، پاکستانی باپ اور بیٹی جاں بحق

شارجہ میں گھر میں آگ لگنے سے پاکستانی شہری بیٹی سمیت جاں بحق ہوگیا، واقعے میں ماں اور 2 بچے زخمی بھی ہوئے۔
عرب میڈیا رپورٹس کے مطابق متحدہ عرب امارات کے شہر شارجہ میں ایک گھر میں آگ لگ گئی، آتشزدگی کا واقعہ پاکستانی خاندان کے گھر میں پیش آیا۔
رپورٹ کے مطابق واقعے میں باپ اور بیٹی جاں بحق ہوگئے جبکہ ماں اور 2 بچے زخمی بھی ہوئے۔
عرب میڈیا کے مطابق امدادی ٹیموں نے آگ پر قابو پاکر جاں بحق افراد کی میتیں اور زخمیوں کو اسپتال منتقل کردیا، واقعے سے متعلق تحقیقات جاری ہیں۔

مسلم لیگ ن دبئی نے متحدہ عرب امارات کا 52 واں نیشنل ڈے منایا

دبئی متحدہ عرب امارات کا نیشنل ڈے ہر سال 2 دسمبر کو قومی سطح پر منایا جاتا ہے جبکہ یہاں موجود تمام قومیتوں کے لوگ بھی امارا تیوں کی خوشیوں میں شریک ہوتے ہیں
اور انفرادی و اجتماعی سطح پر اپنے اپنے انداز سے امارات کا قومی دن تزک و احتشام سے مناتے ہیں- اس سال مسلم لیگ ن دبئی کے سینئر نائب صدر میاں غلام محی الدین نے امارات کا 52 واں نیشنل ڈے دبئی کے ایک ریسٹورنٹ پر منانے کا اہتمام کیا جس میں مسلم لیگ ن متحدہ عرب امارات وومن ونگ کی صدر اور سوشل میڈیا ٹیم کی ہیڈ فرزانہ کوثر، وومن ونگ کی جنرل سیکرٹری ڈاکٹر نسیم کاشف، مسلم لیگ ن دبئی کے صدرعامر سہیل گھمن، حافظ بابر شہزاد، علی جاوید، انجنیئر عمران، چودھری مقدس محبوب اور دیگر لیگی کارکنوں نے شرکت کی- نیشنل ڈے کی تقریب میں سینئر مسلم لیگی زبیر میرمہمان خصوصی تھے- تقریب میں متحدہ عرب امارات کے 52 ویں نیشنل ڈے کی مناسبت سے کیک کاٹا گیا، ایک دوسرے کو مبارکباد دی گئی، متحدہ عرب امارات کے عوام اور حکمرانوں کے لئے نیک تمناؤں کا اظہار کیا گیا- نیشنل ڈے کے پر مسرت موقع پرایک سینئر مسلم لیگی حافظ بابر شہزاد نے سب کی موجودگی میں مسلم لیگ ن میں شمولیت کا اعلان کیا جس پر متذکرہ تمام لیگی لیڈران اور عہدیداران نے انہیں ن لیگ میں شامل ہونے پر خوش آمدید کہا اور انہیں ساتھ لے کر چلنے کا عہد کیا- متذکرہ شرکائے تقریب نے پاک امارات تعلقات کو مضبوط کرنے کا عہد بھی کیا- تقریب کا اہتمام کرنے پر سب نے غلام محی الدین کا شکریہ ادا کیا جبکہ میزبان نے تمام مہمانوں کی آمد پر ان کا بھی شکریہ ادا کیا اور مہمانوں کی تواضع پر تکلف ہائی ٹی سے کی-

دبئی. سپر فکس ٹیپ بال چئمپئن شپ سیزن ٹو کی کٹ لانچنگ اور ٹرافی کی رنگا رنگ تقریب

دبئی. سپر فکس ٹیپ بال چئمپئن شپ سیزن ٹو کی کٹ لانچنگ اور ٹرافی کی رنگا رنگ تقریب رونمائی دبئی کے مقامی ہوٹل میں منعقدہوئی. جس میں میزبانی کے فرائض محمد عاشق اور صوفیہ انجم نے ادا کئے۔ پاکستانی ٹیم کے سابقہ کپتان اور کرکٹ کے نامور کھلاڑی بوم بو م شاہد خان آفریدی کی بطور برانڈ ایمبسیسڈر تقریب میں شرکت کی
 

تقریب کا باقاعدہ آغاز تلاوت کلام پاک سے ہوا اور اس کے بعد یو اای اور پاکستان کا قومی ترانہ پیش کیا گیا سپر فکس گروپ کے وائس چئیر مین خاور لطیف نے تقریب سے خطاب کرتے ہوۓ کہا کہ سپر فکس اب ایک برانڈ بن چکا ہے اور اس برانڈ کے پیچھے پوری ٹیم کی محنت ہے اور نوید صاحب نے سپر فکس کا جو پودا لگا یا ہے وہ اب ایک تن آور درخت کی شکل اختیار کر گیا ہے سپر فکس کے چئیر مین نوید احمد نے اپنے خطاب میں تمام معز زمہمانوں کا شکریہ اد کیا اورکہا کہ آج میرے لیے فخر کی بات ہے کہ ہمار ے درمیان نامور کھلاڑی شاہد آفریدی موجود ہیں اور میرا مقصد یو اے ای کے علاوہ باقی ممالک کے کھلا ڑیوں کو ٹیپ بال کے لیے ایک بہترین پلیٹ فارم مہیا کرنا ہے تا کہ وہ اپنی صلا حیتوں کا مظاہرہ کر سکیں سپر فکس گروپ کے برانڈ ایمبسیسڈرشاہد آفریدی نے نوید احمد کی کرکٹ کے لیے کاوشوں کو سراہا اور کہا کہ مجھے ایسا محسوس ہو رہا ہے جیسے یہ پی ایس ایل کا ایونٹ ہو رہا ہے تمام تیاریاں اور انتظامات کسی بھی انٹرنیشنل لیگز سے کم نہیں ہیں۔ شاہد آفریدی نے مزید کہا کہ اگلے سال میں پاکستان سے اپنی ٹیم خود لے کرآؤں گااور بطور کپتان اس ٹیم کو لیڈ کروں گا۔ اور اس طرح کے ایونٹ میں کھلاڑیوں کو اپنی صلا حیتیں دکھا نے کا موقع ملے گا تقریب میں پاکستان اور باقی آٹھ ممالک کے ٹیم کیپٹن اور ٹیم اونر نے شاہد آفریدی کے ساتھ کٹ لانچنگ میں شرکت کی تقریب میں سپانسرز کو اعزازی شیلڈز بھی پیش کی گئیں او ر سپر فکس میں بطور سپانسرز ان کی شرکت پر نوید احمد نے ان کا شکریہ ادا کیا سپر فکس چئمپئن شپ سیزن ٹو یکم دسمبر سے شارجہ کرکٹ سٹیڈیم میں شروع ہو رہی ہے جس میں شائقین کرکٹ کے لیے عمرے کے ٹکٹ اور بہت سے انعامات رکھے گئے ہیں.سپر فکس کے چئیرمین اور وائس چئیرمین نے سپر فکس کی مینجمنٹ ٹیم کا بھی شکریہ ادا کیا اور کہا کہ یہ کامیابی ٹیم ورک کا نتیجہ ہے۔ مینجمنٹ ٹیم میں میجشین عمر ، یاسر صدیق ، ندیم فضل ، شیبر احمد زوہیب نبیل، توقیر احمد ، عثمان لاہوری اور سجاد عباسی نے شرکت کی۔ سپر فکس چمپئین شپ سیزن ٹو کے لئے الدبوی گروپ نے بطور پلاٹینیم سپانسر شامل ہیں اور جنرل مینجر محمد وقاص نے تقریب میں شرکت کی جبکہ چمپئین ڈیجیٹل بطور گولڈ سپانسر شامل ہیں اور جناب شبیر مرچنٹ ڈائریکٹر چیمپئن گروپ ، شعیب مرچنٹ ڈائریکٹر جمپئین نیون اور شاذیل مرچنٹ ڈائریکٹر چمپئین ڈیجٹل بھی شریک ہوئے۔
 

شاہد آفریدی سپرفکس انٹرنیشل ٹیپ بال لیگ سیزن ٹو کے برانڈ ایمبیسڈرمقرر

دبئی, شاہد آفریدی کا نام کسی تعارف کا محتاج نہیں بوم بوم آفریدی کی شاندار آل راؤنڈ کارکردگی کے سب ہی فین ہیں ۔ دنیا بھر کی طرح یواے ای میں شاہد آفریدی کے بہت چاہنے والے ہیں جن کے لئے خوشی کی خبر ہے کہ وہ جلد دبئی آرہے ہیں کیونکہ انہیں سپرفکس انٹرنیشنل ٹیپ بال لیگ سیزن 2 کے لئے برانڈ ایمبیسڈر مقرر کردیا ہے۔ چئیرمین سپر فکس نوید احمد نے کراچی میں شاہد آفریدی سپر فکس انٹرنیشل ٹیپ بال لیگ سیزن ٹو کے برانڈ ایمبیسڈر بن گئے۔ چئیرمین سپر فکس نوید احمد نے کراچی میں شاہد آفریدی سے ملاقات اور انہیں سپرفکس انٹرنیشل ٹیپ بال کرکٹ لیگ بارے بریفنگ دی ۔ شاہد خان آفریدی نے ٹیپ بال میں اس طرح کے ایونٹ کی بھر پور تعریف کی ۔ سپرفکس چئمپئن شپ یکم دسمبر کو شارجہ کرکٹ سٹیڈیم میں شروع ہوگی اس 3 روزہ ایونٹ میں 8 ممالک کی ٹیمیں شرکت کریں گیں جس میں انڈیا اور پاکستان بھی شامل ہیں چئیرمین سپر فکس نوید احمد نے شاہد خان آفریدی کو ٹورنامنٹ کا برانڈ ایمبسڈر بننے پر مبارکباد دیتے ہوئے کہا کہ انہوں یو اے ای کے علاوہ پاکستان میں بھی کرکٹ کے فروغ کے لیے بہت سے اقدامات کیے اور ہمارےپاس ایک منظم ٹیم ہے جو سپر فکس کے پلیٹ فارم سے اپنی خدمات سرانجام دے رہی ہے۔
نوید احمد نے کہا کہ داؤد بوچھ پاکستان بھر میں کرکٹ کے فروغ کے لیے ہمیشہ سرگرم رہتے ہیں اسی طرح وہ سپرفکس انٹر نیشنل ٹیپ بال ایونٹ میں بھی متحرک ہیں اور پاکستان میں انہوں نے سپرفکس چئمپئن شپ کے لیے بہت زبردست کام کیا۔ نوید احمد نے مزید کہا کہ شاہد خان آفریدی جو کرکٹ کا ایک بڑا نام ہے، ان کا ہمارے ساتھ بطور برانڈ ایمبیسڈر دستخط کرنا ہماری بہت بڑی کامیابی ہے اور انشاءاللہ یہ ایونٹ تاریخ ساز ایونٹ ہو گا

سماجی راہنما راجہ مظہر حسین اور ڈاکٹر راجہ امین کے اعزازظہرانے کا اہتمام-

سماجی راہنما راجہ مظہر حسین اور ڈاکٹر راجہ امین کے اعزازظہرانے کا اہتمام-
چکوال کے اوورسیز پاکستانی اپنے ضلع کی ترقی میں کلیدی کردار ادا کر رہے ہیں اورمستقبل میں بھی وہ مثبت کردار ادا کرتے رہیں گے، راجہ مظہر
ظہرانے کا اہتمام ملک تصدق حسین اعوان اور راجہ رضوان حسین نے کیا-
میزبانوں کی طرف سے مہمانوں کی آمد کا شکریہ ادا کیا گیا-

دبئی (طاہر منیر طاہر) ملک تصدق حسین اعوان, راجہ رضوان حسین کی جانب سے سماجی راہنما راجہ مظہر حسین اور ڈاکٹر راجہ امین کے اعزاز میں دوبئی میں ظہرانے کا اہتمام کیا گیا. تقریب کا آغاز عارف محمود قریشی نے تلاوت قرآن مجید سے کیا, ندیم حیدر نے ہدیہ نعت پیش کی جبکہ خرم عباس مہرو نے نظامت کے فرائض انجام دیے۔ اس موقع پر راجہ مظہر حسین نے تقریب سے خطاب کرتے ہوۓ شرکاء محفل کا شکریہ ادا کیا۔ راجہ مظہر نے سیرت النبیؐ پر عمل پیرا ہونے پر زور دیا اور کہا کہ چکوال کے اوورسیز پاکستانی اپنے ضلع کی ترقی میں کلیدی کردار ادا کر رہے ہیں اورمستقبل میں بھی وہ مثبت کردار ادا کرتے رہیں گے۔ اور تمام اوورسیز پاکستانیوں کی بھرپور سپورٹ کرینگےکیونکہ ہماری نظر میں سب سے پہلے پاکستان,اس موقع پر تقریب سے حافظ اکرام اور چوہدری نثار نے بھی شرکاء سے اپنے خیالات کا اظہار کیا۔ تقریب میں حاجی جاوید اشرف، چوہدری مشتاق، راجہ عاقب ، شیخ عاطف یونس، محمد ثقلین، حاجی اشتیاق حسین، چوہدری جمشید حسین، ملک تصور حسین اعوان، حافظ اکرام، تصور گجر، چوہدری نعیم عباس، کوثر عباس، تیموراسلام ناصر، رحمان، چوہدری ندیم ، عبدالوہاب ،چوہدری عارف، ملک آصف اعوان، ملک عاطف، تنویر الحسن رفیق ، نثار حیدر، چوہدری وقار، عرفان منہاس، عارف امیر منہاس،اظہر، عباس، رضوان حسین ،خرم عباس مہرو،لقمان علی، قاری نعمان، غضنفر اقبال،اور دیگر معززین علاقہ نے کثیر تعداد میں شرکت کی۔ آخر میں راجہ رضوان حسین نے تمام مہمانوں شکریہ ادا کیا-

پاکستان سوشل سینٹر شارجہ میں محفل میلاد مصطفیٰ کا اہتمام ملک کی سلامتی اور سر بلندی اور ترقی کیلئے خصوصی دعائیں

پاکستان سوشل سینٹر شارجہ میں محفل میلاد مصطفیٰ کا اہتمام-
پاکستان سے آئے نامور علماء مشائخ اوراور یو اے ای کے نعت خوانوں کی شرکت-
ثناء خوانوں نے بارگاہ رسالت میں ہدیہ عقیدت پیش کر کے سماں باندھ دیا-
محفل میلاد مصطفیٰ میں ملک کی سلامتی اور سر بلندی اور ترقی کیلئے خصوصی دعائیں بھی مانگی گئیں-

دبئی (طاہر منیر طاہر) حضور ؐ کی تعلیمات پر عمل پیر ہو کہ ہم اپنی دنیا وآخرت سنوار سکتے ہیں ان خیالات کا اظہار پاکستان سے آئے نامور علماء مشائخ نے محفل میلاد مصطفیٰ میں اظہار خیال کرتے ہوئے کیا- پاکستان سوشل سینٹر شارجہ میں منعقد ہ محفل میلاد مصطفیٰ میں منتظم اعلیٰ وسیم نذر محمد نے آنے والے تمام معزز مہمانوں کو خوش آمدید کیا جنرل سیکرٹری افتخار چوھدری ڈائریکٹر عمران اسلم, فراز صدیقی, چوہدری بشیر احمد شاہد نے خصوصی شرکت کی, محفل میلاد مصطفیٰ ﷺ میں علماء مشائخ کے علاوہ پاکستان اور یو اے ای کے نامور ثناء خوانوں نے بارگاہ رسالت میں ہدیہ عقیدت پیش کر کے سماں باندھ دیا, معروف ثناخوانوں نے ذیشان گوہر، قاری محمد علی، شفقت علی قادری، حافظ محمد علی مصطفائی، مبشر احمد قادری، اعجاز احمد قادری، قاری محمد عبا س اور سرمد قادری نے بارگاہ رسالت میں نذرانہ عقیدت پیش کیا اور درود سلام بھی پیش کیا گیا، محفل میلاد مصطفیٰ کے منتظم وسیم نذر محمد نے تمام مہمانو ں کو تحائف بھی پیش کئے اور مہمانان خصوصی کی آمد پر ان کا شکر یہ بھی ادا کیا, اس موقع پر پاکستانی کمیونٹی کی کثیر تعداد شریک تھی جنہوں نے ملکر درود سلام پیش کیا شارجہ سنٹر میں منعقدہ محفل میلاد مصطفیٰ میں ملک کی سلامتی اور سر بلندی اور ترقی کیلئے خصوصی دعائیں بھی مانگی گئیں اور حاضرین میں محفل کے اختتام پر تبرک تقسیم کیا گیا ۔

حلقہ پی پی 214 پیپلز پارٹی سے ایم پی اے کے امیدوار ناظم ملتان سٹی زون زاہد خان کے اعزاز میں شارجہ میں عشائیہ

ائندہ الیکشن میں پیپلز پارٹی دو تہائی اکثریت سے کامیاب ہو کر حکومت بنائے گی اور وزیراعظم بلاول بھٹو زرداری ہوں گے، زاہد خان
پیپلز پارٹی پاکستان کی واحد جماعت ہے جو پاکستان کو بحرانوں سے نکال سکتی ہے، سمیع اللہ خان
شہیدوں کی قربانیاں کبھی رائیگاں نہیں جاتیں، پی پی پی کے شہیدوں کا لہو رنگ لائے گا-
حلقہ پی پی 214 پیپلز پارٹی سے ایم پی اے کے امیدوار ناظم ملتان سٹی زون زاہد خان کے اعزاز میں شارجہ میں عشائیہ-
دبئی (طاہر منیر طاہر) پاکستان پیپلز پارٹی یو اے ای کے رہنما سمیع اللہ خان اخون خیل کی قیادت میں خیبر پختون خوا پیپلز پارٹی کے جیالوں کی طرف سے حلقہ پی پی 214 پیپلز پارٹی ایم پی اے کے امیدوار ناظم ملتان سٹی زون زاہد خان کے اعزاز میں شارجہ کے مقامی ریسٹورنٹ میں عشائیہ کا اہتمام کیا گیا- مہمان خصوصی پاکستان سے ائے ہوئے ناظم سٹی زون زاہد خان اور دیگر میزبان سمیع اللہ خان اخون خیل اور برادر اللہ خان نے پھولوں سے شاندار استقبال کیا اور خوش امدید کہا تقریب کا اغاز تلاوت کلام پاک سے کیا گیا- اسٹیج سیکرٹری کےفرائض نیاز سانگلہ نے انجام دیے- اس موقع پر میاں منیر ہانس، زاہدہ ملک اعوان قیصر افریدی، ذوالفقار مغل، نثار خٹک اور حافظ ارشد نے مہمان خصوصی زاہد خان کو ویلکم کیا اور پیپلز پارٹی کے بانی قائد اور شہداء کو خراج تحسین پیش کیا- زاہد خان نے کہا انشاءاللہ ائندہ الیکشن میں پیپلز پارٹی دو تہائی اکثریت سے حکومت بنائے گی اور وزیراعظم بلاول بھٹو زرداری ہوں گے- انہوں نے کہا کہ شہیدوں کی قربانیاں کبھی رائیگاں نہیں جاتیں- پیپلز پارٹی ہی پاکستان کی واحد جماعت ہے جو پاکستان کو بحرانوں سے نکال سکتی ہے- تقریب میں پختون خوا کے جیالوں نے کثیر تعداد میں شرکت کی- اس موقع پر سمیع اللہ خان کی طرف سے مہمان خصوصی کو تحائف پیش کئے گئے- سمیع اللہ خان اور برادر اللہ خان نے تمام حاضرین کا شکریہ ادا کیا اور پر تکلف ڈنر سے مہمانوں کی تواضع کی.

متحدہ عرب امارات کے ویزہ سے متعلق نیا فراڈ سامنے آگیا

متحدہ عرب امارات کے ویزہ سے متعلق نئے فراڈ میں جعلسازوں کی جانب سے صارفین کا ڈیٹا چوری کرنے اور رقم بٹورنے سے متعلق خبردار کردیا گیا۔
مقامی میڈیا کے مطابق متحدہ عرب امارات میں ویزہ کے لیے درخواست دینے والے مسافروں کو خبردارکیا گیا ہےکہ وہ لوگوں کو رقم بھیجنے کے لیے دھوکہ دینے کی کوشش کرنے والے جعلسازوں کے بڑھتے ہوئے خطرے کی وجہ سے چوکس اورمحتاط رہیں۔
یو اے ای سمیت دنیا بھر کے بہت سے ممالک کے لیے ویزہ خدمات کی سہولت فراہم کرنے والی کمپنی وی ایف ایس گلوبل نے ذاتی تفصیلات چوری کرنے اور مسافروں سے رقم بھیجنے کے لیے دھوکہ دہی کرنے والوں کے خلاف ایک ایڈوائزری جاری کی ہے۔
بتایا گیا ہےکہ کمپنی نے 68 حکومتوں کے ساتھ شراکت داری کی ہے،جو145 ممالک میں 3,300 سے زیادہ درخواست مراکز کے ساتھ ایک عالمی نیٹ ورک چلاتی ہے، اس نے 2001ءمیں اپنے قیام کے بعد سے اب تک 264 ملین سے زیادہ ویزہ درخواستوں پر کارروائی کی ہے، یہ صرف اپنی کلائنٹ حکومتوں کے لیے درخواستوں، پاسپورٹوں اور قونصلرخدمات سے متعلق غیرفیصلہ کن اورانتظامی کاموں کا انتظام کرتی ہے، جس سے وہ پوری طرح سے اہم تشخیصی کام پر توجہ مرکوزکرسکتے ہیں۔

یو اے ای نے وفاقی ملازمین کے لیے چار نئے ورک پرمٹ متعارف کرا دئیے

متحدہ عرب امارات نے 4 نئے ورک پرمٹس کا اعلان کردیا۔
خلیجی میڈیا کے مطابق متحدہ عرب امارات کی حکومت نے ملک میں وفاقی ملازمین کے لیے چار درج ذیل نئے ورک پرمٹ متعارف کرائے ہیں؛
(1) سائٹ پر کام، جس میں ہیڈ کوارٹر یا دفتر سے کام کرنا شامل ہے
(2) ملک کے اندر دور دراز کا کام
(3) ’کمپریسڈ ورک ویک‘ جس میں روزانہ کام کے اوقات زیادہ ہوتے ہیں
(4) ہائبرڈ کام، جو سائٹ پر اور دور دراز کے کام کو یکجا کرتا ہے
خلیجی میڈیا کے مطابق متحدہ عرب امارات نے پچھلے سال نئے لیبر قانون کی منظوری دی تھی جس میں کام کے یہ لچکدار نمونے متعارف کرائے گئے تھے تاکہ آپریشنل اخراجات کو کم کیا جا سکے اورملازمین کی پیداواری صلاحیت میں اضافہ ہوسکے۔
نئے ضوابط میں معاہدہ کرنے کے لیے عمومی رہنما خطوط کی وضاحت کی گئی، عارضی معاہدوں کے علاوہ کسی بھی ملازمت کے پیٹرن کے لیے زیادہ سے زیادہ معاہدے کی مدت ملازم کی کارکردگی کی بنیاد پر تین سال قابل تجدید ہے،عارضی معاہدوں کی مدت ایک سال سے کم ہوتی ہے،معاہدے کی اصل مدت آجر کے ذریعہ طے کی جاتی ہے۔
ضوابط میں اس بات پر بھی زور دیا گیا ہے کہ وفاقی اداروں میں کسی بھی خالی اسامی پر ملک کے شہریوں کو تقرریوں میں ترجیح دی جاتی ہے اگر کوئی امیدوار خالی جگہ کے تقاضوں کو پورا نہ کرتا ہو تو غیرملکیوں کو مقرر کیا جا سکتا ہے،ضابطے وفاقی حکومت میں ریٹائرڈ فوجی اور سویلین اہلکاروں کی تقرری کی بھی اجازت دیتے ہیں جو ملک کے شہری ہیں۔

دبئی میں کریم مفت بائیک سواری

عالمی یومِ ماحولیات کی مناسبت سے 10 جون کو دبئی میں کریم کی بائیک کی سواری لامحدود استعمال کے لیے مفت دستیاب ہوگی۔

امارت دبئی کی روڈز اور ٹرانسپورٹ اتھارٹی (آر ٹی اے) کے اشتراک سے کائناتی توانائی پر مبنی بائیک کی سواری آیندہ ہفتے کے روز 24 گھنٹے کے لیے صارفین کو مفت دستیاب ہوگی۔

کریم کا کوئی بھی صارف شہر بھر کے 186 ڈاکنگ اسٹیشنوں میں سے کسی ایک سے 45 منٹ تک استعمال کے لیے دوپہیّے کی سواری حاصل کرسکتا ہے۔

ماحولیات کا عالمی دن 5 جون کو منایا گیا ہے جبکہ ایپ کے ذریعے سفری خدمات مہیا کرنے والی کمپنی اس موقع کو اختتام ہفتہ پر منائے گی۔آر ٹی اے نے ایک بیان میں کہا کہ یہ اقدام دبئی کو بائیک دوست شہر میں تبدیل کرنے کی حکومت کی ہدایات کی روشنی میں کیا جارہا ہے اور یہ نجی، سرکاری شراکت داری ( پبلک پرائیویٹ پارٹنرشپ ،پی پی پی) کا بہترین نمونہ ہے۔

یہ آر ٹی اے کی حکمت عملی اور اہداف کے عین مطابق ہے۔اس کا مقصد ماحولیاتی مسائل کے حل کے لیے کمیونٹی اقدامات متعارف کرانا اور اس ضمن میں پائیداری کے فریم ورک کے تحت قائدانہ کردار ادا کرنا ہے۔

دبئی میں ڈرائیونگ لائسنس بنوانے والے شہریوں کو بڑی سہولت دے دی گئی

دبئی کی روڈز اینڈ ٹرانسپورٹ اتھارٹی (آر ٹی اے) نے ڈرائیونگ لائسنس اور گاڑیوں کے رجسٹریشن کارڈ کی فراہمی کیلئے نئی سروس کا اعلان کردیا۔

اماراتی میڈیا کے مطابق دبئی کی روڈز اینڈ ٹرانسپورٹ اتھارٹی (آر ٹی اے) نے ڈرائیونگ لائسنس اور گاڑیوں کے رجسٹریشن کارڈ کی فراہمی کے لیے نئی خدمات کا اعلان کیا ہے، جس کے تحت اب یہ دستاویزات صرف 2 گھنٹے میں دبئی کے اندر اور اسی دن ابوظہبی اور شارجہ میں پہنچائی جا سکتی ہیں۔

س حوالے سے آر ٹی اے نے کہا ہے کہ بیرون ملک مقیم صارفین کو کنسائنمنٹس بھیجنے کے لیے ایک نئی سروس بھی شامل کی گئی ہے۔ اسی طرح دبئی میں ڈرائیونگ لائسنس کے حصول کے لیے کلاسز کے بغیر براہ راست ٹیسٹ دینے کے ’گولڈن چانس‘ اقدام کا بھی اعلان کردیا گیا ہے۔

دبئی کی روڈز اینڈ ٹرانسپورٹ اتھارٹی (آر ٹی اے) اب غیرمستثنیٰ ممالک سے آنے والوں کو ڈرائیونگ کے اسباق کو چھوڑنے اور سیدھے ٹیسٹ میں جانے کا موقع فراہم کر رہی ہے، بشرطیکہ ان کے پاس اپنے ملک کا پہلے سے ہی ایک درست لائسنس موجود ہو۔

نئے فیچر کو ’گولڈن چانس‘ کہا جاتا ہے جواس سال 1 اپریل سےنافذ العمل ہوا ہے،نیا گولڈن چانس اقدام ایسے رہائشیوں کو اجازت دیتا ہے جو ڈرائیونگ ٹیسٹ سے مستثنیٰ ممالک سے تعلق نہیں رکھتے،اس اقدام کے تحت اب انہیں کلاسوں کو چھوڑنے اوریو اے ای کے بہت زیادہ مانگ والے لائسنس کے حصول کے لئے ڈائریکٹ ڈرائیونگ ٹیسٹ کی سہولت میسر آئی ہے۔

بتایا گیا ہےکہ گولڈن چانس اقدام کے لیےدرخواست دینے کے لیےآپ اپنے قریبی ڈرائیونگ سنٹر پرجا سکتے ہیں،اس میں آنے والے اخراجات کی حد ڈرائیونگ اسکول کی بنیاد پرہوگی، تاہم اس کے لیے تقریباً 2 ہزار 200 درہم تک اخراجات ہونے کی توقع ہے۔

اگردرخواست دہندہ گولڈن چانس ڈائریکٹ ٹیسٹ میں ناکام ہوجاتا ہے تو پھر روایتی طریقہ کار کے تحت اسے باقاعدہ کلاسز کے لیے داخلہ لینا پڑے گا۔

آرمی چیف جنرل عاصم منیر کا یو اے ای کے صدر شیخ محمد بن زید سے رابطہ

راولپنڈی: آرمی چیف جنرل عاصم عاصم منیر اور یو اے ای کے صدر کے درمیان ٹیلی فونک رابطہ ہوا۔

پاک فوج کے شعبہ تعلقات عامہ (آئی ایس پی آر) کے مطابق آرمی چیف جنرل عاصم منیر اور متحدہ عرب امارات کے صدر شیخ محمد بن زید کے درمیان ٹیلی فونک رابطہ ہوا جس میں دوطرفہ دفاعی تعلقات اور فوجی تعاون پر تبادلہ خیال کیاگیا۔

آئی ایس پی آر کے مطابق آرمی چیف جنرل عاصم منیر اوریواے ای صدر کے درمیان دوطرفہ تعاون بڑھانے پربھی اتفاق کیا گیا۔

Weekly Jazbainternational 12-04-2023

برج خلیفہ: ایک ہی عمارت میں روزہ افطار کرنے کیلئے مختلف اوقات کیوں؟

متحدہ عرب امارات میں واقع دنیا کی بلند ترین عمارت برج خلیفہ کے رہائشی ایک ہی عمارت میں رہتے ہوئے بھی مختلف اوقات پر روزہ افطار کرتے ہیں۔ 
دبئی کے اعلیٰ عالم دین محمد القبائیسی کے مطابق، برج خلیفہ اتنی اونچی عمارت ہے کہ اس کی 150 ویں منزل سے اوپر رہنے والے روزہ کھولنے کے لیے دیگر لوگوں کے مقابلے میں 3 منٹ جبکہ 80 ویں منزل سے اوپر رہنے والوں کو 2 منٹ زیادہ انتظار کرنا پڑتا ہے۔
 اس کی وجہ یہ ہے کہ اس عمارت کی اوپر کی منزلوں میں رہنے والے لوگ زمین پر رہنے والوں سے زیادہ دیر تک سورج کو دیکھ سکتے ہیں۔
واضح رہے کہ دنیا کی اس بلند ترین عمارت میں 160 قابلِ رہائش منزلیں ہیں۔

*پاکستان سوشل سنٹر شارجہ کی طرف سے 100 سے زائد خاندانوں میں رمضان پیکیج کی تقسیم-*
*چوہدری خالد حسین، صدر پاکستان سوشل سنٹر شارجہ نے راشن بیگز خود تقسیم کئے-*
*دوسروں کو اپنی خوشیوں میں شامل کرکے اور مستحق افراد کی مدد کر کے قرب الہیٰ حاصل کیا جاسکتا ہے-*  
------------------
دبئی (طاہر منیر طاہر)  پاکستان سوشل سنٹر شارجہ کی طرف سے رمضان المبارک کے مقدس مہینے میں مستحقین میں مفت راشن کی تقسیم کی گئی ۔ 100 سے زائد خاندانوں میں رمضان پیکیج کی تقسیم ان مستحق افراد میں کی گئی جنہوں نے خود کی پاکستان سوشل سنٹر شاجہ میں رجسٹریشن کروائی تھی، صدر شارجہ سوشل سنٹر چوہدری خالد حسین نے مستحق افراد میں رمضان پیکیج تقسیم کئے- اس موقع پر صدر پاکستان سوشل سنٹر شارجہ چوہدری خالد حسین نے بتایا کہ ہمارے سینٹر میں 100 سے زائد فیملیز نے رجسٹریشن کرائی اور ہماری کوشش یہی ہے کہ تمام مستحق افراد کو رمضان پیکیج دیا جائے اس ضمن میں شارجہ سینٹر عجمان اور شارجہ میں بسنے والے مستحقین کو رمضان پیکیج دے رہا ہے رمضان پیکیج کی تقسیم ماہ مقدس کے درمیان جاری رہے گی اور دیگر درخواستوں پر بھی غور و خوض کر کے ان کی رجسٹریشنکے بعد  شارجہ سنٹر کیطرف سے رمضان پیکیج دے دیا جائے گا- چوہدری خالد حسین نے کہا کہ رمضان پیکیج کی تقسیم اللہ کی خوشنودی کیلئے کر رہے ہیں اور کوشش ہے کہ شارجہ اور عجمان میں بسںے والے مستحق افراد کو اشیائے ضروریہ کے بیگ دیے جائیں تاکہ ان کا رمضان کا مہینہ آسانی سے گذر سکے انہوں نے کہا کہ دوسروں کو اپنی خوشیوں میں شامل کرے اور مستحق افراد کی مدد کر کے قرب الہیٰ حاصل کیا جاسکتا ہے رمضان پیکیج میں اشیائے ضروریہ شامل ہیں جو مستحق افراد کو دی جا رہی ہیں-

*امارات کاروبار کے لیے دنیا کا بہترین ملک ہےجہاں آپ قوانین کی پاسداری کرتے ہوئے  آزادانہ کاروبار کر سکتے ہیں۔*
*انٹیرئیرکمپنی PZA Interiors کے اونر جعفرعباس کی جانب سے دبئی میں کاروباری برادری کے اعزاز میں افطارڈنر کا اہتمام۔*
*تقریب کے مہمانِ خصوصی ڈپٹی قونصلر جنرل رحیم اللہ خان  اور ہیڈ آف ایڈوائزری شیخ ماجد راشد المعلا آفس حذیفہ ابراہیم تھے۔*
--------------------
دبئی (طاہر منیر طاہر) انٹیرئیرکمپنی PZA Interiors کے اونر جعفرعباس کی جانب سے دبئی میں کاروباری برادری کے اعزاز میں افطارڈنر کا اہتمام کیا جس میں پاکستانی کمیونٹی کے لوگوں نے شرکت کی- تقریب کے مہمانِ خصوصی ڈپٹی قونصلر جنرل رحیم اللہ خان، ہیڈ آف ایڈوائزری شیخ ماجد راشد المعلا آفس حذیفہ ابراہیم تھے۔ تقریب میں صدر پی ٹی آئی ابو ظہبی محمد ثقلین مہرو، معروف بزنس مین اختر حسین بوٹو، راجہ محمد عثمان، انجینئر فیصل حیات سمیت پاکستانی، ہندوستانی، عربی اور یوروپین ممالک سے تعلق رکھنے والی کاروباری شخصیات نے افطار ڈنر میں شرکت کی۔ حذیفہ ابراہیم نے گفتگو کرتے ہوئے کہا کہ امارات کاروبار کے لیے دنیا کا بہترین ملک ہے اور آپ قوانین کی پاسداری کرتے ہوئے یہاں آزادانہ کاروبار کر سکتے ہیں۔ شرکا نے امارات میں بہتر کاروباری ماحول پر گفتگو کرتے ہوئے اماراتی حکومت کا شکریہ ادا کیا کہ انہوں نے یہاں بہترین کاروباری ماحول فراہم کیا ہے اور ساری دنیا سے سرمایہ کار آ کر یہاں کاروبار کر رہے ہیں۔ میزبان جعفر عباس نے شرکائے تقریب  کا شکریہ ادا کیا اور اس عزم کا اظہار کیا کہ وہ امارات میں انٹیرئیر کی فیلڈ میں اپنی پیشہ ورانہ مہارت کے ساتھ امارات کی معیشت میں مثبت کردار ادا کرتے رہیں گے۔

Weekly Jazbainternational 

دبئی میں مڈلینڈ ڈاکٹرز کی سماجی خدمات کے حوالے سے تعارفی تقریب کا انعقاد

دبئی (طاہر منیر طاہر) دبئی کےایک ہوٹل میں ’’دا مڈ لینڈ ڈاکٹرز‘‘ کی سماجی خدمات کے حوالے سے پروقار تعارفی تقریب کا انعقاد کیا گیا، تقریب کےمہمان خصوصی ہیڈ آف چانسری دبئی قونصلیٹ رحیم اللہ خان تھے۔ تقریب میں مڈ لینڈ ڈاکٹرز کی جانب سے کئے جانےوالے فلاحی کاموں اور سماجی خدمات کا احاطہ کیا گیا۔تقریب میں یواے ای میں مقیم، بزنس کمیونٹی اور طبی شعبہ سے تعلق رکھنے والی نمایاں شخصیات پاکستان ایسوسی ایشن دبئی کے صدر ڈاکٹر فیصل اکرام ، شبیر مرچنٹ ، رضوان فینسی ، آئی سی سی کے جی ایم وسیم خان اور ڈاکٹر نگہت آفتاب نے شرکت کی۔تقریب کے میزبان ڈاکٹر تزئین فیصل اور فیصل نعمانی تھے۔ چیئرمین ٹرسٹیز ڈاکٹر سید یوسف افتخار، وائس چیئرمین ڈاکٹر جاوید احمد رضا کی سربراہی میں انسانی ہمدردی کی کوششوں کے معیارکو سراہا گیا۔ دی میڈ لینڈ ڈاکٹرز کی بنیاد (2005 کے تباہ کن زلزلےکے بعد) برطانوی پاکستانی ڈاکٹروں کے ایک گروپ نے رکھی تھی جو یوکے میں چیریٹی کمیشن میں رجسٹرڈ ہے۔متحدہ عرب امارات میں تنظیم کا دفتر 2018 میں دبئی میں قائم کیا گیا جو دبئی کے انٹرنیشنل ہیومینٹیرین سٹی میں ڈاکٹر اسرار راشد کے زیر انتظام کام کر رہا ہے،تنظیم کی ایدھی فاؤنڈیشن، ڈبلیو ایچ او، ایس او ایس، ریڈ فاؤنڈیشن اور اے پی این اے (ایسوسی ایشن آف پاکستانی فزیشنز آف نارتھ امریکہ) کے ساتھ قریبی شراکت داری ہے۔تنظیم کے زیر اہتمام آزاد کشمیر میں مڈ لینڈ ڈاکٹرز میڈیکل انسٹی ٹیوٹ کے ذریعے پاکستان کے مختلف علاقوں میں غریبوں اور ضرورت مندوں کو صحت کی دیکھ بھال کی خدمات فراہم کی جا رہی ہیں۔تقریب میں لوگوں کی تفریح طبع کے لئے موسیقی کا اہتمام بھی کیا گیا تھا جس میں ممتاز وائلن استاد رئیس کے بیٹے عثمان رئیس اور ان کے بینڈ کے اراکین اقبال علی، اقتدار علی اور فرحان میتھیو کی خوبصورت پرفارمنس نے سامعین کو بہت محظوظ کیا۔

Weekly JAZBAINTERNATIONAL  23-03-22